Category: अन्तर्राष्ट्रिय

साउदी अरबको ताबुक क्षेत्रमा हिजो बिहान भएको दुर्घटनामा
एकजना नेपालीको मृत्यु भएको छ।

स्रोतका अनुसार बिहान काममा जाने बेला सडक दुर्घटनामा परी दाङका कमल बस्नेतको मृत्यु भएको हो।

प्राप्त जानकारीअनुसार दुर्घटना पश्चात शवलाई कहा र कुनअवस्थामा राखीएको छ भन्ने जानकारी नभएको बताइएको छ।

महबाणिज्यदुताबास जेद्दाका अनुसार मृतक कमल बस्नेतको बारेमा दूतावासलाई जानकारी भएकातापनि कम्पनीको सम्पर्क नम्बर नभएको ले अहिलेसम्म प्रक्रिया अगाडी बढेको छैन
।
यद्यपि कोही कसैलाई मृतक कमल बस्नेतको कम्पनीको बारेमा वा व्यक्तिगत तर्फबाट चिन्नु हुन्छ भने वहाँको राहादानी वा कम्पनीको सम्पर्क नम्बर उपलब्ध गराउन सम्बन्धित सबैलाई महबाणिज्यदुताबास जेद्दाद्वारा आग्रह गरिएको छ।

काठमाडौं। सरकारले भिजिट भिसामा खाडी मुलुक र मलेसिया जान रोक लगाएको छ।

गृह मन्त्रालयले एक विज्ञप्ती जारी गर्दै माघ १० गतेदेखि लागू हुनेगरी भिटिज भिसामा खाडी मुलुक र मलेसिया जान रोक लगाइएको जनाएको छ।

बढ्दो कोरोना संक्रमणका कारण खाडी मुलुक र मलेसिया गई विचल्लीमा पर्ने नेपालीको संख्या बढेको भन्दै मन्त्रालयले भिटिज भिसामा भ्रमणमा जान रोक लगाएको गृह प्रवक्ता फडिन्द्रमणि पोखरेलले जनाएका छन्।

काठमाडौं । जाजरकोटका एक युवा १८ महिनादेखि स्वास्थ्य समस्याका कारण छटपटाइ रहेका छन् । उनको अवस्था देख्दा एक मनले कठै भन्न मन लाग्छ । अर्को मनले यी सोझा सीधा नेपाली युवालाई यस्तो अवस्थामा पु-याउनेहरुमाथि मध्ययुगीन सजाय होस् भन्ने पनि लाग्छ ।

जाजरकोटका आयुष राना छटपटाएको १८ महिना भयो । तर उनलाई साउदी पु-याउने ललितपुरको न्यू वल्र्ड ओभरसिज म्यानपावरले नेपाल फर्काउने दया देखाएन । उनी हुन् भेरी नगरपालिका –१ रावतगाउँका स्थायी बासिन्दा हुन् । वैदेशिक रोजगारीका लागि साउदीको जेद्धा पुगेका उनी थलिएको १८ महिना भयो ।

व्यथाले यो हदसम्म पु-याउँदा पनि आयुषको उपचार खर्च भएन । नेपाल फर्किन्छु भन्दा कम्पनीले दिएन र नेपालको म्यानपावरले यी युवाको पीडा महशुस गरेन । मेनपावरले उनको जिम्मा पनि लिएन ।

यस्तो दर्दनाक अवस्थामा छन आयुष

डिसेम्बर १६, २०१९ मा उनी साथीसँगै साउदी पुगे । छारे रोग जस्तो देखिने समस्याबाट १८ महिनादेखि आयुष थलिएका छन् । यसबीच उनले न उपचार पाए, न खाने बस्ने सुविधा नै ।

साउदीको कानुनअनुसार बिरामी व्यक्तिको उपचारका लागि सरकारी सहयोग माग्नु पर्छ । तर आफैैंले लिएर जान मिल्दैन ।

ललन बिहीबार दिउसै मात्रै नेपाल फर्किएका छन् । आयुषसँगै ललनले पनि साउदीमा ठूलो सास्ती व्यहोरे । त्रिभुवन विमानस्थल उत्रिसकेपछि ललनले लामो सास फेर्दै भने – बाँच्ने आशै थिएन । अर्को जीवन पाएको महशुस गरिरहेको छु ।’

फिर्ता ल्याउने म्यानपावरकाे वाचा

२५ महिना अघि उनीहरु न्यू र्वल्ड ओभर्सिज म्यानपावरबाट साउदी पुगेका हुन । उनीहरुलाई साउदी पु-याउने ललतिपुरको चाकुपाटीस्थित न्यू र्वल्ड ओभर्सिज म्यानपावरलाई सम्पर्क गर्दा म्यानपावरले फर्काउने प्रयास भइरहेको प्रतिक्रिया दिएको छ । म्यानपावरका अध्यक्ष तीला काप्रीसँग भेटेरै कुराकानी गर्न खोजेपनि उनले आफ्नो स्वास्थ्य राम्रो नभएको जानकारी दिए ।

१८ महिनासम्म जीवन र मृत्युको दोसाँधमा छाड्ने काप्रीले पत्र पत्रिकाको चासो पछि एक हप्तामा आयुषलाई फिर्ता ल्याउने वाचा गरे ।

एजेन्सी, ६ माघ। कोरोना महामारी पुनः फैलिन थालेपछि फेब्रुअरी २८ सम्मका लागि भारतबाट बाहिर जाने र अन्य मुलुकबाट भारत आउने सम्पूर्ण अन्तर्राष्ट्रिय उडान स्थगित गरिएको छ । तीब्र रुपमा फैलिरहेको कोरोनाको जोखिम कम गर्न भारतले उडान स्थगित गरेको भारतीय उड्डयन अधिकारीहरूले जानकारी दिएका छन् ।

भारतको नागरिक उड्डयन महानिर्देशनालयले जारी गरेको परिपत्रअनुसार नागरिक उड्डयनसँग सम्बन्धित निकायबाट स्वीकृति लिएका र सबै कार्गो सञ्चालन तथा उडानका लागि यो प्रतिबन्ध लागू हुने छैन ।पछिल्लो निर्णय अनुसार भारतबाट विदेश जाने र विदेशबाट भारत आउने अन्तर्राष्ट्रिय वाणिज्य यात्रु सेवालाई फेब्रुअरी २८ को मध्य राति १२ बजेसम्मका लागि विस्तार गर्ने निर्णय गरिएको छ ।

तर ‘एअर ववल’ प्रबन्ध अन्तर्गत् दुई देशबीच सम्झौता भएर संचालन हुने उडानहरू भने यस निर्णयबाट प्रभावित नहुने बताइएको छ ।बढ्दो कोभिड सङ्क्रमणको फैलावटलाई नियन्त्रण गर्न भारतले सन् २०२० मार्च को अन्त्यतिर राष्ट्रव्यापी लकडाउनका साथै अन्तर्राष्ट्रिय तथा राष्ट्रिय उडानहरू स्थगित गरेको थियो । तर झण्डै दुई महिनापछि २५ मे, २०२० देखि घरेलु उडान पुनः सञ्चालनमा ल्याएको थियो ।

नेपाली राजदुतावास रियाद द्वारा आज आफ्नो आधिकारिक फेसबुकमार्फत् एउटा सूचना जारी गर्दै अति जरूरी भएकाहरूले मात्र यन्त्र वाचक राहदानी (MRP) नविकरणका लागि आवेदन
गर्नेसम्बन्धी सूचना जारी गरेको छ।
सुचना अनुसार निकट भविष्यमै यस राजदूतावासबाट विद्युतीय राहदानी (e-Passport) को लागि आवेदन लिने प्रकृया शुरू गर्ने योजना रहेको
हुंदा हालको राहदानीको म्याद समाप्त भैसकेको वा तुरून्तै छुट्टीमा नेपाल जानुपर्ने भएमा वा ईकामा नविकरण गर्नुपर्ने
अवस्था आएको भए मात्र यन्त्र वाचक राहदानी (MRP) नविकरणका लागि आवेदन गर्नुहुन सम्बन्धित सबैलाई सूचित
गरिन्छ भनी जारी सूचनामा उल्लेख गरिएको छ।

विश्वका अन्य मुलुकमा जस्तै साउदी अरबमा पनि कोरोना संक्रमणदर दिनानुदिन बढ्दै गैरहेकोले तत्काल साउदी अरबको कुनै
पनि शहरमा राहदानी आवेदन संकलन शिविर नराखिने र e-Passport को लागि आवेदन लिन शुरू गर्ने मिति तय भएपश्चात सोको जानकारी गराइने बताइएको छ।

अत्यावश्यक परी राहदानी नविकरण गर्नुपर्ने अवस्था
भएका सेवाग्राहीहरू राहदानी नविकरणको लागि तल उल्लेखित निर्देशन पालना गरी राजदूतावासमा नै आउनु पर्नेछ।

राहदानी नविकरणका लागि दूतावासमा आउँदा देहायका कागजात अनिवार्यरुपमा साथमा लिएर आउनु हुन अनुरोध छ ।

१. सक्कल राहदानी
२. राहदानीमा आफ्नो फोटो भएको पेज र पेज नं. ३१ को फोटोकपि एक/एक प्रति
३. नागरिकताको फोटोकपि एक प्रति (अगाडि र पछाडि दुबै पेज एउटै पानामा आउने गरी)
राहदानी नविरण दस्तुर साउदी रियाल-२००।-
राहदानी हराएको वा कुनै कारणले बिग्रिए वा च्यातिएको भए साउदी रियाल-४००।-

कुवेत सिटी। रोजगारीको लागि दुई वर्षअघि कुवेत आएका सिराहाका रमेश मण्डलले आत्महत्या गरेका छन्।

अल जाहारा क्लिनिङ कम्पनीमा कार्यरत मण्डलले आफ्नै आवासमा झुन्डिएर आत्महत्या गरेका हुन्।

नेपाली राजदूतावास कुवेतका द्वितीय सचिव श्रीकृष्ण सिलवालका अनुसार मृतकको परिवार तथा कम्पनीसँग समन्वय गरी शव पठाउन प्रकृया सुरु गरिएको छ।