विराटनगर । विराटनगरस्थित हस्पिटल चोकमा आगलागी हुँदा ५० लाख बराबरको क्षति भएको छ। शोभादेवी घिमिरेको घरबाट सल्केको आगोले आसपासका चारवटा पसलमा समेत क्षति पुगेको छ ।
घिमिरेको किराना पसल, विपन राजबंशीको चिया पसल, तुलसीप्रसाद उप्रेतीको कपडा पसल अबान्सु राजबंशीको चिसा पसल जलेर पूर्णरुपमा क्षति भएको मोरङ प्रहरीका प्रवक्ता प्रहरी नायव उपरीक्षक दिपक श्रेष्ठले जानकारी दिए । विराटनगर महानगरपालिका दुईवटा, दमक र दुहबी नगरपालिकाबाट आएका दुईवटा दमकल, नेपाल प्रहरी, सशस्त्र प्रहरी, नगर प्रहरीले १ः४० बजे आगो नियन्त्रणमा लिइएको थियो ।
बझाङl जीप दुर्घटनामा नेपाली कांग्रेस बझाङका सभापति खड्क बाेहराका माइला छाेरा विनाेद बाेहराकाे ज्यान गएकाे छ ।
बझाङको सुर्माबाट धनगढीतर्फ जाँदै गरेकाे सुपप्र ०१-००१ च ००९५ नम्बरको जीप वित्थडचिर गाउँपालिका-४ देउलेख बजार नजिकै दुर्घटना हुँदा २७ वर्षीय विनाेदकाे ज्यान गएकाे प्रहरीले जनाएकाे छ ।
गयराति पाैने १ बजे भएकाे दुर्घटनामा खड्क सामान्य घाइते भएका छन् । सवारी दुर्घटनामा घाइते भएकी खड्ककी कान्छी बुहारी अञ्जु बोहरालाई उपचारका लािग धनगढी रेफर गरिएको छ । घाइते खड्क, उनका कान्छा छाेरा पारश तथा चालकसमेत रहेका भतिज गोकुल बोहरा र गोकुलका दुई आमा सिन्की बोहरा र रत्ना बोहराकाे देउलेख प्राथमिक स्वास्थ्य केन्द्रमा उपचार भइरहेकाे छ ।
उनीहरु वैवाहिक कार्यक्रममा सहभागी हुन धनगढी हिँडेका थिए । जिल्ला प्रहरी कार्यालय बझाङका सूचना अधिकारी कमलप्रसाद चौधरीका अनुसार जीप अनियन्त्रित भएर दुर्घटनामा परेकाे हाे ।
पञ्चाङ्ग चित्रपट ========= पञ्चाङ्ग चित्रपट : भाग: ११ लेख्नुपर्ने पञ्चाङ्ग सङ्ख्या : ०१ मिति: २०७९/०१/०१ प्रशिक्षक : ———— सोमनाथ लुइटेल “रवि पाल्पाली” नारायण प्रसाद निरौला
मिति : प्रत्येक हप्ताको पाँचौं (५) दिन अर्थात् बिहीबार
चित्र संकलक —————- सविता के.सी.
समायोजन ————- 👉️सोमनाथ लुइटेल”रवि पाल्पाली”
आदरणीय पञ्चाङ्गका अनुरागी एवम् पञ्चाङ्ग स्रष्टाज्युहरू हार्दिक नमस्कार । हामी साप्ताहिक चित्रपट पञ्चाङ्ग लेखनको एघारौं शृङ्खलामा छौँ । यस शृङ्खलामा पनि दिइएको चित्र अनुसारको बिम्बात्मक तथा गहन मौलिक भाव झल्किने एउटा मात्र पञ्चाङ्ग भोलि साँझ ८:०० बजेभित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध छ । नोट : संयोजन गर्न सहज हुने भएकोले कमेन्ट बक्समा नाम र ठेगाना सहित लेखिएका पञ्चाङ्ग मात्र समायोजन गरिने जानकारी गराइन्छ ।
पञ्चाङ्ग चित्रपट =========
पञ्चाङ्ग ०१
परेवाको जोडी जसरी बाँच्न पाए हुन्थ्यो मौसम अनुसार सधैँ नाँच्न पाए हुन्थ्यो पानी पर्दा ओत बस्ने छहारी भए पुग्छ खेतबारीको अन्नलाई साँच्न पाए हुन्थ्यो बास बनाउने सिन्का ति भाँच्न पाए हुन्थ्यो ।
🙏सोमनाथ लुइटेल “रवि पाल्पाली”
पञ्चाङ्ग ०२
परेवा जोडीको रहर कस्तो होला ? माया र प्रेमको सहर कस्तो होला ? वसन्तमा चारैतिर पोखियो प्यार , बिस्तारै बगेको नहर कस्तो होला ? नहरमा बग्ने कहर कस्तो होला ?
🙏आर्त अकुलीन, कैलाली
पञ्चाङ्ग ०३
परेवाको जोडी जस्तै रमाउन मन छ माया बेसरी कसिलो बनाउन मन छ अजर अमर बनोस् माया यो सदा सदा दुबै मिली घरबार बसाउन मन छ एक,अर्कोले दिलमा सजाउन मन छ।
🙏 निर्मला सुवेदी,बागलुङ।
पञ्चाङ्ग ०४
यिनै परेवा जोडीको जस्तो ममताको खानी बनोस् सुमार्गी जीवन डोर्याउने सहयोगी बानी बनोस् हजारौं खुशीका लहरा , दिदै जीवनमा पहरा हरेक पल सहृदयी परस्पर जवानी बनोस् संसारले चिन्ने बेजोड र ज्वलन्त कहानी बनोस् ।
🙏प्रेम थापा “मन ” बागलुङ ।
पञ्चाङ्ग ०५
मायाको परिभाषा लगाउँछ परेवाकाे जाेडीले सबैलाई देखाई बताउँछ परेवाकाे जाेडीले सिक मायालुको संसार कसरी बनाउनु पर्दछ यहाँ सदैव माया लगाउँछ परेवाकाे जाेडीले बेठीक भए भ्रम हटाउँछ परेवाकाे जाेडीले। १ परेवा यहाँ माया गर्ने रहेछ। छुट्दा दुबैजना नै मर्ने रहेछ। राम्राे हुँदैन मायाजालमा पर्नु समाजमा इज्जत झर्ने रहेछ। पछि अप्ठ्यारोमा पर्ने रहेछ।
🙏नवराज भट्ट, महेन्द्रनगर, कञ्चनपुर ।
पञ्चाङ्ग ०६
थियो प्रेम गाढा भए एक दुई, हुनेछैन टाढा भए एक दुई। सिकौँ आज मान्छे यिनैबाट केही, हुने धेर छाडा भए एक दुई। बन्यो वृक्ष थाडा भए एक दुई।।
🙏नारायणप्रसाद निरौला, काठमाडौँ।
पञ्चाङ्ग ०७
तिमी मै समर्पण भएको छु प्रिया हिजोभन्दा निकट् गएको छु प्रिया नठान्नु कहिल्यै परचक्री मलाई सजाई हियामा रहेको छु प्रिया सबैको तनाव सहेको छु प्रिया
🙏पद्मा रिजाल – बाँके ।
पञ्चाङ्ग ०८
प्रकृतिमा माया हुन्छ प्रीति हुन्छ हेर परेवाका जोडी बरै तिमी मात्र अबुझ मानिस हिँड्छौ एकान्तमा एक्लै छोडी बरै प्रकृतिलाई चिन्नुपर्छ, सबैको माया उस्तै होला के को लाज दिउल पनि उम्रन्छ किसिम किसिमका ढुङ्गा फोडी बरेै उम्रिएका झारपात सबै फाल्नुपर्छ पालैसित गोडी बरै ।
✍️सविता के.सी. काठमाडौं ।
पञ्चाङ्ग ०९
परेवाका यी जोडीले मिठा कुरा गर्दैछन्। हृदयमा चोखो पिरतीका कुरा भर्दैछन्। एक अर्कामा समर्पित यी जोडीको प्रेम सँगै जिउने मर्ने मनका कुरा झर्दै छन्। पिरतीको बारीमा प्रेम आँकुरा सर्दैछन्।
सरस्वती श्रेष्ठ, इटहरी ।
पञ्चाङ्ग १०
जाेडि जस्तै परेवाकाे हुने रहर जिन्दगीमा घाेलिदियाे नि मेराे कसैले जहर जिन्दगीमा डाह लाग्छ अरू खुसी र आनन्द भएकाे देख्दा आफ्नाे त सधैँ पीडाकाे मात्र लहर जिन्दगीमा आफैँ जन्मेको विरानाे लाग्छ शहर जिन्दगीमा ।
✍️रामराजा के. सी. फर्पिङ, काठमाडौं ।
पञ्चाङ्ग ११
प्रकृतिले नि:शुल्क दिएको छ प्रेम भन्ने कुरा । अहिले खरिदमा जिएकाे छ प्रेम भन्ने कुरा । परेवाले कहाँ पढ्याे प्रेमिल जाेडीकाे कहानी , दुई मुटु एकैमा सिएकाे छ प्रेम भन्ने कुरा । अर्थ नबुझिकन पिएको छ प्रेम भन्ने कुरा ।
✍️भवानी घिमिरे सर्लाही।
पञ्चाङ्ग १२
परेवाकाे प्रेम हुन्छ धेरै छुटृियाे भने त रुन्छ धेरै उखानै छ परेवाकाे जाेडि प्रेममा आकाश छुन्छ धेरै पाेथिले नि जाल बुन्छ धेरै ।
✍️मधुसूदन प्रसाद घिमिरे, काठमाडौं ।
पञ्चाङ्ग १३
परेवाका दुई जाेडी,चुच्चो जुधाउँदै बसे भाेगका तिर्सना मिट्दै,चित्त बुझाउँदै बसे प्राण धान्नु परेकाे छ चाराे खाेज्नु छ गेै कन जाऊँ खाेज्न कतै भन्दै,प्वाँख उडाउँदै बसे घाम पानी हुरी जे हाेस्,देह कुदाउँदै बसे ।
✍️ताेयानाथ सुवेदी काँडाघारी
पञ्चाङ्ग १४
यो मायाको अर्थ बुझ्न धेरै गाह्रो भएछ साथी परेवाको जोडी जस्तो बन्न साह्रो रहेछ साथी मान्छे हामी सभ्य अरे ङार्र ङुर्र गर्छौँ यहाँ मान्छे भई मान्छे हुने जमाना त गएछ साथी परेवाको जोडी ले त कति दु:ख सहेछ साथी ।
✍️गुणनिधि घिमिरे, पाँचथर मोरङ हाल अमेरिका ।
पञ्चाङ १५
परेवाको जोडी जस्तो पिरती लगाउँन मन छ शान्तिको प्रतीक भन्ने कुरा नी जनाउँन मन छ कहिले साथ नछाड्ने बाचा कसम खाएर यहाँ युगौ युग सम्म नमूना जोडी जमाउँन मन छ पिरतीको मिठो मिठो आभास चखाउँन मन छ ।
✍️तारा घिमिरे, संखुवासभा ।
पञ्चाङ्ग १६
मन मिल्नेसँगको प्रेमिल क्षण सधैँ नै हर्षित हुन्छ उनका हरेक प्रेमिल शब्द सुमधुर संगीत हुन्छ सबै दु:ख सबै व्यथा भुलाउँछ उनैकै प्यारले गर्दा माया सधैँ बराबरी हुन्छ न कहिल्यै हारजित हुन्छ खुसी आनन्दको माहौल बन्छ न कोही भयभित हुन्छ।
✍️केशब न्यौपाने नुवाकोट
पञ्चाङ्ग १७
दुई आत्माको चोखो मिलनमा नै हाँसेर रमाऊ आत्माभित्र मिलनको मधुरता गाँसेर रमाऊ परेवाको जोडी जस्तै प्रेमिल बनाउ है जीवन पिर, व्याथा,कष्ट, सबै भुली बाँचेर रमाऊ मनभित्रै मगमगाउने प्रेम साँचेर रमाऊ
✍️सरिता काफ्ले, कोहलपुर बाँके।
पञ्चाङ्ग १८
परेवा बनी ससार डुल्न मन लाग्छ सगर माथि तारा झैँ घुल्न मन लाग्छ आकाशमा उडेरसँगै कुरा गरौँला परेवा जस्तै मायामा खुल्न मन लाग्छ मानवको व्यबहार भुल्न मन लाग्छ ।
✍️देवकी के.सी. बिरगंज ।
पञ्चाङ्ग १९
परेवाकाे जाेडीजस्तै तिम्राे हाम्राे माया बनाेस् वरपीपल चाैतारीकाेजस्तै शीतल छायाँ बनाेस् नपराेस् है छुट्टिएर बाँच्न कुनै प्रेमी पनि आधा आधा मन मुटु आधा आधा काया बनाेस् दुखसुख बराबरी दुबै दायाँ बायाँ बनाेस् ।
✍️चन्द्रावती अधिकारी, कोहलपुर बाँके ।
पञ्चाङ्ग २०
परेवाको जोडी हेर माया कस्तो हुन्छ? हेर न एक अर्काको छाँया कस्तो हुन्छ सच्चा माया के हो? अब पंक्षीबाट सिक तिमी त हेर्छौ क्षणिक काया कस्तो हुन्छ जीवन चल्ने खोज न जाया कस्तो हुन्छ।
✍️गिता अर्याल, नेपालगन्ज बाँके ।
पञ्चाङ्ग २१
परेवाको जोडी देख्दा रहर लाग्छ। यिनीहरू घुम्ने जाउ शहर लाग्छ। मानिसको जिन्दगी नि अजीब हुन्छ, मन मारेरै त बस्न कहर लाग्छ। कहिले काँही जिन्दगी नहर लाग्छ।
✍️सुशीला पौडेल, काठमाडौं ।
पञ्चाङ्ग २२
पन्क्षी बनी आकाशमा डुल्न मन लाग्छ परेवाको जोडी जस्तै खुल्न मन लाग्छ प्रकृतिको सुन्दर संसारमा हराई देखावटी संसार नि भुल्न मन लाग्छ घुलन् बनी पानीसित घुल्न मन लाग्छ
आगामी जेठ १५ गतेदेखि अन्तर्राष्ट्रिय विमानस्थल २४ सै घण्टा सञ्चालनमा आउने भएका छन् । नेपाल नागरिक उड्डययन प्राधिकरणले अन्तर्राष्ट्रिय विमानस्थललाई २४ सै घण्टा सञ्चालन गर्ने भएको हो ।
बढ्दो हवाई उडान चाप व्यवस्थापनका लागि त्रिभुवन अन्तर्राष्ट्रिय विमानस्थलसहित गौतमबुद्ध अन्तर्राष्ट्रिय विमानस्थल र निर्माणाधीन पोखरा क्षेत्रीय अन्तर्राष्ट्रिय विमानस्थल २४ सै घण्टा सञ्चालन गरिने प्राधिकरणले जनाएको छ ।
प्राधिकरणका महानिर्देशक इञ्जिनीयर प्रदीप अधिकारीले जेठ १५ गते गणतन्त्र दिवसका दिनदेखि विमानस्थल २४ सै घण्टा सञ्चालन गर्न लागिएको जानकारी दिनुभयो ।
त्यस्तै, प्राधिकरणले यही वैशाख ८ गतेदेखि भैरहवास्थित गौतमबुद्ध अन्तर्राष्ट्रिय विमानस्थलको नयाँ धावनमार्ग सञ्चालनमा ल्याउने भएको छ । विमानस्थलको पुरानो एक हजार ५०० मिटर लामो धावनमार्ग बन्द गरेर अन्तर्राष्ट्रियतर्फको तीन हजार मिटर लामो नयाँ धावनमार्ग सञ्चालन गर्न लागेको प्राधिकरणको भनाइ छ ।
सो विमानस्थलको धावनमार्ग वैशाख ८ गतेदेखि सञ्चालन हुने भए पनि अन्तर्राष्ट्रिय उडान भने आगामी जेठ २ गते बुद्धजयन्तीबाट हुने प्राधिकरणले जनाएको छ ।
काठमाडौ, २६ चैत । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २८ औँ शृङ्खला शनिबार सम्पन्न भएको छ । अभ्यासमा ४९ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २८ औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
आश्वासनको पोका बोकी आएको छु हेर, हातबाट सत्ता शक्ति जान दिदैन खेर । ✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१] पहिले जस्तै पोका होला, भित्र हेर्दा खाली, कतिञ्जेल झुक्याउछौं, ए फटाहा र जाली !
वसन्त अनुभव घोराही, दाङ
[२] छाराे हाली आँखा भरी चुनाव जितिन्छ विजयकाे जुलुस सँगै पार्टी घिचिन्छ ।
ताराप्रसाद चापागाईं धुनिबेसी ।
[३] झुटको पोको बोकी आयौ हामी खोली हेर्छौँ, हामी जनता तिम्रो रिस सकेसम्म फेर्छौँ।
लक्ष्मी श्रेष्ट बिर्तामोड झापा
[४] धेरै पल्ट बोकी आयौ पोका आश्वासनका, तर सधैं नै बिर्सन्छौ बोक्न पोका मनका ।
