‘टुक्कामाथि टुक्का’ व्यङ्ग्यात्मक टुक्का लेखन अभ्यासको नवौं शृङ्खला सम्पन्न; ५४ जना सर्जकहरूको सहभागीता

काठमाडौ, ०४ मंसिर । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको नवौ शृङ्खला शनिबार सम्पन्न भएको छ । अभ्यासमा ५४ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।

अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।

‘टुक्का माथि टुक्का’ व्यङ्ग्यात्मक टुक्का लेखन अभ्यासको नवौं शृङ्खलाको लागि वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासका लागि राखिएको टुक्का

करोडौं खर्चेकोछु यार, छैन सजिलै आएको,
लगानी त उठाउनै पर्यो ख्वाएको पिलाएको ।
✍️
वसन्त अनुभव

सहभागी टुक्काकारहरूले अभ्यासका क्रममा सृजना गर्नुभएको टुक्काहरू

---

१//
नेपाल त गोठ तिम्रो, जनता दुहुनो गाई,
रक्त नआउन्जेल दुहुनु पालैपालो आई।
✍️
वसन्त अनुभव
घोराही उपमहानगरपालिका १४, दाङ

२//
कसरी उठ्ला खोइ खाडीमा ख्वाएको पिलाएको,
जापानमा भए पो त म पैसा नतिरी आएको ।
✍️
राजेशराज गड्तौला

३//
खायाै मात्र भन्छन् सबले लगानी र त्याग कति,
अलिअलि चुस्नैपर्याे नत्र किन धनकाे खती ?
✍️
ताराप्रसाद चापागाईं
धुनिबेसी।

४//
फाईदा हुने ठाउँमा लगाउ लगानी,
धेरै रुनुपर्छ नत्र पछि जानीजानी।
✍️
जगत थापा बझाङ

५//
खान पनि खाइयो मज्जाले नै पचाइयो,
फुपुको श्राद्ध परेछ सम्पती जुटाइयो ।
✍️
बुद्धिमान चौधरी
कनकाई नगरपालिका ४ झापा

६//
जसले ती मौरीहरुको मह काढी चाट्दछ ,
मीठोको स्वादमा परि उसैले दु:ख काट्दछ।
✍️
बेदु न्यौपाने काठमाडौ

७//
केही पाउनलाई केही गुमाएको होला,
यस्तै नै रहेछ दुईदिने मान्छेको चोला।
✍️
रत्ना पुन मगर
रुकुम पश्चिम्

८//
सिधासाधा थर्काउँदै लुटेर,
भ्याएसम्म उठाउँछौ कुटेर ।
✍️
ललिता कालु बिन्दास

९//
हामी नेतागणलाई झन कति छ कति गारो,
मतदाताको आँखामा हालिरहनु पर्छ छारो!
✍️
भूषण जंग
अस्ट्रेलिया!

१०//
दाँइ तिमिले आजै हाल अनि मियो पनि समाऊ,
सात पुस्तालाई पुग्ने धन यहीँ मौकामा कमाऊ।
✍️
मन्दिरा सेढाई
मलेखु,धादिङ

११//
अन्धो कानुन छ खाएको घुनले,
लाग्यो दाग कालो बस्त्रमा खुनले ।
✍️
रिजाल विनोद
बेलबारी ०२ मोरङ

१२//
भोट दिनेलाई पनि टाल्नु पर्यो नोटले,
नत्र चोट दिईहाल्छ यही खैरै कोटले।
✍️
घनश्याम पौडेल, सृजना चोक
पोखरा

१३//
ब्याज खोज्दाखोज्दै अब त सावाँ हराउने,
तिमी नै त हौं यो स्थिति सिर्जना गराउने ।
✍️
पूर्णबहादुर श्रेष्ठ “हृदयङकृत”
पनौती-३,काभ्रे

१४//
नेपाली राजनीति व्यापार भो नाफा मात्रै उठाए,
इमान्दार सेवक किन बन्ने? पैसा बिटो जुटाए ।
✍️
म्यामराज राई,भोजपुर

१५//
यसपाली चुनावमा जित्ने निधो भइसक्यो मेरो नाम,
तपाई नि साथ दिनुस् मनग्गे कमाउँनु हुनेछ दाम।
✍️
शर्मिला श्रेष्ठ
भैंशेपाटी,ललितपुर

१६//
उठाएर सबैबाट आफ्नो भोट भर्नलाई,
बनेकाछन् नेताहरु कुम्लो कसी तर्नलाई ।
✍️
पुष्षाशायरा । बिराटनगर ।

१७//
भोटमा उठ्दा फेरि जित्ने मौका हुन्नहोला,
लगानी उठाउन दोहन गर्नु छ खोला ।
✍️
भगवती दवाडी ,दमक,झापा

१८//
सजिलो छैन प्रभु, गर्नु जनसेवा,
सेवाको नाम गरी, खानैपर्छ मेवा।
✍️
बिके मुखिया,
दार्जीलिङ, भारत।

१९//
कोही छैन् यहाँ देश र जनताको लागि,
सर्वत्र भेटिन्छन् नेता कपटी र दागी।
✍️
सुरेशकुमार पान्डे

२०//
सुन पाउने आस गरी नुनको पैसा दियो,
हिजो भर्खर त्यसलाई अख्तियारले लियो ।
✍️
धनुष न्यौपाने
ठेगाना – गुठीचौर गाउँपालिका ०४
बिगारे जुम्ला, हाल – सुर्खेत

२१//
गरेथेँ खर्च कुर्सी बैना थियो,
दाम पुगेन भन्दै धोका दियो।
✍️
अमृत भट्टराई
मोरङ, हाल काठमाडौं

२२//
पैसाको बिटो छरेर चुनाव लडेको हो मैले,
मौकामा चौका नहाने फेरि उठाउनु त कैले ?
✍️
श्रीकृष्ण शर्मा पोखरा

२३//
पेसा राजनीति गर्छु करोडौको लगानी ,
पाँचबर्ष छिट्टै जान्छ जन्ता राख्छु जमानी ।
✍️
रामजी लामिछाने

२४//
देश बनाउनु भन्दा जनता बनाउनु छ पैला,
उन्नतिको शिखर चुमाउनुछ केको खैलाबैला ।
✍️
होम प्रसाद नेउपाने
धरान,सुनसरी ।

२५//
सक्नेभए चुनाव जितेर देखाउन तिमी पनि,
रहर मात्रै गरेर कहाँ हुन्छ नेता हुन्छु भनी
✍️
सुर्यमणी रेग्मी

२६//
लगानी उठाउनु खुवाएकाे पिलाएकाे,
सम्झनु उत्तिकै पर्छ टिकट मिलाएको ।
✍️
केशवप्रसाद ढकाल `प्रीतबीज´

२७//
अगस्ति र नेता उस्तै-उस्तै हुन् करोडौँकै हिसाबमा खाऊ,
अजीर्ण हुँदा अख्तियारले समात्छ अनि बन्दीगृह जाऊ।
✍️
अरुण कुमार भुजेल
गोरूबथान,कालेबुङ्ग।

२८//
ख्वाएको पिलाएको कुरा गर्छौं, नेताज्यू अहिले,
के खासियत छ भन तिम्रो, त्यो बाहेक पहिले ?
✍️
गोपाल कृष्ण डङ्गोल
इटहरी, सुनसरी ।

२९//
नभन्नुहोस् मलाई कुर्सी पाउन कति कति खर्च गर्यो।
सित्तैमा भोट दिँदैन् कसैले थोरै लगानी त गर्नैपर्यो।
✍️
बादल गुरुङ वियोगी
संखुवासभा, हाल काठमाडौं

३०//
बिटाे हान्दा भाेट झर्याे टन्न,
बजेट तान्दा चुँडियाे धन्न ।
✍️
रामकृष्ण दुवाडी
पाेखरा ।

३१//
कमाउ धन्दा गर्नेहरु सबै अघि सर्छन् ,
सेवा गरौं भन्नेहरु त सधैं पछि पर्छन् ।
✍️
कर्ण दयाल
मेलौली ७ बैतडी

३२//
मौकामा चौका हानी लिनुपर्छ फाइदा,
अनि पो जिन्दगीमा हुने गर्छ काइदा ।
✍️
गंगा खड्का
बूढानीलकण्ठ १, काठमाडौँ

३३//
बल्ल पाएको मौका, चाहन्छ कसले गुमाउन ?
छोड्न सक्दिन कुर्सी, नखोज्नु कसैले घुमाउन ।
✍️
रचना शर्मा प्रतीक्षा, ललितपुर

३४//
दुुर्भाग्यकाे कुरा भयाे विकासको कथाहरू,
अाफ्नै गल्ला भर्न मात्र लागेपछि नेताहरू।
✍️
भावना मञ्जु
झापा- हाल- माेरङ

३५//
खुराफाती वेइमानहरु गाेलवद्ध भै जुटाै,
उत्तम पेशा यही हाे हजुर माेजमस्ती लुटाै ।
✍️
मित्र उराठी गाैतम ,बुटवल

३६//
मासु र मदिरामा अमूल्य भोट नबेचे हुने बरु
हेर्नुस् त ! यसरी जबाफ फर्काउने गर्छन् नेताहरु ।
✍️
भद्र घर्ती कान्छा

३७//
नेपालका नेताहरु कति गिरेका,
जुनै जोगी आएपनी कानै चिरेका।
✍️
गणेश तामाङ धादिङ

३८//
बिना लगानीको हुँदैन फाइदा,
जनता फसाउने राम्रो काइदा ।
✍️
अनुग्रह राना मगर ‘पुष्प’
संखुवासभा हाल मलेसिया

३९//
लाखौं करोडौं खर्च गरेर जित मेरै हुन्छ,
भित्रभित्रै मन जलेको ब्यथा कसले सुन्छ?
✍️
सहयात्री शाेभा अर्याल
रुपन्देही १४बुटवल

४०//
खर्चिएको उठाउने खेल रे राजनीति दाउ
कसले बुझ्ने जनताको जीवनभरको घाउ ।
✍️
त्रिलोचन भण्डारी
मेचीनगर,झापा

४१//
करोडौंको बजेट नेता आफनै लागी खर्च गर्छन्,
जनताको सरापले तिनीहरु अब छिट्टै मर्छन्।
✍️
निर्मला शाही ठकुरी
दैलेख हाल दार्जिलिङ

४२//
देश लुट्नेहरुलाई उपाय यो अपार,
भ्रष्टाचारी नेतालाई शिर्षक छ हजार ।
✍️
ईशहाक हुसेन
सिमरा बारा

४३//
रिस गरेर के गर्छौ ? सीप छ खाएँ,
आनन्द प्रसंशा मानसम्मान पाएँ।
✍️
मनोहरी पौडेल
गैडाकोट १ नवलपुर

४४//
कमाउने वहाँनामा सेवा गर्छौ भन्दै,
सेवाभाव चाहनामा बस्छन् पैसा गन्दै।
✍️
दुर्गा आचार्य
मोरङ

४५//
खुवाएर, पिलाएर आइपुगेँ म यो कुर्सीसम्म
खाने हो धित नमरुन्जेल पेट हुँदासम्म टम्म ।
✍️
दीपक ठटाल जलन, खरसाङ,दार्जीलिङ,

४६//
मासु-रक्सी ख्वाउनेभन्दा खानेहरू मख्ख पर्छन् ,
मेरै राम्रो हाे भनेर आफैले हानाहान गर्छन् ।
✍️
आरपिडी बेल्बासे
तमानखाेला- ३, बागलुङ

४७//
देशको माया छैन नेतालाई के बिकास गर्छन्
नदिनाला बेचेर आफू र आफ्नाको पेट भर्छन् ।
✍️
दुर्गा भट्टराई
मोरग

४८//
चुनाव खर्च व्यापारीसँग हाे दाेकाे ,
बजारभाउ बढेर जनता राेकाे ।
✍️
प्रद्युम्न चालिसे
कटुञ्जे भक्तपुर
सु न पा ५

४९//
आफू टन्न खाएको माथिकालाई पनि पिलाएको,
त्यही भएर नै मलाई स्वार्थको पद दिलाएको ।
✍️
डम्बर थामी ‘अनुपम’
कालिन्चोक गाउँपालिका-६, दोलखा ।

५०//
लगानि उकासनलाई भ्रष्टाचारले डस्नै पर्यो !
दुहुना गाई हुन जनता महगीले कस्नै पर्यो !!
✍️
विबश पारदर्शी
भद्रपुर न० पा ० – २
झापा

५१//
भ्रष्टाचार गरी सम्पत्ति टन्न छौँ कमाएका,
जनताहरु रुँदा तिमीहरु छौ रमाएका ।
✍️
तारा घिमिरे संखुवासभा

५२//
कमाएको देख्छन् सबैले थोरैले कहाँ मान्छ
खर्च गर्छु दायाँबायाँ जस्तो आयो तेस्तै जान्छ ।
✍️
नबिन जोशी प्रदेस ७ कैलाली

५३//
रचेँ हजार सपना खर्चेँ अरबौ पैसा महल भित्र छिर्न
सक्दिन म केवल जनता को कर बिना साहुको ऋण तिर्न।
✍️
सुमिना तिमल्सिना “खुसी”
भक्तपुर

५४//
घर रित्तो पार्यौ देश-विदेशमा धाएर,
पैसा बाँड्दै हिँड्छौँ धर्मपत्नी रुवाएर।
✍️
पौडेल विमुन्स 💕 पोखरा कास्की

जय टुक्जा ! जय साहित्य !!