समर्पण
१८ मे २०२१, साउदी अरब ! बिश्वमा तिब्रताका साथ फैलिएको दोस्रो चरणको कोरोना भाइरस संक्रमित नेपालीहरुलाइ सहयोग गर्न एनआरएनएद्वारा संचालित नेपालमा अक्सिजन पठाऔं, आफन्त बचाऔं” अभियान भोलि देखि अन्त्य गर्ने जानकारी गराएको छ ।
नेपालमा पनि दिनानुदिन नियन्त्रण भन्दा बाहिर गइरहेको अबस्थामा एनआरएनए साउदीले गत हप्ता देखि सहयोग रकम संकलन गर्दै आइरहेको थियो । एनआरएनए साउदीले एक बिग्यप्ती जारी गर्दै सहयोग पुर्याउनु हुने सम्पुर्ण सबैलाई हार्दिक आभार तथा धन्यवाद व्यक्त गर्दै भोलिदेखि अभियान अन्त्य हुने जनाएको छ ।
साथै सम्पुर्ण संकलित रकमको पुर्ण विवरण फेसबुक पेजबाटनै केही दिनमा सार्बजनिक गरिने सोही बिग्यप्तिद्वारा जानकारी गराएको छ ।
बिग्यप्तिमा जनएको छ :-
“कोभिड-19 को चपेटामा परेका बिरामीहरु अक्सिजन नपाएकै कारण आफ्ना प्रियजनहरुकै अगाडि अकालमा ज्यान गुमाएका दर्दनाक दृश्यहरुबाट गैर आबासिय नेपाली संघ, मध्यपुर्बको गम्भीर ध्यानाकर्षण भई केहि सहयोग गरौं भनी आकस्मिक बैठक बसि यस क्षेत्रमा भएका राष्ट्रिय समन्वय परिषदको सहयोग र सहकार्यमामा अत्यावश्यक जिबनपयोगी अक्सिजन सिलिन्डर तत्काल पठाएर सास प्रस्वास लिन कठिनाइ भएका बिरामीहरु लाई राहत दिन सकियोस भन्ने अभिप्रायबाट ५६० थान सिलिन्डर नेपाल सरकारलाई हस्तान्तरण गरि सम्बन्धित अस्पतालमा पठाइसकिएको छ । मानवीय सहयोगको यस अभियानमा स्वस्फुर्तरूपमा अगाडि आएर सक्दो सहयोग गर्नुभएकोमा एन आर एन ए र मातृभूमिका सम्पुर्ण प्रियजनहरुको तर्फबाट सम्पुर्ण मनकारी ब्याक्तित्वहरु, नागरिक समाज, संघ संस्था तथा आप्रवासी नेपालीहरुमा हार्दिक नमन गर्दछौं । यसरी सामाजिक सन्जालमा गरिएको आह्वानलाई हृदयगम गरेर सहयोग गर्नुभई यस अभियानलाई साथ दिनुभएकोमा धन्यवाद प्रकट गर्दै भोलि मिति १९ मै २०२१ बुधबार देखी यो अभियान अन्त्य हुने जानकारी गराउन चाहान्छौं ।पुनस्च: तपाईंहरुको सहयोग रकमको पुर्ण लेखाजोखा समाजिक सन्जालबाटै केही दिनमा जानकारी दिइनेछ ।”
