टुक्कामाथि टुक्का’ को १२औं शृङ्खला सम्पन्न; ५९ जना सर्जकहरूको सहभागीता

काठमाडौ, २६ मंसिर । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको १२औं शृङ्खला शनिबार सम्पन्न भएको छ ।
अभ्यासमा ५९ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।

अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।

‘टुक्का माथि टुक्का’ व्यङ्ग्यात्मक टुक्का लेखन अभ्यासको १२औं शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासका लागि राखिएको टुक्का

लाग्दैन म झैँ वरिष्ठ, कोही छ मानिस अरू,
होलान् मेरो प्रगतिमा, आरिसले जल्नेहरू।
✍️ वसन्त अनुभव

सहभागी टुक्काकारहरूले अभ्यासका क्रममा सृजना गर्नुभएको टुक्काहरू

१//
हजुर नै हो वरिष्ठ मान्छे, यो सारा जगतको,
आफैंले आफैं स्वघोषणा गर्ने मूर्ख फगतको ।
✍️
वसन्त अनुभव

घोराही उपमहानगरपालिका १४, दाङ

२//
बेअर्थमा खुसी थिएँ यथार्थमा छ जलेकाे,
नमीठो त्याे बचनले प्रतिदिन छ मरेकाे।
✍️
भावना मञ्जु

माेरङ

३//
सर्वेसर्वा म नै हुँ भाँड भैलाेमा अघि सर्छु,
अरुकाे बालै छैन् खाने थालमा फाेहार गर्छु।

✍️ ताराप्रसाद चापागाईं

४//
वरिष्ठ नै मै हुँ भनी हंगामा गर्दै उठेको,
आफैंले खाएको थालमा लौ कसरी चुठेको ।
✍️

बेदु न्यौपाने काठमाडौ

५//
मुल्यांकन गर्ने अर्काले,
पीडित रुदै छ मर्काले ।
✍️
भुपेन्द्र राना मगर

धादिङ

६//
केही हुँदैन् जल्नेलाई जल्न दिनुपर्छ,
जो जसले सक्छ उसले प्रगति गर्छ ।
✍️
रत्ना पुन मगर

रुकुम

७//
देशभरि समृद्धिको बाटो मात्र खोजी गर्छु,
काम बन्ने उद्देश्यले सुनचाँदी पैसा भर्छु।
✍️
पौडेल विमुन्स

पोखरा कास्की 💕

८//
कुनै खाले दोष देख्दिनँ म आँफु भित्र,
ईर्ष्या डाहाले भुतुक्क भएका हुन् मित्र।
✍️
चिरञ्जीवी ढकाल

नेपालगन्ज -२० राँझा एयरपोर्ट बाँके

९//
जल्नेहरु जल्दै गरुन् म त आफ्नै कर्म ठूलो देख्छु ,
प्रगतिका पाइला चाली सफलताका कथा लेख्छु ।
✍️
त्रिलोचन भण्डारी

मेचीनगर,झापा

१०//
जान्ने बुझ्ने ठुलाबडा को छ म झैँ वरिष्ठ ,
खुट्टा तान्न खोज्छन् मेरा महामूर्ख कनिष्ठ ।
✍️
विबश पारदर्शी,

भद्रपुर न० पा० -२ झापा

११//
गुणगान अरुले आहा भन्दै ,गाएको नै राम्रो,
परिस्थिति जे आएपनि, बुद्धि नगुमाऔं हाम्रो।
✍️
दुर्गा अाचार्य

मोरङ

१२//
एउटा फिस्टो तिमी हौं, थाम्दछौ क्यारी आकास,
उछिट्टिई पुग्छौ कहाॅ, आएमा सानो बतास।
✍️
घनश्याम पौडेल, सृजना चोक

पोखरा

१३//
आफ्नै बखान त आफैले नगरेकै राम्रो
बालीनाली अर्कैको भन्छन् बालबच्चा हाम्रो ।
✍️

कमला देवकोटा, पाल्पा

१४//
नसोध्नुस् हजुर वरिष्ठको चाल हुन्छ कस्तो,
भुलेर भूइँलाई आकाशलाई छोए जस्तो ।
✍️

बी.कुलुङ ( दार्जिलिङ )

१५//
मनमा अहंकार अनि द्वेष सबै पाल्यौ,
आफैलाई सबैभन्दा वरिष्ठ ठान्न थाल्यौ ।
✍️
राजेशराज गड्तौला

रतुवामाई- १०, मोरङ हाल- प्रवास

१६//
बरिष्ठको छेउमा पुग्न म छु नसक्ने साच्चै
कोही कोही बरिष्ठ त बुद्धिले पनि छन् काँच्चै ।
✍️

पुष्पा शायरा । बिराटनगर ।

१७//
भुसुनो आफैँ मपाईँ, उसले कसैलाई टेर्दैन,
आफु नाङ्गै छ सर्वाङ्ग, ऊ आफ्नो अनुहार हेर्दैन।
✍️
अर्जुन उप्रेती (अप्रतिम)

असम भारत

१८//
थाक्नु हुँदैन् गर्नुपर्छ निरन्तर काम काज,
मुर्छा परी ढलुन् जो गर्छन् अर्काको रिस आज ।
✍️

बिके माकजु , भक्तपुर ।

१९//
मै हुँ हर्ताकर्ता मै हुँ सारा जगतको मालिक,
मलाई नै सधैं पुज ! नपुज अरुको सालिक ।
✍️
डम्बर थामी ‘अनुपम’

कालिन्चोक गाउँपालिका-६, दोलखा

२०//
आफुलाई संसारकै ठुलो मान्छे ठान्छन्
भगवानले घमण्ड गर्नेलाई हान्छ्न ।
✍️
बिक्रम तिरुवा सलिन

तिला गाउँपालिका ३ कुडारी जुम्ला

२१//
आर्काको शान देखेर जल्नेलाई के भनौं,
छनलाई त यस्ता कति छन् संख्यामा गनौं।
✍️

सुरेश कुमार पाण्डे

२२//
मै हुँ जान्ने मै हुँ मालिक कसैलाई गन्दिनँ,
कसैको रिस र डाहाको बाधक म बन्दिनँ ।
✍️
बुद्धिमान चौधरी

कनकाई नगरपालिका ४ झापा

२३//
मपाईत्व छोड्न मानविय पाठ पढ,
खुट्टा तान्ने तान्दै गर्छन् तिमी अघि बढ।
✍️
ज्ञानेन्द्र श्रेष्ठ

मोलुङ गा. पा. १, ओखलढुंगा

२४//
भन्छौं आफूलाई वरिष्ठ, के छ तिमीमा उत्कृष्ट ?
धेरै मपाईंत्व गरेमा आफैमा हुन्छ अनिष्ट ।
✍️
गाेपालकृष्ण डङ्गाेल

इटहरी, सुनसरी

२५//
म हुँदा हुँदै कसरी बरिष्ठ हुनुभयो तपाइँ?
अरूले मानून नमानून मचाहिं मेरै मपाइँ!
✍️
भूषण जंग

अस्ट्रेलिया

२६//
आफ्नो काममा ध्यान दिई रहनु नसुन्नु अरुको कुरा,
जारी राख्नु सँधै आफ्नो काम तिमी ध्यान दिइकन पुरा ।
✍️
अनुग्रह राना मगर ‘पुष्प’

संखुवासभा हाल मलेसिया

२७//
जल्नेहरू जल्दै गर्छन् वास्ता गर्नु हुन्न,
आफ्नो डम्फू ठोक्नै पर्छ नभन्नु है छुन्न।
✍️
अरुण कुमार भुजेल

गोरूबथान कालेबुङ्ग,भारत।

२८//
देखायौ दम्भ असाध्यै भन्छौं शक्ति छ मेरै,
धरातल बिर्सियौ साँच्चै अहंकार धेरै ।
✍️
सूर्य मणि रेग्मी

चितवन

२९//
आफुलाई ज्ञानी ठान्ने अज्ञानीका जात,
सारालाई रुवाएर चढेको छ मात।
✍️
ईशहाक हुसैन

सिमरा बारा प्रदेस न २

३०//
लाेभ लाभ गर्ने बानी मेराे छदै छैन्,
पाएदेखि लुकाएर खान्छु देखिदैन् ।
✍️
रामकृष्ण दुवाडी

पाेखरा ।

३१//
जो छ पढालेखा उही हुने छ समाजमा गुन्डो,
त्यसैले त पाउँछ गाली शब्दका लात्ति भकुन्डो।
✍️
लक्ष्मी श्रेष्ठ

बिर्तामोड झापा

३२//
के गरे राम्रो के गरे नराम्रो यत्ति जान्नुहोस्,
बेकार मा आफुलाई धेरै ठुलो नठान्नुहोस् ।
✍️
रिदम परियार

शि न पा ४ डोटी

३३
म हुँ सानो कसैलाई, लाग्दैन पृय लौ सुन
मर्ने छन् ति सबै आफैँ , आफैंमा जल्दछन् जुन ।१ ।
✍️
गुणनिधि घिमिरे

पाँचथर मोरङ हाल अमेरिका

३४//
खै कसरी ठुलो मान्छे हुनुभयो तपाइ,
कस्ले दियो यो पगरी हुने गरी मपाइ ।
✍
नवशिला

बेलबारी-२,लालभित्ती,मोरङ हाल: गोदावारी लालितपुर ।

३५//
जान्नु सुन्नु केही छैन् बनेको छ ठुलो नेता,
सेतालाई काला भन्दछ कालालाई सेता ।
✍️

भगवती दवाडी

३६//
जो जले पनि गले पनि गर्ने नै माथि गयो,
कलिमा छलि गर्ने कर्मले “म”वरिष्ठ भयो?
✍️
मित्र कुमार आचार्य

काठमाडौं ।

३७//
नसंझ स्वभिमान मर्छ रात पर्छ मेरो जुनि ,
म त घाम हुँ बिहानीको तिमी हाम्रो छाया मुनि।
✍️
होम प्रसाद नेउपाने

धरान,सुनसरी ।

३८//
संक्षिप्त जीवनि बनाऔं सौन्दर्य सहज र सरल,
सुनैका थालिमा भोजन गर्दा नि जाने हो मूत्र मल ।
✍️
जिकुमार गौतम

भद्रपुर १ (पृथ्विनगर) झापा

३९//
सर्वज्ञानी प्राणी म नै हुँ ! धनीमानी पनि,
सर्वोपरि दखल राख्छु के चाहियो अनि !
✍️
रचना मोक्तान “यात्री”

नमोबुद्ध नगरपालिका -५, काभ्रे ।

४०//
मै हुँ भन्नेहरु नै हेर! पछि गलेर जान्छन्,
आफू केही नगर्ने अरुलाई बेकार ठान्छन्।
✍️
परिक्रमा श्रेष्ठ

धरान- सुनसरी।

४१//
आरिसले जल्नेहरु आफैँ घायल हुन्छन् ,
पश्चातापले जलेर सधैँभरि नै रुन्छन् ।
✍️
गंगा खड्का

बूढानीलकण्ठ १, काठमाडौँ

४२//
प्रगतिमा जल्नेलाई जलाउँदै जान्छु,
गर्दिन म कसैको रिस न खुट्टा तान्छु।
✍️
ललिता अभागी

सुनकिशी५सिन्धुली

४३//
भन्छौं आफैलाई वरिष्ठ, गर्छौं ठुला कुरा,
देख्दा लाग्दछ तिमी त हिजो अस्तिकै भुरा।
✍️
सहयात्री शाेभा अर्याल

रुपन्देही , बुटवल

४४//
आफू मात्र ठुलो हुँ भन्ने गर्छन् ठूला कुरा,
माखो मार्दैनौं गर्नु पर्दा कुनै काम पुरा ।
✍️
तारा घिमिरे

सङ्खुवासभा

४५//
सत्तकाे साँचो लिन मात्र रह्याे सबैकाे नि खेल,
नीति नियम खल्ती भित्र सके जति गरे झेल ।
✍️

प्रद्युम्न चालिसे

४६//
अरुको प्रगति देखेर जसले डाहा गर्छ,
गर्न दिनुस् न हामीलाई के नै फरक पर्छ।
✍️
निर्मला शाही ठकुरी

दैलेख, हाल दार्जिलिङ

४७//
आफूलाई वरिष्ठ नठान, छन् है अरु पनि,
तिम्रो प्रगतिमा नजलेर के गरौँ त अनि।
✍️
कल्पना थामी

सिन्धुपाल्चोक

४८
सेक्छ कान कसैको बातहरु हुँदै गर्छ,
अघि बढ्ने गर जलेर ति आत्तिई मर्छ।
✍️
सुरेखा चाम्लिङ्ग**

भक्तपुर

४९//
अति नै ज्ञानी वरिष्ठ हुनुहुन्छ तपाई,
अरुले नभनी आफै बन्नुहुन्छ मपाई।
✍️
बिके मुखिया

दार्जीलिङ, भारत।

५०//
मै खाऊ मै लाऊ भन्ने संस्कार बिग्रेको छ पारा,
सबै जान्ने वरिष्ठ भए हेर मन्त्री, राजा सारा ।
✍️
शान्ता निरौला

पाँचथर कन्याटार

५१//
म सँग छ मै हुँ भन्ने रावण झैं घमण्ड सज्जित,
शक्तिशाली हुँदाहुँदै कसरी हुन सक्छु ? लज्जित।
✍️
शर्मिला श्रेष्ठ

भैंसेपाटी ,ललितपुर

५२//
मपाईँत्वकाे अहंकारले स्वघाेषित ती व्यक्ति ठुला,
कामभन्दा कुरा चर्का गर्छन् हिँड्दा तिनकै खुट्टा लुला।
✍️
रामकृष्ण रिजाल

बा न पा १३ बाग्लुङ

५३//
संसारमै आफुलाई सर्वश्रेष्ठ ठान्छन्
अरु सबै व्यक्तिलाई निरिह नै मान्छन् ।
✍️
दुर्गा भट्टराई

मोरङ

५४//
न विज्ञता न छन् नै दक्षता,
घमण्ड अघि झुक्छ क्षमता।
✍️

म्यामराज राई,भोजपुर

५५//
आफैले आफैलाई वरिष्ठ ठान्नेहरू,
तिनै हुन् बज्रस्वाँठ त छैनन् बरु अरू ।
✍️
मित्र उराठी गाैतम

अमरपुर- गुल्मी हाल: बुटवल

५६//
भो ठुला कुरा अब नगरे हुन्छ लिखे,
जसको सिङ्ग छैन उसैको नाम तिखे।
✍️
गणेश नेपाली

बगनासकाली-१,बगनास,पाल्पा।

५७//
भाँजो हाल्न नसक्नेलाई त अगुवा नै मानिदैन,
जसको शक्ति उसकै भक्ति, कहाँ हुन्न जानिदैन ।
✍️
केशव प्रसाद ढकाल `प्रीतबीज ´

गाेरखा

५८//
काँडाबिना अब फूल फुल्दैन है साथी,
झर्ने मानिस चाहिन्छ जानलाई माथि ।
✍️
धनुष न्यौपाने

जुम्ला

५९//
अरूको प्रगतिमा जल्ने जल्दै गर्छन् आफू जल्नु हुन्न,
त्यस्ताहरू जल्न मात्र होइन खप्पिस् हुन्छन् जाल बुन्न।
✍️

दीपक ठटाल

जय टुक्का ! जय साहित्य !!