Category: मुख्य खबर

काठमाडौं – गीतकार सतीश चापागाईको गीत ‘अरबमा घाम छ’ बोलको गीत भिडियोसहित सार्बजनिक भएको छ । दिप घतानीको संगीत रहेको गीतलाई संजीव बराईलीले स्वर भरेका छन् । दिप घतानी, सीमा क्षेत्री र मिरेश अधिकारीको अभिनयसहित नयाँ गीत बजारमा आएको छ ।
गीतमा नेपालमा दुःख भएर अरबमा जानुपरेको आम नेपालीका बाध्यता रहेको भाब दर्शाईएको छ । अरबमा घाम भएपनि काम त्यही भएकाले जानुपर्ने बाध्यता रहेको गीतका माध्यमबाट उठाइएको छ ।

हेर्नुहोस भिडियो:

समर्पण रम्जान

गत २०सेप्टेम्बर २०२४ शुक्रबारका दिन नेपाली महावाणिज्य दूतावास जेद्दा साउदी अरबमा नव नियुक्त महाबाणिज्य दूत सुभाष यादवलाई विभिन्न संघ संस्थाद्वारा भव्य स्वागत गरिएको छ।

गत एक वर्षभन्दा पहिले नेपाली महावाणिज्य दूतावास जेद्दाका महाबाणिज्यदूत  भुवन पौडेल ज्यू को नेपाल फिर्ती सँगै उहाँको स्थानमा अहिलेसम्म अरु कोही नआएको र ३६५ दिन यानि एक वर्षपछि उहाँको स्थानमा सुभाष यादव नियुक्ति भइ आएका छन्  ।  उहाँको सम्मान स्वरुप जेद्दा तथा पश्चिम् क्षेत्रमा रहेका विभिन्न सामाजिक संघसंस्था र समाजसेवीहरुले संविधान दिवस २०८१ को कार्यक्रमकै दिन पारेर  भब्य स्वागत गरेका छन् ।

जेद्दामा अवस्थित नेपाली संघ संस्था हरु, एनआरएनए आरसिसि जेद्दा तथा आरसिसी जिजान,, नेपाली युवा क्लब, नेपाली हातेमालो युवा क्लब, तमुधि जेद्दा,   नेपाली साझा मञ्च साउदी अरब, रोल्पाली समाज, किराँत यायोख्या राई, तथा अन्य समाजसेवीहरु द्वारा खादा तथा दोसल्ला ओढाएर यादब र उहाँकि श्रीमतीलाई भब्य स्वागत गरिएको थियो । भने सबै संघ संस्थाहरुले उहाँको कार्यकालमा पनि श्रमिक हक हितको लागि गहिरो सहकार्य गर्ने बताउँदै  कार्यकाल सफलताको शुभकामना दिएका थिए ।
कार्यक्रममा बोल्दै यादबले यसरी भब्य स्वागत गरिएकोमा सबै संघ संस्थालाई धन्यवाद दिदैं आफ्नो कार्यकालमा सबै सँग सहकार्य गर्दै श्रमिक हक हितका लागि सदैब अग्रपंक्तिमा रहेर काम गर्ने प्रतिबद्धता जाहेर गरे ।  

अन्जान गुभाजु। साउदी अरब

नेपाली राजदूतावास, रियाद र नेपाली महावाणिज्य दूतावास, जेद्दाले संविधान दिवस तथा राष्ट्रिय दिवस २०८१ भव्यताका साथ सम्पन्न गरेका छन्। नेपालमा २०७२ साल असोज ३ मा पारित र लागू गरिएको नेपालको संविधानको सम्मानमा यी समारोहहरू आयोजना गरिएका हुन्, जसमा साउदी अरबमा रहेका नेपाली समुदायको उत्साहजनक उपस्थिति रह्यो। रियादमा आयोजित कार्यक्रम नेपाली राजदुतावासका प्रमुख कार्यवाहक राजदूत डा. डमरु बल्लभ पौडेलेको नेतृत्वमा सम्पन्न भयो। उनले संविधानले नेपाली जनतालाई प्रदान गरेका अधिकारहरू, लोकतान्त्रिक मूल्यहरू र नागरिक कर्तव्यबारे चर्चा गर्दै, विदेशमा रहेका नेपालीहरूले राष्ट्रको समृद्धिमा प्रभावकारी भूमिका खेल्नुपर्नेमा जोड दिए। कार्यक्रममा २२५ भन्दा बढी नेपालीहरूको सहभागिता रह्यो, जसमा पत्रकार, समाजसेवी, र विभिन्न संघसंस्थाका प्रतिनिधिहरूको उपस्थिति थियो।

यसैगरी, जेद्दामा आयोजित मुख्य कार्यक्रम नेपाली महावाणिज्य दूतावासका कार्यवाहक महावाणिज्य दूत शत्रुध्वन पोखरेलको अध्यक्षतामा सम्पन्न भयो। कार्यक्रममा महावाणिज्य दूतावासका श्रम सहचारी तम्रराज काफ्लेले सञ्चालन गरेका थिए। समारोहमा एनआरएनए साउदी अरबका पदाधिकारीहरू, विभिन्न संघसंस्थाका प्रतिनिधिहरू, समाजसेवीहरू, र श्रमिक दाजुभाइ तथा दिदीबहिनीहरूको उल्लेखनीय उपस्थिति थियो।

दुवै समारोहमा नेपालका संविधानले प्रदान गरेका अधिकार र कर्तव्यहरूबारे वक्ताहरूले चर्चा गरे। जेद्दामा, विभिन्न संघसंस्थाका प्रतिनिधिहरूलाई महावाणिज्य दूतावासले प्रशंसा पत्र प्रदान गरेर सम्मान गरेको थियो। सम्मानित हुनेहरूमा एनआरएनए साउदी अरबका पदाधिकारीहरू, समाजसेवीहरू, र विभिन्न संघसंस्थाका प्रतिनिधिहरू समावेश थिए। रियाद र जेद्दाका यी दुवै कार्यक्रमहरूमा संविधान दिवसको अवसरमा एक अर्काबीच शुभकामना आदानप्रदान गर्दै नेपाली समाजको एकता र बन्धुत्वको भावना झल्किएको थियो। उपस्थित अतिथिहरूले नेपाल र नेपालीहरूको उज्ज्वल भविष्यको कामना गर्दै कार्यक्रमको समापन गरेका थिए।

नेपाली महावाणिज्य दूतावास जेद्दा तथा नेपाली दूतावास रियाद साउदी अरबले संविधान तथा राष्ट्रिय दिवस २०८१ भव्यताका साथ सम्पन्न गरेको छ।
जनताद्वारा गत  २०७२ असोज ३ गते लिखित तथा पारित भएको संबिधानको सम्मान स्वरुप  साउदी अरबको जेद्दा तथा नेपाली दूतावास रियादमा गत ४ असोज शुक्रबारका दिन भब्यताका साथ सम्पन्न भएको छ। साउदी अरबमा कृयासिल रहेका विभिन्न संघसंस्थाहरूं समाजसेवीहरु, श्रमिक नेपाली दाजुभाई तथा दिदीबहिनीहरूको बाक्लो उपस्थितिमा आयोजना गरिएको उक्त  कार्यक्रममा नेपाली महावाणिज्य दूतावास जेद्दाका प्रमुख कार्यवाहक महावाणिज्य दूत शत्रुधन पोखरेलज्यूको अध्यक्षतामा भएको थियो। महावाणिज्य दूतावास जेद्दाका श्रम सहचारी तथा महावाणिज्य दूत तम्रराज काफ्लेद्वारा सञ्चालित उक्त कार्यक्रम नेपाली राष्ट्रिय गान सहित  सञ्चालन गरिएको थियो।
उक्त कार्यक्रममा एनआरएनए साउदी अरबका पदाधिकारीहरु, एनआरएनए आरसीसी जिद्दाका सम्पूर्ण पदाधिकारीहरु, एनआरएनए जिजानका पदाधिकारीहरू नेपाली युवा क्लबका पदाधिकारीहरू, किरात राई यायोख्या जेद्दाका पदाधिकारीहरु, नेपाली साझा मञ्च साउदीका पदाधिकारीहरु, इस्लामिक दावा सेन्टर जेद्दाका पदाधिकारीहरु, हातेमालो युवा क्लबका पदाधिकारीहरू रोल्पाली सेवा समाजका पदाधिकारीहरू, यसका साथसाथै अन्य संघसंस्थाका पदाधिकारीहरु र श्रमिक दाजुभाई तथा दिदीबहिनीहरु अन्य समाजसेवी तथा बुद्धिजीवीहरूको बाक्लो उपस्थिति रहेको थियो ।

उक्त कार्यक्रममा विभिन्न समाजसेवी तथा संघसंस्थाका पदाधिकारीहरुलाई उहाँहरुको योगदानको उच्च  कदर गर्दै महाबाणिज्य दूतावास जेद्दाले  सम्मान पत्र प्रदान गरेको थियो । एनआरएनए आइसिसी  साउदिका पदाधिकारी राजेन्द्र अर्याल, पुर्व उपाध्यक्ष यास्मिन बेगम, समाजसेवी राजु सैयद, एनआरएनए अध्यक्ष रबिना अर्याल, एनआरएनए उपाध्यक्ष राज कुमार गिरि, आरसिसि जेद्दा, आरसिसि जिजान, नेपाली युवा क्लब जेद्दा, नेपाली हातेमालो युवा क्लब जेद्दा, किरातराई यायोख्या जेद्दा, तमु धिँ जेद्दा, रोल्पाली समाज जेद्दा, इस्लामिक सेन्टर जेद्दा, नेपाली साझा मंच जेद्दा, साथै आफ्ना भोलिएन्टर र अन्य समाजसेवि हरुलाइ सम्मान गर्दै प्रशंसा पत्र दिएइको थियो।

कार्यक्रममा शुभकामना दिने क्रममा तमु धिं जेद्दाका अध्यक्ष बेद तमु लगायतका अन्य संघसंस्थाका पदाधिकारीहरूले संविधान दिवसको शुभकामना दिएका थिए। यसैगरी मदिनाका प्रोफेसर मोहम्मद युसुफ ले   संविधान सम्बन्धी छोटो जानकारी दिँदै शुभकामना दिएका थिए।
यसैगरी महावाणिज्य दूतावास जेद्दाको तर्फबाट कार्यक्रमका अध्यक्ष कार्यवाहक महावाणिज्य दूत शत्रुध्वन पोखरेलज्यूले उपस्थित सम्पूर्ण नेपाली दाजुभाई तथा दिदीबहिनीहरुलाई स्वागत गर्दै संविधान दिवस २०८१ को शुभकामना प्रदान गर्नुभएको थियो ।

दाङ, ५ असोज । दाङमा क्रोसिया पठाउने भन्दै युवाहरूसँग पैसा लिएर म्यानपावर व्यवसायी सम्पर्कविहीन भएका छन् । घोराही उपमहानगरपालिका–१५ तुलसीपुरचोक (भानुचोक) नजिकै रहेको दियालो कन्सल्टेन्सी सञ्चालन गर्ने घोराही निवासी शम्शेर सिंहलगायत तीन जना करिब एक करोड रुपैयाँ ठगी गरेर सम्पर्कविहीन भएका छन् ।

म्यानपावर व्यवसायी सिंहसँगै तुलसीपुर निवासी कृष्ण पुन र भैरहवा निवासी पिताम्बर यादव दुई महिनादेखि सम्पर्कविहीन भएको पीडितले बताएका छन् । पीडितले शुक्रवार घोराहीमा पत्रकार सम्मेलनको आयोजना गरेर क्रोसिया पठाउने भन्दै एक लाखदेखि १० लाख ५० हजार रुपैयाँसम्म उठाएका सिंहलगायत तीन जना सम्पर्कविहीन भएको पीडित रोल्पा निवासी धनबहादुर विकले बताएका छन् ।

क्रोसिया पठाउने भनेर आपूmसँग दुई पटक गरेर १० लाख ५० हजार रुपैयाँ लिएर अहिले सम्पर्कविहीन भएको उनले बताए । ‘क्रोसिया पठाउने भनेपछि मैले दुई पटक गरेर शम्शेर सिंहलाई १० लाख ५० हजार रुपैयाँ दिएको हुँ’, पत्रकार सम्मेलनमा धनबहादुरले भने, ‘तर पैसा लिएका म्यानपावर व्यवसायी सिंह अहिले सम्पर्कमा छैनन् ।’

धनबहादुरलाई क्रोसिया पठाउन नसकेपछि म्यानपावर व्यवसायी सिंहले २०८० चैतमा अजरबैजान र त्यसपछि कम्बोडिया भिजिट भिसामा पठाएका थिए तर त्यहाँ काम नपाइने भएपछि फर्किएर आउँदा म्यानपावर व्यवसायी सम्पर्कमा नभएको बताए । ‘ऋण काढेर जुटाएको पैसाको व्याज बढेर १२÷१३ लाख पुग्न लागेको भनेपछि म्यानपावर व्यवसायी सिंहले राम्रो काम पाइने र त्यहाँबाट युरोप, अमेरिका जान सकिने भने ।

उनको विश्वासमा गत चैतमा अजरबैजान र त्यसको एक महिनापछि नेपाल फर्किएर कम्बोडिया गएको थिएँ’, पत्रकार सम्मेलनमा धनबहादुरले भने, ‘तर त्यहाँ केको कमाइ हुनु, काम नै नपाइँदो रहेछ ।’ त्यहीँबाट म्यानपावर व्यवसायीलाई सम्पर्क गर्दा सम्पर्कमा नआएपछि घरबाट पैसा पठाउन लगाएर नेपाल फर्किएको बताए । असारमा नेपाल फर्किएका धनबहादुरलगायत तीन जनाले साउन ४ गते वैदेशिक रोजगार विभागमा ठगिएको भन्दै सिंहसहित तीन जनाविरुद्ध मुद्दा दर्ता गरेको बताए ।

धनबहादुर जस्तै ठगिनेमा रोल्पाकै अमर विक पनि रहेका छन् । क्रोसिया जानका लागि म्यानपावर व्यवसायी सिंहको सम्पर्कमा पुगेका अमरलाई सिंहले कम्बोडियामा आकर्षक काम र पैसा कमाउन सकिने र पछि त्यहीँबाटै युरोप, अमेरिका जान सकिने भन्दै चैतमा कम्बोडिया पठाएका थिए । आकर्षक काम र पैसाको लोभमा कम्बोडिया पुगेका विकले पैसा कमाउने त परैको कुरा काम नपाएर दुःख पाएपछि तीन महिनापश्चात फर्किएको बताए ।

‘कम्बोडियाबाट पटक–पटक सम्पर्क गरेका थियौँ, सम्पर्क हुन सकिन, यहाँ आएर पनि खोज्ने प्रयास ग¥यौँ तर भेट्नै नसकेपछि ठगिएको महसुस गरेर वैदेशिक रोजगार विभागमा मुद्दा दर्ता गरेका हौँ’, उनले भने, ‘हामी जस्तै अन्य कोही नठगिनु होला भन्न चाहन्छौँ ।’ अमरले कृष्ण पुन र पिताम्बरको खातामा पैसा हालिदिएका थिए । पैसा लगेपछि अहिले घोराहीमा रहेको म्यानपावरको कार्यालय समेत बन्द गरेर सम्पर्कविहीन भएको अमरले बताए ।

धनबहादुर र अमरजस्तै २२ जना बढीको करिब एक करोड बढी रकम कुम्ल्याएर म्यानपावर व्यवसायी सिंहसँगै कृष्ण र पिताम्बर भागेको पीडितले पत्रकार सम्मेलनमा बताएका छन् । ठगिएका व्यक्तिबाट एक लाखदेखि १० लाखसम्म रकम उठाएर तीन जना सम्पर्कविहीन भएको भएको देवीकला महराले बताइन् । ‘सुरुमा फोन गर्दा पठाउन नसके पैसा फिर्ता दिन्छौँ भन्थे’, उनले भनिन्, ‘तर अहिले न मान्छे सम्पर्कमा छन् न पैसा दिन्छन् ।’ महराले छोरालाई विदेश पठाउनका लागि एक लाख रुपैयाँ म्यानपावर व्यवसायी सिंहलाई दिएकी थिइन् । उनीले जसरी भए पनि पक्राउ गरेर ठगिएका नागरिकलाई न्याय दिन प्रशासनसँग माग समेत गरेकी छन् ।