‘टुक्कामाथि टुक्का’ को दशौं शृङ्खला सम्पन्न; ४२ जना सर्जकहरूको सहभागीता

काठमाडौ, १३ मंसिर । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको दशौँ शृङ्खला शनिबार सम्पन्न भएको छ । अभ्यासमा ४२ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।

अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।

‘टुक्का माथि टुक्का’ व्यङ्ग्यात्मक टुक्का लेखन अभ्यासको दशौं शृङ्खलाको लागि वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासका लागि राखिएको टुक्का

कति आँटी छोरो म अद्वितीय छ पराक्रम,
छोडेर आएकोछु आफ्नै बाआमा वृद्धाश्रम ।

वसन्त अनुभव

सहभागी टुक्काकारहरूले अभ्यासका क्रममा सृजना गर्नुभएको टुक्काहरू

१//
साह्रै राम्रो मान्छे हजुर लाग्छ महापुरुष,
छुट्याउनै गाह्रो भो हजुर मान्छे कि उडुस।
✍️
वसन्त अनुभव
घोराही उपमहानगरपालिका १४, दाङ

२//
तपाई मानव हो या दानव बुझ्न मन लाग्यो,
बाआमा वृद्धाश्रम छोड्ने कसरी हिम्मत जाग्यो?
✍️
जगत थापा बझाङ

३//
यस्तो बुद्धिमानी मान्छे कसले जन्मायो,
भगवान बेचेको देख्दा आँखा रसायो।
✍️
भुपेन्द्र राना मगर
धादिङ

४//
बा-आमा बृद्धआश्रम छोड्ने पराक्रमी भयौं भन्छन् ,
समयको पर्खाइमा आफुलाई नै खाडल खन्छन्।
✍️
बेदु न्यौपाने काठमाडौ

५//
बाबुआमा बुढाबुढी झ्याउँझ्याउँ लाग्छ जहिले,
कति धेरै बाँचेका हुन् कालले लैजाला कहिले?
✍️
भूषण जंग
अस्ट्रेलिया

६//
सभामा नेता चर्का चर्का भाषणमात्र गर्छ,
तिम्रा भाषण सुनेर जनताको छाक टर्छ ।
✍️
भगवती दवाडी ,झापा

७//
ए! छोरा बुझ त कति हुन्छ बृद्धाश्रम बस्दाको दर्द,
आफ्नै बाउ आमासँग छुटिएर बस्ने छोरा नामर्द।
✍️
ललिता अभागी
सुनकोशी५सिन्धुली

८//
न त ऊ हाे पराक्रमी न त हो ऊ आँटी,
वृद्धाश्रम ठुलाे देख्ने कस्ताे कुरा खाँटी ।
✍️
त्रिलोचन भण्डारी
मेचीनगर,झापा

९//
देशभित्र जहाज अनि रेलको भिड भयो,
नेताको धागमा नागरिकको जीवन गयो।
✍️
सुरेशकुमार पान्डे। दाङ घोराही१८

१०//
बाआमालाई वृद्धाश्रम पठाउने तँ पापी,
सधैभरी नै बस्छन् तलाई उनले सरापी।
✍️
निर्मला शाही ठकुरी
दैलेख हाल दार्जिलिङ

११//
पढीलेखी ठुलो मान्छे बनें राजनीतिमा चर्चा कमाएँ,
बाआमा बृद्धआश्रम छोडेँ आफ्नै सन्तानसँग रमाएँ ।
✍️
इन्दिरा देवकोटा
कपिलवस्तु न .पा .३

१२//
कसैले सोधिहाले भने फलानाको छोरा हुँ भनेर नाक फुल्याउँछस्,
देउतासरह बाआमाको गुनलाई बिर्सी वृद्धाआश्रम पुर्याउँछस्।
✍️
अनुग्रह राना मगर ‘पुष्प’
संखुवासभा हाल मलेसिया

१३//
बाआमाका पालो ऐले आफ्नो घुँडा मुनि,
बल्ल बुद्धि पलाउँला काट्दा त्यस्तै जुनि।
✍️
मन्दिरा सेढाई
धादिङ ,मलेखु

१४//
ज्ञान सिकाउने श्रीमती बुद्धिमानी,
उनले भनिन् मैले लगे जानिजानी।
✍️
होम प्रसाद
धरान,सुनसरी ।

१५//
वृद्धआश्रम बाबा र आमा पुर्याई म आएँ,
मन्दिरमा पुगी ढुङ्गा पुजेँ लड्डु नै चढाएँ ।
✍️
श्रीकृष्ण शर्मा पोखरा

१६//
नेता बन्छन् भाषण गर्छन् देखाई पराक्रम,
हाकिम बन्छन् बा आमालाई छोडी वृद्धाश्रम |
✍️
विबश पारदर्शी
भद्रपुर -२ झापा

१७//
मत शहरिया मान्छे बाबा आमा गाउँले पाखे,
साथै राखे मेरो सान घट्छ वृद्धाश्रम नराखे ।
✍️
सूर्य मणि रेग्मी
चितवन

१८//
बाआमालाई भारी सम्झी वृद्धाश्रममा बिसाउने
मलाई पनि त्यसै गर्नमै छोरालाई सिकाउने ।
✍️
राजेशराज गड्तौला
रतुवामाई- १०, मोरङ
हाल- प्रवास

१९//
खुट्टी दर्हाे बनाए हुर्काई बढाई गरे पहिले,
पराई भए ती नै बाबुआमा घाँडाे भयाे अहिले ।
✍️
ताराप्रसाद चापागाईं
धुनिबेसी ।

२०//
बुढेसकालको साहारा थिएँ बाआमा राखे बृद्धाश्रम,
भोक प्यास नभनी खाडीमा चल्दैछ मेहनतको क्रम ।
✍️
बुद्धिमान चौधरी
कनकाई नगरपालिका ४ झापा

२१//
सेना अख्तियारको प्रशासन परेन नचाउन,
चोरलाई तालाचाबी दिएको ढुकुटी बचाउन ।
✍️
रिजाल विनोद
बेलबारी०२मोरङ

२२//
बृद्धाश्रम लगेर किन सराप थाप्छौ छोरा?
तिम्रो पनि आँसु बग्ला होस् गर ए मेरो मोरा ।
✍️
कल्पना थामी
सिन्धुपाल्चोक

२३//
बाआमाको चोखो प्रेमलाई सन्तानले बुझेन,
वृद्ध अवस्थामा गर्नुपर्ने सेवा किन गरेन ?
✍️
बिक्रम तिरुवा सलिन
तिला गाउँपालिका ३ कुडारी,जुम्ला

२४//
किन मलाई पार्यों भ्रममा,
एक्लै यहाँ वृद्धआश्रममा ।
✍️
साहित्य प्रेमी प्रयासी श्री लिम्बू
ठेगाना : पाँचथर

२५//
लौ बधाई छ आमाबालाई पुर्याएकोमा बृद्धाश्रम,
अग्रिम शुभकामना पनि छ चाँडै आवस् तिम्रो क्रम।
✍️
अरुण कुमार भुजेल
गोरूबथान कालेबुङ्ग,भारत।

२६//
पुर्ख्याैली सम्पती अंश बाँडियो ती वयाेवृद्ध माता पिता वृद्धाश्रम पुगे,
सन्तानकाे मनमा स्नेहकाे मुहान सुक्याे तिनैकाे खुसीमा ती ईश नुगे ।
✍️
सुमिना तिमल्सिना
भक्तपुर

२७//
बाबु सत्कर्ममा हिड भन्छु म हिड्छन् कुकर्म गरी,
आमाबुबालाई कुभलाे गर्ने जान्छन् जिउदै मरी ।
✍️
ल्युजर शर्मा
बागलुङ गल्काेट हटिया

२८//
डाक्टर भएँ विदेश आएँ दोसल्ला ओडेर,
आफ्नी आमालाई नि ! विमानस्थलमै छोडेर ।
✍️
डम्बर थामी ‘अनुपम’
कालिन्चोक गाउँपालिका-६, दोलखा

२९//
तिमीलाई माया गरेर डोर्याउँदै हुर्काउने त बा आमाकै थिए हात,
तिनै हातले बृद्धाश्रम भित्र आँशु पुछ्न बाध्य पारेर गर्यो ठुलै घात!
✍️
प्रमोद भट्टराई ‘प्रतीक’
कौशलटार, भक्तपुर

३०//
स्वास्नी, सासू ससुराको सेवामुनि डुबी,
भोकै बस्छन् बढेको छ बा आमाको खुबी।
✍️
पौडेल विमुन्स
पोखरा कास्की

३१//
वृद्धाश्रम जाऊ भनेर दिनहुँ घरमा झगडा गर्छ छाेरा,
तिमीहरू पनि मेरो जस्तो भाेलि पालाे आउँछ हाेस् गर माेरा।
✍️
सहयात्री शाेभा अर्याल
रुपन्देही बुटवल

३२//
जिउँदाेमा बाआमा वुद्धाश्रम हाे लानी,
मरे पछि रूदै गर्दछु म पिण्ड पानी ।
✍️
प्रद्युम्न चालिसे
भक्तपुर कटुञ्जे
सु** न** पा** ५

३३//
खुसीसँग बोली वचन सेवा सत्कार भरे,
भगवान हुन आमाबा पुण्य हामीले गरे ।
✍️
कृष्ण आनन्द भट्ट
पञ्चेश्वर ०५ बैतडी

३४//
भोकले पेटमा मुसा दौडाईरहेछिन जहान,
जिउँदै स्वर्गमा पुर्याउने तिमी त रैछौ महान।
✍️
पूर्णबहादुर श्रेष्ठ “हृदयङकृत”
पनौती-३,काभ्रे

३५//
नामर्दलाई यहाँ आँटी भनिएको थियो,
वृद्धआश्रम पितालाई उपहार दियो ।
✍️
धनुष न्यौपाने
गुठिचौर गाउँपालिका ०४ बिगारे जुम्ला

३६//
म घुस खाएर पैंसा हैन मान्छे कमाउँछु ,
दियो भने कसैले नाइ भन्दिनँ समाउँछु ।
✍️
कर्ण दयाल
मेलौली ७, बैतडी

३७//
घरको देवी देवता पर बृद्धाश्रममा फाली,
नरमाउनु है भोली तिम्रो पनि आउँछ पाली।
✍️
बिके मुखिया
दार्जीलिङ,भारत।

३८//
जिन्दगीमा दु:खसुख सन्तानसँग साट्ने रहरहरु,
मेटायो कपुतले खोजीमा छुँ मुक्तिपथ लहरहरु।
✍️
मनोहरी पौडेल
गैडाकोट १ नवलपुर

३९//
फाल्न लान्छौँ डोकोमा बोकेर आमाबाबा कहाँ पाइन्छ?
नफाल डोको तिमीलाई फाल्न भोलि मलाई चाहिन्छ।
✍️
दुर्गा आचार्य
खोटाङ

४०//
भन्थे उहिलेका कथामा बुढा बाबुआमालाई फाल्थे डोकामा,
आज फाल्दा रहेछन् कपुत सन्तानले बृद्धाश्रमको ढोकामा ।
✍️
रचना शर्मा प्रतीक्षा
महालक्ष्मी नपा ४, इमाडोल, ललितपुर ।

४१//
जन्मदिने आमाबुबा साथ दिने पनि उनै,
प्राण त्याग्ने हाम्रा लागि नदिउँ है दु:ख कुनै।
✍️
मन बहादुर पुन मगर
आठविसकोट न.पा ८ रुकुम पश्चिम

४२//
दुधको धारा त बगाउँछ चमेराले नि आमा बनी,
फलिदिन्छ कहिलेकाहि (केराले ) बुङ्गोबेगर पनि।
✍️
जि कुमार गौतम

जय टुक्का ! जय साहित्य !!