मलेसियाको सेरेम्बानमा रहेको एक रेष्टुरेन्टमा दुई नेपाली सुरक्षगार्डको हत्या भएको छ । डिसेम्बर ३ तारिख अर्थात शनिबार दिउँसो मलेसियाको राजधानी क्लालालम्पुरबाट करिब ६५ किलोमिटर दक्षिणमा पर्ने सेरेम्बानमा रहेको एक रेष्टुरेन्ट परिसरमा हथौडाले हानेर उनीहरुको हत्या गरिएको अवस्थामा भेटिएको स्थानीय प्रहरीलाई उद्धृत गर्दै मलेसियाको सरकारी सञ्चारमाध्यम बेर्नामाले उल्लेख गरेकोे छ ।
मृतक सुरक्षागार्डहरुको अनुहारमा धेरै वटा चोट लागेको बताइएको छ । रगत जमेका कारण अनुहारमा लागेका चोट कालो भएको प्रहरीले बताएको छ । सेरेम्बान प्रहरीका सहायक कमाण्डर नन्द मारोफले घटनाका बारेमा स्थानीय बासिन्दाबाट शनिबार साँझ पौने सात बजेतिर सूचना पाए लगत्तै घटनास्थलमा पुग्दा दुई जना मृत र एक जना जीवित गरी तीन जना नेपाली फेला परेको बताएका छन् ।
मृतकहरुको नाम र नेपालमा उनीहरुको ठेगाना खुलाइएको छैन । तर उनीहरु मलेसियामा सुरक्षागार्डको रुपमा काम गर्नेहरु भएको सुनिश्चित गरिएको प्रहरीले बताएको छ । मृतकहरुको उमेर ३५ वर्ष र ४६ वर्ष रहेको पनि अनुसन्धानका क्रममा खुलेको प्रहरीले बताएको छ ।
मृतकहरुको शव एकअर्काबाट टाढै र फरक–फरक स्थानमा पाइएको भन्दै प्रहरीले फरेन्सिक जाँचपछि हत्याको उद्देश्य र अन्य विषय पत्ता लाग्ने बताएको छ । मलेसियाको प्रहरीले आक्रमणमा हथौडा प्रयोग भएको र उक्त हथौडा बरामद गरेको बताएको छ ।
मारोफका अनुसार जीवित फेला परेका नेपालीलाई नियन्त्रणमा राखिएको छ । घटनाको मलेसियाको दण्डसंहिताको धारा ३०२ अन्तर्गत अनुसन्धान भइरहेको छ । रेष्टुरेन्ट नजिकै रहेको सिसिटिभी भिडियो फुटेजबाट घटनाको कारण र पक्राउ परेका नेपालीको संलग्नता रहे/नरहेको बारेमा प्रहरीले अनुसन्धान गरिरहेको समाचारमा उल्लेख छ ।
सयुक्त अरब इमिरेट्समा घर ठेगना खुल्न नसकेको एक महिलाको निधन भएको र उनको पार्थिव शरीर युएइको अस्पतालमा अलपत्र अबस्थामा रहेको बताईएको छ।
फेशबुक मार्फत तिलक पुन द्वारा गराईएको जानकारी अनुसार उक्त महिलाको नाम मिना पान्डे तथा राहदानी नम्बर ५१२८२७ रहेको बताएका छन्।
मुत्युको कारणभने प्रष्ट रुपमा जानकारीमा नआएको उक्त महिलाका आफ्ना आफन्तलाई सम्पर्कमा आउन आह्वान गरिएको छ।
कोही कसैले महिलाको आफन्त बारे जानकारी भए झापाली समाज युएईका अध्यक्ष अमर राई तथा महासचिव डिएस नेपाल वा सचिव लोकेश कोइरालाको मोबाइल नम्बर मा फोन गरी जानकारी गराउन सक्नुहुनेछ भनी उल्लेख गरिएको छ।
झापाली समाज यु ए इ महासचिव= Ds नेपाल +971552806223 अध्यक्ष =अमर राई +971 52 866 9978 सचिब=लोकेश कोइराला+971 55 583 1388
रियाद – रियादको वादी दवासिर क्षेत्रमा शुक्रबार भएको एउटा भयानक दुर्घटनामा एकै परिवारका सात सदस्य र एक फिलिपिनो कामदारसहित आठ साउदी नागरिकको मृत्यु भएको छ भने दुई जना घाइते भएका छन् ।
दुर्घटना पष्ताच एउटा गाडीमा आगो लागेको र यात्रुहरुको जलेर मृत्यु भएको छ । उक्त गाडीमा एकै परिवारका आठ सदस्य र घरेलु कामदार सवार थिए । अल-रेन – वादी अल-दवासिर रोडमा अर्को गाडीसँग ठोक्किँदा गाडीमा आगलागी भएको थियो।
साउदी गजेटका अनुसार मृतक परिवारमा बुवा, आमा र पाँच छोराछोरी रहेका छन् भने उनिहरु आभाबाट रियादको यात्रामा थिए । १३ वर्षीया बालिका उक्त परिवारको एक्ली बाँचेकी सदस्य थिइन्। जीएमसीमा परिवारका अन्य सदस्यसँगै यात्रा गरिरहेकी ति बालिका दुर्घटनाबाट चमत्कारी रूपमा जोगिएकी छन् । घाइतेहरूलाई वादी अल-दवासिर जनरल अस्पताल र रानिया जनरल अस्पतालमा भर्ना गरिएको छ।
बैदेशिक रोजगारीको शिलशिलामा कुवेत आएकी कल्पना राईको मृत्यु भएको छ खोटाङ् जिल्ला आइसेलुखाराक ५ फुर्सेकी कल्पना राईले नोभेम्बर १६ तारिख आत्महत्या गरेको बुझिएको छ । घरेलु कामदारको रुपमा कार्यरत पासपोर्ट नम्बर १०६८४८०५ रहेकी मृतक राईको परिवारलाई सम्पर्कमा आउँन नेपाली दुताबास कुवेतका दुर्तीय सचिब श्रीकृष्ण सिलवालले आग्रह गर्नु भएको छ।
केकारणले उनले आत्महात्या गरिन भन्ने बारेमा खुल्न सकेको छैन । मृतकको परिवार सम्पर्कमा आए पश्चात मृतक राईको सब नेपाल पठाउने प्रक्रिया अघि बढ्ने हुदा यदि कुवेतमा कार्यरत खोटाङ्ग जिल्लाबासी कसैलाई मृतक राईको बारेमा जानकारी र परिवारसँग चिनजान भएमा नेपाली दुतावास कुवेतमा सम्पर्क गराईदिनु हुन् समेत नेपाली दुतावासले अनुरोध गरेको छ ।
अवैधरूपमा अमेरिका छिर्ने भन्दै संगठित मानव तस्करको भर परेर हिँडेका नेपालीहरूको मृत्यु शृंखला काठमाडौँ — २०७८ असारको पहिलो साता अवैधरूपमा कोलम्बियाबाट ब्राजिल छिर्ने क्रममा भएको डुंगा दुर्घटनामा सात नेपालीको मृत्यु भएको घटना बिर्सिन नपाउँदै सोही क्षेत्रमा उस्तै प्रकृतिको घटना भएको छ ।
डुंगा दुर्घटना हुँदा केही नेपालीको मृत्यु भएको अपुष्ट खबर सार्वजनिक भएको हो । क्यारेबियन सागरमा हराए ७ नेपाली प्राप्त विवरणहरूअनुसार गत आइतबार भएको दुर्घटनामा ३ नेपाली, २ बंगालादेशी र १ भारतीयको मृत्यु भएको छ ।
दुर्घटनाबारे नेपाल सरकारको आधिकारिक निकाय भने बेखबर देखिएको छ । कान्तिपुरको सम्पर्कमा आएका स्रोतहरूका अनुसार दुर्घटनामा रुकुम पश्चिमका २ र प्यूठानका एक जना परेका छन् । कोलम्बियाबाट अवैध रूपमा ब्राजिल छिर्न भन्दै उक्त डुंगामा एक दर्जनभन्दा धेरै
उक्त दुर्घटनामा परी रुकुम पश्चिमको बाँफिकोट–७ का २५ वर्षीय प्रदीप खत्री, मुसीकोट–५ का अन्दाजी ४० वर्षका रमेश गौतम र प्यूठानका काले गिरी बेपत्ता भएका छन् । रमेशकी पत्नी लीला बोहराले कान्तिपुरसँगको कुराकानीमा श्रीमान्सँगै डुंगामा सवार एक जनाले डुंगा दुर्घटना भएको खबर भ्वाइस म्यासेजमार्फत पठाइदिएको र श्रीमान्को अवस्थाबारे आफूहरू जानकार नरहेको बताइन् । उनका श्रीमान् गत वैशाख ९ मा अवैध रूपमा अमेरिका छिर्ने भन्दै घरबाट हिँडेका थिए । रमेशको परिवारका एक सदस्यले उनले कोलम्बियासम्म पुग्ने क्रममा मात्रै अनुमानित ३६ लाख खर्चिसकेको बताए । ती सदस्यले भने, ‘परिवारको एजेन्टसँग कुराकानी भइरहेको देखिन्छ । तर दुर्घटनामा रमेश मरे वा बाँचेको यकिन खबर एजेन्टले सुनाइरहेका छैनन् ।’
डुंगा दुर्घटनामा परेका प्रदीप खत्रीका भाइ सुदर्शन खत्रीले दुर्घटित डुंगामा सवार अन्य नेपालीबाट आफूहरुले घटनाबारे थाह पाएको बताए । उनले डुंगा मध्यरातमा दुर्घटना भएको, घटनापछि ३ जना बेपत्ता भएको र त्यसमध्ये दाइ पनि परेको सूचना पाएको बताए । सुदर्शनका अनुसार गत वर्षको असोजतिरै दाइ अवैधरुपमा संगठित मानव तस्करको सहयोगमा अमेरिका जान भनेर हिँडेका थिए ।
कान्तिपुरको सम्पर्कमा आएका प्रदीपका एक नातेदारका अनुसार उक्त डुंगामा २५ जना सवार रहेको र तीमध्ये आधाभन्दा धेरै रुकुम पश्चिम, प्युठान र बर्दियाका भएको दाबी सुनाए । उनले बाँफिकोटकै टिकाराम पुन: पनि उक्त दुर्घटनामा परेको तर सेनाले समयमै उद्धार गरेकाले केही नभएको सुनाए । स्रोतका अनुसार अमेरिका जान भनेर हिडेको धेरैजसोले नेपालमै रहेको एजेन्टलाई किस्ता किस्तामा रकम बुझाएको र धेरैजसोले २० देखि २५ लाख खर्चिसकेको देखिन्छ ।
२०७८ असारमा अवैध रूपमा अमेरिका छिर्ने यात्रामा कोलम्बिया हुँदै अगाडि बढ्ने क्रममा भएको दुर्घटनामा मृत्यु भएकाहरूको परिवारले संगठित मानव तस्करका एजेन्ट भन्दै टोपबहादुर जीसीविरुद्ध प्रहरीको मानव बेचबिखन अनुसन्धान ब्युरोमा उजुरी गरेका थिए ।
कसले पुर्यायो नेपाली युवालाई कोलम्बिया ? ब्युरोले २०७६ जेठ २७ मा पनि मानव बेचबिखन तथा ओसारपसार र संगठित अपराधमा मुद्दा चलाएपछि जीसी पक्राउ परेका थिए । २०७६ असार ५ मा काठमाडौं जिल्ला अदालतबाट १५ लाख रुपैयाँ धरौटीमा छुटेपछि जीसी पुन: मानव बेचबिखनमा सक्रिय भएका थिए । ब्युरो स्रोतका अनुसार दोस्रो घटनामा पनि अनुसन्धानमा तानिएका जीसी महिनौं विदेशमा फरार रहेपछि प्रहरीले प्रहरीको अन्तर्राष्ट्रिय संगठन (इन्टरपोल) को सहायतामा पक्राउ गर्ने प्रयास गरेको थियो । उनले दुई महिनाअघि नेपाल आएर आत्मसमर्पण गरेका थिए । जीसी अहिले केन्द्रीय कारागारमा पुर्पक्षका लागि थुनामा छन् ।
मानव बेचबिखन अनुसन्धान ब्युरोले पनि पानामाको पछिल्लो दुर्घटनाबारे केही सूचनाहरू पाएको देखिन्छ । तर पीडित परिवारका सदस्यहरू प्रहरीमा नआएकाले थप अनुसन्धान नबढाएको देखिन्छ ।
साउदी अरबको अल्कासिममा कामविहीन भई अलपत्र अवस्थामा रहेका ६ जना नेपालीलाई आरसीसी अल्कासिमको समन्वय र नेपाली राजदुतावास रियादको विशेश पहलमा उद्धार गरि नेपाल फर्काइयको छ भने बाँकी रहेका पाँचजना टिकटको पर्खाइमा रहेको त्यहाँ स्थितआरसिसी अल्कासिमका संरक्षक तथा सामाजिक अभियन्ता बिशाल श्रेष्ठले बताउनुभयो।
करिब एक बर्ष पहिले नेपालबाट आई छ महिना देखी इकाम रिनु नभएर काम बिहिन भएका एघार जना पीडित नेपालीहरुलाइ आरसिसी अल-कासिमको समन्वय र नेपाली राजदुतावास रियादको विशेश पहलमा बहिर्गमन भिसा लगाइएता पनी टिकटको अभावमा छ जनालाई मात्र नेपाल पठईएको र टिकटको व्यवस्था मिलाएर बाँकी पाँच जनालाई पनी छिट्टै नेपाल पठाउने तयारी भइरहेको श्रेष्ठले बताउनुभयो।
पीडितहरु महोत्तरी जिल्ला निवासी राम जीवन दास काथवनिय, सिरहा जिल्ला निवासी शिव सुन्दर मन्डल, प्रमोद कुमार मन्डल, बिशाल सर्मा तिवारी, इश्वरी प्रशाद भुसाल, सन्तोष कुमार मन्डल, रौतहट जिल्ला निवासी निरन्जन साह, राजेस बैठा, सुभ नारायण राय यादव र बारा जिल्ला निवासी स्यामबाबु प्रसाद यादव, छोटेलाल यादव बिशाल श्रेष्ठको सम्पर्कमा आएका थिए ।
पीडितहरुका अनुसार करिब एकबर्ष पहिले नेपाल स्थित प्रतिज्ञा ओभरसिसबाट साउदी अरबको जेद्दा स्थित एसिसी कम्पनीमा आएका थिए भने छ महिना पछी कम्पनी द्वारा इकामा नवीकरण गर्न नसक्दा काम बिहिन भएर तिन महिना पहिलेनै कासिम आएका र त्यहाँ पनी खाना बस्नको समस्या भए पछी प्रतिज्ञा ओभरसिस संग समन्वय गरेर खानाको लागि केही रकम पनी उपलब्ध गराइएको श्रेष्ठले बताउनुभयो ।
काठमाडौं : साउदी अरबमा एक नेपालीलाई मृत्युदण्ड दिइएको छ। मृत्युदण्डको सजाय पाएर १५ वर्षदेखि जेल जीवन बिताइरहेका उदयपुरका विवेक दाहालको मृत्युदण्डको सजाय कार्यान्वयन गरिएको हो।
मृत्युदण्डपछि उनको शव परिवारलाई नदिई साउदीमा जमिनमा गाडिएको छ। रियादस्थित नेपाली दूतावासकाअनुसार जुवेल जेल प्रशासनले कार्तिक ६ गते दाहाललाई मृत्युदण्डको सजाय कार्यान्वयन गरेको हो।
साउदीका लागि नेपाली राजदूत नवराज सुवेदीले दूतावासलाई जानकारी नदिई मृत्युदण्डको सजाय कार्यान्वयनमा आएको बताए।
‘दाहाललाई माफी दिइन्छ भनेर हामी ढुक्क थियौं। तर एक्कासि मृत्युदण्डको सजाय कार्यान्वयन गरिएको खबर आयो। जेल प्रशासनले ४८ घण्टापछि मात्रै सूचना दियो,’ सुवेदीले भने, ‘यो हाम्रो लागि निकै दुर्भाग्यपूर्ण हो।’
विवेक दाहालले सन् २००७ फेब्रुअरी २ मा आफन्त राजेन्द्र विष्टको हत्या गरेका थिए। अदालतले विष्टको हत्या गरेको ठहर गर्दै मृत्युदण्डको सजाय सुनाएको थियो।
२००६ मा साउदी अरब पुगेका दाहाल, विष्ट र सुडानी नागरिक साउदी मरुभूमिमा ऊँटको हेरचाह गर्ने काम गर्थे। दाहालले सुतिरहेको बेला विष्ट र सुडानी नागरिक हत्या प्रयास गरेका थिए। विष्टको तत्काल मृत्यु भएको थियो भने सुडानी नागरिकको आँखामा क्षति पुगेको थियो। उनीमाथि पशु करणी गरेको आरोप लागेको थियो।
वैदेशिक रोजगारका लागि साउदी अरबमा रहेका रोल्पाका एक युवकको रियादमा मृत्यु भएको छ । साउदीस्थित रियादको एक रेस्टुराँमा कार्यरत पूर्वी रोल्पाको लुंग्री गाउँपालिका–५ गोठीबाङ बडाचौरका ४१ वर्षीय हिरे घर्तीमगरको सोमबार (अक्टोबर ३१) मृत्यु भएको उनको परिवारले जनाएको छ ।
हिरेका भाई सुन्दरबहादुरका अनुसार काम गर्दागर्दै कात्तिक ८ गते अचानक बेहोस भएका हिरेलाई उपचारका लागि किङ सलमान अस्पतालमा पुर्याएर भर्ना गरिएको थियो । करिब एक सातासम्म अस्पतालमा राखिए पनि सन्चो नभएको र अस्पतालमा सोमबार उनको मृत्यु भएको जानकारी पाएको उनले बताए ।
‘त्यहाँको नेपाली दूतावासका कर्मचारीसँग सम्पर्क गरेका थियौं, सुरुमा उपचार हुन्छ भन्ने खबर आयो । एक सातापछि भने बचाउन सकेनौं, मृत्यु भयो भन्ने जानकारी आयो,’ सुन्दरले भने ।
विदामा घर आउने योजनामा रहेका हिरे रेस्टुराँमा काम गर्ने क्रममा अचानक ढलेका थिए । रियादस्थित अल्कावसा अल्हासावैह नामको कम्पनीमा कुकका रुपमा कार्यरत उनलाई बिरामी भएबित्तिकै अस्पताल पुर्याइएको थियो । ‘सुरुमा ब्रेन ह्यामरेज भएको खबर आएको थियो, अस्पतालमा आफ्नो मानिसलाई पठाएर उपचार गराउने व्यवस्था मिलाएका थियौं । उपचार भएन,’ सुन्दरले भने ।
बिरामी हिरेलाई एउटै कोठामा सँगै बस्ने साथीले अस्पतालमा पुर्याएका थिए । सुरुमा अप्रेसन गरेर ज्यान जोगाउन सकिने परिवारमा जानकारी आएको थियो । अस्पतालमा पुर्याएपछि उनी बेहोस भएका बेलामा अंग दान गर्नेबारे अस्पतालका कर्मचारीले परिवारसँग अनुमति मागेका थिए । परिवारले अंग दान गर्ने अनुमति नदिएको सुन्दरले बताए ।
अंग दान गर्नेबारे अस्पतालबाट च्याटमा र मौखिक रुपमा अनुमति मागिएको भए पनि परिवारले उपचार गर्नतिर ध्यान दिन आग्रह गरेको थियो ।
अस्पताल पुर्याएको तेस्रो दिनदेखि आफन्तलाई भेट गर्न नदिएको सुन्दरको गुनासो छ । यसैबीच, हिरेको मृत्यु भएको वा हत्या गरिएको भन्नेबारे परिवारले आशंका गरेको छ । नेपालमा ल्याइएको शवको पोष्टमार्टम गर्न र अंगभंग नभएको शव बुझ्ने पारिवारिक चाहना भएको सुन्दरले बताए ।
७ वर्षअघि पहिलोपटक साउदीमा गएका हिरे एक पटक विदामा घर आएका थिए । घरमा उनका दुई छोरी र दुई छोरा गरी चार सन्तान छन् । एक वर्षअघि सुन्दरका एक आफन्त भाईको मृत्यु साउदीमै भएको थियो ।
काठमाडौँ | वैदेशिक रोजगारको क्रममा लाखौँ नेपालीहरु खाडीका बिभिन्न देशहरुमा छन् । अहिले बिभिन्न खाडी मुलुकहरुको भिसा सहि छ कि छैन, भन्ने कुरा अनलाइनबाटै चेक गरेर थाहा पाउन सकिन्छ ।
तपाईँलाई जारी गरिएको भिसा सक्कली हो कि हैन हेर्नका लागि तल उपलब्ध देशमा क्लिक गर्नुहोस् ।
रियाद – शिक्षा मन्त्रालयले ‘स्टडी इन साउदी अरेबिया’ नामक नयाँ महत्वाकांक्षी शैक्षिक कार्यक्रमका लागि नाम दर्ता गराउने अन्तर्राष्ट्रिय विद्यार्थीको संख्या ५० हजार नाघेको पुष्टि गरेको छ ।
दर्ता प्रक्रिया ‘स्टडी इन साउदी अरेबिया’ प्लेटफर्म (https://studyinsaudi.moe.gov.sa) मार्फत नाम दर्ता गराउने मिति जनवरी २०२३ को मध्यसम्म जारी रहने मन्त्रालयले जनाएको छ।
यूएईको शारजाहमा भईरहेको एक्स्पो सेन्टरमा शनिबार सम्पन्न १८औँ अन्तर्राष्ट्रिय शिक्षा सम्मेलनमा दर्ताका लागि ठूलो सहभागिता रहेको थियो । युएईको शिक्षा मन्त्रालय र शारजाह प्राइभेट एजुकेशन अथोरिटीको संयुक्त आयोजनामा भएको चार दिने कार्यक्रममा साउदी शिक्षा मन्त्रालय र साउदी विश्वविद्यालयहरूले सहभागिता जनाएका थिए।
साउदी अरबको मन्त्रिपरिषद्ले सेप्टेम्बर २७ मा दीर्घकालीन र छोटो अवधिको शैक्षिक भिसा जारी गर्ने ऐतिहासिक निर्णय लिएको थियो, जस अन्तर्गत विश्वभरका पुरुष र महिला विद्यार्थी, अनुसन्धानकर्ता र शिक्षाविद्हरूलाई साउदी अरबमा उच्च अध्ययनका लागि शैक्षिकहब को रूप मा विकास गर्ने उद्देश्यले कार्यक्रम ल्याएको बताईएको छ।
शिक्षा मन्त्रालयले शैक्षिक भिसा योजनाले उत्कृष्ट प्रतिभा भएका विद्यार्थीलाई आकर्षित गर्नुका साथै शैक्षिक प्रक्रियाको गुणस्तर र अनुसन्धान र नवप्रवर्तनको उत्पादन बढाउने लक्ष्य लिएको स्पष्ट गरेको छ ।
यस योजनाले साउदी अरबलाई विश्वव्यापी शैक्षिक संस्थाहरूको वर्गीकरण र दक्षताको स्तर बढाउन र मध्यस्थता र अरबी भाषा शिक्षाको मूल्यहरू फैलाउन राज्यको योगदान बढाउनुका साथै साउदी अरबलाई एक आकर्षक विश्वव्यापी शैक्षिक गन्तव्यको रूपमा प्रस्तुत गर्ने लक्ष्य राखेको छ।
