Tag: वसन्त अनुभव

विशेष झिल्का लेखनको छैटौँ शृङ्खला (कविता दिवस) सम्पन्न भएको छ । झिल्का साहित्य समाज नेपालले २०८० चैत ७ गते विश्व कविता दिवसको विशेष अवसरमा उक्त कार्यक्रम आयोजना गरेको थियो ।

झिल्का कविता लेखनको यस विशेष शृङ्खलामा विगतका शृङ्खलामाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ६५ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।

झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ ।

सहभागी झिल्काकारहरूका उत्कृष्ट झिल्का कविताहरू-

~~~
१)
जोडेर शब्दहरूको थुङ्गा
विश्व परिभ्रमण गरौँ
खियाउँदै भावको डुङ्गा !
✍️ वसन्त अनुभव
घोराही उपमहानगरपालिका १४, दाङ
—–<•>—–
२)
साहित्यको रस कवितामा
छ फूलझैँ सुगन्धित
झिल्कामार्फत दिएँ करारनामा ।
✍️ म्यामराज राई, भोजपुर
—–<•>—–
३)
गरेर नौला शब्दग्रहण
भावनाको जहाज बनाई
गरौँ विश्वको परिभ्रमण l
✍️ बाबुराम गौतम, गुल्मी
—–<•>—–
४)
भावले ममता भर्न
कविताको माध्यमबाट सदा
सचेतनाको बीउ छर्न ।
✍️ प्रेम थापा “मन”बागलुङ
—–<•>—–
५)
लेखौँ कविता रमेर
शब्दको पहिचान गरौँ
साहित्यमा हामी जमेर !
✍️ मन्दिरा सेढाई
मलेखु,धादिङ
—–<•>—–
६)
उड्छु म भावनासङ्ग
घरी बिलिन हुन्छु
घरी त झसङ्ग !
✍️ पुष्पा सुवेदी
—–<•>—–
७)
पूरा होस् चाहाना
कविता दिवस विशेष
सबैलाई हार्दिक शुभकामना !
✍️अनिता भण्डारी ताप्लेजुङ
—–<•>—–
८)
कवितामा सबैलाई जोडौँ
संसारको परिभाषा सिकेर
विश्व कवितालाई मोडौँ !
१.
अक्षरको खेती गरौँ
सबैलाई छ माया
कविता लेखेर भरौँ ।
२.
✍️ नीमा छिरिङ भोटिया
जलढका कालेबुङ भारत
—–<•>—–
९)
लेखौँ कविता आज
मन खुसी बनाई
गरौँ दिलमा राज।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
—–<•>—–
१०)
कविता नै ताल
जसको माध्यम हामी
बुझिन्छ प्राकृतिक हाल !
✍️ शोभा आचार्य गौतम
काठमाडौँ
—–<•>—–
११)
मिठा कुरा गरेर
बस्छन् भ्रम छर्दै
जान्छन् यिनै सडेर ।
१.
लेखिन्छ कविता मिठा
कल्पना कला यथार्थ
छर्दै भाव छिटा ।
२.
✍️ कपिल किशोर घिमिरे
—–<•>—–
१२)
कविता पढेर रमाऔँ
साहित्यले दिन्छ ज्ञान
कृति रचेर जमाऔँ ।
✍️ राज कुमार राजभण्डारी खाेटाङ्गे
मध्यपुर ठिमी ५संगम काेलाेनी राधे राधे भक्तपुर
—–<•>—–
१३)
अक्षरहरूको भव्य मेला
नयाँ पुराना सर्जकहरू
कविता दिवसमा भेला ।
✍️ राजेन्द्र प्रधान पासा
—–<•>—–
१४)
कलम कापी समाउने
उथलपुथल मनको भावहरू
पोखेर शब्दमा रमाउने
✍️ संगीता खरेल
काठमाडौँ
—–<•>—–
१५)
पुगोस् सबैको चाहना
आज विशेष दिनको
सबैमा भव्य शुभकामना !
✍️ शान्ता पौडेल भट्टराई
टङ्कीसिनवारी, मोरङ
—–<•>—–
१६)
आफूलाई कवि ठान्दिनँ
तर लेख्छु कविता
दिक्क कहिल्यै मान्दिनँ ।
✍️ कबिताहरी
सुन्दर हरैंचा नगरपालिका १ मोरङ
—–<•>—–
१७)
झिल्का कविता लेखेर
समुहमा जोडिँदै छु
भव्य सहभागीता देखेर ।
✍️ धनमाया चौधरी
—–<•>—–
१८)
भावना बने रचना
बग्छन् नदीझैँ सलल
परिचय पाउने सम्भवना ।
✍️सुस्मिता अधिकारी, काठमाडौँ
—–<•>—–
१९)
पलाओस् साहित्यिक भावना
सम्पूर्ण साहित्यिक मनहरूमा
कविता दिवसको शुभकामना !
✍️ कृष्णकुमार वैद्य
बनेपा ९, काभ्रे
—–<•>—–
२०)
नमानी डर लाज
चोरेर नखाँदा राम्रो
चोरेको पुग्दैन काज ।
१.
खेलेर कविताका डुङ्गामा
झिल्का सिन्कामा उन्छु
खियाउँदै भावको गङ्गामा ।
२.
✍️ टिकाराम पुन पुकार
छत्रेश्वरी गाउँपालिका २ सल्यान
—–<•>—–
२१)
लेखाैँ कविता जानेर
गाँस्दै एकताको भावना
कविता दिवस मानेर ।
✍️ रबि पाैडेल, दक्षिण भारत ।
—–<•>—–
२२)
मनको भावना कविता
शब्दबाट व्यक्त हुँदा
दुनियाँ हेर्छ रमिता ।
✍️ रुना कर्माचार्य दाहाल
चितवन
—–<•>—–
२३)
शुभकामना कविता दिवस
लेख्दै जाऔँ सबैले
आउनेछ मिठो रस !
✍️ सुरेशकुमार पाण्डे
—–<•>—–
२४)
स्वच्छ रहोस् भावना
साहित्यप्रेमी सर्जक सबैलाई
कविता दिवसको शुभकामना !
✍️ मन्जु बोहरा, बझाङ
—–<•>—–
२५)
मनको तरङ्ग पोखिन्छ
साहित्यमा लेख्छु कविता
सबैको मनमा ठोकिन्छ।
१.
हरेकमा जागोस् भावना
कलम चलाउने गरौँ
साहित्यमा अझै शुभकामना !
२.
✍️ शंकर कार्की
थाहा ३ मकवानपुर।
—–<•>—–
२६)
राखौँला सुन्दर भावना
विश्व कविता दिवसको
हार्दिक शुभेच्छा शुभकामना
✍️ मोती सुब्बा
दार्जिलिङ निमकी डाँडा ।
—–<•>—–
२७)
रोपेर सिर्जनाको फूल
कवि कवितामा हराउँदा
रसाउँछ सभ्यताको मूल !
✍️ आर्त अकुलीन
—–<•>—–
२८)
भावभित्र सुटुक्क पसेर
लेख्नेछु कविता मैले
अबदेखि कम्मर कसेर !
✍️ सरिता सेढाई, धादिङ
—–<•>—–
२९)
रमेर कवितामा हामी
यसैमा मलजल गरी
जिन्दगी बनाउँ दामी ।
✍️ पुष्पा राई, खोटाङ ।
—–<•>—–
३०)
हामीले गरेर अहिलेसम्म
शब्द शब्दको खेती
खुसी बटुल्यौँ लटरम्म ।
१.
साहित्य सेवा गर्यौँ
आनन्दले बचौँ पनि
केही सन्देश छर्यौँ ।
✍️ पृथक प्रकृति ,झापा
—–<•>—–
३१)
लेखेर सुन्दर भावना
विश्व कविता दिवसको
सबैमा हार्दिक शुभकामना !
✍️ बेदु न्यौपाने
—–<•>—–
३२)
कविता बन्छ राम्रो
शब्द शब्द जोडेर
लेखिन्छ नाम हाम्रो ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
—–<•>—–
३३)
फुटाउनुछ साहित्यको मूल
रमाउँदै झिल्का साहित्यमा
फुलाउँदै सृजनाको फूल ।
✍️ तोया नाथ चापागाईं
दमक,झापा
—–<•>—–
३४)
म कल्पनामा हराँए
आजको दिनमा तिमीलाई
एउटा कविता चढाँए ।
✍️ ध्रुव श्रेष्ठ ।
—–<•>—–
३५)
कविताको बगैँचा बनाई
निर्माण गरौँ संरचना
सबैको साथ पाई !
✍️ सीमा कार्की समर्पण
मेलचोक पर्सा
—–<•>—–
३६)
रमाउँदै झिल्का लेखिन्छ
तितोमिठो शब्दहरू जोड्दा
कविता मजाकि देखिन्छ ।
✍️ कला ढकाल झापा
—–<•>—–
३७)
लेखन कविको काम
भावनात्मक संसारको सृजना
रच्न नलागोस् रोकथाम !
✍️ अच्युत घिमिरे, सर्पाङ, भुटान🇧🇹
—–<•>—–
३८)
भावनामै त्रिलाेक चहार्दै
कबिताकाे धारा बहाएँ
झिनामसिनात्रुटि सुधार्दै !
✍️ हरिगाेपाल प्रधान
काभ्रे,बनेपा १४ साँगा बजार ।
—–<•>—–
३९)
भावना उमार्दै मनमा
गोडमेल गर्दैछु शब्दलाई
कवित्व फुल्दैछ तनमा !
✍️ नील हरि काफ्ले
सिन्धुली (हाल काठमाडौँ)
—–<•>—–
४०)
लेखिन्छ कविता रमेर
शब्दमा शब्द मिलाउँदै
ज्ञानको ज्योति छरेर !
✍️ सहयात्री शोभा अर्याल,
रुपन्देही
—–<•>—–
४१)
रवि नपुगेकोमा कवि
सिर्जनाको मूल भर्न
देखाउॅंछन् आफ्नो छवि ।
१.
कविताको सिर्जना गरौँ
खोज्दा पाइन्छ हराभरा
सभ्यताको मूल भरौँ।
२.
लेख्दै गरौँ कविता
देशका विभिन्न गतिविधिको
देखाउन हैन रमिता।
३.
मनका भाव पोखेर
कविले देखाउॅंछन् सबैको
हरेक शब्द जोखेर ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
—–<•>—–
४२)
आज कविता दिवस
लेखाैँ शव्द खाेलेर
कसैलाई नपारी विवश !
✍️ उर्मिला के.शी.
धनकुटा
—–<•>—–
४३)
शब्द शब्द जाेडेर
लेखिरहन्छु म कविता
समय सापेक्ष माेडेर ।
✍️ त्रिलाेचन भण्डारी
मेचीनगर, झापा
—–<•>—–
४४)
रहोस् समिपताको भावना
सम्पुर्णमा झिल्काको मझेरीबाट
कविता दिवसको शुभकामना !
✍️ दीपा समभाव
काठमाडौँ
—–<•>—–
४५)
पाइन्न भाव कवित्व
देखाई रमिता शब्दकै
बन्ला कवि व्यक्तित्व ?
✍️ नेत्र घिमिरे
सूर्यविनायक,भक्तपुर ।
—–<•>—–
४६)
तैरिँदै भावको गङ्गामा
भरिभराउ हुँदा मनमस्तिष्क
पोखियो कविता चङ्गामा ।
१.
डुब्दै भावनाको गङ्गामा
रचिए कविताका लहरहरू
आकाश छुने चङ्गामा ।
२.
दुखेसो पोखेँ कवितामा
चुर्लुम्मै डुबाउने कलमले
सलल बगाए सरितामा ।
३.
✍️ राजेश्वरी राजोपाध्याय
ललितपुर
—–<•>—–
४७)
जनमनमा छाएको भाव
मुख्य शृङ्गार साहित्यकाे
पर्दछ समाजमा दबाब।
✍️ प्रद्युम्न चालिसे
भक्तपुर कटुञ्जे ।
—–<•>—–
४८)
विश्व कविता दिवस
दुईचार शब्द कोर्नै
कोही अल्छी विवश ।
✍️ चुडामणी देवकोटा
—–<•>—–
४९)
कविता लेख्ने चाहना
विश्व कविता दिवसको
सबैलाई हार्दिक शुभकामना !
✍️ श्रीकृष्ण धामी – बझाङ
—–<•>—–
५०)
जोडेर शब्दको माला
सुन्दर कविता लेखेर
खोलौँ साहित्यको ताला ।
✍️ धनुष न्यौपाने
गुठीचौर गाउँपालिका ०४ बिगारे जुम्ला
—–<•>—–
५१)
लेखिन्छ कविता अब
निखारेर काल्पनिक कला
छर्लङ्ग पार्दै सब ।
१.
जोड्दै शब्द माला
कल्पनामा सयर गर्दै
खोलिन्छ साहित्यिक प्याला !
✍️ दुर्गा भट्टराई
मोरङ
—–<•>—–
५२)
कविताको खेती गर्नुछ
साहित्यलाई माया गर्दै
कविताले पाना भर्नुछ ।
✍️ प्रेम शर्मा एकान्त प्रेमी
—–<•>—–
५३)
कविको भावना छाउछ
फुलेर साहित्य विश्वमा
कलमको निखार आउछ ।
✍️ बिकास छेत्री अञ्जान
बिजनबारी, दार्जिलिङ
—–<•>—–
५४)
उछिट्टिएर झिल्काे पोलेछ
दुख्याे बिचरा उसलाई
ऎया भनेर बाेलेछ !
✍️ शालिकराम दाहाल
—–<•>—–
५५)
शब्दहरू मिलेर कविता
साहित्य समाजको दर्पण
नबनोस् समाजमा रमिता ।
✍️ कार्की डिबी माकुम
सुनवल-४, नवलपरासी
—–<•>—–
५६)
कवितामा भावना पोखौँ
सुन्दर अक्षर जोडेर
अञ्जुलीमा शब्द जोखौँ
१.
भावना कवितामा आयो
मन चङ्गा भएर
ओठमा मुस्कान छायो
२.
✍️ शशीश्री आचार्य
बौद्ध कुमारीगाल काठमाडौँ
—–<•>—–
५७)
अर्को शब्द जन्माएर
रहनेछ युगौँयुगसम्म नै
कविताको जन्मान्तर बढाएर !
✍️ भावना
—–<•>—–
५८)
गर्नुहुँदैन है जिद्दी
लेख्नू एउटा झिल्का
हुन्छ आज सिद्धी ।
✍️ भवानी पाेखरेल (बाबू विराज)
बाणगङ्गा १ चार नम्बर, कपिलवस्तु
—–<•>—–
५९)
दर्शकलाई छैन चासो
कविता सुनाउँ कसरी
अनर्थ भन्छन् भाषो !
✍️ अम्बिका अधिकारी
झापा बिर्तामोड
—–<•>—–
६०)
बहोस् साहित्य धारा
पिएर होस् तृप्त
रम्छ जगत सारा ।
✍️ शोभा शाह थापा
—–<•>—–
६१)
स्वच्छ सफा भावना
यही छ सम्पूर्णमा
कविता दिवसको शुभकामना !
✍️ सुस्मा मगर
—–<•>—–
६२)
झिल्का कविता आज
फुलेको फूल बन्यो
सर्वत्र देशविदेश माझ ।
✍️ रचना शर्मा प्रतीक्षा
—–<•>—–
६३)
पुग्दैन जहाँ रवि
प्रमाणित गरि हेर
पुग्दछ त्यहाँ कवि ।
✍️ देव मगर
तिनाउ-१,कचल,पाल्पा
—–<•>—–
६४)
कवि कविता बनाेस्
सुन्दर संसार देखाओैँ
‘रवी’ सरीकाे भनाेस् ।
१.
विचार कवितामा पाेखाैँ
कल्पनामा सयर गरी
भावना आफैँले जाेखाैँ ।
२.
✍️ रामप्रसाद पुरी,बादेल, खाेटाङ ।
—–<•>—–
६५)
विश्व कविता दिवसमा
डुब्न कहिल्यै सकिनँ
साहित्यको मधुर रसमा ।
✍️ ललिता, सिन्धुली
—-<••:जय झिल्का! जय साहित्य!:••>—-

झिल्का लेखन अभियानको छैटौँ शृङ्खला (सामाजिक काम विषयक) सम्पन्न भएको छ । झिल्का साहित्य समाज नेपालको आयोजनामा उक्त कार्यक्रम सम्पन्न भएको थियोे ।

झिल्का कविता लेखन अभियानको यस शृङ्खलामा विगतका शृङ्खलामाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ७८ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।

झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ ।

सहभागी झिल्काकारहरूका उत्कृष्ट झिल्का कविताहरू-

[१]
असल कर्म गरेर
योगदान दिऊँ समाजमा 
छँदैछ जानु मरेर !
✍️
वसन्त अनुभव
घोराही उपमहानगरपालिका १४, दाङ

[२]
सेवाभावले गर काम
तिमीले देखेको सपना
समाजमा राख नाम !
✍️
नीमा छिरिङ भोटिया
जलढका कालेबुङ

[३]
आदर्श सिद्धान्त पवित्र 
सामाजिक काम राजनीति
नेपालमा छ विचित्र ।
✍️
प्रद्युम्न चालिसे

[४]
गर्नुपर्छ समाजको सेवा
राष्ट्रको गौरव राख्नलाई
हामीले दिनुपर्छ टेवा !
✍️
गुणनिधि घिमिरे
अमेरिका

[५]
पदोन्नति पाउने आशामा
व्यवस्था छ टेवलमुनिको 
खुट्टा तानिन्छ भाकामा !
✍️
अम्बिका अधिकारी
झापा बिर्तामोड

[६]
देखाउन होइन नाम
गरेर देखाऊ समाजमा
कहिले नबिर्सने काम ।
✍️
शंकर कार्कि,थाहा ३ मकवानपुर।

[७]
दुखीलाई साथ देऊ
अरू नपाए पनि
आशिर्वाद सधैँ लेऊ !
✍️
कला  ढकाल,  झापा

[८]
सामाजिक कार्य गरौँ
राष्ट्रलाई महान सम्झेर
अघि अघि सरौँ ।
✍️
अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।

[९]
देखेका ती सपनाहरू
आफैँ पूरा गर्नुपर्दछ
दिन्नन् सहयोग अरू !
✍️
पवन दाहाल

[१०]
नखोज्नु नाम, दाम
फलको अपेक्षा नराखी
गर्नु सामाजिक काम !
✍️
कृष्णकुमार वैद्य
बनेपा ९, काभ्रे

[११]
गर्नू सामाजिक काम 
सधैँ सेवा गरेपछि
हुन्छ अमर  नाम ।
✍️
श्रीकृष्ण धामी - बझाङ

[१२]
समाजिक काम गरी
कसैलाई दोष नदिएर
कर्तव्यमा अघि बढी !
✍️
एवाइ प्रभात
धनकुटा,सहिदभुमि

[१३]
गरौँ असल काम
यो समाज सुधारौँ
चलाऔँ हाम्रो नाम !
✍️
नवशिला
नवदेव मार्ग, लालभित्ती, मोरङ।

[१४]
मनमा उत्साह लिएर
बन्नेछ इच्छा समाजसेवी
धन जीवन दिएर ।
✍️
बाल कृष्ण श्रेष्ठ
सोलुदुधकुण्ड न.पा.२ सोलुखुम्बु

[१५]
सेवा कार्य गहन
मानिस विभिन्न थरीका 
सक्नुपर्छ है सहन !
✍️
मोती सुब्बा 
दार्जिलिङ निमकी डाँडा

[१६]
सामाजिक काम गराैँ
एकापसमा सद्भाव राखी
ज्ञानकाे ज्योति छराैँ !
✍️
केसर बाेहरा ” सङ्घर्ष “
सुदूरपश्चिम ” अछाम “
हाल ” भारतबाट ।

[१७]
समाजमा सेवा देऊ
नाम जस कमाई
सम्मानित मेवा लेऊ !
✍️
विवश पारदर्शी 
झापा

[१८]
हुनेछ सामाजिक सेवा
सबैमा समभाव भए
मिल्नेछ बल्ल मेवा !
✍️
प्रेम थापा “मन”, बागलुङ
[१९]
सुधारौँ समाज हाम्रो
गरेर असल काम
राखौँ नाम राम्रो !
✍️
अनिता भण्डारी, ताप्लेजुङ

[२०]
कर्मको फल पाउँछ
धैर्य गर्नुपर्छ हामीले 
एकदिन पालो आउँछ ।
✍️
लक्ष्मण देउवा डोटी 
हाल भारत

[२१]
नि:स्वार्थ समाजिक काम
आधार हो आत्मसन्तुष्टिको
खोजिन्न कुनै दाम !
✍️
तोया नाथ चापागाईं
दमक,झापा,नेपाल

[२२]
गरेर केही उपकार
अँगालेमा हजुर मृत्युलाई
बैतर्नीमा हुनेछ पार !
✍️
बि.कुलुङ
रंगबुल

[२३]
राखेर मनमा धृति
गराैँ समाजको सेवा
नफैलाई कतै विकृति !
✍️
हरिगाेपाल प्रधान
काभ्रे बनेपा १४ साँगा बजार।

[२४]
गरेर परोपकार काम
सबैको हात मिलाई
उठाऔँ देशको नाम !
✍️
कमल प्रसाद बगाले
वालिङ्ग बजार स्याङ्जा, गण्डकी प्रदेश

[२५]
बोकेर सेवाको झोला
सामाजिक काममा लागौँ
जे होला होला !
✍️
ललिता सिन्धुली
हाल काठमाडौँ

[२६]
मिलेर गरौँ  काम
इमानदार भै सबैले 
राखेर देशको नाम !
✍️
अनुग्रह राना मगर 'पुष्प'
पाँचखपन नपा - ६ संखुवासभा ।

[२७]
गलत पाइला चालेर
तिमीले के पायौ
आफ्नै इज्जत फालेर !
✍️
सुष्मा मगर, रोल्पा

[२८]
भेदभाव व्यवस्थापन गर्न
हातेमालो गर्नसकौँ कामना
खाल्डाखुल्डी  ठाँउ भर्न ।
✍️
पृथक प्रकृति, झापा

[२९]
सामाजिक अभियानमा सक्रिय
हुँदा समाजमा पाइन्थ्यो
खुसीको लहर प्रिय !
✍️
कबिताहरी
सुन्दर हरैंचा नगरपालिका १ मोरङ

[३०]
गरी सामाजिक काम 
उन्नति प्रगति गर्दै 
चम्काऊ देशको नाम !
✍️
रुना कर्माचार्य दाहाल 
चितवन

[३१]
समाजमा एकताबद्ध हुँदा
सकारात्मक भाव बढ्ने
नकारात्मकतालाई सद्भावले छुँदा !
✍️
संगीता खरेल
चन्द्रगिरी ८ काठमाडौँ

[३२]
असल कर्मको गरेर 
जोगाऊ सान पुर्खाको
बिकास समृद्धि भरेर !
✍️
दुर्गा भट्टराई 
मोरङ

[३३]
अभियन्ता पथमा घुमेका
बनाउन आफ्नै मुलुक
पाइला पाइला चुमेका !
✍️
नागेन्द्रप्रसाद यादव, दाङ

[३४]
गरे सामाजिक काम
सम्मान दिन्छन् मान्छेले
रहन्छ आफ्नो नाम !
✍️
प्रकृति देवकोटा 
चितवन

[३५]
गरौँ यस्तो काम
जगतको भलाई हाेस्
जसले चम्क्योस् नाम !
✍️
दीपा समभाव
काठमाडौँ

[३६]
उज्यालो ज्योति छर्दै 
उदाहरणीय बनौँ हामी 
सामाजिक काम गर्दै ।
✍️
प्रविना प्रयासी 
ओखलढुंगा

~
[३७]
गरेमा उदाहरणीय काम
मरेपछि पनि जनमनमा
रहन्छ शाश्वत नाम ।
✍️
बाबुराम गौतम, गुल्मी

[३८]
सामाजिक सेवा गरौँ 
पाइन्छ वास्तविक सम्मान 
मानवताको शिक्षाले भरौँ ।
✍️
सुस्मिता अधिकारी
काठमाडौँ

[३९]
समाजमा बत्ती बालेर
गौरव नाम राखौँ
कुसंस्कार सबै फालेर !
✍️
बेदु न्यौपाने🇳🇵

[४०]
कति सुन्दर नाम
सदा समर्पित समाजसेवामा
उस्तै सुन्दर काम !
✍️
श्रीबहादुर केसी शैलुङ्गे
भक्तपुर

[४१]
नलागोस् कलङ्कको टीको
सामाजिक कार्य नगरे
भूमिगत बस्न निको ।
✍️
ऋजु दिल्पाली
ईटहरी १ सुनसरी

[४२]
सेवामूलक कर्म गराैँ
सन्ततिकाे शिक्षा खातिर
मानवीय सुवास छराैँ ।
✍️
त्रिलाेचन भण्डारी 
मेचीनगर,झापा

[४३]
गरेमा सामाजिक काम
इमानदार बनेमा सधैँ
रहन्छ अमर नाम ।
✍️
सहयात्री शाेभा अर्याल
रुपन्देही

[४४]
घरदेखी गाउँ मिले
देश चम्किन्छ साथमा
द्वन्द्वका घाउहरू सिले !
✍️
टिकाराम पुन पुकार 
छत्रेश्वरी गाउँपालिका २ सल्यान

[४५]
देखाउनू काम गरेर
समाजसेवी बनी सधैँ
इतिहासमा नाम भरेर ।
✍️
राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर ।

[४६]
समाजसेवाको काम गरौँ
अन्धकार ती रातहरूमा
आशाको उज्यालो छरौँ ।
✍️
डम्बर थामी 'अनुपम'
 कालिन्चोक गा. पा. -६, दोलखा ।

[४७]
विरोध गरौँ अत्याचार
सफा राख्न समाजलाई
नगरौँ सामन्ती व्यवहार !
✍️
सुरेशकुमार पाण्डे
दाङ घोराही १८

[४८]
बुझेर वास्तविक मर्म
बेलैमा सोचौँ सबैले 
समाजमा छरौँ सुकर्म !
✍️
नील हरि काफ्ले
सिन्धुली (हाल काठमाडौँ)

[४९]
गरिबहरूलाई सहयोग गराै
अन्न, कपडा बाँडेर
सबैको भाेकाेपेट भराैँ !
✍️
रबि पाैडेल
दक्षिण भारत पाण्डेचरि ।

[५०]
जसको गोजीमा ढेवा
अहिले उसैको छ
सामाजिक काम पेवा ।
✍️
ध्रुव श्रेष्ठ 
खोटाङ । हाल काठमाडौँ

[५१]
गरेर असल काम
सद्भाव बाँडेर समाजमा
अमर हुन्छ नाम !
✍️
आर्त अकुलीन

[५२]
हामी बन्नुपर्छ सामाजिक 
अप्ठ्यारोमा परेका व्यक्तिलाई 
गरौँ सहयोग स्वेच्छिक ।
✍️
बाबुराम पाण्डे 
अर्घाखाँची

[५३]
परोपकारी बनेको राम्रो
एकअर्को आपसमा मिलेमा
बन्छ समाज हाम्रो !
✍️
शोभा आचार्य गौतम
काठमाडौँ

[५४]
एकताको भावना देखाऊ
मिलिजुली काम गरेर
इतिहासमा नाम लेखाऊ ।
✍️
मन्जु बोहरा
सुदुरपश्चिम बझाङ ✍️

[५५]
सगरमाथामा सदा रहोस्
नेपाली जनको मनमा
राष्ट्रभाव निरन्तर बहोस् ।
✍️
शोभा शाह थापा,
हेटौंडा ४, मकवानपुर ।

[५६]
गर्नू समाज सुधार
खटेर सधैँभरि आफैँ
गरिबको हुन्छ उद्धार !
✍️
भगवती दवाडी

[५७]
आजभोलिका सामाजिक काम
झट्पट फोटो खिँचेर
पत्रिकामा छपाउने नाम ।
✍️
बिके मुखिया
दार्जिलिङ भारत

[५८]
गरौँ सामाजिक काम
पुर्ण हुन्छ मिलेमा
तोकिन्छ अमर नाम ।
✍️
दुर्गा आचार्य 
मोरङ

[५९]
गरौँ सामाजिक काम
कुसंस्कार, कुबिचार हटाऔँ
बनाऔँ स्वच्छ ठाम !
✍️
बिजय रिजाल
अर्जुनधारा-६, झापा

[६०]
सदा होसियार रहनुहोला
ती प्यालामा मात्तिएकासँग
रित्याउँलान् जिन्दगीको झोला !
✍️ भावना, बझाङ
हाल दक्षिण भारत

[६१]
हातमा हात मिलाई
समाजलाई सुदृढ पारौँ
अमृत पान गराई ।
✍️
पुष्पा राई ‘खाेटाङ ।

[६२]
जीवनभर गरे सुकर्म
समाज बन्दछ सफा
बुझेर दुखीको मर्म ।
✍️
मनोहरी पौडेल
गैडाकोट १

[६३]
इज्जत इमान बच्ने
असल कार्य गर्नू
समाजको सामु पच्ने ।
✍️
उमा दाहाल
शुन्दर हरैँचा -१० मोरङ

[६४]
सामाजिक कार्य गरौँ
कसैको मन नदुखाई 
जीवनमा अघि सरौँ ।
✍️
बुद्धिमान दनुवार ( सुरुङ्गेली कान्छो )
कनकाइ ४ झापा

[६५]
गरौँ सामाजिक काम
सबै जुरुक्क उठी
लेखौँ ऐतिहासिक नाम ।
✍️
चुडामणी देबकोटा
चनपा१३काठमाण्डौ

[६६]
गरौँ मिलेर काम
बाँचुञ्जेल कर्तव्य पालन
भविष्यमा रहन्छ नाम ।
✍️
कार्की डिबी माकुम
सुनवल-४, नवलपरासी

[६७]
बाटो, कुलो बनाउँ
फुर्सद हुँदा आफूलाई
सामाजिक कार्यमा लगाउँ !
✍️
सीमा कार्की समर्पण
मेलचोक पर्सा

[६८]
मनमा बनाए परिवेश 
सामाजिक काम गर्ने 
रामराज्य बन्दछ देश ।
✍️
सरला माझी

[६९]
बुझाैँ समाजकाे मर्म
गरेर सामाजिक क्रिया
पूरा हुन्छ धर्म ।
✍️
काेपिला अधिकारी
गाेरखा सिरानचाेक

[७०]
सामाजिक कार्य गरौँ
पुण्य मिल्छ गर्नेलाई
यहीँ भावना छरौँ ।
✍️
शशीश्री आचार्य 
बौद्ध कुमारीगाल काठमाडौं

[७१]
गरौँ यस्तो काम
उपकार होस् समाजको
बढोस् देशको नाम ।
✍️
अनमोल चन्द्र नेचाली राई
लेबोड, दार्जीलिङ

[७२]
इज्जत खल्तीमा राख्यो
खायो पाउँदा ग्वाम्म
चाख मानेर चाख्यो ।
✍️
मुग्लानको खबर

[७३]
पाइन्छ राम्रो मेवा
कमाइन्छ नाम चारैतिर
गरेर अटुट समाजसेवा ।
✍️
शान्ता पौडेल भट्टराई
टङ्कीसिनवारी, मोरङ

[७४]
जीवन समर्पित गर्दै 
बढेको छु समाजसेवामा 
चेतनाको किरण छर्दै !
✍️
दिल ठकुरी 
टिस्टा भेल्ली दार्जिलिङ

[७५]
समाजसेवी टिक्दैन यहाँ
भ्रष्टाचारीकै छ बिगबिगी
मिलीजुली हसुर्छन् जहाँ ।
✍️
नेत्र घिमिरे
सूर्यविनायक, भक्तपुर ।
[७६]
सामाजमा मच्चियो खलबली
भएनन् व्यावहारिक कार्य
पसिना छुटायो खलखली ।
✍️
अम्बिका अधिकारी
झापा बिर्तामोड

[७७]
एकतामा हुन्छ बल
निश्छल हुन्छ जो
उही बन्छ सफल !
✍️
देवी पन्थी

[७८]
जित्न खेलेकाे खेल
सुरुमै हार खेप्नुपर्‍यो
जिन्दगीले गर्‍यो झेल !
✍️
ईश्वर साउद (भिक्षु)
सुदुरपश्चिम अछाम रामाराेसन गाउपालिका ६

—-<••: जय झिल्का ! जय साहित्य :••>–

साप्ताहिक झिल्का लेखन अभ्यासको नवौँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६३ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर समेत हुनुहुँदैन ।

साप्ताहिक झिल्का लेखन अभ्यास शृङ्खला- ०९ मा सहभागी झिल्काकारहरूका सुन्दर झिल्काहरू-
…
१,
फूलको सौन्दर्य मरेपछि
के रहेछ जिन्दगी ?
बोटबाट बास्ना झरेपछि ।
२,
सपनाले बारम्बार सताउॅंछ
राखेर भाग्य अँजुलीमा
वैदेशिक अवसरले बोलाउॅंछ ।
३,
असङ्ख्य आकाशको तारा
ललिपप बाँड्छन् जूनसॅंग,
जहिल्यै अपूरो अभिभारा ।

• म्यामराज राई, भोजपुर
  …
  १)
  लाग्दैछ चिन्ता अचेल
  खुसी छैन विधाता
  खेल्दैछ कस्तो खेल ?
  २)
  समस्याले बनायो घर
  आशान्वित हेर्छु दायाँबायाँ
  आफ्ना छैनन् वरपर !
  ३)
  रहेन जीवनमा मह
  उजाड भयो जिन्दगी
  आँखामा आँसुको दह !
• वसन्त अनुभव, घोराही उपमहानगरपालिका १४, दाङ
  …
  १,
  आउछन् मलामी भनेर
  यमराज जाँगर देखाऊ
  अन्तिम यात्रामा गनेर ।
  २,
  सुर्य बिहानीमा उदायो
  हतार उठेर समस्या
  जात्रामा गएर कुदायो ।
  ३,
  मनको पीर हटाउनु
  कमजोर निन्द्रा गराई
  आत्मनिर्भर नै बढाउनु ।
• अम्बिका अधिकारी, झापा बिर्तामोड
  …
  १,
  निस्वार्थ प्रकृतिको सहारा
  चुलिॅंदा मनवीय स्वार्थ
  भुल्यो आफ्नो अभिभारा।
  २,
  श्रोत विकासको हरियाली
  फॅंडानी उत्खनन लगातार
  मानिसको दिमाग खाली।
  ३,
  विवेकमा बिर्को लगायो
  आक्रोश पोख्यो जताततै
  नपाउने दुःख पायो।
• सुरेशकुमार पाण्डे, दाङ घोराही – १८
  …
  जीवनलाई सुरक्षित राखौँ
  बल्लतल्ल आयो पालो
  सत्ताको राजनीति चाखौँ ।
• बेदु न्यौपाने
  …
  १,
  एकान्तमै म हराएँ
  तिम्रो आगमन अगाडि
  मुस्कान मन पराएँ ।
  २,
  नबर्सने झरीको बादल
  अचम्म छ दुनियाँ
  खरी झरेको मादल ।
  ३,
  पैसाले खरिद गरेको
  इज्जत सम्मानको कुरा
  कति मन परेको ?
• गुणनिधि घिमिरे अमेरिका
  …
  १.
  अब अहमता त्यागेर
  बसौँ है समाजमा
  पाइॅंदैन इज्जत मागेर |
  २.
  बाबा आमा भनेका
  हाम्रा भगवान् हुन्
  सन्तान अबुझ बनेका |
  ३.
  साहित्यमा मन लगाऔॅं
  मनको भावना साटेर
  दुःख पीडा भगाऔॅं ।
• सरिता सेढाई, धादिङ
  …
  १,
  बाँचुञ्जेल सम्बन्ध नगन्ने
  कस्तो चरित्र आफन्तको
  मरेपछि कठैबरा भन्ने ।
  २,
  हुँदैन सम्बन्ध गाढा
  देखावटीले के गर्नु ?
  भएपछि मन टाढा ।
  ३,
  धर्तीले आकाश छुँदैन
  दुखमा बिर्सने नाता
  कहिल्यै आफ्नो हुँदैन ।
• त्रिलोचन भण्डारी, मेचीनगर, झापा
  …
  १.
  बाको जेथाले भ्याएन
  गुजारा गर्न दैनिकी
  परदेशीले कौडी ल्याएन ।
  २.
  ऋण तिर्न भनेर
  पाउ मोल्नुछ साहुको
  ढ्याके चोके गनेर ।
  ३.
  चुहिएको छानो टाल्नुछ
  पूरा गरी सपना
  शिक्षाको दीप बाल्नुछ ।
• सरस्वती भट्ट (झरना विन्दु ‘सरु’), सिराञ्चोक-५,गोरखा
  हाल:राइनास-१,लमजुङ
  …
  १.
  आऊ कृष्ण काले
  तिमी हामी मिलेर
  बसौँ यिनकै पाले।
  २.
  दही चोरेर खायौ
  कुटाइ खायौ आमाको
  बल्ल स्वाद पायौ।
  ३.
  जान्थ्यौँ गाई चराउन
  बस्ने होइन सँगसँगै
  पार्थ्यौ सधैँ कराउन।
• भवानी पोखरेल (बाबू विराज), बाणगङ्गा १ चार नम्बर कपिलवस्तु
  …
  १,
  फूल फुल्यो वनैमा
  बास्ना चल्यो हरर
  बस्यौ तिमी मनैमा ।
  २,
  गर्छन् कुर्सीको तानातान
  राजनीतिको खेल यो
  नपाउॅंदा मुक्का हानाहान ।
• बुद्धिमान दनुवार ‘सुरुङ्गेली कान्छो’, कनकाई ४ झापा
  …
  १,
  कसको गर्नु भर
  जाली भयो दुनियाँ
  लाग्छ मलाई डर ।
  २,
  छैन जीवन थिर
  कहिलेसम्म हो बाँच्ने
  बोकी मनमा पिर ।
  ३,
  सारा नाता तोडेर
  किन गयौ निष्ठुरी
  तिमी बाटो मोडेर ।
• नवशिला, नवदेव मार्ग, लालभित्ती,मोरङ।
  …
  (१)
  दुनियाले उडाउँछ हाँसो
  फगत इलजाममा फसाएर
  कारागारमा कानुनको पासो।
  (२)
  छिमेकीले हेर्न सकेन
  देखेर सफलता अर्काको
  सम्बन्धमा सौहार्दता राखेन ।
  (३)
  देखाउँछ मानिसले चरित्र
  लालच, अहङ्कार, घृणा
  भगवानको दर्शनमा पवित्र ।
• दिल ठकुरी, टिस्टा भेल्ली दार्जिलिङ
  …
  १,
  प्रभुसँग नाता जोडौँ
  निराशावादी सोँचमा अलमल
  दुष्कर्म आजबाट छोडौँ ।
  २,
  आस्थावानको जीवन खास
  श्वास रहेसम्म चल्ने
  यस जीवनको आस ।
  ३,
  नास्तिकतामा जीवन नमोडौँ
  श्रवण भजन कीर्तन
  गायन कहिल्यै नतोडौँ ।
• कार्की डिबी माकुम, सुनवल -४, नवलपरासी
  …
  १,
  फूल ओइली झरेपछि
  के अर्थ रह्यो ?
  रोगले बोटै मरेपछि ।
  २,
  सधैँभरि सपनामा देख्छु
  विपनामा छैनन् प्रिय
  त्यसैले चिठी लेख्छु ।
  ३,
  नौलाख आकाशको तारा
  मिर्मिरेमा झरेर जान्छ
  भाग्दैनन् तर गरिबमारा ।
• राज कुमार राजभण्डारी खोटाङ्गे, मध्यपुर ठिमी – ५, संगम कोलोनी राधे राधे भक्तपुर
  …
  १.
  हामीले देवीदेवता भाकेर
  जान्छौँ मन्दिर कहिले
  आस्था विश्वास राखेर।
  २.
  साहित्य बनेर ढाल
  बचायो नेपाली भाषा
  आहा ! स्वर्णिम काल।
  ३.
  भेदभावको गर्त हजुर
  पुरिने कहिले होला
  ढाल्नुपर्छ ढोँगीको गजुर।
• पृथक प्रकृति ,झापा
  …
  १)
  छैन सरकारको भर
  गरिखान समेत नपाइने
  सधैँभरि लाग्छ डर ।
  २)
  सधैँ पराईको नोकर
  मन दिनरात बरालिने
  नेता बन्छन् जोकर !
  ३)
  जन्मेनन् नेता मर्द
  मगन्तेको देश बनाए
  चलाउँछन् बिदेशीको कर्द ।
• ऋजु दिल्पाली, इटहरी – १, सुनसरी
  …
  १,
  चिनाऊ देशको नाम
  माटोमा रमाऊ युवाहरू
  गरेर विकासको काम !
  २,
  सुन्दर गाउँघरको बाटो
  यहाँ सुन फल्दछ
  उर्वर नेपालको माटो !
  ३,
  मेरो गाउँ सहर
  हरेक मनमा जागेमा
  फूल फुलाउने रहर !
• आर्त अकुलीन
  …
  १)
  निम्तायो राजनीतिले द्वन्द
  खिचातानी फोहोरी राजनीति
  प्रगतिको छैन छन्द ।
  २)
  छिमेकी मुटुमै बस्यो
  छ खुल्ला सिमाना
  बिनासर्त भित्र पस्यो ।
  ३)
  कसरी सम्झाउनु फेरि
  आउँछन नयाँ जोगीहरू
  गेरु वस्त्र बेरी ।
• रवि पौडेल, दक्षिण भारत पाण्डेचरि
  …
  १,
  नेताहरूको यो बजारमा
  मरिबस्छ काममा काले
  एउटा होइन हजारमा।
  २,
  बाघ बन्ने तालमा
  यो जमाना कस्तो
  लोभ राख्छ रालमा।
  ३,
  आशाको बत्ती बल्दैछ
  बिस्तारै बस तिमी
  नेताहरूको मन गल्दैछ।
• नीमा छिरिङ भोटिया, जलढका कालेबुङ, भारत
  …
  १.
  छ बास्ना फूलमा
  तर बुझ्दैनन् किन?
  उखेलेर भन्छन् भुलमा।
  २.
  अरूको सौन्दर्य चिन
  मौका नदिई अरूलाई
  तर खोजिन्छ लिन।
  ३.
  पालो सबको आउॅंदा
  संसार छ गोलो
  थाहा पाउँलान् लत्याउँदा।
• अर्जुन प्रसाद चौलागाई, रामेछापः-सुनापति-१, हालः-अमेरिका,बोस्टन।
  …
  १:
  निस्वार्थ मन लिएर
  कर्म गर्नु सबैले
  हौसला सबैलाई दिएर।
  २:
  ताराजस्तै त्यो चम्कियोस्
  नयाँ नेपाल चौरासीमा
  प्रगतितिर सदा लम्कियोस् ।
  ३:
  देशमा विकासको चाहा
  जनताले सत्तामा पुरायो
  सरकार ! नबनाऊ बहाना।
• मन्जु बोहरा, सुदुरपश्चिम बझाङ
  …
  १,
  बित्यास नपरोस् पर्मेश्वर
  नेपाल आमा रुँदैछिन्
  चोरजस्तै नेतृत्व सरोबर ।
  २,
  पार्दैछौ भविष्य अन्धकार
  तैपनि भन्दैछौ बालकलाई
  भोलिका हाम्रा कर्णधार ।
  ३,
  जागेर आयो वितृष्णा
  आवरण देखेर नानीको
  आत्तिएँ हरे कृष्णा!
• निलहरि काफ्ले, सिन्धुली (हाल काठमाडौँ)
  …
  १,
  जागोस् सहृदयी भावना
  आशाको किरण ल्याउनेलाई
  राम्रोका लागि शुभकामना ।
• प्रेम थापा “मन”बागलुङ
  …
  १,
  देख्नमा सबै हिरो
  केही ट्याटु खोपेका
  पढाइमा भने जिरो ।
  २,
  मेरो दिल चोरी
  बुझिनॅं उनको चाल
  मन चोर्ने मोरी ।
  ३,
  महान् आमा मेरी
  सन्तानको खुसीमा रम्दै
  मायाले अङ्गालोमा बेरी ।
• प्रेम शर्मा ” एकान्त प्रेमी, कालेबुङ
  …
  १.
  प्रेममा आगो लाग्यो
  बुझाउने को कसले ?
  न्यायको अदालत भाग्यो।
  २.
  झर्को पसेका दाउरा
  हुन् तिनीहरू हेर
  उड्दैन अब ‘लाउडा’ ।
  ३.
  एक्लै शान्त कवि
  बन्द कोठाभित्र जहाँ
  जहाँ पुग्दैन रवि ।
• टिकाराम पुन पुकार, छत्रेश्वरी गाउँपालिका – २, सल्यान
  …
  १,
  सिनो लुछे जसरी
  देश लुट्छन् नेता
  विकास हुन्छ कसरी ?
  २,
  सोझो हुनाले जन
  उठाउँदै छन् फाइदा
  कुम्ल्याएर राष्ट्रको धन।
  ३,
  मौनता कहिले तोड्ने
  सबै एकजुट भएर
  भ्रष्टाचारको जालो फोड्ने।
• संगीता खरेल, चन्द्रागिरी -८, काठमाडौँ
  …
  (क)
  बाँचुन्जेल जीवनमा तानातान
  मै कमाऊॅं, रमाऊॅं
  अन्तमा जीवन श्मशान!
  (ख)
  एक छिमल जीवन
  सदैव हाँसेर बाँचौँ
  प्रफुल्लित बनाई मन ।
  (ग)
  सुगम्य नहोला बाटो
  अप्ठ्यारो कहिलेकाहीँ सुविधा
  हरेक जीवनको पाटो।
• बि.कुलुङ, दार्जिलिङ, रंगबुल
  …
  १,
  आना होइन तोला
  सम्झॅंदा अनौठो लाग्छ
  हिजोको रित्तो झोला!
  २,
  राजनीति कमाउ धन्दा
  कसरी मुख देखाउॅंछन्?
  कमिसन खातामा चन्दा!
  ३,
  च्यातियो लाजको बर्को
  रङ्गमञ्चमा देखियो तमासा
  विरासतमा कोरियो धर्को!
• चिरञ्जीवी ढकाल, नेपालगन्ज -२०, राँझा एयरपोर्ट बाँके
  …
  १,
  जूनको वरिपरि तारा
  भुल्ने छैन हजुर ,
  दुनियाँ ती सारा !
  २,
  आमाको यादले रुँदै
  सपनामा देखेपछि मैले ,
  आँसुले मुहार धुँदै ।
  ३,
  सधैँ माया साट्नु
  जिन्दगी यो भएसम्म
  दुखसुख नै काट्नु ।
• श्री कृष्ण धामी, बझाङ
  …
  १,
  आसै मारी गयौ
  स्वार्थ पूरा भयो
  निष्ठुरी पो भयौ ।
  २,
  पुग्यौ जून छुन
  जहाँ तिमी पुगेपछि
  पर्‍यो हामीले रुन ।
  ३,
  एकदिन अवश्य रोउला
  सुख्खा बगरमा फ्याँकेको
  हेर ! माछाजस्तो होउला ।
• उमा दाहाल, शुन्दर हरैँचा -१० मोरङ
  …
  १ ,
  अभियान छ राम्रो
  लेखौँ साप्ताहिक झिल्का
  ज्ञान बढ्छ हाम्रो ।
  २,
  मिलेर अघि बढौँ
  ज्ञानगुनका कुरा हामी
  सधैँ खोजीखोजी पढौँ ।
  ३,
  यही छ चाहाना
  झिल्का अभियान पुगोस्
  धेरै धेरै शुभकामना ।।
• अनिता भण्डारी, ताप्लेजुङ
  …
  १,
  मुनामदनको जोडी जसरी
  माया पिरती सधैँ
  रहेन एकनास मुटुभरि ।
  २,
  विश्वासलाई हत्यारा पारी
  उनी फरार भए
  मुटु अन्तै सारी ।
  ३,
  आँसु अति पिएँ
  भुलाउन भनी उनलाई
  मदिराको साहारा लिएँ।
• सरला माझी
  …
  १.
  जन्मॅंदै प्रतिभा उम्रॅंदैन
  अभ्यासले तिखारिने हुँदा
  आलस्यले अझ सप्रॅंदैन ।
  २.
  शान्त रहनेले अशान्तिको
  सङ्ग्राममा खरो उत्रेर
  भोगिरहन्छ पिरलो भ्रान्तिको ।
• नन्दलाल आचार्य, एनेलकुटी, सिरहा, मधेस प्रदेस, नेपाल
  …
  १.
  को जोडी देला ?
  दुई टुक्रा भएर
  मन भाचिँएको बेला ।
  २.
  छैन मेरो हैसियत
  तिमी सरह हुनलाई
  छुट्टैछ प्यारो व्यक्तिगत ।
  ३.
  मिसाए हलुवामा बालुवा
  फेरि के? रच्दैछन्
  सरकारमा बसेका मनुवा ।
• भावना थापा, बझाङ्, हाल दक्षिण भारत
  …
  १,
  सुन्दर फूल छुँदा
  रमाउने फूलको मन
  गोड्मेल राम्रो हुँदा !
  २,
  सपना सुन्दर सजाउनु
  श्रम, सीप, शक्ति
  आफ्नै माटोमा लगाउनु ।
  ३,
  कुराजस्तै गरे काम,
  गर्‍यौँ भने सबैले
  इतिहासमा लेखिन्छ नाम ।
• दीपा समभाव, काठमाडौ
  …
  १,
  घरका वरिपरि फूल
  रमणीय वातावरण आहा !
  चुँड्ने नगर्नुहोस् भुल ।
  २,
  जीवन एकबारको चोला
  दुखसुख हो बिताउने
  मरेपछि लान्छन खोला ।
  ३,
  मानिसको हरेक अङ्गक‍ो
  आफ्नै आफ्नै काम
  धनी अथवा गरिबको ।
• मङ्गला उपाध्याय
  …
  १,
  खाली लाउँछ बात
  खुट्टा तान्ने प्रवृत्तिले
  तान्दैन कसैको हात ।
  २,
  समान राख्नु तुलो
  भेदभाव नहोस् कतै
  नमान्नु सानो ठुलो ।
• कृष्णकुमार वैद्य, बनेपा ९, काभ्रे
  …
  १,
  जन्मपश्चात अवश्य मरिन्छ
  रहन्न शरीर जहिले
  कृतिले जिउँदो भइन्छ ।
  २,
  रोज्छन् सुन्दर सपना
  देशमा देखिन्न अवसर
  केवल विदेशिने जपना।
  ३,
  कोसौँ टाढा फल
  देश सम्झने होलान्
  गएपछि सबै बल।
• सुस्मिता अधिकारी ,काठमाडौँ
  …
  १,
  लालिगुराँस फुलेर ढपक्कै
  हेर्दाहेर्दै मन लोभिन्छ
  भुईॅंभरि हिउँ छपक्कै।
  २,
  रङ्गीचङ्गी लालिगुराँस पाखैभरि
  पर्यटक ओइरिने सिजन
  हिमालको मुस्कुराहट सधैँभरि ।
  ३,
  डढेलोले विनाश गर्छ
  जङ्गलमा आगो नफालौँ
  जीवजन्तु बोटबिरुवा मर्छ ।
• चुडामणी देबकोटा, चनपा – १३, काठमाण्डौ
  …
  १,
  राष्ट्रिय अभियान भनेका
  संसद भवनमा बसेर
  दिन मात्र गनेका ।
  २,
  कार्यनीति केही देखिनॅं
  सच्चा देशभत्ति नेता,
  आजसम्म कहीँ भेटिनॅं ।
  ३,
  बिचौलिया अघि सरे
  दुग्ध व्यवसाय घटेर
  किसान अलपत्र परे ।
• कला ढकाल, झापा
  …
  १)
  फूलले सुवास छर्छ
  नगरे सदुपयोग राम्रो
  असमयमै बैलेर झर्छ !
  २)
  देख्दा लाग्छ फूल
  यो जिन्दगी हाम्रो
  नजान्दा बन्छ शुल ।
  ३)
  पीडा सबैलाई हुन्छ
  बाहिर देखिॅंदैन परन्तु
  मन सबैको रुन्छ ।
• विवश पारदर्शी, झापा
  …
  १.
  नजाऊ हल्लाउँदै हात
  बसेर हामी दुई
  गरौँ मायाको बात ।
  २.
  हात समाउँदै जाउँला
  चाहिन्न मिठो मसिनो
  बरु गिठ्ठाभ्याकुर खाउँला ।
• मन्दिरा सेढाई, मलेखु, धादिङ
  …
  १ ,
  आऊ, समाऊ हात
  मिलेर जँघार तरौँला
  भएर एकै बात ।
  २ ,
  सुकेको हाँगो भाँचेर
  काफल टिपी खाउँला
  चैतको घाम छलेर।
• हरिगोपाल प्रधान, काभ्रे, बनेपा १४ साँगाबजार।
  …
  १,
  मनले मुटु छुन्छ
  होइन रहेछ बिछोडले
  धोकाले मन रुन्छ ।
  २,
  राजनीतिमा उथलपुथल भयो
  एउटालाई सत्तामा छलेर
  अर्कोसँग नजिक गयो ।
  ३,
  मैले गुलाब दिएँ
  तिमीलाई पीडामा देखेर
  काँडा मैले लिएँ ।
• शशीश्री आचार्य
  …
  १.
  देशले काँचुली फेर्दैन
  आफैँ जोहो नगरे,
  दयाले भोक हेर्दैन।
  २.
  मुटुमा माया साचौँला
  कमाउन पसेँ विदेश,
  सम्झेर माटो बाचौँला।
  ३.
  कमाएर ल्याउँछु धन
  दुःखै गर आमा,
  साँघुरो नपार मन।
• पुष्पा राई, खोटाङ
  …
  १,
  पैसा सबैभन्दा माथि
  इज्जतभन्दा होइन ठुलो
  बुझ्दैनौ किन साथी ?
• यमुना प्रधानाङ्ग’मुना’
  …
  १,
  कष्टकर राम्रो हुँदैन
  पलपल यो जीवनमा
  मायाले दिल छुँदैन ।
  २,
  निराश हुन्छ किन ?
  मानिस स्वस्थ छैनन्
  बिमारी हुन्छन् दिनदिन ।
  ३,
  गुँड बनाउन चरी
  प्रकृतिको नियम विचित्र
  व्यस्त रहेकी कठैबरी !
• भगवती दवाडी, झापा
  …
  १,
  झलल झिल्का झल्कियो
  साहित्यमा नौलो पाइला
  निरन्तर लेख्न पल्कियो ।
  २,
  शीरमा टोपी झल्काउँदै
  कलम चलाउँदै कविजन
  झिल्काको ज्योति सल्काउॅंदै ।
• मोती सुब्बा, दार्जिलिङ निमकी डाँडा।
  …
  १,
  ईश्वर किन रिसायौ ?
  गाह्रो भयो बाँच्न,
  प्रेममा घृणा मिसायौ।
  २,
  इमानको लोप हुँदा
  जाँचबुझ छ इमानदारको,
  बेमानको छ छुट्कारा ।
  ३,
  ईश्वरमाथि भर पर्छु,
  नगर्नु है बेइमानी,
  प्रार्थना मैले गर्छु।।
• मनोहरी पौडेल
  …
  १,
  आँसु बनेर छल्किन्छ
  छिप्दैन मनमा वेदना,
  पीडा मुहारमा झल्किन्छ ।
  २,
  भयो आज मन्द
  भन्थ्यौ हिजोका दिनमा,
  नङ मासुको सम्बन्ध ।
  ३,
  एकै देह बनी
  रहन्छौ हामी भन्थ्यौ
  टाढियौ आज अनि ।
• सीमा कार्की समर्पण, मेलचोक पर्सा
  …
  १.
  हिॅंडे धेरै बाटोमा
  जति हिॅंडे तापनि
  सुगन्ध आफ्नै माटोमा ।
  २.
  नराख जीवन बिक्रीमा
  निहुँ गरी दाइजोको
  आँखा नलगाऊ सिक्रीमा ।
  ३.
  झार्छौ आकाशको तारा
  नेताज्यू कता हरायो
  शान्ति समृद्धिको नारा ।
• डम्बर थामी ‘अनुपम’, कालिन्चोक गा. पा. -६, दोलखा
  …
  १,
  खुल्दैनन् कहिल्यै अर्धनयन
  अर्थतन्त्र बनाएर धराशयी
  काट्छौँ निरन्तर चयन l
  २,
  छुट्छ तनमा थरहरी
  आफ्नै कुकर्मको पापले
  उतार्छ भनेर पगरी l
  ३,
  भएका छौँ हायलकायल
  दुष्कर्म गरी लुकाएका
  खुल्छन् भनेर फायल l
• बाबुराम गौतम, गुल्मी
  …
  १,
  बगैँचामा मनमोहक फूल
  यौवनले मस्त झुलेको
  वरपर भमराको हुल ।

२,
ढुङ्गाले पिरती लाउँदैन
प्रेयसीको यादले सताउँदा
रातमा निद्रा आउँदैन ।
३,
मन मेरो झर्किन्छ
देख्दा युगल जोडीहरू
बिछोडको व्यथा चर्किन्छ ।

• राजेन्द्र प्रधान ‘पासा’, दार्जिलिङ ।
  …
  १,
  गलत कर्म नगरौँ
  चाहे हिॅंडून् शत्रु
  बाटोमा काँडा नछरौँ।
  २,
  सुन्दर हाम्रो देश
  लाग्छ मलाई प्यारो
  आफ्नै भाषा, भेष ।
  ३,
  गरी पौरख खान्छौँ
  गर्नुहुन्न पाप, छल
  मरी रित्तै जान्छौँ ।
• शोभा शाह थापा
  …
  (१)
  आउँछन् माहुरी हुलमा
  केही आशा बोकी
  चुम्छन् रस फूलमा
  (२)
  फल मिठो हुन्छ
  मेहनत गर्न सके
  सफलताले शिखर छुन्छ ।
  (३)
  मायाको नाटक गर्छौ
  स्वार्थ पूरा भएपछि
  तिमी अन्तै सर्छौ ।
• उर्मिला के.शी., धनकुटा
  …
  १)
  अहङ्कारी बन्छौँ किन ?
  जानुपर्छ हात खाली
  आखिर मर्नुपर्छ एकदिन ।
  २)
  भोलिको टुङ्गो छैन
  हासौँ अनि हॅंसाऔॅं
  लाने केही हैन ।
  ३)
  नदेऊ कसैलाई मर्म
  गलत कर्म गर्दा
  सदा लागोस् सर्म ।
• रुना कर्माचार्य दाहाल, चितवन
  …
  १,
  फुलेर ढकमक्क लालीगुराँस
  बैँस फक्रिएछ वसन्तको
  छर्दै सुगन्धमय सुवास ।
  २,
  जाँदैछ देश कता
  भ्रष्टाचार गरिबी बेरोजगारी
  भताभुङ्ग भो जतातता ।
• बाल कृष्ण श्रेष्ठ, सोलुदुधकुण्ड न.पा.२ सोलुखुम्बु
  …
  १,
  मनभरि चोट सहेर
  रुन कम होला
  दिन्छु आँसु थापेर ।
  २,
  गाउँबेसी मेलापात गरेर
  जीवन हाँसीखेली बिताऔॅं
  केही लानुछैन मरेर ।
  ३,
  दुःखको भारी बिसाउन
  मलाई रहर लाग्यो
  तिमीसँग पिरती मिसाउन ।
• ललिता सिन्धुली
  …
  १,
  गुमाई सबै आज
  संसार तिम्रै हो
  अब गर राज ।
  २,
  सक्छु पीडा लुकाउन
  अन्जानमा गरेर गल्ती
  पर्‍यो आँसु सुकाउन ।
  ३,
  चोटमाथि चोट पर्‍यो
  जीवनमा हरेस खाए
  बाँच्ने आसा मर्‍यो ।
• लक्ष्मण देउवा, डोटी
  …
  १,
  क्षेत्रीनी बुहारी गुन्छिन्
  सागसिस्नो खानु बेस
  क्षेत्री विदेसिॅंदा रुन्छिन् ।
  २,
  कमाऊँ कमाऊँ लाग्ने
  यो नमेटिने भोक
  अद्भुत अभिलाषा जाग्ने ।
  ३,
  बनाऔॅं एक परिवेश
  नरोऊन् वनपाखा यहाँका
  हाँसोस् सुन्दर देश ।
• कमला पौडेल, चा न पा भक्तपुर
  …
  १.
  जागेछ कस्तो रहर ?
  समाजमा दुर्गन्धित पार्दै
  छोड्यौ रोपेर जहर ।
  २.
  भन्थे झार्छु तारा
  पत्याउने म कस्तो ?
  देखाए बिहेमै पारा ।
  ३.
  पाएर जनको साथ
  रविको प्रचण्ड रापले
  उँचो बन्नेछ माथ ।
• नेत्र घिमिरे, सूर्यविनायक, भक्तपुर
  …
  १,
  बहादुरी नाम अहिले
  कतै कायर बन्यौ
  इतिहास बन्छ कहिले ?
  २,
  तिमीले भुल्यो वाचा
  दिलमा शूल रोप्यौ
  बेकार गरेँ माया ।
  ३,
  भुलेर सपना नबेचौँ
  सोच्छु यस्तै त्यस्तै
  धनी फूल नफुलौँ ।
• मनुहाङ किराँती, सोलु, महाकुलुङ – ५ चाचालुङ

::::::::जय झिल्का साहित्य ! ::::::::

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२६ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५७ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२६ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

प्रतिनिधि टुक्का

कुर्सी सत्ता मिल्ला भनेरै, राजनीति हो गर्ने
पद पायो भन्दैमा लोक, किन डाहाले मर्ने ?
वसन्त अनुभव

सहभागी टुक्काकारहरूका सुन्दर टुक्काहरू-

[१]
न तिमीमा ईमान इज्जत, न स्पष्ट नीति
कुर्सी बाहेक केही नदेख्ने बसाल्यौ रीति ।
वसन्त अनुभव
घोराही, दाङ
[२]
राजनीति गरेर कुर्सी पनि पायौ
खान मिल्ने जति छन् सबै सबै खायौ ।
-डम्बर थामी ‘अनुपम ‘
कालिन्चोक गा. पा. -६, दोलखा ।
[३]
राजनीतिका नाममा भ्रष्टाचार गर्ने
किन होला कुर्सीका लागि नै सधैँ मर्ने ।
-प्रेम सुनार दैलेख
[४]
मुकुट लगाउँदैमा राजा भइँदैन अब
सम्मान पाउँछौ कर्तव्य पूरा गर्नेछौ तब ।
-धनुष न्यौपाने, जुम्ला
[५]
मिसन चौरासी नै किन कुर्ने ? सत्तामा छौ अब केही गरेरै देखाऊ
जल्नेहरूको आँखा जलोस्, निस्वार्थ भावले काम गरी विश्व चिनाउने ।
-कबिताहरी
सुन्दर हरैंचा नगरपालिका १ मोरङ
[६]
मान, इज्जत अनि प्रतिष्ठा अब कता पो गयो
कुर्सी सदा प्यारो भएर अब जे गरे नि भयो ।
-अर्जुन प्रसाद चौलागाई
रामेछापः-सुनापति-१ । हालः-अमेरिका,बोस्टन।
[७]
राजनीति हो जनसेवा गर्ने पवित्र कर्म
माैकामा चुनाव खर्च असुल्नु चैँ मुख्य धर्म ।
-प्रद्युम्न चालिसे
[८]
कुर्सी आफू पाउने जनतालाई आस देखाएर नै ठग्ने
निस्वार्थ भावमा काम गर्छौ भनेर भावनामा किन बग्ने ।
-अम्बिका अधिकारी
झापा बिर्तामोड
[९]
जति जल्छौ राजनितिज्ञहरू जल्दै गर सङ्घर्षको हो यो सत्ता
यहाँ आरिसेहरूको मनमुटु जले पनि टन्न खाइन्छ भत्ता ।
-बेदु न्यौपाने ✍️🇳🇵
[१०]
जीवनकाे समर्पण हाे सत्ता र कुर्सी हुन्छ प्याराे
राजनीति खेल देख्छाै आरिसे किन गर्छाैँ हताराे ?
-ताराप्रसाद चापागाईँ
धुनिबेसी
[११]
देशकाे विकास गर्छाैं भन्दै जनता सामु वाचा गर्याै
देशका विकास भन्दा पहिले आफ्नै भुँडी टन्न भर्याै ।
-भवानी पाेखरेल (बाबू विराज)
बाणगङ्गा १ चार नम्बर कपिलवस्तु
[१३]
अन्तिम लक्ष्य राजनीतिको सत्ता रहेछ,
कुर्सी माेह झन् पाे धेरै चुलिएर गएछ ।
-त्रिलाेचन भण्डारी
मेचीनगर,झापा
[१४]
राजनीतिमा लागिरहँदा जनता धेरै मरेको,
देशको उन्नति गर्छु भन्दा, भ्रष्टहरूले भरेको ।
-एवाइ प्रभात
धनकुटा
[१५]
काले गोरे जो आउछ सत्ता नै बन्ने प्यारो
बल्लतल्ल कुर्सी चढे, कमाउन हतारो ।
-शंकर कार्की ,मकवानपुर
[१६]
चुपचाप बस्नुस् बल्ल आलो पालो छ दिन फिरेको
सोच यस्तै बन्यो जुन जोगी आए नि कानै चिरेको ।
-भुपेन्द्र राना मगर
धादिङ
[१७]
राजनीति भनेकै सत्ता पाउन हो गर्ने
मौका मिल्दा सकेसम्म आफ्नै भण्डार भर्ने ।
-राजेशराज गड्तौला
कॅाडाघारी, काठमाण्डौ
[१८]
सत्तापक्ष र प्रतिपक्षहरू सदनभित्रै दाेहाेरी खेल्ने
यस्तो नौटङ्की देखाएर जनतालाई कहिलेसम्म झेल्ने।
-राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर ।
[१९]
राजनीति गरेको हो, कुर्सी, सत्ता पाउन ,
तिम्रो रिस र डाहले हुन्छ, सक्छौ आउन ।
-बुद्धिमान दनुवार ( सुरुङ्गेली कान्छो
कनकाइ ४ झापा
[२०]
यहाँ देशको सेवा नाममा
नगर अब चक्का जाममा ।
-नीमा छिरिङ भोटिया
जलढका कालेबुङ भारत
[२१]
गाउँमा आउँदा भन्थ्यौ जिताउनु मलाई भोट दिलाएर
जिती गयौ महलमा बस्न जनतालाई आँसु पिलाएर ।
-अनुग्रह राना मगर ‘पुष्प’
पाँचखपन नपा – ६ संखुवासभा ।
[२२]
समाज सेवा राजनीति, कमाउ धन्दा किन ?
चुनाव खर्च उठाउनु छ नत्र रिनै रिन ।
-जी.वि.कश्यप
घाेराही-१४ दाङ बिहान ६:५२ (२०८०/१२/०३ शनिवार)
[२३]
डाहा गरेको हैन डर लाग्दछ मनमा
तिमी पनि मिल्छौ कि भ्रष्टहरुको गणमा ।
-पुष्पा सुवेदी
नेपालगंन्ज,बॅाके।
[२४]
नखाई बस्यो कि त मरिन्छ शासक भोकले
के ठानेका छन् राजनीति ती पामर लोकले ?
-कृष्णकुमार वैद्य
बनेपा ९, काभ्रे
[२५]
सकेजति आफू घोटाला गर
नसके अरूको डाह नगर !
-कमला देवकोटा, पाल्पा
[२७]
सत्ता लिप्सा पुरा हुदैन सितिमिति
अयस गर्न गर्नुपर्छ राजनीति l
-बाबुराम गौतम, गुल्मी
[२८]
कपडाको अनि छालाको झोली पनि भर्‍यौ
पदको लोभी तिमी, नमिलेमा अन्तै सर्‍यौ ।
-प्रेम थापा “मन”बागलुङ
[२९]
चाहियो इमान ईज्जत् , जसको छैन स्पष्ट रिति थिति
पाए दुवै हातमा लड्डु, जे नि गर्ने कस्तो लाजनीति ।
-टिकाराम पुन पुकार
छत्रेश्वरी गाउँपालिका २ सल्यान
[३०]
पाउछौ कुर्सी भेट्छौ सत्ता दिए हामिले भोट
ड्याम्फे भुँडी भर्न मात्रै लाग्छौ चरित्रमा खोट ।
-उमा दाहाल
शुन्दर हरैंचा -१० मोरङ
[३१]
नयाँ पुराना भेटे, देशमा राजनीतिक दल
पिर जनता छ त छैन त समस्याको हल ।
-श्री कृष्ण धामी – बझाङ
[३२]
माटो बिर्से भुले काम
रातोदिन सम्झे दाम !
-आर्त अकुलीन
[३३]
नेता नामक जीवाणुको तैंछाड मैंछाड
खाइसके देशलाई रहलमा छ हाड ।
-बि.कुलङ
दार्जिलिङ रंगबुल
[३४]
नीतिको जोहो राजा, राजनीति कहलाउँछ
जीवनमा सत्ता, भत्ता, यसै मन बहलाउँछ।
✍️ अजय कुमार झा
महोत्तरी, जलेश्वर
[३५]
चाहिएको थियो कुर्सी ओगट्न अब पक्का भयो,
जनताको चाहना जान्दिनँ म उतै कतै गयो ।
-अच्युत घिमिरे, सर्पाङ, भुटान🇧🇹
[३६]
कुर्सी सत्तामा, भोट हालेर पुर्याउने जनता बिचरा
सत्तामा पुगी, कसले भन्यो, “जनताको घाटी” कठै बरा ?
मोती सुब्बा
दार्जिलिङ
[३७]
पद धन आर्जन मात्रै हैन राजनीति
निस्वार्थ माया पाउने हो है गजब रीति ।
-हरिगाेपाल प्रधान
काभ्रे, बनेपा १४ साँगा बजार।
[३८]
राजनीति हो मुल नीति, देश सपार्ने, बिगार्ने
कोही जन्मेन यो देशमा, देशको स्थिति सुधार्ने !
-दीपा समभाव
काठमाडौ
[३९]
यता अनि उता मिल्छ्न् नेता जनता हेरेको हेरैकै
हाम्रो देशका नेता छेपारो झै रङ फेरेको फेरेकै ।
-अनिता भण्डारी ताप्लेजुङ
[४०]
मरेको भए तिम्रा सामु केको हेर्थेँ
घुसखोरले सराप्दैमा केको टेर्थेँ ?
-नन्दलाल आचार्य
एनेलकुटी, सिरहा, मधेस प्रदेस, नेपाल
[४१]
उनकै काम गर्ने भनी सत्तामा हो जाने
हरियो घाँस देखाएर बसीबसी खाने।
-होम प्रसाद नेउपाने
धरान,सुनसरी ।
[४२]
बुझे सत्ता भनेको जनताको नासाे हो गलाकाे पासाे
अर्थ न बर्थकाे काम गर्नाले भयो जनताको हाँसो ।
-रामप्रसाद पुरी,बादेल, खाेटाङ ।
[४३]
रिसाए पनि उत्तिखेरै मेरै पछि आउछन्
म पछि आफ्नो पालो भनी सोझ्याउन धाउछन् ।
-सुस्मिता अधिकारी ,काठमाडौँ
[४४]
कुर्सीको मोहले सधैँ तान्नेरै’छ बरै
आफ्नालाई पद दिन लाग्नेरै’छ करै ।
-गंगा खड्का
बूढानीलकण्ठ ,काठमाडौँ
[४५]
नेता हुँ देश चलाउने थाहा छ नियम नीति
सबै मिली देशलाई सक्ने बनाउँछु म थीति।
-नवशिला,
नवदेव मार्ग , लालभित्ती,मोरङ ।
[४६]
पद पैसा कुर्सी भत्ता भागबन्डा भर्छौ
लोकलाई लुट्दै कति राजनीति गर्छौ ?
-विवश पारदर्शी
झापा
[४७]
खायो रे खायो के खायो खसीले
देशै खायो गणतन्त्र मसीले ।
-चिरञ्जीवी श्रेष्ठ
धनकुटा ।
[४८]
सकेजति लुट्यौ देशको हालत बेहाल भयो
सुकर्म गर्ने पनि सङ्गतले कुकर्ममा गयो ।
-शोभा आचार्य गौतम
[४९]
काम नगरे पनि त गर्नै पर्यो दमदार कुरा
कुर्सी सत्ता मिलिसक्यो बचन बिस्तारै हुन्छ पूरा ।
-पुष्पा राई, खोटाङ।
[५०]
जनता तमासा हेर्नू हामी गुटबन्दीमा जुट्ने
जसले जति सक्छ भ्रष्टचार गरी देश लुट्ने ।
-संगीता खरेल
चन्द्रागिरी 8 काठमाडौं
[५१]
नयाँ नेपाल भन्दै तिमीले कुरुप बनायौ देशको हाल
चुनावमा गरेको भाषण बिर्सी ,जनतालाई गर्यौ जाल ।
-शशीश्री आचार्य
बौद्ध कुमारीगाल काठमाडौं
[५२]
आर्थिक मन्दी छ नेतामा अवैध धन आर्जनमा मन चढ्यो
हिलो छेपेर दग्ध छ संसदमा कुर्सीको मात्र लडाइँ बढ्यो ।
-चुडामणी देबकोटा
चनपा- १३ काठमाण्डौ
[५३]
कुर्सीमा नै छ हातेमालो सत्ताको कब्जा ठेलमठेल
के भो राख्दा हारगुहारका जनआवाज जेलनेल ।
-ईन्दु श्रेष्ठ, चितवन
[५४]
योग्यले पद भेट्टाए राष्ट्रगौरव बढ्दछ
अयोग्य व्यक्तिले पाए अस्मिता बलि चढ्दछ।
-रामशरण न्यौपाने, भक्तपुर
[५५]
तिमीलाई मात्रै हो र सत्ता हामीलाई पनि चाहियो
पालैपालो खानुपर्यो एक्लै हसुर्न त कहाँ पाइयो ?
-सरिता सेढाई, धादिङ
[५६]
खै के विश्वास गर्नु तिम्रो ठूलो कुरा गर्छौ
जनतालाई झुक्याएर आफ्नो पेट भर्छौ ।
-हिमा आर सी
मेहेलकुना सुर्खेत
[५७]
काम केही गर्ने हाेइन गर्छन् ठुला कुरा
कुर्सी सत्ता पाए हुँदैन केही अब पूरा ।
-सहयात्री शाेभा अर्याल
रुपन्देही
~<•>~