संवेग
कसैमा कान्ति
मनमा सबैमा भ्रान्ती !
नेपाल
आमाका सन्तती
नहुने भरपेट उन्नती !
हिमाल
सबैको काख
कसरी जोगाउने साख ?
मरे
स्वर्ग देखिने
नमर्दै नर्क भेटिने !
हानथाप
कुकुर बिराला
घृणित सडक छाप !
जल
भएको नियोजन
परिवारको के प्रयोजन ?
शारदीय
उत्कर्ष वातावरणीय
शिशिर ऋतुको आभास !
सगरमाथा
सम्पूर्णको शान
महिमा राष्ट्रिय गान !
पहाड
धैर्यताको बाध
नफुटोस माया अगाध !
तराई
फलून् लटरम्म
पेटको आगो ननिभेसम्म !
एकैनास
ओदानका कराही
हिमाल पहाड तराई !
माटो
नहोस् पर्ती
सम्मान गरौं धर्ती !
पूर्व
पश्चिमका नेपाली
बसौँ हृदय पखाली !
- कमला देवकोटा, पाल्पा