नमस्ते आधुनिक लघुकथा मञ्चले ‘वर्ष लघुकथा स्रष्टा सम्मान- २०८३’ सक्रिय स्रष्टा नारायण नाथ योगी(मनोज खनाल)लाई समर्पण गर्ने भएको छ। संस्थाले आफ्नो आठौँ वार्षिकोत्सवको अवसर पारेर आधिकारिक फेसबुक पेजमार्फत उक्त घोषणा गरेको हो।
संस्थाले वर्षभरि आफ्नो आधिकारिक फेसबुक समूहको भित्तोमा सबैभन्दा धेरै विशुद्ध र कालजयी रचनाहरू प्रेषित गर्ने एक स्रष्टालाई उक्त सम्मान समर्पण गर्दै आएको छ ।
रुपैयाँ ७ हजार नगद पुरस्कार राशीको उक्त पुरस्कार सम्मान संस्थाले आगामी कार्तिक महिनामा चितवनमा आयोजना गर्ने दोस्रो लघुकथा महोत्सवमा समर्पण गरिने बताइएको छ ।