Category: ताजा अपडेट

प्रधानन्यायाधीश चोलेन्द्रशमशेर जबराको राजीनामा माग गर्दै आइतबार देशैभरका ९० बार इकाईमा विरोध प्रदर्शन भएको छ । जबराको राजीनामाको माग हुन थालेपछि कानुन व्यवसायीहरूले देशव्यापी रूपमा संस्थागत विरोध गरेको यो पहिलोपटक हो ।

नेपाल बारका महासचिव लीलामणि पौडेलले आइतबार १२ बजेसम्म देशभरका सबै अदालतमा विरोधका कार्यक्रम भएको बताए । ‘हामीले आजसम्म प्रधानन्यायाधीशको राजीनामा माग गरिरहेका थियौं तर अब त्यो समय घर्किसक्यो,’ उनले भने, ‘अहिले न्यायालय एक जना व्यक्ति प्रधानन्यायाधीशका कारण बन्धक बनिरहेको छ । त्यस्तो व्यक्तिले अब अदालत प्रवेश गर्ने दुस्साहस नगरे हुन्छ । हामी अब राजीनामाको मागबाट अगाडि बढिसक्यौं । अब चोलेन्द्रशमशेरलाई पदच्युत नगरेसम्म बारको आन्दोलन रोकिँदैन ।’

नेपाल बारले प्रधानन्यायाधीश जबरालाई आफ्ना लागि इजलास नतोक्न आग्रह गर्दै आएको थियो । जबराले निरन्तर इजलास तोकेपछि बारले आइतबार उनले तोकेको इजलासमा नजान आग्रह गर्दै सर्वोच्च अदालतका सबै न्यायाधीशलाई पत्र पठाएको छ ।

जबरालाई सर्वोच्च अदालत प्रवेश गर्नबाट रोक लगाउने भन्दै नेपाल बारले आइतबार बिहान मूल गेटमा धर्ना दिएको थियो । सर्वोच्च अदालत र महान्यायाधिवक्ता कार्यालयको बीचमा रहेको अर्को गेटमा पनि धर्ना दिने उनीहरूको प्रयासलाई प्रहरीले असफल पारिदियो । त्यसपछि जबरा त्यही गेटबाट सर्वोच्च छिरे । ‘हामी सांकेतिक रूपमा दुवै गेटमा छौं । प्रहरी लगाएर प्रवेश गर्ने नेतृत्वको कुनै वैधता र मान्यता छैन । हामी त्यसलाई अस्वीकार गर्छौं,’ पौडेलले भने ।

सर्वोच्चको प्रांगणमा बारको धर्ना चलिरहँदा गेटबाहिर जबराको समर्थनमा मोटरसाइकल र्‍याली निकालिएको थियो । र्‍यालीका सहभागी आन्दोलनरत कानुन व्यवसायीप्रति आक्रामक रूपमा प्रस्तुत भएका थिए । उनीहरूले आन्दोलनविरुद्ध नाराबाजीसमेत गरेका थिए ।

सर्वोच्च अदालत गेटतर्फ अगाडि बढ्न खोज्दा प्रहरीले उनीहरूलाई रोकेको थियो । तीमध्ये २१ जनालाई प्रहरीले नियन्त्रणमा लिएको थियो । ती सबै साँझ रिहा भइसकेका छन् । ‘भ्रष्ट र बिचौलियाका नाइके भनेर हामीले प्रधानन्यायाधीशको राजीनामा माग गरिरहेका छौं । बारको आन्दोलनमा गुन्डा परिचालन गरेर हतोत्साहित गराउन खोजेका छन् । त्यस्ता व्यक्तिले तोकेको इजलासमा नबस्नु भनेर हामीले सबै न्यायाधीशलाई भनेका छौं,’ नेपाल बारका अध्यक्ष चण्डेश्वर श्रेष्ठले भने ।

सर्वोच्च अदालतमा देखिएको संकटबारे राजनीतिक दलहरू मौन रहँदा सरकारका तर्फबाट कानुनमन्त्री दिलेन्द्रप्रसाद बडूले मध्यस्थताको प्रयास थालेका छन् । सरकारी मध्यस्थतामा सर्वोच्च अदालतमा प्रधानन्यायाधीशले तोक्दै आएको इजलास गोलाप्रथाद्वारा तोक्ने व्यवस्था गर्ने र जबरा मुद्दाको सुनुवाइबाट अलग हुने सर्तमा न्यायाधीशहरू इजलासमा फर्कने गरी सहमति हुन लागेको समाचार सार्वजनिक भएको छ ।

सर्वोच्चका न्यायाधीशहरू त्यस्तो सर्तमा सहमति जनाएर इजलास फर्किए भने पनि आफूहरूलाई मान्य नहुने बारले जनाएको छ । सर्वोच्च अदालत बारका अध्यक्ष वरिष्ठ अधिवक्ता पूर्णमान शाक्यले जबरालाई न्याय सम्पादनमा भूमिका नदिने तर पदमा यथावत् राख्ने भनेर सार्वजनिक भएको प्रस्ताव बारलाई मान्य नहुने बताए । ‘बारले प्रधानन्यायाधीशलाई महाअभियोग लगाएसरह अस्वीकार गरिसकेको छ । उनलाई न्याय सम्पादनबाट अलग गर्ने तर न्याय प्रशासनमा भूमिका दिने कुनै पनि प्रस्ताव बारलाई मान्य छैन, त्यसमा न्यायाधीशहरूले सहमति गरे पनि हामी मान्दैनौं,’ उनले भने, ‘इजलास नबसे पनि संवैधानिक परिषद्, न्याय परिषद् र न्याय सेवा आयोगजस्ता निकायमा उनले प्रधानन्यायाधीशका रूपमा काम गर्न पाउँदैनन् । हामी ब्याक गियर नभएको आन्दोलनमा छौं । राजीनामाबाहेकको अवस्था मान्दैनौं ।’ शाक्यले सरकारले सर्वोच्च अदालतको ‘फुलकोर्ट’ सँग सहमति गरे पनि आफूहरूले त्यसलाई अस्वीकार गर्ने र अझ सशक्त आन्दोलन गर्ने चेतावनी दिए ।

नेपाल बार अध्यक्ष श्रेष्ठले पनि जबरा मुद्दाको सुनुवाइबाट अलग भएर मात्र नपुग्ने बताए । ‘न्याय प्रशासनका कुनै पनि काम उनले गर्न मिल्दैन,’ उनले भने, ‘हामीले अहिले नै उनले बोलाउने बैठकहरूमा नजान न्याय परिषद् र न्याय सेवा आयोगका पदाधिकारीहरूलाई पत्राचार गरिसकेका छौं । उनको नेतृत्वमा सर्वोच्चका न्यायाधीशहरूसमेत पूर्ण बैठकमा बस्न मिल्दैन । उनीहरू बसेछन् भने पनि हामी मान्दैनौं ।’

बारले कात्तिक २२ देखि ३० सम्मको दोस्रो चरणको आन्दोलन गरिरहेको छ । आइतबारदेखि मंगलबारसम्म देशव्यापी विरोधको कार्यक्रम राखिएको छ । सोमबार काठमाडौं उपत्यकाका सबै बार इकाईहरूबाट सर्वोच्च अदालतमा उपस्थित भएर प्रधानन्यायाधीश जबराको विरोध गर्ने तयारी छ । आइतबारको कार्यक्रममा वरिष्ठ अधिवक्ता सतिशकृष्ण खरेलले प्रधानन्यायाधीश जबरामाथि भ्रष्टाचारको संगीन आरोप लागिसकेको उल्लेख गर्दै बारको आन्दोलन उनको राजीनामामा टुंगिन नहुने बताए । ‘यो आन्दोलन जुन चरणमा पुगेको छ, राजीनामापछि पनि यहीं टुंगिँदैन । टुंगिन हुँदैन । निश्चित व्यक्तिहरूको सम्पत्ति छानबिन गर्ने अवस्थामा नपुगेसम्म बार रोकिँदैन,’ उनले भने । अर्का अधिवक्ता मेघराज पोखरेलले जबरामाथि महाअभियोग लगाउनुपर्ने अवस्था रहेको तर त्यो आफूहरूको हातमा नभएकाले राजीनामा मागिरहेको बताए । ‘राजीनामा हाम्रो न्यूनतम सर्त हो । बारले राजीनामाबाहेकको अन्य अवस्थामा छाड्नेवाला छैन,’ उनले भने, ‘राजीनामापछि पनि यो विषय त्यत्तिकै टुंगिँदैन । जबराको राजीनामा न्यायालय शुद्धीकरणको अभियानको पहिलो बिन्दु मात्रै हो ।’

पूर्वन्यायाधिवक्तासमेत रहेका वरिष्ठ अधिवक्ता बद्रीबहादुर कार्कीले सम्पूर्ण न्याय क्षेत्रले जबरालाई निषेध र बहिष्कार गरिरहेको बताए । ‘हामीले अहिलेसम्म राजीनामा गर्नू मात्र भनेका थियौं । अहिले उनलाई निषेध गर्ने अवस्थामा पुगेका छौं,’ उनले भने, ‘अब भन्नुपर्ने भएको छ– तिमीले प्रधानन्यायाधीशको कुर्सी नछुनू । तिमी प्रदूषित भएका छौं । अब तिमीले प्रधानन्यायाधीशको कुर्सी छुनु त्यो कुर्सीप्रतिकै अन्याय हुन्छ ।’ वरिष्ठ अधिवक्ता कार्कीले अहिले न्यायपालिकामा भएको प्रदूषणको स्रोत नै जबरा भएकाले उनलाई नहटाएसम्म सुधारका कार्यक्रम अगाडि बढ्न नसक्ने बताए ।

सर्वोच्च अदालतका न्यायाधीशहरूले प्रधानन्यायाधीश जबराले बोलाएको पूर्ण बैठक ८ कात्तिकमै बहिष्कार गरेका थिए । न्यायालय सुधारमा बाधक रहेको भन्दै जबराको राजीनामाको माग अघि सारेर उनीहरूले कात्तिक ९ देखि इजलाससमेत नहेर्ने निर्णय गरिसकेका थिए । त्यसपछि पूर्वन्यायाधीश फोरम, न्यायाधीश समाज, पूर्वप्रधानन्यायाधीशहरूको समूहलगायत समग्र न्यायिक क्षेत्रले न्यायालयमा बिचौलियालाई संस्थागत गरी भ्रष्टाचार बढाएको भन्दै जबराले पद छाड्नुपर्ने माग गरे । न्यायलयमा शुद्धीकरण अभियानमा सधैं अग्रपंक्तिमा रहँदै आएको नेपाल बार एसोसिएसन भने आश्चर्यजनक रूपमा मौन थियो । वरिष्ठ कानुन व्यवसायीहरूले व्यक्तिगत रूपमा जबराको राजीनामा मागिरहेका बेला बारको नेतृत्वले कुनै निर्णय लिन सकिरहेको थिएन ।

सर्वोच्च अदालत बारले ८ कात्तिकमा न्यायपालिकाको नेतृत्व गर्न जबरा पूर्ण रूपमा असफल र अक्षम भएको निष्कर्ष निकाल्दै उचित निकासका लागि आग्रह गर्‍यो । तोकेरै राजीनामा भनिसकेको थिएन । नेपाल बारलाई भने त्यति भन्न पनि अर्को एक साता लाग्यो । समग्र न्याय क्षेत्र उद्वेलित भइसकेपछि १४ कात्तिकमा बल्ल बारले सांकेतिक विरोध सुरु गर्‍यो । तैपनि हातमा कालोपट्टी बाँधेर बिहान एक घण्टा नेपाल बारको प्रांगणमा कोणसभा गर्नेबाहेकका कुनै प्रभावकारी कार्यक्रम घोषणा गरेन । पछिल्लो समय भने बार क्रमशः आक्रामक बन्दै गएको छ ।

२९-कात्तिक/ प्युठानमा जीप दुर्घटना हुंदा एक जनाको घटनास्थलमै मृत्यु भएको छ । आज सोमबार बिहान मल्लरानी गाउँपालिका–३ बुकेनीमा जीप दुर्घटना हुँदा २९ वर्षिय चालक गोरख पुनको घटनास्थलमै मृत्यु भएको प्युठान प्रहरीले बताएको छ ।

बुकेनीबाट खलङ्गाका लागि छुटेको रा १ ज १९९२ नम्बरको गाडीमा दुई जना रहेकामा सहचालक भने घाइते भएका छन् । सहकचालक प्युठान नगरपालिका ४ निवासी १६ वर्षीय विवेक नेपाली रहेका छन् । घाइते नेपालीको प्युठान अस्पताल बिजुवाइमा उपचार भैरहेको प्रहरीले जनाएको छ ।

उदक साहित्य समाज नेपालको आयोजनामा उदक वाचनको चौथो शृङ्खला आज मिति २०७८ साल कार्तिक महिनाको २८ गते आइतबार सम्पन्न भएको छ ।

कार्यक्रममा प्रमुख अतिथि विव नेपाली साहित्य प्रतिष्ठानका अध्यक्ष जनार्दन अधिकारी धड्कनले उदकको बाहिरी संरचना अनुसार पहिलो पङ्क्तिमा एक शब्द, दोस्रो पङ्क्तिमा दुई शब्द र तेस्रो पङ्क्तिमा तीन शब्द सजिलो देखिएता पनि आन्तरिक संरचना अन्तर्गत भाव, भाषा, शैली , लय , बिम्ब र प्रतीकको उचित प्रयोगसँगै उदकलाई विभिन्न किसिमले गेयात्मकता दिन सकिने बताउनुभयो ।

बाइस जना उदक यात्रीहरूको सहभागिता रहेको उक्त उदक वाचन श्रृखलामा उदक यात्री बालकृष्ण खनाल, देवेन्द्र शाक्य, धर्मी शाक्य, दुर्गा अधिकारी भमरकोटे, हिमाल अम्मै, इन्दिरा ज्ञवाली, गोपालप्रसाद पौड्याल, केशव ढकाल, लक्ष्मी बस्याल, जमुना कायस्थ, लक्ष्मी प्रसाद मिश्र, पुष्प रानामगर, सविता केसी, कविता देवकोटा, उर्मिला पन्त, राजेश भट्टराई, सुधा बाँस्कोटा ढकाल, सीता बिष्ट कार्की, श्रद्धा आचार्य आदिको उत्साहजनक सहभागिता रहेको थियो ।

उदक यात्रीहरूका उदकमा माटो, प्रकृति, माया, प्रेम, विकृति, विसङ्गति आदिप्रति व्यङ्ग्य गर्दै समाजलाई दिशानिर्देश गर्ने खालका सन्देशहरू प्रवाहित भएका थिए ।

उदक साहित्य समाज नेपालका अध्यक्ष आर्त अकुलीनको सभापतित्वमा सम्पन्न उक्त कार्यक्रमको सञ्चालन समाजका सचिव अबोध निर्मलले गर्नुभएको थियो ।

काठमाडौं । ओखलढुंगामा जिप दुर्घटना हुँदा तीनजनाको घटनास्थलमै मृत्यु भएको छ । ११ जना घाइते छन् ।

आज बिहान सुनकोसी गाउँपालिका–९, काँडेभञ्याङमा प्रदेश ३–१०२२–च९६९४ नम्बरको जिप दुर्घटनामा परेको हो । जिप सडकबाट तल खसेको छ ।
जिल्ला प्रहरी कार्यालय ओखलढुंगाका डीएसपी गोविन्दराज काफ्लेका अनुसार सिद्धचरण नगरपालिका–१० का विष्णुमाया मगर, तुलसा मगर र खगेन्द्र मगरको घटनास्थलमै मृत्यु भएको हो ।

दुर्घटनामा गम्भीर घाइते चारजनालाई हेलिकोप्टरमार्फत काठमाडौं पठाइएको डीएसपी काफ्लेले जानकारी दिए ।

२८-कात्तिक/ रोल्पामा पिकअप जीप दुर्घटना हुंदा चालकसहित तीन जनाको घटना स्थलमै मृत्यु भएको छ भने थप तीन जना गम्भीर घाइते भएका छन् । आइतबार बिहान ११ बजेतिर माडी गाउँपालिका ६ हान्निङ भन्ने ठाउँबाट घर्ती गाउँतर्फ जाँदै गरेको यात्रुबाहक पिकअप जीप दुर्घटना भएको जिल्ला प्रहरी कार्यालय रोल्पाले बताएको छ ।

घाइतेको जिल्ला अस्पतालमा उपचार भैरहेको प्रहरीको भनाइ छ । जीपमा ६ जना यात्रु सवार रहेको बुझिएको छ । साथै घाइतेहरुको अवस्था गम्भीर रहेकोले थप उपचारका लागि बाहिरी जिल्ला लैजानको लागि हेलीकप्टरसंग समन्वय भैरहेको प्रहरीले बताएको छ ।

त्यस्तै मृत्यु हुनेको पहिचान भने अझै खुलिसकेको छैन् । जीप दुर्घटना स्थलदेखि साढे ३ सय मिटर तल खसेको छ ।

काठमाडौ, २७ कार्तिक। साप्ताहिक उदक लेखन अभ्यास शृङ्खलाको २६ औं भाग शनिबार सम्पन्न भएको छ । उदक साहित्य समाज, नेपालले उक्त अभ्यास कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५० जना उदक स्रष्टाहरूको सहभागिता रहेको उदक लेखन अभ्यास शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा अभ्यास शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

अभ्यास शृङ्खलाका लागि राखिएको तस्बिर

तस्बिरमा लेखिएका स्रष्टाका उदकहरू :

१//
अपांगता
मानवीय साेच
परिश्रमकाे उत्कृष्ट नमुना!
✍️
नारायण प्रसाद उपाध्याय , कैलाली

२//
अपांगता
कठिन परिस्थिति
जीवन धान्न परिश्रम!
✍️
बलराज गिरी
कैलाली

३//
किसान
अपाङ्ग भएर
बुझ्दछ माटोको महत्व!
✍️
बालकृष्ण खनाल

४//
जीवन
जिउन कठिन
देखियाे मेहनतकाे किसिम!
✍️
इन्दिरा ज्ञवाली
तानसेन ,पाल्पा

५//
विवशता
नियतीको खेल
अनमोल जीवन यात्रा!
✍️
राजा राम रत्गैंया
अमौरा कैलाली

६//
अपाङ्गता
दु:ख कति
एक अङ्ग क्षती!
✍️
मन्दिरा सेढाई
मलेखु

७//
अपाङ्ग
अल्छि गर्नेलाई
कर्म गर्न सिकाउदैछ!
✍️
पशपती राई खोटाङ

८//
उदाहरण
कर्मशील जिन्दगी
आफ्नै श्रममा  निर्भर!
✍️
समुन्द्रा शर्मा
इटहरी सुनसरी

९//
संघर्ष
जीवन कठिन
गाँस बाँस कपास!
✍️
राेशन पराजुली,धरान।

१०//
परिश्रम
रोकिदैन अपाङ्गताले
सम्मान गरौ सबैले!
✍️
रमा पन्त
पाल्पा

११//
उदक
अपाङ्गता
जीवन संघर्ष
जिउनकाे लागि  परिश्रम ।
✍️
राज कुमार राजभण्डारी खाेटाङ्गे
भक्तपुर

१२//
जीवन
नियतिको खेल
माटोप्रति किसानको ममता!
✍️
अन्जिता राउत
नेचा सल्यान -५ सोलुखुम्बु

१३//
आँट
दृढ आत्मबल
बगाउँदै स्वेद जल!
✍️
इन्दिरा देवकोटा
कपिलवस्तु न .पा .३

१४//
परीश्रमी
हातमा गैँती
जिन्दगीको सहारा बैशाखी!
✍️
अनुग्रह राना मगर ‘पुष्प’
संखुवासभा हाल मलेसिया

१५//
विवशता
विकास समता
अशक्त बिकलाङ्ग जनता!
✍️
सिबि आलेमगर , कैलाली

१६//
विकास
निर्माण कार्य
साङ्गलाई प्रेरणा चुनाैती !
✍️
खड्गबहादुर गुरुङ ।

१७//
अपाङ्गलाई
अपहेलना किन
उनीहरुकै महान कार्य !
✍️
बिक्रम तिरुवा सलिन
तिला गाउँपालिका ३ जुम्ला

१८//
फगत
तन अपाङ्ग
मन मेरो सबलाङ्ग!
✍️
बिके माकजु , भक्तपुर ।

१९//
जिन्दगानी
विचित्रको कथावस्तु
वेदनाले भरिएको कहानी !
✍️
आर्त अकुलीन, कैलाली

२०//
जीवन
विवशताले घेरिएको
परिश्रमी अनि जोशिला
✍️
धर्मी शाक्य,बुटवल ,रुपन्देहि

२१//
श्रम
जिम्मेवारी दायित्व
बाध्य कर्मशील पाखुरा
✍️
टेकप्रसाद कट्टेल, काठमाडौं ।

२२//
मान्छे
साङ्ग अपाङ्ग
खाली मानवीय सोच!
✍️
वसन्त अनुभव
घोराही उपमहानगरपालिका १४, दाङ

२३//
अपाङ्ग
गर्छ परिश्रम
नहेर हेय दृष्टिले!
✍️
देवेन्द्रराज शाक्य बुटवल रुपन्देही लुम्बिनी प्रदेश

२४//
अपाङ्गता
कठिन परिस्थिति
संघर्षशील जीवन यात्रा!
✍️
राम सुन्दर थारु
कैलाली

२५//
जिन्दगी
भोगाइको पीडा
देखेको  होइन भोगेको
✍️
बुद्धि प्रसाद लामिछाने  कैलाली

२६//
माटो
पापि पेट
जीवन अर्पण ‌भेट ।
✍️
जमुना कायस्थ, पोखरा

२७//
पौरखी
पन्छाउदै दु:ख
शारीरिक दुर्बलताका बावजुद!
✍️
हृदय लेकाली

२८//
अपाङ्ग
अस्तित्व विहीन
समाजको संकीर्ण
✍️
बादल गुरुङ वियोगी
संखुवासभा,हाल काठमाडौँ

२९//
राष्ट्रप्रेम
शरीरले अशक्त
बुझेपछि दायित्व सशक्त
✍️
हिमाल अम्मै घोडाघोडी कैलाली

३०//
अपाङ्ग
परिश्रमी  हात
कर्मशील जागरुकता साथ!
✍️
सरस्वती श्रेष्ठ रूपन्देही बुट्वल ।

३१//
सोच
जीवनको चाहना
परिश्रमी हातका ठेला !
✍️
सविता के.सी.

३२//
जीवन
जीउने अाधार
दुई हातकाे सहारा
✍️
सुरेशचन्द्र घिमिरे

३३//
इच्छाशक्ति
उपाएकाे स्राेत
चर्चित नेपाली उक्ति!
✍️
केशवप्रसाद ढकाल `प्रीतबीज´

३४//
अर्पण
अप्ठेरो चुनौती
प्राण दानको अनुभूति।
✍️
जमुना कायस्थ, पोखरा

३५//
मर्मत
सडक किनारा
सँधै गर्छ गरीवमारा
✍️
मधुसूदनप्रसाद घिमिरे

३६//
जिम्मेवारी
खानाको जोहो
मेहनत नगरी पाउदैन !
✍️
खेमराज  पुरी कैलाली

३७//
अवधारणा
परिवर्तन गर
अपांगलाई हेर्ने दृष्टिकोण!
✍️
मंगला उपाध्याय
बारा कलैया १

३८//
परिश्रमी
मेहनती हात
मिल्दछ ईशको साथ !
✍️
चक्र शाही कैलाली ।

३९//
संघर्ष
जिन्दगीको  पाटाेमा
चुनाैती स्विकार्ने साहसी !
✍️
सावित्री अधिकारी ,काठमाडौं

४०//
विवश
जिन्दगीको  ब्यथा
परिश्रमी अपाङ्गकाे कथा!
✍️
चन्द्र उपाध्याय

४१//
अपांग
जिउन संघर्ष
टुलुटुलु हेर्दै सपाङ्ग!
✍️
भाजुराम के.सी.
( धादिङ)

४२//
अपाङ्गता
सबै बिराना
विवशता,अवसरको सामु!
✍️
राम ब.चौ. गोरखा।

४३//
अंगभंग
साइनाे समाजसंग
मनभित्र माैलाएकाे उमंग ।।
✍️
रामकृष्ण दुवाडी
पाेखरा ।

४४//
श्रमले
पालेर सन्तान
धरहरा झै स्वाभिमान !
✍️
ध्रुब प्रसाद गजुरेल, काठमाडौ

४५//
जीवन
अशक्त शरीर
सशक्त मानव मन !
✍️
कविता आचार्य, कैलाली

४६//
परिश्रम
सँघर्षशील जीवन
ईश्वरका लाचार सन्तान!
✍️
किशोर खनाल
तानसेन १,पाल्पा

४७//
अपाङ्ग
घाइते जीवन
मेहनतले बाँचिरहेकाे परिश्रम!
✍️
मनाेज थापा
कैलाली

४८//
अपाङ्ग
असक्त जीवन
कठिन समस्या जिउन!
✍️
सहयात्री शोभा अर्याल
बुटवल १४रुपन्देही

४९//
विकास
भोको पेट
प्रकृतिले खोसेको भाग्य
✍️
कण्ठराज गिरी
निलकण्ठ भृगु अछाम

५०//
अपांग
माया गर्नुछ
सहयोगको झोली भर्नुछ।
✍️
पूर्णबहादुर श्रेष्ठ “हृदयङकृत”
पनौती -३,काभ्रे

जय उदक! जय साहित्य !!