Category: अर्थ

काठमाडौं, ६ वैशाख । अर्थमन्त्री जर्नादन शर्माको पद धरापमा परेको छ । नेपाल राष्ट्र बैंकका गभर्नर महाप्रसाद अधिकारीलाई सर्वोच्च अदलतले काममा फर्कने गरी अन्तरीम आदेश जारी गरेसँगै उनको पद धरापमा परेको हो ।

शर्माकै चाहना अनुसार सरकारले अधिकारीलाई कारबाही गरी निलम्बन गरेको थियो । तर, अधिकारी फर्कने गरी अदालतले बाटो खोलिदिएपछि नयाँ घटना विकास भएको हो ।

शर्मा र अधिकारीबीच आर्थिक नीतिमा विवाद बढेको थियो । विशेषगरी अमेरिकाबाट ल्याइएको ४० करोड रकम अर्थ मन्त्रालयले रोक्का गरेर राखेकोमा छाड्न शर्माले दिएको निर्देशन नमानेपछि विवाद बढेको थियो ।

शर्मा दबाबमा परेपनि नेकपा माओवादी केन्द्रका अध्यक्ष पुष्पकमल दाहाल प्रचण्डले नहटाउने बताइसकेका छन् । तर, शर्मामाथि चुनौती आइपरेको छ ।

विगतमा तलिक रावललाई गभर्नरबाट हटाउन अर्थमन्त्री महेश आचार्यले सरकारमार्फत् कदम चालेपनि अदालतलको आदेशमा पुनः बहाली भए । त्यसपछि आचार्यले अर्थमन्त्रीबाट राजीनामा दिएका थिए ।-File फोटो

विराटनगर । विराटनगरस्थित हस्पिटल चोकमा आगलागी हुँदा ५० लाख बराबरको क्षति भएको छ। शोभादेवी घिमिरेको घरबाट सल्केको आगोले आसपासका चारवटा पसलमा समेत क्षति पुगेको छ ।

घिमिरेको किराना पसल, विपन राजबंशीको चिया पसल, तुलसीप्रसाद उप्रेतीको कपडा पसल अबान्सु राजबंशीको चिसा पसल जलेर पूर्णरुपमा क्षति भएको मोरङ प्रहरीका प्रवक्ता प्रहरी नायव उपरीक्षक दिपक श्रेष्ठले जानकारी दिए ।
विराटनगर महानगरपालिका दुईवटा, दमक र दुहबी नगरपालिकाबाट आएका दुईवटा दमकल, नेपाल प्रहरी, सशस्त्र प्रहरी, नगर प्रहरीले १ः४० बजे आगो नियन्त्रणमा लिइएको थियो ।

काठमाडौं । हुन्डाईले नेपालमा विक्री गर्ने सबै कारहरु विशेषत आरामदायी मानिन्छन् । आकर्षक डिजाइन, उत्कृष्ट

फिनिसिङ र निकै परिचित इन्जिनको कारण हुन्डाई आई १० नेपालमा सफल कारको रुपमा स्थापित मोडल हो ।

जेनेरेशन अनुसार आई १०, ग्राण्ड आई १० र ग्राण्ड आई १० नियोस नाम भएको यो ह्याचव्याक बाहिरबाट हेर्दा जति आकर्षक देखिन्छ । भित्र पनि त्यति नै उत्कृष्ट बनोट र फिचर लोडेड छ ।

सामान्यतया टलह्याच डिजाइनबाट प्रेरित रहेको कारण सुजुकी स्वीफ्ट र फक्सवागेन पोलोभन्दा ग्राण्ड आई १० नियोस अग्लो र बल्की देखिन्छ । यसको प्रतिस्पर्धी स्वीफ्ट स्पोर्टस् डिजाइनमा तयार भएको मोडल हो भने पोलो प्रिमियम ह्याचव्याक सेग्मेन्टको कार हो ।

ग्राण्ड आई १० नियोस टप भेरियन्टमा बाहिरी बनोटलाई उत्कृष्ट बनाउन प्रोजेक्टर हेडल्याम्प, ठूलो र फराकिलो रेडियटर ग्रिल, ड्यूलटोन डायमण्ड-कट अलोय ह्वील, सार्क फिन एन्टेना, रुफरेल दिइएको छ । यसको इन्ट्री भेरियन्टमा यी फिचर उपलब्ध छैनन् ।

हुन्डाईको सबैभन्दा बलियो पक्ष यसको इन्जिन हो । विशेषत कम्पनीले प्रयोग गर्ने १.२ लिटर नेचुरल्ली एस्पीरेटेड फोर सिलिण्डर कप्पा इन्जिन निकै सफल र प्रमाणित भएको छ । उक्त इन्जिनले प्रदान गर्ने अधिकतम ८३ पीएस पावर र ११४ एनएम टर्क नेपालको सहरी क्षेत्र वा हाइवे जहाँ चलाउँदा पनि पुग्ने पावर हो । यसले प्रतिलिटर १५ किलाेमिटर हाराहारी माइलेज दिन्छ ।

अघिनै भने जस्तो हुन्डाईले गाडीमा आरामदायी यात्रा प्रदान गर्न सधैँ क्याविनलाई फिचर लोडेड बनाउने गरेको छ । ग्राण्ड आई १० नियोसमा पनि कम्पनीले ८ इन्चको इन्फोटेन्टमेन्ट सिस्टम, अटोमेटीक क्लाइमेट कन्ट्रोल, पछाडि यात्रा गर्नेको लागि एसी भेन्ट, किलेस इन्ट्री, हाइट एड्जस्ट गर्न मिल्ने चालक सिट, ५.२ इन्चको डिजिटल स्पीडोमिटर, अटो फोल्डेवल साइड भ्यू मिरर जस्ता फिचर दिएको छ ।

मूल्य र मासिक किस्ता

हुन्डाईको आधिकारीक विक्रेता लक्ष्मी इन्टरकन्टिनेन्टल प्रालिले मग्ना, मग्ना एएमटी र स्पोट्ज भेरियन्टको विक्री गर्दै आएको छ । मग्ना म्यानुयल भेरियन्टको ३२ लाख ९६ हजार, मग्ना एएमटीको ३५ लाख २६ हजार र स्पोट्ज भेरियन्टको पनि ३५ लाख २६ हजार रुपैयाँ तोकेर विक्री गर्दै आएको छ ।

अहिले नयाँ वर्ष स्कीममा ग्रान्ड आई १० नियोस किन्ने ग्राहकलाई कम्पनीले १ लाख नगद छुट र १९ हजार अतिरिक्त नगद छुट प्रदान गरिरहेको छ । मग्ना भेरियन्टको मूल्य ३२ लाख ९६ हजारमा १ लाख १९ हजार रुपैयाँ घटाउँदा ३१ लाख ७७ हजार पर्छ । त्यसको ५० प्रतिशत डाउन पेमेन्ट गरेपछि १५ लाख ८८ हजार ५०० रुपैयाँ बैंकबाट कर्जा लिन सकिन्छ ।

कर्जा वापतको रकम ७ वर्षमा अनुमानित १२ प्रतिशत ब्याजदरका दरले तिर्दा हरेक महिना २८ हजार ४१ रुपैयाँ तिर्नु पर्ने हुन्छ । यसको मग्ना अटोमेटीक र स्पोट्ज भेरियन्ट किन्ने ग्राहकले भने करिब ३० हजार रुपैयाँ मासिक किस्ता तिर्नुपर्छ ।

काठमाडौं। एक महिना अगाडि साउदी उडान अनुमति पाएको नेपाल वायुसेवा निगमले अग्रिम बुकिङ सुरु गरेको छ। आउँदो शुक्रबार (अप्रिल २२ तारिख)बाट सुरु गर्न लागेको नियमित उडानका लागि निगमले सुरुवाती भाडादर ३७ हजार रुपैयाँ निर्धारण गरेको प्रवक्ता अर्चना खड्काले बताइन्।

राष्ट्रिय ध्वजावाकले यो गन्तव्यमा सेडुल फ्लाइट सुरु गरेसँगै वैदेशिक रोजगारमा जाने नेपालीलाई सेवा र भाडादर र सेवामा थप सहज हुने उनले जानकारी दिइन्। ‘निगमले अहिलेसम्म उडान गर्दै आएको गन्तव्यमा पहिलो प्राथमिकता नै नेपालीलाई नै दिँदै आएको छ। साउदी उडान सुरु गरेसँगै यात्रुलाई थप सहज हुनेछ,’ प्रवक्ता खड्काले भनिन्,’बुकिङ उल्लेख्य आइरहेको छ।’

उनका अनुसार निगमले यो गन्तव्यमा साताको दुईवटा उडान गर्नेछ। काठमाडौं-रियाद उडान दुरी सवा ६ घण्टा र रियाद-काठमाडौं उडान दुरी ४ घण्टा रहेको निगमले जनाएको छ। यो गन्तव्य उडानका लागि निगमले आफूसँग भएको न्यारोबडी र वाइडबडी दुवै सिरिजको जहाज प्रयोग गर्ने जनाएको छ।

निगमले गत फागुन २२ गते साउदी अरेबियाका लागि नियमित उडानको अनुमति पाएको थियो। साउदीको जनरल अथोरिटी अफ सिभिल एभिएसन (जीएसीए) ले २२ फागुनमा निगमलाई औपचारिक रुपमा उडान अनुमति दिएको निगमले जनाएको छ।

यससँगै अब वैदेशिक रोजगारीका लागि साउदी गएका नेपालीहरुले अब आफ्नै देशको ध्वजाबाहक जहाजमा आउजाउ गर्न पाउने भएका छन्। नेपाली श्रमिकको संख्याका हिसाबले मलेसियापछि साउदी दोस्रो ठूलो वैदेशिक रोजगार गन्तव्य हो।

निगमले साउदीका तीन गन्तव्यमा काठमाडौंबाट नियमित उडान थाल्ने अनुमति पाएको हो। जसमा रियाद, दमाम र जेद्दा शहर छन्। निगमका अनुसार साउदी उडानका लागि जेद्दास्थित एम/एस फैसालिआ मोडर्न एभिएसनलाई जीएसएमा छनोट गरिसकिएको छ।

गत दसैंअघि नै यो गन्तव्यमा नियमित उडान गर्ने योजना बनाएको निगमले साउदी सरकारबाट अनुमति नआएको कारण उडान गर्न पाएको थिएन। करिब तीन वर्ष अघिदेखि यो गन्तव्यमा उडानका लागि प्रक्रिया सुरु गरे पनि जीएसएको टुंगो लागेको थिएन।

काठमाडौं । सुपर शोकोले विक्री गर्दै आएको इलेक्ट्रीक मोटरसाइकल डाउन पेमेन्ट बिना खरिद गर्न सकिने स्कीम सार्वजनिक भएको छ । कम्पनीले शून्य डाउन पेमेन्टमा नै इलेक्ट्रीक मोटरसाइकल खरिद गर्न सकिने स्कीम ल्याएको हो ।

सुपर शोको इलेक्ट्रीक मोटरसाइकल तथा स्कुटरको लागि नेपालको आधिकारिक वितरक डि–लाइफस्टाइलले नयाँ वर्ष २०७९ को अवसरमा उक्त स्कीम सार्वजनिक गरेको हो ।

कम्पनीले ल्याएको यो स्कीममा ग्राहकले नगद १५ हजार रुपैयाँदेखि ३० हजार रुपैयाँसम्म नगद छुट प्राप्त गर्न सक्नेछन् । साथै, यो योजना अन्तर्गत कम्पनीले एक्सचेन्ज स्कीमसमेत दिएको छ ।

ग्राहकले कुनैपनि ब्राण्डको पुराना मोटरसाइकल तथा स्कुटरसँग सुपर शोकोको नयाँ मोटरसाइकल तथा स्कुटर एक्सचेन्ज गर्न सक्नेछन् । यसरी एक्सचेन्जमा आउने ग्राहकले मासिक ४ हजार १ सय ९५ रुपैयाँ मासिक किस्तामा मोटरसाइकल तथा स्कुटर खरिद गर्न सक्ने छन् । त्यसको लागि ५० प्रतिशत डाउन पेमेन्ट बापतको रकम पुग्नु पर्ने हुन्छ ।

कम्पनीका अनुसार यो योजना चैत्र २४ देखि बैशाख ३१ गतेसम्म संचालन हुनेछ । सुपर शोकोका मोटरसाइकल तथा स्कुटरहरुमा २ वर्षको वारेन्टी कम्पनीले प्रदान गर्दै आएको छ ।

काठमाडौं । नेपालमा विक्री हुने कार मध्ये फक्सवागेनका कारमा सर्वाधिक धेरै किलोमिटर गुडेपछि सर्भिसिङ गरे हुन्छ । नेपालमा धेरै ब्राण्डले ३ देखि ४ हजार किलोमिटरमा नै गाडी सर्भिसिङ गर्न लगाउँछन् ।

केही ब्राण्डले ६ देखि १० हजार किलोमिटरमा सर्भिसिङ गर्नु पर्ने ब्यवस्था गरेको भएपनि फक्सवागेनले १५ हजार किलोमिटर पछि मात्रै सर्भिसिङ गराउँछ । अहिले विशेषगरी फक्सवागेनले पोलो ह्याचव्याक र टाइगुन एसयूभीलाई प्राथमिकतामा राखेर विक्री गर्दै आएको छ ।

फक्सवागेनको आधिकारीक विक्रेता पुजा इन्टरनेशनल नेपालले अहिले नयाँ वर्ष २०७९ को विशेष योजना ल्याएको छ । यस योजनामा गाडी किन्ने ग्राहकले पोलो ह्याचव्याक १४ हजार ९९९ रुपैयाँ र २२ हजार ९९९ रुपैयाँ मासिक किस्तामा टाइगुनको सुरुवाती भेरियन्ट उपलब्ध गराउने जनाएको छ ।

कम्पनीका अनुसार पोलो र टाइगुनमा घोषणा भएको मासिक किस्ता ६ महिनाको लागि मात्रै हो । ६ महिनापछि दुबै गाडीको मासिक किस्ता यसको दोब्बर हुन्छ । यसको मतलव पोलोको करिब ३० हजार र टाइगुनको मासिक किस्ता ४६ हजार हाराहारी तिर्नु पर्ने हुन्छ ।

कम्पनीले यसरी सरल किस्ता बन्दीमा गाडी दिने योजना अप्रिल ३० तारिखसम्म मात्रै संचालन गर्ने जनाएको छ । फक्वागेन पोलो र टाइगुन दुबै कारमा फक्सवागेनको १.० लिटर टिएसआई इन्जिन उपलब्ध छ । यी दुबै कार सुरक्षा र उच्च माइलेजको लागि परिचित रहेका छन् ।

फक्सवागेन पोलो विगत १० वर्षदेखि नेपालमा विक्री हुँदै आएको छ भने टाइगुन अघिल्लो वर्ष नेपाल आएको मोडल हो ।

काठमाडौं, चैत ३०। बैंकिङ क्षेत्रसँग रहेको विदेशी विनिमय सञ्चिति ७ दशमलव ४ महिनाको वस्तु आयात र ६ दशमलव ७ महिनाको वस्तु तथा सेवा आयात धान्न पर्याप्त रहने नेपाल राष्ट्र बैंकले जनाएको छ ।

मंगलबार आठ महिनाको प्रतिवेदन सार्वजनिक गर्दैै राष्ट्र बैंकले बैंक तथा वित्तीय संस्थामा विदेशी विनिमय सञ्चिति २०७८ फागुन मसान्तमा शून्य दशमलव ९ प्रतिशतले कमी आई १ खर्ब ५२ अर्ब ९५ करोड मात्र रहेको छ ।

२०७८ असार मसान्तमा १ खर्ब ५४ अर्ब ३९ करोड रहेको थियो । केन्द्रीय बैंकका अनुसार फागुन मसान्तको कुल विदेशी विनिमय सञ्चितिमा भारतीय मुद्राको अंश २४ दशमलव २ प्रतिशत रहेको छ ।

नेपाल राष्ट्र बैंकसहितसँग रहेको विदेशी मुद्रामा भने २०७८ फागुन मसान्तसम्ममा १६ दशमलव ३ प्रतिशतले कमी आएको छ । २०७८ असार मसान्तमा १३ खर्ब ९९ अर्ब ३ करोडबराबर रहेको कुल विदेशी विनिमय सञ्चिति १६ दशमलव ३ प्रतिशतले कमी आई २०७८ फागुन मसान्तमा ११ खर्ब ७१ अर्ब कायम भएको छ ।

अमेरिकी डलरमा यस्तो सञ्चिति २०७८ असार मसान्तमा ११ अर्ब ७५ करोड रहेकोमा २०७८ फागुन मसान्तमा १८ दशमलव ५ प्रतिशतले कमी आई ९ अर्ब ५८ करोड कायम भएको छ ।

रेमिट्यान्स कम मात्र आउनु, निर्यातमा कमी हनु, आयात बढ्नु, वैदेशिक अनुदान र लगानी नआउनुजस्ता कारणले विदेशी मुद्रा सञ्चिति घट्दै गएको हो । वैदेशिक मुद्रा सञ्चितिमा मात्र नभई अन्य क्षेत्रमा पनि संकट उत्पन्न हुन थालेको संकेत राष्ट्र बैंकको प्रतिवेदनले देखाएको छ ।

आठ महिनामा शोधनान्तर स्थिति थप घाटामा गएको छ । चालू आर्थिक वर्षको फागुनसम्म मुलुकको भुक्तानी सन्तुलन २ खर्ब ५८ अर्ब घाटामा रहेको छ । माघसम्म यस्तो घाटा २ खर्ब ४७ अर्ब थियो ।

फागुनमा मात्रै शोधनान्तर स्थिति थप ११ अर्ब घाटामा गएको हो । विदेशी मुद्रा आउनेभन्दा बाहिरिने बढ्दा शोधनान्तर घाटा बढ्ने गर्छ ।अघिल्लो वर्षको यसै अवधिमा शोधनान्तर स्थिति ६८ अर्ब १ करोडले बचतमा रहेको आजको राजधानी दैनिकमा खवर छ ।