कावासोती । भारतको उडिसास्थित कलिंग इन्स्टिच्युट अफ इन्डस्ट्रियल टेक्नोलोजी (केआईआईटी) मा अर्की एक नेपाली विद्यार्थीले आत्महत्या गरेको खबर आएको छ । विश्वविद्यालय प्रशासनलाई उद्धृत गर्दै नयाँ दिल्लीस्थित नेपाली दूतावासले घटनाको पुष्टि गरेको छ ।
बारा सिम्रौनगढकी एक छात्रा बिहीबार साँझ केआईआईटीको छात्रावास ‘क्विन्स क्यासल–४’ (क्यूसी–४) को चौथो तलमा रहेको आफ्नै कोठामा मृत अवस्थामा फेला परेकी हुन् । विश्वविद्यालयले नेपाली दूतावासलाई दिएको जानकारी अनुसार अहिले प्रहरीले घटनास्थल नियन्त्रणमा लिएको छ ।
‘करिब साढे ७ बजे नियमित जाँचको क्रममा उनले ढोका नखोलेपछि बलपूर्वक भित्र पसेर हेर्दा उनी मृत भेटिएकी थिइन्,’ नेपाली दूतावासमा कार्यरत नेपाल प्रहरीका एसएसपी सन्जिव शर्माले भने, ‘विश्वविद्यालयको इन्टरनेसनल रिलेसन डिपार्टमेन्टले दूतावसलाई प्रारम्भिक विवरण जानकारी गराएको छ । थप बुझ्ने प्रयास भइरहेको छ ।’
यही विश्विवद्यालयमा अध्ययनरत रुपन्देहीकी प्रकृति लम्साल गत फागुन ४ मा छात्रावासमा मृत भेटिएकी थिइन् ।
उमेश कुशवाहा पर्सा – बिरगंज महानगरपालिका –११ श्रीपुरमा रहेको अल्पाइन माध्यमिक बिद्यालयमा अध्ययनरत १२ कक्षाका विद्यार्थीहरुलाई बिदाई गरिएको छ । अल्पाइनमा अध्ययनरत ११ कक्षाका विद्यार्थीहरुद्वारा भिस्वा होटलमा एक कार्यक्रमका बीच १२ कक्षाका विद्यार्थीहरुलाई बिदाई गरिएको हो ।
विद्यालयमा अध्ययनरत कक्षा ११ का छात्र तथा विद्यालयका प्रधानाध्यापक, शिक्षक-शिक्षिका अतिथिगणको उपस्थितमा शिक्षकहरुले राम्रा र नराम्रा पक्षलाई विद्यालयले ग्रहण गर्दै आगामी दिनमा विद्यालयलाई थप व्यवस्थित र शैक्षिक गुणस्तरीयमा नयाँ ढंगले अगाडि बढाउने बताउनुभयो ।
अल्पाइन स्कुलको छात्र अमेरिकाको भिसा प्राप्त गरेका विद्यार्थी, विभिन्न स्थानमा सम्पन्न क्रिकेट खेलमा उत्कृष्ट प्रदर्शन गर्दै विजयी भएका विद्यार्थी खेलाडीहरु तथा कक्षा ११ को त्रैमासिक परीक्षामा ए प्लस ग्रेड ल्याएका विद्यार्थीहरुलाई पनि सम्मान र पुरस्कृत गरिएको थियो ।
विद्यालयका संस्थापक बिनोद उपाध्याय विद्यालयले दिएको शिक्षा र असल संस्कृति जीवनको हरेक सफलताको आधार बनोस् समाजमा फरक भूमिका र उतरदायित्वमा उभिएको देख्न पाइयोस, संसारका कुनैपनि कुनामा पुगेपनि विद्यार्थीको सम्बन्ध रहिरहने भन्दै परीक्षामा सफलताको शुभकामना प्रकट गर्नुभयो।
विद्यालयका संस्थापक विनोद उपाध्याय, प्रधानाध्यापक विक्रम उपाध्याय, निर्देशक कौशल किशोर सिंह, विशाल उपाध्याय लगायत शिक्षक, शिक्षिका, विद्यार्थीहरुको सहभागिता रहेको थियो ।
विदाई कार्यक्रममा बिद्यार्थीहरुले बिभिन्न सांस्कृतीक कार्यक्रम समेत प्रस्तुत गरेका थिए ।
काठमाडौं । वैदेशिक रोजगारीमा जाने नेपालीको मृत्युको संख्या पछिल्ला वर्षमा बढ्दो छ । अझ बढ्दो छ, हार्ट अट्याक (हृदयघात), कार्डियक अरेस्ट र सुसाइड (आत्महत्या) बाट मृत्यु हुनेको संख्या । चालु आर्थिक वर्ष २०८१/८२ को पहिलो ६ महिनामा वैदेशिक रोजगारीका क्रममा विदेशी भूमिमा ७४० जना नेपालीको मृत्यु भइसकेको छ । तीमध्ये ६४५ जनाको मृत्यु कारण खुलिसकेको छ ।
वैदेशिक रोजगार बोर्डको सचिवालयको तथ्याङ्क अनुसार, २०८१ साउन १ गतेदेखि पुस मसान्तसम्मको अवधिमा हृदयघात, कार्डियक अरेस्ट र आत्महत्याका कारण ज्यान गुमाउनेको नेपालीको संख्या १४६ छ । उक्त अवधिमा हृदयघातका कारण ५३, कार्डियक अरेस्टका कारण २७ र आत्महत्याका कारण ६६ जना नेपालीको मृत्यु भएको छ । यो भनेको कारण खुलेका कुल मृत्युको २२.६३ प्रतिशतभन्दा बढी हो ।
चालु आर्थिक वर्षको पहिलो ६ महिनामा कारण खुलेका मृत्युमध्ये ८.२१ प्रतिशतको हृदयघात, ४.१८ प्रतिशतको कार्डियक अरेस्ट र १०.२३ प्रतिशतको आत्महत्याका कारण मृत्यु भएको देखिन्छ ।
वैदेशिक रोजगारीमा जाने अधिकांश युवा उमेरका छन् । उमेरका हिसाबले उनीहरूको मृत्यु नहुनुपर्ने हो । तर, जुन तथ्याङ्क बाहिर आइरहेको छ त्यो पत्यारिलो छैन ।
“एउटा कारण नेपालमाभन्दा धेरै बढी तापक्रममा (तातो) काम गर्नुपर्दा उनीहरूको शरीर त्यसअनुकुल हुन नसक्दा हृदयघात र कार्डिक अरेस्टको समस्या आएको हुनसक्छ । तर यो पनि त्यति ठूलो संख्यामा नहुनपर्ने हो, ।
‘नेपाल लेवर माइग्रेसन रिपोर्ट, २०२२’ वैदेशिक रोजगारीमा गएका नेपालीको मृत्युलाई अझ डरलाग्दो गरी चित्रण गरेको छ । प्रतिवेदनमा वैदेशिक रोजगारीका क्रममा १४ वर्षमा अर्थात् आर्थिक वर्ष २०६५/७६ देखि २०७८/७९ सम्म भएका मृत्यु र तिनको कारण खोजिएको छ ।
प्रतिवेदन अनुसार, २०७५ साउन १ गतेदेखि २०७९ असार मसान्तसम्मको १४ वर्षको अवधिमा वैदेशिक रोजगारीमा गएका १० हजार ६६६ जनाको मृत्यु भएको थियो । तीमध्ये ३ हजार ३९४ (३१.८२ प्रतिशत) जनाको मृत्युको कारण थियो, हृदयघात, कार्डियक अरेस्ट र आत्महत्या ।
उक्त १४ वर्षमा कार्डियक अरेस्टका कारण १ हजार ४७४ जना (१३.८१ प्रतिशत), हृदयघातका कारण ७३३ जना (६.८७ प्रतिशत) र आत्महत्याका कारण १ हजार १८७ जना (११.१२ प्रतिशत)को मृत्यु भएको प्रतिवेदनमा उल्लेख छ ।
आर्थिक वर्ष २०७६/७७ देखि २०७८/७९ सम्मको तीन वर्षको अवधिमा मलेसियामा आत्महत्याका कारण ८०, हृदयघातका कारण १४ र कार्डियक अरेस्टका कारण २२ जनाको मृत्यु भएको थियो ।
यस्तै, त्यही तीन वर्षमा साउदी अरबमा आत्महत्याका कारण ७८, हृदयघातका कारण २३ र कार्डियक अरेस्टका कारण २८ जना नेपालीले ज्यान गुमाएका थिए । कतारमा उक्त समयमा आत्महत्याका कारण ५५, हृदयघातका कारण ३५ र कार्डियक अरेस्टका कारण ३३ जना नेपालीको मृत्यु भएको थियो ।
उक्त अवधिमा युनाइटेडर अरब इमिरेट्स (यूएई)मा आत्महत्याका कारण ५८, हृदयघातका कारण २६ र कार्डियक अरेस्टका कारण ५० जना नेपालीले ज्यान गुमाएका थिए ।
नेपालबाट स्वस्थ्य गएको व्यक्ति विदेशमा गएको केही दिनमै आत्महत्या, कार्डियाक अरेस्ट र हृदयघातबाट मृत्यु हुनुलाई सामान्य रुपमा लिन नहुने धारणा वैदेशिक रोजगार विज्ञहरुको छ ।
काठमाडौं । त्रिभुवन अन्तर्राष्ट्रिय विमानस्थलको आगमन क्षेत्रमा मोरङका सञ्जय ओझामाथि अभद्र व्यवहार गर्ने प्रहरीमाथि छानबिन सुरु भएको छ । बुधबार विमानस्थलबाट उपत्यका प्रहरी कार्यालय रानीपोखरी तानेर उनीहरुमाथि छानबिन थालिएको हो ।
उपत्यका प्रहरी कार्यालय रानीपोखरीका एसएसपी शेखर खनालले विमानस्थलमा युवामाथि अभद्र व्यवहार गर्ने प्रहरी कर्मचारीलाई रानीपोखरी तानेर घटनाबारे छानबिन थालिएको भन्दै विज्ञप्ति नै जारी गरेका थिए ।
प्रहरी कर्मचारीले सञ्जय ओझामाथि अभद्र व्यवहार गर्दैै छलारपछार गरेको भिडिओ भाइरल भएपछि उपत्यका प्रहरीले भिडिओमा देखिएका तीनजना प्रहरी कर्मचारीलाई रानीपोखरी तानेको हो ।
एसएसपी खनालले जारी गरेको विज्ञप्तिमा भनिएको छ,‘‘२०८१ चैत ३१ मा स्वदेश फर्किरहेका एक युवामाथि त्रिभुवन विमानस्थल सुरक्षा कार्यलय गौचर काठमाडौंबाट खटिएको प्रहरी कर्मचारीले दुव्र्यवहार गरेको भन्ने भिडिओ विभिन्न सञ्चार माध्यमहरुमा प्रकाशन भएको सम्बन्धमा गम्भीर ध्यानाकर्षण भएको र छानविनकालागि३ जनाप्रहरी कर्मचारी विमानस्थलबाट तानेर रानीपोखरी झिकाइएको छ ।’’
त्यसरी प्रहरीबाट नै दुर्व्यवहारमा परेका युवा मोरङका सञ्जय ओझा दुवईबाट केही दिनको लागिमात्रै बिदामा नेपाल आएको खुलेको छ । ट्रली राखेको विषयमा भएको सामान्य विवादपछि आफूमाथि दुर्व्यवहार भएको सञ्जयले बताएका छन् ।
भएको के हो ?
करिब २ मिनेटको भिडिओ हेर्दा विमानस्थलमा खटिएका प्रहरीले सञ्जयमाथि दुर्व्यवहार गरेको देखिन्छ । तीनजना प्रहरी कर्मचारीमध्ये एकजना ट्राफिक प्रहरी देखिन्छन् । प्रहरी हवल्दारसहितका तीन प्रहरीले उनलाई तानेर नै बाहिरबाट भित्र लगेको देखिन्छ, त्यो पनि लछारपछार गर्दै ।
त्यसमध्ये एकजना प्रहरीले लात्ताले समेत हानेको भिडिओमा देखिन्छ । त्यही भिडिओको आधारमा विमानस्थलमा खटिएका प्रहरी कर्मचारीमाथि सामाजिक सञ्जालमा चर्को विरोधसमेत भइरहेको छ । सोही आलोचनापछि सञ्जयमाथि दुर्व्यवहार गर्ने प्रहरीलाई रानीपोखरी प्रहरीले बुधबार तानेको हो । सञ्जय हिमालय एयरलाइन्समार्फत चैत ३१ मा दुवईबाट नेपाल फर्किएका थिए ।
सञ्जय र उनकी श्रीमती दुवैजना आफन्तको विहेका लागि नेपाल आएका थिए । तर, विमानस्थलमा भने सञ्जयमाथि दुर्व्यवहार भएको हो । सञ्जयकी श्रीमतीले भने अब घटना साम्य भएका कारण कुरा गर्न नमिल्ने प्रतिक्रिया दिइन् ।
उनले भनिन्, “मेरो भाइको विहेका लागि हामी दुवैजना सँगै आएका हौँ । हामीले जे भयो भयो भनेर छोडेका थियौँ । तर, पछि भिडिओ भाइरल भएछ । अब यो बारे कुरा नगरौँ ।’’
तर, विमानस्थल हवाई यात्रु यातायात सेवा व्यवस्थापन प्रालिले भने सञ्जयमाथि नै कारबाही हुनुपर्ने माग राख्दै विज्ञप्ति जारी गरेको छ ।
सेवा प्रालिका सचिव उमाशंकर धितालले जारी गरेको विज्ञप्तिमा भनिएको छ, ‘‘सञ्जय ओझाले ११ः३० मा विमानस्थलको आगमन पार्किङ एरियाका प्रि–पेड ट्याक्सी सेवाका कर्मचारी तथा सुरक्षाकर्मीमाथि गालीगलौज तथा प्रहरीमाथि जुत्ता प्रहार गर्ने प्रयासको घोर भर्त्सना गर्दै सरकारसँग ओझाविरुद्ध कानुनअनुसारको कारवाही माग गछौँ ।’’
विमानस्थल सुरक्षा प्रमुख एसएसपी सोमेन्द्र सिंह राठौरले पनि सञ्जयले भन्सारका कर्मचारीमाथिसमेत अभद्र व्यवहार गरेको खुलेको बताए । उनले भने,‘‘प्रहरीको भूमिका के थियो भन्ने बारे रानीपोखरीले छानबिन गर्दैछ । तर, सञ्जय पनि एग्रेसिभ हुँदा घटना भएको जस्तो देखिन्छ ।’’
झिल्का लेखन अभियानको ७३ औँ शृङ्खला (नववर्ष विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।
झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने १ सय १८ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।
झिल्का कविता, नेपाली माटोमा उम्रिएको एक लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुन्छ तर सकभर समध्वनीक नभएमा उत्तम मानिन्छ ।
सहभागी झिल्काकारहरूका नववर्ष विशेष उत्कृष्ट झिल्का कविताहरू-
—————<•>————– १// बोकेर उमङ्ग हर्ष आशाको नयाँ किरणसँगै आयो हेर नववर्ष ! ✍️ वसन्त अनुभव वसन्तविहार, घोराही २// आयाे नयाँ वर्ष समानुपातिक साेच बनाेस् मनमा हाेस् हर्ष ! ✍️ रवि पाैडेल दक्षिण भारत, पाण्डेचरी ३// छैन मनमा हर्ष बनोस् अब रमाइलो आउने नयाँ वर्ष ! ✍️ प्रतिज्ञा प्रतिज्ञा मेहेलकुना सुर्खेत ४// फुर्ती रहोस् तनमा नयाँ वर्षमा अब शान्ति होस् मनमा ! ✍️ सरिता सेढाई धादिङ ५// नयाँ वर्ष आयो सारा नेपालीमा हर्षोल्लास शान्ति खुसी छायो । ✍️ शशीश्री आचार्य बौद्ध कुमारीगाल काठमाडौँ ६// नवीन वर्षले ल्याओस् शान्ति अनि समृद्धि जताततै खुसी छाओस् ! ✍️ भविश्वर पंगेनी वालिङ ९ स्याङ्जा ७// गएकाे वर्ष सम्झेर आफ्नो मनलाई यसै खिन्न नपार्नू हेर ! ✍️ भाेलामान बर्देवा(बैरागि माईलाे) धरान ८ सुनसरि ८// मनभरि खुसी छाओस् एकासीका गल्ती बिर्सेर बयासीमा बहार आओस् ! ✍️ चुडामणी देबकोटा पुरानो नैकाप, काठमाण्डौ ९// उच्चातिउच्च रहोस् भावना आओस् समृद्धिको बहार सम्पूर्णमा नववर्षको शुभकामना ! ✍️ डम्बर थामी ‘अनुपम’ कालिन्चोक गा.पा.-६, दोलखा १०// आयो नयाँ वर्ष भुलेर पुराना पिरहरू मनाऔँ सबैले हर्ष ! ✍️ अरुण कुमार भुजेल गोरूबथान ११// शुभ रहून् दिनहरू हर्ष छाओस् मनमा केही चाहिन्न अरू ! ✍️ बुद्धिमान दनुवार ( सुरुङ्गेली कान्छो ) कनकाई ४ झापा १२// शुभकामना नयाँ वर्षको दिएर आजै सबैलाई खुसी साटौँ हर्षको ! ✍️ सञ्जना शर्मा लमही, दाङ १३// स्विकार्दै गल्ती सहर्ष सच्याए अवगुण आफ्नो सुनौलो बन्छ नववर्ष ! ✍️ किराती हाङ तिम्रो ( बिसु हाङ राई ) विराटनगर मोरङ १४// आयो नयाँ वर्ष नेपालीको घरघरमा आयो उमङ्ग अनि हर्ष ! ✍️ कला ढकाल झापा १५// दुःख कष्ट हरोस् आउने नयाँ वर्षले घाउमा मलम भरोस् ! ✍️ ज्योतिका क्षेत्री सिलगडी, भारत १६// गलत प्रवृत्तिकाे सामना गर्न नपराेस् कसैलाई नयाँ वर्षको शुभकामना ! ✍️ प्रमाेद नेपाल काठमाडौँ-५ १७// पूरा हुन् चाहना सबै नेपाली जनहरूलाई नयाँ वर्षको शुभकामना ! ✍️ साबित्री प्याकुरेल धादिङ्ग १८// आउने नयाँ वर्षमा दु:खपिर सबै हटुन् दिन बितोस् हर्षमा ! ✍️ कपिल किशोर घिमिरे १९// नयाँ वर्ष आयो भिरको चिन्डो देख्छु सन्देह मनमा छायो । ✍️ दिलचन्द छेत्री २०// नयाँ वर्षको शुभकामना सुख, समृद्धि, सुस्वास्थ्य सारा जनमनको चाहना ! ✍️ कृष्णकुमार वैद्य बनेपा ९, काभ्रे २१// मनको कुरा मनमा जवानीको जोश कस्तो जीवन गयो धनमा ! ✍️ निमा छिरिङ भोटिया जलढका कालेबुङ २२// जताततै छाओस् उमङ्ग आसन्न नयाँ वर्षले गरोस् विभेदको क्रमभङ्ग ! ✍️ बाबुराम गौतम गुल्मी २३// आयो नयाँ वर्ष खुसीयाली बोकेर सबैमा ल्यायो पुन: हर्ष ! ✍️ साहित्य प्रेमी सुशील धनगढी २४// नववर्षको गुणगान गाऊँ स्वागत गरौँ खुब धर्ममा चित्त लगाऊँ ! ✍️ यशोदा रेग्मी चम्लागाई तुमीन नामराङ २५// उच्च रहोस् भावना देशविदेशमा रहनुहुने जनप्रति नववर्षकाे हार्दिक शुभकामना ! ✍️ अम्बिका गिरी विराटनगर २६// उच्च रहाेस् भावना प्रगतिले छलाङ माराेस् सम्पूर्णमा नववर्षकाे शुभकामना ! ✍️ काेपिला अधिकारी गाेरखा, सिरानचाेक २७// आउँछ जान्छ साल बोकेर सन्देश शुभकामनाको झुपडीमा रित्तो थाल ! ✍️ बिके मुखिया वाङ्दे, दार्जिलिङ, भारत २८// ल्याओस् सुखशान्ति नववर्षले शुभकामना आफन्त जनहरूमा बितुन् दिनहरू हर्षले ! ✍️ हिरालाल न्यौपाने बानपा ८ कोटमौला सल्यान २९// फेरियोस् नयाँ वर्ष मनको मुस्कान ओठमा भरियोस् है हर्षैहर्ष ! ✍️ होमप्रसाद नेउपाने धरान, सुनसरी ३०// पूरा होउन् चाहना सुखशान्ति एवम् समृद्धिको सबैमा हार्दिक शुभकामना ! ✍️ रुना कर्माचार्य दाहाल चितवन ३१// पुगोस् सदिच्छा चाहना सकल जनता हाँसुन् नयाँ वर्षको शुभकामना ! ✍️ जिज्ञासु पन्त लमजुङ ३२// घुम्दै आयो नववर्ष सबैकाे मनमा पलाओस् उमङ्ग अनि हर्ष ! ✍️ केसर बाेहरा ( आदर्श ) सुदूरपश्चिम अछाम । हाल भारत ३३// आयो नयाँ वर्ष सारा नेपाली जनमा बोकेर खुसी हर्ष ! ✍️ चक्र लोहोरुङ ३४// नववर्षमा प्रेरणा जागोस् हरेक व्यक्तिको मनमा मानवताले बास पाओस् ! ✍️ सतीश पण्डित चुँदी, तनहुँ ३५// तमाम देशमा रहनुहुने सम्पूर्ण मित्रहरूमा शुभकामना दुःख कष्ट सहनुहुने ! ✍️ बिपी लामिछाने दमक, झापा ३६// पुगोस् सबैको चाहना छाओस् सर्वत्र हर्षोल्लास नयाँ वर्षको शुभकामना ! ✍️ विष्णु पंगेनी(पाण्डे ) वालिङ्, स्याङ्जा ३७// नववर्षले समृद्धि ल्याओस् एकअर्कामा सद्भाव बढाउँदै चारैतिर सुखशान्ति छाओस् ! ✍️ देव स्याङ्देन कालेबुङ ३८// सत्य रहोस् मनोभावना विश्वभर रहनुभएका सबैलाई नववर्षको हार्दिक शुभकामना ! ✍️ गुणनिधि घिमिरे अमेरिका ३९// सबैमा उमङ्ग छाओस् नपरोस् दु:ख कसैलाई सुखमय भाग्य पाओस् ! ✍️ भुपेन्द्र राना मगर धादिङ ४०// सुखशान्ति र हर्ष सबै नेपालीको मनमा छाओस् नयाँवर्षकाे उत्कर्ष ! ✍️ श्रीबहादुर केसी शैलुङ्गे दुवाकाेट भक्तपुर ४१// मनमा खुसी हर्ष वसन्त ऋतुको उमङ्गसँगै आयो नयाँ वर्ष ! ✍️ श्रीकृष्ण धामी देउलेख, बझाङ ४२// मान्नुपर्ने भएन हर्ष बढ्दैछ देशमा अशान्ति सुधार होस् नववर्ष ! ✍️ शंकर कार्की थाहा ३ मकवानपुर ४३// हर्षोल्लासको छ चाहना मनमस्तिष्कमा सधैँ छाओस् नववर्षको सबैमा शुभकामना ! ✍️ कोपिला समीक्षा खार्पा, खोटाङ ४४// आन्तरिक हृदयको चाहना जगमा समृद्धि छाइरहोस् नयाँ वर्षको शुभकामना ! ✍️ मोती योन्जन सुब्बा दार्जिलिङ ४५// विगतझैँ नहोस् नववर्षमा देशमा समृद्धि भई खुसीयाली छाओस् सबमा ! ✍️ अर्जुन प्रसाद चौलागाई रामेछापः-सुनापति-१ हाल अमेरिका, बोस्टन ४६// बढेर सकारात्मक सोचाइ नववर्षको हार्दिक शुभकामना खुसी रहोस् स्थायी ! ✍️ पुष्पा सुवेदी नेपालगन्ज, बॅाके ४७// नववर्ष समृद्धि ल्याओस् सम्पूर्णमा यही शुभकामना हर्षले निष्कर्ष पाओस् ! ✍️ प्रेम थापा “मन” बागलुङ ४८// आयो नयाँ वर्ष भुलाएर दु:ख जति ल्याओस् सबैमा हर्ष ! ✍️ देवकृष्ण काफ्ले ४९// आगामी नयाँ वर्षले सबैलाई खुसी देउन् रमाइलो गरौँ हर्षले ! ✍️ अन्मोल मुस्कान तकदाह छाउनी, दार्जिलिङ ५०// खुसी उमङ्गले बेर्दै आयो हजुर नववर्ष नयाँ पालुवा फेर्दै ! ✍️ अनिता भण्डारी ताप्लेजुङ ५१// आयो बयासी साल परस्पर सद्भाव बढोस् समृद्धि छाओस् मालामाल ! ✍️ छ्न्त्याल हित ५२// सारा नेपालीको भावना आओस् शान्ति श्रीवृद्धि नयाँ वर्षको शुभकामना ! ✍️ शोभाकान्त रेग्मी वालिङ स्याङ्जा ५३// पल्लव नयाँ अङ्कुरायो वसन्तको आगमनले हेर मुलुकभर खुसी छायो । ✍️ साजन पौडेल ५४// स्वागत नयाँ वर्षलाई नौलो उमङ्गले आऊँ आनन्दमा निश्चिन्त गराई ! ✍️ मनोहरी पौडेल गैडाकोट १ ५५// नववर्षको उज्ज्वल सपना अनेकौँ हर्षोल्लासको साथ सम्पूर्णलाई हार्दिक शुभकामना ! ✍️ रमा गुरुङ्ग सालुगडा, सिलीगुडी ५६// नयाँ वर्षको शुभकामना सुखशान्ति र समृद्धिको पूरा होओस् चाहना ! ✍️ कृष्ण बजगाई खोटाङ ५७// गरौँ शत्रुको सामना सुखद बनोस् नववर्ष सबैमा हार्दिक शुभकामना ! ✍️ वेदु न्यौपाने ५८// पुगोस् सबैको चाहना समस्याहरू हल होउन् नयाँ वर्षको शुभकामना ! ✍️ धनमाया चौधरी कैलाली ५९// जीवनमा खुसी हर्ष बोकेर नेपाली घरघरमा आयो नयाँ वर्ष ! ✍️ सानु जाेशी सुदुरपश्चिम, दार्चुला ६०// शुभकामना नयाँ वर्षकाे छाओस् सबैमा खुसीयाली पाइयाेस् फल सङ्घर्षको ! ✍️ ईश्वर साउद(भिक्षु) रामारोशन गाउँपालिका ६ सुदुरपश्चिम अछाम ६१// शान्तिको आवाज लिएर आऊ नववर्ष तिमी क्रान्तिको नारा दिएर ! ✍️ विवश पारदर्शी झापा ६२// पात्रो फेरियो घरमा रुखमा पात फेरिए नयाँ वर्षको साथमा ! ✍️ समुन्द्रा शर्मा ६३// स्वच्छ हाेस् भावना सुख र शान्तिकाे लागि नयाँ वर्षकाे शुभकामना ! ✍️ राज कुमार राजभण्डारी खाेटाङ्गे ऐसेलुखर्क ३ खाेटाङ । हाल भक्तपुर ६४// उच्च शिखरको भावना मनमा सजिएर जाओस् नयाँ वर्षको शुभकामना ! ✍️ दुर्गा आचार्य मोरङ ६५// सुखशान्तिको छ चाहना भयरहित बाँच्न पाऊँ आउँदो वर्षको शुभकामना ! ✍️ राजेश्वरी राजोपाध्याय ललितपुर ६६// छाओस् खुसी हर्ष दु:ख पीडा हटोस् उमङ्ग ल्याओस् नववर्ष ! ✍️ राधा चाम्लिङ खोटाङ ६७// नयाँ वर्ष आयाे साथमा वसन्त बहार मनमा खुसी छायाे । ✍️ ताराप्रसाद चापागाईँ धुनिबेसी, धादिङ ६८// कालयुक्त संवत्सर गयाे नयाँ वर्षको शुभकामना उज्यालो साैरमान भयाे । ✍️ प्रद्युम्न चालिसे भक्तपुर कटुञ्जे ६९// नयाँपनको यहाँ खाँचो जीवजगतमा प्रेम बढोस् शान्ति बनोस् साँचो ! ✍️ कार्की डिबी माकुम सुनवल-४, नवलपरासी ७०// घरघरमा खुसी आओस् जोस, जाँगर, आँटमा नववर्षको उमङ्ग छाओस् ! ✍️ सरस्वती श्रेष्ठ रुपन्देही बुटवल ७१// सबैमा उज्यालो छाओस् दुखीहरूको मुहारमा पनि नयाँ उमङ्ग ल्याओस् ! ✍️ संगीता खरेल काठमाडौँ ७२// दुःख नासिएर जाओस् सुखशान्ति समृद्धि लिएर नयाँ साल आओस् ! ✍️ सीमा कार्की समर्पण मेलचोक, पर्सा ७३// घुमेर आयो नववर्ष सम्पूर्णमा शुभकामना भन्दै छाओस् मनमा हर्ष ! ✍️ सुनगाभा पोखरेल कपिलवस्तु ७४// घुमेर आयो नववर्ष बोकेर उमङ्ग शान्ति खुसी अनि हर्ष ! ✍️ डा. जानुका न्यौपाने दोलखा ७५// छैन मनमा हर्ष नहोस् एकासी जस्तो आउँदो नयाँ वर्ष ! ✍️ शान्ता पौडेल भट्टराई टङ्कीसिनवारी, मोरङ ७६// विगतझैँ आयो नववर्ष भुलौँ सारा पिरहरू लिएर मनमा हर्ष ! ✍️ विवा तामाङ ७७// नेपालीहरूमा प्रगति उत्कर्षकाे सम्पूर्ण उत्पीडित दुःखीहरूमा शुभकामना छ नववर्षकाे ! ✍️ रामप्रसाद पुरी बादेल, खाेटाङ ७८// देशमा खुसी आओस् हटुन् नारा जुलुस नेपालमा शान्ति छाओस् ! ✍️ प्रेम शर्मा “एकान्त प्रेमी” कालेबुङ ७९// नवीन उत्साह लिई आओस् नयाँ वर्ष शान्तिको मद पिई ! ✍️ पदमराज न्यौपाने रामारोशन ४ अछाम ८०// आयो नयाँ वर्ष सर्वत्र खुसी छाओस् उमङ्ग अनि हर्ष ! ✍️ जनक बिसी दक्षिण भारत, कोचिन ८१// घर अनि आँगनमा नयाँ वर्ष आयो खुसी छायो मनमा ! ✍️ जानुका बास्कोटा काठमाण्डौ ८२// बनोस् उल्लासमय वर्ष हटोस् हृदयको तुवाँलो जनमनमा होओस् हर्ष ! ✍️ घनश्याम पन्त हरिवन सर्लाही ८३// पवित्र फूलझैँ फुलेर नववर्ष मनाउनु सबले दु:खपिर सबै भुलेर ! ✍️ बेल थोकर तामाङ ८४// पूरा होउन् मनोकामना जोस जाँगर थपियोस् नयाँ वर्षको शुभकामना ! ✍️ नन्दा धामी नौगाड, दार्चुला ८५// भित्रियाे आँगनमा नववर्ष धरती वसन्तले सजियाे खुल्याे मधुमास सहर्ष ! ✍️ हरिगाेपाल न्हुच्छेँप्रधान काभ्रे, साँगा बजार बनेपा १४ ८६// सुस्वागतम् नयाँ वर्षलाई हटाई मनको मैलो हाँसीखुसी बसौँ रमाई ! ✍️ सविता भट्टराई जनकपुरधाम ८७// अशान्ति हरोस् भावना हरेक दैलोमा नववर्षले समृद्धि छरोस् शुभकामना ! ✍️ राज बहादुर बडुवाल कनकासुन्दरी-५, जुम्ला ८८// रिसराग सबै हटाई खुसीको वर्ष बनोस् हर्ष उमङ्ग बढाई ! ✍️ नागेन्द्रप्रसाद यादव ८९// मीठो फुरोस् रचना नयाँ साल बयासीको सबैलाई छ शुभकामना ! ✍️ ध्रुव श्रेष्ठ खोटाङ ९०// उच्च रहोस् भावना हरेक नेपालीको मनभित्र नयाँ वर्षको शुभकामना ! ✍ राजेन्द्र प्रधान ‘पासा’ दार्जिलिङ ९१// स्वागतम् नयाँ वर्ष हटोस् सबैका पीडा छाओस् अथाह हर्ष ! ✍️ पुष्पा राई खाेटाङ । हाल- बसुन्धरा, काठमाडौँ ९२// नयाँ समयहरू बिताई सुनौलो नयाँ उमङ्गहरूले नववर्ष मनमा सजाई ! ✍️ नेत्रबहादुर श्रेष्ठ सिन्धुपाल्चोक -१३ ९३// अनेकौँ हुन्छन् चाहना पूरा हाेओस् सबैको नयाँ वर्षकाे शुभकामना ! ✍️ सहयात्री शाेभा अर्याल रुपन्देही ९४// नयाँ वर्षको रसरङ्ग सर्वत्र सुखशान्ति फैलियोस् नपरुन् भयले झसङ्ग ! ✍️ देव मगर तिनाउ~१,कचल, पाल्पा ९५// खुसीले भरियोस् आँगन हिमाल पहाड तराईको समृद्ध बनोस् जनजीवन ! ✍️ सुरेशकुमार पाण्डे ९६// सबैले मनाऔँ नववर्ष जोगाउँदै मौलिक परम्परा मनमा बोकेर हर्ष ! ✍️ संगमानंद पत्रकार चूरु-राजस्थान ९७// सम्पूर्ण नेपालीलाई शुभकामना सुखशान्ति अनि समृद्धिकाे सम्पूर्णमा मेरो सद्भावना ! ✍️ शम्भु गजुरेल ९८// नयाँ पात पलायो पुरानो पात्रो बेकाम वर्षले अङ्क बढायो । ✍️ म्यामराज राई भोजपुर ९९// पूरा होउन् चाहना आउँदै गरेको नववर्षको सबैमा हार्दिक शुभकामना ! ✍️ हरिभक्त सिग्देल महेश मण्डिखाटार, काठमाडौँ १००// आयो नयाँ वर्ष मुहारमा छाओस् सबको खुसी अनि हर्ष ! ✍️ चिरञ्जीवी श्रेष्ठ धनकुटा १०१// मनको पीडा हटाई आऊ नयाँ वर्ष खुसी उमङ्ग सजाई ! ✍️ बिमल पोखरेल धरान -१७, पटनाली १०२// आयाे नयाँ वर्ष पलाए नयाँ पालुवा छायाे मनमा हर्ष ! ✍️ जगदिश अधिकारी तारकेश्वर, काठमाण्डाै १०३// नववर्ष आयो भन्छन् एकदिन शुभकामना दिएर वर्षभरि खोइरो खन्छन् । ✍️ डा. देवी पन्थी १०४// गरिबको पेट भरियोस् नयाँ वर्ष बयासीमा उमङ्ग खुसी छरियोस् ! ✍️ तेजप्रसाद खनाल दाङ १०५// भरियोस् मनमा उमङ्ग नयाँ वर्ष आउँदा हुन्छौँ सबै दङ्ग ! ✍️ सुस्मिता अधिकारी काठमाडौँ १०६// कठिनाइको गरेर सामना जुटाैँ अघि बढाैँ नयाँ वर्षको शुभकामना ! ✍️ जयनारायण नेपाल बालकोट, भक्तपुर १०७// सम्पूर्ण कुकृत्य फालेर नववर्ष तिमी आऊ समृद्धिको दियो बालेर ! ✍️ ऋजु दिल्पाली १०८// भित्रिरहेकाे नयाँ वर्ष छर्न सकोस् शुभावना ल्याओस् सबैमा हर्ष ! ✍️ त्रिलाेचन भण्डारी मेचीनगर, झापा १०९// घुम्दै फिर्दै आयो नयाँ साल फेरि आशा उमङ्ग छायो । ✍️ शोभा आचार्य गौतम काठमाडौँ ११०// मनमा छाओस् हर्ष सधैँ खुसी बनोस् अबको नयाँ वर्ष ! ✍️ ललिता गिरी सुनकोसी ५, सिन्धुली १११// शुद्ध रहोस् भावना उत्साह, उमङ्गकाे साथ नयाँ वर्षको शुभकामना ! ✍️ सुनिता निरौला पौडेल राधे राधे, भक्तपुर ११२// आयो नयाँ साल तर जताततै देख्छु उही पुरानो ताल ! ✍️ दीपा गुरुङ समभाव ११३// शुभकामना छ नववर्षको खुसी छाओस् नेपालीहरूमा शान्ति सुशासन हर्षको ! ✍️ एवाइ प्रभात धनकुटा ११४// तिमी नयाँ वर्ष आऊ खुसीलाई बोकी मनमा पलाओस् हर्ष ! ✍️ चन्द्रिका रिमाल न्यौपाने ११५// नयाँ उमङ्ग जागोस् सुखशान्ति होस् सर्वत्र समृद्धि उकालो लागोस् ! ✍️ नन्दलाल आचार्य बेलका-२, सिद्धार्थटोल, गल्फडिया, उदयपुर, कोसी प्रदेश, नेपाल । ११६// नूतन वर्ष आओस् ऊर्जाशील कदम चाल्दै पोहोरको फोहोर लैजाओस् ! ✍️ लक्ष्मी रिजाल कञ्चनरूप- १२, प्रगतिटोल, रूपनगर, सप्तरी, मधेस प्रदेश, नेपाल ११७// आयो नवीन वर्ष हटाएर सारा पीडा छायो मनमा हर्ष ! ✍️ आर्त अकुलीन ११८// शुभकामना छ नववर्षकाे सबैमा शान्तिको कामना माहोल बनोस् हर्षकाे ! ✍️ रामप्रसाद पुरी बादेल, खाेटाङ ~<•>~~
नमस्ते आधुनिक लघुकथा मञ्चद्वारा प्रकाशित लघुकथासङ्ग्रहहरू ‘तमासा’ र ‘भेटी’को परिचर्चा कार्यक्रम शनिवार सम्पन्न भएको छ । मञ्चकै आयोजनामा भर्चुअल प्रविधिबाट जुम हलमा भएको उक्त कार्यक्रम अपरान्ह ७ बजेदेखि अढाई घन्टासम्म चलेको थियोे ।
‘तमासा’ लघुकथासङ्ग्रह, लघुकथाकार अनुग्रह रानामगर ‘पुष्प’को र ‘भेटी’ लघुकथासङ्ग्रह, लघुकथाकार विष्णु पन्थी ‘विनु’को लघुकथासङ्ग्रह हो । यी दुवै लघुकथासङ्ग्रहहरू कृतिकारका पहिलो लघुकथा कृतिहरू हुन् ।
परिचर्चा कार्यक्रमका प्रमुख अतिथि एवम् वरिष्ठ समालोचक, साहित्यकार प्रा.डा.लक्ष्मणप्रसाद गौतमले नमस्ते आधुनिक लघुकथा मञ्चले फरक ढङ्गले परिचर्चा कार्यक्रम गरेकोप्रति मञ्चको सराहना गर्नुभयो । परिचर्चाकारले लघुकथासङ्ग्रहको परिचर्चा गर्नुपूर्व सङ्ग्रहको परिचय प्रशारण गरिएको प्रति टिप्पणी गर्दै यसो गर्दा उपस्थित दर्शकमा कौतुहलता नरहने र कार्यक्रम अलि खल्लो हुने भएकोले सकेसम्म कम छोटो परिचय राख्न आयोजकलाई सुझाउनुभयो । साथै परिचर्चाकारले दिनुभएको सुझावलाई ग्रहण गर्दै अगाडि बढ्न कृतिकारहरूलाई अनुरोध गर्नुभयो ।
पुस्तक परिचर्चाकारको रूपमा उपस्थित हुनुभएका वरिष्ठ लघुकथाकार, समालोचक एवम् भाषा आयोगका सदस्य गोपाल अश्कले कार्यक्रमको पहिलो चरणमा लघुकथाकार अनुग्रह रानामगर ‘पुष्प’को लघुकथा कृति ‘तमासा’को परिचर्चा गर्दै सङ्ग्रहमा सङ्ग्रहित लघुकथाहरू उपयुक्त आकारमा र सरल रेखिक ढाँचामा रहेको उल्लेख गर्नुभयो । वर्तमान समयमा पनि मुलुकमा तमासा हुने गरेको प्रसङ्ग उल्लेख गर्दै उहाँले सङ्ग्रहको शिर्षक सार्थक रहेको बताउनुभयो । सङ्ग्रहभित्रका अधिकांस लघुकथाहरूमा श्रमजीवी र मध्यमवर्गका पात्रहरू रहेको र लघुकथामा क्लिष्ट नरहेको भन्नुभयो । लघुकथासङ्ग्रहमा विविध विषयहरू उठान गरिएका छन् । कृतिकार लामो समय वैदेशिक रोजगारको क्रममा मुलुकबाहिर रहनुभएको हुँदा त्यसको प्रभाव लघुकथामा देख्न पाइन्छ । कुनै कुनै लघुकथामा बढी व्याख्या भएको, वर्णनात्मक भएको पाइएको हुँदा आगामी दिनमा सचेत रहन पनि सुझाव दिनुभयो । लघुकथाकार ‘पुष्प’को उक्त सङ्ग्रहमा ४१ वटा लघुकथाहरू रहेका छन् ।
कार्यक्रमको दोस्रो चरणमा लघुकथाकार विष्णु पन्थी ‘विनु’को लघुकथा कृति ‘भेटी’ बारे परिचर्चा गर्नुहुँदै परिचर्चाकार, वरिष्ठ साहित्यकार एवम् समालोचक डा.शंकरप्रसाद गैरेले लघुकथाकार विनुको लघुकथासङ्ग्रह ‘भेटी’भित्र समाजमा देख्दै, भोग्दै आएका घटनाहरूलाई आधार बनाएर गहन ढङ्गले प्रस्तुत गरिएका ४० वटा लघुकथाहरू रहेको उल्लेख गर्नुभयो । केही सामाजिक, केही राजनीतिक त केही काल्पनिक धरातलमा रहेर लेखिएका लघुकथाहरू पठनीय रहेकोे उल्लेख गर्नुभयो । ‘भेटीभित्रका लघुकथाहरूले नारी चेतनाका कुरा उठाएको छ, राजनैतिक विकृति विसङ्गतिहरू उजागर गरेको छ ।’ उहाँले भन्नुभयो ।
कार्यक्रममा ‘तमासा’ लघुकथासङ्ग्रहको कृतिकारको तर्फबाट लघुकथाकार अनुग्रह रानामगर ‘पुष्प’ र ‘भेटी’ लघुकथासङ्ग्रहको तर्फबाट लघुकथाकार विष्णु पन्थी ‘विनु’ले धन्यवाद मन्तव्य दिनुभएको थियोे । साथै उहाँहरूले परिचर्चाकारज्यूहरूले दिनुभएको सुझावलाई अक्षरस: पालना गर्ने उल्लेख गर्नुभयो । आयोजक मञ्चप्रति आभार प्रकट गर्दै कृतिकारद्वयले परिचर्चा कार्यक्रमले आफ्ना कमिकमजोरी जान्न पाएको बताउँदै भविष्यमा सुधार गर्दै अगाडि बढ्ने प्रतिवद्धता व्यक्त गर्नुभयो ।
छोटो समयमै सङ्ग्रह निकाल्नुपरेको हुँदा कमिकमजोरी भएको स्वीकार गर्दै परिचर्चाकारज्यूले दिएको सुझावलाई ग्रहण गरेर अगाडि बढ्ने बताउनुभयो । सङ्ग्रह प्रकाशन लगायत परिचर्चा कार्यक्रम आयोजना गरिदिएकोमा आयोजक संस्थाप्रति आभार प्रकट गर्नुभयो ।
कार्यक्रममा वरिष्ठ साहित्यकार, समालोचक एवम् उक्त कृतिहरूका सम्पादक डा.विदुर चालिसेले ‘छोटो समयमै दुई दर्जन बढी कृतिहरूको सम्पादन गर्नु, प्रकाशन गर्नु कम चुनौतीपूर्ण कार्य थिएन, तर हामीले त्यसलाई सहजतापूर्वक सम्पन्न गर्यौँ । हतारमा काम गर्दा सानातिना कमिकमजोरी हुनसक्छन्, तर सकेसम्म कम त्रुटि होस् भन्नेमा हामी सजग थियौँ ।’ उहाँले भन्नुभयो ।
नमस्ते आधुनिक लघुकथा मञ्चका अध्यक्ष घनश्याम डल्लाकोटी ‘कृष्णजी शर्मा’को अध्यक्षतामा सञ्चालित उक्त कार्यक्रमको सहजीकरण कुशल कार्यक्रम सञ्चालक एवम् रेडियो सारथिका स्टेसन म्यानेजर कमल पौडेलले गर्नुभएको थियोे भने प्राविधिक संयोजन आयुष बडालले गर्नुभएको थियोे ।
राप्ती साहित्य परिषद् दाङ शाखाले नियमित कृति समीक्षा कार्यक्रम अन्तर्गत साहित्यकार कपिलकिशोर घिमिरेको मुक्तक सङ्ग्रह ‘तरङ्ग’को समीक्षा तथा नयाँ वर्ष २०८२ को शुभकामना आदानप्रदान कार्यक्रम सम्पन्न गरेको छ ।
राप्ती साहित्य परिषद् दाङ शाखाका अध्यक्ष यम रेग्मीको अध्यक्षता तथा वरिष्ठ साहित्यकार तथा पत्रकार नारायणप्रसाद शर्मा प्रमुख आतिथ्यमा सम्पन्न कार्यक्रममा ‘तरङ्ग’ मुक्तकसङ्ग्रहको समीक्षा साहित्यकार हरिप्रसाद पौडेल ‘स्वर्णशिखा’ले गरेका थिए । समीक्षक साहित्यकार स्वर्णशिकाले ‘तरङ्ग’ मुक्तकसङ्ग्रहमा रहेका सम्पूर्ण मुक्तकहरू राम्रा रहेका कुरा बताए ।
राप्ती साहित्य परिषद् केन्द्रका निवर्तमान अध्यक्ष पुरुषोत्तम खनाल ,वरिष्ठ साहित्यकार गणेश विषम, राप्ती साहित्य परिषद् केन्द्रका सल्लाहकार उत्तमकृष्ण मजगैँया ,लेखक सङ्घ दाङका अध्यक्ष खगराज न्यौपानेले शुभकामना मन्तव्य राखेका थिए भने तरङ्ग मुक्तकसङ्ग्रहका लेखक कपिल किशोर घिमिरेले मुक्तक लेख्दा तथा प्रकाशन गर्दाका अनुभवहरू सुनाएका थिए ।
सो कार्यक्रममा राप्ती साहित्य परिषद् केन्द्रका अध्यक्ष डा.टीकाराम उदासी, कोषाध्यक्ष डा. खेमराज मल्ल, राप्ती साहित्य परिषद् दाङ शाखाका निवर्तमान अध्यक्ष दीपक शर्मा “समीर” झिल्का साहित्य समाजका अध्यक्ष वसन्त अनुभव, नयाँ युगबोध राष्ट्रिय दैनिकका सम्पादक गोविन्द खड्का , साहित्यकारहरू यज्ञबहादुर डाँगी, शशिधर भण्डारी, प्रमोद धिताल, यमुना घिमिरे, कुन्दन किशोर घिमिरे, घनश्याम अस्तित्व, एकनारायण चापागाईं, एकराज शर्मा अधिकारी, हरिप्रसाद पाण्डे, नगेन्द्रकुमार आचार्य, चन्द्रप्रकाश देवकोटा, गिरिराज पौडेल,देवेन्द्र कुमार रिजाल महेश कुमार न्यौपाने सुवाष न्यौपाने, दामोदर पौडेल, गिरिप्रसाद पन्थी, शरद गौतम, मधुसुधन गौतम, वीना रोका क्षेत्री नारदप्रसाद भण्डारी, धनसिंह गिरी , खेमराज गाउँले, यशोदा केसी साहित्यकारहरूको उपस्थिति रहेको थियो। उक्त अवसरमा संस्थाको तर्फबाट साहित्यकार घिमिरेलाई प्रशंसापत्रद्वारा सम्मान गरिएको थियो।
राप्ती साहित्य परिषद् दाङका उपाध्यक्ष सुरेश कुमार पाण्डेको स्वागत मन्तव्यसँगै सुरु भएको कार्यक्रमको सञ्चालन सचिव घनश्याम केसीले गरेका थिए ।
साप्ताहिक झिल्का लेखन अभ्यासको ६२ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ । साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६९ जना झिल्काकारहरूको सहभागीता रहेकोे थियोे । यो उत्साहपूर्वक सहभागिताका लागि सम्पूर्ण सहभागीहरूमा संयोजक म्यामराज राईले हार्दिक धन्यवाद ज्ञापन गर्नुभएको थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।
शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।
झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।
साप्ताहिक झिल्का लेखन अभ्यास शृङ्खला- ६२ मा सहभागी झिल्काकारहरूका सुन्दर झिल्काहरू-
१, कवि लेख्छ कविता बिम्ब, प्रतीक खेलाउॅंदै, कालजयीमा दाँजिन्छ कर्मिता । २, अथाह छ शब्दसागर मोती टिप्न नचुकौँ, खेलाँचीमा नफाली नजर । ३, दिमाग बन्यो प्रविधि हात चल्छ बहानामा, मानव बुख्याचाको प्रतिनिधि । ✍️म्यामराज राई भोजपुर … १, देख्छ, पुग्छ त्यहाँ उछिट्टियो ऊ मोतीविन्दुसॅंगै, अन्धो भविष्य जहाँ । ✍️दिलचन्द क्षत्री … १, झिल्का लेखेर हेरौँ शुद्ध या अशुद्ध मिलेन भनेर नकेरौँ ! २, सिमाना काटिएको ठाउँ किन साँगुरो हुँदैछ ? म जन्मेको गाउँ ! ✍️रवि पौडेल दक्षिण भारत पाण्डेचरी … १, प्रतिगामीले उठायो सिर आज नेताहरूले गर्दा गणतन्त्रले पच्छ्यायो भिर। २, हुन्छ फेरि जेल लुट, फुट उस्तै विदेशकै हो खेल। ३, सङ्घीयताले गरायो फेल देशमा गणतन्त्रको अवस्था नेता विदेशका रखेल। ✍️सुरेशकुमार पाण्डे घोराही – १८, दाङ … १, कतैबाट पापी संसार दृष्टि न हो, आहा ! छ यार । २, कोही नदेखी देख्छ मनको आँखाले होला कोही हतासिएर लेख्छ । ३, जीवन र जोवन कतै कपास जस्तै कतै गरुँगो मन । ✍️अम्बिका प्रसाद कोइराला ‘अकेला’ कानेपोखरी, मोरङ … १, एकदिन पश्चात्तापले पोल्नेछ ए दलालहरू अब ! तिम्रो पोलहरू खोल्नेछ । ✍️ दीप गोले तामाङ रौतहट … १, बनेर तिमी खास विश्वास जित्यौ तिमीले हौ मेरो प्रकाश। २, मनको डरलाई बिसाऊ गन्तव्य चुम्ने लक्ष्यमा कदमहरू अघि बढाऊ। ३, साँझमा बत्ती बल्छ कलमभन्दा किबोर्ड प्यारो मोबाइलमा संसार चल्छ। ✍️सतीश पण्डित भानु – ६, चुँदी, तनहूँ ( हाल चनपा ६ मनतातीर्थ ) … १, नारी सिङ्गो प्रकृति बुझ्न पर्छ सबैले बचाउन हाम्रो रीति । २, आधा आधा बाँडेर बनाउनु छ देशलाई हुन्न रिसराग साँधेर । ३, नारी हुन दीप्ति घर चलाउने परी बनाउने सबैलाई तृप्ति । ✍️कोपिला समीक्षा खार्पा, खोटाङ … १, कमिलाको प्वाँख आयो उड्यो, डढ्यो आगोमा पखेटाले मृत्यु पायो। २, जीवनमा घमण्ड नगर्नु बिस्तारै जाँदा पुगिन्छ हडबडले दुर्घट्नामा नपर्नु । ✍️चुडामणि देवकोटा पुरानो नैकाप काठमाण्डौ … १, जीवनको कथा झल्किन्छ मनको भाव कवितामा व्यथा सबै छल्किन्छ । २, आफ्नो काम गर्नु खेरो समय जान्छ उत्साह मनमा भर्नु । ३, दुनियाँको पछि नलाग्नु पुर्याउॅंदैनन् तिनले गन्तव्य काम कर्तव्यसँग नभाग्नु । ✍️पुष्पा राई बादेल, खोटाङ … १, युवाहरू सडकमा चम्केका नेपाल आमा रोइरहेकी राष्ट्रघातका विरुद्ध लम्केका। २, वायु बबण्डर चलेपछि रोक्न कसको तागत हृदयमा आगो बलेपछि। ३, धर्तीमाताले राजभक्त रोजेकी राष्ट्रघाती ब्वाँसाहरू पिपासु, उदाङ्गो बनाउन खोजेकी। ✍️घनश्याम पन्त हरिवन सर्लाही … १, नारी सृष्टिको खानी नगरौँ सबैलाई हेला हुँदैन कसको हानी ? २, सधैँ भावनामा डुबेर लेख्छु कविता तिम्रो हराए देख्छौ भनेर। ✍️एवाइ प्रभात धनकुटा … १, कस्तो रहेछ भीर ? चट्टानले ढाकेको सबै उस्तै छ पीर। ✍️निमा छिरिङ भोटिया जलढका कालेबुङ … १, फलेको हाँगो नुग्नलाई आधार तयार गरौँ सोचेको कुरा पुग्नलाई । ✍️प्रेम थापा ‘मन’ बागलुङ … १, बरु देखाऊ, कोरेर कवि बन्न नखोज अरूको रचना चोरेर। २, यहाँ मान्छे बदलिन्छ। लाटो किन नहोस् ? आफ्नोलाई प्राथमिकता दिन्छ। ✍️बेल थोकर तामाङ मकवानपुर … १, स्वतन्त्र हुनुपर्छ कवि कसैको बहकाउ नपर्ने कञ्चन भएर छवि । ✍️संगीता खरेल काठमाडौं … १, यादमा भिर पाखा ज्यान परदेशमा छ, सम्झनाले रसाउॅंछ आँखा । २, आमा पिँढीमा बसेर बाटो हेर्छिन् सधैँ परदेशी छोरो सम्झेर । ३, मूल्याङ्कन गर्छन् मेरो धनी, गरिबको तराजु , समाज मेरो सेरोफेरो । ✍️भुपेन्द्र राना मगर धादिङ … १, कविता लेखौँ मनले सुन्दर आउन भावहरू प्रशंसा गरोस् तनले। २, लेखौँ आफैँ कोरेर जुन बन्छ आफ्नो लेख्नु हुन्न चोरेर। ३, ज्ञान बढ्छ पढेर त्यसै किताब आए पुगिन्छ हिमाल चढेर। ✍️नवराज भट्ट कञ्चनपुर … १, स्वदेशको उर्वर माटो त्यागेर आज युवाहरू लागेछन् विदेशको बाटो। २, चाँडै युवा जाग स्वर्ग भन्दा सुन्दर स्वदेश बनाउन लाग। ३, हटाऊ फोहोर जालो अब देश बनाउने युवा तिम्रो पालो। ✍️बिके मुखिया ‘वाङदे’ दार्जिलिङ,भारत। … १, खुसीमा मन हाँस्दछ मन मिल्नेले जगमा मात्र माया गाँस्दछ । २, जन्मभूमिलाई माया गरौँ आफ्नै भाषा संस्कृतिसँग सदैव अगाडि सरौँ । ३, कलङ्कारीले धर्मलाई मास्दछ नक्कले बानीले आफ्नै संस्कार संस्कृति नास्दछ। ✍️कार्की डिबी माकुम सुनवल-४, नवलपरासी … १, सृष्टिको महिमामय मन बुझ्न चाहनेले रहस्य गर्नुपर्छ घोर अध्ययन। २, बानी बसिसक्यो देख्ने पलमै परिवर्तित रूप विषय बन्छ लेख्ने। ३, हरे, राम ! घनश्याम ! तीन छक्क पार्ने महान सृष्टिको तामझाम। ✍️ज्योतिका क्षेत्री सिलगढी भारत … १, कविता सरिता बनोस् कालजयी बनेमा उत्तम यथार्थ ओकल्ने होओस्। २, गुम्दै गएको विश्वास फिर्दै आए कसो ? छिट्टै घटोस् अविश्वास। ✍️कमला देवकोटा पाल्पा … १, आखिर सुस्त बोलेर देखाउँछन् मन सारा सिस्नोझैँ गरी पोलेर ! ✍️आर्त अकुलीन … १, कविता कर्मिता अनुप्रास अब बल्ल पलायो झिल्का कवितामा आस ! २, सागरसँग दाँजेर नजर मिल्दोरहेछ साथी नचुकौँ प्रविधिको प्रतिनिधि अजर ! ✍️विवश पारदर्शी झापा … १, डुब्दै कविताको छालमा पस्कॅंदै सृजना नवीनतम रमाउनुछ छन्दहरूको तालमा। ✍️तोया नाथ चापागाईं दमक, झापा … १, वसन्तले फुलाएझैँ तिल्का तिता मिठा भावहरू पोखेर लेखौँ झिल्का। २, अभ्यास गरे बारबार सिकिॅंदो रहेछ लेख्नु गुरूको निर्देशन अनुसार। ३, सतत नमन मेरो मार्ग निर्देशक गुरुहरूलाई घुमेर सात फेरो। ✍️पुष्पा सुवेदी नेपालगन्ज, बाँके … १, पहाड, पखेरा, तराई झिल्काले समेटौ सबै कोही नहोस् पराई । २, अतिक्रमणले सीमा नाघेर खोसेर लान्छु, भन्छ ब्वाँसोहरू लोभमा लागेर । ✍️मोती योन्जन सुब्बा दार्जिलिङ … १, चाहिन्न आकाशको तारा चोखोनितो माया देऊ सजाएर दिलमा प्यारा ! २, झर्दिनँ अवश्य नाथ निरन्तर यो सासले जबसम्म दिनेछ साथ ! ३, माया कहिल्यै नघटोस् जइदिन घट्ला मेरो जीवनकै अन्तिम होस् ! ✍️वसन्त अनुभव वसन्तविहार घोराही … १, संस्कार संस्कृति जोगाऔॅं सुन्दर पहिचान हाम्रो यसका विकृति हटाऔॅं । २, गरौँ मिलेर काम होस्टेमा हैँसे गरी राख्नुपर्छ देशको नाम । ३, बुझेर मानव मर्म गरौँ स्वच्छ मनले परोपकार निष्काम कर्म । ✍️जयनारायण नेपाल इलाम ( हाल सूर्य विनायक २, बालकोट भक्तपुर ) … १, धेरै चाहिन्न बिज, काफी हुन्छ झिल्का उब्जाउन सब चिज । २, पोख्ने हो लेखेरै सिक्ने हो सबैले सुनेर देखेर हेरेरै । ३, शब्दभित्र छ भाव भावभित्र हुन्छ शब्द यसैमा बढ्दैछ लगाव । ✍️दीपा गुरुङ ‘समभाव’ दुबेकोल, खोटाङ … १, जहाँ पुग्दैन रवि त्यहाँ पुग्ने गर्दछन् महान् आदरणीय कवि । ✍️केसर बोहरा ‘सङ्घर्ष’ सुदूरपश्चिम अछाम ( हाल भारत ) … १, बुझ्नुपर्नेले नबुझी गर्दैन बुझ पचाउॅंछन् विद्धान्ले, बुज्रुक बन्नु पर्दैन। ✍️लोक बहादुर छेत्री लामिछाने मोदी गा पा वडा नं २ देउपुर, पर्वत … १, आफूले नै कोर्नु बदनाम हुनलाई अर्काको रचना कहिल्यै नचोर्नु। २, सधैँ नराम्रो हुनलाई गर्छौ खराब काम पछि पछुताएर रुनलाई। ३, आउ अघि बढौँ राम्रा अनि मिठा झिल्का कविताहरू पढौँ। ✍️अनिता भण्डारी ताप्लेजुङ … १, हाम्रो देश नेपाल अन्य देशको दाँजोमा सुन्दर शान्त विशाल । २, अनुपम प्रकृति जोगाऔॅं जन्मेको हो यसबाट अनेकन संस्कृतिमा रमाऔॅं । ३, देशलाई गरेर फारो विकास समृद्धिको राख्नुपर्छ सबै मिलेर ख्यारो । ✍️राजेन्द्र भुसाल ‘डिल्ली’ अर्घाखाँची … १, बुझ्नु युवाले कुरा प्रतिगमनको पछि लागे हुँदैन उद्देश्य पूरा। २, जन्मिएको आफ्नै गाउँ प्यारो लाग्छ सधैँभरि खेली हिँडेको ठाउँ । ३, बनाउँनु स्वच्छ छवि तबमात्रै हुन्छ वास्तवमा देशको प्यारो कवि। ✍️राज कुमार राजभण्डारी खोटाङ्गे ऐसेलुखर्क ३ खोटाङ ( हाल भक्तपुर ) … १, नवसर्जक हुनसक्छ विद्धान् साथमा जगाउने रुचि झिल्का साँच्चिकै महान् । ✍️विष्णु पंगेनी पाण्डे वालिङ्, स्याङ्जा … १, हेरेर सामान किन्नु असली, नकली जोखेर कलियुगका मान्छे चिन्नु । २, अक्षर अक्षर तुनेर बन्दछ सुन्दर कविता एकेक शब्द चुनेर । ३, सुस्त सुस्त बोलेर भनिदेउ प्यारी झाँईकुरी मनको कुरा खोलेर । ✍ राजेन्द्र प्रधान ‘पासा’ दार्जिलिङ … १, गर्नुपर्नेछ असल काम लानु छैन मरेपछि, जोगाउन पर्छ नाम। २, समाज परिवर्तन गर्न सुधार्नु पर्छ आफैँलाई, विकृतिको खाडल भर्न। ✍️शंकर कार्की थाहा नगरपालिका ३ मकवानपुर … १, मुसुक्क मुस्कुराउनु पर्छ, जिबनमा पर्ने दु:ख जति सबै हर्छ। २, जानेर नजानेर भए गल्ती नगर्नु कहिले सम्बन्ध सुधारेर गए। ✍️दुर्गा आचार्य मोरङ … १, यन्त्र गर्छ काम यन्त्रै बनाउनेको इतिहास, उसकै लेखिन्छ नाम। २, मेसिनले दिएको निर्देशन मानव मान्दै जाँदा, सोच्नै नपर्दा लोसेपन। ३, रोग भित्र्याउने यन्त्र , निको पार्ने यहीँ अचम्म जादु, मन्त्र । ✍️मनोहरी पौडेल गैडाकोट १ … १, झिल्का कविता सोचेर बोकेर अनेकौँ भावना नलेख्नु कसैलाई घोचेर । २, मनको भावना फिॅंजाउॅंछु अनेकौँ कुरा खेलेर नमिले गुरुलाई लेखाउॅंछु । ✍️रमा गुरुङ्ग सालुगडा सिलीगुडी … १, मन्द मुस्कान दिनेले अहिले घात गरेछ हाँसेर बीस लिनेले ! ✍️धनमाया चौधरी कैलाली … १, भेदभाव नगरौँ हामी सबैलाई दिनुपर्छ मौका असल मान्छे छामी । ✍️नेत्रबहादुर श्रेष्ठ ठुलो सिरुवारी, सिन्धुपाल्चोक -१३ … १, पानी निरन्तर पिऊँ स्वच्छ पानी पिएर निरोगी बनेर जिऊँ । २, विश्वमा शान्ति खोजौं एकापसमा भाइचारा गरी सुन्दर संसारलाई रोजौं । ३, अरूका रचना नचोर्नु हृदयभित्रबाट अब आफैँले मनन गरेर कोर्नु । ✍️बिपी लामिछाने दमक, झापा … १, सहिदका आत्मा बोल्नेछ खेर गयो बलिदान गणतन्त्रे नेतालाई पोल्नेछ । २, नहोस् विलम्ब सोचौँ राष्ट्रप्रेमी नागरिक बनी असल शासक रोजौं । ३, बनोस् कलम हतियार त्यागौँ स्वार्थ मनको नबनौँ भ्रष्टको मतियार । ✍️शोभा शाह थापा, हेटौंडा ४, मकवानपुर … १, मनको मैलो धुनलाई कवितामा भाव पोखेर सजिलो हुन्छ रुनलाई । २, दुख बिसाउने चौतारी कविताले दिन्छ सान्त्वना हिॅंड्नु पर्दैन भौतारी । ✍️राधा चाम्लिङ खोटाङ … १, माइतीमा चेली अटेनन् काम मात्र चाहिने दुःख कहिले कटेनन्। २, कसैको विश्वास नगर्नु आफ्नो सम्झेर त आफ्नैको भर नपर्नु । ✍️कला ढकाल झापा … १, झिल्काले सिकायो लेख्न सबैले ध्यान दिए सहज संसार देख्न । २, मनको भावना पोखेर लेख झिल्का कविता अक्षर अक्षर उनेर । ✍️बिबा तामाङ दार्जिलिङ … १, खेती वचनको गरेर जुटौँ सबै हामी काँधमा काँध राखेर । २, मनका पीडा भुलिन्छ एकार्कालाई साटासाट कुरा पीडा सबै हुत्तिन्छ । ३, आदत बदलिएको देखे मित्रहरूले हिजोआज धेरै त्यही सम्झनामा लेखे । ✍️ईश्वर साउद ‘भिक्षु’ रामारोशन गाउँपालिका छ सुदुरपश्चिम अछाम … १, महाङ्काल नगरपालिका धायौँ जनताको स्वास्थ जाँच्न, ठुलेदुर्लाङ्ग हेलपोष्ट आयौँ । २, बाटो खराब अति नागरिक सचेत नहुँदा , विकास छैन रति । ३, आएका बिरामी हेरेर डाक्टरले पठाउनु भयो, समस्याको समाधान गरेर । ✍️सीमा कार्की समर्पण मेलचोक पर्सा … १, अहिलेको समय यहाँ बुझ्नै छैन कोही कमाउनै खोज्छन् जहाँ । २, नेताले कमाउॅंदा टन्न जनता चुप लाग्ने बोल्दैनन् केही धन्न । ३, पाँच वर्षे खेती नेताले हो गर्ने देखाऔॅ शक्ति चेती । ✍️राजेशराज गड्तौला काँडाघारी, काठमाण्डौ … १, चल्यो बतास हुरुरु सितल छायो मनमा चरी उड्यो बुरुरु । २, पंक्षीले गुँड लाएछ कदमको बोटको डालीमा चारो टिप्न धाएछ । ✍️बुद्धिमान दनुवार ‘सुरुङ्गेली कान्छो’ कनकाई -४, झापा … १, रमाएर बाँचेको मन कता कता अन्जानै सम्झिन्छ त्यो बचपन । २, मिले सहमति दिनु नमिले केही लाग्दैन सुझाव फिर्ता लिनु । ३, अवस्था बलियो पार्न साच्चै परेका ठाउँमा हुँदैन केही बार्न । ✍️अच्युत घिमिरे सर्पाङ, भुटान … १, सकारात्मक, सोच राखौँ परिश्रमको फल मिठो फल्छन, फलहरू लाखौँ । २, पाट् पाट, जोडेर असल कार्य गरौँ घमण्डीपन सबै छोडेर । ३, कुण्ड कुण्ड पानी कलम चल्यो फेरि लेख्दैछु जानी नजानी । ✍️जानुका बास्कोटा काठमाण्डौं … १, कविताका शब्द अभावहरू कति मिठा हुन्छन् ? देखाउछ अनेक प्रभावहरू । २, कविता तब हुन्छ जब भावप्रधान भई शब्द जो बुन्छ। ३, कविता चेतनाको दियो छर्दछ प्रकाश मनमा बन्दछ जीवनकै मियो । ✍️देव मगर तिनाउ~१, कचल, पाल्पा … १, सोचेजस्तो कहिल्यै भएन थाप्लोबाट गरिब जनताको ऋणको भारी गएन। २, रसिला कुरा गर्छन् धूर्तहरूको चाल यस्तै आफ्नै खल्ती भर्छन्। ३, देशलाई दुख्दा रमाउँछन् मातृप्रेम नभएका मानिसहरू लुटेर सम्पति कमाउँछन्। ✍️अरुण कुमार भुजेल गोरूबथान … १, कविता कविले लेख्ने अन्तर्हृदयमा रहेको भावना सबैतिरको छर्लङ्ग देख्ने। २, गहिराइमा पुग्छ जब समेटेर सारा कुरा लेख्न थाल्छ तब। ३, दिमाग उसको चारैतिर अन्तर्मनबाट चलाउँदै गर्दा नपरोस् कसैलाई पिर। ✍️अर्जुन प्रसाद चौलागाई हाल:-अमेरिका, बोस्टन … १, देखाए सिद्धान्तको पोको व्यवहारमा कतैबाट देखिएन उठाए नोटको डोको । २, देश सबैका साजा मिलेर हिँड्नु राम्रो बजिरह्यो अहङ्कारको बाजा । ३, चारैतिर आदर्श मरेको बेथिति हुर्केको देखिन्छ अराजकता राम्रोसँग सरेको ✍️प्रद्यम्न चालिसे भक्तपुर कटुञ्जे … १, साधनाले बनिन्छ कवि अरूको रचना चोरेर नबिगार्नु आफ्नो छवि l २, बोलीले दिन्छ चिनारी इज्जत खस्किन सक्छ नगरी बोल्दा तयारी l ३, ब्रह्म दृष्टिले देखेर दुनियाँ चाहार्छ कविले भावको लौरी टेकेर l ✍️बाबुराम गौतम गुल्मी … १, जीवनमा नगर्नु पाप मनलाई शुद्ध राखी भगवान्को नाम जाप। २, कर्तव्यबाट मुख नमोड्नु, दृढताको उदाहरण बन्दै दिगो छाप छोड्नु । ✍️देव स्याङ्देन कालेबुङ … १, जीवन एक उपहार सँगालेर आनन्दित अनुभूति सजाउनु आफ्नो मुहार । २, राख्नु आफूलाई कसेर दुख, सुखको अनुभूति खोतल्दै आफैँभित्र बसेर । ३, निर्माण सकारात्मक चरित्र जीवन्त बनाउॅंछ जिन्दगी करुणाले हृदय पवित्र । ✍️रुना कर्माचार्य दाहाल चितवन … १, भन्नेले भन्छ नानाभाँती सुझबुझ आफैँले गर्नुपर्छ हल्लामा नलाग्नु जाती । २, भएन विधिको शासन लुच्चो फटाहाको राजले मुलुक झनझन पतन । ✍️ कृष्णकुमार वैद्य बनेपा ९, काभ्रे … १, सहिदहरूले शान्ति पाऊन् देशमा झैझगडा नभई , सबैमा उमङ्ग छाऊन् । २, शब्दमा भावको भाग रहेको झिल्का राम्रो कसैमा नहोस् राग । ✍️दुर्गा भट्टराई मोरङ … १, जिन्दगी भए खास स्वार्थी संसार हजुर कसैको नगर्नु आस। ✍️सानु जोशी सुदुरपश्चिम, दार्चुला … १, गर्नुहोस् दैवीहरूको आराधना नवरात्रि अनुष्ठानको लागि पूरा हुनेछ कामना । ✍️संगमानंद पत्रकार चूरु-राजस्थान, भारत … १, झिल्का लेखेर गाऔॅं सबै सधैँ मिलेर अब एकसाथ रमाऔॅं । २, गोठाले जीवन रमाइलो झ्याउरे गाउॅंदै हिॅंड्दा मिल्दा माहिलो साहिँलो । ✍️हरिगोपाल न्हुच्छेँप्रधान काभ्रे, साँगा बजार बनेपा १४ … १, बन्न सकौँ कवि दियो बालेर चेतनाको उच्च राखौँ छवि । २, मनमा बगाउँदै सरिता सकारात्मक सन्देश छर्न लेखौँ सुन्दर कविता । ३, पोखौँ मनका भावना विश्व कविता दिवसको सबैमा हार्दिक शुभकामना । ✍️शान्ता पौडेल भट्टराई टङ्कीसिनवारी, मोरङ … १, साहित्यको विधा कविता भाव आफ्नो पोख्ने चोरेर नदेखाउँ रमिता । २, पुग्छ त्यहाँसम्म कवि जहाँ रवि पुग्दैन चोरेर नबिगारौँ छवि । ३, कोरौँ भाव कवि कुना कन्दराका बस्तीको जहाँ पुग्दैन रवि । ✍️राज बहादुर बडुवाल कनकासुन्दरी – ५, जुम्ला
काठमाडौं : जाजरकोट केन्द्रविन्दु भएर भूकम्प गएको छ। शुक्रबार बेलुकी ८ बजेर १० मिनेट जाँदा ५.५ म्याग्नेच्युडको भूकम्प गएको राष्ट्रिय भूकम्प मापन केन्द्रले जनाएको छ। पश्चिम नेपालका विभिन्न जिल्लामा भूकम्पको धक्का महसुस भएको छ।
साउदी अरबको पूर्वी क्षेत्र अल्खोबरमा सम्पन्न दमाम दोस्रो भेटरान गोल्ड कप २०२५ को उपाधि युनाइटेड नेपाल फुटबल क्लबले उपाधि हात पारिसँगै उक्त खेल भव्य रुपमा सम्पन्न भएको छ।
मुस्लिम धर्मालम्बीहरूको महान् चाड ईदको अवसर पारेर मार्च ३० र ३१ गरी दुई दिनसम्म चलेको उक्त खेलमा साउदी अरबमा रहेका विभिन्न खेलप्रेमी नेपालीहरू आबद्ध क्लबहरू सहभागी भएका थिए।
सो सुखेलको उपाधि युनाइटेड नेपाल फुटबल क्लबले जित्न सफल भएको छ। फाइनल खेलमा युनाइटेडले सम्रानी फुटबल क्लबलाई २-० ले हराउदै उपाधि चुम्न सफल भएको हो।
विजेता टिमले ७००० रियाल (करिब नेपाली २ लाख ५४हजार) र मेडल प्रमाण पत्र र उपविजेता टिमले ४००० रियाल (करिब नेपाली १लाख ४५ हजार) र मेडल प्रमाण पत्र प्राप्त गरेको थियो।
विधागत तिर उत्कृष्ट गोलकिपर ऊज्वल घिमिरे, बेष्ट डिफेन्डर बिशाल पुन, बेष्ट मिडफिल्डर सन्दिप राई र MVP योञ्जन हमाल ले प्राप्त गरेका थिए।
