नमस्ते आधुनिक लघुकथा मञ्च, चितवनले आफ्नो आठौँ वार्षिकोत्सवको अवसर वरिष्ठ साहित्यकार एवम् अग्रज लघुकथा स्रष्टा महेश प्रसाईंलाई ‘विजय स्मृति अग्रज लघुकथा- स्रष्टा सम्मान- २०८३’ समर्पण गर्ने भएको छ। मञ्चले आफ्नो आधिकारिक फेसबुक पेजमार्फत उक्त कुराको जानकारी गराएको हो ।
कीर्तिशेष वरिष्ठ साहित्यकार विजय चालिसेज्यूको स्मृतिमा मञ्चले २०८२ सालमा यस सम्मानको स्थापना गरेको हो ।
आगामी कार्तिक महिनामा चितवनमा आयोजना गरिने ‘दोस्रो लघुकथा साहित्यिक महोत्सव-२०८३’मा नगद रू.११,१११/- (एघार हजार एकसय एघार रुपैयाँ) सहित सम्मान पत्र (ताम्र-पत्रमा) समर्पण गरिने मञ्चले जनाएको छ।
नमस्ते आधुनिक लघुकथा मञ्च, चितवनले आफ्नो आठौँ वार्षिकोत्सवको अवसर प्रा.डा. कृष्णहरि बराल र प्रा.डा. देवी नेपाललाई अभिनन्दन- २०८३ द्वारा अभिनन्दन गर्ने भएको छ। प्रत्येक वर्ष नेपाली साहित्यमा विशिष्ट योगदान दिनुहुने स्रष्टाहरूलाई अभिनन्दन गर्दै आएको मञ्चले यसवर्ष उहाँहरूलाई गर्न लागेको कुरा मञ्चले आफ्नो आधिकारिक फेसबुक पेजमार्फत जानकारी गराएको छ ।
लामाे समयदेखि आख्यान अनुसन्धान तथा समालाेचना एवम् साहित्यका विभिन्न विधा तथा उपविधामा साधनारत रही नेपाली साहित्यमा अतुलनीय याेगदान पुर्याए वापत वरिष्ठ साहित्यकार प्रा.डा. कृष्णहरि बराल र प्रा.डा. देवी नेपाललाई ‘आख्यान अनुसन्धान तथा समालोचना पुरुष’ले अभिनन्दन गर्न लागेको जनाएको छ । साथै उक्त अभिनन्दन संस्थाद्वारा आगामी कार्तिक महिनामा राप्ती नगरपालिका, चितवनमा आयोजना गर्ने ‘दोस्रो लघुकथा साहित्यिक महोत्सव-२०८३’ कार्यक्रममा प्रदान गरिने पनि जनाएको छ ।
अभिनन्दित व्यक्तित्वहरूलाई दोसल्ला, माला, ताम्र-पत्रमा अभिनन्दन-पत्रका साथै रू. ११,१११/-(एघार हजार एक सय एघार) नगद सहितविशिष्ट अभिनन्दन गरिने संस्थाले जनाएको छ।
घाेराही, जेठ ३१। साहित्यकार माधवप्रसाद न्यौपानेद्वारा लिखित ‘मनका उद्गार’ कृतिको विमोचन तथा समीक्षा कार्यक्रम आइतबार नेपाल पत्रकार महासंघ दाङ शाखाको सभाहलमा भव्य रूपमा सम्पन्न भएको छ। राप्ती साहित्य परिषद् जिल्ला शाखा दाङका अध्यक्ष यम रेग्मीको अध्यक्षता तथा वरिष्ठ साहित्यकार एवं पत्रकार नारायणप्रसाद शर्माको प्रमुख आतिथ्यमा सम्पन्न कार्यक्रममा पुरुषोत्तम खनाल, उत्तमकृष्ण मजगैँया र प्रा. डा. लेखनाथ आचार्य विशिष्ट अतिथिका रूपमा सहभागी रहेका थिए।
कार्यक्रममा प्रमुख अतिथि नारायणप्रसाद शर्मा, विशिष्ट अतिथिहरू तथा अन्य अतिथिहरूले संयुक्त रूपमा कृतिको विमोचन गरेका थिए। कार्यक्रमको प्रमुख आकर्षणका रूपमा रहेको कृतिको समीक्षा साहित्यकार पदमप्रसाद शर्माले प्रस्तुत गरेका थिए।
कृतिको समीक्षा गर्दै साहित्यकार पदमप्रसाद शर्माले ‘मनका उद्गार’ केवल एउटा पुस्तक मात्र नभई लेखकको जीवनभोगाइ, पारिवारिक इतिहास, वंशपरम्परा, सामाजिक अनुभव र भावनात्मक अभिव्यक्तिको दस्तावेज भएको बताए। उनले पुस्तकको शीर्षकदेखि संरचना, आवरण र विषयवस्तुसम्मले पाठकलाई आकर्षित गर्ने उल्लेख गर्दै यस कृतिले लेखकको मनभित्रका अनुभूति, स्मृति र जीवनदर्शनलाई शब्दमार्फत अभिव्यक्त गरेको धारणा राखे।
उनले कृति दुई खण्डमा विभाजित रहेको जानकारी दिँदै पहिलो खण्डमा धौलु वंशको इतिहास, पिता बलभद्र उपाध्यायको जीवनी, मावली पक्षको परिचय तथा वंशवृक्षसम्बन्धी सामग्री समेटिएको बताए। दोस्रो खण्डमा समावेश २५ वटा कविताले पारिवारिक मूल्य, मातृभूमिप्रेम, प्रकृतिप्रेम, शिक्षा, राष्ट्रियता, स्वाभिमान, सामाजिक उत्तरदायित्व तथा मानवीय संवेदनाका विविध पक्ष उजागर गरेको उनको भनाइ थियो।
समीक्षक शर्माले लेखक माधवप्रसाद न्यौपानेलाई कर्मशील, निष्ठावान, साहसी र समाजप्रति उत्तरदायी व्यक्तित्वका रूपमा चित्रण गर्दै शिक्षण, सामाजिक आन्दोलन तथा राजनीतिक चेतनाको क्षेत्रमा उनले पुर्याएको योगदानको समेत चर्चा गरे। उनले पुस्तकलाई लेखकको मात्र नभई समग्र परिवार, आफन्तजन तथा लेखकलाई चिन्ने सबै व्यक्तिहरूको साझा अनुभूति र भावनाको अभिलेखका रूपमा व्याख्या गरे।
कार्यक्रममा आफ्नो धारणा राख्दै कृतिकार माधवप्रसाद न्यौपानेले पुस्तक प्रकाशनमा प्रत्यक्ष तथा अप्रत्यक्ष रूपमा सहयोग, प्रेरणा र हौसला प्रदान गर्ने सबैप्रति हार्दिक आभार व्यक्त गरे। उनले आफ्ना दिवंगत पिता–माताप्रतिको श्रद्धा, सम्मान र भावनात्मक सम्बन्ध नै पुस्तक लेखनको मुख्य प्रेरणा बनेको बताए।
उनले साहित्य, भाषा र संस्कृतिको महत्वबारे चर्चा गर्दै शिक्षा, ज्ञान, अध्ययन, चिन्तन र विश्लेषणबाट मात्रै व्यक्तिको बौद्धिक तथा नैतिक विकास सम्भव हुने धारणा व्यक्त गरे। आफ्नो जीवनका अनुभव, पारिवारिक इतिहास, सामाजिक गतिविधि तथा मनका भावनालाई समेटेर कृति तयार गरिएको उल्लेख गर्दै पुस्तकलाई आफ्ना पिता–माताप्रति समर्पित गरेको बताए।
प्रमुख अतिथि वरिष्ठ साहित्यकार नारायणप्रसाद शर्माले पूर्वीय सभ्यताको मूल आधार नै पुर्खा, परिवार र संस्कृतिप्रतिको सम्मान भएको उल्लेख गर्दै ‘मनका उद्गार’ ले त्यसै मूल्यलाई जीवन्त रूपमा प्रस्तुत गरेको बताए। उनले भौतिक विकाससँगै मानवीय मूल्य, नैतिकता र पारिवारिक सम्बन्धलाई जोगाउनुपर्ने आवश्यकता औँल्याउँदै यस्ता कृतिहरूले समाजलाई सकारात्मक दिशातर्फ डोर्याउने विश्वास व्यक्त गरे।
उनले माधवप्रसाद न्यौपानेले आफ्नो परिवार, समाज, शिक्षण पेशा, सामाजिक योगदान र जीवनका विविध पक्षलाई समेटेर नयाँ पुस्तालाई प्रेरणा दिने काम गरेको बताए। परम्परागत मूल्य र आधुनिक सोचको सन्तुलन कायम गर्दै उन्नत समाज निर्माणमा साहित्यको महत्वपूर्ण भूमिका रहने उनको भनाइ थियो।
कार्यक्रमका सभाध्यक्ष तथा राप्ती साहित्य परिषद् जिल्ला शाखा दाङका अध्यक्ष यम रेग्मीले परिषद्ले नियमित रूपमा एकल रचना वाचन, कृति विमोचन, पुस्तक समीक्षा, छन्द संरक्षण तथा विभिन्न साहित्यिक कार्यक्रम सञ्चालन गर्दै आएको जानकारी दिए। साहित्यिक सृजनालाई प्रोत्साहन गर्ने, नयाँ प्रतिभालाई अवसर प्रदान गर्ने तथा साहित्यिक वातावरण सुदृढ बनाउने उद्देश्यका साथ परिषद् निरन्तर सक्रिय रहेको उनले बताए।
कार्यक्रममा बाेल्दै अन्य वक्ताहरूले ‘मनका उद्गार’ कृतिले परिवार, पुर्खा, संस्कार, शिक्षा र सामाजिक मूल्यलाई जीवन्त रूपमा प्रस्तुत गरेको बताए। कृतिले लेखक माधवप्रसाद न्यौपानेका जीवनअनुभव र भावनालाई समेट्दै नयाँ पुस्तालाई सकारात्मक सन्देश दिएको उल्लेख गर्दै वक्ताहरूले लेखकलाई बधाई तथा आगामी साहित्यिक यात्राको सफलताको शुभकामना व्यक्त गरेका थिए।
कार्यक्रममा साहित्यकार, पत्रकार, शिक्षक, समाजसेवी, लेखकका आफन्तजन तथा विभिन्न क्षेत्रका व्यक्तित्वहरूको उल्लेखनीय उपस्थिति रहेको थियो।
राप्ती साहित्य परिषद् दाङ शाखाका उपाध्यक्ष सुरेश कुमार पाण्डेको स्वागत मन्तव्यबाट सुरु भएको कार्यक्रमको सञ्चालन परिषद्की कोषाध्यक्ष सुशीला आचार्यले गर्नुभएको थियो।
“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: एकसयनब्बेऔं अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा अनुरोध छ। अभ्यास पाठशालाको अभ्यास शृङ्खला दर्ता पछिको भाग :-१९०———-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८२/०२/१८
पञ्चाङ्ग वा समपञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
भवानी घिमिरे
पशपती राई
सङ्कलक :-
———-
दुर्गा रिजाल आचार्य
संयोजक:-
=====
पञ्चाङ्ग साहित्य समाज नेपाल ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग::०१
सुन्दर संसार सजाउन मन छ
नराम्रोको पाता बजाउन मन छ
बाहिर आफू राम्रो देखिन खोज्नेको,
दिमागको गिदी भजाउन मन छ
सदैव काममा कजाउन मन छ।
-सुशीला पौडेल
पञ्चाङ्ग:०३
जीवन जिउन घाँस दाउरा गर्नु पर्छ सानू
मेलाे अघि बढ्न त! अर्मपर्म भर्नु पर्छ सानू
स्वाभिमानमा बाँच्नलाई त!कर्ममा जम्नु साथी
खुसी साट्न जीवन सम्झाैतामा सर्नु पर्छ सानू
दु:खसुख सिक्काकाे दुई पाटा हर्नु पर्छ सानू । -प्रद्युम्न चालिसे भक्तपुर कठुञ्जे ।
पञ्चाङ्ग:०३ जिन्दगीमा कुनै बेला गल्ती हुँदोरहेछ रोजगारी छैन रित्तो खल्ती हुँदोरहेछ खान लाउन पाए मात्र धर्मकर्म हुने, गोजीभरि हुँदा मान्छे चल्ती हुँदोरहेछ विनाधन मुटु मन जल्ती हुँदोरहेछ । गुणनिधि घिमिरे पाँचथर खान्द्रोङ्ग हालः- अमेरिका
पञ्चाङ्ग-०५ बजार जति नै ठुलो होस् साँचो माया कहिल्यै बिक्न सक्दैन हृदयमा बसिसकेपछि माया जो कसैले झिक्न सक्दैन पाउनको लागि होइन समर्पणको लागि गरिन्छ माया, सम्झौतामा गरिएको माया केही छिन पनि टिक्न सक्दैन साँचो माया गर्न नजान्नेले जिन्दगी कहिल्यै सिक्न सक्दैन।
“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयएकान्नौमा हामी पुगेका छौं। लेख्नु पर्ने पञ्चाङ्ग सङ्ख्या :- ०१
मिति:- २०८३/०२/२१
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १५२[एकसयबाउनौं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग आइतबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]
~~~~~
पञ्चाङ्ग::०१
धरतीमा रङ्गीन फूल फुलेको छ
सबैको खुसी त्यतैतिर झुलेको छ
सुन्दर बिहानी घामले ल्यायो खुसी,
खुसीले गर्दा दुःख जति भुलेको छ
सुन्दर दृश्यले अशान्ति घुलेको छ।
-सुशीला पौडेल
पञ्चाङ्ग:०२ प्रकृतिमा फुलेको फूल देखे माहुरी हुन्छ दङ्ग साथी हिमालयबाट आएका दुई नदि मिलेर सङ्ग साथी सृष्टि विचित्रको छ एउटै बगैँचमा फूल रङ्गिचङ्गी, फूल जति सुन्दर त्यति नै चाँडो रूप हुन्छ भङ्ग साथी जीवमा श्रेष्ठ मनुष्यले कदापि गर्न हुन्न जङ्ग साथी । प्रद्युम्न चालिसे भक्तपुर कटुञ्जे ।
पञ्चाङ्ग::०३ रङ्गिन फूलमा बस्न मन छ काम गर्दै घुँडा धस्न मन छ हेर्दै सुन्दर लाग्ने फूल कस्तो, स्वच्छ फूल लिन पस्न मन छ फूलको बीचमा खस्न मन छ। -ह्यारिस
पञ्चाङ्ग-०४ फूल पनि मुस्कुराउदै छ तिम्रो जवानी देखेर सुवास छर्दै हावामा तिम्रो चंचले बानी देखेर जवानी भन्दा पनि झन् जवानीको हेराई राम्रो अरे, लट्ठियो ऊ नशाले झैं तिम्रो आँखाको नानी देखेर अर्पित भो तिमीमा अपार मायाको खानी देखेर । -पशपती राई खोटाङ ।
पञ्चाङ्ग-०५ फूलै फूलको बारी छ हिउँ पहाड पारी छ सुन्दर छ देश मेरो, कर्मठ हात नारी छ विशाल छ यो भारी छ। -भवानी घिमिरे ( सद्भावना ) सर्लाही ।
“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयपचासौंमा हामी पुगेका छौं। लेख्नु पर्ने पञ्चाङ्ग सङ्ख्या :- ०१
मिति:- २०८३/०२/०७
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १५०[एकसयपचासौं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग आइतबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]
~~~~~ पञ्चाङ्ग::०१ पानी बढेर आउँदा डुङ्गा चढेर आउँदा कति रमाइलो भयो, कुरा गढेर आउँदा स्कुल पढेर आउँदा 🌹
-गुणनिधि घिमिरे पाँचथर खान्द्रोङ्ग हालः- अमेरिका।
पञ्चाङ्ग:०:२ हरियाे पहाड तल ताल छ लहरसँगै आउने छाल छ सुन्दर लाग्दछ प्रकृति हाम्रो, यहाँ त डुङ्गाहरूकाे चाल छ सुन्दर दृश्यकाे मीठो जाल छ। -सुशीला पौडेल। पञ्चाङ्ग:०३ पानी माझ तैरिएकाे डुङ्गा छ हरियालीमा फूलकाे थुङ्गा छ अनुपम रुप छ प्रकृतिकाे पहाडकाे काेख भित्र ढुङ्गा छ अगालाेमा बुट्यानकाे जुङ्गा छ। -ह्यारिस
पञ्चाङ्ग-०४ डुङ्गा जस्तै हो जीवन कहिले कता कहिले कता हेलिन्छ हेर भावको सागरमा रमाउँदै अभावसित कति खेलिन्छ हेर हाँसोको बहनाले खियाउदै आँसुको ताल पार लगाउनु छ, किनारा लाउन नसक्दा कहिलेकाहीँ कतिचोटी ठेलिन्छ हेर सुखदुःख प्रकृतिको नियम हो घामपानी कति झेलिन्छ हेर। -पशपती राई खोटाङ ।
पञ्चाङ्ग:०५ नेपालकाे पाेखरा साँच्चिकै सुन्दरताकाे खानी हजुर जताततै ताल देखिन्छ स्वच्छ हिमालको पानी हजुर विश्वमा माेहनि लगायाे पाेखराकाे प्राकृतिक छटाले हिमशृङ्खला अद्भुतछन् गुफा प्रकृतिको रानी हजुर बाह्य र आन्तरिक पर्यटकलाई ल्याउछ तानी हजुर । प्रधुम्न चालिसे
“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: एकसयअठासीऔं अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा अनुरोध छ। अभ्यास पाठशालाको अभ्यास शृङ्खला दर्ता पछिको भाग :-१८८———-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८२/०२/०४
पञ्चाङ्ग वा समपञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
भवानी घिमिरे
पशपती राई
सङ्कलक :-
———-
दुर्गा रिजाल आचार्य
संयोजक:-
=====
पञ्चाङ्ग साहित्य समाज नेपाल ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
तिम्रो साहारा बनी आउँछु म प्रिय
पीडामा नि सम्झेर धाउँछु म प्रिय
तन टाढा भए नि मन टाढा छैन,
प्रेमील गीत सधैं गाउँछु म प्रिय
मनमा तिमीलाई पाउँछु म प्रिय।
-सुशीला पौडेल।
पञ्चाङ्ग:०२
म पनि तिमीलाई सजाउँछु प्रिय
म पनि तिमीलाई नचाउँछु प्रिय
दुई ज्यान एक मुटु भै हामीले ,
कति खेर म आफै लजाउँछु प्रिय
भावनामा बहेर कजाउँछु प्रिय ।
Madhusudan Prasad Ghimire
👉🏻पञ्चाङ्ग:०३
नयन नयनको कुरा मनमा गाँसिँदै गयो
मौन भावनाको डोरी चुपचाप बाँधिँदै गयो
ओठले केही नबोले पनि प्रेम बोलिरहन्छ,
हेराहेरमै जिन्दगानीको अर्थ साँचिँदै गयो
यसै उसै जीवनको लामो बाटो नाघिँदै गयो ।
✍️अच्युत घिमिरे, सर्पाङ, भुटान🇧🇹
पञ्चाङ्ग-०४ यै देशको माटो बनाउनु छ हामीले नेपाली हौं भन्ने जनाउनु छ हामीले गौरवान्वित हुँदै बाचौंला हुन्न हामी, यै देशको माटो खनाउनुछ हामीले परदेशीलाई तनाउनु छ हामीले ।
-दुर्गा रिजाल आचार्य
पञ्चाङ्ग:०५ तिम्रो जीवनमा आउन मन छ तिम्रै पछि पछि धाउन मन छ जिन्दगी सजाउनको लागि सधैं, तिमीलाई साथ पाउन मन छ साथ रही गीत गाउन मन छ। -ह्यारिस।
पञ्चाङ्ग:०६
सत्य त! सधैँ उज्यालो हुन्छ मित्र जनताकाे मनलाई छुन्छ मित्र अवरोध आफैँ निस्किनेछ अनि, समयले सबै कुरा धुन्छ मित्र अपराध गर्ने आफैँ रुन्छ मित्र ।
प्रद्युम्न चालिसे भक्तपुर कटुञ्जे ।
पञ्चाङ्ग-०७ आफू जलेर संसारलाई जलाउँछ अहंकार अमृत घडामा विष रोपी फलाउँछ अहंकार हामी भित्र पनि यौटा रावण पक्कै छ त्यसैले त , रामको विवेक बारबार छलाउँछ अहंकार जतिपल्ट काट्यो उतिपल्ट पलाउँछ अहंकार । -पशपती राई खोटाङ ।
लुम्बिनी प्रदेश सरकार, स्वास्थ्य मन्त्रालय, स्वास्थ्य निर्देशनालय, प्रादेशिक आयुर्वेद चिकित्सालय बिजौरी, दाङको आयोजनामा आज शनिबार एकदिने मलद्वारसम्बन्धि नि:शुल्क विशेषज्ञ आयुर्वेद स्वास्थ्य शिविर गढवा गाउँपालिका वडा नम्बर ७ स्थित श्री जनता माध्यमिक विद्यालय देउखुरी दाङमा सम्पन्न भएको छ । उक्त कार्यक्रमको उद्घाटन लुम्बिनी प्रदेशका पूर्व मन्त्री एवम् कार्यक्रमका प्रमुख अतिथि इन्द्रजित थारुले गर्नुभएको थियोे ।
प्रादेशिक आयुर्वेद चिकित्सालय, अस्पताल विकास समितिका अध्यक्ष श्री हिम बहादुर डाँगीज्यूको अध्यक्षतामा सम्पन्न कार्यक्रममा गढवा गाउँपालिका अध्यक्ष यमनारायण शर्मा पोख्रेल, प्रादेशिक आयुर्वेद चिकित्सालयका निमित्त निर्देशक डा. प्रवेश श्रीवास्तव, क.कौमारभृत्य चिकित्सक डा. अर्जुनराज शर्मा, स्वास्थ्य निर्देशनालय क.आ.विज्ञ डा. विभाकर ठाकुर, ने.सं.वि.का उपप्राध्यापक एवम् क.शल्य चिकित्सक डा. कृष्ण ज्ञवाली, प्रदेश अस्पताल सुर्खेतका क.शल्य चिकित्सक डा. सरोजमणि पौडेल, क.शल्य चिकित्सक डा.वर्षा पौडेल, राप्ती आयुर्वेद चिकित्सालय, तुलसीपुर दाङका प्रमुख डा. मदन कुमार वि.सी., गढवा गाउँपालिका–६ का वडाध्यक्ष वीरबहादुर आले मगर, जनता माध्यमिक विद्यालय व्यवस्थापन समितिका अध्यक्ष गणेशकुमार कुमाल, प्रधानाध्यापक रामसुरत यादव, गढवा गाउँपालिका स्वास्थ्य शाखा प्रमुख कैलाशचन्द्र चौधरी, गढवा स्वास्थ्य चौकी प्रमुख सूर्यनारायण यादव, रेडियो साझा आवाजका प्रवन्ध निर्देशक दुखहरण यादव लगायत चिकित्सालयका चिकित्सक, स्वास्थ्यकर्मी एवम् कर्मचारीहरूको सहभागिता रहेको थियो।
पाइल्स, फिसर, फिस्टुला दिसामा रगत आउने, चिलाउने, पोल्ने लगायतका मलद्वारसम्बन्धी समस्याहरू (Anorectal Problems) द्वारा पीडित २०५ जना सेवाग्राहीहरूको स्वास्थ्य परीक्षण, परामर्श र उपचार गरिएको थियोे । जसमध्ये ८६ जना पुरुष र १ सय १९ जना महिला रहेका थिए । त्यसैगरी ४१ जना सेवाग्राहीहरूलाई आवश्यक शल्यक्रियाका लागि परामर्श सेवा प्रदान गरिएको थियो ।
कार्यक्रममा बिरामीहरूको नि:शुल्क रक्तपरिक्षण गरिनुका साथै नि:शुल्क औषधि वितरण गरिएको थियोे ।
उक्त कार्यक्रमको सञ्चालन प्रादेशिक आयुर्वेद चिकित्सालयका वरिष्ठ अधिकृत एवम् सूचना अधिकारी बसन्त बहादुर के.सी.ले गर्नुभएको थियो ।
१५ जेठ, काठमाडौँ नेपाल प्रज्ञा प्रतिष्ठानको पारिजात प्रवचन कक्षमा आज पुस्तक विमोचन एवम् झिल्का वाचन कार्यक्रम सम्पन्न भएको छ। झिल्का साहित्य समाज नेपालको आयोजनामा भएको उक्त कार्यक्रममा कार्यक्रमका प्रमुख अतिथि एवम् नेपाल प्रज्ञा प्रतिष्ठानका निवर्तमान सदस्य सचिव डा. धनप्रसाद सुवेदी र साहित्यकार वसन्त अनुभवले संयुक्त रूपमा विमोचन गर्नुभएको थियोे ।
झिल्का साहित्य समाज नेपालका अध्यक्ष एवम् झिल्का प्रवर्तक वसन्त अनुभवको अध्यक्षतामा भएको उक्त कार्यक्रममा नवीनतम् काव्यिक विधा झिल्का कविताका ३ वटा पुस्तकहरू विमोचन भएका थिए। विमोचित पुस्तकहरूमा नेपाल, भारत लगायत विश्वका विभिन्न मुलुकहरूमा रहनुभएका ८३ जना नेपाली भाषी झिल्काकारहरूको संयुक्त झिल्का कवितासङ्ग्रह ‘आवाज’, झिल्काकार वसन्त अनुभवको एकल झिल्का कवितासङ्ग्रह ‘अनुभव’ र झिल्काकार सुरेशकुमार पाण्डेको झिल्का कवितासङ्ग्रह ‘आँगन’ रहेका छन्।
विमोचित कृतिहरूमध्ये ‘अनुभव’को समीक्षा समीक्षक प्रमोद नेपालले, ‘आँगन’को समीक्षा समीक्षक अनुराग अरुणले र ‘आवाज’ संयुक्त झिल्का कवितासङ्ग्रहको समीक्षा समीक्षक अरुण बहादुर खत्री नदीले गर्नुभएको थियोे ।
कार्यक्रममा डा.धनप्रसाद सुवेदी, ललिता दोषी, घनश्याम पन्त, लता के.सी. त्रिचन्द्र श्रेष्ठ, कृतिकारका तर्फबाट सुरेशकुमार पाण्डेले मन्तव्य राख्नुभएको थियोे । उक्त अवसरमा झिल्काकार सुरेशकुमार पाण्डेलाई कृति निकाले वापत ‘झिल्का साहित्य समृद्धि सम्मान २०८३ बाट सम्मानित गरिएको थियो । त्यस्तै झिल्का कवितालाई पत्रिकामा प्रकाशित गरेर टेवा पुर्याए वापत झिल्का साहित्य सञ्चार समान २०८३ ‘द्वारा, अग्रिम साप्ताहिक र संसार न्युजलाई सम्मान गरिएको थियो ।
त्यस्तै आवाज झिल्का संयुक्त सङ्ग्रहमा समाविष्ट सबै सर्जकहरूलाई ‘झिल्काश्री साहित्य सम्मान २०८३ द्वारा सम्मानित गरिएको थियोे । साथै उक्त अवसर दुई दर्जन बढी अतिथिहरूलाई मायाको चिनो Token of Love प्रदान गरिएको थियो । पानसमा दीप प्रज्वलन गरी उद्घाटन गरिएको उक्त कार्यक्रममा झिल्काकार रामप्रसाद पुरीले सबै अथितिलाई स्वागत मन्तव्यद्वारा स्वागत गर्नुभएको थियो ।
कार्यक्रमको विशिष्ट अतिथिमा कवि एवम् साहित्यकार ललिता दोषी, हरिवन नगर वाङ्मय प्रतिष्ठानका कुलपति घनश्याम पन्त, हाम्रो लघुकथा केन्द्रकी संस्थापक अध्यक्ष लता के.सी. हुनुहुन्थ्यो भने विशेष अतिथिमा नेपाल हाइकु समाजका अध्यक्ष चेतनाथ धमला, टुक्का साहित्य समाजका कोषाध्यक्ष होम प्रसाद नेउपाने, पञ्चाङ्गकी प्रतिनिधि सुशीला पौडेल, लघुकथा संसार/कविता संसारका सम्पादक त्रिचन्द्र श्रेष्ठ, कपिल अज्ञात, यमुना प्रधानाङ्ग मुना, कर्ण दयाल ‘सोराडी’, शशीश्री आचार्य र अतिथिहरूमा कृष्ण कुमार वैद्य, राजेशराज गड्तौला, जयनारायण नेपाल, अर्जुनप्रसाद चौलागाईं, हरिगोपाल न्हुच्छेप्रधान, पुष्पा सुवेदी, रामप्रसाद पुरी, चुडामणि देवकोटा, कृष्ण बहादुर बजगाईँ, सन्दीप बि.क., सुरेशकुमार पाण्डे, रबिता महर्जन, प्रमोद नेपाल, पुष्पा राई, राजकुमार राजभण्डारी, होम प्रसाद नेउपाने, बेदु न्यौपाने, जमुना आचार्य कोइराला, दीपा गुरुङ समभाव, सरस्वती श्रेष्ठ, दीप गोले तामाङ, बसन्ता श्रेष्ठ, जगन्नाथ पोखरेल, माधवी, देवकी आचार्य, पुष्पा दाहाल, रमिला राई, ललिता गिरी, कल्पना भण्डारी, प्रदिप नेपाली, सन्तोष खत्री, हरि पथिक, बेद प्रसाद लामिछाने, रामचन्द्र दाहाल, देवकी गुरुङ, सन्त कुमारी गुरुङ, तीर्थराम डंगोल, इन्दिरा ढकाल, राजु तामाङ, शिशिर चालिसे, सुनिता अधिकारी, सागर महर्जन, सुर्य बहादुर सेन, दिवाकर देवकोटा, रश्मी रिमाल, युवराज सिंह, अच्युत अधिकारी लगायतका स्रष्टाहरू हुनुहुन्थ्यो। कार्यक्रममा घनश्याम पन्त, लता के.सी. सञ्जय सोती, अर्जुन प्रसाद चौलागाईँ, ईश्वर लामिछाने, सरस्वती श्रेष्ठ, नेत्र बहादुर श्रेष्ठ, रामप्रसाद पुरी, जमुना आचार्य कोइराला लगायतका स्रष्टाहरूले झिल्का कविता वाचन गर्नुभएको थियो । झिल्काकार दीपा गुरुङ समभावले कार्यक्रमको सञ्चालन गर्नुभएको कार्यक्रम ४ घण्टा बढी समयसम्म चलेको थियोे ।
जेठ १० दाङ दाङको घोराहीमा एक विशेष साहित्यिक समारोहका बीच साहित्यकार शरद गौतमद्वारा रचित मुक्तक सङ्ग्रह ‘भावनाका लहर’को भव्य रूपमा विमोचन गरिएको छ। राप्ती साहित्य परिषद्, जिल्ला शाखा दाङको आयोजनामा पत्रकार महासङ्घ दाङको सभाहलमा उक्त विमोचन समारोह सम्पन्न भएको हो। राप्ती साहित्य परिषद् दाङका अध्यक्ष यम रेग्मीको अध्यक्षतामा सम्पन्न उक्त कार्यक्रममा वरिष्ठ साहित्यकार उत्तमकृष्ण मजगैया प्रमुख अतिथिका रूपमा रहनुभएको थियो। कार्यक्रममा विशिष्ट अतिथिका रूपमा राप्ती साहित्य परिषद् केन्द्रका सल्लाहकार पुरुषोत्तम खनाल उपस्थित हुनुहुन्थ्यो।
विमोचित कृति ‘भावनाका लहर’ माथि टिप्पणी गर्दै प्रमुख समीक्षक डा. हिमलाल पन्थीले सङ्ग्रहभित्रका मुक्तकहरूले समसामयिक समाजको यथार्थ ऐना प्रस्तुत गरेको बताउनुभयो। समीक्षक डा. पन्थीले भन्नुभयो, “यी मुक्तकहरूमा सामाजिक विकृति र विसङ्गतिमाथि कडा प्रहार गरिएको छ। वर्तमान समयमा पारिवारिक विखण्डन र आध्यात्मिक चेतनाको कमीका कारण मानिसहरू कसरी मानसिक तनाव अवस्थासम्म पुगिरहेका छन् भन्ने कुरालाई यस कृतिले बडो मार्मिक ढङ्गबाट उजागर गरेको छ। लेखकले जीवनका आफ्ना भोगाइ र अनुभूतिहरूलाई सरल तर गम्भीर रूपमा समेट्नुभएको छ।”
कार्यक्रममा उपस्थित विभिन्न क्षेत्रका व्यक्तित्वहरूले कृतिको सफलता र स्रष्टाको साहित्यिक यात्राको निरन्तरताका लागि शुभकामना व्यक्त गर्नुभएको थियो । पत्रकारहरूको तर्फबाट राप्ती पोष्ट राष्ट्रिय दैनिकका प्रधान सम्पादक शरद अधिकारीले साहित्यकारहरूको तर्फबाट लेखक सङ्घ दाङका अध्यक्ष खगराज न्यौपानेले बधाई तथा शुभकामना व्यक्त गर्नुभएको थियो। त्यस्तै अन्य अतिथिहरू राप्ती साहित्य परिषद् केन्द्रका सल्लाहकार पदमप्रसाद शर्मा तथा नेपाल संस्कृत विश्वविद्यालय, संस्कृति विभागका प्रमुख डा. टीकाराम उदासीले कृतिको साहित्यिक मूल्य र समाजमा यसले दिने सकारात्मक सन्देशबारे चर्चा गर्नुभयो। संस्थाको तर्फबाटराप्ती साहित्य परिषद्का उपाध्यक्ष सुरेश कुमार पाण्डेले पनि स्वागत तथा शुभकामना मन्तव्य राख्नुभएको थियो। कार्यक्रमको समापन गर्दै अध्यक्ष यम रेग्मीले दाङको साहित्यिक श्रीवृद्धिमा शरद गौतमको यो कृतिले महत्त्वपूर्ण इँटा थपेको उल्लेख गर्नुभयो। कार्यक्रममा परिवारका तर्फबाट उमङ्ग अधिकारीले उपस्थित सबैलाई धन्यवाद ज्ञापन गर्नुभएको थियो भने कार्यक्रमको सञ्चालन संस्थाका सचिव घनश्याम केसीले गर्नुभएको थियो। उक्त विमोचन समारोहमा उल्लेख्य सङ्ख्यामा पत्रकार, साहित्यकार, साहित्य अनुरागी, शिक्षाप्रेमी, समाजसेवी तथा मानवअधिकारकर्मी लगायतको गरिमामय उपस्थिति रहेको थियो।
