Category: ताजा अपडेट

उदक साहित्य समाज नेपालको आयोजनामा उदक वाचनको छैटौँ शृङ्खला आज मिति २०७८ साल मंसिर महिनाको बाह्र गते आइतबार सम्पन्न भएको छ ।

कार्यक्रममा प्रमुख अतिथि राष्ट्रिय बाछिटा प्रतिष्ठानका अध्यक्ष खगेन्द्रप्रसाद बस्यालले आजको कार्यक्रममा उत्कृष्ट र मर्मस्पर्शी उदकहरू वाचन गरिएको जानकारी गराउँदै उदकको भविष्य सुन्दर रहेको र उदकमा विभिन्न नवीन प्रयोगसँगै उदकलाई विभिन्न किसिमले लेख्न र प्रस्तुत गर्न सकिने बताउनुभयो ।

समग्र कार्यक्रमको समीक्षात्मक विचार सहित प्रमुख अतिथि बस्यालले साहित्य मानवतावादी हुनुपर्ने र यसले विश्व बन्धुत्वको भावनाको विकास गराउने भएकोले साहित्य सिर्जना मार्फत समाजलाई सही बाटोमा ल्याउन सचेत गराउनुपर्ने धारणा राख्नुभएको थियो ।

चौबिस जना उदक यात्रीहरूको सहभागिता रहेको उक्त उदक वाचन शृङ्खलामा अबोध निर्मल, भवानी घिमिरे, सुशिला पौडेल, सोमनाथ लुइटेल, जमुना कायस्थ, बालकृष्ण खनाल, लक्ष्मी बस्याल, पुष्प रानामगर, शोभा पोखरेल, कविता देवकोटा, हरि शर्मा पङ्गेनी, सविता केसी, रोशन पराजुली, मन्दिरा सेँढाइ, घनश्याम पौडेल, बादल वियोगी गुरूङ, सुरेशचन्द्र घिमिरे, प्रेम बहादुर थापा, देवेन्द्र शाक्य, धर्मी शाक्य, तिला लेकाली आदि उदक यात्रीहरूको उत्साहजनक सहभागिता रहेको थियो ।

उदक यात्रीका उदकहरूमा माया, प्रेम, देश, प्रकृतिसँग सम्बन्धित विषयवस्तुका साथै समाजमा व्याप्त विकृती विसङ्गतिप्रति तिखो व्यङ्ग्य गर्दै राष्ट्रिय भावले ओतप्रोत भएका उदकहरू वाचन गरिएका थिए ।

उदक साहित्य समाज नेपालका अध्यक्ष आर्त अकुलीनको सभापतित्वमा सम्पन्न उक्त कार्यक्रममा उदक स्रष्टा अकुलीनले उदकको संरचनागत अवधारणाको जानकारी गराउँदै उत्कृष्ट उदक सिर्जना गर्न अनुरोध गर्नुभएको थियो भने कार्यक्रमको सञ्चालन समाजका महासचिव हिमाल अम्मैले गर्नुभएको थियो ।

काठमाडौं, १२ मंसिर । नेकपा (एमाले) को जारी १०औं महाधिवेशनमा अहिले ११ घण्टा ढिलो गरेर बन्दसत्र सुरु हुन लागेको छ। तर, बन्दसत्रअघि अध्यक्ष मण्डलको बैठक जारी छ । उक्त बैठकमा अध्यक्ष केपी शर्मा ओलीले ३०१ केन्द्रीय कमिटीको नाम अघि सारेका छन् ।

ओलीले अध्यक्षपछिको शक्तिशाली पद महासचिवमा भने शंकर पोखरेलको नाम अघि सारेको स्रोतको दाबी छ । महासचिवमा यसअघि पोखरेल र विष्णु पौडेलको दाबी रहेको थियो । तर, अध्यक्ष ओलीले पौडेलर्ला विश्वासमा नै लिएर शंकरलाई महासचिवमा अघि सारेको बुझिएको छ ।

ओलीले अध्यक्षपछिको शक्तिशाली पद महासचिवमा भने शंकर पोखरेलको नाम अघि सारेको स्रोतको दाबी छ । महासचिवमा यसअघि पोखरेल र विष्णु पौडेलको दाबी रहेको थियो । तर, अध्यक्ष ओलीले पौडेलर्ला विश्वासमा नै लिएर शंकरलाई महासचिवमा अघि सारेको बुझिएको छ ।

ओलीले पेश गरेको नामावलीमा भीम रावललगायतले असहमति जनाए ती पदमा चुनाव हुने पनि एमालेले तयारी गरेको छ । अहिले अध्यक्ष मण्डलको बैठक जारी छ । File Photo

जाजरकोट जाजरकोटमा बस दुर्घटना हुँदा पाँच जनाको मृत्यु भएको छ । २५ जना घाइते भएका छन् । नेपालगञ्जबाट जाजरकोटको कालीमाटीतर्फ जाँदै गरेको ना६ख २७५७ नम्बरको बस आज बिहान साढे २ बजेतिर जाजरकोटको भेरी नगरपालिका-१३ बराहचौर भन्ने स्थानमा दुर्घटना भएको हो ।

दुर्घटनामा दुई जना पुरुष, दुई जना महिला र एक बालिकाको मृत्यु भएको जाजरकोटका प्रमुख जिल्ला अधिकारी प्रेमप्रसाद देवकोटाले जानकारी दिए । मृतकहरुको सनाखत हुन बाँकी छ ।

दुर्घटनामा घाइतेहरुमध्ये तीन जनाको अवस्था गम्भीर छ । घाइतेहरू सबैलाई उपचार गर्न जिल्ला अस्पताल जाजरकोट पुर्‍याइएको छ । दुर्घटनास्थल जाजरकोट सदरमुकामबाट करीब ११ किलोमिटर पश्चिममा पर्दछ । बस सडकबाट करीब दुई सय मिटर तल खसेको छ ।

बस दुर्घटनाको कारण खुलेको छैन । चालक प्रहरी नियन्त्रणमा रहेको र अनुसन्धान जारी रहेको जिल्ला प्रहरी कार्यालय जाजरकोटले जनाएको छ ।

काठमाण्डाै – दक्षिण अफ्रिकामा देखिएको कोरोनाको नयाँ भेरियन्ट ‘ओमिक्रोन’ को जोखिम बढेपछि नेपालमा पनि उच्च सतर्कता अपनाइने भएको छ ।

दक्षिण अफ्रिका, हङकङलगायतका देशमा देखिएको भेरियन्ट नेपालमा पनि आउन सक्ने उच्च जोखिम रहेको विज्ञले बताएका छन् । नयाँ भेरियन्टको रोकथाम तथा पूर्वतयारीका लागि सरकारले सीमा नाकामा कडाइ तथा सुरक्षित हवाई उडानबारे आज आवश्यक निर्णय गर्ने भएको छ ।

सीमा नाकामा कडाइ तथा अन्तर्राष्ट्रिय उडानबारे निर्णय गर्न आज बिहान कोभिड–१९ सङ्कट व्यवस्थापन समन्वय समिति सीसीएमसीसीको बैठक बस्दैछ । बैठक बिहान ११ बजे सिंहदरबारमा बस्ने सीसीएमसीसीका प्रवक्ता सुनिता नेपालले जानकारी दिनुभयो ।

पछिल्लो समय दक्षिण अफ्रिकामा देखिएको कोरोना भाइरसको नयाँ भेरियन्ट नेपालमा पनि आउन सक्ने भन्दै स्वास्थ्य तथा जनसङ्ख्या मन्त्रालयले जनस्वास्थ्यका मापदण्ड पूर्ण रुपमा पालना गर्न सबैसँग आग्रह गरेको छ ।  नयाँ भेरियन्टको जोखिमका कारण दक्षिण अफ्रिका हुँदै नेपाल आउने यात्रुलाई अनिवार्य रुपमा क्वरेण्टीन राख्ने विषयलाई मन्त्रालयले कडाइका साथ कार्यान्वयन गर्ने भएको छ ।

मन्त्रालयका सहप्रवक्ता डा. समिरकुमार अधिकारीले विश्वको जुनसुकै कुनामा नयाँ भेरियन्ट देखापर्दा नेपालमा पनि उत्तिकै जोखिम हुने भएकाले स्वास्थ्य सावधानी अपनाउन आवश्यक रहेको बताउनुभयो।

दक्षिण अफ्रिकामा भेटिएको कोरोना भाइरसको नयाँ भेरियन्टलाई विश्व स्वास्थ्य सङ्गठनले ‘भेरियन्ट अफ कन्सर्न’ घोषणा गरेपछि अफ्रिका हुँदै नेपाल आउने यात्रुका लागि स्वास्थ्य तथा जनसङ्ख्या मन्त्रालयले अनिवार्य क्वरेण्टीनको व्यवस्था गरेको उहाँको भनाइ छ ।

नयाँ भेरियन्ट अहिलेसम्म नेपालमा नदेखिएकाले आत्तिनु नपर्ने तर सावधानी भने पूर्ण रुपमा अपनाउनुपर्नेमा उहाँको जोड दिनुभएको छ । नेपालमै भेरियन्ट पहिचान गर्न सक्ने भएकाले कोरोना सङ्क्रमण देखिएका यात्रुको विवरणको आधारमा जिन सिक्वेसिङ गरिरहेको सहप्रवक्ता अधिकारीले बताउनुभयो।

काठमाडौ, ११ मंसिर। साप्ताहिक उदक लेखन अभ्यास शृङ्खलाको २८ औं भाग शनिबार सम्पन्न भएको छ । उदक साहित्य समाज, नेपालले उक्त अभ्यास कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५२ जना उदक स्रष्टाहरूको सहभागिता रहेको उदक लेखन अभ्यास शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा अभ्यास शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

अभ्यास शृङ्खलाका लागि राखिएको तस्बिर

अभ्यास क्रममा सृजना गरिएका उदकहरू

१//
ममता
भोका बचेरा
तृप्ति पार्ने प्रयास !
✍️
वसन्त अनुभव
घोराही उपमहानगरपालिका १४, दाङ

२//
नाता
बचेराको भोक
आमाको मीठो ममता!
✍️
श्रीकृष्ण शर्मा
पोखरा

३//
आमा
मायाको खानी
लालनपालनमा बित्यो जिन्दगानी!
✍️
देवेन्द्रराज शाक्य
बुटवल रुपन्देही लुम्बिनी प्रदेश

४//
गुँड
भोका बचेरा
अपार आमाको ममता !
✍️
आर्त अकुलीन, कैलाली

५//
ममता
हेर आमाको
डालीमा झुन्डिई ख्वाइरहेकी! 
✍️
धर्मी शाक्य
बुटवल ,लुम्बिनी प्रदेश

६//
डालीमा
बचेराकाे जिन्दगी
अतृप्त आमाकाे माया!
✍️
गिरी बलराज

७//
सन्तान
आफू नखाई
निस्वार्थ पोखिएको वात्सल्य!
✍️
तिला लेकाली

८//
बचेरा
गुँडमा बसेका
आमाको पर्खाइमा रहेका!
✍️
सोमनाथ लुइटेल “रवि पाल्पाली”

९//
आमा
त्यागकि मुर्ती
बचाउन जीवन संघर्ष !
✍️
समुन्द्रा शर्मा
इटहरी सुनसरी

१०//
आमा
गहिरो प्रेम
सन्तानप्रति सदा समान!
✍️
बिक्रम तिरुवा सलिन
    कुडारी,जुम्ला

११//
गुँड
भाेका बचेराहरू
मातृवात्सल्य अनि कर्तव्य!
✍️
खड्गबहादुर

१२//
चरीले
पातहरू जोडेर
निर्मित सुन्दर बासस्थान!
✍️
खेमराज पुरी कैलाली

१३//
जीवन
बाँच्नै पर्ने
भाेक प्यास मेट्दै!
✍️
राेशन पराजुली,धरान।

१४//
आमाको
सन्तान दायित्व
अनि जिम्मेवारी पनि!
✍️
रामराजा के.सी.

१५//
कर्तव्य
आमाको नाम
आधिकारिक गुँडका बचेरा !
✍️
सविता के.सी.

१६//
महत्त्व
सन्तानका लागि
आमाको माया अपरम्पार!
✍️
सावित्री अधिकारी

१७//
मातृत्व
भाेकै आफू
सन्तान प्यार  अपार!
✍️
चन्द्रावती अधिकारी

१८//
घरमा
सन्तानको प्राण
छोडी मातृबात्सल्यको भरमा!
✍️
प्रभादेवी पौडेल
चितवन

१९//
हुन्छ
आफ्नो सन्तान
प्राण जत्तिकै प्यारो!
✍️
बालकृष्ण खनाल

२०//
बचेरा
खाेज्दै अामा
भाेकले चाराकाे प्रतिक्षामा !
✍️
सुरेशचन्द्र घिमिरे

२१//
जननी
ममताकी खानी
सदा सन्तानको माया !
✍️
कविता आचार्य, कैलाली

२२//
बचेरा
सन्तति आफ्नो
अतृप्त माया आमाको!
✍️
रामसुन्दर थारु

२३//
भाेक
सहेर  बसेका
आमा पर्खेर बचेरा!
✍️
राज कुमार राजभण्डारी खाेटाङ्गे
            भक्तपुर ।

२४//
माया
भन्दा पर
कर्तव्यको दह्रो छाया !
✍️
घनश्याम पौडेल,पोखरा

२५//
ममता
उच्च काेटीकाे
लाग्ने  आफ्नो सन्तानकाे ।
✍️
केशवप्रसाद ढकाल `प्रीतबीज´
गाेरखा

२६//
जिम्मेवारी
सन्तानको आशा
त्यसैमा अल्झेको जिन्दगी!
✍️
हिमाल अम्मै
घोडाघोडी कैलाली

२७//
मातृत्व
आमा बेगर
सन्तानको छैन अस्तित्व!
✍️
सरस्वती श्रेष्ठ

२८//
आमा
आपार स्नेह
जीवन जगतकी सृष्टिकर्ता!
✍️
राजाराम रत्गैया

२९//
चराे
गुडँमा बचेरा
खुवाउँदै चाराे मुखमा !
✍️
श्रद्धा आचार्य , पोखरा

३०//
जन्मदाता
सन्तानको माया
रनभुल्ल प्रकृति काया!

✍️
नारायण प्रसाद उपाध्याय , कैलाली

३१//
चारा
ममतामयी  माता
भर्ने  गर्छिन्   आहारा!
✍️
कमला  देवकोटा

३२//
आमा
ठूलो नवजातमा
स्रष्टा भगवान ऊनी!
✍️
पुष्पाशायरा । बिराटनगर ।

३३//
आमा
सुन्दर सृष्टिकर्ता
लालनपालन सबैलाई एकनास!
✍️
शिव ज्ञवाली
गुल्मि

३४//
जननी
बिचरा चरी
माया भरीपुर्ण  सन्तानको!
✍️
चेतराज जैशी  from UAE.

३५//
परिश्रम
हुर्काउन बचेरा
आमाको नि:स्वार्थ माया !
✍️
टीकाराम जाेशी, टीकापुर

३६//
संसार
असीमित आवस्यकता
आमाको माया अपार
✍️
बादल गुरुङ वियोगी
      संखुवासभा,हाल काठमाडौँ

३७//
आमा
जस्तै अफ्ठ्यारोमा
पनि दिने छत्रछाया।
✍️
सरस्वती श्रेष्ठ इटहरी

३८//
आमा
प्राण हत्केलामा
धड्किन्छ मुटु बचेरामा!
✍️
पशपती राई खोटाङ ।

३९//
बचेरा
आमाको ममता
केवल सन्तानका निम्ति!
✍️
लक्ष्मी बस्याल बर्दिया

४०//
आमा
ममताकाे खानी
हेरचाहमौ बित्याे जिन्दगानी!
✍️ 
सहयात्री शाेभा अर्याल
      बुटवल  रुपन्देही

४१//
गौंथली
बचेरालाई आहार
खोजी जुटाउने आधार!
✍️
जमुना कायस्थ, पोखरा

४२//
ममता
अपरम्पार जननी
सन्तान सुख रहस्य!
✍️
किशोर खनाल
  तानसेन १,पाल्पा

४३//
आमा
छरेर मातृत्व
भर्छिन् सन्तानको पेट!
✍️
रामचन्द्र भट्टराई ,स्याङ्जा

४४//
माया
सहारा संरक्षण
सून्दर संसार दर्पण!
✍️
Chakra Alemagar “Lapha” kailali

४५//
मातृवात्सल्य
अाहारको अल्पता
साझा घरको बास !
✍️
निलकण्ठ भृगु।
टीकापुर

४६//
ममता
गाँस ओकलेर
सन्तान पालन पोषण!
✍️
उर्मिला पन्त पाण्डेय*
        *ज्ञानेश्वर , काठमाण्डौँ*

४७//
आहा
आमाको माया 
आत्मीय  सम्बन्ध कायम !
✍️
रिता खराल,रुपन्देही

४८//
बचेरा
आमाको माया
पोको पारी पात!
✍️
अनुग्रह राना मगर ‘पुष्प’
संखुवासभा हाल मलेसिया

४९//
आमा
सँसारकै महान
बच्चाको निम्ति भगवान!
✍️
पूर्णबहादुर श्रेष्ठ “हृदयङकृत”
पनौती-३,काभ्रे

५०//
पन्छी
बचेराकाे आस
शैशवकालमा जीवन्त गाँस!
✍️
मनोज थापा

५१//
बचेरा
सहाराको खोजी
आमाको न्यानो माया!
✍️
मिलन के .सी.(थापा)पोखरा

५२//
माया
सृष्टि चक्र
घाम र छाया !
✍️
चक्र शाही

टुक्का लेख्नेहरु माझ थियोे केही भन्नु,
दुबै लाईन लेखेर बराबरी गन्नु ।
१//
आधा अक्षर काटिएका बिल्कुल गनिदैन,
बराबर अक्षर नभई टुक्का भनिदैन ।
२//
अन्तिमकाे अनुप्रासलाई मुटु माने हुन्छ,
अर्थपूर्ण बन्दछ लेखाइ भित्रसम्म छुन्छ ।
३//
टुक्का हुन्थ्याे माैलिक खालकाे परापूर्व कालकाे,
हिजोआज देखिने गर्छ टुक्का फरक खालको ।
४//
टुक्का वाचन गर्दा बिश्राम भुल्नु हुन्न,
जथाभावी भन्ने गर्दा कतैपनि छुन्न ।
५//
हुनुपर्छ टुक्का मीठाे जनबाेली बाेल्ने,
ब्यङ्ग्य टुक्का सुनेपछि मुटु काम्ने पाेल्ने ।
६//
शुद्धतामा विशेष ध्यान दिए हुन्छ राम्रो,
अपनत्व बढेर जान्छ स्वामित्व याे हाम्रो ।
७//
टुक्का काव्य साहित्यकाे लघुतम रुप अरे,
हुँदा सभ्य लालित्यकाे उन्नयन भित्र भरे ।
८//

✍️
रामकृष्ण दुवाडी
      पाेखरा
२०७८/०८/१०