एनआरएनए को ककस भाग तीन यहि २७ नोभेम्बर शनिबार २०२१ का दिन बेलुकी ५ बजे नेपाली समयमा भर्चुअल माध्यम जुम बाट गर्न गइरहेको छ ।
महिला सशक्तिकरण, संभावना र चुनौतीहरु “महिला सहभागीता चुनौती र यथार्थ” मुल एजेन्डा रहेको उक्त ककस भाग ३ मा सार्थक बहस हुने कुरा मध्यपुर्वकी महिला सान सकृय सामाजिक अभियन्ता एनआरएनए २१-२३ कार्यकालकि महिला उपाध्यक्ष कि प्रत्यासी यास्मिन बेगम सैयद ले जानकारी दिनु भएको छ । बिगतमा यस्तै एनआरएनए का विविध बिषय समेटेर ककस १ र २ भाग सफलताका साथ सम्पन्न भएको र यो ककस ३ कार्यक्रम पनि सहज सम्पन्न गर्ने बेगम ले बताउनु भयो । २०२१-२३ कार्यकालको एनआरएनएको अधिबेशन नजिकिदै गर्दा गैर आवासीय नेपाली श्रमिक हरु माझ विविध महत्त्वपूर्ण बिषयलाई समेट्दै त्यसबारे सम्पुर्णमा पार्दर्शिता तरिकाले खुलस्त पार्न र सहयोगको लागि अहम् भुमिका निर्वाह गर्न ककस को सुरुवात गरिएको हो । ककस भाग ३ मा २०२१-२३ का अध्यक्षका प्रत्यासी डा.बद्री के.सि, महिला उपाध्यक्षकि प्रत्यासी कि यास्मिन बेगम सैयद, महिला सचीव कि प्रत्यासी राधिका गुरुङ, महिला सह कोषाध्यक्ष कि प्रत्यासी यमुना भट्टराई ले बहसमा सहभागी जनाउने छन भने उक्त कार्यक्रम महिला संयोजक कि प्रत्यासी संगिता मरहठ्ठाले संचालन गर्नेछिन् ।
उक्त ककस ३ मा बिशेषत निम्न बिषयहरुमा छलफल बहस हुने छ । बहसका बिषयहरुः १) विदेशमा महिलाहरुको अवस्था, संभावना र चुनौतीहरु २) एनआरएनएमा महिलाहरुको सहभागीता र महिला फोरमहरुको भुमिका ३) महिलाहरुले विदेशमा सिकेको ज्ञान, सिप, र पुँजी स्वदेशमा लगानी ४) महिला सशक्तिकरण, सचेतना कार्यक्रम
उक्त कार्यक्रम २७ नोभेम्बर २०२१ शनिबार नेपाली समय साँझ ५ बजे (प्रवेश ४:३०) हुने छ । जसका लागि निम्न जुम आइडी पास्कोड बाट सहभागी हुन सकिनेछ । साथै उक्त कार्यक्रममा जोडिन बेगम ले स्वदेश तथा बिदेशमा रहनु हुने सम्पुर्ण नेपाली दाजुभाइ तथा दिदिबहिनीहरुलाइ अनुरोध गर्नु भएको छ । Zoom ID: 884 3057 6948 Password: 2021
सरसफाइ कर्मचारीले एक वडाध्यक्षमाथि दुर्व्यवहार गरेको भन्दै जनकपुरधाम उपमहानगरपालिकाका वडाध्यक्षहरूले नगर प्रमुखको कार्यकक्षमा ताला लगाएका छन्।
जनकपुरधाम उपमहानगरपालिका- ४ का वडाध्यक्ष सुदर्शन सिंहलाई सरसफाइ कर्मचारीले गाली गलौज गर्दै दुर्व्यवहार गरेपछि वडाध्यक्षहरूले नगर प्रमुख लालकिशोर साहको कार्यकक्षमा तालाबन्दी गरेका हुन् ।
वडाध्यक्ष सिंहले भने, ‘वडा नम्बर-४ स्थित कर्मचारी सञ्चय कोषको कार्यालय नजिक एउटा गाई मरेको थियो । मैले त्यो गाई हटाई दिन सफाइ कर्मचारीसँग आग्रह गरेँ । उसले त्यो गाई हटाउनुको साटो उल्टै गाली गलौज गर्न थाल्यो ।’
उनले नगर प्रमुख लालकिशोर साहकै इशारामा सफाइ कर्मचारीले जनप्रतिनिधिलाई समेत दुर्व्यवहार गर्ने गरेको आरोप समेत लगाए ।
नगर प्रमुख साह नगर सरसफाइ गर्नका लागि गम्भीर नभएकाे र जनप्रतिनिधिलाई नै गाली गलौज तथा दुर्व्यवहार गर्न थालेपछि बाध्य भएर उपमहानगरको कार्यालयमा तालाबन्दी गर्नु परेको वडा नम्बर-७ का वडाध्यक्ष जानकीराम साहले बताए ।
उपमहानगरमा वडा नम्बर-१ का वडाध्यक्ष शत्रुधन साह , वडा नम्बर-३ का वडाध्यक्ष दीपेन्द्र साह, वडा नम्बर-४ का वडाध्यक्ष सुदर्शन सिंह, वडा नम्बर-७ का वडाध्यक्ष जानकीराम साह लगायतका वडाध्यक्षहरू तालाबन्दीका लागि पुगेका थिए ।
वडाध्यक्षहरूले नगर प्रमुख साहविरुद्ध नारावाजी समेत गरेका थिए । दुर्व्यवहार गर्ने कर्मचारीलाई कारबाही गर, नगर प्रमुखले नैतिकताको आधारमा राजीनामा दे, जनकपुरधाम सफाइ गर लगायतका नारा लगाएका थिए ।
आफूहरूको माग पूरा नभए थप सशक्त आन्दोलन गर्ने चेतावनी समेत उनीहरूले दिएका छन् ।
कपिलवस्तु र दाङमा भएका छुट्टाछुट्टै सवारी दुर्घटनामा परि दुई जनाको मृत्यु भएको छ । कपिलवस्तुको वाणगंगा नगरपालिका–९ भर्तापुरस्थित सडकमा लु ३९ प ४९६९ नम्बरको मोटरसाइकल दुर्घटनामा चालक २१ वर्षीय विशाल गिरीको मृत्यु भएको छ ।
दुर्घटनामा गम्भीर घाइते भएका उनको एडभान्स सिटी अस्पताल बुटवल हुँदै थप उपचारको लागि काठमाडौं लैजाने क्रममा बाटोमै मृत्यु भएको प्रहरीले जनाएको छ । त्यस्तै दाङको शान्तिनगर गाउँपालिका–२ बहुला खोलास्थित सडकमा लु.४ त ७७७१ नम्बरको ट्याक्टरबाट खसेर एक युवकको मृत्यु भएको छ ।
दुर्घटनामा सोही ठाउँका टेवा बस्ने २२ वर्षीय लोकबहादुर वलीको घटनास्थलमै मृत्यु भएको हो । फरार ट्याक्टर चालकको प्रहरीले खोजी भैरहेको जनाएको छ ।
उदक साहित्य समाज नेपालको आयोजनामा उदक वाचनको पाँचौं शृङ्खला आज मिति २०७८ साल मंसिर महिनाको पाँच गते आइतबार सम्पन्न भएको छ ।
कार्यक्रममा प्रमुख अतिथि वेदविज्ञ तिलकप्रसाद लुइटेलले उदकको बाहिरी संरचना अनुसार पहिलो पङ्क्तिमा एक शब्द, दोस्रो पङ्क्तिमा दुई शब्द र तेस्रो पङ्क्तिमा तीन शब्दसँगै आन्तरिक संरचनाअन्तर्गत भाव, भाषा, शैली, लय, बिम्ब र प्रतीकको उचित प्रयोगसँगै उदकलाई विभिन्न किसिमले लेख्न सकिने बताउनुभयो ।
स्रष्टागतसँगै समग्र कार्यक्रमको समीक्षा गर्दै प्रमुख अतिथि लुइटेलले साप्ताहिक रूपमा हुँदै आएको तस्बिरमा उदक लेखनमा लेखिएका उदकहरूको मूल्याङ्कन गरेर ती उदकहरूको स्तर निर्धारण गर्न आवश्यक भएको धारणा राख्नुभएको थियो ।
उनन्तीस जना उदक यात्रीहरूको सहभागिता रहेको उक्त उदक वाचन शृङ्खलामा धर्मी शाक्य, सुरेशचन्द्र घिमिरे, लक्ष्मी बस्याल, वसन्त अनुभव, कविता आचार्य, गोविन्द केसी, घनश्याम पौडेल (कैलाली), सोम लुइटेल, घनश्याम पौडेल (पोखरा), देवेन्द्र शाक्य, जमुना कायस्थ, सविता केसी, सुशिला पौडेल, खगेन्द्र बस्याल, हरि शर्मा पङ्गेनी, रोशन पराजुली, बादल वियोगी गुरूङ, सीता बिष्ट कार्की, भवानी घिमिरे, कमला देवकोटा, मन्दिरा सेढाई, तिला लेकाली, प्रद्युम्न चालिसे, उर्मिला पन्त, सरस्वती श्रेष्ठ (इटहरी) आदि उदक यात्रीहरूको उत्साहजनक सहभागिता रहेको थियो ।
उदक यात्रीहरूका उदकमा समग्र देशको माटो, प्रकृति, माया, प्रेम, विकृति, विसङ्गति आदिप्रति व्यङ्ग्य गर्दै समाजलाई दिशानिर्देश गर्ने खालका सन्देशहरू प्रवाहित भएको उदक यात्रीहरूको धारणा रहेको थियो ।
उदक साहित्य समाज नेपालका अध्यक्ष आर्त अकुलीनको सभापतित्वमा सम्पन्न उक्त कार्यक्रममा उदक स्रष्टा अकुलीनले उदकको संरचनागत अवधारणाको जानकारी गराउँदै उत्कृष्ट उदक सिर्जना गर्न अनुरोध गर्नुभएको थियो भने कार्यक्रमको सञ्चालन समाजका महासचिव हिमाल अम्मैले गर्नुभएको थियो ।
काठमाडौ, ०४ मंसिर । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको नवौ शृङ्खला शनिबार सम्पन्न भएको छ । अभ्यासमा ५४ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखन अभ्यासको नवौं शृङ्खलाको लागि वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
करोडौं खर्चेकोछु यार, छैन सजिलै आएको, लगानी त उठाउनै पर्यो ख्वाएको पिलाएको । ✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
१// नेपाल त गोठ तिम्रो, जनता दुहुनो गाई, रक्त नआउन्जेल दुहुनु पालैपालो आई। ✍️ वसन्त अनुभव घोराही उपमहानगरपालिका १४, दाङ
२// कसरी उठ्ला खोइ खाडीमा ख्वाएको पिलाएको, जापानमा भए पो त म पैसा नतिरी आएको । ✍️ राजेशराज गड्तौला
३// खायाै मात्र भन्छन् सबले लगानी र त्याग कति, अलिअलि चुस्नैपर्याे नत्र किन धनकाे खती ? ✍️ ताराप्रसाद चापागाईं धुनिबेसी।
४// फाईदा हुने ठाउँमा लगाउ लगानी, धेरै रुनुपर्छ नत्र पछि जानीजानी। ✍️ जगत थापा बझाङ
५// खान पनि खाइयो मज्जाले नै पचाइयो, फुपुको श्राद्ध परेछ सम्पती जुटाइयो । ✍️ बुद्धिमान चौधरी कनकाई नगरपालिका ४ झापा
६// जसले ती मौरीहरुको मह काढी चाट्दछ , मीठोको स्वादमा परि उसैले दु:ख काट्दछ। ✍️ बेदु न्यौपाने काठमाडौ
७// केही पाउनलाई केही गुमाएको होला, यस्तै नै रहेछ दुईदिने मान्छेको चोला। ✍️ रत्ना पुन मगर रुकुम पश्चिम्
१७// भोटमा उठ्दा फेरि जित्ने मौका हुन्नहोला, लगानी उठाउन दोहन गर्नु छ खोला । ✍️ भगवती दवाडी ,दमक,झापा
१८// सजिलो छैन प्रभु, गर्नु जनसेवा, सेवाको नाम गरी, खानैपर्छ मेवा। ✍️ बिके मुखिया, दार्जीलिङ, भारत।
१९// कोही छैन् यहाँ देश र जनताको लागि, सर्वत्र भेटिन्छन् नेता कपटी र दागी। ✍️ सुरेशकुमार पान्डे
२०// सुन पाउने आस गरी नुनको पैसा दियो, हिजो भर्खर त्यसलाई अख्तियारले लियो । ✍️ धनुष न्यौपाने ठेगाना – गुठीचौर गाउँपालिका ०४ बिगारे जुम्ला, हाल – सुर्खेत
२१// गरेथेँ खर्च कुर्सी बैना थियो, दाम पुगेन भन्दै धोका दियो। ✍️ अमृत भट्टराई मोरङ, हाल काठमाडौं
२२// पैसाको बिटो छरेर चुनाव लडेको हो मैले, मौकामा चौका नहाने फेरि उठाउनु त कैले ? ✍️ श्रीकृष्ण शर्मा पोखरा
२३// पेसा राजनीति गर्छु करोडौको लगानी , पाँचबर्ष छिट्टै जान्छ जन्ता राख्छु जमानी । ✍️ रामजी लामिछाने
२४// देश बनाउनु भन्दा जनता बनाउनु छ पैला, उन्नतिको शिखर चुमाउनुछ केको खैलाबैला । ✍️ होम प्रसाद नेउपाने धरान,सुनसरी ।
२५// सक्नेभए चुनाव जितेर देखाउन तिमी पनि, रहर मात्रै गरेर कहाँ हुन्छ नेता हुन्छु भनी ✍️ सुर्यमणी रेग्मी
काठमाडौ, ०४ मंसिर। साप्ताहिक उदक लेखन अभ्यास शृङ्खलाको २७ औं भाग शनिबार सम्पन्न भएको छ । उदक साहित्य समाज, नेपालले उक्त अभ्यास कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ६० जना उदक स्रष्टाहरूको सहभागिता रहेको उदक लेखन अभ्यास शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा अभ्यास शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।
अभ्यास शृङ्खलाका लागि राखिएको तस्बिर
Photo: social media
१// जटायु तिब्र प्रतीक्षा चुडिदै बच्चाको आयु ! ✍️ वसन्त अनुभव घोराही उपमहानगरपालिका १४, दाङ ।
२// संकट असहाय अस्तित्व मृत्यु कुरुवा बस्दै ! ✍️ शिव खनाल जीवम
समय बदलिएको छ समय मौनतामा रहेको जस्तो लाग्छ कतै कोपिला चुँडिएका छन् त्यसैले बगैंचाका सुन्दर फूलहरू मुस्कुराउन पनि डर मान्छन् कारण बगैंचाका वरिपरि बिरालाहरू छन् ढाडे बिराहरू छन्
सडकमा बिरालाहरू छन् गाउँघरमा बिरालाहरू छन् विद्यालय सेरोफेरोमा बिरालाहरू छन् कार्यालय वरिपरी देखिएका ती ढाडे बिरालाहरू बोलाउँदा बोल्दैनन् धपाउँदा समेत भाग्दैनन् चाल नै गर्दैनन्
मुख्यतः मुसाको खोजिमा छन् दुधको साँची बनेका छन् मौनतामा मनको पेडा खाएका छन् र जिन्दगीभर रमाएका छन् ती ढाडे बिरालाहरू !
