दम्माम साउदीअरब | गैर आवासीय नेपाली संघको राष्ट्रीय समन्वय परिषदहरूको अधिवेशन सकिए संगै केन्द्रीय समन्वय परिषदको अन्तर्राष्ट्रीय महाधिवेशनको सरगर्मी निक्कै बढेको छ। विभिन्न केन्द्रीय पदहरूमा आफ्नो उम्मेदवारी दिनेहरूको संख्या दिन प्रतिदिन बढ्दो छ। मध्यपूर्वको साउदी अरबलाई कर्मथलो बनाउँदै आएका राजेन्द्र अर्याल (जोन)ले यसै शिलशिलामा २१/२३ का लागी क्षेत्रिय संयोजकमा आफ्नो उम्मेदवारी सामाजिक संजाल फेसबुक मार्फत घोषणा गरेका छन्। २०११ देखी एनआरएनएमा लागेका अर्याल सफल व्यवसायीका साथै सामाजिक कार्यमा निरन्तर लागी परेका एक अब्बल समाज सेवीका रूपमा परिचित छन्। उनले गैर आवासीय नेपाली संघका १५/१७ मा राष्ट्रीय समन्वय परिषद सदस्य, १७/१९ एनसीसी साउदीलाई प्रतिनिधित्व गर्दै आईसीसी सदस्य, १९/२१ आईसीसी क्षेत्रिय सहसंयोजकको भूमिका निर्वाह गरिसकेका छन्। क्षेत्रिय संयोजकका प्रत्याशी अर्यालले आफ्नो उम्मेदवारीको घोषणा संगै मध्यपूर्वको श्रमिक हकहितलाई प्राथमिकता दिंदै ५ बूँदे घोषणा पत्र पनि जारी गरेका छन्।
कपिलवस्तु , कपिलवस्तु मायादेबी गाउपालिका वडा नंबर ८ का वडा अध्यक्ष कृष्णनारायण तिवारी नबोलिकन काम गर्ने निर्वाचित जनप्रतिनिधिको रुपमा चिनिन्छ। मायादेवी गाउपालिका वडा नंबर ८ विजुवा गाविसवाट विकसित नयाँ वडा भएको कारण पनि वडा अध्यक्ष तिवारीलाई विकास निर्माणका कार्यमा धेरै चुनौति रहेको थियो। ती चुनौतिलाई पनि सहज ढंगवाट कार्य सम्पादन गर्न सिपालु वडा अध्यक्ष तिवारीसंग हिमाल दृष्टिले लिएको विशेष अन्तरवार्ताको सार–संक्षेप यहाँ प्रस्तुत छ । यहाँको करिब ५ वर्षको कार्यकाल सकिन लागेको छ, पक्कै पनि विभिन्न खालका योजनाहरु अघि सारेर निर्वाचित हुनुभएको थियो, यसरी समुदायलाई जुन प्रतिबद्धता व्यक्त गरेर निर्वाचित हुनु भयो, ती योजनाहरु कति हदसम्म पूरा भएको अनुभव गर्नु भएको छ ? –केही योजनाहरु पुरा हुन बाँकी छ । मुख्य काम भनेको सडक चौडा गर्ने काम शुरुवात भएको छ । खानेपानी वितरणमा समस्या भएर बोरिङ गर्ने काम भएको छ, भने शिक्षा र स्वास्थ्यका काम सम्पन्न भएको छ ।
वडाले गर्ने काम भनेको ढल व्यवस्थापन पनि हो ढल निर्माणको काम कहाँनिर पुग्यो ? –हुन त निर्वाचन गर्ने समयमा ढल निर्माणको काम योजनामा थिएन, यहाँका जनताको मुख्य समस्या मध्ये ढल निर्माण पनि एक हो । त्यसै कारण हामीले यसलाई पनि मुख्य समस्याका रुपमा राखेका छौं । जति विकास निर्माणका कुराहरु यहाँले अघि सार्नु भएको थियो, जुन उपलब्धीहरु हासिल भएको छ , त्यसप्रति कत्तिको सन्तुष्ट हुनुहुन्छ ? –आफ्नो काम प्रति सन्तुष्ट नहुने त कुरै भएन । तर, जति सन्तुष्ट हुनुपर्ने हो– त्यति चाँहि भएको छैन् । नयाँ वडा भएको हुनाले भौतिक पूर्वाधारको कुरा धेरै छन्। गर्न चाहेर पनि कतिपय कतिपय काम गर्न नसकिएको अवस्था छ । जनताको चाहना कस्तो हुन्छ भने अहिले नै गर्नु पर्छ तुरुन्तै हुन पर्छ भन्ने छ। एकै ठाउँमा बजेट खर्च गर्न सकिदैन र गर्न पनि हुँदेैन । काम धेरै भएको छ तर, देखिएको छैन । आफ्नो कार्यकालको जति अवधि छ । अब यो अवधिमा कस्ता विकासका मुद्दाहरु प्राथमिकतामा राखेर अघि बढ्नु भएको छ ? –हामीले अबको योजनामा शिक्षा र स्वास्थ्यलाई जोड दिदै भौतिक पूर्वाधार, चौडा बाटो निर्माण, त्यसै गरी हाम्रो जमिन भनेको भूक्षय बढी हुने खालको छ। त्यसलाई प्राथमिकता दिएर काम गर्ने योजना छ । अब कार्यकाल सकिएपछि फेरि यहाँको विचार के छ ? यही पदमा उठ्ने कि के गर्ने ? फेरि आफू निर्वाचित हुन के जनताको मन जिते जस्तो लाग्छ ? –जनताले के भन्छन् , जनताको कुरा हो, पार्टीको कुरा हो । तर, सेवामा निरन्तर रुपमा लागिरहन्छु । पार्टी र जनताको निर्णय नै हामी आत्मसाथ गछौं । अब निर्वाचित भएर जनताको मन जित्ने कुरा चाहिँ के हो भने दुईवटा मुख्य काम एउटा जनतालाई सेवा दिने र अर्को विकास निर्माणको काम हो । हामीले वडामा जनतालाई कुनै पनि सेवामा कन्जुस्याई गरेका छैनौं । जनतालाई निरास पनि बनाएका छैनौं। मेरो विचारमा जनता खुशी छन् । यस्तो खालको काम गरिरहँदा चुनौति पनि धेरै हुन सक्छन्, यसको सामना र समाधान कसरी गर्नु भएको छ ? चुनौती हरेक काममा हुन्छन् । धेरै वर्ष सम्म स्थानिय निर्वाचन नहुँदा मान्छेहरुमा बढी स्वतन्त्रता भए । जसले गर्दा मानिसहरु सबै बिज्ञ भए । सबै जान्ने भए, यसको मतलब तँ भन्दा म जान्ने छु भन्ने भावनाको विकास भयो । राम्रो काम गर्ने जनप्रतिनिधिलाई पनि अप्ठ्यारो अवस्था आयो । सोचे अनुरुपको काम गर्न सकिएन । चुनौतीको कुरामा जहाँ जस्तो चुनौती आउँछ। चुनौतीको अध्ययन गरेर त्यही अनुरुप समाधान गर्दै जान्छौ।
टुक्का साहित्य समाज, काठमाडौले हिन्दुहरूको पर्व श्रीकृष्ण जन्माष्टमीकाे अवसर पारेर यहि भाद्र १३ गते “वृहत टुक्का लेखन अभ्यास श्रृङ्खला-१८” सम्पन्न गरेकाे छ।
टुक्का साहित्य समाजकी सल्लाहकार शर्मिला श्रेष्ठकाे संयाेजकत्वमा संचालन भएकाे उक्त कार्यक्रममा नेपाल, भारत लगायत विश्वका विभिन्न देशहरूका ८० जना नेपालीभाषी सर्जकहरूकाे सहभागिता रहेकाे थियाे । उक्त शृङ्खलाको टुक्का लेखन र संकलनमा संयोजक श्रेष्ठलाई समाजका अध्यक्ष ताराप्रसाद चापागाई र सचिव विमुन्स पाैडेलले पनि सहयोग गर्नुभएको थियोे । श्रीकृष्ण जन्माष्टमी काे पावन अवसरमा आयोजित शृङ्खलामा उहाँहरूद्वारा सहभागी सर्जकहरूमा हार्दिक धन्यवादका साथ शुभकामना व्यक्त गरिएको थियो ।
टुक्का काव्य विधा अन्तर्गतको नविनतम उपविधाहरू मध्ये एक हो । जसलाई समान अक्षर संख्यामा अन्त्यानुप्रास सहित दुई हरफमा लेख्ने गरिन्छ । टुक्का कविताको उन्नयन र विकासका लागि टुक्का साहित्य समाजले नियमित टुक्का लेखन अभ्यासका साथै विशेष शृङ्खला पनि सञ्चालन गर्दै आएको छ ।
अभ्यासकाे शृङ्खलामा संकलन गरिएका टुक्काहरू
[१]
१. कृष्ण जन्माष्टमीकै दिन भयो मथुरा झलमल,कंसको तय मरण, सत्यको जितमा श्रीमद्भागवत उदाहरणीय,पापीका लागि ग्रहण। २. दुर्जन,अत्याचारीको थलमा कृष्णको जन्मले धन्य भयो द्वापरयुग, कलियुगी कंस दहन गर्नुपर्छ प्रभु!फेरि जन्म लिन नेपाल पुग। ✍️ शर्मिला श्रेष्ठ ललितपुर, हाल अमेरिका
[२] १. देवकी र वासुदेवलाई यमुनाले डाक्दै ल्याइन्, वृन्दा वनले गाेठालाेमा कन्हैयाकै दर्शन पाइन् । २. धृष्टताले जलाउँछ कंस जले जस्तै गरि, साँचो प्रेम बाँचिदिन्छ राधा कृष्ण बाँचे सरि। ✍️ धनु शर्मा, पाेखरा
[३] १. विष्णु भगवान् को आठौँ अवतार कन्हैया कृष्ण प्यारा, जगत् भलाईकाे उपदेशले सचेत गरायाै सारा। २. युद्ध मैदानमा दिएका थिए उपदेश राम्रा, संसारका मार्ग निर्देशक कृष्ण भगवान् हाम्रा । ✍️ ताराप्रसाद चापागाईं धुनिबेशी नगरपालिका ९, धादिङ
[४]
१. तिमी हौ हर युगका दुःख नासक, तिमी नै सत्य कुराका हौ प्रचारक । २. तिमी कृष्ण युगयुगसम्म न्याय मूर्ति, किन दानव फेरि बलको राख्छ फुर्ती। ✍️ पौडेल विमुन्स, पोखरा कास्की
[५] १. युगका युग पुरूष तिमी हौ प्रभु कृष्णा, तिम्रो सम्झनाले मात्र पनि मेटिन्छ तृष्णा। २. हे कृष्ण तिम्रो लिला अपरम्पार परमात्मा, जोडिएका प्रभु तिमी प्रेमीहरू भित्र आत्मा। ✍️ शरद प्रधानाङ्ग, विराटनगर-७
[६]
१ कंशले नि घुडा टेक्यो चलेन उसको जोर, ठुला ठुला दानव जित्यौं तिमी मख्खन चोर। २ श्रीमद् भागवत पुराण बन्यो तिम्रै वाणी लेखि, कर्म र फलको सुन्दर ब्याख्या भेट्छौ पढेदेखि । ✍️ वसन्त अनुभव घोराही उपमहानगरपालिका १४, दाङ
[७]
१ कृष्ण जन्माष्टमी हामी पुजा गर्छौ, जिन्दगी भर उनकै भर पर्छौ। २ कृष्ण जन्माष्टमी कृष्णजिको पुजा गरौं, हामी सबैले उनकै जस्तो ज्ञान भरौं। ✍️ जगत थापा, बझाङ्ग
[८]
१ दही चोरी खाने उनै भगवान कृष्ण नै थिए, दुष्ट कंशलाई मार्न भनी कृष्णले जन्म लिए l २ महान हुनुहुन्छ है भगवान कृष्ण देव अवतार, सबैले बुझ्नु संसारमा भगवानको लिला छ अपार l ✍️ रिता खराल, रुपन्देही
[९]
१. सबै भक्तहरूको उनै हुन् सहारा, बाँसुरी बजाउने राधाका पियारा । २ मखन मन पराउने हुन् चित्त चोर, कृष्ण हृदयमा राख्न बनाउँछु खोर । ✍️ रिजाल विनोद, बेलबारी २ मोरङ
[१०]
१. जन्म भएथ्याे मथुराकाे जेलमा, अधेराेथ्याे बत्ती थिएन तेलमा । २. कृष्णजीले सधैं मक्खन, मिस्री नाैनी मिठाे मानी खाएर, राधाजी साथ रासलिला रचाएथ्याै बृन्दावन अाएर । ✍️ लक्ष्मी घिमिरे दहाल, दमक -७ झापा
[११]
१. हे कृष्ण तिमीले वंशी बजाइ देउन, दु:ख पाएं धेरै मैले काखमा लेउन । २. भन्छन् कृष्ण तिम्रा त गोपिनी धेरै थिए अरे, लिला अति भयो प्रभु अब पटक्कै नगरे । ✍️ राजेशराज गड्तौला रतुवामाई- १०, मोरंग हाल- प्रवास
[१२]
१. श्रीकृष्णकाे भाे लिला ठुला, माेहमा सारा जगत् भुला । २. आइद्याैन हे कृष्ण कुकर्मी मास्नकन, पुकार गर्दछु हर दिन भगवन । ✍️ प्रधुम्न चालिसे भक्तपुर कटुञ्जे, सु न पा ५
[१३]
१. युग परिवर्तन गर्ने महान विचारक श्रीकृष्ण हुन, सब छोडेर शान्ति खातिर महाभारत युद्ध गराउन । २. श्रीकृष्णका पदमा आफ्ना सब दर्द थुपारी, भुलेर आफ्नो कर्म, केवल नबसौँ गुहारी । ✍️ रचना शर्मा प्रतीक्षा, ललितपुर ।
[१४]
१. जन्मिए कृष्ण त्यो अधेरी रातमा, वसुदेव देवकी थिए साथमा। २. मखन खाने बासुरी बजाउने, कृष्ण नाममा मन यो रमाउने। ✍️ रघु न्याैपाने, पाेखरा
[१५]
१. सकेजति जप, ध्यान, दान गर्ने गर्छु , कृष्णकाले सम्झिएर शरणमा पर्छु । २. कृष्णले ज्ञानको कटारी चलाए, प्राण चुसी पुतना भैमा ढलाए । ✍️केशवप्रसाद ढकाल ‘प्रीतबीज’ सिरान्चाेक-७, उपल्लो गाेहाेरे, गाेरखा
[१६]
१. कृष्णजीको लीला बुझ्न चाहिन्छ शुद्ध तनमन, आचार विचार शुद्ध राखे, सुधरिन्छ जीवन। २. भौतिक प्रेमलाई न तौल तिमी त्यो रासलीलामा, अखण्ड प्रेमको हेर निशानी वृंदावन सिलामा। ✍️ पदमा शर्मा आंचल, कालाचिनी, भारत
[१७]
१ भाद्रकृष्ण अष्टमीको मध्यरात झलमल, श्रीकृष्ण तिमी जन्मिँदामा सबै थे अलमल । २ जन्मिनेबित्तिकै बिछोडियौ प्यारो काख आमाको, दूधै नखाई गोकुल पुग्यौ हर्कतले मामाको । ✍️ श्रीकृष्ण शर्मा, पोखरा
[१८]
१. द्वापरयुगमा अवतरित हुनुभए’थ्यो श्री कृष्णा, पूरा भए’थ्यो मानव जातिको प्रभु मिलनको तृष्णा। २. एउटा कंसको विनाश गर्न पनि भगवान श्रीकृष्ण आफैँ अघि सरे, कलियुगमा जन्मिए झनै धेरै कंसहरू भगवान नै ओझेल परे। ✍️ प्रमोद भट्टराई ‘प्रतीक’ कौशलटार, भक्तपुर
[१९]
१. बाच्छा रहे मथुरामा गाई बृन्दाबन , हामी कतै नजाउ है कृष्ण यहि छन । २. गोकुल खोज्यौ मथुरा खोज्यौ खोज्यौ बृन्दाबन , बाहिर कतै छैनन् कृष्ण हाम्रै मनमा छन । ✍️ मन्दिरा सेढाई, मलेखु धादिङ
[२०]
१. भाद्र कृष्ण अष्टमी तिथि अन्सार, श्रीकृष्ण ज्योती छ उज्यालो सन्सार। २. मन्त्रमुग्ध आनन्द बाँसुरी धून, लम्किन्छ कृष्णभाव़ चन्द्रमा छुन । ✍️ होम प्रसाद नेउपाने, धरान,सुनसरी
[२१]
१. कृष्ण तिम्रो मुरलीको धुन अति मिठो , घरको धन्दा छोडी राधा पुग्थिन छिटो । २. यशोदाका पुत्र तिमी कृष्ण कन्हैया , तिम्रो चाल देखि छक्क यशोदा मैंया । ✍️ इन्दिरा देवकोटा, कपिलवस्तु न .पा .३
[२२]
१. श्री कृष्ण जन्माष्टमीको दिन घर-मन्दिर सजाइन्छ, हरि किर्तनमा मस्त भइकन् शंख-घण्टा बजाइन्छ। २. पूर्ण अवतार प्रिय प्रभु सोह्रै कलाले युक्त, श्री कृष्ण कृपाले हुन्छ भवसागरबाट मुक्त। ✍️ अरुण कुमार भुजेल , गोरूबथान,कालेबुङ्ग।
[२३]
१. कृष्णजी को जन्म भएथ्यो मथुरा को जेलमा, बुवा आमा दुवै थिए हतकडी र नेलमा। २. जन्म भन्दा पहिले आकाश वाणी दियो, देवकीका आठौ पुत्र कंश मार्ने थियो । ✍️ सरस्वती श्रेष्ठ, इटहरी
[२४]
१ साँझ घर अाऊ कृष्ण बत्ती बालेकी, मन शुद्ध पारेकी छु मैलो फालेकी। २ हे कृष्ण प्यारा तिमी साथ पाऊँ , ति चरणको धूलो माथ लाऊँ। ✍️ सावित्री न्यौपाने, काठमाडाैं
[२५]
१. मान्छेका त बिचार छन् अनेक, आखिर श्रीकृष्ण रहेछन् एक। २. आध्यात्मिक ज्ञान त शान्तिका लागि, लोभ मोह सबै मनबाट त्यागी। ✍️ तेजप्रसाद खनाल, दाङ।
[२६] १. श्रीकृष्णजी नै हुन् देवादि देव सारा सृष्टिका सार, द्वापर युगमा मथुरामा भो अपूर्व अवतार ! २. कृष्णले कर्मयोग,ज्ञानयोग आदि भाव जगाए, समस्त मानवको कल्याणमा गीता ज्ञान बगाए! ✍️भूषण जंग ललितपूर 🏠हाल प्रवास
[२७]
१. ज्ञानको भण्डार पनि कृष्ण जि लाई भने, सोह्र सय गोपिनीको प्यारो कसरी बने? २. जति ज्ञानी भए पनि कृष्ण जि त दहि चोर हुन, मख्ख पार्नलाई बजाई दिन्छन बाँसुरीको धुन। ✍️ पुर्णबहादुर श्रेष्ठ “हृदयङकृत” पनौती-३,काभ्रे
[२८]
१. हातमा बाँसुरी शिरमा मयुर प्वाँख रुप तिम्रो झलल, शीतल बागमा, गोपिनी साथमा यमुनाको गीत सलल। २. पापको घडा भरिँदै जाँदा लियौ तिमीले न्यायको रक्षार्थ जुनी, लोकको उपकार गर्नुपर्ने मनमा कुरा कृष्ण तिमीले गुनी। ✍️ गंगा खड्का बूढानीलकण्ठ १, काठमाडौँ
[२९]
१ मख्खन चोर समेत हुन कृष्णा पनि भने, धेरैले उनैका राम्रा नराम्रा बिचार गने। २ सबैका राम्रा बिचार अगालेर बढे, धार्मिक र भौतिक जगत सबै पढे। ✍️ सुरेशकुमार पान्डे दाङ घोराही १८,
[३०] १. द्रौपदीको वस्त्रहरण हुँदा श्री कृष्णजीले नै लाज बँचाए, कौरवको क्रुरता नङ्ग्याएर त्रिलोक सबैका मन हँसाए। २. गोकुलमा कनैयाले दही चोर्थे छोएपछि अमृत तुल्याइ छोड्थे। ✍️ रतन पाण्डे’पारतन’, दार्जीलिङ।
[३१]
१. कृष्ण जिले बासुरी बजाए, सोह्रसय गाेपिनी लजाए। २. कृष्ण लिला संसार भुलाउने, अघि पछि गाेपिनी डुलाउने। ✍️ अरुण नदी खत्री, काठमाडाैं ।
[३२]
१. तिम्रो भजन सुन्न पाउँ कृष्ण जी, बराबरी तिमी ,यी हाम्रा शिवजी । २. दहीको ठेकी छ हाम्रो सानो घरमा, तिमीलाई ठान्छौं हामी तिम्रै भरमा। ✍️ कल्पना थामी, सिन्धुपाल्चोक
[३३]
१. बासुरीको धुनमा रमाइरहेछु अाज, प्यारा कृष्ण अाउ पहिराई दिज्छु म ताज। २. भवसागर बाट कृष्ण जपेर मुक्ति पाऊँ, गिताकाे मर्म बुझी याे जीवन पार लगाऊँ। ✍️ रश्मी रिमाल, झापा
[३४]
१. भदौ महिनाको अष्टमीको रातमा, जन्मे बाल कृष्ण कंस कारागारमा। २. बसुदेव देवकीको पुत्र रुप लिएर, दुष्टहरु नास गरे सदबुद्धि दिएर । ✍️ कमला देवकोटा, पाल्पा
[३५]
१. बर्षि रह्यो मुस्लधार पानी,भयो तिम्रो अवतार, जन्म्यौ तिमी कृष्णा खुल्यो त्यसदिन आफै कारागार। २. मथुरा बासीमा थियो धेरै नै त्रास , कंश थियो कृष्णा तिम्रो मृत्युको प्यास। ✍️ सुरेखा चाम्लिङ्ग सुर्यबिनायक २, भक्तपुर
[३६]
१. भगवान बनी कृष्ण यो धर्तीमा आए, पाण्डवहरुलाई दु:ख बाट बचाए। २. हरेक काम सजिलै गर्न सक्ने उनी महान्, संसार भर चिनिए कृष्ण बनेर भगवान्। ✍️ लालीमाया थापा मगर प्यूठान
[३७]
१. सत्रसय गोपिनिका एक कृष्ण कनैया हुन, मथुरामा बाँसुरीकाे बजाए चारैतिर धुन। २. यत्ति मीठो बाँसुरी यो ,कहाँ बज्यो आज, कता लुक्यौ कृष्ण काले,आऊ हामी माझ। ✍️ शाेभा अर्याल, रुपन्देही, बुटवल
[३८]
१. जन्माष्टमी कृष्णकाे ध्यानमा ब्यस्त, दुख हटी खुसी हाेस् मनमा मस्त। २. कृष्ण भेट्ने याे मनकाे चाहाना, व्रत ध्यानमा अनेकाै बाहाना। ✍️ प्रेम सुनार, दैलेख
[३९] १. कहिले होईन मनका कुरा मुखमा ल्याइ फोर्ने, श्री कृष्णले त गर्थे अरे सधैं ठेकिको दहि चोर्ने । २. पराम्परा देखि चली आएको चलन, चाडपर्व आउँदा मन हुन्छ जलन । ✍️ ललिता अभागी, सिन्धुली
[४०]
१. कृष्ण काले तिम्राे रासलिला के सुनाउनु, सोह्रसय गाेपिनी राधालाई चुनाउनु। २. कोपिला बनेर धर्तिमा फुल्न नपाउदै, मार्न तयार कंस मामा जाल बुनाउदै। ✍️ मोहन तरामु मगर गुल्मी नेपाल , हाल यूएई
[४१]
१. राधा हुन् महान नारी, कन्हैया कि अति प्यारी। २. सबैको जीवन नै उज्ज्वल रहोस् मेरो चाहना, श्रीकृष्णा जन्माष्टमीको सबैलाई शुभकामना। ✍️हिउँकला हाँसी खतिवडा अछाम,
[४२]
१. कालको सार्है डर त्यो बेला कृष्णले पचाए, उनैले गरे कंसको बध संसार बचाए । २. त्यो सत्य त्रेता द्वापर कली युग पो गनेर, श्रीकृष्ण जन्मे लोकको हीत गर्न नि भनेर । ✍️ डम्बर थामी ‘अनुपम’ कालिन्चोक गा.पा.-६, दोलखा ।
[४३]
१• मथुरामा जन्मिएर गोकुलमा गए, सुदामा र बलराम खेल्ने साथी भए। २• सानो छॅदा दही चोर्ने बालाकृष्ण काले, जवानीमा गोपीनी नै सताउन थाले। ✍️ घनश्याम पौडेल, सृजना चोक पोखरा
[४४]
१. कथा, घट्ना, वृतान्तका एक पृय पात्र, थरिथरि अवतार श्रीकृष्णजी मात्र । २. धर्ती अनि स्वर्गलाेककै मनमुटुका प्यारा, अलाैकिक गुणका धनी प्रेमालापका तारा। ✍️ त्रिलोचन भण्डारी मेचीनगर, झापा
[४५]
१. द्वापरमा जन्मिएर नि पुज्य देव बने , साेह्रसय गाेपिनीलाई मायाँ गर्छु भने । २. बालापनमा दहि चाेरी खान्थे कृष्ण काले , भक्तजनले जन्माष्टमी ब्रतराख्न थाले । ✍️ रामकृष्ण दुवाडी, पाेखरा
[४६]
१. कृष्ण तिम्रो व्रत बस्छु भक्त बनेर, तिमी जस्तै बुद्धिमानि बन्छु भनेर। २. कृष्ण जन्माष्टमी व्रत बसि पुण्य कमाऔं , मन भित्र भएका दुष्कर्म सबै भगाऔं। ✍️ काेकिला चाैधरी, बाँके
[४७]
१. कंशले भरे पापको घडा विष नै भरेर, उन्मुक्ति दिए कंशको बध कृष्णले गरेर । २. हस्तीनापूर जितेरै छाडे कृष्णले लडेर, तूफानसरि युद्धमा उनी अगाडि बढेर । ✍️ रचना मोक्तान ” यात्री” नमोबुद्ध न. पा. ५, काभ्रे
[४८]
१. कृष्ण काले नक्कले नक्कल नपार, तिम्रै लिला मायाले भुलायाै संसार। २. साेह्रसय गाेपिनीलाई वशमा पारेर, प्यारा कृष्ण कन्हैया नजाउ माया मारेर । ✍️ वसन्ती भण्डारी, सुर्खेत
[४९]
१. आठौँ गर्भ देवकीको लिइ ,आठौँ औतार विष्णुको, प्रेम भावले मनाऔँ आज, जन्माष्टमी सहिष्णुको। २. पुतना जलाए अत्याचारी, कंशको वध गरे, आफू चिनाउन अर्जुनलाई, विश्वरुप धरे । ✍️ गाेपाल कृष्ण डंगोल महाराजगञ्ज, काठमाण्डौँ
[५०]
१. माधव गोपाल धरतिमा आउँन, हे कृष्ण राधे हामीलाई बचाउँन। २. देवकी को आठौ पुत्र कंस ले चिनेन त कहिलै, उनकै हातबाट मर्नु पर्यो निहु खोज्थ्यो जहिलै। ✍️ कमला पाण्डे पराजुली झापा
[५१]
१. देश सिध्याउने कंसहरू गर्नु है! बेलैमा होस्, कलियुगमा तिम्रै निम्ति कृष्ण जन्मनु नपरोस् । २. शक्ति ज्ञान धैर्य सुमार्ग जगतमा कृष्ण बनी आए, मनाउँछौ जन्मोत्सव उनैले जीउने कला सिकाए। ✍️ अरुणा श्रेष्ठ ‘अनु’ , भद्रपुर नगरपालिका ३ भिमनगर, झापा
[५२]
१. मख्खन चाेर कृष्ण जन्मेको देशमा, दानवहरू छन मान्छेको भेषमा। २. भगवान कृष्ण सधै सत्यको साथ खडा थियौ, सारथी बनी हरपल अर्जुनकाे साथ दियौ। ✍️ रिना याेल्माे, दार्जीलिङ्ग
[५३]
१. आध्यात्मको दिव्य ज्योति सबैतिर छर्ने ज्ञानमार्ग पेल्लाउन सहयोग गर्ने । २. धन्य धन्य भए सबै गिता ज्ञान पाई कोटी कोटी नमस्कार गर्छु कृष्णलाई। ✍️ धनुष न्याैपाने गुथिचौर गाउँपालिका०४ जुम्ला बिगारे हाल सुर्खेत ।
[५४]
१. मख्खन चोर्दै अाउ कृष्ण,मुरलि हात समाई, तिम्रैं भक्ति जपिरहुला,भजन गर्दे रमाई । २. सधैं भरि तिम्रै नाम जपौंला यहि भावना, भदौं महिनाको जन्म दिनमा “शुभकामना” । ✍️ दुर्गा अाचार्य, मोरङ
[५५] १. आउ कृष्ण अर्जुनलाई सँगै लिएर आउ, सत्य र धर्मको लागि धनुष वाण चलाउ। २. कृष्णकै लिलामा रचिएको गिता पुजिन्छ, रुक्मिणि र राधाजीको गुणगान सुनिन्छ । ✍️ लक्ष्मण समीर, बर्दिया
[५६] १. भाद्रकृष्ण अष्टमीको रात लियौ जन्म सबैको पीडा ति हर्न, कृष्णको अवतारमा आयौ तिमी दुःखी जनको उद्धार गर्न । २. हे नन्दलाला बालक छँदा नै अनेक लीला रचायौ, मुखमा तिमीले यशोदा मैयाँलाई ब्राह्मण्ड देखायौ । ✍️ राजेन्द्र प्रधान पासा, दार्जिलिङ, भारत ।
[५७] १. काले,कन्हैया,हे घन श्याम, श्री कृष्ण मुरारी तिम्रो नाम। २. अत्याचारी राजा थिए कंस मामा, मारेर उद्धार गर्यौ बाबा आमा। ✍️ बि.के. मुखिया, दार्जीलिङ्ग
[५८] १. नौनी माखन चोरेर तिमी खाने, भक्तको मन संधै हरेर लाने। २. कृष्ण तिमी यो मनमा संधै भरि नै बस्नु, अन्धकार यो मनमा उज्यालो भई पस्नु। ✍️ प्रसान्ती राई सामसिङ्ग खासमहल (कालेबुङ)
[५९] १. बहिनीका पुत्र मार्यो त्यो कंसले सात , आठौं गर्भ लिनुभयो श्रीकृष्णको गाथ । २. श्रीकृष्णले जन्मलिनुभयो मामा कंसको कारागारमा , बासुदेवले पुर्याउनुभयो नन्द यसोदाका प्यारमा । ✍️ बेदु न्यौपाने, काठमाडौ
[६०] १. जन्मिए कृष्ण भरियो देवकी माताको कोख, खुसीमा परिणत आमाको पुरा भयो शोख। २. असत्यको हार सत्यको हुन्छ जित, कंशको नाश कृष्णबाट भयो हित। ✍️ बिना रोका, घोराही दाङ्ग।
[६१] १. द्वापर युगको पिता वसुदेव, माता देवकीका, श्रीकृष्ण भगवान् विश्वास हुन् हिन्दु धर्मावलम्बीका। २. बिष्णुको आठौँ अवतार बनी जन्मदिन गोकुलाष्टमी, मथुरा र वृन्दावनमा मनाउँछन् केही नराखी कमी। ✍️ म्यामराज राई हतुवागढी-६, होम्ताङ्,भोजपुर,हाल:-जापान
[६२]
१. जगमा सूर्यको ज्योति सरी, मान्छौं श्रीकृष्णको रुप हरि। २. जन्माष्टमीको पर्वमा, हर्ष मनाऊँदै, राति उत्सव मनाऊँ भजन गाउँदै । ✍️ भगवती दवाडी, दमक झापा
[६३]
१. रुक्मिणीलाई भेट्न जान्थे माया आधाआधा, नक्कले थे कृष्ण काले मन परेकी राधा। २. सबैका प्यारा कृष्ण काले थिए धन्दुकारी , मखन चोर्थे लुकाउथे गोपिनिका सारी। ✍️ अबजस चन्द्र, झापा
[६४] १. मै हु तिम्रो काले कृष्ण तिमी हौ मेरी राधा रानी, यती धेरै किन होला मनपरेको तिम्रो बानी। २. आउनु राधे भेट्न तिमी मलाई बृन्दाबनमा, अगालेर राख्छु प्यारी तिमीलाई मेरो मनमा। ✍️ नवशिला बेलबारी-२,लालभित्ती, मोरङ।
[६५] १. वृन्दा वनको गोठाले कृष्ण चन्चले, मन तान्छ सधैं त्यो मुरली छन्दले। २. कृष्ण जन्म दिनको शुभकामना, भगवान् कृष्णलाई मीठो सम्झना। ✍️ भुपेन्द्र राना मगर, धादिङ
[६६]
१. शोह्र सय गोपिनीका साथ रमाउछन , लिलाले परेमिलता प्यार जमाउछन। २. कृष्ण काले नक्कलेका चकचके बानी, राधा प्रिय प्रेमिका रे बाकी आठ रानी । ✍️ रामजी लामिछाने, पाेखरा
[६७]
१. मन चाहिँ त्यो सफा थियो भए नि कृष्ण काले, भन्नेले त भनिदिन्छन् उनी थिए रौसे भाले। २. अति सुन्दर र चमत्कारी कृष्णको गर्नु के कुरा, हरेक ज्ञान, योग र युक्तिमा थिए पुरा का पुरा । ✍️ परिक्रमा श्रेष्ठ, धरान
[६८]
१. आजैकादिन जन्मेका भगवान कृष्ण थिए, सोह्रसय गोपिनीमा राधिका रोजेर लिए । २. भगवान काले कृष्ण जन्मिएर ज्योति छर्ने, अहिलेका कृष्णहरु आफ्नै भुँडीमात्र भर्ने । ✍️ ऋषिराम खनाल, मध्यबिन्दु -६ नवलपुर ।
[६९]
१. दहि चाेरी खादै हिड्छाै सबै पर्छन् छक्कै, साेह्रसय गोपिनीलाइ नि पारिदिन्छौ मख्कै। २. बाँसुरीको धुन बजाइ लिला गरिदिन्छौ, कंश मारी यशोधालाइ खुशि भरिदिन्छौ। ✍️ नानीबाबा अधिकारी, कलंकी काठमाडौं
[७०]
१. रुप अनेकौं कृष्णले जान्ने चर्तीकला वासुरीको धुन उस्तै अति मिठो गला। २. सत्यको नै जित हुन्छ भन्ने सन्देश कता गयो? फेरि प्रकट हुनु कृष्ण जि सन्सार मैलो भयो । ✍️ इश्वरी अधिकारी, लमजुङ्ग
[७१]
१. दुःख हरण गर्ने तिम्रो काम उत्कृष्ट भन्दछन् संकर्षण हलो जोत्दै कृष्णका नाम त्यै गन्दछन्। २. राधा आराधना गर्छिन् खास रास रचाउँछिन् रासकै रसका थोपा कृष्ण जप्न अचाउँछिन्। ✍️ छत्रपति दाहाल उग्रचण्डी नाला, चुनाताल बनेपा न.पा. ३, काभ्रेपलाञ्चोक
[७२]
१. श्रीकृष्णले दही चोरेर अनेकौं दु:ख दिने गरेका, रासलीला गरेर गोपिनीका बस्त्र समेत हरेका । २. कृष्णजीको लीला छ यहाँ अपरम्पार, यही मार्ग हिड्ने गरौं पाइन्छ नि सार । ✍️ दुर्गा भट्टराई, मोरङ
[७३]
१. फुटाएर हण्डी चुहाए मखनको धारा, चकचके कृष्ण थिए सबैका धेरै प्यारा। २. वनभरी गाईवस्तु सबलाई नचाउँदै, मीठो स्वरमा कृष्णजीले बासुरी बजाउँदै। ✍️ रविन भण्डारी, मोरङ
[७४]
१. हे राधा ! हे कृष्ण ! द्वापरबाट कलियुगमा आउ , यस युगमा बढ्यो अशान्ति कसरी समाउँ पाउ। २. चारैतिर अशान्ती बढ्यो शान्ती कहिले हुन्छ कृष्णा , भुखमरीको नै आगो दन्कियो कहिले मिट्छ तृष्णा। ✍️सोमनाथ लुइटेल “रवि पाल्पाली”
[७५]
१. जन्माष्टमीको दिन आयो दहि केरा पनि खाने , श्रीकृष्णको जन्मदिन सबै व्रत रहन्छ माने। २. म माया गर्छु श्रीकृष्ण भगवानलाई, त्यसैले पनि वर्त बस्छु खाना नखाई। ✍️ कान्छी बिनिता विश्वकर्मा, बाजुरा
[७६] १. आठाै गर्भ रहेको देवकीको साथमा , कृष्णको जन्म भयो अष्टमीको रातमा। २. झट्ट हेर्दा श्याम वर्ण घुम्रिएकाे बाल, हन्डि फोरी मखन खाने चतुरो चाल । ✍️ अम्बिका गिरी, विराटनगर
[७७]
१. हे ! गोबिन्द , गोपाल , मोहन मुरलीधर तिम्रो पुजाआजा हुन्छ सदैव घर घर । २. दुर भाग्छ दु:ख दर्द हाय , बालकृष्णको भजन गाए । ✍️ बिके माकजू , भक्तपुर।
[७८] १, हुँन काले कृष्ण सबैको प्यारो, कृष्ण नभए जगत अँध्यारो। २, कृष्णको वचनले नै मानव चलेका, उनकै बाणीले जगत सबै बलेका । ✍️ लक्ष्मी श्रेष्ठ, बिर्तामोड झापा
[७९]
१. जब कृष्णले भगवान काे रुप लिएर अाए, पृथ्वीमा धनि गरिव सबैले सुख शान्ति पाए। २. म कृष्ण भगवान मान्छु, पुज्नलाइ मन्दिर जान्छु। ✍️ दीपा मग्राती, चतरा, सुनसरी ।
[८०]
१. कृष्ण काले नक्कलेले मोहनी लगायो प्यारो रैछ ग्वाले कृष्ण हृदय जगायो । २. कृष्ण तिम्रो प्रेम ठूलो साथी बनाउन बंशी धुन सुन्न पाउँ वंशी बजाउन । ✍️ पुष्पासायरा । बिराटनगर ।
उमेश कुशवाहा पर्सा,भादौ १२ / हंड्रेट्स(१००) ग्रुपका अध्यक्ष बिनय गिरीको नेतृत्वमा दरबार होटल बीरगंजको प्राँगमा कार्यक्रम गरी नया सदस्यहरुलाई स्वागत गरिएको छ।
द हंड्रेट्स (100 ) ग्रुप नामक संस्थाले आज एक कार्यक्रम गरी नया सदस्यहरुलाई टिकामाल लगाई स्वागत गरेको मनेजमेट अध्यक्ष आकाश भगत मालीले हिमालयन दृस्टिलाई जानकारी गराएको छन।
नया सदस्यमा ६ जना महिला सहित १२ जना थापिएको छन।
यस संस्थाले कोरोनाको बेला राहत बितरण ,जनचेतना मुलक कार्यक्रम तथा समाजप्रति बिभिन्न कार्यक्रम गर्दै आइरहेको छ। स्वागत कार्यक्रममा ग्रुपका अध्यक्ष तथा सदस्यहरुको उपस्थित रहेकोथियो।
काठमाडौं । पछिल्लो केही दिन यता सामाजिक सञ्जालमा एउटा भिडियो भाइरलजस्तै भयो । उक्त भाइरल भिडियो, भोजपुरी गीतको एउटा छोटो क्लिप हो । जसमा एक युवकले गीतमार्फत नै एउटा फोटो स्टुडियोको विज्ञापन गरिरहेका छन् ।
गीतमा देखिएको भिडियो वीरगन्ज जिल्ला अदालत नजिकको भगवती फोटो स्टुडियोको हो । जसलाई ११ वर्षदेखि स्थानीय युवा सन्तोष कुसाहाले सञ्चालन गरिरहेका छन् ।
सन्तोषले आफ्नो करिब डेढसय स्क्वायर फिटमा रहेको पसललाई ब्रान्डिङ्ग गर्ने उद्देश्यले गीत बनाएका थिए । गीत युट्य्बमा राखेपनि भिडियो बनाएका थिएनन् । त्यहि गीतको सानो क्लिपलाई नजिकका भाईलाई अभिनय गरेको भिडियो बनाउन लगाए । त्यहि भिडियो बनाएपछि टिकटकमा राखेपछि भ्यूज आउन थाल्यो ।
फोटो खिँच्ने, सम्पादन गर्ने, भिडियो सुटिङ तथा मिक्सिङ गर्ने, स्थानीय भोजपूरी भाषाको एल्बम सूटिङ गर्नेदेखि विवाह तथा विभिन्न कार्यक्रमहरुमा फोटो भिडियोको व्यवसायिक सेवा समेत स्टुडियोले दिदैँ आइरहेको छ । सन्तोषले पसलको भाडा मासिक ८ हजार तिर्दै आइरहेका छन् ।
अदालत जस्तो अति व्यस्त क्षेत्रको परिसरमा रहेको सन्तोषको व्यवसाय मज्जाले चल्छ । तर आफ्नो स्टुडियोलाई केही फरक तरिकाले प्रचार गरौं भन्ने हुटहुटी चलेपछि उनले गीतलाई माध्यम बनाए ।
भोजपुरी गीत लेख्दै आएका आफ्ना नजिकका भाई बिक्की कुसुहालाई गीत लेख्न लगाएर उक्त गीतलाई अर्का छिमेकी भाई ब्रिजलाल यादवलाई गाउन लगाए । ६ महिना अगाडी उक्त गित एउटा एल्बम सहित जेबी म्युजिक नामको युट्युब च्यानलमार्फत सार्वजनिक भयो । गीत सबै नजिकका साथीभाईसँग मिलेर गर्दा जम्मा २ हजार खर्च भएको सन्तोष बताउँछन् ।
‘भगवती स्टुडियोमा फोटो खिचवाउ’ बोलको यो गीत ३ मिनेट १४ सेकेण्डको छ । युट्युबमा आउँदा यो गीतबारे कसैलाई थाहा नै थिएन । तर गत साता सन्तोषले उक्त गीतको केही सेकेण्डको क्लिपलाई टिकटकमा राखेपछि सामाजिक सञ्जालमा भाइरल बन्यो ।
टिकटकपछि फेसबुकका ट्रोल पेजमा स्थान पाएको सन्तोषको प्रचार सामाग्रीलाई धेरैले अनेकन प्रतिक्रिया व्यक्त गरेका छन् ।
आफ्नो स्टुडियोको गित एकाएक सामाजिक सञ्जालभरी भाइरल बनेपछि सन्तोष आश्चर्य र हर्षित दुबै छन् ।
‘हामी जस्तो वीरगन्जको एउटा सामान्य स्टुडियोको गीत यसरी सामाजिक सञ्जालभरी भाइरल भइदिदाँ धेरै खुशी लागेको छ,’ सन्तोषले भने । गीत भाइरल बनेपछि दिनमा १५, २० ओटा फोन कलहरु भगवती फोटो स्टुडियोबारे सोध्ने मानिसहरुको आईरहेको उनी सुनाउँछन् ।
जुन प्रयोजनका लागि गीत निकालेको थियो त्यसले सार्थकता पाएको अहिले उनलाई महसुस हुन थालेको छ । सामान्य परिवारका सन्तोष र उनका भाईले विगत ११ वर्षदेखि फोटो स्टुडियो सञ्चालनमा ल्याएका हुन् ।
उनको स्टुडियोमा दैनिक ग्राहकहरुको भीड बाक्लिन थालेको छ । यसबाहेक सन्तोषले पछिल्लो समयमा अत्याधुनिक भिडियो सूटिङ प्रविधि ड्रोन समेत प्रयोग गर्न थालेका छन् । उनले ५० हजार देखि एक लाखसम्मका विभिन्न स्थानीय भिडियो तथा फोटो प्रोजेक्टमा काम गरिसकेको बताउँछन् ।
सन्तोष कुसाहा त एक उदाहरण मात्र हुन् । पछिल्लो समय व्यापारिक तथा व्यवसायिक प्रचार प्रयोजनका लागि समेत प्रयोग हुने टिकटकले धेरै साना घरेलु तथा मझौला व्यवसायहरुलाई आफ्नो सेवाको प्रचार प्रसारमा सहयोग पुर्याएको छ । https://www.youtube.com/embed/9aeKjc13vjk?start=70
रियाद साउदीअरब| नेपाल आदीवासी जनजाती महासंघ साउदीको खोबार स्थित क्लासिक रेस्टोरेन्टको सभाहलमा २७ अगस्ट २०२१ का दिन पूनर्गठन भेला सम्पन्न भएको छ । २००५ मा गठन भएको जनजाति महासंघ राष्ट्रीय समन्वय समिति साउदी अरब २०१२ देखी निस्कृय रहेको थियो भने पुनर्गठन भेलाले खेम तमुलाई अध्यक्षमा चयन गरिएको छ। त्यसतै भेलाले वरिष्ठ उपाध्यक्षमा नवराज योन्जन, उपाध्यक्षहरू बसन्त लिम्वु, भिमसरी पुन मगर र लाल बहादुर मगर मनोनित भएको छ। संघको महासचिवमा रोशन कुमार श्रेष्ठ, उप महासचिव रबिन राई, सचिव सुमन सहयात्री योंग्हाङ, सह सचिव मोती चेमजोङ चयन भएको गरिएको छ। त्यसतै चित्र कुमार राई कोषाध्यक्ष, ओम कुमाल सहकोषाध्यक्ष र विजय लामा प्रवक्ताको रूपमा चयन गरेको छ भने सदस्यहरूमा मित्र मणि राई, भिमा लिम्बु, प्रेम ईजम लिम्बु, बल बहादुर कुमाल, दुर्गा आले मगर, अकल प्रधान, अन्जान गुभाजु, राम माया तमाङ, जित मान तमु, मिना तमाङ, राज श्रेष्ठ, भिम बुढा मगर र पुष्पा राई चयन गरिएको छ ।
संघले पुनर्गठन भेला बाट प्रमुख सल्लाहकारहरूमा विरेन्द्र कुमार चौधरी सहित सल्लाहकारहरूमा प्रेम सिंजाली मगर, राजेश सेंदाङ, सुर्य श्रेष्ठ, जयदेव चाम्लिं नारायण गुरूङ र तुलसी गुरूङलाई चयन गरेको छ। खेम तमुको सभापतित्व रहेको कार्यक्रममा प्रमुख अतिथिको रूपमा नेपाली दूतावास रियादका श्रम काउन्सेलर जिवन राईको उपस्थिति रहेको थियो भने विशेष अतिथिको रूपमा आदिवासी जनजाति महासंघको अध्यक्ष जगत बरामको उपस्थिति रहेको थियो । अन्य अतिथिहरूमा दूतावासका जनसंपर्क अधिकारी हरी घिमीरे, संघिय लोकतांत्रिक राष्ट्रीय मंचका केन्द्रीय सदस्य श्री यावा लिम्बु लगायत विभिन्न संघ संस्थाका प्रतिनिधिहरूको उपस्थिति रहेको कार्यक्रमको संचालन रविन राईले गरेको थियो भने चित्र कुमार राईले स्वागत मन्तव्य राखेको थियो।
उदक साहित्य यात्रा नामक फेसबुक पेजको आयोजनामा आयोजित १४ औँ उदक अभ्यास शृङ्खला शुक्रवार सम्पन्न भएको छ ।
काव्य विधाको उपविधाको रूपमा परिचित उदकको विकास र उन्नयनका लागि नियमितरूपमा अभ्यास शृङ्खला सञ्चालन गरिदै आएको उदकका प्रवर्तक एवं शृङ्खलाका प्रशिक्षक आर्त अकुलीनले बताउनुभयो ।
उहाँका अनुसार शुक्रबार विहानैदेखि अपरान्ह ५ बजेसम्ममा सहभागीहरूलाई दिइएको चित्रको गहन भाव खुल्ने गरि एक/एक वटा उदक लेख्न भनिएको थियो । जसमा ६१ जना उदकयात्रीहरूले सहभागिता जनाउनु भएको थियो । अभ्यास समापन सँगै उदकका प्रवर्तक एवं शृङ्खलाका प्रशिक्षक आर्त अकुलीनले सहभागी सम्पूर्णमा हार्दिक बधाई तथा शुभकामना व्यक्त गर्नुभएको थियो ।
अभ्यासका लागि दिइएको तस्बिर
तस्बिरमा लेखिएका स्रष्टाका उदकहरू :
✍️✍️✍️✍️✍️✍️✍️✍️✍️✍️✍️✍️✍️ १ स्वतन्त्रता निश्चल निर्मल जल जमिन आकाश ! ✍️ रमा पन्त, पाल्पा
२ शान्त सुन्दर वातावरण चरा भएर उड्नु ? ✍️ पुष्पा सायरा, विराटनगर
३ वातावरण धमिलो नहोस् एक अर्काको कारण ! ✍️ पूर्णबहादुर श्रेष्ठ ‘हृदयङकृत’, पनौती-३, काभ्रे
४ गाेधूलि समय सार सृष्टिकाे मूल आभाष ! ✍️ राेशन पराजुली, धरान
५ स्वतन्त्रता सुन्दर शान्त हरेक प्राणीको अधिकार ! ✍️ विश्वनाथ श्रेष्ठ, फिक्कल, सिन्धुली
६ व्योम सफा स्वच्छ पक्षीको खुला रजाइँ ! ✍️ अमृता देवकोटा, कैलाली
७ स्वच्छ रमणीय प्रकृति चरीको स्वतन्त्र उडान ! ✍️ सावित्री अधिकारी, काठमाडौँ
८ पंक्षी निर गगन अनुपम सुन्दर वातावरण ! ✍️ वसन्त अनुभव घोराही उपमहानगरपालिका-१४, दाङ
९ प्रकृति मरुभूमिको तातो सिउँडीका तिखा काँडा ! ✍️ सविता के.सी., काठमाडौँ
१० आकाश स्वन्त्रताको प्रकाश प्रकृति आफैमा कपास ! ✍️ ईश्वरी अधिकारी, लमजुङ
११ आकाश स्वतन्त्र पक्षी आहा! सुन्दर प्रकृति ! ✍️ पवित्रा कुमारी महरा, घोराही, दाङ
१२ पक्षी गोधूलि साँझमा निवासतिर प्रस्थान गर्दै । ✍️ विनय तामाङ, भक्तपुर
१३ भानु तिम्रो आगमन लिएर आशाको किरण ! ✍️ गोपालप्रसाद पौड्याल, विराटनगर
१४ उद्देश्य धर्ती आकाश चरीकाे उडान मृगतृष्णा ! ✍️ मुना दाहाल, ललितपुर
१५ प्रकृती आकर्षक दृश्य पक्षी गगन हिमाल ! ✍️रिता खराल, रुपन्देही
टुक्का साहित्य समाजले नियमित टुक्का लेखन अभ्यास कार्यक्रम शृङ्खला सञ्चालन गर्दै आएको छ ।
टुक्का कविताको विकास र उन्नयनका निम्ति दैनिक, साप्ताहिक र विभिन्न पर्व एवं दिवसको अवसर पारेर टुक्का लेखन अभ्यास कार्यक्रम सञ्चालन गर्दै आएको समाजका अध्यक्ष एवं टुक्का प्रवर्तक ताराप्रसाद चापागाईंले बताउनुभयो ।
प्रस्तुत छ, शिवशङ्कर शीर्षक अन्तर्गत सृजना गरिएका १० जना टुक्काकारहरूको उत्कृष्ट टुक्काहरू
१. भोला तिमी मलाई विश्वास साँच्न देऊ, आराधना जगाऊँ तिम्रो सदैव छेउँ। २. उस्तै हुदैन यात्रा सोझो सलक्क बग्ने, हुन्छन् कुनै नकारा मान्छे चिनेर ठग्ने। ✍️ पौडेल विमुन्स, पाेखरा ~~~~~~~~~~~~~~~~~~~~~~
१. देवादिदेव महादेव हुन् शिवशङ्कर भोला, जीवन सार्थक पार्न प्रभु दर्शन दिनुहोला । २. त्रिदेवमध्ये एक रूप शिव संहारकर्ता, मानिसको जीवनबाट अनिष्टलाई हर्ता । ३. त्रिपुण्डधारी त्रिपुरारी कैलाश अधिपति, शिवजीको नामले भवसागर तरे कति । ✍️ श्रीकृष्ण शर्मा, पोखरा ~~~~~~~~~~~~~~~~~~~~~~
१. लाग्दछ मलाई रमाइलो शंकरजीको दरबार, दर्शन पाउने इच्छाले छोडेर आयौ त्यो घरबार। २. बग्दछिन् गङगा धर्तीमा तिम्रै शिरबाट झरेर, नागहरू बेरिएछन् गलामा गहना बनेर । ३. बाघको छाला ओछ्याई पलेटी कसेका भोला, मानिस भई बाँच्नलाई कठिन भयो यो चोला। ✍️ तारा घिमिरे, संखुवासभा ~~~~~~~~~~~~~~~~~~~~~~
१. अब कसैले पनि भाङ्ग धतुरा नखाए, नसिलो वस्तु सँग कत्ति साईनो नलाए। २. धर्मको सार बुझौँ, पालौँ आमा बाबा ढाँटी चोरी नगरौँ बनौँ सच्चा खाँबा ३. राम्रो कथालाई सिक अंगालन सबै, नराम्रो बानी ब्यहोरा नराखन कबै। ✍️ सुरेशकुमार पान्डे, दाङ घोराही-१८ ~~~~~~~~~~~~~~~~~~~~~~
१. अनेक रुप धारण गर्ने शिव शंकर भाेला, तिम्रै ध्यानमा लगि रहाेस सारा मानव चाेला। २. शिव शम्भाे महादेव तिमी हाै कैलाश पति, राैद्र रुप नदेखाउनु संसार हुन्छ खती । ✍️ ताराप्रसाद चापागाईं धुनिबेशी नगार पालिका -९, धादिङ ~~~~~~~~~~~~~~~~~~~~~~
१. सनातनीहरू सत्यम् शिवम् सुन्दरम् भन्छन् , ओम नमः शिवाय जप्न मै मस्त रहन्छन्। २. साउन महिनाको अन्तिम सोमबार हो आज, शिवलाई जल अर्पण गर्यो र नमानी लाज। ३. धैर्य-सहनशीलता र अनेकतामा एकताको चित्र, शिव परिवारबाट सिक्नु पर्ने कुरा सिक्यौ के त मित्र? ✍️ अरुण कुमार भुजेल , गोरूबथान,कालेबुङ्ग। ~~~~~~~~~~~~~~~~~~~~~~
१. जयजय हे महादेव शिव भोलेबाबा, शिवको नाममा कोही पनि नहूँ है काबा। २. श्रावणको अन्तिम दिन शिव व्रत बसेर, पुजापाठ रमाइलो गरौँ घरमै जमेर । ३. हरि ॐ नम: शिवाय भजौँ सबैले , आफ्नो कर्तव्य नछोडौँ है कसैले । ✍️ बेदु न्यौपाने , काठमाडौ ~~~~~~~~~~~~~~~~~~~~~~
१. मानिसको मरिजाने दुईदिने चाेला, काे पहिले काे पछि निर्णय गर्ने भाेला। २. भाेले बाबा पुकार्छू लगाएर भक्ति , शिव आफैँ मलाई दिनुहाेला शक्ति । ३. कैलाशपति भनिने शिवशङ्कर भाेला, हामी दु:खी भक्तलाई दर्शन दिनुहाेला। ✍️केशवप्रसाद ढकाल ‘प्रीतबीज’ सिरान्चाेक-७, उपल्लो गाेहाेरे, गाेरखा ~~~~~~~~~~~~~~~~~~~~~~
१. ॐ नम: शिवायःजय: पार्वतीका पति, जप ध्यान नगरेरै बिग्रिएछ मति । २. अात्मैदेखि निरन्तर गरून् नित्य भक्ति, भक्तिभावले प्राप्त हुनेछ दिब्य शक्ति। ३. तेत्तीसकाेटी देवता छन् भुवनमा अाज, सबैभन्दा ठूला शिव एउटै तिम्रो राज । ✍️ रामकृष्ण दुवाडी, पाेखरा । ~~~~~~~~~~~~~~~~~~~~~~
१. पूजन गर्नुछ आज भोलेबाबालाई, उनकै भक्तिमा मन मन्दिर सजाई। २. आयौं हामी भक्त हे नाथ शरणमा छौ आज, सदैव देऊ सत्वुद्धि सप्रोस् हाम्रो समाज । ३. हुन् भगवान् सकलका मात्र एक, तर पुकारिन्छ लिई नाम हरेक । ✍️ दुर्गा भट्टराई , मोरङ
१० भदौ, चितवन । आज अविरल परेको वर्षासँगै मुग्लिन–नारायणगढ सडकखण्डको सेतिदोभानमा पहिरो झर्दा सडक अवरुद्ध भएको छ। मुग्लिन नारायणगढ सडक बिचमा पर्ने भरतपुर महानगरपालिका २९ सेतिदोभानमा अहिले साँझ साढे ८ बजेतिर पहिरो झर्दा मुग्लिन–नारायणगढ सडकखण्ड अवरुद्ध भएको हो।
पहिरोले सडक अवरुद्ध भएपछि उक्त सडकखण्ड भएर चल्ने सम्पुर्ण सवारी साधनहरुलाई मुग्लिन बजार र रामनगरमा रोक्न सुरु गरिएको इलाका प्रहरी कार्यालय मुग्लिनका प्रमुख प्रहरी निरिक्षक सुर्य मगरले जानकारी दिए। अहिले पनि मुग्लिन–नारायणगढ सडकखण्डमा भिषण पानी परिरहेकोले सो क्षेत्र भएर आवतजावत गर्ने यात्रु र सवारी साधनहरुलाई वैकल्पिक सडक प्रयोग गर्न उनले आग्रह गरेका छन्। इच्छाकामना न्युज.कमले जनाएको छ ।
टुक्का साहित्य समाज काठमाडौ नेपालको आयोजनामा गाईजात्रा विशेष टुक्का लेखन अभ्यासको १७ औँ शृङ्खला सम्पन्न भएको छ । समाजले यस शृङ्खलालाई गाईजात्रा विशेष बनाएको थियो । जसमा नेपाल लगायत विश्वका ८० जना नेपाली भाषी टुक्काकारज्युहरूको सक्रिय सहभागीता रहेको थियोे ।
उक्त विशेष शृङ्खला टुक्का लेखनमा सक्रिय टुक्का साहित्य समाज का प्रवर्तक एवं संस्थापक अध्यक्ष श्री ताराप्रसाद चापागाईंज्यूको संयोजकत्वमा आव्हान गरिएको थियो ।
टुक्काकारहरूले गाईजात्रा विशेषमा समाजका विसङ्गति लगायत राजनीतिक उतारचढावमा समेत तिखो व्यङ्ग्य प्रहार गरेका छन् । संकलित टुक्काहरूको सम्पादन सक्रिय टुक्काकार एवं समाजकी सचिव विमुन्स पौडेलले गर्नुभएको थियो ।
शुभ संयोगवश आजैका दिन टुक्का साहित्य समाजकी बलियाे खम्बाकाे रुपमा रहनु भएकी समाजकी सचिव विमुन्स पौडेलज्युको जन्मदिन समेत परेकोले टुक्का साहित्य समाज एवं सहभागी सम्पूर्ण टुक्काकारहरूले शुभकामना व्यक्त गरेका थिए ।
सचिव पौडेलले नेपाली भाषा सहित्यका विविध विधाहरूमा सशक्त रुपमा कलम चलाउदै आउनु भएको छ ।
गाईजात्रा विशेष टुक्का अभ्यासमा संकलित उत्कृष्ट टुक्काहरू
१/ १. आउँदै जाँदै गर्छ हरेक वर्ष गाईजात्रा, बढ्दो रहेछ झन् देशमा गाईजात्राको मात्रा। २. दुई हरफ सयौं पल्ट लेख्दा पनि, जानिनछु लेख्न गाइजात्रा नै छ नि। ✍️ रचना शर्मा प्रतीक्षा, ललितपुर ।
२/ १. झोले झ्याम्टे चुल्ठे मुन्द्रे युवाहरुको मात्रा, बुढा खाडा देखाउँदैछन् कुर्सी माथि जात्रा! २. विकास गर्ने काम छाडी कुर्सी हाक्ने दाउ, गाई जात्रे नेता यिनको सार्है सस्तो भाउ। ✍ नवशिला बेलबारी -२, लालभित्ती, मोरङ हाल: गोदावारी, ललितपुर
३/ १. हाम्रा देशका नेताहरू हुँदै गए कस्ता, तलतिर बगाइदिई माथि खाेजाैँ जस्ता। २. गाइजात्रे पाराले बिग्रिसक्यो देश, नेता बनी खानु भन्दा एसै छ बेस। ✍️ नानीबाबा अधिकारी, कलंकी
४/ १. मृत आत्मालाई सम्झिएर गर्दैछु म यात्रा, परम्परा जोगाउन निकाल्दैछु गाईजात्रा। २. भुतप्रेत बनि दु:ख नदिऊन् भनि, ऊनिहरुकै सिको गर्दैछु म पनि। ✍️ पुर्णबहादुर श्रेष्ठ “हृदयङकृत” पनौती-३,काभ्रे
५/ १. जनता मरे राेग र भाेकले भयाे गाईजात्रा, नेता सबै सुख सयलमा माेज मस्ती र यात्रा। २. पहुँच र पावरकाे दुरुपयाेग भयाे, हत्याराले मुख लुकायाे साेझाे जेल गयाे। ✍️ ताराप्रसाद चापागाईं धुनिबेशी न.पा. ९ धादिङ
६/ १. जताततै जात्रैजात्रा मात्रै केलाई गाइजात्रा कुर्नु, नेताका कर्तुत देख्दा लाग्छ कहिले यिनलाई पुर्नु । २. देश भयो वेहाल चारैतिर देखिन्छ गाइजात्रा, युवा तिम्रो कॅाधमा जिम्मेवारी नरोके है त्यो यात्रा । ✍️ राजेशराज गड्तौला रतुवामाई-१०, मोरंग हाल – प्रवास
७/ १. देशले हाँसेर गाइजात्रा मनायो, मरेकाहरूको सम्झनाले सतायो। २. गौमाताको जात्रा किन बनाए, मृतलाई बिर्सिने चल्ती चलाए। ✍️ विमुन्स पाैडेल, पाेखरा
८/ १. कहिले सङ्लो कहिले धमिलो जिन्दगीको यात्रा , शब्दको झटाराे हान्नलाई आयो है गाईजात्रा । २ जसरी नि चाहिएको छ नेतालाई भोट , पर्न सम्म परेको छ जनतालाई चाेट । ✍️ अम्बिका गिरी, विराटनगर
९/ १ नेपालमा पाईन छाड्यो शुद्ध तोरीतेल, उद्योगधन्दा राम्रै चल्छ राजनीति खेल। २ भाँडो सानु भुँडी ठूलो लुकिलुकि खाने, गिलो दिशा लाग्यो भने विदेशमाजाने। ✍️ होम प्र, नेउपाने धरान,सुनसरी
१०/ १. हुनत सधैं भईरहेकै निरन्तर मेरो देशमा गाईजात्रा, अब मनाउँन सक्नुपर्छ तिथि मिति संस्कार मिलाएर मात्रा। २. तन्त्रको नाममा अध्यादेश चलखेल भाँडभैलोको जात्रा शहरमा, त्यसैमा कोरोना पाजीको बिगबिगी गाईजात्रा चाड महा कहरमा । ✍️ शर्मिला श्रेष्ठ भैंसेपाटी,ललितपुर
११/ १. म सधैं सत्तामा रहे चुला चुलामा लाइन, पुरुषलाई ह्विस्की र महिलालाई वाइन । २. मापसे नगर्नेलाई सधैँभरि दिनुपर्छ जुस, विश्वास गरेकाे भए भदौ पछिकाे महिना पुस । ३. बादलमाथि नै च्याउ खेती गर, टुँडीखेलमा तेल र पानी भर । ✍️ लक्ष्मी घिमिरे दाहाल, झापा
१२/ १. बुख्याँचाकाे सास पनि पलाएछ अाज, बाँदरको बथानले चलाएछ राज । २. दवाई किन्न नपाएर गुनासो भाे ठूलो, बजेट सके चपाएर निलिदिए धुलाे । ३. यस्ता नेता मन्त्रीलाई अाैसर खत्रा अाउँने, देखाएर गाईजात्रा लुँड्याई घिच्न पाउँने । ✍️ रामकृष्ण दुवाडी, पाेखरा ।
१३/ १. अाउ हामी सबै मिली गाईजात्रा मनाऊँ, धर्म र संस्कृति जाेगाउँदै पुण्य कमाऊँ। २. देशकाे शासन गाईजात्रा जस्तै मलाई लाग्छ, करकाे रुपमा जनताकाे पसिना चुस्न माग्छ। ३. शुभकामना छ तिमिलाई गाईजात्राकाे, राम्राे चाहन्छु सधै भरी म तिम्राे यात्राकाे। ✍️ अरुण नदी खत्री, काठमाडाैं
१४/ १. गाई मारेर गधा पोसे फुस्केपछि मात्रा कलाकारले दर्शाउछन् व्यंग्यात्मक जात्रा । २. गाइजात्रामा हाम्रो संस्कृति झल्किन्छ है मनाउनु पर्छ मूल्यवान छ परम्परा मृत आत्माले वैतरणी तर्छ। ✍️ इश्वरी अधिकारी, लमजुङ्ग
१५/ १. पहिले देखि चलि आएको हाे नि गाइजात्रा, नेताहरू जान्छन् कहिले काहीँ विदेश यात्रा। २. परिवारमा मृत्यु भएकाकाे आत्मा शान्तिकाे लागि मनाउँ छन् याे जात्रा, दिन दु:खी गरिब बाढी पिडितकाे लागि नेता जान्छन् त्यहीँ यात्रा। ✍️ शाेभा अर्याल, बुटवल
१६/ १ बलिको बोको कानुनको झोलीमा, मन्त्रमुग्ध छन् नेताज्यूको बोलीमा । २ कुकुर हुन् जुठो हड्डी पचाउने, आमा बेचेर खुकुरी नचाउने । ✍️ विनोद रिजाल बेलबारी २ मोरङ
१७/ १, छ सय भन्दा धेेरै राजाले घुसै मात्र खाने, मरे पछि सबैलाई पक्कापक्की नर्क लाने। २, कोही राजा थिए पहिले स्वास्नी फकाउने, गाई जात्रा निकाल्नु भनी काम लगाउने। ✍️ लक्ष्मी श्रेष्ठ, बिर्तामोड झापा
१८/ १. पानी जहाज र रेल भयो घरघरै, भन्ने मान्छे नै गयो बाहिर कठैबरै। २. गाई जात्रा झैँ छ हाम्रो देशको राजनीति, नेताले पनि भ्रष्टचार गरे जाति बिती। ✍️ सुरेशकुमार पान्डे दाङ घोराही१८
१९/ १. नैतिकता-सदाचारका नक्कली गीतहरू मन्चमा पो गाउने, राजनीति अनि प्रशासनभित्र खुट्टा घुमाएपछि कमाउने! २. कहीँ नबिकेपछि राजनीतिमा कुनै गुटको नेता समाइयो, गुण्डाको टेन्डर खोलेर राज्यको ढुकुटीमा हैकम जमाइयो! ✍️ भूषण जंग ललितपुर, हाल अस्ट्रेलिया
२०/ १. अरे!खरदार, सुब्बा, मास्टर बन्ने हाे र म याेग्यता खोज्छौ, देश हाँक्ने योद्धा हुँ म फलाम चपाउने आँट छ के सोँच्छौ ! २. ए!भुसुना छोड बाटो सप्पै उतै छ खनाउनु, प्राणभन्दा प्यारो देश अमेरिका छ बनाउनु । ✍️ धनु शर्मा, पाेखरा
२१/ १ सानो जात थाहा पायो ब्राह्मणको शिर ढल्यो, हातको पानी चलेन, ओठको चुम्बन चल्यो। २ हाम्रो देशका ठुलो मुसा महल भित्र लुक्छन्, निस्कन्छ कि बाहिर भनी त्यही बिरालो ढुक्छन्। ✍️ मुस्कान मिलु राई सोलुखुम्बु, तिङ्ला
२२/ १. देशको शासन र गाई जात्रा मलाई उस्तैउस्तै लाग्छ, जनता गरिब बनाउँदै दरिद्र झैँ खान मात्र माग्छ। २. कोरोनाको बहानामा देशमा गाइजात्रा हुँदैछ, भोको आत्मा जति टाउको ठोक्दै सडकमा रुँदैछ। ✍️ उषा के.सी. ललितपुर
२३/ १ बाँदरको हातमा रहँदा देशकाे ताला चाबी, भ्रष्टाचार र घुसखोरी चाहिँ हदै भए हाबी। २ कोही नेता टुक्का हान्ने त काेही सिधै मुक्का, आफू चुसे मीठाे रस जनता सँधै भुक्का । ✍️ त्रिलोचन भण्डारी मेचीनगर,झापा
२४/ १. काग जस्तै कराउँछौ बोली भन्छौ ढुकुरको, खसीको टाउको राखी मासु बेच्छौ कुकुरको । २. सत्ता जति नयाँ देख्यो उति लाग्छ धमिरा, अब बलियो भयो भन्यो परिहाल्छ चिरा । ✍️ डम्बर थामी ‘अनुपम’ कालिन्चोक गा.पा.-६, दोलखा
२५/ १ गाई सिँगारेर चौपट्टै अनि रामायण भन्दै, घर घरमा खेलाईन्छ जात्रा आना पैसा गन्दै। २ पितृको उद्दारको लागि खेलाईन्छ जात्रा, मान्छे मरेका घरबाट शुरू हुन्छ यात्रा। ✍️ सरस्वती श्रेष्ठ, इटहरी
२६/ १. प्रताप मल्लले चलाएको गाई जात्राको कामना, पितृलाई सम्झना गर्दै शुद्ध र शान्तिको चाहना। २. देशमा चल्दै छ हेर दु: खदायी यात्रा घरमा चुल्हो बल्दैन कतै दुनो जात्रा! ✍️ कमला देवकोटा, पाल्पा
२७/ १. पार्टी फुट्यो भाग्य पो खुल्यो मन्त्री खान हिडेको, चट्टपारी दौरा सुर्वाल कोट पनि भिरेको। २ स्विट्ज़रलैंड बन्छ भन्थे चुनावको बेला लुटेर खाने भॉडो रैछ बल्ल बुझ्यौँ खेला । ✍️ इन्दिरा देवकोटा कपिलवस्तु न .पा .३ कपिलवस्तु
२८/ १. समृद्धिको कुरा धेरै गर्छन् उल्टो यात्रा, हाम्रो देशमा वर्षेनी हुन्छ गाईजात्रा । २. नेताहरू त्यो घुम्ने मेचमा गर्छन् आसन, काम कुरो एकातिर दिन्छन् मात्र भाषन । ✍️ रचना माेक्तान यात्री, काभ्रे
२९/ १ बुवा भन्ने गर्नुहुन्थ्यो हेर छोरा नेता बन्नुपर्छ, ठुलो पद हात पारेर ढुकुटी चट्ट गन्नुपर्छ । २ सुधो गाई किन मुछियो, भनियो गाईजात्रा, सधैं देखिन्छ, मान्छेजात्रा निकै अधिक मात्रा । ✍️ वसन्त अनुभव घोराही उपमहानगरपालिका १४, दाङ
३०/ १. के लेखौँ सिर्जना साच्चै जात्रा शीर्षकमा अब, गाईजात्रा सधैँ नै छ लाखे झै नाच्दछन् सब । २. पाटी नेता र जनता सबका भ्रष्ट छन् मति, गाईजात्रा सरि नै छ राज्य वा देशको गति । ✍️ रामजी लामिछाने, पाेखरा – २७
३१/ १. नेता ज्यू अब नगर्नू है भ्रष्टाचार हामीले साथ सधैँ दिन्छौँ सरकार । २. शुभकामना छ है गाईजात्राको, राम्रो चाहन्छु सधैँ तिम्रो यात्राको। ✍️ प्रेम सुनार, दैलेख
३२/ १ मृतकको मुक्तिका निमित्त हो गौयात्रा, हिन्दुहरूको पर्व मनाऔँ गाईजात्रा। २ मान र मर्यादामा आँच आउने खालको, नगरौँ महोदय गाईजात्रा यो सालको। ✍️ हिउँ खतिवडा, कैलाली
३३/ १. नेताचाहिँ जनता भन्दा खास जनता बिना ऊ मरेको लाश। २. नेताहरूले देश भन्दा पहिला आफ्नो घर बनाउँदैछन् जनताको तिर्खा मेट्न साटाे आफ्नै इनार पाे खनाउँदैछन्। ✍️ रतन पाण्डे ‘पारतन”, दार्जिलिङ्ग
३४/ १. सोह्र शृङ्गार गरी सजाइएर निकालिन्छ गाई नेवार जातीको संस्कृतिमा पित्रीको हुने भलाई । २ रीति रिवाज मान्न देखाउँछन् अनेक रूप रङ्ग जात्राको प्रस्तुतिले दर्सक श्रोताहरू पर्छन् दङ्ग । ✍️ तारा घिमिरे संखुवासभा
३५/ १. गाई अनि गोरुहरूको हुन्छ यहाँ जात्रा, ताण्डव नृत्य नाच्ने हाम्रो नेता पात्र पात्रा । २. भारत चीन अमेरिका सबै बनिसक्यो कैले, सिङ्गापुरै बनाइदिन्छौ भन्थे नेताहरू पैले । ✍️ मन्दिरा सेडाईं, मलेखु धादिङ
३६/ १. हास्य व्यङ्ग्य प्रहसन लिई गाईजात्रा अाउँछ, बिछाेडकाे पीडा भुलेर मनमा शान्ति छाउँछ। २. गाई जात्राले मनाेरञ्जन र चेतना भर्याे, नेपालीको महत्वपूर्ण एउटा पर्व पर्याे। ✍️ जगत थापा, बझाङ्ग
३७/ १. देशमा फैलिएको छ विकृति यात्रैयात्रा, हाम्रो परम्परा हाम्रो संस्कृति गाईजात्रा। २. पहिले वर्षेनी पर्खाईमा आउँथ्यो संस्कृति गाईजात्रा, हिजो आज संस्कृति हराएछ कस्तो नौटङ्की कालोयात्रा ! ✍️ शरद प्रधानाङ्ग, विराटनगर-७
३८/ १. आमाबाबुलाई छोराछोरी प्यारो छोराछोरीलाई अरू हुने प्यारो , यो कलियुगका केटाकेटीको मनको कुरा बुझ्नलाई साह्रै गाह्रो । २. नखाऊँ भने अनिकालको सिकार , खाऊँ भने सबैथोकमा नै विकार । ✍️ गंगा खड्का बूढानीलकण्ठ १ , काठमाडौँ
३९/ १. नेतालाई रातो बत्ती बालिदिने जन, उल्टै कानून थाेपर्दै दु:ख दिए झन। २. शब्दको सलाई बनाई दिन्छ नेता, अन्धाधुन्ध आगो फुक्दै हिड्छ प्रणेता। ✍️ अजीत राई सक्तेन, गोरुबथान, दार्जिलिङ, पश्चिम बंगाल,भारत।
४०/ १ जताततै छ यात्रा गाइजात्राले छाएको सामान्य बिरामीमा नेता बिदेश धाएको। २. नेता सबकाे कार्टुन बन्ने अायाे गाइजात्रा, जनताको कर असुली सधैँ विदेश यात्रा। ✍️ नवीन जाेशी, कैलाली
४१/ १ एक पर्वको रुपमा आयो, गाईजात्रा पो नजिकै छायो l २ व्यङ्ग्य रूपमा नाच गान गरी गाईजात्रा मनाऔँ, दुखी नभई आफ्नो परम्परालाई भव्य बनाऔँ l ✍️ रिता खराल, रुपन्देही
४२/ १. पुग्यो हजुर,निर्वाचनमा लोकतन्त्रको गफ हाक्छौ, जिते पछि संसद र मन्त्रीको कुर्सी मात्रै किन ताक्छौ। २. हिस्सी रूप पुक्क गाला,मान्छे अल्लि मोटी, मेरो माया लाग्छ भने, हाँस एकचोटी। ✍️ सङ्कल्प पुन सायर,
४३/ १ उत्सव बिनाको जात्रा हुन्छ यो देशमा सधैँ किन ? वर्ष दिनको गाईजात्रा दिनहुँ हुन्छ जस लिन । ✍️ माधव पोखरेल गोज्याङ्ग्रे उदयपुर गाईघाट, हाल ताप्लेजुङ
४४/ १ फकाएर ठूला नेता दाैरा पट्याएछाै , देखाएर गाईजात्रा कुर्सी हत्याएछाै । २ चाहे पराेस् पार्टी फाेड्न कुर्सी छाेड्नु हुन्न , समाउँछु त्यहि कुर्सी अरु केही छुन्न । ✍️ रामकृष्ण दुवाडी, पाेखरा ।
४५/ १. छिनमै बदल्छन् नेताले भेष, गाई जात्रा मात्रै भएको देश। २. हुने केही होइन, केके दिवस मात्र आयो, गाई जात्राको नाममा विकृतिले ठाउँ पायो। ✍️ हिमा आर.सी. मेहेलकुना सुर्खेत
४६/ १. नलड हे ढाडेहरु ब्वाँसो पल्किसकेछ, हाम्रै देशको सीमातिर पो ढल्किसकेछ। २. लोभमा पर्यौ विदेशीको बिर्सिएर देश, बिर्सिसक्यौ धर्म, संस्कार, परम्परा, भेष। ✍️ लक्ष्मण समिर, भुरिगाउँ बर्दिया हाल: काठमाडौं
४७/ १ भ्रष्टाचारी नेताले खान्छन् घुस साला, लगाई दिउँला तिम्रा भुँडीमा ताला । २ धेरै मुसाले धानको चुँडेर लगेछन् बाला अत्याचारी नेता भए देशकै चोर बिराला। ✍️ भगवती दवाडी , दमक झापा
४८/ १. गाई जात्रा झैँ बन्दै गयाे अब हाम्राे देश, जाेगाउन गाह्रो पर्ने भाे अाफ्नाे भाषा भेष। २. नेपाली जनता खुसी हुँदा गर्छ्न् आहा, भ्रष्टाचारीलाई सबै मिली पारौँ स्वाहा। ✍️ साधना पाैडेल, अाेखलढुंगा
४९/ १. कुकुर अनि बिराला भेट भएछन् एउटै वेशमा, हाँडीगाउँमा पनि नभएको जात्रा सधैँ यो देशमा । २. कैले कुर्सी तानातान कहिले भएको छ हानाहान, हाम्रो देशको सदनमा सधैँ गाईजात्रा जानाजान । ✍️ श्रीकृष्ण शर्मा, पोखरा
५०/ १. कहिले घोडे कहिले यहाँ गाई जात्रा, मिली हेर्न आऊ सबैलाई शुभ यात्रा । २. नहोस् हल्ला देशमा लुटेराको मात्रा, लाग्दैछ मन्दिरमा पर्सी गाई जात्रा ✍️ कल्पना थामी, सिन्धुपाल्चाेक
५१/ १. एमालेको बहिर्गमन भयो, काँग्रेसको आगमन नेकपा फुटिगो राज्यमा अब कसले गर्ने शासन २. टिक्नै नदिने सत्तामा कुनै पार्टीलाई नि पूरा दिन गाईजात्रै भयो नेताको विचार बदल्ने छिन-छिन
जुन जोगी आए पनि देशमा कानै चिरिएका आए हाम्रा त्यागी नेता भन्दै जिताए आखिरीमा के पो पाए ✍️ गोपाल कृष्ण डंगोल महाराजगञ्ज, काठमाण्डौँ हाल- इटहरी, प्रदेश नं. १
५२/ १. पहिलेकोले हँसाउन उखान भन्ने, अहिलेकोले आफू पायक दिन गन्ने। २. नेपालीको पुर्पुरोमा एउटै ड्याङका मुला, घुमिफिरी ठोकिन आउँछन् सहुँला,बुझुँला। ✍️ म्यामराज राई हतुवागढी-६,होम्ताङ्,भोजपुर,हाल:-जापान
५३/ १ साँची भनुम भने खै के भनुम यो देशको हालत यस्तो भयो, छोरी बुहारी र कुमारी बिधुवा नारीको इज्जत माटोमै गयो। २ वाद विवादमा मिडिया घर जंगल बाटो दोबाटोमा ल्याएको देखिन्छ, आज सांसद भवन बालुवाटार राज्य भवनमा गाई जात्रा भेटिन्छ। ३ राज्यमा यस्तो गति नहोस् भनी निकाले गाईजात्रा ठुला सहरमा, एकल नारी देखेर इज्जत लुटी मारेर फाले खोल्सा नहरमा। ✍️ कमला पाण्डे पराजुली झापा चारआली
५४/ १/ प्रगति गर है नेताज्यू ताली पड्काउछौं, होइन भने तिम्रा फेरि गाला चड्काउछौं। २/ जनताले खै कहाँ पाए रासन, ढाडे नेताचैं हान्छन् ठुला भाषन। ✍️ प्रकाश बुढाथोकी असम भारत।
५५/ १. ए सरकार जनतालाई कोरोनाको खोइ खोप, खुलेआम भ्रष्टाचार गरी किन गर्छौ ढाकछोप । २. चलचित्र शैलीमा चलेको छ राजनीति, बेचेर राष्ट्र बिर्से आफ्नो सबै रीतिथिति। ✍️ भुपेन्द्र राना मगर धादिङ
५६/ १ भाषण कलामा निपुर्ण चटके काे सत्ता , मेलम्चीको पानी नखुवाई भए बेपत्ता । २ लहै साथी हो सिंहले फेरि जंगल छोड्यो , दुइ खुट्टो लुकाई भुँडी भर्न बाटाे माेड्यो। ✍️ राजेश्वरी राजाेपाध्याय पाटन, ललितपुर
५७/ १ प्रताप मल्लले पुत्र बियोग रानीलाई निसृष्टार्थ कलाको, मृतआत्माको शान्ति र पीडा हर्न यो गाईजात्रा पर्व चलाको। २ कतिसम्म गर्छस् सरकार अब गाईजात्रे काम , जति भएनि तेरै भुँडी भरियो अरूले के खाम । ✍️ बेदु न्याैपाने, काठमाडाैं
५८/ १. राजनीति गर्नेहरुको देखियो सबै भन्दा ठूलो धर्म! पहिले आफ्नो हैसियत बनायो पछि गर्यो अरू कर्म! २. स्वार्थ्यको लागि राजनीतिमा पहिले घाँटी जोडिन्छ! एउटा मुख अघायो अर्को भोकै भयो कि तोडिन्छ! ✍️ प्रमोद भट्टराई ‘प्रतीक’ कौशलटार, भक्तपुर
५९/ १. हरेक क्षेत्रमा अधिक भइरहेछ यसको मात्रा, सक्छौ सुधार्दै लैजाऊ दैनिक तिम्रो गाईजात्रे यात्रा। २. नेता सिंहदरबार र बालुवाटारमा होला धेरै मात्रा, जनता पनि हुन् गाईजात्रा देखाउने प्रमुख पात्र-पात्रा। ✍️ अरुण कुमार भुजेल, गोरूबथान,कालेबुङ्ग।
६०/ १ कसै कसैको मुहार यहाँ चमक्क चम्कन्छ , नेताको भाषण सुन्न अघि लमक्क लम्कन्छ। २ छताछुल्ल भएको देश गाईजात्रा जस्तै , केही फरक भएको छैन कोरोना सस्तै । ✍️ बिनिता विश्वकर्मा बाजुरा
६१/ १ जस्तो छ हेर्ने दृष्टि उस्तै देखिन्छ सृष्टि। २ छाेराले आफ्नो जीवनमा पैसा रुपियाँ कमावाेस् कि नकमावाेस्, कुलतमा लागेर रक्सी र ड्र्ग्स खाएर दादा हुन नखाेजाेस्। ३ कस्तो दिन आयो, आफ्नै मान्छे मर्दा पनि जान छाेडिसके मलामी, फेसबुककाे भित्तामा श्रद्धाञ्जली, समवेदना, र दिन्छन् सलामी। ✍️रिना योल्मो, दार्जिलिङ
६२/ १. कुकुर अनि बिराला एउटै पार्टी भित्र, राेक्नुपर्छ गाईजात्रा अब त उठाैँ मित्र। २. सधैँभरि नेपालमा गाईजात्रा हुन्छ, स्वाभिमानी नेपालीको अाैधी मन रुन्छ। ✍️केशवप्रसाद ढकाल ‘प्रीतबीज’ सिरान्चाेक-७, उपल्लो गाेहाेरे, गाेरखा
६३/ १. संस्कार, संस्कृति र सम्पदा हाम्राे गाैरवमय सम्पति , गाईजात्राकाे नाममा नबढून् वैमनष्यतिर दम्पति । २. उहिले गाईजात्रमा मात्र हान्थ्ये व्यङ्गवाणकाे भाँचाे , अहिले दिन दिन हानिन्छ छैन गाईजात्रकाे खाँचाे । ✍️ प्रद्युम्न चालिसे, भक्तपुर
६४/ १ राजनीतिले देशमा हुन्न कहिले भलो, जोत्दा जोत्दै अड्काएर भाँचिदिएछन् हलो। २ गरेकै देख्छु सबैका चाहना कुर्सी घुमाउने, कठै!कहिले सांसद कहिले मन्त्री गुमाउने। ✍️ महेश तामाङ बेल्कोटगढी-६,नुवाकोट
६५/ १. सरकार हो! रे सरकार ! जानीनजानी, कसले छेक्न सक्छ हरे! गर्न मनोमानी। २. तखता पलट हुनसक्छ भन्ने कस्तो नजानेको, जनताको ईच्छा, चाहनालाई किन तुच्छ ठानेको ? ✍️ परिक्रमा श्रेष्ठ, धरान
६६/ १. खाएर पेट नभरिने कस्तो खन्चुवा, देशको नेता विदेशीको हुन्छ भतुवा। २. भीडभाडमा कति ठुलो जात्रा देखाउछन्, भ्रष्टाचारमा लोकप्रिय नाम लेखाउछन् । ✍️ दस्ता कौशिक पाँचथर,हिलिहाङ-२,सिंहपुर।
६७/ १. पछि आज म परे किन लेख्न इनीहरूका विधाता, उपमा सबै सकिएछ को सँग जोडु इनको नाता। २. प्रयत्न सबैले धेरै गरे सुध्रिएनन् यी नेता, गाइजात्रा अझै देखाउदैछन् को उता- को एता। ✍️ विशनु सिंह बस्नेत ल. पु. १३, कुसुन्ती।
६८/ १. प्रसस्त धन-सम्पत्ति राखे आफन्तले मेरो शिरानमा, चितामा खरानी पनि छोडेनन् जलाउनेले चिहानमा। २. भन्दिनुस् तँजा भन्दा सुँगुर स्वर्ग जाला? सबै कुकुर काशी गए गु केले खाला? ३. आर्यघाट नियालेर हेर जल्नेहरू रुदैनन् रुन्छन् जलाउनेहरू घमण्ड किन गर्छौ समाजमा मैहुँ भनी टुप्पोबाट पलाउनेहरू। ✍️ अबजस चन्द्र, झापा
६९/ १. ठूलाबडा नै आएर हुन्छन् सबै भेला, बहाना छ गाईजात्रा हुने ठूलो खेला। २. सोच छ ठूलो गर्ने कठिन बन्यो यात्रा, पुरा नभएर यहाँ भयो जात्रै जात्रा। ✍️ रविन भण्डारी कानेपोखरी-२,दलेली मोरङ
७०/ १ राजनीति नाउँको ठाँडो, नेताको मागी खाने भाँडो । २ नपुगेर हो कि राजनीतिमा मात्रा, मेरो देशमा हुन्छ सधैँ गाईजात्रा। ✍️ बिके माकजू , भक्तपुर ।
७१/ १. कति हो खै कुन्नि खानुपर्ने भ्रष्टाचारको मात्रा, देख्नुपर्यो कहीँ नभएको हाँडीगाउँको जात्रा। २. थुइक्क म कस्तो!पढ्न छोडेर नेता हुन किन सकिन, लाउडा जहाज वाइड बडी कुन खाऊँ गर्थे यकिन। ✍️ मुक्तिनाथ अधिकारी भरतपुर,चितवन।
७२/ १. नेताहरूलाई व्यङ्ग्य गर्दै गीत गाउने थाले , आज त गाईजात्रा रे,अब हेर्न जाउन काले । २. नक्कल गर्दै रमाउँछन् कलाकार हरू , आनन्दमा हेर्ने त हुन् बाँकी सबै अरू । ✍️ ललिता अभागी, सिन्धुली
७३/ १ कति गर्छन् भ्रष्टाचारी विदेशको यात्रा, भ्रस्टचारी हरू मरे गाउँथे गाईजात्रा । २ मेरो देश बिगारे हाम्रा पापी नेताले, दुई बोत्तल रक्सी खान्छु अब यता ले। ✍️सि.पि.आचार्य
७४/ १, खुसी हुन्छन् यहाँ अर्काकाे लुटेर पेट भर्न पाए, कस्तो जमना अायाे पैसाकै निम्ति उनीहरू धाए। २, सायद म दलित भएर नै हाेला पँधेराेकाे पानी नछुने आदेश थियाे, अस्पतालकाे वेडमा मृत्युको भीख माँगिरहदा मेरो छाेराेले ब्लड दियाे। ✍️ दीपा मग्राती, चतरा सुनसरी
७५/ १. ढुक्क हुन्छु टन्न खान्छु जेसुकै गर, जति सक्छौ तिमीले पनि भुँडी भर। २. नगर तिमी भयो लुकि लुकिको यात्रा, जात्रै जात्राको देशमा के को गाईजात्रा ?? ✍️ दुर्गा आचार्य, खाेटाङ्ग
७६/ १. छिन छिनमा सरकार फेरिने देश हाम्रो, बाहिर बस्दा लाग्ने कुर्सी पाइयो भने राम्रो। २. लौ न ज्योतिषज्यू मेरो पनि हात हेर्नुपर्यो, प्रधानमन्त्री बन्नैपर्यो कि रैखा फेर्नुपर्यो। ३. जाबो सांसद पद मात्रै केको खाई बस्नु, क्या रमाइलो झण्डावाला गाडीभित्र पस्नु। ✍️ घनश्याम पौडेल, सृजना चोक पोखरा
७७/ १- जनमत बेच्न कुर्सीको निम्ति थियो सभासद भएर एक नाङ्गिँदा अर्को बुङ्गिन सुहायो मन्त्रालय गएर। २- मिलेपछि स्वार्थ सबै तराई र लेक एकै बन्छन् गाई हुँडार वंश एकै उद्धेश्य झन् एउटै भन्छन्। ✍️ नारायण खनाल ,मालारानी,अर्घाखाँची
७८/ १. गर्छु भन्छ सब तर सिन्को सार्दैन, रक्सी मासु बाड्ने चुनावमा हार्दैन। २. नेता धेरै सिपालु ठान्ने जनता बाँदर यिनले ए हजुर आँ गर भन्दा आँ गर। ✍️ ईशहाक हुसैन प्रदेश नं.२, सिमरा उ.म.न.पा.१४ बारा नेपाल
७९/ १. जहाँ थियो त्यहीँ मेरो रोकियो यात्रा, जे भए नि आऊ मनाऊँ गाई जात्रा। २. रमाइलो गरौँ न अब फुकाएर बन्धन, एक अर्काको बारे गरेर गन्थन मन्थन। ✍️ लालीमाया थापा मगर प्यूठान
८०/ १. मान्छे बाँदर भए बाँदर कहिले मान्छे होला? अरूको घर भत्काउँदैमा बित्यो मानव चोला । २. कति हाँस्यजात्रा कति त करुण जात्रा चारैतिर, कहिले हाँस्नुपर्ने कहिले रुनुपर्ने लाग्दा पिर । ✍️ पवित्रा महरा दाङ
