Tag: वसन्त अनुभव

साप्ताहिक झिल्का लेखन अभ्यासको ३३ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६८ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।

साप्ताहिक झिल्का लेखन अभ्यास शृङ्खला- ३३ मा सहभागी झिल्काकारहरूका सुन्दर झिल्काहरू-

…
१,
प्रकोपले नागरिक बेपत्ता
कयौँ छन् घरबारविहीन
ठालुले ढुक्दैछ सत्ता ।
२,
रुखो बोल्नेको योगदानमा
मुसुक्क मुस्काउनेको मुस्कानभन्दा
शिर निहुराउॅंछु सम्मानमा ।
३,
बैँसालु भल बगिजाओस्
बगाउॅंदैन जोगिएर बसे
डराएर भाग्यो, नठानोस् ।

• म्यामराज राई
  …
  १,
  रहेन कसैको भर
  छन् केवल स्वार्थीहरू
  स्वाभिमान मिट्ने डर ।
  २,
  मुलुक सतीको सरापमा
  भलो हुँदैन गर्नेको
  जिन्दगी पर्छ धरापमा ।
• वसन्त अनुभव, घोराही, दाङ
  …
  १,
  डराएर घरमा बसेका
  मौकामा चौका हान्नलाई
  भाग्य आफैँ कसेका ।
  २,
  बुझ्ने गर कुरा
  नबुझी हुन्न काम
  नचलाउने मुखका छुरा ।
  ३,
  बयोवृद्ध घुम्छन् सत्तामा
  मौका हेरेर बसेका
  ध्यान गएको भत्तामा ।
• बेदु न्यौपाने
  …
  १,
  कसैको हुन्न भर
  स्वार्थी दुनियाँ चिन्दाचिन्दै
  किन मान्ने डर?
  २,
  जोगाऔँ आफ्नो मुलुक
  चारैतिर छन् वैरी
  आँखा लगाउँछन् पल्याकपुलुक।
  ३,
  देश भएमा स्वाभिमान
  सबैतिर फिॅंजिन्छ आफ्नो
  बेग्लै खाले सान।
• अर्जुन प्रसाद चौलागाई, रामेछापः-सुनापति-१
  हालः-क्यानडा,क्यालगरी।
  …
  १,
  समाधिस्थ ध्यान धारणा
  चित्तका वृत्तिहरूमा निरोध
  गरौँ प्राणायाम साधना ।
  २,
  मन वचन कर्म
  तन स्वस्थ रहेमा
  गर्नसकिन्छ हामीले धर्म ।
  ३,
  नगरौँ कसैको अपमान
  बालबृद्ध नारी असहायको
  सम्मान गर्नुपर्छ समान ।
• गुणनिधि घिमिरे, अमेरिका
  …
  १,
  महत्त्व कस्तो बनाए
  विकृति विसङ्गति बढ्यो
  चाडपर्व मँहगो गराए ।
  २,
  कति दिन खाने
  समय दरले बर्बाद
  कता कता जाने ?
  ३,
  मन राख्नै पर्ने
  गर्मीले खाना माग्दैन
  शरीरमा असर गर्ने ।
• भगवती दवाडी, झापा
  …
  १,
  नहिडौँ प्रतिशोध पालेर
  जीवित राखौँ अभिलाषा
  इमानदारीको पोको सम्हालेर ।
  २,
  भरोसा गर्नै चर्को
  बुझ्न सकिँदैन कहिले
  मनको कालो धर्को।
  ३,
  इच्छाहरू पर सारेर
  नबसौँ रुँदै सधैँ
  निधार गाँठो पारेर।
• अन्मोल मुस्कान, तकदाह छाउनी, दार्जिलिङ
  …
  १,
  कहिले बाढी पहिरो
  कहिले कोभिड, डेङ्गु
  चोट लाग्यो गहिरो।
  २,
  नजिकिन थाले चाडपर्व
  चोट पर्यो नबिर्सिने
  छैन मनमा गर्व।
  ३,
  मनमा छैन हर्ष
  थिलथिलो पार्यो प्रकोपले
  रहेछ दशाको वर्ष।
• सतीश पण्डित, भानु -६, चुँदी तनहूँ
  हाल चनपा ६ मातातीर्थ
  …
  १,
  दिनभरि काम गर्नुपर्छ
  नित्य कर्म मेरो
  सबेरै खेतमा झर्नुपर्छ।
  २,
  बालीमा बाँदरले दिक्क
  केही कसैको राखेन
  खेतीपाती चौपायालाई ठिक्क।
  ३,
  आरक्षणको प्राय वरिपरि
  जनावर दिनभरि लखेट्यो
  आउॅंछन् घरी घरी ।
• चुडामणी देबकोटा, पुरानो नैकाप, काठमाडौँ
  …
  १,
  देशमा मलिलो माटो
  पसिनाले सिचौँ हामी
  विदेश जानु साटो।
  २,
  हिमाल पहाड तराई
  बलियो हुन्छ देश
  एक ढिक्का गराई।
  ३,
  सबैले मिठो बोलौँ
  शान्ति स्थापना हुन्छ
  आफ्नो प्रतिभा खोलौँ।
• सुरेशकुमार पाण्डे, घोराही – १८, दाङ
  …
  १,
  छैन स्वार्थीको भर
  पार्छन् तिनले अफ्ट्यारो
  सधैँ बस्नु पर।
  २,
  तिम्रो बोली मधुरो
  भन्नप पनि कसरी
  सम्बन्ध रह्यो अधुरो ।
  ३,
  गर्न सिकौँ समान
  उपल्लो जाति भन्दै
  कति गर्छौ अपमान ?
• राज कुमार राजभण्डारी खोटाङे, मध्यपुर ठिमी ५ संगम कोलोनी राधे राधे भक्तपुर ।
  …
  १,
  सुरक्षित महसुस हुन्न
  मिठा भाषनले अब
  जनताको मन छुन्न ।
  २,
  मनपरी बढ्यो महङ्गी
  चासो छैन कसैलाई
  गर्छन् कुरा सप्तरङ्गी ।
• पुष्पा राई, खोटाङ
  …
  १,
  छरौँ चारैतिर उमङ्ग,
  मोतिराम भट्ट जन्मजयन्तीमा,
  साहित्यको विभिन्न रङ्ग ।
  २,
  चिन्नु पर्छ चिज,
  संस्कृतिको गरौँ जगेर्ना ,
  नबनाऔॅं भड्किलो तिज,
  ३,
  हुँदैछ खोला धमिलो,
  कता पहिरो गयो ,
  मन भयो अमिलो ।
• भुपेन्द्र राना मगर, धादिङ
  …
  १,
  मन हुन्छ उदास
  उच्च विचार नपाए
  दिव्यात्मामा प्रभुको बास ।
  २,
  आध्यात्मिकको जीवन खास
  चिन्तनमा मात्र रहँदा
  प्रभुले सुनिदिने आस ।
  ३,
  दुःखमा सुखको आभास
  भर छैन जीवनको
  कहिले रोकिन्छ श्वास ।
• कार्की डिबी माकुम, सुनवल-४, नवलपरासी
  …
  १,
  सबैतिर खुसी छायो
  मुस्कान ल्याउॅंदै ओठमा
  फेरि तिज आयो ।
  २,
  खुसी हुँदै रमाउँदै
  सभ्य भएर मनाउनुपर्छ
  आफ्नो संस्कार समाउँदै ।
  ३,
  पुगोस् मनका भावना
  सम्पुर्णमा हरितालिका तीजको
  हार्दिक मङ्गलमय शुभकामना ।
• अनिता भण्डारी, ताप्लेजुङ
  …
  १,
  मान्छेले खोज्छ मान
  स्वार्थ देखियो मनमा
  चाहन्छ ऊ गुणगान।
  २,
  मायामा ठुलो घात
  जीवन बेहाल हुने
  नसुतेर जान्छ रात।
• नवराज भट्ट, कञ्चनपुर
  …
  १,
  फुलाऊ फूल माटोमा
  स्वार्थी यी नेताहरू
  हिॅंड्दैछ गलत बाटोमा ।
  २,
  साम्राज्यवाद हैकम ढल्दैछ
  होसियार संसारभरिका मानव
  तेस्रो विश्वयुद्ध चल्दैछ ।
  ३,
  पाइॅंदैन असत्य ढाक्नलाई
  खोजिरहेछ वास्तविक नायक
  अब देश हाँक्नलाई ।
• दीप गोले तामाङ, रौतहट
  …
  १,
  संस्कृति जोगाउने काम
  संस्कार पहिचान हाम्रो
  सबैले राखौँ नाम !
• आर्त अकुलीन
  …
  १,
  मरेको छैन आशा
  आऔॅं सङ्घर्ष गरौँ
  जानु पर्दैन खासा !
  २,
  नबोकौँ अर्काको भारी
  विवेक स्वाभिमान बेचेर
  बाँझो भए खेतबारी ।
  ३,
  नबसौँ अन्याय खपेर
  बन्दैन मुलुक यसरी
  पुर्खाको नाम जपेर ।
• ऋजु दिल्पाली, इटहरी -१, सुनसरी
  …
  १,
  बाँच्नुहुन्न कहिल्यै डरले
  स्वार्थीको बिचमा पनि
  हुँदैन कसैको भरले ।
  २,
  जुरमुराउॅंछन् यहाँ साँढे
  प्रगतिको बाटो रहेन
  देश जताततै भाँडे ।
  ३,
  उर्लिएको बैँस सम्हाल
  तीजको बेलामा फुरुकफुरुक
  गीत नाच कमाल ।
• अम्बिका अधिकारी, झापा बिर्तामोड
  …
  १,
  तिज आयो देशमा
  शिरफूल लाएर जाउॅंला
  डोरी बाटी केशमा ।
• इन्दिरा देवकोटा
  …
  १,
  चौतारीमा बिसाएर भारी
  थकाइ मारेर हजुर
  पुग्नुपर्ने अब डाँडापारि ।
  २,
  तिजको नाममा विकार
  लाग्दैछ रत्यौली जस्तो
  नबनोस् विकृतिको सिकार ।
  ३,
  दिदीबहिनी साथीको भेला
  नितान्त भड्किलो नाचगान
  तिजलाई बनाएका रेला ।
• पृथक प्रकृति, झापा
  …
  १,
  आयो रमाइलो तिज
  जोगाउ संस्कृति हाम्रो
  नखाऔॅं नखाने चिज।
  २,
  स्वदेशमै फुल्छ फूल
  विदेशीको गोठालो बन्ने
  नगरौँ साथी भुल।
• वि के मुखिया, दार्जिलिङ, भारत
  …
  १,
  नगर कसैमा भर
  जिन्दगी उसै चल्छ
  हुँदैन तिमीलाई डर।
  २,
  गर असल काम
  यो जीवनको यात्रामा
  रहोस् अमर नाम।
  ३,
  कति जान्छ पहिरो ?
  सम्झनाभरि राखेर पनि
  माया भयो गहिरो।
• नीमा छिरिङ भोटिया, जलढका कालेबुङ, भारत
  …
  १,
  खाँदा तिजको दर
  ख्याल गर्नु सबैले
  हुन्छ ग्याष्ट्रिकको डर ।
  २,
  गर्नुहुँदैन फजुल खर्च
  धनजनको हुन्छ क्षति
  हुँदैन शरीरमा वर्च ।
  ३,
  बनाउनुस् राम्रो सोच
  चाडपर्व मनाउदा धेरै
  नहुनुहोस् कोही लोच ।
• डिल्लीराज (राजेन्द्र) भुसाल, सन्धिखर्क-२, कुर, अर्घाखाँची
  …
  १,
  सबैको मनोकामना पुगोस्
  पाटी प्यालेस धाउने
  दिदीबहिनीको मन घुमोस्।
• कला ढकाल, झापा
  …
  १,
  समयले फर्केर पर्खॅंदैन
  चाहेमा जनताबाट सम्भव
  रोकेर छेकेर फर्कॅंदैन।
  २,
  कालसँग कुर्सी जिस्किरहेको
  आउँछ विपत्तिको बबण्डर
  हातहातबाट ज्वाला निस्किरहेको।
  ३,
  क्रान्तिको आकार हुँदैन
  कालसँग कहिल्यै नजिस्किनु
  स्वार्थको सपनीले छुँदैन ।
• घनश्याम पन्त, हरिवन सर्लाही
  …
  १,
  भ्रष्टाचारी डुङ्डुङ्ती गनाए
  देश कङ्गाल पारेर
  आफ्नै महल बनाए ।
• प्रेम थापा “मन”, बागलुङ
  …
  १,
  आकाशको रङ्ग निलो
  मायाको पीडा नभनौँ
  दुखिरहने यो पिलो ।
  २,
  भदौरे झरी परेर
  स्निग्ध देखियो पहाड
  बादल यताउता सरेर ।
  ३,
  चाडपर्वको मौसम आयो
  गरिबलाई पर्छ मर्का
  धनीले तडकभडक देखायो ।
• मोती योन्जन सुब्बा, दार्जिलिङ
  …
  १,
  जननी खस भाषाको
  छरपष्ट छन् सम्पदा
  पलाएन किरण आशाको ।
  २,
  मार्सी फाँट झुलेका
  मनमोहक हाम्रो सिन्जा
  मनुष्य छन् भुलेका ।
• राज बहादुर बडुवाल, कनकासुन्दरि -५,जुम्ला
  …
  १,
  देखेर के गर्नु ?
  पावर उसैको छ
  हावामा उडान भर्नु !
  २,
  संस्कृतिमा विकृति आयो
  छाडा तिज गीत
  पुरानोले दु:ख पायो !
  ३,
  लज्जाहीनता समाज पार्दै
  आधा शरीर छोपी
  छाडा संस्कृतिमा सिॅंगार्दै !
• रबि पौडेल, दक्षिण भारत पाण्डेचरी
  …
  १,
  कृषिप्रधान नेपाल विशाल
  प्राकृतिक विपत्तिले गर्दा
  खाँदैछ किसानको कपाल l
  २,
  फलिफाप भएन कृष्टि
  उपेक्षित छन् किसानहरू
  सरकारको पर्दा वक्रदृष्टि l
  ३,
  चहर्‍याइरहेछ किसानको घाउ
  स्थलगत अनुगमन गरी
  शीघ्र मल्हमपट्टी लगाऊ l
• बाबुराम गौतम, गुल्मी
  …
  १,
  प्रकोपले सत्यनाश गर्‍यो
  तीजपर्व आएको बेला
  विरहमा रुन पर्‍यो ।
  २,
  हर्‍यो सुख चैन
  के लाउनु पिरती ?
  मनमा शान्ति छैन।
  ३,
  सारा मन्छे घुमाएर
  पर्‍यो रुन कठैबरी
  आज शक्ति गुमाएर !
• विवश पारदर्शी, झापा
  …
  १,
  गरगहना सारी लाउँछु
  सभ्य संस्कृति झल्काउने
  तीज धुमधामले मनाउँछु।
  २,
  भीडभाड होहल्ला सहरको
  कसले मान्ने सरसल्लाह
  अनुशासन अभाव पालनको ।

३,
महँगी अभावको सामना
देश विकासमा अधोगति
लाचार गरिबको भावना ।

• कृष्ण बजगाई, भक्तपुर
  …
  १,
  आफ्ना आफ्नै रहर
  लक्ष्य शिखर चुम्ने
  सङ्घर्षमय हर प्रहर।
  २,
  दैवको आफ्नै लीला
  प्रकृतिको आफ्नै दुनियाँ
  फुट्दछन् कठोर शिला।
  ३,
  देहको अनेक यात्रा
  अविरल छ पाइला
  देखिन्छन् अनेक जात्रा।
• तोया नाथ चापागाईं, दमक, झापा
  …
  १,
  छातीमा हात राखेर
  उन्नति गरौँ देशमा
  दलाल सबै मासेर!
  २,
  भ्रष्टाचार बढेर गयो
  भ्रष्ट मिलेर यहाँ
  कङ्गाल बनाउने भयो!
  ३,
  जुटेर अब देशभरि
  प्रगति गरौँ यहाँ
  सधैँ अगाडि सरी ।
• कमल प्रसाद बगाले रेग्मी, वालिङ्ग बजार, स्याङ्जा
  …
  १,
  नउडाउ आकाशमा मन
  सम्हाल कठोर दुखलाई
  साध्य नसम्झ धन ।
  २,
  दुखाउछ कस‌ैले मन
  अर्कोलाई त्यस्तै हुने
  बिज्ने काँडा नबन ।
  ३,
  खुराक सम्झ आलोचना
  आफ्नैले भन्छ सच्याउन
  गल्तीको गर समालोचना ।
• हिरालाल न्यौपाने, बानपा ८, काेटमाैला, सल्यान
  …
  १,
  सत्ताको आशले झुटो,
  चिनेर बोल्यो प्रजातन्त्रले,
  चुनाव चिन्हको बुटो।
• लोकबहादुर क्षेत्री लामिछाने
  …
  १,
  चेलीबेटी भेटघाट घरको
  गरेर महिनौ अगाडिदेखि
  नदिनु नाम दरको!
  २,
  पीडामा छ माइतीघर
  आफै पकाउँछौँ यसपालि
  रातीमा खाने दर!
• मन्दिरा सेढाई, मलेखु, धादिङ
  …
  १,
  ठेलमठेल गरी नाच्ने
  लाजको भकारो देखाइ
  तीजको मियो भाँच्ने ।
  २,
  दरमा रक्सी लिएर
  नाच्छन् अचेलका चेली
  खोया बोतल पिएर ।
• कृष्णकुमार वैद्य, बनेपा ९, काभ्रे
  …
  १,
  भिटामिन ज्यादा पाइने
  बनाउन तरकारी मिठो ,
  हरपल गोलभेडा चाहिने ।
  २,
  लोचनको रोग भगाऔॅं
  गोलभेडाको बनाएर जुस,
  बिरामीलाई जहिल्यै खुवाऔॅं ।
  ३,
  रोग हुँदैन साझा
  अल्सरलाई राम्रो हुन्छ ,
  खाएमा गोलभेडा ताजा।
• सीमा कार्की समर्पण, मेलचोक पर्सा
  …
  १,
  कर्मशील हात जोडेर
  बाँच्न सिकौँ धर्तीमा
  विकृति सबै तोडेर ।
  २,
  नसोध हाल मलाई
  बुझ्नै नसकी चरित्र
  गइन् मन जलाई ।
  ३,
  बुझेर तिजको मर्म
  मनाऔॅं पर्व गर्वले
  नछोडौँ कसैले धर्म ।
• त्रिलोचन भण्डारी, मेचीनगर, झापा
  …
  १,
  चरीको पालो आयो
  वेदना पोख्ने समय
  तीजले लहर ल्यायो ।
  २,
  हिन्दु नारीको चाड
  मनाऔॅं सबै उमङ्गले
  मुखमा पुगोस् माड।
  ३,
  संस्कृति जोगाउन मनाऔॅं
  नभित्र्याऔॅं विकृति विसङ्गति,
  गरिबको दुरी घटाऔॅं ।
• धनमाया चौधरी, कैलाली
  …
  १,
  यति कुरा जान्नुपर्छ
  जगत् चित्तको रूप
  स्वप्नतुल्य भनी मान्नुपर्छ !!
• सुरेश कार्की
  …
  १,
  छ गर्मी बढेको
  पसिनाले भिजेको शरीर
  छ पुरै डढेको ।
  २,
  माहोल बनाएर हेर
  पुछुताउनु पर्ला पछि
  टुट्न लाग्दैन बेर।
  ३,
  जीवन सङ्घर्ष रहेछ,
  बुझ्दै बिते दिनहरू
  अब ढिलो भएछ।
• दुर्गा आचार्य, मोरङ
  …
  १,
  समयको साक्षी हुँदैन
  टारेर केही नटरेपछि
  एकान्तमा किन रुदैँन !
  २,
  टिप्स दिँदै सान
  उचालेर टुप्पामा पुर्‍याई
  तिजलाई बढायो सम्मान !
  ३,
  जिउँदो लास जिउनेहरू
  पैतालामा घाम नलाग्ला
  निसासिन रक्सी पिउनेहरू !
• अच्युत घिमिरे, सर्पाङ, भुटान
  …
  १,
  आमाको हातले पाकेको
  दर खान आऊ
  चेलिबेटी तिम्रैलाई राखेको ।
  २,
  विशेष चलिरहेको पर्व
  नाच्दै रमाउने तिज
  साथीहरू बाँड्ने हर्ष ।
  ३,
  सुखको पल त्यहाँ !
  कस्तो रमाइलो थियो
  मिलिजुली खेल्थ्यौँ जहाँ ।
• ईश्वर साउद(भिक्षु), रामारोशन – ६, सदुरपश्चिम, अछाम
  …
  १,
  दर खाने दिन
  अब नजिक आयो
  भाइ आउँछ लिन |
  २,
  तीजका गीत गाएर
  गरिन्छ है रमाईलो
  ताली मादल बजाएर |
  ३,
  अचेल एक महिनादेखि
  दर खाँदै हिॅंड्नेको
  झार्नुपर्छ लौ ! सेखी ।
• सरिता सेढाई, धादिङ
  …
  १,
  बनियो भने लेखक
  एकदिन पक्कै मैले ,
  निकाल्ने छु पुस्तक ।
  २,
  घामले के गर्‍यो ?
  शितल छैन आज
  ज्यानबाट पसिना झर्‍यो ।
  ३,
  पानी पर्ने भयो
  भन्दाभन्दै मैले यहाँ
  बत्ती पनि गयो ।
• अमृत कोइराला, पोखरा -१८, चंखपुर
  …
  १,
  तिजको बहार आयो
  भड्किलो नहुनु कोही
  चेलीको लहड पलायो ।
  २,
  मिलेर आगनमा दामी
  नाच्नु गाउनु खुलेर
  माइतीको नाक थामी ।
• हरिगोपाल न्हुच्छेँप्रधान, काभ्रे, बनेपा १४ साँगा बजार
  …
  १,
  आँखा भएका अन्धा
  स्वार्थमा गर्ने लुटपुट
  फैलिएको लुटको धन्दा ।
  २,
  कालीगण्डकी त्रिशूली दायाँबायाँ
  बिचमा मेरो बास
  ठुल्ठुलो रूखको छाया ।
  ३,
  सम्पूर्णमा शुभ गोधूलि
  आआफ्ना भावको झिल्का
  लेखौँ सबैले मिलिजुली ।
• प्रद्युम्न चालिसे, भक्तपुर कठुञ्जे
  …
  १,
  नपर्नु कसैको भर
  विश्वास गर्दै पाखुरीको
  कर्म गर्न सर।
  २,
  बचाई राख धन
  भविष्यमा काम लाग्छ
  सहयोगी हुँदैन जन।
  ३,
  हेर्दा मात्रै राम्रो
  कलियुगमा मान्छेको मन
  डुङ्गाझैँ हुन्छ चाम्रो।
• अरुण कुमार भुजेल, गोरूबथान, कालेबुङ,भारत
  …
  १,
  आफ्नैको छैन विश्वास
  स्वार्थमा अडेको दुनिया
  दिलाउॅंछन् नमिठो आभास ।
  २,
  मनमा खुसी छायो
  भेटघाट हुने माध्यम
  तीज पर्व आयो ।
  -कोपिला अधिकारी, गोरखा
  …
  १,
  बाटोमा पैरो गइदियो
  जनताको सेवा नगर्नेलाई
  प्रकृति बहाना भइदियो।
  २,
  असत्यले जितेको देख्दा
  रिस उठ्छ इमानीलाई ,
  अपराधीले उपदेश लेख्दा।
  ३,
  गाउॅंले सम्झना मनभरिको
  दुःखमा सहयोग गर्ने ,
  याद आयो दौँतरीको।
• सुस्मिता अधिकारी ,काठमाडौँ
  …
  १,
  तिजको दिन्छु शुभकामना
  दिदीबहिनी मिलेर मनाऔॅं
  साटौँ सुखद भावना।
• शोभा आचार्य गौतम, काठमाडौँ
  …
  १,
  निराशामा डुब्यो मन
  सकिएन गर्न केही
  व्यर्थै बित्यो जीवन।
  २,
  सुन्दैनन् उपदेश गाली
  बहिरा नेताहरूको छ
  देशको ढुकुटीमा हालिमुहाली ।
• पुष्पा सुवेदी, नेपालगन्ज, बॅाके
  …
  १,
  मायालुको बोली रसिलो
  सबैलाई मख्ख बनाउने
  जिउ छ कसिलो ।
  २,
  नेता भए शाकाहारी
  देश रित्तो बनाए
  बन्छन् अनि ब्रह्मचारी ।
• बुद्धिमान दनुवार (सुरुङ्गेली कान्छो ), कनकाई – ४, झापा
  …
  १,
  म खाँदिनॅं दर,
  दर खाने दिन,
  खाउला माइती घर!
  २,
  भड्किलो भयो रहर,
  मौलिकता बेचेर व्यापक,
  बिग्रिए सबका नजर।
  ३,
  केवल खान लाउन,
  बङ्ग्याई आज रीतिरिवाज ,
  सकिन्न सुख पाउन ।
• मनोहरी पौडेल, गैडाकोट १
  …
  १,
  आयो तिज पर्व
  माइती चेलीको मिलन
  हो हाम्रो गर्व ।
  २,
  पिताले गरेका योगदान
  कुसे औॅंसीमा जस्तै
  गर्नुपर्छ सधैँ सम्मान ।
  ३,
  आयो हरितालिका तिज
  श्रीमान् श्रीमती सम्बन्धमा
  राखोस् समानताको बीज ।
• जयनारायण नेपाल, इलाम ,हाल सूर्य विनायक २, बालकोट भक्तपुर
  …
  १,
  हाँसो खुसीको कथा
  यहाँ रचना गर्नुपर्छ
  छोपेर पिर व्यथा ।
  २,
  गर्छन् मान्छे अभिमान
  दुई दिने जीवनको
  केही छैन ठेगान ।
  ३,
  दुःख मनभित्र लुकेको
  चाहना सबको खुसी
  कहाँ हुन्छ पुगेको ?
• रुना कर्माचार्य दाहाल, चितवन
  …
  १,
  झुपडीको होला बास
  खुसीले बिताउॅंला जीवन
  खाएर दुई गाँस ।
  २,
  ऐेस, आराम नहोस्
  सानो स्वार्थ छ
  जीवन धान्न पुगोस् ।
• नन्दा धामी, नौगाड दार्चुला
  …
  १,
  आफ्नो संस्कृति अपनाऔॅं
  पर्वको नाममा तडकभडक
  कहिल्यै विकृति नचलाऔॅं ।
• सरस्वती श्रेष्ठ, रुपन्देही बुटवल
  …
  १,
  कसैको भर गर्दिनॅं
  लक्ष्य पूरा नगरी
  सायद म मर्दिनॅं ।
  २,
  पीडाले जेलिएर जिउन
  साह्रै गाह्रो हुन्छ
  टुक्रिएको मुटु सिउन।
  ३,
  बोझ घटाएर जान्छु
  म मरेपछि तिमी
  मोटाउँदै जानू, कान्छु।
• ललिता गिरी, सिन्धुली
  …
  १,
  म गर्व गर्छु
  नेपाली हुनुमा यहाँ
  आशाका भाव भर्छु ।
  २,
  अथाह प्रकृतिको धनी
  मेरो देश नेपाल
  माया छ नि ।
  ३,
  मलाई मेरै पारा
  मन पर्छ हजुर
  हामी नेपाली सारा
• शशीश्री आचार्य, बौद्ध कुमारीगाल काठमाडौं
  …
  १,
  सधैँ बाढीको डर
  गरिबको कारणले हो
  बस्न पाइएन घर ।
  २,
  आशाको दियो बालेर
  अझै जिउँदैछु म
  मनमा पिर पालेर ।
  ३,
  यो नदेखिने काल
  भेटे यही धर्तीमा
  मैले बिच्छ्याउॅंथेँ जाल।
• लक्ष्मण देउवा डोटी
  …
  १,
  छैन कसैको भर
  आफ्नै मान्छे हत्यारा
  मनमा सधैँ डर ।
  २,
  हाम्रो सुन्दर संस्कृतिलाई
  छाडा गीत गाउनेले
  विकृत बनाए बाइ !
  ३,
  सकिएन माइत जान
  एकमहिना अघिदेखि ठिक
  होइन दर खान ‌।
• शान्ता पौडेल भट्टराई, टङ्कीसिनवारी, मोरङ
  …
  १,
  इज्जत पाउन साह्रो
  पाए पछि हामीलाई
  जोगाउन कति गाह्रो।
  २,
  बैगुनीलाई गुणले मार्नु
  आफ्नो सिद्धान्तको अघि
  आफू कहिले नहार्नु।
• विनोद खाती, मिरिक
  …
  १,
  शिखा भई जल्यो
  कोऱ्यौ बा भविष्य
  सन्तानका लागि फल्यो ।
  २,
  बा जिउँदा देवता
  ल्याउँछन् खुसी झोलामा
  सन्तान प्रेममा एकता ।
• ममता पौडेल, बुढीगङ्गा -२, मोरङ

::::::::जय झिल्का साहित्य ! ::::::::::

झिल्का लेखन अभियानको २८ औँ शृङ्खला (कुसेऔँसी विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।

झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ८६ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।

झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुन्छ तर सकभर समध्वनीक नभएमा उत्तम मानिन्छ ।

सहभागी झिल्काकारहरूका उत्कृष्ट झिल्का कविताहरू-

—————<•>—————
समस्यासँग खेल्दै जुहारी
हरदम चलिरहन्छ्न् पिता
बोकी काँधमा जिम्मेवारी !
✍️
वसन्त अनुभव, घोराही, दाङ
—————<•>—————
पहिलो भगवान् पिता
परिवारका वरिष्ठ गुरु
पावन ग्रन्थ गीता ।
✍️
बेदु न्यौपाने
—————<•>—————
पिताको मर्म बुझेर
सम्मान् गर्न सिकौँ
पसिनामा आफू रुझेर ।
✍️
सुरेशकुमार पाण्डे
दाङ घोराही १८
—————<•>—————
बाबाले ढाल बनेर
हरेक दुःख सहे
नभुलुन् बाटो भनेर ।
✍️
पुष्पा राई, खाेटाङ ।
—————<•>—————
सुन्दर संसार देखाउने
भगवान् हुन् पिता
साँवा अक्षर लेखाउने ।
✍️
राज कुमार राजभण्डारी खाेटाङे
मध्यपुर ठिमी ५ संगमकाेलाेनी राधे राधे भक्तपुर ।
—————<•>—————
तिम्रै छहारीमा बढाई
संस्कार सिकायौ बा
संसार देखायौ पढाई !
✍️
इन्दिरा देवकोटा
कपिलवस्तु न पा ३
—————<•>—————
बुवा गृहस्थीको मर्म
सुखदु:खमा हुन्छ धैर्यता
तत्परतामा गर्ने कर्म ।
✍️
कार्की डिबी माकुम
सुनवल-४, नवलपरासी
—————<•>—————
नदेउ कहिले दुख
सम्मान गर सधैँभरि
त्यहीँबाट हुन्छ सुख ।
✍️
शंकर कार्की,मकवानपुर।
—————<•>—————
विश्वभरिका बुवाहरूलाई सम्मान
हार्दिक शुभकामना कुसेऔँसीको
सुखशान्ति दिनरात साँझबिहान ।
✍️
गुणनिधि घिमिरे अमेरिका
—————<•>—————
खुलेर जीउन सिकाए
आफूले खाई नखाई
शिक्षामा सधैँ जिताए ।
✍️
अम्बिका अधिकारी
झापा बिर्तामोड
—————<•>—————
तिम्रा पिल्सिएका हातहरू
बन्यो जीवनको आधार
दीर्घ रहुन् साथहरू !
✍️
तोया नाथ चापागाईं
दमक,झापा,नेपाल
—————<•>—————
बुबा घरको छानो
सन्तानलाई ओत दिई
जुटाउॅंछन् दिनहुँ मानो ।
✍️
अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी।
—————<•>—————
नदेउँ पितालाई दुख
गरौँ सधैँ सम्मान
दिएर खुसी सुख ।
✍️
प्रेम शर्मा ” एकान्त प्रेमी “
कालेबुङ
—————<•>—————
प्रेरणाका बहुमूल्य गजुर
सुमार्गमा हिँड्दैछु बाबा !
सम्झनाको कन्दरामा हजुर ।
✍️
प्रेम थापा “मन”बागलुङ
—————<•>—————
घरको खाँबो उनी
सधैँ आदरसम्मान गरौँ
उनको आज्ञा सुनी ।
✍️
मोती योन्जन सुब्बा, दार्जिलिङ।
—————<•>—————
बुवालाई नदेउँ दुख
आशिष मिलेमा उनको
भविष्यमा मिल्छ सुख ।
✍️
रबि पाैडेल
दक्षिण भारत पाण्डेचरी
—————<•>—————
आफ्नो पैताला फुटाएर
सधैँ छोराछोरीकै निम्ति
ल्याउनुभयो खानेकुरा जुटाएर ।
✍️
चुडामणी देबकोटा
पुरानोनैकाप काठमाण्डौ
—————<•>—————
सुख बाबुलाई देऊ
संसार सानो छ
दुःख तिमी लेऊ ‌।
✍️
नीमा छिरिङ भोटिया
जलढका कालेबुङ भारत
—————<•>—————
बनेर शितल छहारी
सन्तानको दु:ख ओत्छन्
आफ्ना इच्छा मारी l
✍️
बाबुराम गौतम, गुल्मी
—————<•>—————
सिकाउनुहुन्न झुठा बात
भगवान मान्छु बाबुआमालाई
साथमा रहन्छु दिनरात ।
✍️
सतीश पण्डित
भानु६ चुँदी तनहूँ
हाल चनपा ६ मातातीर्थ
—————<•>—————
औँला समाई हिँडायौ
कठिन जटिल गोरेटोमा
पिताजी संघर्षमा भिँडायौ ।
✍️
नागेन्द्रप्रसाद यादव
—————<•>—————
पानी मिठो कुवाको
अनुशरण गरौँ सधैँ
हामी सबैले बुबाको ।
✍️
दीप गोले तामाङ – रौतहट
—————<•>—————
बुवाकाे सम्मान गर
उनकाे संरक्षणमा पालियौ
उनकाे सेवामा मर ।
✍️
नवराज भट्ट
कञ्चनपुर
—————<•>—————
सन्तानको बलियो काँध
सधैँ हौसला दिने
बुवा हुन् बाँध ।
✍️
बुद्धिमान दनुवार ( सुरुङ्गेली कान्छो )
कनकाई ४ झापा
—————<•>—————
उर्जाका स्रोत पिता
संघर्षका हुन् सारथि
सन्ततिका साक्षात् गीता ।
✍️
ऋजु दिल्पाली
ईटहरी १ सुनसरी ।
—————<•>—————
पिता ज्युदो भगवान
औशी मात्र नभनी
गरौँ सधैँ सम्मान ।
✍️
सुस्मिता अधिकारी ,काठमाडौँ
—————<•>—————
सरणमा हामी परौँ
बुवा हाम्रा भगवान
सधैँ सम्मान गरौं ।
✍️
अनिता भण्डारी, ताप्लेजुङ
—————<•>—————
बुबाकाे बुझाै दुख
परिवार सदा रमाउँदै
पाउँछाै जीवनमा सुख ।
✍️
हिरालाल न्याैपाने
बानपा ८ काेटमाैला सल्यान।
—————<•>—————
सन्तानलाई अमृतवाणी पिलाई
पथमा लम्काउने सदा
माटोमा पसिना मिलाई !
✍️
राज बहादुर बडुवाल
जुम्ला
—————<•>—————
जरालाई नबिर्सौं शाखाले
बुबाको मुख हेरौँ
अन्तर्मनको स्वच्छ आँखाले ।
✍️
पुष्पा सुवेदी
नेपालगन्ज,बॅाके।
—————<•>—————
मन चङ्गा हुन्थ्यो
सिरमा उनको स्पर्सले
पीडामा उनीसँगै रुन्थ्यो ।
✍️
शशीश्री आचार्य
बौद्ध कुमारीगाल काठमाडौँ
—————<•>—————
खन्छु अवश्य कुवा
भएर अब प्रतिबद्ध
सधैँ बाँच्छु, बुवा !
✍️
नन्दलाल आचार्य
सिद्धार्थटोल, उदयपुर ।
—————<•>—————
बाबा साच्चै महान्
आँट भरोसाको केन्द्र
मेरा लागि भगवान् ।
✍️
बाल कृष्ण श्रेष्ठ
सोलुखुम्बु
—————<•>—————
गुणकाे माला उनेर
बुवाकाे गलामा पहिर्‍याउँ
मनले श्रद्धा अर्पेर ।
✍️
हरिगाेपाल न्हुच्छेँलप्रधान
काभ्रे, बनेपा १४ साँगा बजार
—————<•>—————
सकेनछ भावीले लेख्न
भाग्यमा रहेनछ मलाई
बुबाकाे अनुहार देख्न ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
—————<•>—————
माया गरौँ जिउँदैमा
निरास नपारौँ कहिल्यै
खुवाउँ मीठो हुँदैमा ।
✍️
धनमाया चौधरी
कैलाली
—————<•>—————
हेर्ने बुवाकाे मुख
जन्मदाता भगवान हुन्
नदिउँ कहिले दुख !
✍️
गाेपालप्रसाद दाहाल
दमक-५ झापा
—————<•>—————
मार्गदर्शक उनको मुहार
नलानू बुबालाई बृद्धाश्रम
बृद्धावस्थामा देऊ गुहार ।
✍️
कृष्णकुमार वैद्य
बनेपा ९, काभ्रे
—————<•>—————
बुबा तिम्रो आशिर्वाद
त्यति भए पुग्छ
मलाई आजीवन साथ ।
✍️
ईश्वर साउद(भिक्षु )
रामाराेसन गाउपलिका ६ सुदुरपश्चिम अछाम
—————<•>—————
तिमीलाई भगवान मान्छु
सधैँ बनोस् आशिर्वाद
मनको धड्कन ठान्छु ।
✍️
दुर्गा आचार्य
मोरङ
—————<•>—————
दु:ख मैलो धुने
भएको दिएर सन्तानलाई
आफू रित्तिनु हुने ।
✍️
पृथक प्रकृति ,झापा
—————<•>—————
बुवा घरको छानो
हरेक समस्या झेलेर
जोगाई ख्वाए मानो !
✍️
भुपेन्द्र राना मगर
धादिङ
—————<•>—————
रमाई उनका सन्सारमा
खेलेँ हाँसेर खाएँ
जाे थियो भन्सारमा ।
✍️
रामप्रसाद पुरी, बादेल, खाेटाङ ।
—————<•>—————
बुबालाई वचन दिएँ
मानवता खोज्छु भनी
आशीर्वाद थाप्लोमा लिएँ ।
✍️
लक्ष्मी रिजाल
रुपनगर, सप्तरी, मधेश, नेपाल
—————<•>—————
बुवा जिउँदो भगवान
सन्तानको रक्षा गर्ने
सधैँ गरौँ सम्मान ।
✍️
वेल थोकर तामाङ
बकैया ८ // कर्माया/ मकवानपुर
—————<•>—————
पराइ जस्तै सम्झिन्छन्
बुवाकै अगाडि छोरीलाई
दाजुभाइ किन तर्सिन्छन् ?
✍️
सुनगाभा पोखरेल
—————<•>—————
कुरा धेरै काट्छन्
घरमा बा नभएकोले
आफन्तले पनि ढाट्छन् ।
✍️
कला ढकाल
—————<•>—————
सदा पितालाई हेरौँ
केवल औँसीमा होइन
उहाँका मर्यादा नफेरौँ ।
✍️
मनोहरी पौडेल
गैडाकोट १
—————<•>————–
सृष्टिको रचना गर्ने
परिवारको खम्बा पिता
जीवनको रङ्ग भर्ने ।
✍️
कृष्ण बजगाई
भक्तपुर
—————<•>—————
भन्छन् बाबा गगन
परिवारलाई पाल्न उनले
लाउँछन् आफ्नो तन ।
✍️
सीमा कार्की समर्पण
मेलचोक पर्सा
—————<•>—————
पिता छन् देवतातुल्य
हुन् सन्ततिका धरोहर
हुन्न उनको मूल्य ।
✍️
जयनारायण नेपाल
इलाम , हाल सूर्यविनायक २
बालकोट ,भक्तपुर ।
—————<•>—————
प्रेरणाका स्रोत पिता
उच्च सम्मान राख्दछ
भागवत ग्रन्थ गीता ।
✍️
त्रिलाेचन भण्डारी
मेचीनगर,झापा
—————<•>—————
घरमा खुसीको मेला
बाबाले ल्याउनु हुन्छ
लुकाउँदै हातको ठेला ।
✍️
रुना कर्माचार्य दाहाल
चितवन
—————<•>—————
ईश्वर हुन् बुवा
आजकल म भएँ
एकदमै स्वार्थी बटुवा !
✍️
अन्मोल मुस्कान
तकदाह छाउनी, दार्जिलिङ।
—————<•>—————
पीडाका भेलहरू रोकी
बुवाले सत्मार्गमा डोर्‍याए
दु:खका पहाडहरू बोकी ।
✍️
डम्बर थामी ‘अनुपम’
कालिन्चोक गा.पा. -६ , दोलखा ।
—————<•>—————
बाबा सात समुद्रपारि
जानुभयो घर छोडेर
बोकेर रिनको भारी !
✍️
सर्मिला बोहरा, बैतडी
—————<•>—————
घाम लाग्यो घमाइलो
बाबाको मुख हेर्दा
हुन्छ साह्रै रमाइलो ।
✍️
अनामिका
—————<•>—————
दिनुपर्छ उच्च सम्मान
सम्झेर सबै सन्तानले
उहाँले दिएको योगदान ।
✍️
अरुण कुमार भुजेल
गोरूबथान,कालेबुङ,भारत।
—————<•>—————
नभनी आफ्नो दुख
काँडामा टेकेर पनि
दिन्छन् सधैँ सुख ।
✍️
नन्दा धामी
नौगाड दार्चुला
—————<•>—————
बुवाको बलियो काँध
संसारको सारा दु:ख
रोक्ने सुन्दर बाँध ।
✍️
वि के मुखिया
दार्जिलिङ, भारत
—————<•>—————
समाउने पाइनँ हात
वाल्यकालमै गुमाएँ बाबा
रोएर बित्दछन् रात !
✍️
सरस्वती श्रेष्ठ
रुपन्देही बुटवल
—————<•>—————
चाउरी परेको मुख
राम्ररी हेरविचार गरौँ
नदिई कुनै दुख ।
✍️
होमप्रसाद नेउपाने
धरान,सुनसरी ।
—————<•>—————
धमिलो पानी कुवाको
सुकेर जान्छ घामले
गर्छु सेवा बुवाको !
✍️
बिधुत गुरुङ
गोरुबथान भारत
—————<•>—————
बाबुु शिरकाे टाेपी
सन्तति रक्षा खातिर
राख्ने समस्या छाेपी ।
✍️
प्रद्युम्न चालिसे
भक्तपुर कटुञ्जे
—————<•>—————
शिक्षाको ज्ञान छरिदिने
महान् हुन् पिता
मनमा शान्ति भरिदिने ।
✍️
अनुग्रह राना मगर ‘पुष्प’
पाँचखपन न. पा. ६ संखुवासभा ।
—————<•>—————
अभावको जिन्दगी जिउँछन्
सन्तानलाई खुसी राख्न
आफू आँसु पिउँछन् ।
✍️
शान्ता पौडेल भट्टराई
टङ्कीसिनवारी, मोरङ
—————<•>—————
छैन चामल घरमा
कसरी चलाउनु घर
त्यो ज्यालाको भरमा ।
✍️
खडक आर सि मिलन
छेडागाड नगरपालिका २ साल्मा जाजरकोट
—————<•>—————
बाबा खम्बा घरका
बुझ्नेलाई यथार्थ कुरो
उनै हुन्छन् भरका ।
✍️
राजेशराज गड्तौला
कॅाडाघारी, काठमाण्डौ
—————<•>—————
पर्दा विरामी साथमा
हुँदैन है कोही
सेवा गर्ने गाथमा ।
✍️
लोक बहादुर क्ष्रेत्री
—————<•>—————
धेरै गर्नुभयो दुख
बाबा हजुरलाई सधैँ
दिनेछौँ हामीले सुख ।
✍️
अनिता कार्की
पाँचथर
—————<•>—————
पुगोस् मनको चाहना
सबै नेपाली बन्धुहरूलाई
कुसेऔँसी छ शुभकामना !
✍️
ललिता गिरी सिन्धुली
—————<•>—————
बुवाको आशीर्वाद लिन
मलाई माफ गरिदिनुस्
यसपालि आउन सकिनँ ।
✍️
हिरामाया श्रेष्ठ
गजुरी १ धादिङ
—————<•>—————
आशिष लाग्दै जाओस्
धर्तीले बिदा गरेपछि
स्वर्गमा बास होस् !
✍️
लक्ष्मण देउवा डोटी
—————<•>—————
बुबाकाे परलाेकमा बास
टुहुराे भइयाे छिट्टै
औँसी लाग्दैन खास ।
✍️
काेपिला अधिकारी
गाेरखा
—————<•>—————
बुबाको त्यो काँध
छैन कम्जोर पक्कै
भन्दा कुनै बाँध ।
✍️
अमृत कोइराला
पोखरा
—————<•>—————
सम्झदा खस्दछ्न् ढिका
बुवाको सामु अरू
सम्बन्ध लाग्दछ फिका !
✍️
साहित्य प्रेमी
धनगढी
—————<•>—————
चारैतिर घुम्छन् आँखा
खोज्दै न्यानो काख
बुवा डुलेको पाखा ।
✍️
समुन्द्रा शर्मा
सुनसरी ।
—————<•>—————
वर्षको मात्र एकदिनमा
सजाएर यो मुहारपुस्तिका
हुँदैन सम्मान छिनमा ।
✍️
पद्मा काश्यप पाण्डे, मोरङ
—————<•>—————
सिकाउनुहुन्न झुठा बात
भगवान मान्छु बुबालाई
साथ रहन्छु दिनरात ।
✍️
सतिश पण्डित
—————<•>—————
छैनन बुवा जस्ताे
काेही पनि संसारमा
कसैले नमानाैँ सस्तो !
✍️
उर्मिला के.शी.
धनकुटा !
—————<•>—————
फुटेका कुर्कुच्चा हेर
फेसबुकमा फोटो होइन
बाबाको दिनचर्या फेर !
✍️
मन्दिरा सेढाई
मलेखु,धादिङ
—————<•>—————
भदाैकाे मास छायाे
आज कुसेऔँसी आउँदा
बाबाको याद आयाे ।
✍️
भवानी पोखरेल( बाबु बिराज)
बाणगंगा १ जितपुर कपिलवस्तु
—————<•>—————
बुबाको मुख हेर्नू
नपर्खनू त्यो कुसेऔँसी
सधैँ मायाले बेर्नू ।
✍️
ममता पौडेल
बुढीगङ्गा-२ , मोरङ
—————<•>—————
बालाई राखौँ मनमा
जिउँदो देउता हुन्
सन्देश दिउँ जनमा ।
✍️
सविता भट्टराई
जनकपुरधाम
—————<•>—————
नक्कली आँसु नझार
जाऊ आँसु पुछ्न
मुखले ठिक्क नपार ।
✍️
शम्भु गजुरेल
—————<•>—————
बाबा आँखाको दृष्टि
आमा हुन् जन्मदाता
अडेको छ सृष्टि ।
✍️
शोभा आचार्य गौतम
काठमाडौँ
—————<•>—————

साताका तीन लघुकथा हिमालयन दृष्टि र नमस्ते आधुनिक लघुकथा मञ्च बिचको सहकार्यमा सञ्चालित साप्ताहिक स्तम्भ हो । यस स्तम्भमा नमस्ते आधुनिक लघुकथा मञ्चको भित्तोमा साताभर प्रेषित लघुकथाहरू मध्ये मञ्चले छानेर पठाएका उत्कृष्ट तीन लघुकथाहरू प्रकाशन हुने गर्दछन् ।

यस साताको (६२औँ) शृङ्खलाका लागि लघुकथाकार बाबुकाजी सुवाल ‘विकेश निराशी’को लघुकथा ‘बुढो हड्डी’, लघुकथाकार सुरेशकुमार पाण्डेको लघुकथा ‘विवश’ र लघुकथाकार प्रतिज्ञा प्रतिज्ञाको लघुकथा ‘झोला’ उत्कृष्ट तीनभित्र परेका छन् ।

——————-<•>——————

[१]
लघुकथा: बुढो हड्डी

✍️ बाबुकाजी सुवाल ‘विकेश निराशी’
एक महिनाअघि विदेशबाट फर्केको नाति सहनीलाल चार पाँच जना मान्छे जम्मा पारेर आएको देखेर खरको छाप्रोबाहिर आँगनमा राखेको मेचमा घाम तापेर बसेकी नथुनी बज्यै अचम्ममा परिन् ।
-“बाबु माइला, किन मान्छे ल्याएको ? के गर्न लाग्यौ ?” नथुनीले नातिलाई सोधिन् ।
-“परको त्यो बारीको आँपका बोटहरू काट्न लागेको । अब त्यहाँ घर बनाउनु पर्छ, हजुरआमा ।” सँगै आएका मान्छेहरूलाई बन्चराहरू र डोरी सुम्पिँदै सहनीलालले भन्यो ।

-“त्यो आँपबारी हाम्रा बाआमा समान छन् बाबू ! नमास्नू, त्यसलाई । हाम्रा बाजेबराजुदेखि हामी सबैलाई पालेको छ, त्यसले । त्यही बारीको आँप तिमीहरूले खायौ, बढ्यौ, पढ्यौ र आज पुगिसरी भयौ । अब मास्यौ भने पाप लाग्छ, बा ! नमास ।”
नथुनी बज्यैले गहभरि आँसु पारेर गला अवरुद्ध गर्दै भनिन् ।
-“अब ती आँपका रुखहरू बुढा भइसके । फल पनि राम्रो दिँदैन, तिनको के काम, हजुरआमा ?” सहनीलालले बज्यैलाई सम्झायो ।
-“हो त नि है ! यो बुढो हड्डीको के काम ?” नथुनी बज्यैले आँखाबाट बर्र आँसु झारिन् र बर्बराउँदै मेचबाट भुइँमा ढलिन् अनि पर्लक्क आँखा पल्टाइन् ।

२०८१ भाद्र १० गते श्रीकृष्ण जन्माष्टमी
——————-<•>——————

२)
लघुकथा: विवश

✍️ सुरेशकुमार पाण्डे
-“साहुजी ! मेरो छोरी बिमार छिन् । कृपया मलाई पाँच हजार ऋण दिनुहोस्; मेरो तलबबाट चुक्ता गरुँला ।” सेरुले साहु मुरलीधरसँग बिन्ती बिसायो ।
-“हेर सेरु ! मसँग एउटा फुटेको कौडी छैन यो वेला । तँलाई कसरी दिउँ ? अरू यता सुन् तँ काम नसकिकन नजानू नि ।” मुरलीधरले सहयोग दिनुको सट्टा उल्टै रोक्यो ।
-“तर साहुजी मेरो छोरीको जिन्दगी दाउमा छ । उनलाई एक सय चार डिग्री जरो छ । अस्तिदेखि पैसा नभएर सदरमुकाम ठूलो अस्पतालमा लैजान सकेका छैनौँ । कृपया मलाई सके त थोरै रुपियाँ ऋण दिनु, नसके मलाई नरोक्नु । दुई दिनको बिदा दिनुहोस् ।” सेरुले फेरि दुवै हात जोड्यो ।

-“तीन दिनदेखि नमरेकी तेरी छोरी आजै मर्छे ? काम नसक्दै तँलाई म छुट्टी दिन सक्दैनँ । काम सकेर जा, अनि फेरि भोलि कामको बेला आइपुग नि । नत्र काममा नआए पनि हुन्छ बुझिस् ।” मुरलीले आफ्नो अडान छाडेन ।

उता सेरु अत्यन्तै चिन्तित थियो । पाँच वर्षकी छोरी बिरामी भएकोले ‘कहाँ लिएर जाने’ भन्ने चिन्ता थियो । साहुले पैसा दिन पनि मानेन ।
ऊ आँगनीमा व्याकुल अवस्थामा उभिएको थियो । साहु मुरलीधर कुर्सीमा विराजमान थियो ।
-“साहुजी नमस्ते !” प्रदिप टुप्लुक्कै आइपुग्यो ।
-“सेरु ! अर्को कुर्सी ले त भित्रबाट ।” साहुले आदेश गर्यो । सेरुले कुर्सी ल्याइदियो ।
-“पर्दन सर ! म बस्न लाग्दैन । बरु यो दशहजार रकम राख्नुस्, अरू पछि हिसाब गरौँला ।” प्रदिपले दशहजार रुपैयाँ मुरलीधरलाई थमायो र फर्कियो ।

सेरु मनैमन खुसी भयो । साहुसँग रुपैयाँ आयो । ‘अब मेरो छोरीको उपचार हुन्छ ।’
-“साहुजी ! पैसा आइहाल्यो । अब मलाई मेरो तलब दिनुहोस् ।” फेरि हात जोड्दै ऊ मुरलीधरको अगाडि उभियो ।
-“सेरु ! यो पैसा अर्कै कामको लागि हो, दिन मिल्दैन । अरू पैसा सुको छैन ।” मुरलीधरले फेरि पनि बहाना बनायो ।

सेरुको सहनशिलताको बाँध टुट्यो । उसले मुरलीधरको हात मरक्क मर्क्याइदियो र सबै पैसा खोस्यो । घरमा अरू कोही पनि थिएनन् । त्यसपछि सेरु फटाफट घर गयो र छोरीलाई अस्पताल लगेर भर्ना गर्यो । केहीबेरमै प्रहरी लिएर मुरलीधर अस्पताल पुग्यो ।
-“सर ! सेरुले मसँग एकपल्ट छोरी बिमार छ भनेको भए म आफैँ अस्पताल पुराइदिन्थेँ । तर यो डाँकाले मलाई मार्नै खोज्यो । यसलाई छोड्नु हुँदैन ।” मुरलीधरले छाती चौडा गराउँदै भन्यो । उता सेरुले प्रहरीलाई मोबाइलमा रिकार्ड गरेको सुनाउँदै थियोे ।

दाङ घोराही १८
२८-०८-२०२४(१२-०५-२०८१)
——————-<•>—————–

३)
लघुकथा: झोला

✍️ प्रतिज्ञा प्रतिज्ञा
-“जाने बेलामा हाँसेर बिदा गर्नु है ” उनले भने तर उनको आँखाहरू भरिएका थिए । आँसु खस्नलाई हतार गरिरहेका थिए ।

बुढी आमाले सकी नसकी छोराको निधारमा रातो टीका टाँस्दै आशिर्वाद दिइन् ।
-“भगवानले तेरो सधैँ रक्षा गरुन् !”
उनलेे श्रीमती र आमासँग बिदा मागेर जान आँटेका थिए, आमाले प्रश्न गरिन् ।
“बाबु ! झोला गरुङ्गो छ, कसरी लग्छस् ?”

उनले दुखी हुँदै भने ।
-“योभन्दा त पीरको झोला बोक्न गाह्राे हुँदोरहेछ, आमा !”

मेहेलकुना सुर्खेत
२०८१/५/१३
——————-<•>——————-

झिल्का लेखन अभियानको २७ औँ शृङ्खला (श्रीकृष्णाष्टमी विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।

झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ३३ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।

झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुन्छ तर सकभर समध्वनीक नभएमा उत्तम मानिन्छ ।

सहभागी झिल्काकारहरूका उत्कृष्ट झिल्का कविताहरू-

---

१)
नटखट कृष्ण काले
गोपीनीको मन मुटुमा
चट्ट डेरा जमाइहाले ।
✍️
वसन्त अनुभव

घोराही, दाङ

२)
श्रीकृष्णको मुरली साधना
आज कृष्ण जन्माष्टमीको
सबैमा मङ्गलमय शुभकामना !
✍️

बेदु न्यौपाने

३)
श्रीकृष्ण जन्माष्टमी मनाएँ
सबैलाई शुभकामना छ
पूजा गरेर जनाएँ !
✍️

अम्बिका अधिकारी

४)
कृष्ण जन्माष्टमीको शुभकामना
शक्तिको अपरम्पार उनी
गरौँ शुध्दताले याचना !
✍️
शोभा आचार्य गौतम

काठमाडौँ

५)
श्रीकृष्ण जन्माष्टमी मनाउँदै
एकमाथि छन् अनेक
झिल्का कविता बनाउँदै !
✍️
रबि पाैडेल

दक्षिण भारत पाण्डेचरी

६)
पिरतीमा देखिन्छन् धोएका
अछुतो देखिन्नन् कोही
भेटिएनन् संसारमा नरोएका ।
✍️

चुडामणी देवकोटा

७)
अष्टमीको मनोरम पर्व
मनाउँदै रमाउँदै हामी
सबैले गरौँ गर्व !
✍️

मोती सुब्बा

८)
अत्याचारको अन्त्य गर्ने
अलौकिक शक्तिका धनी
गर्छन् सबैलाई मनपर्ने !
✍️

कला ढकाल

९)
हिन्दुले मान्ने पर्व
तीजको छेउछाउ पर्ने
सबैलाई लाग्छ गर्व !
✍️

भगवती दवाडी, झापा

१०)
श्रीकृष्ण जन्माष्टमीको दिन
मानेर चाडको रूपमा
मनाउन भए तल्लीन !
✍️

पृथक प्रकृति, झापा

११)
काले कृष्ण गोपाल
जगतभरि तिम्रै चर्चा
हे देवकी नन्दलाल !
✍️
सुनगाभा पोखरेल

नेपालगन्ज

१२)
चुनौतिको गरौँ सामना
सबैमा सफलता मिलिरहोस्
श्रीकृष्ण जन्माष्टमीको शुभकामना !
✍️

पुष्पा राई, खाेटाङ

१३)
पुगोस् सबको चाहना
श्रीकृष्ण जन्माष्टमीको सबैलाई
हार्दिक हार्दिक शुभकामना !
✍️
वेल थोकर तामाङ

मकवानपुर, बकैया, कर्माया

१४)
हिंँड्छन् बाँसुरी बजाउँदै
काले कृष्ण नक्कले
सैयौँ गाेपीनी कजाउँदै ।
✍️
राज कुमार राजभण्डारी खाेटाङ्गे

मध्यपुर ठिमी ५ संगम काेलाेनी राधे राधे भक्तपुर

१५)
बन्दैनन् पोशाक लगाई
बालख कृष्ण बन्छन्
केवल कुसंस्कार भगाई !
✍️
सुरेशकुमार पाण्डे

दाङ घोराही १८

१६)
कृष्णको शरणमा जाऔँ
मनको शुद्धताको लागि
भजन कीर्तन गाऔँ !
✍️
अर्जुन प्रसाद चौलागाई
रामेछापः-सुनापति-१

हालः-क्यानडा,क्यालगरी।

१७)
मनको गहिराइलाई बुझ्ने
ज्ञान दिए कृष्णले
अन्तर मनसङ्ग जुझ्ने ।
✍️
दीपा समभाव

दुबेकोल खोटाङ्ग

१८)
मन भए पवित्र
बनाउछन् भन्छन् उनैलाई
कृष्णले परम मित्र ।
✍️
सीमा कार्की समर्पण

मेलचोक पर्सा

१९)
कृष्ण जन्माष्टमीको कामना
फैलिरहोस् सुगन्धको सुवास
पुराहोस् सबैको मनोभावना !
✍️

कृष्ण बजगाई

२०)
गर्छु श्रीकृष्णमा बन्दना
आफ्नै आस्थाको संस्कार
श्रीकृष्ण जन्माष्टमीको शुभकनमना !
✍️

ऋजु दिल्पाली

२१)
चोरेर खाने दही
हरे ! कृष्ण मुरारे
मान्ने हामी सही ।
✍️

नागेन्द्रप्रसाद यादव

२२)
कृष्ण जन्माष्टमी आज
सबैलाई सुखी राख्नू
हाम्राे बचाउनू लाज !
✍️
सविता भट्टराई

जनकपुर

२३)
कृष्ण मुरली बजाइदेऊ
तिम्रो गर्दछु आराधना
देशबाट कंसलाई हटाइदेऊ ।
✍️
सतीश पण्डित

भानु६ चुँदी तनहूँ

२४)
पहिरन भएपनि साधा
साह्रै सुन्दर देखिएकी
कृष्णकी प्यारी राधा !
✍️
काजल न्यौपाने

भोजपुर,बोखिम।

२५)
विष्णुको रूप लिएर
विभिन्न लिला देखाउथे
चोरीचोरी दही पिएर ।
✍️

ललिता गिरी सिन्धुली

२६)
असत्यको संहार गर्न
आउनू कृष्ण फेरि
विश्वमा मानवता भर्न ।
✍️
सुस्मिता अधिकारी

काठमाडौँ

२७)
श्रीकृष्णको मुरलीको धुन
सुनेर गोपिनीहरू मख्ख
बजाउने भगवान हुन ।
✍️

धनमाया चौधरी

२८)
मनमा श्रीकृष्णको नाम
हुंँदैन कहिल्यै अनिष्ट
फत्ते हुन्छन् काम !
✍️

लोकबहादुर क्षेत्री

२९)
नदेऊ आँसु झर्न
अधर्मी धेरै भए
आइदेऊ उद्दार गर्न ।
✍️
अन्मोल मुस्कान

तकदाह छाउनी, दार्जिलिङ।

३०)
कृष्ण कृष्ण बोलेर
भजन गाऔँ सबैले
हृदय यो खोलेर !
✍️
त्रिलोचन भण्डारी

मेचीनगर,झापा

३१)
कृष्णको भजन गाउँदै
भक्तजन बसेका छन्
श्रीकृष्ण अष्टमी मनाउँदै ।
✍️
बुद्धिमान दनुवार ( सुरुङ्गेली कान्छो )

कनकाई ४ झापा

३२)
कृष्णाष्टमीको हार्दिक शुभकामना
सुखशान्तिसँग बाँच्ने रहरहरू
पूर्ण होउन् मनोभावना !
✍️

गुणनिधि घिमिरे, अमेरिका

साप्ताहिक झिल्का लेखन अभ्यासको ३२ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६४ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।

साप्ताहिक झिल्का लेखन अभ्यास शृङ्खला- ३२ मा सहभागी झिल्काकारहरूका सुन्दर झिल्काहरू-

…
१,
डम्फु तिमी बजाउॅंछौ
केही नसोची दायाँबायाँ
आखिरीमा के पाउॅंछौ ?
२,
बोकेर एउटा आनीबानी
हात्तीको दाँत देखाउॅंछौ
भन्न नपाइएला पानी ।
३,
अन्नपानीले बाँचेको ज्यान
अहम् भावना किन ?
हृदयबाटै गरौँ योगदान ।

• म्यामराज राई
  …
  १,
  माटोमा जन्मिएर हामी
  नगरौँ हेला कसैलाई
  नभनौँ दमाई, कामी !
  २,
  रगत एउटै हुन्छ
  काटे सबैको रातो
  गालीले मुटु छुन्छ ।
  ३,
  चुहिने छाता हातमा
  छेकिॅंदैन पानि पनि
  कति हिॅंडाउनु साथमा ?
• रवि पौडेल, दक्षिण भारत पाण्डेचरी
  …
  १,
  सबैको एउटै धरती
  टाढा नजिक छैनौ
  होस् सबैको अग्रगति।
  २,
  माया बसोस् गाढा
  रगत सबैको एउटै
  नभनौँ नजिक टाढा।
  ३,
  फूलको बास्ना मिठो
  सबैलाई दिने उही
  नलागोस् कसैलाई टिठो।
• अर्जुन प्रसाद चौलागाई, रामेछापः-सुनापति-१
  हालः-क्यानडा,क्यालगरी।
  …
  १,
  जातीय विभेद नगरौँ
  मानव हामी एउटै
  मनमा ज्ञान भरौँ ।
  २,
  आफ्नो संस्कार बचाऔँ
  सबैले बुझ्ने गरौँ
  इतिहासको बाटो रचाऔँ ।
  ३
  भलाई हुन्न डम्फुले
  काम गरेर देखाऊ
  बजाउँछ डम्फु लम्फुले ।
• वेदु न्यौपाने
  …
  १,
  तिज पर्व आयो
  दर खाँदै खुसी
  महिना नै बितायो ।
• ताराप्रसाद चापागाईँ
  …
  १
  एक हातले ताली
  बज्दैन भन्ने बुझ्दैनौ
  भेट्छौ समाजको गाली ।
  २
  हिंसा अहंभावना लोभ
  काम क्रोध ईर्ष्याले
  दुनियाँदारमा बढ्दछ क्षोभ ।
  ३
  सक्छौ गर सत्कर्म
  अपराध नगर कहिल्यै
  कम्तिमा थाम्नु स्वधर्म ।
• गुणनिधि घिमिरे, अमेरिका
  …
  १
  परम्परा त्यागेर किन ?
  विकृति फैलाउँदै यसरी
  सम्झेर लाग्छ घिन।
  २
  तीन दिनको पर्व
  महिना दिनभरि मनाउने
  कसरी गर्नु गर्व।
• सङ्गीता खरेल, काठमाडौं
  …
  १,
  कतै तिजको लहर
  कतै डम्फुको ताल
  विविधताको काठमाडौं सहर !
  २,
  चल्नु हुँदैन कुसंस्कारमा
  हुनुपर्छ नि बहस
  जातमा होइन विचारमा !
  ३,
  कसले बुझ्छ मोल
  पेलिनुपर्छ निर्धाले मात्रै
  रूप फेर्दैछ कोल !
• दीपा समभाव, दुबेकोल खोटाङ्ग
  …
  १,
  बसी खाने ठालु
  किसानलाई दु:ख दिए
  फुट्ला तिम्रो तालु।
  २,
  परिश्रमले धन कमाउनु
  सुखमय जिन्दगी बनाई
  हर्ष उल्लासले रमाउनु।
  ३,
  तिजको लहर आयो
  दर खाने निउॅंले
  महिना दिन बितायो ।
• राज कुमार राजभण्डारी खोटाङ्गे, मध्यपुर ठिमी ५ संगम कोलोनी राधे राधे भक्तपुर ।
  …
  १,
  पत्रकारिता कमाउ धन्दा
  नबनाऊँ सचेत बनौँ
  धनले इमान् मन्दा।
  २,
  फोहोर भयो राजनीति
  अराजक भए लिडर
  सफा हुँदैन सितिमिती।
  ३,
  पहेँलो सेतो पोशाक
  बेइमान लुक्ने टालो
  बनाए सत्य खाक।
• सुरेशकुमार पाण्डे, दाङ घोराही १८
  …
  १,
  नौमती बाजा बजाएर
  आजै घर भित्र्याउॅंछु
  तिमीलाई डोलीमा सजाएर ।
  २,
  भनेको मान खुरुक्क
  धेरै जिद्दी गरेमा
  बोकेर लैजान्छु जुरुक्क ।
  ३,
  नसुन अर्काको कुरा
  मनमा भएका रहरहरू
  सबै गरिदिन्छु पूरा ।
• लक्ष्मण देउवा, डोटी (हाल भारत चेन्नई)
  …
  १,
  सेलोमा डम्फु बजाउॅंछु।
  डम्फु तामाङको चिनारी ।
  यसैमा पहिचान पाउॅंछु ।
• वेल थोकर तामाङ
  …
  १,
  मलाई जालमा पार्यौ
  बस्यौ विदेश गएर
  धुरुधुरु रुवाइ मार्यौ।
  २,
  यति सुन्दर देश
  हाम्रो कारणले त
  बिग्रँदै गयो परिवेश।
  ३,
  छैन हाँसो ओठमा
  नलागे पनि विश्वास
  गर्नुपर्ने कालो कोटमा।
• सतीश पण्डित, भानु६ चुँदी तनहूँ (हाल चनपा ६ मातातीर्थ)
  …
  १,
  खोलेर बात मनको
  कुरा गरौँ मिलेर
  भलो हुन्छ जनको।
  २,
  दिल छोयो मेरो
  राम्रो तिम्रो कुराले
  नाच्यो नयन सेरोफेरो।
  ३,
  फूलको बिरुवा रोपेको
  आहा! बगैंचामा सुन्दरता
  देखियो धर्तीलाई छोपेको ।
• अनुग्रह राना मगर ‘पुष्प’, पाँचखपन न. पा. ६ संखुवासभा
  …
  १,
  गरेर काम खास
  खुसीले हरेक मनमा
  हुन्छ ईशको बास !
• आर्त अकुलीन
  …
  १,
  देशमा जताततै पहिरो
  गाउँ भयो युवाविहीन
  समाजमा चिन्ता गहिरो।
  २,
  देशमा भ्रष्टाचारको जालो
  देश छाडेर नजाऔॅं
  समाऔॅं फटाहाहरूको कठालो।
  ३,
  घरबारीमा सुन फल्छ
  युवाहरू एकमतले उठ
  भ्रष्टाचारीको सत्ता ढल्छ।
• चुडामणी देबकोटा, पुरानोनैकाप काठमाण्डौ
  …
  १,
  बोकेर डरको भारी
  कतै पनि अब
  सुरक्षित छैन नारी ।
  २,
  कस्तो हुन्छ दृष्टिमा
  सुरक्षित छैन कतै
  छोरी नजन्मिऊन् सृष्टिमा ।
  ३,
  सबै अघि सर्नुपर्छ
  अन्त्य गर्न ज्यादती
  हामी लक्ष्यमा लागिपर्नुपर्छ ।
• अनिता भण्डारी, ताप्लेजुङ
  …
  १,
  कहिलेसम्म बस्ने मागी
  यी देशद्रोही कहिल्यै
  सोचेनन् देशको लागि ।
  २,
  देशमा अँध्यारो छायो
  एमसीसी र एसपीपीले
  अमेरिकी सेना आयो ।
  ३,
  सकिन्न कहिले छेकेर
  दलालहरू मोटाएका छन्
  युवा सबै बेचेर ।
• दीप गोले तामाङ, रौतहट
  …
  १,
  नेपाली माटो भुलेर
  किन त्यतै रमायौ
  उमेर गयो डुलेर!
  २,
  किन दास बन्दैछौ
  पसिना बेचेर रमायौ
  नेपाल हाम्रो भन्दैछौ ।
  ३,
  फर्केर आउलौ नेपाल
  उजाड बनाए देशयो
  बनाउँ सुन्दर विशाल!
• कमल प्रसाद बगाले रेग्मी, वालिङ्ग बजार स्याङ्जा
  …
  १,
  धनको धेरै खोजीमा
  आफैलाई कहिले नबेचौं
  केही नरहोस् गोजीमा।
  २,
  प्यार थियो राधामा
  घृणाको जिन्दगी नबिताऔॅं
  सकियोस् जीवन आधामा।
  ३,
  पसिनाको कमाई रसिलो
  धर्य राखौं मनलाई
  इज्जत बाधौँ कसिलो।
• अन्मोल मुस्कान, तकदाह छाउनी, दार्जिलिङ।
  …
  १,
  हाँसो बालापनले पायो
  समय बलवान् हुन्छ
  खुसी जिम्मेवारीले खायो ।
  २,
  सबै समयको खेला
  परिस्थिति वक्र भएपछि
  लाग्छ चुनौतीको मेला !
  ३,
  मानसिक अपाङ्ग हुन्छ
  अन्धभक्त कार्यकर्ता हुँदा
  मुलुक एक्लिॅंदै रुन्छ ।
• ऋजु दिल्पाली, ईटहरी १ सुनसरी
  …
  १,
  तिथि पाइने पात्रो
  जिउँदो रहँदा कहिल्यै
  किन्न नपाइने कात्रो।
  २,
  संस्कारमा जीवन सारौँ
  मनमा प्रभु बन्दना
  जीवनलाई मात्र सुधारौँ ।
• कार्की डिबी माकुम, सुनवल-४, नवलपरासी
  …
  १,
  श्रीमती सुन सम्झेर
  तिजमा रुन्छिन् बरै !
  आमा नुन सम्झेर।
  २,
  गरिबीको कथा भयो
  नामर्दको श्रीमती बनेछु
  रहरहरू सबै गयो।
  ३,
  धनबिना मधुवन कसरी ?
  निमोठेर रहर कल्पना
  रहरहरू ढल्दैछन् यसरी।
• घनश्याम पन्त, हरिवन सर्लाही
  …
  १,
  कति गाह्रो भयो
  कथाको माध्यमबाट बुझ्नु
  जिन्दगी बितेर गयो।
  २,
  आशा गरे मनमा
  फेरि उठेर जानेछु
  नाम कमाउँछु धनमा।
  ३,
  लेख्छु झिल्का यहाँ
  मनको कुराहरू राखेर
  तिमी छौ कहाँ।
• नीमा छिरिङ भोटिया, जलढका कालेबुङ, भारत
  …
  १,
  रमाइलो गर्ने आयो
  चेलीहरूका खुसीको समय
  सबैको हाँसो छायो।
  २,
  तिजको गीत गाउॅंदै
  महिना दिन रमाउछ
  देशमा विकृति फैलाउॅंदै।
  ३,
  सच्चा सपूत देशमा
  खोजीरहेछ सबै जनताले
  गौतम बुद्धको भेषमा।
• एवाइ प्रभात, सहिदभुमि धनकुटा
  …
  १,
  गाढा बनोस् माया
  सुखदु:ख भए नि
  जीवनमा नपरोस् छाया ।
  २,
  पिपलको सितल छाया
  छुटनु हुँदैन सानू,
  हाम्रो बसेको माया ।
• मन थापा, पोखरा २१ बक्रेक
  …
  १,
  स्वास्थ्यलाई हुने हित
  गुर्जोको सेवन गर्दा
  हुन दिॅंदैन सङ्क्रमित ।
  २,
  हिंसाको खबर आयो
  जतिसुकै असुरक्षित नारी
  जनमानसमा कहर ल्यायो ।
  ३,
  आफ्नो समस्या गम्भीर
  अरूको चाहिँ धुलो
  अछामको भए दानवीर ।
• पृथक प्रकृति ,झापा
  …
  १,
  टाढा हुन्छु भन्छौ
  मेरो माया मारेर
  पाइला अन्तैतिर गन्छौ।
  २,
  सदनमा होडबाजी चलेको
  भ्रष्टाचारी नेताको अभिनयमा
  सोझा जनता ढलेको।
  ३,
  साँच्चै छैन सरम
  सदनमा बस्ने मान्छेको
  छैन गतिलो इलम।
• कला ढकाल झापा
  …
  १,
  नगर्दा कसैको हानी
  दोष लगाइदिन्छन् यहाँ
  निर्दोषलाई सबै जानाजानी ।
  २,
  परेको बेला बिरामी
  कसलाई बोलाउँदा राम्रो
  डाक्टर या धामी ?
  ३,
  टुट्न सक्छ मन
  अरूको कुराले यहाँ
  गर्नु सदैव जतन ।
• अमृत कोइराला, पोखरा -१८,चंखपुर
  …
  १,
  सुरक्षित छैनन् नारी
  गरिखान छ गाह्रो
  बोकेर डरको भारी ।
  २,
  कुम्फु कराँते सिकेर
  हतियार आत्मरक्षाको निम्ति
  दैनिक समय झिकेर ।
  ३,
  गोप्य हतियार मानेर
  लाइसेन्स झोली नपर्ने
  सुरक्षित रहौं जानेर ।
• मोती योन्जन सुब्बा, दार्जिलिङ
  …
  १,
  जिन्दगी प्रकृतिको जिम्मेवार
  ल्यायौँ न लानु
  निरन्तर चलिरहन्छ, दमदार!
  २,
  बाटो बनएर हिँड्नु
  सङ्घर्ष छँदैछ त्यहाँ
  आफ्नो कमजोरीसँग भिड्नु!
  ३,
  सुखदुःख जीवनको पाटो
  जीवनमा रोज्नु पर्ने
  छुट्टा छुट्टै बाटो!
• अच्युत घिमिरे, सर्पाङ, भुटान
  …
  १,
  विकृत भयो तीज
  ह्विस्की बियर बाहेक
  देखेन खाने चिज ।
  २,
  तीज पर्व मनाऔँ
  भड्किलो नगरी संस्कृति
  भव्य सभ्य बनाऔँ ।
• कृष्णकुमार वैद्य, बनेपा ९, काभ्रे
  …
  १,
  पर्व यो हरितालिका
  मनाउन थाले आजभोलि
  नगर तथा गाउँपालिका ।
  २,
  महिलाकाहरूको महान चाड
  हिजोआज पुरूषसँग नाच्दा
  मस्कियो नारीहरूको ढाड ।
  ३,
  चलन खाने दर
  तिथिमिति छैन कुनै
  कसको पर्ने भर ?
• डिल्लीराज (राजेन्द्र) भुसाल, सन्धिखर्क-२, कुर, अर्घाखाँची
  …
  १,
  जिन्दगी चलाउन सघाऊ
  समस्याको हुरिबाट मित्र
  ती आफन्तहरूलाई बचाऊ ।
  २,
  दु:ख नगर बढार्न
  आफै बढारिन्छ धुलो
  पर्दैन तिमीले झार्न ।
  ३,
  सङ्गतले मति बिग्रियो
  ओरालोमा हिॅंडिरहेको जिन्दगी
  चोर चोरीबाटै पक्रियो ।
• ईश्वर साउद(भिक्षु), रामारोशन गाउँपालिका ६ सुदुरपश्चिम अछाम
  …
  १,
  रहर तीजमा नाँच्ने
  उफ्रेर बाडुली कम्मर
  मर्काइ मर्काइ भाँच्ने ।
  २,
  विकृति बढेर आयो
  तीजको नचाहिँदो गीत
  दुनियाँ यसरी हसाँयो ।
  ३,
  माइती घर जानुछ
  दिदी बहिनी मिलेर
  दर पकाएर खानुछ ।
• अम्बिका अधिकारी, झापा बिर्तामोड
  …
  १,
  कुकर्मको काम गरियो
  तिनै कामको परिणामले
  नराम्ररी तल झरियो।
  २,
  उपदेश दिनलाई सजिलो
  देखाउनै गाह्रो कामगरेर
  दुखिरहन्छ फिलाको पिलो।
• होमप्रसाद नेउपाने, धरान,सुनसरी
  …
  १,
  कुरा अधिक राम्रो
  चाला निकै तुच्छ
  बिगार्यो छवि हाम्रो ।
  २,
  लेख्छ आफै मेट्छ
  कस्तो दुइजिब्रे चाला
  तब गोदाइ भेट्छ ।
• हरिगोपाल न्हुच्छेँप्रधान, काभ्रे, बनेपा १४ साँगाबजार
  …
  १,
  मनाउनु पर्छ तिज
  संस्कार संस्कृति र परम्पराको
  मास्नु हुँदैन बीज।
• अरुण कुमार भुजेल, गोरूबथान, कालेबुङ, भारत
  …
  १,
  संसारमा ठुलो माया
  सक्छौ भने तिमी
  दिएर बस्नु छाया ।
  २,
  धनीलाई मात्रै मान्छन्
  भन्छन् नि भन्नलाई
  सन्तोष ठुलो ठान्छन् ?
  ३,
  तिम्रो माया लाग्छ
  भन्नेले भनोस् जेसुकै
  रातभरि आँखा जाग्छ ।
• रामप्रसाद पुरी, बादेल, खाेटाङ ।
  …
  १,
  धन कमाउने बहानामा
  बालबच्चा बिचल्ली पारी
  बिलासिता जीवनको चाहामा ।
  २,
  हिराको महत्त्व नबुझ्ने
  बिदेशमा पसिना पोख्ने
  ठेस लाग्दा सुझ्ने ।
  ३,
  विदेशी भूमि हराभरा
  स्वदेशमा सिन्को नभाँच्ने
  उसैको बारी जरा ।
• धनमाया चौधरी, कैलाली
  …
  १,
  तीजमा अब रमेर
  मनाऔॅंला चाड यसपालि
  आफन्त सबै जमेर ।
  २,
  दुःख पीडा भुलेर
  बाँडौँला खुसी भेटमा
  एक अर्कामा खुलेर।
• पुष्पा राई, खाेटाङ
  …
  १,
  सकारात्मक भए पालक
  सुन्दर शब्द सिकाऔॅं
  असल बन्छ बालक ।
• प्रेम थापा “मन”बागलुङ
  …
  १,
  रमाउने दिन आए
  तिजको गीत सुनेर
  नाच्नेहरू धेरै रमाए।
  २,
  मिठा सुरिला भाकामा
  गाउॅंछन चेलीले गीत
  नाच्दै भिर पाखामा।
• सुनगाभा पोखरेल, हाल:नेपालगन्ज
  …
  १,
  सभ्य भाषाका गीत
  गाएर भुलौँ पिर
  पुरातन तिजको रीत ।
  २,
  विडम्बना छाउॅंदै तिजमा
  सुरापान मस्ति नहोस्
  लिएर डान्सबार लिजमा ।
  ३,
  नारीको ठुलो पर्व
  हरिको गरेर पूजा
  मनाउॅंदा हुने गर्व ।
• हिरालाल न्यौपाने ,बानपा ८ काेटमाैला,सल्यान
  …
  १,
  दुःखमा आत्तिने बानी
  धैर्यता र साहसले
  जीवन चल्छ सानी ।
  २,
  पितापुर्खाको आशिष् पाएर
  छॅंदैछ मनमा संकल्प
  सधैँ कोसिस गरेर ।
  ३,
  शान्तिको दीप जलाई
  सधैँ उज्यालो पार्नुपर्छ
  आफूभित्रको आफ्नो मनलाई ।
• कृष्ण बजगाई, भक्तपुर
  …
  १,
  फूलको रस चुसेर
  लोभी भवरा उड्यो
  गयो बोट सुकेर ।
  २,
  बिहान बेलुका रातमा
  सम्झना झल्झली आउँछ
  तस्बिर उनकै हातमा ।
• बुद्धिमान दनुवार ( सुरुङ्गेली कान्छो ), कनकाई ४ झापा
  …
  १,
  कसैको भएन भर
  घमण्ड चुलिएपछि यहाँ
  सिन्दुरबाटै मारिने डर !
  २,
  अनपेक्षित खबर लेखियो
  अनुशासनको पाठ सिकाउन
  छोरालाई आवश्यक देखियो।
  ३,
  आफन्त सारालाई रुवायो
  भरिएपछि रिसको घडा
  आफ्नै जिन्दगी डुबायो ।
• शान्ता पौडेल भट्टराई, टङ्कीसिनवारी, मोरङ
  …
  १,
  घन्काउॅंदै सन्देशको मन्दरा
  नविनतम लघुकाव्य झिल्काले
  छिचोलोस् कुना कन्दरा l
  २,
  ओजिला होउन् शब्द
  झिल्काको भाव बुझेपछि
  पाठक बनून् स्तब्ध l
  ३,
  आआफ्नो ठाउँमा बसी
  झिल्का कविता कोरौँ
  पोखेर भावको मसी l
• बाबुराम गौतम, गुल्मी
  …
  १,
  आयो भन्दै तिज
  गीत गाए कलाकारले
  रोपेर विकृतिको बीज ।
• चन्द्रकली राना मगर, नौबहिनी -३, प्युठान
  …
  १,
  सपना सुन्दर सबै
  निन्द्रसँगै सबै मेटियो
  विपना बेहाल कठै !
  २,
  उ मौन बस्छ
  शब्दहरूले ऐॅंठन पार्दै
  मेरो गला कस्छ।
  ३,
  कुराहरू सङ्लो छैन
  विश्वास नगर्नु कसरी
  उनी पराई हैन।
• दिवाकर चाम्लिङ्ग राई, खर्साङ्ग, दार्जीलिङ
  …
  १,
  मुटुको घाउ देखिन्न
  याद गर हत्केलाले
  कहिल्यै सूर्यलाई छेकिन्न ।
  २,
  मनभरि पीडाको झोला
  थाहा छैन जिन्दगी
  कहाँ अन्त्य होला ।
  ३,
  मनको मैलो फाल्न
  न सकेँ सिलाउन
  न सकेँ टाल्न।
• ललिता गिरी सिन्धुली (हाल काठमाडौं नेपाल)
  …
  १,
  काक्रोले गर्मी भगाउँछ
  पानीको मात्रा पुराई,
  ग्यास्टिकलाई रोक लगाउँछ ।
  २,
  स्वास्थ्य स्वस्थ बन्छ
  काक्रो खाँदा जहिल्यै ,
  रक्तचाप ठिक रहन्छ ।
  ३,
  शरीर निरोगी बनाऔॅं
  धेरै फाइदा पाइने,
  काक्रो सधैंभरि खाऔॅं ।
• सीमा कार्की समर्पण, मेलचोक पर्सा
  …
  १,
  आयो तिजको लहर
  भोक भोकै व्रत बस्दै
  रमाइलो दार्जिलिङ सहर ।
  २,
  आयो तिज पर्व
  माइती जाने लहर
  सबैले गरौं गर्व ।
• प्रेम शर्मा ” एकान्त प्रेमी, कालेबुङ
  …
  १,
  समाजको जन्जिर तोडेर
  एक बनौं हामी
  प्रेमिल हृदय जोडेर ।
  २,
  दुनियाँ संसार भुलेर
  मिठो सुवास छरौँ
  फूलझैँ सुन्दर फुलेर।
  ३,
  बनोस् प्रेम गीत
  चोखो माया गर्नेको
  सदैव हुन्छ जीत ।
• रुना कर्माचार्य दाहाल, चितवन
  …
  १,
  गौरा पर्व आयो
  आम नेपालीको माजमा ,
  सधैँ खुसीले छायो ।
  २,
  गौरामा खुसी हर्ष
  खेल्न बोल्न पाउँदा,
  सकियो अन्तिम निष्कर्ष ।
• श्रीकृष्ण धामी – बझाङ
  …
  १,
  राष्ट्र पहिचान हाम्रो
  हामी सबै मिलेर
  बनाउँ देश राम्रो ।
  २,
  हुन् संस्कृति कृति
  कदापि भित्रनु हुन्न
  हस्तक्षेपी ती प्रवृति ।
  ३,
  देखासिकी गर्न छोडौँ
  समाज विकास गर्न
  अन्धविश्वासका पर्खाल तोडौँ ।
• जयनारायण नेपाल, इलाम, (हाल सूर्य विनायक -२, बालकोट ,भक्तपुर)
  …
  १,
  हातमा छ मोबाइल
  भएन झिल्का राम्रो
  नखुल्दा स्मरणको फाइल ।
  २,
  आज झिल्का जुरेन
  समय धेरै बित्यो
  शब्दहरू फुर्दै फुरेन ।
  ३,
  लिखत पक्का हुन्छ
  भावनामा विकार आए
  कानुनले पनि छुन्छ ।
• प्रद्युम्न चालिसे, भक्तपुर कटुञ्जे
  …
  १,
  पञ्च बिरुडा भिजाई
  पञ्चदेवलाई साक्षी राखी
  पुजिन्छ गौरा देवीलाई ।
  २,
  दुलही जस्तै बजाउँदा
  मन शान्त हुन्छ
  गोर्या कथा सुनाउँदा ।
  ३,
  गौरालाई शिरमा राखेर
  उपासिका लोरी गाउँदै
  रमाइलो गर्छन् नाचेर ।
• नन्दा धामी, नौगाड दार्चुला
  …
  १,
  महान् हुन् ईश
  अब कसले पत्याउने
  नसुनाऊ उठ्छ रिस ।
• सुरेश कार्की
  …
  १,
  तिजको दर पाक्दैन
  अब त घरघरमा
  नाचेर चेली थाक्दैन ।
  २,
  तिज आयो रम्मझम
  लाग्न थाल्यो अचम्म
  सबै चेली छमछम ।
• इन्दिरा देवकोटा, कपिलवस्तु न पा ३
  …
  १,
  धन मात्र सॅंगाल्छ
  लोभले सत्य देख्दैन ,
  असन्तोषी जीवन अँगाल्छ ।
  २,
  दुवैतिर उनी ठिक्क
  फाइदा लिन्छिन् धेरैसँग ,
  सोझा पर्छन् दिक्क।
  ३,
  शरीर बुढो होला
  सम्पत्ति बोझ लागेर ,
  मानवीय भावनाले छोला।
• सुस्मिता अधिकारी, काठमाडौँ
  …
  १,
  ढुङ्गोमा जीवन देख्नेहरू
  रक्ताम्य छन् आजकल
  दु:खका कथा लेख्नेहरू !
  २,
  अनेकौँ थरी थालमा
  आश्वासनका छन् परिकार
  जनता नेताको जालमा !
• वसन्त अनुभव, घोराही, दाङ
  …
  १,
  आमाको हातको ढकनी
  माली गाईको घ्यू
  खानलाई बिदा मगनी ।
  २,
  जीवन अर्कैको हातमा
  दासत्व अन्त्य भएन
  विभेद लिङ्ग साथमा ।
• ममता पौडेल, बुढीगङ्गा – २, मोरङ
  …
  १,
  हाँसौँ, खेलौँ, रमाऔॅं
  वर्ष दिनको तिजमा
  आफ्नै संस्कृति समाऔॅं ।
  २,
  विसङ्गति, विकृति हटाई
  खानुपर्छ तिजैको दर
  आफ्नै संस्कृति जोगाई ।
• उर्मिला के.सी, धनकुटा

::::::::जय झिल्का साहित्य ! ::::::::::