“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसय पैतालीसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०८/११
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १४५[एकसयपैतालिसौंऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
धरतीमा सूर्यको प्रकाश परेको छ
सम्पूर्णमा खुसीको कुरा छरेको छ
सुन्दर बिहान घामले ल्यायो खुसी,
खुसीले गर्दा दुःख जति हरेको छ
सुन्दर दृश्यले अशान्ति टरेको छ।
पञ्चाङ्ग:०२
सूर्यको प्रकाशले रङ्ग बढाउँछ
परिश्रमी जवान ढङ्ग बढाउँछ
अवैज्ञानिक अप्राकृतिक स्वभाव,
विद्रोहले देशमा जङ्ग बढाउँछ
उदाउँदो घामले सङ्ग बढाउँछ
गुणनिधि घिमिरे
पाँचथर खान्द्रोङ्ग
हालः- अमेरिका
पञ्चाङ्ग:०३
डाँडापाखा जताततै फुल फुलेर आयो
लटरम्म भएपछि डाली झुलेर आयो
वासनाको महक आइ मनै लठ्ठ पार्छ,
चरीहरु उडि रनबन डुलेर आयो
पूर्वबाट रमाइलो ज्योती खुलेर आयो।
मल्ल लक्ष्मी श्रेष्ट
मेची किनार
बिर्तामोड झापा
पञ्चाङ्ग:०४
देखियो इन्द्रेणी रङ्ग आकाशमा
देखेर भएँ म दङ्ग आकाशमा
रङ्ग कसलाई मन पर्दैन र,
हेर्दै भयो मन चङ्ग आकाशमा
ध्यान यो भएन भङ्ग आकाशमा।
-शोभा आचार्य गौतम
काठमाडौँ
पञ्चाङ्ग:०५
बिहानीले उज्यालो प्रकाश छरेर गएछ
धर्म सम्झेर साँच्चिकै काम गरेर गएछ
फूल त्यो फुल्याे रङ्गीबिरङ्गी वासना हावामा ,
मन्दिर पुग्ने उसको इच्छा टरेर गएछ
सुनौलो जवानी निराशामा मरेर गएछ ।
-भवानी घिमिरे
सर्लाही ।
ॐ
पञ्चाङ्ग:०६
“””””””””
उषाकाे आभा पूर्वमा आहा कति सुन्दर दाजै
अरुणाेदयसँगै धर्ती त! अति सुन्दर दाजै
नेपाल प्रकृतिमा विश्व आँगनमा सदा श्रेष्ठ
बिहानीकाे झुल्के घाम अहाे गति सुन्दर दाजै
प्रकृतिको छटाभित्र देश रति सुन्दर दाजै ।
-प्रधुम्न चालिसे
पञ्चाङ्ग-०७
बिहानीको उषामा शीतको थोपा टल्केको देखिन्छ
हिमालमा हिउँ शिरमा टोपी झैँ ढल्केको देखिन्छ
जब चढ्छ सूर्यको जवानी हिउँ पग्ली बन्छ पानी,
पानीको हरथोपा प्राणीसेवामा पल्केको देखिन्छ
त्यसैले प्रकृतिको आँखामा आँसु छल्केको देखिन्छ।
-पशपती राई खोटाङ ।
पञ्चाङ्ग:०८
म सूर्यको झुल्कोसँगै आउने छु।
नयाँ बिहानीमा तिमी पाउने छु।
प्राकृतिक मनमोहन दृश्यमा,
तिम्रै साथ दायाँबायाँ छाउने छु।
पिरतीका गीत साथ गाउने छु।
ह्यारिस
