Author: Shukra

संवाददाता

साउदी अरब |रियाद स्थित नेपाली दुताबास रियादले नेपाल सरकारको सहजिकरणमा हुँदै आएको चार्टर्ड उडान बाट नेपाल जानै पर्ने नेपाली यात्रुहरूको नामावली सार्वजनिक गरेको छ। दुताबासले नेपाल सरकारले तय गरिएको प्राथमिकताका आधारमा आधारित नेपाल फर्कनै पर्ने अवस्थामा रहेको ५७० जना नेपालीहरूको नामावली सार्वजनिक गरेको छ।
दुताबासले जारी गरेको सुचना र नामावलीको पूर्ण पाठ:

हिमालय एयरलाइन्सको साउदी अरबको दमामबाट यही मिति २६ र २७ जुन २०२० मा दमामबाट काठमाडौँ उडान हुने भएको छ । उक्त उडानबाट स्वदेश फर्कने नेपालीहरुको सूचि नेपाल सरकारले निर्धारण गरेको प्रथमिकताका आधारमा राजदूतावासद्वारा तयार गरी हिमालय एयरलाईन्सको दम्मामस्थित कार्यलयमा पठाइएको छ ।उक्त सूचि यसै सूचनामा समेत संलग्न छ । सम्पुर्ण यात्रुहरुले कोभिड-१९ नेगेटिभको प्रमाणपत्र साथैमा राख्नुपर्ने छ ।
हवाई भाडा दर: अमेरिकी डलर 465 (साउदी रियाल करिब १७४४.००)
हवाई टिकटको लागि हिमालय एयरलाईन्सको दम्मामस्थित प्रतिनिधि श्री सुवास तिमिल्सिना, टेलिफोन नं +00966 598400198 मा सम्पर्क गरी टिकट बुकिङ गरेपछि मात्र कोभिड-१९ टेष्ट गर्नुहोला । अन्य विषयमा कुनै सहयोग आवश्यक भएमा यस राजदूतावासका जनसम्पर्क अधिकारी श्री हरि घिमिरे (Mob. No. 0500081536) लाई सम्पर्क गर्नुहुन समेत अनुरोध छ।

COVID-19 को परीक्षण सकभर आफ्नो कम्पनीमार्फत् गर्ने व्यवस्था गर्नुहुन अनुरोध छ । सो सम्भव नहुनेहरुले आफूलाई थाहा भएको वा पायक पर्ने स्थानमा परीक्षण गर्नुहुन र सो समेत सम्भव नभएमा परीक्षणका लागि निम्न स्थानमा सम्पर्क गर्नु हुन अनुरोध छ ।

Dammam

Health Care Polyclinic (CR No. 2050110244)
सेको गार्डेन संगै

Jubail

Gulf Asian Medical Center
(Department of Laboratory Medicine)

Address: King Abdulaziz Road,

1. • यस अघि मिति २०७७ असार १ र ३ गते हिमालय एयरलाईन्सलाई पठाइएको पहिलो र दोस्रो सूचिमा बाँकी रहेकाहरुले समेत टिकटका लागि एयरलाईन्सको माथिको ठेगानामा सम्पर्क गर्नुहोला ।
2. • भिजिट भिषा र Re-Entry भिषाको अवधि सकिएकाले भिषा नवीकरण गर्नुहोला ।
3. • यात्रुले निर्धारित उडान समय तालिकाभन्दा ४ घन्टा अगावै विमानस्थलमा उपस्थित हुनुपर्ने छ ।
4. • स्वदेश फर्किने सबैजनाले काठमाडौँ विमानस्थलमा कोरोना संक्रमण नियन्त्रण सम्बन्धी नेपाल सरकारले निर्धारण गरेको क्वारेनटाईन लगायत सम्पूर्ण प्रावधानहरु पालना गर्नेछु भनी कागजातमा हस्ताक्षर गर्नुपर्ने छ ।

यासमिन बेगम सैयद

साउदी अरब | बिश्वव्यापी महामारी कोविड 19 को कारण आफ्नो रोजीरोटी गुमाएका, हातमुख जोड्न धौ धौ परी स्वदेश फर्किँन बाध्य हुनु परेको पीडा आफैँमा दर्दनाक छ। यसै क्रममा सरकार प्रति चौतर्फी दवाव बढ्दै गए पछी लामो समय पश्चात् विभिन्न सहयोगी हातहरूको अथक प्रयासका कारण आफ्नो देश फर्किन पाएका हाम्रा दिदि बहिनीलाई आफनै देशमा किन अमानवीय व्यवहारको सामना गर्नू पर्ने ?

विषम परिस्थितिमा आफ्नो देश, घर, गाउँ अनि समाज सम्म पुग्न यत्रो संघर्ष गर्नुपर्ने ? कोरोना एक बाट अर्को सार्न सक्ने क्षमता १०-२० प्रतिशत व्यक्तिमा मात्र हुन्छ भन्ने कुरा वैज्ञानिक रूपमा प्रमाणित हुँदा पनि अछूत सरह ब्यवहार किन गरिने ? ढुंगेयुगमा नगरिएको ब्यवहार एकाईसौँ शताब्दीको शिक्षित नेपाली समाजले गर्दैगर्दा यसबाट भावी मानव समाजमा कस्तो संदेश जान्छ ?
नेपाल सरकारको सहजिकरण नाममा के पाएका छन् त रेमिट्यान्स् भित्राएर देशको अर्थव्यवस्थाको खम्बा बनेका नेपाली युवा/यूवतीहरूले? मात्र लामो समय सम्म निरीह बनी स्वदेश फर्किने प्रतीक्षामा बस्नु पर्ने मात्र नभई चर्को हवाईभाडाको मार, नेपालमा उनीहरूलाई हेर्ने पाशुवत दृष्टिकोण अनि मानसिक पीडा।

एका तिर बैदेशिक रोजगारीको क्रममा विशेषगरी मध्यपूर्ब बाट फर्किएका महिलाहरू प्रतिको दुर्व्यवहार त अर्को तिर क्वारेन्टाईन भित्र नै महिला माथी सामूहिक बलात्कारको दुष्प्रयास गर्नु । कतै प्रवास बाट फर्किएका गर्भवति महिलाहरू पानी सम्म पिउन नपाएको खबरले जो कोहीलाई मर्माहत बनाएको छ।

कोविड 19 को संक्रमणको पीडामा रहेका आप्रवासी नेपाली नागरिकको सहयोगका निमित्त NRNA ICC -NCC , नेपाली दूतावास , विभिन्न स्थापित संघ संस्था तथा ब्यक्तिगत सहयोग सबैको एकिकृत प्रयासले ति युवा/यूवतीहरू स्वदेश फर्किए भनेर सन्तोषको सास फेर्न नपाउँदै विभिन्न दुःखद ह्रदयविदारक घटनाक्रमले विकराल समस्या सृजना हुने संभावित प्रारूप देखिन थालेको छ।

यस जटिल घडीमा नेपाल फर्किएका गर्भवति महिलाहरूलाई उहाँहरूको नजिक पायक पर्ने ठाउँको सरकारी हस्पिटल वा स्वास्थ्य केन्द्रमा सुरक्षित प्रसुती अधिकारको सुनिश्चिततालाई मध्यनजर गर्दै ती महिलाहरूलाई सम्मानजनक निशुल्क सेवासुविधा दिनु पर्ने बिषयमा नेपाल सरकारको गम्भीर ध्यानाकर्षण गराउँदै महिला अधिकारकर्मी अनि सम्बन्धित सरोकारवाला निकायहरू संग मेरो अनुरोध छ ।

मध्यपूर्वका विभिन्न राष्ट्रहरूमा आएका महिलाहरू जो आफ्नै व्यक्तिगत कारणले नेपाल फर्किन बाध्य हुनु पर्यो जस्को पिडा उनीहरू स्वयंलाई छ। जसलाई आधार बनाएर नकारात्मक टिकाटिप्पणी गर्नू , आधारहीन संगिन आरोप लगाउँदै चरित्रहत्या गर्नू , सहयोगको साटो मानसिक रूपमा बिक्षिप्त हुने गरी सामाजिक संजालमा तथानामको शब्दावलीले प्रहार गर्दै उपेक्षित लान्छाना लगाउनु , तथ्यहिन समाचार सम्प्रेषण हुँदा पिडित मात्र नभई मध्यपूर्वमा बस्ने सम्पूर्ण हामी जस्ता संघसंस्थामा आवद्ध भई सामाजिक सेवामा अग्रसर भएका महिलाहरूको प्रतिष्ठामा समेत आघात पुगेको मैले महसुश गरेकी छू।

तसर्थ फराकिलो सोच राखी सकारात्मक सेवा तथा सदभाव देखाउनु हुन सम्पूर्णमा आग्रह गर्दछु ।

यासमिन बेगम सैयद
NRNA ICC

रुपक लामिछाने

काठमाडौँ | २० जुन २०२० का दिन गैरआवासीय नेपाली संघले २५०० Covid-19 Detection PCR Test Kit र २५०० RNA Extraction Kit सुदुर पश्चिम प्रदेशका लागि नेपाल सरकार स्वास्थ्य मन्त्रालयलाई हस्तान्तरण गरेको छ । उक्त सामाग्रीहरु गैरआवासीय नेपाली संघका कार्यकारी निर्देशक राजेश राणाले स्वास्थ्य सेवा बिभागका महानिर्देशक डा. दिपेन्द्र रमण सिंहको रोहवरमा उद्योग वाणिज्य तथा आपूर्ति मन्त्री लेखराज भट्टलाई हस्तान्तरण गरेका छन् ।

मन्त्री भट्टले गैरआवासीय नेपाली संघबाट प्राप्त सामाग्रीहरुमा सरकारका तर्फबाट थप किट थपेर आइतबारसम्म सुदूरपश्चिम पठाउने जानकारी दिएका छन् ।

गैरआवासीय नेपाली संघका अध्यक्ष कुमार पन्तका अनुसार सुदूरपश्चिममा भारतबाट ठूलो संख्याका नेपाली भित्रिए पनि परीक्षण हुन नपाई लामो समय क्वारेन्टिनमै कष्टपूर्ण तवरले बस्नुपरे पछि संघले सो सहयोग गरेको हो भने कोरोना परिक्षणको लागि सुदुर पश्चिम प्रदेशले किटको अभाव समेत झेल्नुपरेको अवस्थामा थियो ।

पन्तका अनुसार संघले सुदूरपश्चिमका पहाडी जिल्लालाई लक्षित गरी डडेल्धुरामा स्थापना गर्न लागिएको पीसीआर प्रयोगशालामा गैरआवासीय नेपालीको सहयोग रहने भएको छ ।

गैरआवासीय नेपाली संघका पूर्व कोषाध्यक्ष हिक्मत थापाको सकृयतामा गैरआवासीय नेपाली संघले सुदूरपश्चिम प्रदेशका लागि उद्योग वाणिज्य तथा आपूर्ति मन्त्री लेखराज भट्टमार्फत २ हजार ५ सय Covid-19 Detection PCR Test Kit र सोही संख्यामा RNA Extraction Kit हस्तान्तरण गरेको हो ।

शुक्र मोक्तान

बह्राईन मनामा | बह्राईनमा कोरोना प्रकोपको कारण रोजगारी गुमाएका र अध्ययनरत क्षिक्षालय बन्द हुँदा अन्तर्राष्ट्रिय सबै उडान बन्दका कारण नेपाल फर्किन नपाएका मध्ये बह्राईन सरकार द्वारा आममाफी दिएका १७ जना सहित १ सय ५१ जना नेपाली नागरिक नेवानिको चार्टर विमान बाट २२ जुन २०२० का दिन नेपाल फर्किएका छन्। उक्त विमानमा नेपाल फर्किएका यात्रु संगै विभिन्न कारणले बह्राईनमा मृत्यु भएको ७ नेपाली श्रमिक मध्ये ३ जनाको शव पनि नेपाली दुताबास मनामाले नेपाल पठाएको छ।

वैदेशिक रोजगार बोर्डको सचिवालयले सार्वजनिक गरेको तथ्यांक अनुसार अन्त्येष्टिको अनुमति पाएका ३ वटा शव बह्राईनमा रहेको थियो भने दुताबासले उक्त ३ वटै शव नेवानिको पहिलो उडानमै नेपाल पाठाएको छ।
एनआरएनए एनसिसी बह्राईनका अनुसार बह्राईनमा विभिन्न कारणले मृत्यु भएका ७ जना मध्ये ३ वटा बह्राईनमा नै अन्त्येष्टि गर्न अनुमती प्राप्त भएको र ३ वटा नेपाल पुगेको छ भने कागजी काम पुरा गरी नेपाल पठाउनु पर्ने एक जनाको शव मात्र बह्राईनमा रहेको छ ।

“कोरोना भाइरसको विश्वव्यापी संक्रमणबाट उत्पन्न असहज परिस्थितिमा स्वदेश आउनै पर्ने अवस्थामा रहेका नेपाली नागरिकलाई स्वदेश आउन सहजीकरण गर्ने सम्बन्धी आदेश २०७७” अनुसार तयार गरिएको प्राथमिकताको आधारमा आधारित पहिलो चरणमा नेपाल फर्किनै पर्नेमा परराष्ट्र मन्त्रालयले सार्वजनिक गरेको तथ्यांक अनुसार पहिलो चरणको सहजिकरणको उडान बाट नेपाल फर्किनु पर्ने नेपाली नागरिकहरू बह्राईनमा ३ सय ७२ जना रहेको तथ्यांक सार्वजनिक भएको थियो भने नेपाली दुताबास मनामाले पहिलो सुचनामा २ सय ५६ जना र दोस्रो सुचनामा पहिलो सुचनालाई पनि समेट्दै २ सय ९१ जनाको नामावली सार्वजनिक गरिसकेको छ। नेवानिले बाँकी यात्रुको निमित्त बह्राईनको लागी अर्को उडान यही २५ जुनमा गर्ने बताईएको छ।

संवाददाता

साउदी अरब | नेपाली दुताबास रियादका अनुसार दूतावासले साउदी आवासीय अनुमतिपत्र (अकामा) नबनाईएका वा नवीकरण नगरिएका कारण स्वदेश फर्कन चाहेर पनि जान नसकेका नेपाली श्रमिकहरूलाई स्वदेश फर्काउन आवश्यक वहिर्गमन भिषा (Exit Visa) सहज र शिघ्र रुपमा प्रदान गर्ने व्यवस्थाका लागि साउदी सरकारलाई अनुरोध गरेकोमा साउदी सरकारले वहिर्गमन भीषा प्रदान गर्ने प्रकृयाको थालनी गरेको छ । वहिर्गमन भीषाका लागि राजदूतावासले विभिन्न समयमा सम्बन्धित नेपालीहरुबाट संकलन गरेका विवरण साउदी सरकारलाई उपलव्ध गराएको भएता पनि कोरोना संक्रमणका कारण अवरूद्ध यो प्रकृया क्रमशः शुरु भैरहेको छ ।

दुताबासले भनेको छ “उक्त प्रकृयाको थालनी स्वरुप साउदी सरकारले हालसम्म ७४ जना नेपालीहरुलाई बहिर्गमन भीषा जारी गरेको छ । यसरी भीसा लागेकाहरु भीषा लागेको मितिले ६० दिनभित्र आफ्नो खर्चमा स्वदेश फर्किसक्नु पर्ने छ ।” स्वदेश फर्कने उडान र मिति आदिका बारेमा दुताबासले छिट्टै सम्बन्धित सबैलाई जानकारी गराइने भएको छ ।

दुताबासले जारी गरेको सुचानामा बहिर्गमन भीषाका लागि आवेदन दिएका र दिन बाँकी रहेकाहरुका लागि समय समयमा सूचना जारी गरी जानकारी गराइने भएकोले धैर्य गरी बस्न अनुरोध गरेको छ।
दुताबासको सुचना र वहिर्गमन भिषा प्राप्त गरेका नेपाली श्रमिकहरूको नामावली पूर्ण पाठ:

शुक्र मोक्तान

साउदी अरब| साउदी अरबमा बहिर्गमन भिषा लिईसकेका नेपाली श्रमिकहरू विगत लामो समय देखी विश्व व्यापी कोरोना भाईरसको कारण उत्पन्न महामारीले गर्दा नेपाल जान नपाई विभिन्न प्रकारको समस्याको सामाना गरीरहेका मध्ये नेपाल सरकारले तय गरिएको प्राथमिकताको आधार अनुसार प्राथमिकतामा परेको ३३ सय १३ जना मध्ये २० जुन २०२० मा नेवानिको उडान मार्फत साउदी अरबको राजधानी रियाद बाट १ बालक र दुताबास रियादको सेल्टरमा आश्रय लिएर बसेको ४ महिला सहित २४७ जना नेपालीहरू स्वदेश फर्किएका छन् (१८ जुन २०२० का दिन हिमालय एयरको उडान मार्फत १५३ जना साउदीको दम्माम बाट फर्किसकेको छ https://himalayandristi.com/?p=9457 ) ।

नेपाल फर्किनै पर्ने नेपाली श्रमिकहरू संगै नेवानिको उक्त विमानमा साउदी अरबमा विभिन्न कारणले मृत्यु भएका र त्यसमध्ये दुताबासले एनओसी प्रमाणपत्र जारी गरेका मध्ये कम्तिमा ४ वटा शवहरू नेपाल पठाउने दुताबासको तयारी रहे तापनि एउटा पनि शव नेवानिको विमानमा नेपाल पठाउन सकिएन । नेपाली दुताबास रियादका अनुसार उडान समयावधि एकदमै छोटो र साप्तान्तको(सरकारी कार्यलय बन्द) समय पर्न गएको कारण उडान सम्बन्धि अन्तिम तथा महत्वपूर्ण कागजी काम पुरा गर्न नसक्दा शवहरू पठाउन नसकिएको बताईएको छ।

वैदेशिक रोजगार बोर्डको सचिवालयले २० जुन २०२० शनिवारका दिन सार्वजनिक गरेको तथ्यांक अनुसार साउदी अरबमा विभिन्न कारणले मृत्यु भएको श्रमिकको ९८ वटा शव रहेको बताए पनि नेपाली दुताबास रियादको निगरानीमा दश दर्जन भन्दा बढी शवहरू रहेको बुझ्नमा आएको छ जस मध्ये २४ वटा शवको लागी एनओसी जारी भईसकेको छ भने हिमालय एयरको उडान बाट गत १८ जुनमा १ वटा शव नेपाल पुगिएको छ। बाँकी रहेको मृतकको कागजी कामकार्वाही जारी छ भने प्राप्त जानकारी अनुसार जस मध्ये ५ वटा शव अवैध श्रमिकको रहेको बुझिएको छ । साथै विभिन्न स्रोत बाट प्राप्त सुचना अनुसार करिब डेड् दर्जन भन्दा बढी नेपालीको कोरोना संक्रमण बाट मृत्यु भएको बुझिएको छ। उक्त सुचनालाई आधिकारीक निकाय बाट पुष्टि सहित सुचाना सार्वजनिक भएको छैन।विशेष स्रोत बाट प्राप्त जानकारी अनुसार कोरोना संक्रमण बाट मृत्यु भएको मध्ये करिब एक दर्जन शवहरू साउदी अरबमा नै अन्त्येष्टि गर्ने अनुमती समेत प्राप्त भईसकेको बुझिएको छ ।

“कोरोना भाइरसको विश्वव्यापी संक्रमणबाट उत्पन्न असहज परिस्थितिमा स्वदेश आउनै पर्ने अवस्थामा रहेका नेपाली नागरिकलाई स्वदेश आउन सहजीकरण गर्ने सम्बन्धी आदेश २०७७” अनुसार साउदी अरबमा असहज अवस्थामा रहेका नेपाली नागरिकलाई नेपाल फर्काउन नेपाल सरकारले सहजिकरण गरिएको उक्त रियाद बाट हुने उडानको लागी नेपाली दुताबास रियादले ४४५ जनाको नामावली सार्वजनिक गरेको थियो। तथापी नेवानिको २७४ जना यात्रु क्षमता रहेको विमान मार्फत २४७ जना मात्र स्वदेश फर्किएको हो भने अन्य बाँकी यात्रुको लागी २६ जुन २०२० मा पुन: रियाद बाट नेवानिको अर्को उडान हुने एयरलाइन्स प्रतिनिधि सुरेश राज त्रिपाठीले बताएका छन्।

त्रिपाठीका अनुसार २० जुनको उडानको लागी २६४ थान टिकट बिक्री गर्ने अनुमती पाएकोमा २५९ थान टिकट बिक्री गरिएको र बोर्डिंग पास २५० जनाले मात्र लिएको र त्यस माध्ये पनि ३ जनाको कागजात तथा कानुनी अड्चनका कारण विमान स्थल बाट फर्किएको छन्। उनले टिकट लिएर पनि उडान भर्न नपाएका श्रमिकहरूको टिकट वापतको रकम फिर्ता गरिने जनाएको छ।
उक्त नेवानिको उडान बाट स्वदेश फर्किँदै गरेको नेपाली नागरिकलाई बिदाई गर्न नेपाली दुताबास रियादका राजदुत प्रा.डा. महेन्द्र सिंह राजपुत, नियोग उपप्रमुख दिलिप पौड्याल, द्वितीय सचिव भरत खनाल लगायत दुताबासका अन्य पदाधिकारीहरू विमान स्थल पुगेका थिए । गैर आवसिय नेपाली संघको निरन्तर समन्वय र नेपाली नियोगहरूको पहलमा नेपाल सरकारले श्रमिक स्वयंले सम्पूर्ण खर्च व्यहोर्ने गरी उक्त उडानको सहजीकरण गरेका थिए।