पञ्चाङ्ग साहित्य समाज नेपाल अभ्यास पाठशालाको अभ्यास शृङ्खला दर्तापछिको :- भाग ४० [चालिसौँ] ————————————- ” पाँच तत्त्व पाँचै विकार, पञ्चाङ्ग नै ठिक आधार “
विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०८०/०१/०६ गते समय :- साँझ ८ बजे …………………………………………………………………… प्रशिक्षक:- …………… गुणनिधि घिमिरे घनश्याम पौडेल तोयानाथ सुवेदी ………………………
भाषा शुद्धीकरण:- ———– जमुना आचार्य भवानी घिमिरे पुष्पा नेपाल सुवेदी
पञ्चाङ्ग भनेको पाँच पदिय कविता विधा हो । कसरी लेख्न सकिन्छ ? —————- पुर्ण अनुप्रास र स्थायी अनिवार्य हुनु पर्छ । जस्तै :- उठान:-
✍️विकास निमित्त संघर्ष गर तर्केर हुँदैन [०१] ✍️संवादबाट निकाल निकास झर्केर हुदैन [०२]
तेस्रो लाइनले माथिको शेरलाई बिस्तार गर्नु पर्छ ———————————-
💢बन्नेछ याे घर स्वर्गकाे पुरी पसिना बगाए [०३]
माथिको शेरलाई सम्बोधन गरि परिचय खोल्ने ——————————— १,२,३का लाइनलाई जोड दिदै परिणाम दिनुपर्छ
✍️चटक्क भुल्दैछौँ आमाको माया जर्केर हुँदैन [०४] ✍️एकता गरौँ माेति यहाँ लिन चर्केर हुँदैन [०५]
४, ५ ले पञ्चाङ्गको निष्कर्ष दिनुपर्छ । …………………………………………………………
उदाहरण पञ्चाङ्ग ………………………
✍️विकास निमित्त संघर्ष गर तर्केर हुँदैन [०१] ✍️संवादबाट निकाल निकास झर्केर हुदैन [०२] 💢बन्नेछ याे घर स्वर्गकाे पुरी पसिना बगाए [०३] ✍️चटक्क भुल्दैछौँ आमाको माया जर्केर हुँदैन [०४] ✍️एकता गरौँ माेति यहाँ लिन चर्केर हुँदैन [०५]
✍️भवानी घिमिरे,सर्लाही । ……………………………………………………
पञ्चाङ्ग [०१] [०१] विकास निमित्त संघर्ष गर तर्केर हुँदैन । संवादबाट निकाल निकास झर्केर हुदैन । बन्नेछ याे घर स्वर्गकाे पुरी पसिना बगाए , चटक्क भुल्दैछौँ आमाको माया जर्केर हुँदैन । एकता गरौँ माेति यहाँ लिन चर्केर हुँदैन । [०२] लगायौ माया पगाली मन फर्केर आएनौ । जवानी चाेखाे पिएर गयौ तर्केर आएनौ। विश्वास घात गरेर आज फसायौ मलाई , आत्माको भूत देखेर आज थर्केर आएनौ । युवामा हाेस गुमायौ सबै मर्केर आएनौ । [०३] मानव भिड एक संस्कार तर्केर हुँदैन । परेको यहाँ व्यहोर्नैपर्ने झर्केर हुँदैन । नखाकाे बिष लागेको देख्छु जीवन धान्नमा सक्दिनँ भन्दा घिस्रिनु पर्ने थर्केर हुँदैन सहास गरे तरिन्छ नदि फर्केर हुँदैन ।
✍️भवानी घिमिरे,सर्लाही । ……………………………………………………
फञ्चाङ्ग [०२]
कति बाटो कुरी बस्नु तर्केर जानेको। मूल ढोकासम्म आई फर्केर जानेको। आजसम्म विश्वासमा परियो त्यतिकै, छैन भर अब ऑखा कर्केर जानेको। सम्हालेर भन्दा पनि झर्केर जानैको।
✍️घनश्याम पौडेल, पोखरा । ………………………………………………………
पञ्चाङ्ग [०३] [०१] मेरा गल्ती होला कति फर्केर नहेर मलाई। कमजोरी भएहोला तर्केर नहेर मलाई। ब्राह्मणको प्राणी हुँ शुभकामना व्यक्त गर्दछु , मायाले बाँध्नेछु सधैँ झर्केर नहेर मलाई। दिलमा राखेर अझै कर्केर नहेर मलाई। [०२] सिमाना रक्षा गर्न काँडे तार लगाउनु पर्छ । हल्लने होइन बलियो बार लगाउनु पर्छ । हेपेर नै सीमा मिच्ने सानो देश ठानेर होला, नेपाली दशगजा सीमा पार लगाउनु पर्छ । वैरी रहेछ खुकुरीमा धार लगाउनु पर्छ ।
✍️सोमनाथ लुइटेल “रवि पाल्पाली” पाल्पा हाल बर्दिया ।
……………………………………………………
पन्चाङ्ग [०४]
तास पत्तीमा भोटे एक्का पेल्न थाले यहाँ । कुसंस्कारी फोहोरी खेल खेल्न थाले यहाँ । शिक्षाको दाइजोमा अबरोधका जाला यी , उदाहरण कमिलाले झेल्न थाले यहाँ । लठ्ठी छ्न साहरा यिनै ठेल्न थाले यहाँ।
सम पञ्चाङ्ग
वसन्त ऋतु अनौठो भावले फर्केर आयो। प्रभातका सुनौला किरण ति चर्केर आयो। सौन्दर्य आस्था बाट यिनै सुमधुर झल्किने, चुम्ने तिनै कालो केश हातमा लर्केर आयो। लजालु ती तिम्रो मधु मुस्कान झर्केर आयो।
बाताबरणमा तिम्रो प्रतीक भर्केर आयो। जिबन मिठासका अनुप्रास मर्केर आयो। प्रती ध्वनी भएछ प्रेमको त्यो उपवनमा, ग्रीष्म ऋतुझै पालुवामा पानी दर्केर आयो। घुमाउरा छ्न पहाड तिनै तर्केर आयो।
✍️डिल्ली राज घिमिरे, अर्घाखाँची । ……………………………………………………
पञ्चाङ्ग [०५]
याे अमुय मानव अवतार प्रभु चरण छुने छ । थाहा छैन फेरि यहाँ जन्म नहुने कि हुने छ । अवसर ठानेर यसलाई सत्यकाे बाटाे राेजेको, नजाने पनि फरक पर्दैन धेरै किन रूने छ । आज प्रभुकाे कृपा भए छ म मा यहि गुने छ ।
✍️मिना देबकाेटा , सर्लाही । ……………………………………………………
पञ्चाङ्ग [०६]
नयाँ वर्षको नयाँ तस्बिर केरिएर आयो, अनगिन्ती उतार चढाव घेरिएर आयो, अाउने छन् सुखका दिन प्राप्त हुनेछ शान्ति। अाशाका किरण मनभरि बेरिएर आयो, उहि नामको पात्रो दिनाङ्क फेरिएर आयो।
✍️होम प्रसाद नेउपाने, धरान,सुनसरी । ………………………………………………
पञ्चाङ्ग [०७]
मिचिँदैछन दिनरात सिमाना काँडे तार लगाउनु पर्छ। कोहि नछिर्ने गरि वरिपरि बलियो बार लगाउनु पर्छ। कति सहने हो अन्याय र अत्याचार जहिले सानू भएर, टेरदै नटेरेमा हतियारमा तिखो धार लगाउनु पर्छ । सबै मिली आमाको संरक्षणमा सत्रु पार लगाउनु पर्छ।
✍️अम्बिका दाहाल, मोरङ्ग । ……………………………………………
पञ्चाङ्ग [०८]
एकादेशमा बसेर कही नमरेको दुई लाइन कोर्नु छ। साहित्यले चिनाएको उपाहारमा यिनै दुई हात जोर्नु छ। ‘सयौँ थुङ्गा फूलका हामी एउटै माला नेपाली’ गुनगुनाई, तड्पिएको आफ्नै मन विभाजित टुक्रा टुक्रा पारेर फोर्नु छ। निथ्रुक्क हृदय झन् छट्पटाइ हारै हार खाएर मोर्नु छ।
✍️अच्युत घिमिरे-भुटानबाट🇧🇹 ………………………………………………………
पञ्चाङ्ग [०९]
नयाँ वर्षमा नयाँ जोस लर्केर आए हुन्थ्यो। नराम्रा छोडी राम्रा जति फर्केर आए हुन्थ्यो। समय र परिस्थिति संग लड्डडि गर्दै जीवन, विकृति र विसंगति देखि तर्केर आए हुन्थ्यो । हरि ॐ भन्दै गङ्गाजल छर्केर आए हुन्थ्यो।
✍️सरस्वती श्रेष्ठ, इटहरी । ………………………………………………………
पञ्चाङ्ग [१०]
पैसा कमाउन खाटबाट तल झर्नु पर्छ। काम खाेज्नलाई भने यताउता सर्नु पर्छ। धनसम्पत्ति जाेड्न हेर हुँदैन नि सजिलाे, काम ठुलाे वा सानाे जे पाए पनि गर्नु पर्छ। पैसा कमाउन त सातसमुद्र तर्नु पर्छ।
✍️नवराज भट्ट, कञ्चनपुर । ……………………………………………………
पञ्चाङ्ग [११]
बृद्धाश्रममा पुगेर आँमा बाबाको मुहार हेर्छन् यहाँ । जीवनभरिको बदलमा एकदिन प्यार बेर्छन् यहाँ । वाह रे ! सन्तान मात्रृत्व प्रेमको ओपचारिकता मात्र, वर्षदिनमा एकदिन आफ्नो उनि सन्सार फेर्छन् यहाँ । जन्माएर हुर्काए कुन नियत सन्तानले घेर्छन् यहाँ ।
पञ्चाङ्ग [१२] [०१] आँसु झारेर गयौ । माया मारेर गयौ । कति निष्ठुरी मन, व्यर्थै टारेर गयौ । एक्लो पारेर गयौ । [०२] तिमीले छाडेर जाँदा । आफ्नो मानेर जाँदा । मन मेरो रोई रह्यो , डाँडा काटेर जाँदा । एकल पारेर जाँदा ।
✍️गुणनिधि घिमिरे, अमेरिका । …………………………………
पञ्चाङ्ग [१३]
फलाम पनि सुन बन्थ्यो डढाएर मात्रै हुने भए । कोहि साना हुने थिएनन् बढाएर मात्रै हुने भए। म आफैं भित्र केही बन्छु भन्ने जागर त हुनुपर्छ , सप्पै विद्वान बन्ने थियो पढाएर मात्रै हुने भए। सप्पै तेन्जिङ बन्ने थियो चढाएर मात्रै हुने भए।
✍️पशपती राई, खोटाङ । ………………………………………………………
पञ्चाङ्ग [१४]
छन्द: मदकलनी ( २०।५०६८८० पिङ्गल) लक्षण: मदकलनी नजनमसा नलगाश्छिन्ना शराङ्गवाणाङ्गैः। गण: न ज न म स न ल गु सङ्केत : ।।। ।ऽ। ।।। ऽऽऽ ।।ऽ ।।। । ऽ वर्ण:२० , यति: ५/५ अक्षरमा ।
रचना: राजेन्द्रकुमार बज्राचार्य
नजर गयो, रहर भयो, तिम्रो तन नै मलम भयो । कहर गयो, प्रहर भयो, तिम्रो मन नै, मलम भयो ॥ समय कतै, फरक भयो, कस्तो पलमै,उदित हुँदा, जहर गयो, कहर गयो,तिम्रो धन नै मलम भयो । डगर भई,शहर गयो, तिम्रो जन नै, मलम भयो ॥१॥ [०२] उदक पसी, प्रहर रही, भो स्नान कतै, जलन अहो ! सडक हिँडी, डहर घुमी, भो शीतल नै,चलन अहो ! प्रणय रह्यो, नजर घुमे, भो ग्रीष्म अझै,वदन यहाँ, विजय भयो, हजम भयो, लौ पूर्व झनै, गलन अहो ! सदर भयो, अजर भयो, यो जीवनको, फलन अहो !!२॥ [०३] प्रियतमको, मदन लिई, लाली मनको, विमल भयो । झरझरको, सुखद लिई, गर्मीपनको, सिमल भयो ॥ छ खुलदुली, मनमुटुमा, कस्तो मनको, जहर जसै, अगल गयो, बगल गयो,साह्रै तनको, भिमल भयो । प्रियतमको, नवरसमा, बित्यो वय यो, छिमल भयो ॥३॥
✍️राजेन्द्रकुमार बज्राचार्य, काठमाडौं । ………………………………………………………………
पञ्चाङ्ग [१५]
तिमी खुशी हुन्छौ भने नाच्न तयार छु। अतृप्त नयन लिइ बाँच्न तयार छु। तिम्रो लागि त यो ज्यान बलिदान हो नि , थोपा थोपा पानी भरी साँच्न तयार छु। काँडै काँडा बिच फूल भाँच्न तयार छु।
✍️धनमाया चौधरी, कैलाली । ………………………………………………
पन्चाङ्ग [१६]
सफलता पाउन दुःख नै गर्नुपर्छ। बसि काम पाइन्न बाहिर चर्नुपर्छ। सानाे र ठुलाे छ त केबल हाम्रो सोच, खान त्यसै पाइदैन बीउ छर्नुपर्छ। घमण्ड के काे यस्तो सबले मर्नुपर्छ।
मानिस किन सबैको सामु धनले प्यारो छ । बुझेमा खास दिलको भाव मनले प्यारो छ । विकास कार्य गरेर सारा सजाए दुनियाँ, गाउँ र घर समाज मेरो जनले प्यारो छ । आखिर सौम्य संसार आफ्नो पनले प्यारो छ ।
✍️आर्त अकुलीन, कैलाली । ……………………………………………………
सम पञ्चाङ्ग [१८]
विश्वास गर्न सकिन्न अब तर्केर जानेकाे । नकारात्मक रहेछ भाव झर्केर जानेकाे । मान्दछ अर्ती घर्तीले पनि उसले मान्दैन, भन्केछ झिँगा अहम् काे गन्ध छर्केर जानेकाे । अवश्यम्भावी टुट्नेछ दिल धर्केर जानेकाे ।
ईश्वर दायाँ बन्नेछ नित्य फर्केर हिँड्नेकाे । जीवन तिम्रो उत्कृष्ट बनाेस् कर्केर हिँड्नेकाे । नम्र छ बाेली दृष्टान्त दिन्छाै सकल जनमा, समाज सारा प्राण झैँ बनुन् जर्केर हिँड्नेकाे। सुक्खामा तन छहारी बनाेस् दर्केर हिँड्नेकाे।
✍️सुरेश चन्द्र घिमिरे, लमजुङ । …………………………………………………
पञ्चाङ्ग [१९]
मायाले बोलायौ आश लाग्यो। भोकको पहिलो गाँस लाग्यो। दु:ख र कष्टमा साथ दिन्छौ, मन बिसाउँने बास लाग्यो। हजारौंमा एक खास लाग्यो।
✍️मन्दिरा सेढाई, मलेखु,धादिङ । ……………………………………………
पञ्चाङ्ग [२०]
आफ्नो देशको सिमानामा खबरदार गर्नुपर्छ । देशमा ति बैरी आएभने सिमादार गर्नुपर्छ । देशको सिमा मिच्नेलाई कसैले नि छोड्ने होईन, यो देशको सिमा रक्षा गर्न बफादार गर्नुपर्छ। एकताको जमात हुँदै समझदार गर्नुपर्छ । [०२] हिजोआज प्रदुषणले घामलाई छेलेको छ। राजनीतिज्ञहरूले जनतालाई जेलेको छ । जनता हामी जाग्नु पर्छ चुप लागी बस्नु हुन्न , कानुनी कुराले नचाहिने नियम पेलेको छ । हाम्रो देशको राजनीति बच्चा जस्तो खेलेको छ । [०३] मेरो यो चोखो माया तिमीलाई सुहाएन । चुडायौ दिल बायाँ तिमीलाई सुहाएन । अहङ्कार गर्नेलाई आत्मामा बास छैन , राखेको थिएँ दायाँ तिमीलाई सुहाएन । मेरो सुन्दर छायाँ तिमीलाई सुहाएन ।
✍️बेदु न्यौपाने, काठमाडौ ❤️ । ……………………………………………
पञ्चाङ्ग [२१]
आफ्ना खुसिहरु थाती राख्दै अरुका पूरा गरिदिनु पर्छ। पीडालाई छोपेर खुसिले आफ्नो यो आङ भरिदिनु पर्छ। भन्न सबैलाई सजिलो छ तर पूरा गर्न कति कठिन , बसिरहेको ठाउँ अर्कोलाई खुसि पार्न सरिदिनु पर्छ। विडम्बना धेरै जसोले यहाँ किन जिउदै मरिदिनु पर्छ।
✍️दुर्गा रिजाल आचार्य, मोरङ । ……………………………………
पञ्चाङ्ग [२२] [०१] रिक्त यो मनलाई तिमीआई भरिदियौ। प्रेमको बिजलाई तिमीआई छरिदियौ । दुवै मिली गरौं भन्थ्यौ पिरतिको यो खेती, अप्ठेरो यो मोडमा तिमीआई सरिदियौ । यो मनको चाहना तिमीआई हरिदियौ । [०२] नौ नौ महिना पेटमा राखी जन्म दियौ आमा। सारा दु:ख कष्ट तिमीले सहेकी थियौ आमा। मेलापात गरिकन हुर्काई बढाई गर्यौ, हाम्लाई दुध पिलाई आफू पानी पियौ आमा। हामीलाई सुख दिइ आफु पीडा लियौ आमा।
✍️सरिता सेढाई, धादिङ । …………………………………………………
पञ्चाङ्ग [२३]
धुवाॅ धुवां योज़िन्दगी बाॅच्न यहाँ गाह्रो भो। जताततै छ गन्दगी नाच्न यहाँ गाह्रो भो। कागजि फूलहरले वास्ना यहाँ छर्छ र, ऊर्जावान ज़िन्दगीलाई भाॅच्न यहाँ गाह्रो भो। रोगीको राष्ट्र हो हेर जाॅच्न यहाँ गाह्रो भो।
आहा ! कति राम्रो गुलाफ फूल हेर। गर्न नपराेस् जीवनमा भुल हेर। जीवन अविरल बग्ने नदि जस्तै हाे, आँखा विजाउने बन्नु छैन धुल हेर। माया कति सागर रुपी त्यो मुल हेर।
✍️शाेभा आचार्य गाैतम, काठमाडौँ । ………………………………………………
पञ्चाङ्ग [२६]
राजनीति मा नयाँ नयाँ पाटा फेरियो । नेताहरू हिड्ने धेरै बाटा फेरियो । सबै सम्पत्तिको विवरणहरू हेर्दै , आफ्नै देशलाई लागेको घाटा फेरियो । सडक छेउको पेटिमा भाटा फेरियाे।
✍️प्रविणा पल्लवी, महाेत्तरी । ……………………………………………
पञ्चाङ्ग [२७]
देश डुब्न लाग्यो बचाउन उठ युवा। हाम्रो मातृ शक्ति जगाउन उठ युवा। वैरीको छायासम्म पर्नु हुन्न माटोमा , वीरताको पाठ पढाउन उठ युवा। रुँदा हाम्री आमा हँसाउँन उठ युवा।
✍️वीणा रोका, घोराही दाङ । ………………………………………………
पञ्चाङ्ग [२८]
माया गर्ने टाढा भएपनि बाँचेकै छु । पछिलाई तिमी गएपनि साँचेकै छु । हिंसा बोध हुनेकुरा भएन कहिले , आशावादी सबै लएपनि नाँचेकै छु । कुर्मलाई हेर्दै सहेपनि भाँचेको छु ।
मेरो मनलाई बुझेर साट्नेको होला । कुरा गलत भयो भनी काट्नेको होला । दिलमा बस्ने एउटा माया गर्ने आर्कै , मेरो स्थितिलाई हेरेर आँट्नेको होला । धेरे मध्यमा मलाई नै छाट्नेको होला ।
✍️कला ढकाल , झापा । ……………………………………………
पञ्चाङ्ग [३०]
आर्थिक मन्दीले गतिशीलता पाओस् शुभकामना। दुखी गरिबहरुको अन्त्य भै जाओस् शुभकामना। दिनहुँ आत्महत्या गर्नेको संख्या बढ्दै आएको छ, अब आत्महत्या विरुद्ध अन्त्य छाओस् शुभकामना। सबैकाे मनमा सद्भाव प्रेम आओस् शुभकामना।
✍️सुशीला पौडेल । …………………………………………………………
पञ्चाङ्ग [३१]
पाखा बारी त खडेरीले खायो हेर। पाखामा पानीकै खडेरी लायो हेर। छैन रहेछ पहाडमा पनि पानी, सुख्खाले मौसम गाउँमा छायो हेर। कसैले पाएन कसैले पायो हेर।
✍️सुमित्रा पोखरेल, काठमाडौं । ………………………………………………
पञ्चाङ्ग [३२]
जिन्दगी त चलिनै रहन्छ हार मान्न हुँदैन। हाँसाे,आँसुकाे सँगमनै हाे भार मान्न हुँदैन। राम्रो मात्रै कहाँ खाेजेर पाइन्छ र याे धर्तीमा, गाेडमेल गरे फल मिल्छ झार मान्न हुँदैन। सुख,दुख चल्छ खुकुरीकाे धार मान्न हुँदैन।
✍️उर्मिला के.शी., धनकुटा । …………………………………………………
पञ्चाङ्ग [३३]
मिठो सम्झना पठाएँ मनैबाट ऐले। सुम्पिने छु माया भेट्दा तनैबाट ऐलै। हामी टाढा भएर शङ्का नगरौँ मित्र, निस्क्यौँ अब आरोपको वनैबाट ऐले। बाँचिन्छ जान्दा प्रेमको धनैबाट ऐले।
साउदीमा कार्यरत नेपाली श्रमिक बीच करिव १ लाख ७७ हजार प्रथम पुरस्कार रहेको प्रथम दम्माम भेट्रान गोल्डकप-२०२३ को तयारी पूरा भएको छ।
नयाँ बर्ष २०८० तथा मुस्लिम धर्मालम्बिहरुको महान चाड इद अल- फित्रको उपलक्ष्यमा दमाम भ्रेटान फुटबल क्लब साउदी अरबद्वारा आयोजित उक्त प्रतियोगितामा २१ टिम सहभागी रहने क्लबका अध्यक्ष रोशन श्रेष्ठले जानकारी दिए।
आउँदो शुक्रबार र शनिबार २१ र २२ अप्रिलमा हुने उक्त प्रतियोगिताको लागि प्रथम पुरस्कार राशी करिब १ लाख ७७ हजार बराबरको रहेको छ । प्रतियोगिताको बिजेता टिमले ५१५१ साउदी रियल (नेपालि १ लाख ७७ हजार), ट्रफी, मेडल र प्रमाणपत्र र उप–बिजेता टिमले २५२५ साउदी रियाल (नेपालि ९० हजार), ट्रफी, मेडल र प्रमाणपत्र प्राप्त गर्नेछन् भने प्रतियोगिताका हरेक खेलको उत्कृष्ट खेलाडीहरूलाईसमेत ट्रफी, मेडल र प्रमाणपत्र प्रदान गरिने आयोजक जनाएको छ।
उक्त प्रतियोगिताको प्रायोजन संघीय लिम्बुवान सामाजिक मन्च , राफा मेडिकल सेन्टर ,वाईवाई चाउचाउ ,फ्रेन्डी मोबाइल लगायत कम्पनी तथा संघ संस्थाले गरेका छन् भने साथै गैर आवासीय नेपाली संघ मध्य पुर्ब संयोजक राजेन्द्र अर्याल , समाजसेवी राजु सैयद ,श्री यावा लिम्बू ,जेन कुमार लामा ,कुबेर हुमागाई, उमेश भट्टराई र रामचन्द्र पौडेलल लगायत साउदी अरबमा रहि सामाजिक कार्यमा सक्रिय नेपालीले पनी उक्त प्रतियोगिताको लागि सहयोग रकम उपलब्ध गराईएको बताइएको छ ।
चितवन, वैशाख २ गते चितवन-मकवानपुर स्रष्टा भेटघाट, पदयात्रा तथा रचना वाचन कार्यक्रम पूर्वि चितवनको राप्ती नगरपालिका वार्ड नम्बर-१०को राष्ट्रिय माध्यामिक विद्यालय, स्वामिटारमा अत्यन्त उत्साहपूर्ण रूपमा सम्पन्न भएको छ ।
नमस्ते आधुनिक लघुकथा मञ्च, चितवन तथा लघुकथा चौतारी, मकवानपुरको संयुक्त आयोजनामा गरिएको कार्यक्रममा चितवनका ३ जना स्रष्टा, मकवानपुरका ५ जना स्रष्टा तथा भक्तपुरका १ जना अतिथि स्रष्टा गरी ९ जना स्रष्टाहरूले किरनटार, स्वामिटार र खहरेका करिब ५० जना स्थानीय साहित्यप्रेमी मनहरू माझ लघुकथा वाचन गरी सुनाउनु भएको थियो ।
चितवनका ३ स्रष्टाहरूमा नमस्ते आधुनिक लघुकथा मञ्चका अध्यक्ष घनश्याम डल्लाकोटी ‘कृष्णजी शर्मा'( रानपा-८ ) सदस्यहरू मीठु कुमारी पाठक ( रानपा-८) र प्रभा देवी पौडेल ( भरतपुर ) को सहभागीता थियो भने मकवानपुरबाट लघुकथा चौतारीका संयोजक किशन पौडेल( हेटौँडा ), सदस्यहरू समीर पाख्रिन( हेटौँडा ), तोयानाथ सुवेदी ( हेटौँडा ), विष्णु प्रसाद गौतम( हेटौँडा ) र श्याम प्रसाद श्रेष्ठ( हेटौँडा ) को सहभागीता रहेकोे थियो ।
नमस्ते आधुनिक लघुकथा मञ्चका अध्यक्ष घनश्याम डल्लाकोटी’कृष्णजी शर्मा’को सभापतित्वमा र अतिथि स्रष्टा मनीषकुमार शर्मा समित (भक्तपुर) को प्रमुख आतिथ्यमा सम्पन्न कार्यक्रममा राप्ती नगरपालिका वडा नम्बर-१० का वडाध्यक्ष तेज बहादुर तामाङ, चितवन- मकवानपुरका सम्पूर्ण स्रष्टाहरू, रा.मा.वि., स्वामिटारका प्रधानाध्यापक आशमान तामाङ ; रा.आ.वि., किरनटारका प्रधानाध्यापक ज्ञामु गिरी; रा.आ.वि., चारकिल्लाका प्रधानाध्यापक दशरथ तामाङ, रा.आ.वि., पोखरीका प्रधानाध्यापक सन्त बहादुर बि.क.; स्वास्थ्य चौकी, चौघराका इन्चार्ज कुमार सापकोटा लगायत स्वामिटार र खहरेका विभिन्न सामाजिक तथा बौद्धिक व्यक्तिहरूलाई विशिष्ट अतिथिको आसन ग्रहण गराइएको थियो ।
कार्यक्रममा वडाध्यक्ष तामाङले नमस्ते आधुनिक लघुकथा मञ्चबाट प्रकाशित डा. विदुर चालिसे कृत लघुकथालय, लघुकथाकल्प, मञ्चका सम्पादकहरूद्वारा सम्पादन गरिएका लघुकथाको सुगन्ध ( विषय केन्द्रित विभिन्न संयुक्त लघुकथा सङ्ग्रहहरू : ‘बाल’, ‘बा’, शिक्षक विषयक तथा स्मारिका अङ्क-४ ) लघुकथा समाज, नेपालद्रारा प्रकाशित पूर्ण प्रसाद ब्राह्मणको कृति ‘झिल्का’ तथा विभिन्न स्रष्टाका विभिन्न लघुकथा कृतिहरू स्थानीय स्वामिटार र खहरेका विभिन्न माध्यामिक तथा आधारभूत विद्यालयका प्रधानाध्यापकहरूलाई हस्तान्तरण गर्नुभएको थियो ।
नमस्ते आधुनिक लघुकथा मञ्चका अध्यक्ष घनश्याम डल्लाकोटीको गृह परिसरमा ११ बजेसम्ममा भेला तथा भेटघाट भएका ९ जना स्रष्टाहरू बिहान ११:३० बजेतिर राष्ट्रिय माध्यामिक विद्यालयको परिसरमा पुगेका थिए । १२ बजे सुरु गर्ने भनिएको कार्यक्रम टाढाटाढाबाट पैदल यात्रा गरी आउन र सर्वसाधारण जुट्न समय लागेको कारण अपरान्ह १ बजेपछि मात्र सुरु भएको थियो भने अपरान्ह ४ बजेतिर समापन भएको थियो ।
कार्यक्रम समापन पछि हिमालयन अर्गानिक चियाले सौजन्य गरेको उच्च पहाडी भेगको विशिष्ट र उत्कृष्ट गुणस्तरको चिनी नराखी पिउन सकिने प्राकृतिक रूपमा स्वादिष्ट कालो चिया र रा.न.पा.वडा-१० को तर्फबाट स्याउ, अङ्गुर, बिस्कुट खाजा वितरण गरिएको थियो । कार्यक्रम सञ्चालन आधारभूत विद्यालय बजरहट्टीकी प्र.अ. तथा नमस्ते आधुनिक लघुकथा मञ्चकी सदस्य श्रीमती मीठू कुमारी पाठकले गर्नुभएको थियो ।
काठमाण्डौ/राष्ट्रिय प्रजातन्त्र पार्टी (राप्रपा) की सांसद विना जैसवालले प्रतिनिधिसभा बैठकमा हिन्दू राष्ट्र माग्दै गायन्त्री मन्त्र र जय श्रीरामको नारा लगाएकी छन् ।
मंगलबार प्रतिनिधिसभाको बैठकमा बोल्दै उनले हिन्दू राष्ट्र माग्दै गायत्री मन्त्र वाचन गरेकी हुन् ।
उनले देश र जनताप्रति इमानदार र निष्ठावान् बन्न सदनमा ईश्वरको नाममा शपथ खान सकिन्छ भने देशको वातावरण सुधार होस् भ्रष्टाचार कम होस् भनेर भन्न पाइने बताइन् ।
उनले भनिन्, ‘आइ स्ट्रोङली विलिभ इन अल द रिलिजन आर सेम । इन फ्याक्ट माइ ड्यु रेस्पेक्ट अल द रिलिजन बट माई रिलिजन इज माई प्राइड । कुनैपनि धर्ममा भेद छैन, मान्छेको मनमा भेद छ । सर्वधर्म सम्पन्न हिन्दू राष्ट्र नेपाल कायम होस, जय श्रीराम ।’
साउदीले तीन महिना अवधिको लागि अस्थाइ कामदार भिसा कार्यक्रम ल्याएको छ । यो भिसा बिना कागजात र बिना श्रम प्रक्रिया सजिलै लिन सकिने बताइएको छ ।
भिसा जारी गर्ने साउदीको ‘क्वीवा’का अनुसार यो भिसा स्वीकृत भएको दिनदेखि तीन महिनासम्म भिसावाहकले साउदीमा काम गर्न पाउँछन् । तीन महिनाको समय सकिएपछि आवश्यकताअनुसार फेरि त्यति नै अवधिको लागि भिसाको म्याद थप्न पाइने छ । क्वीवा मानव संसाधन मन्त्रालय अन्तर्गत श्रम क्षेत्रका विभिन्न सेवाहरु प्रदान गर्ने विद्युतीय प्लेटफर्म हो ।
यो भिसा पाउन रोजगारदाता वा क्वीवाका आयुक्तहरुले आवेदन पेस गरेको हुनुपर्छ । यो भिसामार्फत छोटो समयको कामदार मगाउन चाहने कम्पनी व्यावसायिक रुपमा दर्ता भएको र भिसा माग गरेको समयसम्म सक्रिय रहेको हुनुपर्ने उल्लेख छ ।
अस्थाइ कामदार भिसा लिएका विदेशी श्रमिकलाई इकामा लिनुपर्ने आवश्यकता हुँदैन । यस्तै यो भिसा भइसकेपछि काम गर्नको लागि ‘वर्क परमिट’ र रेजिडेन्सीको आवश्यक पनि नपर्ने गल्फ न्युजले लेखेको छ । यो भिसाको लागि अनलाइन निवेदन दिएको लगत्तै भिसा जारी हुन्छ । यसमा थप ‘डकुमेन्टेशन’को आवश्यकता पर्दैन ।
साउदीले यसलाई एउटा कार्यक्रमकै रुपमा लिएको छ । साउदीमा सञ्चालित निजी कम्पनीहरुलाई तत्कालै छोटो समयको लागि विदेशी कामदार चाहिए भर्ति गर्न सजिलो होस् भन्ने हेतुले यो कार्यक्रम ल्याइएको हो ।
यस्तै, यो कार्यक्रमले साउदीकरणको अभियान (निताकत)मा फरक नपार्ने बताइएको छ । साउदीले पछिल्लो समय आफ्नै त्यहीँको नागरिकलाई रोजगारीमा पहिलो प्राथमिकता दिन थालेको छ । यो भिसा कार्यक्रमले त्यो अभियानमा कुनै फरक नपार्ने जनाइएको हो ।
१४ अप्रिल २०२३ ! गैरआवासीय नेपाली संघ साउदी अरबको मातहतमा रहेको क्षेत्रीय समन्वय समिती अल कासिमले आफ्नो पाचौ अधिवेशन र दसौ बार्षिकोत्सब तथा श्रमिक अन्तक्रिया कार्यक्रम गत १४ अप्रिल शुक्रबारका दिन भब्यताका साथ सम्पन्न गरेको छ । संस्थाका कार्यबाहक अध्यक्ष कृष्ण अधिकारीको अध्यक्षतामा २०२३-२०२५ कार्यकालका लागि आयोजित उक्त अधिबेशनबाट १४ जना पदाधिकारीहरु निर्विरोध निर्वाचित भएका छन् । अध्यक्षमा कृष्ण अधिकारी सहित, वरिष्ठ उपाध्यक्षमा खिलेन्द्र (काजी) कन्दङ्वा, उपाध्यक्षमा बिनोद खड्का, सचीवमा ध्रुब कटुवाल, सह-सचिबमा सिद्दीलाल श्रेष्ठ, कोषाध्यक्षमा चिरञ्जीवी अर्याल, सह कोषाध्यक्षमा वीर बहादुर तमाङ, युवा संयोजकमा बद्री (समीर) के. सी., सदस्यहरुमा रमन अर्याल, राज (मुकेस) पौडेल, बिक्रम रुम्बा, दिपक क्षेत्री, धन कुमार आचार्य र अलि हुसेन मियाँ निर्वाचित भएका छन् ।
कार्यबाहक अध्यक्ष कृष्ण अधिकारीको सभापतित्वमा सचिब ध्रुब कटुवाल तथा सह-सचिब सिद्दीलाल श्रेष्ठ द्वारा संचालित उक्त कार्यक्रममा नेपाली राजदूतावास रियादका प्रथम सचिब ऋषिराज आचार्य प्रमुख अतिथीमा, एनसिसीका अध्यक्ष डम्बर यादब,आइसिसीका मध्य पुर्व संयोजक राजेन्द्र (जोन) अर्याल, एनसिसीका सस्थापक संरक्षक राजु सैयद बिशिस्ट अतिथिमा, र एनसिसीका उपाध्यक्ष भक्त वीर राई, एनसिसीका कोषाध्यक्ष मनिष कोइराला, एनसिसीका निवर्तमान उपाध्यक्ष विशाल कुमार श्रेष्ठ , एनसिसीका सदस्य नेत्र न्यौपाने, गन्तव्य नेपालका अभियान्ता यादब घिमिर, जनप्रगतीसिल मन्चका सचिब सुमन दाहाल, साथै आरसिसी अल कासिमका सल्लाहकार परिषदका पदाधिकारीहरु लगायत मिडियाकर्मीहरु अतिथिमा रहेका थिए ।
दुई चरणमा गरि समापन गरिएको उक्त कार्यक्रमको पहिलो चरणमा आसन ग्रहण देखि राष्ट्रिय गान, कार्यक्रम उद्घाटन गर्नुको साथै २०२१-२०२३ कार्यकालको कार्य प्रगति प्रतिवेदन सचीव र सह-सचिब द्वयद्वारा अडियो भिडियोद्वारा र संस्थाका सह कोषाध्यक्ष वीर बहादुर तमाङद्वारा आर्थिक प्रतिवेदन प्रस्तुत गरिएको र सभापतिले पुरानो कार्यसमिती विघटन गर्दै पहिलो चरणको कार्यक्रम समापन गरेका थिए ।
एनसिसी कोषाध्यक्ष मनिष कोइराला द्वारा संचालित दोस्रो चरणको कार्यक्रम बन्द सत्र बाट सुरु भएको र निर्वाचन समितीका संयोजक भक्त वीर राइ द्वारा नयाँ उम्मेद्बारीहरुको नाम प्रस्तुत गर्दै यदि अरु कसैलाई उम्मेद्बारी दिन इच्छुक भए १ मिनेटको समय दिई दाबीविरोध भए सुझाउन गरिएको अनुरोधमा कोहि कसैको दावी विरोध नपरेकोले उम्मेद्बारी दिएका नामहरु नै निर्विरोध निर्बाचित भएको घोषणा गर्दै बधाई तथा सफलताको शुभकामना दिएका थिए ।
उक्त कार्यक्रममा उपस्थित प्रमुख अतिथि, बिशिस्ट अतिथिहरु तथा अतिथिहरुले दिएको शुभकामना मन्तव्यमा अल कासिम क्षेत्रीय समितीले गरेका अनगिन्ती सामाजिक सेवा प्रति सबै अभारी रहेको र अन्य क्षेत्र भन्दा अगाडी रहेर श्रमिकहरुको समस्या समाधान मा ठुलो योगदान दिन सफल भएकोले २०२१-२०२३ कार्यकालका समितीलाई धन्यवाद दिदै नयाँ कार्यसमिति लाई अझ अगाडी बढ्न शुभकामना दिएका थिए। अन्त्यमा कार्यक्रम समापन गर्दै सभापति अधिकारीले सबै उपस्थित अतिथिहरुलाइ, सहयोगी मनहरुलाइ, पत्रकार मिडियाहरुलाइ, उपस्थित दाजुभाइहरुलाइ धन्यवाद ज्ञापन गर्दै कार्यक्रम समापन गरिएको थियो ।
भिजिट भिसामा वैदेशिक रोजगारीका लागि हिँडेकालाई त्रिभुवन अन्तर्राष्ट्रिय विमानस्थलबाट फर्काउने क्रम बढिरहेको छ । मानव तस्करी तथा नक्कली श्रम स्वीकृतिका सन्दर्भमा शंकाको घेरामा परेकालाई दैनिकजसो फर्काउने गरिएको छ ।
विमानस्थलमा खटिएको मानव बेचबिखन अनुसन्धान ब्युरोले चैत २७ सम्म २ हजार ४ सय २९ वटा राहदानी नियन्त्रणमा लिएर फर्काएको छ । चैत २७ गते मात्र विभिन्न मुलुकमा भिजिट भिसामा जान लागेका ८३ महिला र चार पुरुषलाई ब्युरोले परामर्श दिएर फर्काएको छ । माघमा महिला र पुरुष गरी २ सय ५०, फागुनमा महिला ५ सय ५७ र चैत २७ सम्म महिला पुरुष गरी ६ सय १२ जनालाई भिजिट भिसामा विदेश जान रोकिएको ब्युरोले जनाएको छ ।
वैदेशिक रोजगारीमा जान विमानस्थल पुगेकालाई नै आफू कुन देश जान लागेको, नै गएर के काममा गर्नुपर्ने हो भन्ने विषयमा थाहा नभएको पाइएको ब्युरोले जनाएको छ । ब्युरोका अनुसार उनीहरूमा आफू जान लागेको देशको भाषासम्बन्धी ज्ञान र सीपको पनि अभाव रहेको देखिएको छ ।
बैंक स्टेटमेन्ट, श्रम स्वीकृति, भिजिट भिसा र शैक्षिक प्रमाणपत्र नक्कली भएकालाई फर्काउने गरिएको ब्युरोको भनाइ छ । खासगरी अवैध तरिकाले घरेलु कामदारका रूपमा भिजिट भिसामा विभिन्न देशमा जान लागेकालाई यसरी फर्काउने गरिएको छ ।
