काठमाडौ, २६ चैत । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २८ औँ शृङ्खला शनिबार सम्पन्न भएको छ ।
अभ्यासमा ४९ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २८ औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
आश्वासनको पोका बोकी आएको छु हेर,
हातबाट सत्ता शक्ति जान दिदैन खेर ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
पहिले जस्तै पोका होला, भित्र हेर्दा खाली,
कतिञ्जेल झुक्याउछौं, ए फटाहा र जाली !
वसन्त अनुभव
घोराही, दाङ
[२]
छाराे हाली आँखा भरी चुनाव जितिन्छ
विजयकाे जुलुस सँगै पार्टी घिचिन्छ ।
ताराप्रसाद चापागाईं
धुनिबेसी ।
[३]
झुटको पोको बोकी आयौ हामी खोली हेर्छौँ,
हामी जनता तिम्रो रिस सकेसम्म फेर्छौँ।
लक्ष्मी श्रेष्ट
बिर्तामोड झापा
[४]
धेरै पल्ट बोकी आयौ पोका आश्वासनका,
तर सधैं नै बिर्सन्छौ बोक्न पोका मनका ।
रचना शर्मा प्रतीक्षा
इमाडोल, ललितपुर ।
[५]
आश्वासनको पोका समाउन लम्किदैछन्, प्रिय भारदार,
चुनावी माहोल पृथक हुन्छ भन्छन् , पार्टीका सल्लाहकार।
कबिताहरी
सुन्दर हरैंचा नगरपालिका १ मोरङ
[६]
यो देखाएर त्यो भिडाउने, चलन बसालेका,
बिरोधाभास बिच पनि किन, भोट खसालेका।
प्रदीप के रिमाल
इटहरी :-आठ
[७]
आखिर सासले पनि दिन्छ धोका भरोसा तोडेर,
मौकापरे हान्ने चौका, को बस्छ र श्रेष्ठता जोडेर ।
अच्युत घिमिरे
भुटान 🇧🇹
[८]
धेरै बाँड्यौ त्यस्ता आशा स्वीकारिन्न अब,
नबोलेरै काम गर भोट दिन्छौं तब।
म्यामराज राई
हतुवागढी-६,भोजपुर हाल;जापान
[९]
चुनाव आयो पैसाको पोको बोकी,
लाग्न थाल्यो भ्रष्टाचार खेती होकि !
अनुग्रह राना मगर ‘पुष्प’
संखुवासभा हाल मलेसिया
[१०]
धेरै जसो नेताको बानी लाग्यो लुटी खाने,
जीत नभए लुट्ने ठाउँ खोज्न कता जाने।
सुरेशकुमार पान्डे
दाङ घोराही१८
[११]
फोस्रा भाषण आश्वासनको बाडी आउँछ ,
चुनाबमा नारा बोक्दै नेता गाउँ धाउँछ ।
रामजी लामिछाने
पोखरा -२७
[१२]
चुनाव बेला आउछ बोकी आश्वासनको पोका
सत्तामा पुगेपछि दिने हो जनतालाई धोका।
बिके मुखिया
सिग्रीमताम बस्ती, दार्जीलिङ भारत।
[१३]
भोको पेट नाङ्गो आङ ढाक्ने कामको गर्दै सराहना,
समृद्धि र विकास हाम्रो यसरी नै गर्न्ने हो चाहना ।
होम प्रसाद नेउपाने
धरान,सुनसरी ।
[१४]
आए प्यारिहरूलाई फुस्ल्याएर लगनगाँठो कस्नेहरू,
खसीको टाउको देखाएर कुकुर मासु बेच्न बस्नेहरू ।
टिकाराम पुन ( टिपु)
छत्रेश्वरि गाँउपालिका २ सल्यान
[१५]
लाइन लगाई कार्यकर्ता गर्छु घरदैलो,
आश्वासन नै भट्याउँदै खेल्छु देउसीभैलो ।
बिके माकजु
भक्तपुर ।
[१६]
आश्वासनकाे पाेकाले पेट भराैंला,
जे छ आज्ञा हजुरको साेही गराैंला।
मित्र उराठी
गाैतम,तिलाेत्तमा-२
[१७]
आश्वासनका पाेका बाँडी फेरि भुँडी भर्ने,
खोला वारी जनता छाेडी एक्लै खाेला तर्ने ।
निरज काेइराला
बेलका १ उदयपुर
[१८]
कति दिन्छौ सधैँ तिम्रा झुटा आश्वासन र खोक्रा नारा,
याद राख मरे पनि लाग्नेछ देशको ऋणको भारा ।
राजेशराज गड्तौला
रतुवामाई- १०, मोरङ हाल- प्रवास
[१९]
अझ मेरो त पूर्ण साथी र धड्कन नै सत्ता,
अङ्ग अङ्ग रसाउँछ , पाए सरकारी भत्ता ।
प्रेम थापा “मन”
बागलुङ
[२०]
त्यतिकैमा खुस्किएर जान दिनु हुन्न भाई
जोगाएर राख्नु पर्छ आफ्नो सत्ता शक्ति लाई ।
गुणनिधि घिमिरे
पाँचथर मोरङ हाल अमेरिका
[२१]
आश्वासन बाहेक त नेताले के छ र दिएको?
छ त केवल हरेकपल्ट भोट मात्रै लिएको।
दीपक ठटाल जलन
खरसाङ,०९.०४.२२
[२२]
सत्तामा बसेर रत्तिभर पनि गर्दैन काम,
नेता भनेकै बुझे भो आश्वासनको अर्को नाम।
बि.कुलुङ
दार्जिलिङ भारत
[२३]
हिजोआजको राजनीतिमा हुने ज्यादै झेल,
यो भन्दा अर्को देख्दिन मईले फोहोरी खेल।
शंकर कार्की
थाहा नगरपालिका मकवानपुर।
[२४]
आश्वासन हो दिने,
पाए जति त लिने ।
जमुना आचार्य
सिन्धुपाल्चोक
[२५]
चुनाव आउँदैछ हजुर मलाई भोट चाहिन्छ,
आश्वासनको पोका मसँग छ कहॉ अन्त पाईन्छ ।
गृश्मा पौड्याल
[२६]
आश्वासन देखाइ जनता भुलाउने पुरानो हो बानी,
यस्तो पाराले कहिलेसम्म चल्ने होला तिम्रो जिन्दगानी ?
बुद्धिमान चौधरी
कनकाई नगरपालिका ४ झापा
[२७]
आयो हेर फेरि मत हाल्ने हाम्रो मौका,
आश्वासन दिइकन हान्नु राम्रो चौका
संझना
पाोखरा
[२८]
पुनः स्वागत महोदय ! सत्ताका भिखारी,
गरिबका झुप्रा भत्के आश्वासन थुपारी।
अनिल खग्रास
फनपा ९, पर्वत
[२९]
बुझ्नुहुन्न कसैले नि आश्वासनका पोका,
जानीजानी खानुहुन्न विगतजस्तो धोका ।
त्रिलोचन भण्डारी
मेचीनगर, झापा
[३०]
भोट जित्नको लागि देखाउछौ आफ्नोपना,,
यसपाली भोट खसाउने छैन चाहना।
सरस्वती श्रेष्ठ
इटहरी
[३१]
राम्रो काम देखाएर भर्छौ गोजि रित्यायौ ढुकुटी,
ऋृणि बनायौ देशलाइ लुछ्दैछौ संझेर सुकुटी ।
सुरेखा चाम्लिंग
भक्तपुर
[३२]
लङ्गडाको काध चढँ अन्धाहरू सक्छौ सत्ता पुग्न कती,
हाडीघोप्टे खाउला अब आश्वासनको पोको बाडे जति !
बिबस पारदर्शी
भद्रपुर – २ झापा
[३३]
जनताको हितमा सोच, देखाएर हाल्छौ भोट,
गाउँघरमा अझै दुखेसो छ देखिदैन चोट ।
जि कुमार गौतम
भद्रपुर -१ पृथिविनगर झापा
[३४]
देश लुट्ने लालमोहर लाउने आयो बेला,
टाउको जोड्ने फुटाउने घिनलाग्दो छ खेला ।
मनोही पौडेल
गैडाकोट १ नवलपुर
[३५]
कति लुट्याै याे देशलाई छैन कुनै गिन्ती,
अब फेरि आँखामा छारो नहाल भाे बिन्ती ।
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा।
[३६]
युगयुगदेखि यसरी नै तिम्रो जीवन चल्दै आयो,
जनतालाई खुसी राख्ने योजनाले आलु मात्रै खायो ।
गंगा खड्का
बूढानीलकण्ठ काठमाडौँ
[३७]
आश्वासन मनमा राखी मागे भोट धेर,
यो भोट पाटी सत्तालाई जान दिन्न खेर ।
बेदु न्यौपाने
काठमाडौ
[३८]
नारा त्यहीँ पारा उहीँ पल्केकाे छ आडम्बरी बानी,
जनता त भेडै हुन् नि पछ्याउँछन् भगवानै ठानी ।
रामप्रसाद पुरी
ऐसेलुखर्क २ बादेल
[३९]
आश्वासनकाे पत्रबाट त्याे झुटाे बाचा हटाऊ,
समृद्धिकाे नाममा हुने दहनहरू घटाऊ ।
शान्ति याक्साे
काठमाडौं ।
[४०]
जनताको भोट माग्न नेता आए रे गाउँ शहर,
नारा तिम्रो मीठो लाग्यो विकासको आएन लहर ।
भगवती अधिकारी
[४१]
आज मलाई जिताऊ है तिमीलाई चिँची नाना,
सत्ता हातमा परेमा तिमीलाई दिउला दाना ।
इन्दिरा देवकोटा
कपिलवस्तु न .पा .३
[४२]
चुनावताका सुन्न पाईने विकासका कुरा,
झुटमुटका आश्वासन कहिले हुन्नन् पूरा ।
रामकृष्ण दुवाडी
पाेखरा ।
[४३]
भाषण गर्दछन् गाउँमा जाँदा केही हुदैन पूरा,
चुनाव जिती उही वानेश्वरमा वचनका छुरा ।
चुडामणी ध्रुब देवकोटा
[४४]
आश्वासनकाे त्यो पाेकाे, बाँडेर म त भए सदा भाेकाे,
तिमीले डाँकाे छाडेर राेएकाे हेर्ने मलाई छ धाेकाे ।
प्रद्युम्न चालिसे
भक्तपुर कटुञ्जे
[४५]
जति नै राम्रा भए पनि अरुका काम भाँड्छु,
सत्ता, शक्ति हत्याउनलाई आश्वासन बाँड्छु ।
डम्बर थामी ‘अनुपम’
कालिन्चोक गा.पा. -६, दोलखा
[४६]
चुनावको चहलपहल चारैतिर आयो,
भ्रष्टाचारले देश सबै सखाप पार्दै खायो ।
दुर्गा भट्टराई
मोरङ
[४७]
जताततै चुनावको लहर गाउँ शहर आयो,
सत्ता शक्तिलाई भ्रष्टाचारी पल्केर सिनित्तै खायो ।
अम्विका अधिकारी
झापा विर्तामोड
[४८]
नेताहरू घर घरमा धाउन थाले अब,
झुटकाे बिजहरू राेप्नेछन् जनतामा सब।
सहयात्री शाेभा अर्याल
बुटवल १४ बुटवल
[४९]
लुट्नसम्म लुटेर तिनले अहिले सफाइ दिन्छन्,
धरोधर्म निर्दोष छु हजुर भन्दै कसम लिन्छन् ।
शर्मिला खतिवडा
✡️✡️ जय टुक्का ! जय साहित्य !! ✡️✡️