साप्ताहिक तस्बिरमा उदक लेखन शृङ्खलाको २३६ औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ६९ जना उदक स्रष्टाहरूको सहभागिता रहेको उदक लेखन शृङ्खलाका संयोजक, प्रशिक्षक एवं उदक साहित्य समाजका केन्द्रिय उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
संयोजक एवम् प्रशिक्षक अनुभवका अनुसार शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरी मात्र एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे । साप्ताहिक तस्बिरमा उदक लेखन अभ्यास शृङ्खला- २३६ मा सहभागी उदकयात्रीका सुन्दर उदकहरू-
[१] विकास दुर्गम क्षेत्रको कहिले पाउला निकास ?
वसन्त अनुभव [२] विकास खोज्दै गाउँघर भाषणको राज देशभर !
नारायण कोइराला तानसेन, पाल्पा हाल- कुवेत [३] विकास खोजेको जनताले देशैभर होस् निकास !
वेदु न्यौपाने [४] बिकास जनताले बिकास हुने कैले निकास !
बिबा तामाङ, दार्जिलिङ [५] विकास आफ्नो गोजीमा गोजेङ्ग्रो भ्रष्टाचारको खोजीमा !
कविता आचार्य [४३] विकास समानुपातिक वितरण पाउला अर्थपूर्ण निकास वासुदेव ज्ञवाली पाल्पा ,तानपा १ ध्रुवघाट [४४] उदक विकास निर्वाचनसम्म मिजास पल्केर सत्ताको मिठास ।
रामप्रसाद पुरी, बादेल, खाेटाङ । [४५] उदक
१, विकास नेताको भरमा जनता भेंडा मात्र
२, रहर सहरमा बस्ने गाउँको चेली बेचिन्छ।
एवाइ प्रभात धनकुटा [४६] गति छैन विकासको कहिले सुध्रिन्छ मति ?
डा. टीकाराम पोखरेल काठमाडौँ [४७] विकास देश नेपालको भर्ने भुँडी आफ्नो !
नेत्रबहादुर श्रेष्ठ ठुलो सिरुवारी, सिन्धुपाल्चोक -१३ [४८] विकास एकैचोटि हुँदैन बन्दैछ कृषि सडक !
सुरेश चन्द्र घिमिरे [४९] नाेट तान्ने भाेट विकास फुस्रा ओठ !
प्रद्युम्न चालिसे भक्तपुर, कटुञ्जे [५०] विकास अलपत्र जताततै निकास छैन कतै !
शोभा आचार्य गौतम काठमाडौँ [५१] विकास भाषणका कुरा मुटुमा राेपेर छुरा !
रवि पाैडेल दक्षिण भारत, पाण्डेचरी [५२] मुखले विकास सुखले उपभोग हदै दु:खले !
केन्द्रप्रकाश बराल, इलाम [५३] सुस्त विकासको गति भइरहेछ रुपैयाँको क्षति !
होमप्रसाद नेउपाने धरान, सुनसरी [५४] सकस दुर्गम क्षेत्रमा कहिले हुने झकास !
नमस्ते आधुनिक लघुकथा मञ्चद्वारा प्रकाशित लघुकथासङ्ग्रह ‘महाकम्प’को परिचर्चा कार्यक्रम शनिवार सम्पन्न भएको छ । मञ्चकै आयोजनामा भर्चुअल प्रविधिबाट जुम हलमा भएको उक्त कार्यक्रम अपरान्ह ६ बजेदेखि ९ बजेसम्म चलेको थियोे । ‘महाकम्प’ लघुकथासङ्ग्रह, लघुकथाकार घनश्याम डल्लाकोटी ‘कृष्णजी शर्मा’को पहिलो लघुकथा कृति हो । जसमा कुल १ सय ८ वटा लघुकथाहरू रहेका छन् ।
कार्यक्रमका प्रमुख अतिथि वरिष्ठ साहित्यकार प्रा.डा.दयाराम श्रेष्ठले आजका परिचर्चाकारहरूको परिचर्चाबाट आफू सन्तुष्ट नभएको प्रतिक्रिया दिनुभयो । आफू खरो व्यक्ति भएको उल्लेख गर्दै उहाँले भन्नुभयो- “परिचर्चाकरहरू लघुकथाको शिल्प शैलीमा छिर्न सक्नुभएन । लघुकथाको प्लटको बारेमा बोल्नु नै भएन । कक्षाकोठामा विद्यार्थीलाई लघुकथा कसरी लेख्ने ? भनेर सिकाएझैँ सिकाउनुभयो, वर्णविन्यास पढाउनुभयो । यसरी हुँदैन । लघुकथामा प्युरिटी हुनुपर्छ । बालकथा, गद्य कविता, निबन्ध लेखेर लघुकथा हुँदैन । न्याराटिभ एस्से लेखेर आख्यानीकरण हुँदैन ।” साथै उहाँले आफूले महाकम्प पुरै पढेको उल्लेख गर्दै महाकम्पका धेरैजसो लघुकथाहरू लघुकथा बन्न नसकेको धारणा राख्नुभयो ।
आज परिचर्चा गरिएको पुस्तकको बारेमा बोल्दै कृतिका सम्पादक एवम् कार्यक्रमका विशिष्ट अतिथि प्रा.डा. विदुर चालिसेले ‘नमस्ते आधुनिक लघुकथा मञ्च र यसका संस्थापक अध्यक्ष घनश्याम डल्लाकोटी ‘कृष्णजी शर्मा’ले जुन गुरुकुल अभियान सञ्चालन गर्नुभयो, एउटा छुट्टै मान्यतालाई स्थापना गर्न खोज्नुभयो, उक्त काम सराहनीय छ, स्तुत्य छ’ भन्नुभयो । “अभियान अन्तर्गत प्रकाशित २२ वटा कृतिहरूमध्ये महाकम्प प्रकाशित पहिलो कृति हो । जुन आकारमा ठूलो छ ।”, उहाँले भन्नुभयो ।
कार्यक्रममा ‘महाकम्प’को परिचर्चा दुई पक्षमा आधारित रहेर गरिएको थियोे । ‘महाकम्प’ लघुकथा कृतिमा समाविष्ट लघुकथाहरूको ‘विषयवस्तु’मा केन्द्रित रही सोको विश्लेषण वरिष्ठ समीक्षक/समालोचक डा. शंकरप्राद गैरेले गर्नुभएको थियोे भने ‘महाकम्प’ लघुकथा कृतिमा समाविष्ट लघुकथाहरूको ‘शिल्प शैली अर्थात सौन्दर्य’ पक्षको विश्लेषण प्रा.डा. कपिल लामिछानेले गर्नुभएको थियोे । कार्यक्रममा परिचर्चा गर्दै परिचर्चाकार डा. शंकरप्रसाद गैरेले महाकम्पका लघुकथाहरूलाई विभिन्न १७ वटा विषयवस्तुमा विभक्त गरी परिचर्चा गर्नुभयो । जसअन्तर्गत कोरोना, बाआमा/वृद्धावस्था, नेपाली सभ्यता र संस्कृति, लैङ्गीक विभेद, सामाजिक विकृति, विसङ्गति, राष्ट्रियता, दर्शन लगायत अन्य विभिन्न विषयवस्तुहरू रहेका थिए । “लघुकथाकार शर्माले आफ्ना लघुकथाहरूका माध्यमबाट समाजमा रहेका विकृति, विसङ्गतिको उजागर मात्र गर्नुभएको छैन, घुमाउरो पाराले त्यसको समाधान पनि दिनुभएको छ । वर्तमान राजनीतिमा देखापरेका गलत संस्कार, प्रवृत्तिहरूको भण्डाफोर गर्नुभएको छ ।”, उहाँले भन्नुभयो । साथै उहाँले महाकम्पमा रहेका लघुकथाहरू विषयवस्तुको दृष्टिले र यसले दिने सन्देशको दृष्टिले निकै महत्वपूर्ण र बलिया रहेको उल्लेख गर्नुभयो ।
पुस्तक परिचर्चाकारको रूपमा उपस्थित हुनुभएका अर्का वरिष्ठ लघुकथाकार, समालोचक प्रा.डा.कपिल लामिछानेले महाकम्पको शिल्प शैली र सौन्दर्यगत पक्षबाट परिचर्चा गर्नुभयो । उहाँले विभिन्न शैलीका प्रकारहरूको बारेमा बोल्दै महाकम्पका अधिकांश लघुकथाहरू वर्णनात्मक शैलीमा रहेको उल्लेख गर्नुभयो । “धेरै लघुकथाहरूमा वर्णनहरू छोटो रहे तापनि केही लघुकथाहरूमा पट्यारलाग्दो लामो वर्णन पाइन्छ । जुन नभएमा उत्तम हुन्थ्यो ।” उहाँले भन्नुभयो । त्यस्तै उहाँले लघुकथामा नाटकीय शैलीको पनि प्रयोग भएको र संवादले लघुकथालाई जिवन्त बनाएको तर कतिपय ठाउँमा लामो संवाद हुँदा दाँतमा ढुङ्गा लागेको उल्लेख गर्नुभयो । “त्यस्तै महाकम्पका कतिपय लघुकथाहरूमा चित्रात्मक शैलीको, कतिपयमा संस्मरणात्मक शैलीको पनि प्रयोग गरिएको छ । आत्मसंस्मरणको प्रयोग गरेको पाइन्छ । साथै कतिपय लघुकथामा निबन्धात्मक शैलीको प्रयोग पनि भेटिन्छ ।”, उहाँले भन्नुभयो । “शर्माका कतिपय लघुकथाहरूमा अभिधात्मक शैली र कतिपयमा लक्षणा र व्यञ्जना शैलीको प्रयोग गरिएको पाइन्छ । व्यङ्ग्यात्मक शैलीको पनि प्रयोग पाइन्छ ।”, उहाँले भन्नुभयो । उहाँले महाकम्पमा संवाद ढाँचा फरक भएको उल्लेख गर्दै कथयिता र कथन अंशको बिचमा पूर्णविराम हुनुहुँदैन । सोचेकोमा सिंगल र भनेको कथनमा डबल इन्भर्टेड कमा हुनुपर्नेमा त्यसो नगरिएको बताउनुभयो । शीर्षक सकभर छोटो, आकर्षक र कथाको भाव समेट्ने र लघुकथामा अकस्मात् पटाक्षेप हुनुपर्ने मान्यता उल्लेख गर्दै महाकम्पका केही लघुकथाहरू बाहेक अधिकांशमा छोटो, आकर्षक र उपयुक्त शीर्षक रहेको बताउनुभयो । साथै उहाँले आगामी दिनमा कालखण्ड दोष, अन्त्य बिस्तार, वर्णविन्यास लगायतका कुराहरूलाई ध्यानमा राखेर कृति निकाल्दा उत्तम हुने बताउनुभयो ।
धन्यवाद मन्तव्य दिनुहुँदै कार्यक्रमका सभाध्यक्ष, परिचर्चा गरिएको कृतिका कृतिकार एवम् नमस्ते आधुनिक लघुकथा मञ्चका संस्थापक अध्यक्ष घनश्याम डल्लाकोटी ‘कृष्णजी शर्मा’ले आजको कार्यक्रम अत्यन्त महत्वपूर्ण भएको, धेरै कुराहरू जान्ने, सिक्ने मौका प्राप्त भएको उल्लेख गर्नुभयो । “बिरामीको हित (उपचार)का लागि डाक्टरले जसरी ब्लेड, औजार चलाउँदा क्षणिक रूपमा पीडादायी भए पनि दीर्घकालीन रूपमा राम्रो हुन्छ । त्यस्तै परिचर्चाकार, समालोचकज्यूहरूले मेरो कृतिमाथि छुरा चलाउँदा मलाई खुसी लागेको छ । विशेषतल: आजका प्रमुख अतिथि, महागुरु प्रा.डा. दयाराम श्रेष्ठले राख्नुभएको विचारबाट म अत्यन्त प्रभावित भएको छु । उहाँको कुराले गर्दा अब मेरो लेखनयात्राले छुट्टै मोड लिनसक्छ ।” उहाँले भन्नुभयो ।
‘लघुकथा वन्दना’को प्रशारणसँगै सुरु भएको कार्यक्रममा प्रा.डा. दयाराम श्रेष्ठ, प्रा.डा. कपिल लामिछाने, प्रा.डा.विदुर चालिसे, डा. शंकरप्रसाद गैरे, ध्रुव मधिकर्मी, घनश्याम डल्लाकोटी ‘कृष्णजी शर्मा’, अवधेश सिंह, वसन्त अनुभव, यमुना प्रधानाङ्ग मुना, मीठू कुमारी पाठक, डा.टिकाराम पोख्रेल, हिमलाल श्रेष्ठ, प्रा.डा.खेमराज खनाल, नर पल्लव, मुक्ति गौतम, कर्ण दयाल, श्रीकृष्ण पौडेल, मित्र उराठी गौतम, गंगा शर्मा पौडेल, हरि शर्मा, लक्ष्मी रेग्मी खनाल, नारायणनाथ योगी, मुना थपलिया, सुरेशकुमार पाण्डे, विष्णु पन्थी, राजन घले, ईश्वर लामिछाने, आयुष बडाल लगायत संस्थाका सल्लाहकारहरू, अभिभावकहरू, पदाधिकारीहरू, सञ्चारकर्मीहरू, लघुकथा सर्जक एवम् पाठकहरूको उपस्थिति रहेको थियोे ।
नमस्ते आधुनिक लघुकथा मञ्चका अध्यक्ष घनश्याम डल्लाकोटी ‘कृष्णजी शर्मा’को अध्यक्षतामा सञ्चालित उक्त कार्यक्रमको सहजीकरण लघुकथाकार एवम् कुशल कार्यक्रम सञ्चालक आयुष बडालले गर्नुभएको थियोे ।
काठमाडौँ, मङ्सिर ०६ गते वसन्त अनुभव नमस्ते आधुनिक लघुकथा मञ्चद्वारा प्रकाशित लघुकथासङ्ग्रह ‘नेपाली नस्ल’ र ‘सुन्दरी’को परिचर्चा कार्यक्रम शनिवार सम्पन्न भएको छ । नमस्ते आधुनिक लघुकथा मञ्चको आयोजनामा जुम प्रविधिबाट सञ्चालित उक्त कार्यक्रम अपरान्ह ६ बजेदेखि सुरु भएर सवा तीन घन्टासम्म चलेको थियोे ।
‘नेपाली नस्ल’ लघुकथासङ्ग्रह लघुकथाकार वसन्त अनुभवद्वारा लिखित प्रथम कृति हो । अनुभव नमस्ते आधुनिक लघुकथा मञ्चको संस्थापक सचिव एवम् प्रशासक हुनुहुन्छ । त्यस्तै लघुकथाकार मीठू कुमारी पाठकको ‘सुन्दरी’ लघुकथासङ्ग्रह पनि उहाँको प्रथम कृति हो । पाठक पनि नमस्ते आधुनिक लघुकथा मञ्चको कोषाध्यक्ष एवम् प्रशासक हुनुहुन्छ ।
परिचर्चा कार्यक्रमका प्रमुख अतिथि एवम् वरिष्ठ समालोचक, साहित्यकार प्रा.डा. कपिल लामिछानेले नमस्ते आधुनिक लघुकथा मञ्चले अहिलेसम्म कति कृति निकाल्यो, यो कतिऔँ कृति हो भन्ने कुरा पुस्तकमा अङ्कित गर्नुपर्ने, सम्पादकको नाम अलग्गै उल्लेख गर्नुपर्ने बताउनुभयो । यसो गर्दा पाठक संस्थाको प्रकाशन एवम् सम्पादक बारे सुसूचित हुने बताउनुभयो । साथै उहाँले लघुकथा छोटो हुनुपर्छ भनिरहँदा यसमा लेखिने भूमिका, सम्पादकीय/प्रकाशकीय लगायत समीक्षा कार्यक्रम पनि छोटो नै हुनुपर्ने उल्लेख गर्नुभयो ।
‘लेखकहरू भावुक हुन्छन् । कठोर भएर आफ्ना सृजना काँटछाट गर्न सक्दैनन् तर समीक्षक/समालोचक/सम्पादक कठोर हुनुपर्छ । निर्मम भएर कैँची चलाउनु पर्छ।” भन्नुभयो । कृतिका सम्पादक प्रा.डा. विदुर चालिसेप्रति लक्षित गर्दै उहाँले सबै पुस्तकहरूमा एउटै ढाँचाको सम्पादकीय भयो, प्रत्येक पुस्तकमा फरक फरक खालको हुनुपर्ने बताउनु भयो ।
परिचर्चाकार डा. शंकरप्रसाद गैरेको प्रशंसा गर्दै ‘उहाँले विषयवस्तुको गहिराइमा गएर, कत्ति नआत्तिएर गर्नुभयो, निकै राम्रो लाग्यो । तर उहाँले कृतिको सबल पक्ष धेरै बढी र सुधार गर्नुपर्ने पक्ष कम उल्लेख गर्नुभयो । सकभर सुधार गर्नुपर्ने पक्षलाई बढी जोड दिएर हामीले लेखकलाई परिष्कृत हुने अवसर दिनुपर्छ’ भन्नुभयो । ‘परिचर्चा कार्यक्रममा कृति परिचर्चा गर्नुपर्ने परिस्थिति आउनसक्ने सम्भावनालाई आँकलन गर्दै ‘नेपाली नस्ल’ पल्टाएर पढ्न सुरु गरेँ । पढ्न थालेपछि एकपछि अर्को लघुकथाले मलाई तान्दै गयो । अन्ततः मैले एकैदिनमा पुरै पढेर भ्याएँ ।’ भन्दै उहाँ अगाडि भन्नुभयो, ‘यति राम्रा मानक लघुकथा हुँदाहुँदै पनि एकाध लघुकथामा ढुङ्गा लाग्यो । जसमा मैले कालखण्ड दोष भेटाएँ ।”
त्यस्तै अर्को परिचर्चित लघुकथा ‘सुन्दरी’को बारेमा बोल्नुहुँदै उहाँले सुन्दरी शीर्षकको लघुकथा अत्यन्त सुन्दर रहेको बताउनुभयो । ‘अरू लघुकथाहरू पनि सुन्दरीझैँ भइदिएको भए कति राम्रो हुन्थ्यो ।’ उहाँले भन्नुभयो । ‘तपाईँ फरक क्षमता भएका विद्यार्थीहरूलाई पढाउनुहुन्छ, तिनीहरूकै बारेमा अध्ययन गर्नुस्, तिनीहरूकै बारेमा लघुकथा लेख्ने गर्नुस्, बाहिरको विषयमा लेख्ने त हामी छँदैछौँ नि !’ ठट्यौली पारामा उहाँले सुन्दरीकी स्रष्टा मीठू कुमारी पाठकलाई भन्नुभयो ।
‘हामी प्रायः पुस्तकको नामाकरण गर्दा पुस्तकभित्रकै कुनै एउटा लघुकथाको शीर्षकलाई लिएर गर्छौँ । यसो गर्दा बाँकी लघुकथाहरूमाथि अन्याय हुने भन्दै सकभर सबै लघुकथाहरूको भावलाई समेट्ने भिन्नै शीर्षक राख्न उपयुक्त हुने बताउनुभयो ।
परिचर्चा कार्यक्रममा विशिष्ट अतिथिको आसनबाट बोल्नुहुँदै वरिष्ठ समालोचक एवम् कृतिका सम्पादक प्रा.डा. विदुर चालिसेले ‘अण्डाको स्वाद कुखुरालाई नहुने तर अण्डा खाने व्यक्तिलाई भएजस्तै लघुकथा कस्तो भयो भन्ने कुराको ज्ञान लेखकलाई नभई पाठक हुने र पाठकका प्रतिक्रिया हामीले सहर्ष ग्रहण गर्नुपर्ने बताउनुभयो ।
लघुकथासङ्ग्रहमा देखिएका वर्णविन्यास लगायतका त्रुटिका बारेमा स्पष्ट पार्नुहुँदै सम्पादक चालिसेले ‘छोटो समयमा दुईदर्जन बढी लघुकथाहरूको सम्पादन गर्नुपर्ने, ती लघुकथाहरूलाई नयाँ शिल्प र शैलीमा ढालेर तयार पार्नुपर्ने, भूमिका लेख्नुपर्ने लगायतका चुनौतीहरू थिए । सच्याउन दिइएको पनि नसच्चिएर आउँदा त्रुटि रहन गएको बताउनुभयो ।
कार्यक्रमको पहिलो चरणमा ‘नेपाली नस्ल’ लघुकथासङ्ग्रहको परिचर्चा गर्नुहुँदै वरिष्ठ साहित्यकार एवम् समालोचक डा. शंकरप्रसाद गैरेले ‘सुरुमा लेखकले के शीर्षक राख्नुभएको होला यस्तो ? भन्ने लागेको थियोे । तर पढेपछि थाहा पाएँ कृतिलाई शीर्षकले न्याय गरेको रहेछ’ भन्नुभयो ।
कृतिको समीक्षा गर्दै उहाँले ‘संरचनागत दृष्टिले कुरा गर्नुपर्दा उहाँका प्रायजसो सबै लघुकथा छोटा छन् तर छोटो बनाउनका लागि भने उहाँले कुनै सम्झौता गरेको पाइएन । उहाँका लघुकथामा मानवेत्तर, मानवीय पात्रहरू छन् । मानवेत्तर पात्र त्यसमा पनि मानवीय अङ्ग, भाव जस्ता कुराहरू पात्रका रूपमा आएका छन् जसलाई मानवीय पात्रको रूपमा प्रयोग गर्दै सन्देश प्रवाह गर्नुभएको छ’ भन्नुभयो ।
परिचर्चाकार गैरेले ‘वसन्त अनुभवका लघुकथाहरू सरल, सहज एवम् बोधगम्य छन् । विविध विषयवस्तु समेटेका छन् । सरल, सहज एवम् बोधगम्य छन् । प्रचुर व्यङ्ग्य विधानको प्रयोग गरिएका छन् । यति हुँदाहुँदै पनि केही (एक/दुई वटा) लघुकथा विषयवस्तुको दृष्टिले कमजोर, प्रायः लेखिँदै आएका विषयवस्तुका छन् ।” भन्नुभयो ।
त्यस्तै कार्यक्रमको दोस्रो चरणमा ‘सुन्दरी’ लघुकथाको परिचर्चा गर्दै परिचर्चाकार डा. शंकरप्रसाद गैरेले सुन्दरी शीर्षकले पनि न्याय पाएको उल्लेख गर्नुभयो ।
लघुकथाकार मीठू कुमारी पाठकले विशेषत: अपाङ्गता, शैक्षिक विषयवस्तु लगायत बिग्रिएका केटाकेटीलाई सुधार गर्ने जस्ता कुरा समेट्नुभएको छ । उहाँले मानवीय प्रवृतिको उजागर गर्नुभएको छ । कोरोनाकालका अवस्थाहरू, महिला हिंसा/अधिकार सम्बन्धी प्रस्तुतिले पाठकलाई घोत्लिन पर्ने अवस्था सृजना गर्दछन् । संरचनागत दृष्टिले उहाँका लघुकथाहरू मध्यम खालका छन् ।
सुन्दरीमा भएको सुधार गर्नुपर्ने पक्ष औँल्याउँदै डा.गैरेले केही भाषिक, वर्णविन्यासगत त्रुटिहरू छन् आगामी दिनमा सुधार्नुपर्ने देखिन्छ । केही लघुकथाले के भन्न खोजेको हो त्यो अस्पष्ट छ, त्यसतर्फ पनि लघुकथाकार सजग हुनुपर्ने बताउनुभयो ।
कार्यक्रममा कृतिकारको तर्फबाट धन्यवाद मन्तव्य दिनुहुँदै नेपाली नस्लका सर्जक एवम् लघुकथाकार वसन्त अनुभवले परिचर्चाकार डा. शंकरप्रसाद गैरेले लघुकथासङ्ग्रह पढेर लघुकथाको गहिराईमा गएर, केस्रा केस्रा केलाएर, मिहिन ढङ्गले समीक्षा गरिदिनुभएकोमा खुसी व्यक्त गर्नुभयो । साथै समीक्षकप्रति हार्दिक आभार एवम् धन्यवाद प्रकट गर्नुभयो । साथै समीक्षकले दिनुभएको सुझावलाई अक्षरस: पालना गर्ने प्रतिबद्धता पनि जाहेर गर्नुभयो ।
कृति प्रकाशन गर्न हौसला दिनुहुने मञ्चका संस्थापक अध्यक्ष घनश्याम डल्लाकोटी कृष्णजी शर्मा, सम्पादनको बोझिलो कामको बिंडो थाम्नुहुने प्रा.डा. विदुर चालिसे लगायत सम्बद्ध सबैप्रति धन्यवाद प्रकट गर्नुभयो । त्यस्तै व्यस्तताका बावजुद पनि परिचर्चा कार्यक्रममा आइदिनुहुने प्रमुख अतिथि, विशिष्ट अतिथि, अतिथिहरू सबै सबैप्रति आभार प्रकट गर्नुभयो ।
त्यस्तै धन्यवाद मन्तव्य दिनुहुँदै सुन्दरी कृतिका कृतिकार मीठू कुमारी पाठकले मिहिन ढङ्गले लघुकथाको समीक्षा गरिदिनुभएकोमा डा.शंकरप्रसाद गैरेप्रति आभार प्रकट गर्नुभयो । साथै समीक्षकले दिनुभएको सुझावहरूलाई ग्रहण गर्दै अक्षरस: पालना गर्ने कुरा व्यक्त गर्नुभयो ।
उहाँले सुन्दरीभित्र रहेका सम्पूर्ण लघुकथाहरू सत्य घटनामा आधारित रहेकोे उल्लेख गर्नुभयो । उहाँले लघुकथा लेखन एवम् कृति प्रकाशनका लागि प्रेरणा दिनुहुने मञ्चका अध्यक्ष कृष्णजी शर्मा, कृति सम्पादन गरिदिनुहुने प्रा.डा. विदुर चालिसे लगायत परिचर्चा कार्यक्रम उपस्थित हुनुहुने प्रमुख अतिथि, विशिष्ट अतिथि लगायत सम्पूर्ण अतिथिहरूमा धन्यवाद प्रकट गर्नुभयो ।
परिचर्चा कार्यक्रममा समापन मन्तव्य दिनुहुँदै कार्यक्रम अध्यक्ष कृष्णजी शर्माले आजको परिचर्चा कार्यक्रमबाट निकै गम्भीर खालका दुई तीनवटा कुरा सिकाइ भएको उल्लेख गर्नुभयो । आजका प्रमुख अतिथि प्रा.डा. कपिल लामिछाने समीक्षक गुरुहरूको पनि गुरु भएको उल्लेख गर्दै उहाँले दिनुभएको सुझावहरूलाई गम्भीर ढङ्गले पालना गरिने बताउनुभयो । साथै उपस्थित सबै अतिथिहरूप्रति धन्यवाद ज्ञापन गर्नुभयो ।
‘लघुकथा वन्दना’ प्रशारणसँगै सुरु भएको कार्यक्रममा प्रा.डा. कपिल लामिछाने, प्रा.डा.विदुर चालिसे, डा. शंकरप्रसाद गैरे, कृष्णजी शर्मा, वसन्त अनुभव, मीठू कुमारी पाठक, यमुना प्रधानाङ्ग मुना, गंगा कर्माचार्य पौडेल, श्रीकृष्ण पौडेल, डा.टीकाराम पोखरेल, सुरेशकुमार पाण्डे, कुमार काफ्ले, राजेन्द्र आचार्य, लोकनाथ पुडासैनी, मुक्ति गौतम, गंगा, मुना थपलिया, सावित्री अधिकारी, ईश्वर लामिछाने, आयुष बडाल लगायत संस्थाका पदाधिकारीहरू, सल्लाहकारहरू, अभिभावकहरू, सञ्चारकर्मीहरू, लघुकथा सर्जक एवम् पाठकहरूको उपस्थिति रहेको थियोे ।
नमस्ते आधुनिक लघुकथा मञ्चका अध्यक्ष घनश्याम डल्लाकोटी ‘कृष्णजी शर्मा’को अध्यक्षतामा सञ्चालित उक्त कार्यक्रमको सहजीकरण कुशल कार्यक्रम सञ्चालक आयुष बडालले गर्नुभएको थियोे ।
रियाद, साउदी अरब — साउदी अरबको रियादस्थित अलरबिया हस्पिटलमा एक नेपाली नागरिक ॐ नाथ योगीको मृत शरीर आठ दिनदेखि रोकिएको छ। बीमा, कागजात र क्लियरन्स प्रक्रियामा निरन्तर ढिलाइ हुँदा शव नेपाल पठाउने काम रोकिएको हुँदा प्रवासी नेपाली बिभाग रियादले दूतावासलाई पहलका लागी अनुरोध गरेको छ, रियाद क्षेत्रीय समितिका सचिब उमेश भट्टले जानकारी गराए । शब नेपाल जान ढिला हुँदा, परिवारमा गम्भीर पीडा र तनाव सिर्जना गरेको पनि भट्टले बताए ।
चिकित्सकहरूको प्रारम्भिक प्रतिवेदन अनुसार, योगीको मृत्यु दुवै मिर्गौला फेल (Kidney Failure) भएपछि भएको ह। अस्पतालका अनुसार, उनी खाना पकाउने क्रममा होस्टेलमा बेहोस भएर लडेका थिए र तत्काल अस्पताल पुर्याउँदा निधन भएको थियो।
कम्पनीको लापरवाहीले ढिलाइ
योगीका साला बब्लु गीरीका अनुसार, कम्पनीले बीमा र कागजी प्रक्रिया समयमा सुरु नगर्दा शव आठ दिनसम्म अस्पतालमै रोकिएको हो। गीरी भन्छन्: “अस्पतालले कागजात पठाउन कम्पनीलाई पटक–पटक आग्रह गरिरहेछ, तर तत्परता देखाएन। परिवार निरन्तर पीडामा छ, हामी सरोकारवालालाई छिटो हस्तक्षेपका लागि अपिल गर्छौँ।”
प्रवासी नेपाली विभागको पहल
घटना सार्वजनिक भएपछि प्रवासी नेपाली सम्पर्क विभाग, रियाद शाखाका सभापति मनीस लामा नेतृत्वको टोलीले दूतावास र सम्बन्धित साउदी प्रशासनिक निकायहरूसँग समन्वय गर्दै शीघ्र समाधानको प्रयास सुरु गरेको छ। लामाका अनुसार: “शव क्लीयर गर्न आवश्यक प्रक्रिया छिटो गर्न निरन्तर समन्वय भइरहेको छ। परिवारको पीडा बुझ्दै छिटो समाधानका लागि सबै तहमा पहल भइरहेको छ।”
मुख्य तथ्यहरू
शव आठ दिनदेखि अलरबिया हस्पिटलमा रोकिएको।कम्पनीले बीमा,
कागजात र क्लेम प्रक्रियामा गम्भीर ढिलाइ गरेको।
दूतावास र सरकारी निकायबाट समयमै कूटनीतिक हस्तक्षेप नभएको।
प्रवासी नेपाली विभागले पहल गरेको भए पनि अझै शव नेपाल पठाउने प्रक्रिया पूरा हुन बाँकी।
दूतावासको तत्काल पहलको माग
पीडित परिवार, आफन्त, समाजसेवी समूह र प्रवासी नेपाली सम्पर्क विभागले रियादस्थित नेपाली दूतावासलाई छिटो हस्तक्षेप गरी आवश्यक कागजात पूरा गरी शवलाई नेपाल पठाउन आग्रह गरेका कुरा प्रवासी नेपाली सम्पर्क विभागले रियादका सचिबले हिमालयन दृस्टीलाई जानकारी गराए ।
जेद्दा, साउदी अरब ! साउदी अरबको जेद्दा स्थित सनैयामा रहेको इस्लामिक दावा सेन्टरको नेपाली बिभागद्वारा गत २१ नोभेम्बर शुक्रबारका दिन नेपाली श्रमिकहरू बीच एक आपसी भेटघाट तथा परिचयत्मक कार्यक्रम सम्पन्न गरेको छ।
नेपाली महावाणिज्य दूतावास जेद्दाका महावाणिज्य दूत पारस पण्डितको प्रमुख अतिथ्यमा दावा सेन्टरका नेपाली विभागका प्रमुख मन्जुर अलि मियाँको सभापतित्वमा उक्त कार्यक्रम सम्पन्न भएको थियो। सनैया स्थित श्रमिक नेपाली दाजुभाईहरूको उपस्थितिमा एकआपसी भेटघाट तथा परिचय गराउने उद्देश्यका साथ गरिएको उक्त कार्यक्रममा अतिथिहरूमा एनआरएनए साउदी अरबका उपाध्यक्ष राजगिरी, एनआरएनए आरसीसी जेद्दाका कार्यवाहक अध्यक्ष चिरञ्जीवी बस्नेत, साझा मञ्च साउदी अरबका उपाध्यक्ष तेजबहादुर सिन्दुली, सेन्टरका इन्चार्ज इब्राहिम अबु खालिद रहेका थिए !
रमजान दिन मियाँद्वारा संचालित उक्त कार्यक्रम अलि अख्तरले कुरानिक आयत पढेर सुरु गरिएको थियो ! सेन्टरका इन्चार्ज अबु खालिदले स्वागत गरेका थिए ! छोटो छोटो मन्तव्य दिने क्रममा आफ्नो सेन्टरको उद्देश्य, सेन्टरले गर्ने कामहरु र नेपालीहरुका लागि सेन्टरले गर्ने साथ सहयोग तथा ईस्लाम प्रतिको आस्था संबन्धी सेन्टरका नेपाली बिभागका प्रमुख मन्जुर अलि मियाँले जानकारी गराएका थिए ! अतिथिहरु सबैले आ आफ्नो परिचय दिदैं सेन्टरले समय समयमा नेपाली दाजुभाइहरुसँगको भेटघाट तथा परिचयात्मक कार्यक्रमका साथै खेलकुद कार्यक्रम गर्दै नेपालीहरुलाइ एकजुट गराउन सहयोग गरेकोमा खुशी व्यक्त गर्दै धन्यवाद ज्ञापन गरेकाथिए ।
प्रमुख अतिथी महाबाणिज्यदूत पारस पन्डितद्वारा कार्यक्रममा उठेका केही श्रमिक समस्याहरुको जवाफ दिदै यस्तो श्रमिकमुखी कार्यक्रम गरिएकोमा सेन्टरलाइ धन्यवाद दिएका थिए ! श्रमिकहरुलाइ कुनैपनि समस्या परेमा दूतावासको नम्बरमा कल गर्न र म्यासेज गर्न अनुरोध गर्दै श्रमिक समस्या समधानमा महाबाणिज्यदूताबास जेद्दाले कुनै कसर बाकी नराख्ने पनि जानकारी गराए । कार्यक्रममा सेन्टरद्वारा प्रमुख अतिथिलाइ मायाको चिनो दिदैं कार्यक्रम समापन गरिएको थियो ।
रियाद, साउदी अरब — १७ नोभेम्बर २०२५ साउदी ! नेपालमा जेन जि आन्दोलन पछि २१ फाल्गुन २०८२ का दिन हुन लागिरहेको प्रतिनिधि सभा सदस्यको निर्वाचनमा मतदान गर्नका लागि साउदी अरबमा बसोबास गर्दै आएका नेपाली श्रमिकहरुको मतदाता नामावली दर्ता प्रक्रिया सहज र प्रभावकारी बनाउन राष्ट्रिय स्वतन्त्र पार्टी (रास्वपा) रियाद प्रवास समितिले साउदी अरब रियाद स्थित नेपाली दूतावासलाई एक ज्ञापनपत्र सहित औपचारिक अनुरोध गरेको छ।
देशमा रोजगारको वातावरण नहुँदा विविध कारणले अध्ययन, रोजगारी, स्वास्थ्य, परिवार तथा अन्य कारणले साउदी अरबमा बसोबास गर्दै आएका धेरै नेपाली नागरिकले मतदाता नामावलीमा समावेश हुन नसकेको विषयमा गम्भीर चिन्ता व्यक्त गर्दै साउदी अरबमा बसोबास गर्नुभएका नेपाली श्रमिकहरूको मतदान गर्न पाउने अधिकार सुनिश्चित गर्नका लागि पनि अनुरोध गरेको छ।
समितिका अनुसार हालै दर्ता अभियान सुरु भए पनि प्रवासी नेपालीले सहज रूपमा नाम दर्ता गर्न पाउन नसक्दा उनीहरूमा असन्तोष र चिन्ता बढेको छ। प्रवासी नेपालीका लागि आवश्यक सहजीकरण र प्राविधिक पूर्वाधारको अभावले दर्ता प्रक्रिया ढिला हुने, भ्रम उत्पन्न हुने र धेरैले अवसर गुमाउने जोखिम रहेको समितिले जनाएको छ।
रास्वपाले पत्रमार्फत दूतावासलाई प्रवासी नेपालीको मतदान अधिकार सुनिश्चित गर्न दर्ता प्रक्रियामा प्राविधिक र प्रशासनिक सहयोग उपलब्ध गराउन अनुरोध गरेको छ। समितिले विशेष गरी दर्ता प्रक्रिया सरल, छिटो र सबै प्रवासी नेपालीको पहुँचमा हुने गरी व्यवस्थित गर्नुपर्नेमा जोड दिएको छ।
समितिका सभापति मनीष लामा र सचिव उमेश भट्टको संयुक्त हस्ताक्षर रहेको पत्रको प्रतिलिपि केन्द्र, रियाद तथा पूर्वी क्षेत्रका प्रवास समितिहरूलाई समेत पठाइएको छ। पत्रमा उल्लेख छ कि दर्ता अभियान सफल बनाउन दूतावास, प्रवास समिति र अन्य सम्बन्धित निकायबीच सहकार्य अनिवार्य रहेको छ।
प्रवासी नेपालीहरूका लागि मतदान अधिकार सशक्त बनाउन, दर्ता प्रक्रिया प्रभावकारी र पारदर्शी बनाउन र आवश्यक जानकारी प्रवासी समुदायसम्म पुर्याउन रास्वपाले दूतावाससँग नियमित सम्पर्क र तालमेलको आग्रह गरेको छ। समितिले प्रवासी नेपालीको सक्रिय सहभागितामा आधारित मतदान प्रक्रियाले राष्ट्रिय स्तरमा लोकतान्त्रिक सुदृढीकरणमा महत्वपूर्ण योगदान पुर्याउने विश्वास व्यक्त गरेको छ।
कार्तिक २८ दाङ राप्ती साहित्य परिषद् जिल्ला शाखा दाङले आफ्नो नियमित कृति समीक्षा कार्यक्रम अन्तर्गत १९७ औँ श्रृङ्खलामा साहित्यकार खगेश्वर भण्डारीको नविनतम् कथासङ्ग्रह “प्लाष्टिककको फूल”को घोराहीमा समीक्षा गरेको छ।
परिषद्का अध्यक्ष यम रेग्मीको अध्यक्षता तथा नेपाल संस्कृत विश्वविद्यालय, सांस्कृतिक विभागका प्रमुख निर्देशक डा.टीकाराम उदासीको प्रमुख आतिथ्यता तथा राप्ती साहित्य परिषद् केन्द्रका सल्लाहकार पुरुषोत्तम खनालको विशिष्ट अतिथ्यतामा कार्यक्रम सम्पन्न गरिएको थियो।
‘प्लाष्टिकको फूल’ कथासङ्ग्रहको समीक्षा समालोचक तथा साहित्यकार प्रमोद धितालले गरेका थिए । भण्डारीको कथा सङ्ग्रह हरेक दृष्टिकोणले पठनयोग्य रहेको समीक्षक धितालले बताए । प्लाष्टिकको फूल कथासङ्ग्रहमा १२ वटा कथा रहेका छन् । जसलाई अक्षरधाम नेपालले प्रकाशनमा ल्याएको हो ।
कार्यक्रममा कथाकार भण्डारीले कथा लेख्दाका एवम् कथा प्रकाशन गर्दाका अनुभवहरू सुनाएका थिए ।
सर्वोदय पुस्तकालय तथा वाचनालयका अध्यक्ष सुशील गौतम, राप्ती साहित्य परिषद् केन्द्रका सल्लाहकार पुरुषोत्तम खनालले शुभकामना मन्तव्य तथा स्रष्टा भण्डारीलाई बधाई दिएका थिए।
कार्यक्रम ३ दर्जन बढी साहित्यकारहरूको उपस्थिति रहेको थियोे । परिषद्का उपाध्यक्ष सुरेशकुमार पाण्डेको स्वागत मन्तव्यबाट शुभारम्भ भएको कार्यक्रमको सञ्चालन सचिव घनश्याम केसीले गरेका थिए।
काठमाडौंः विश्व बैंकले आफ्नो ताजा प्रतिवेदन ‘नेपाल डेभलपमेन्ट अपडेट : सुधारहरू जसले सार्वजनिक लगानीलाई तीव्र पार्छ (Reforms to Accelerate Public Investment)’ मा चेतावनी दिएको छ कि नेपालको अर्थतन्त्र चालु आर्थिक वर्ष २०२५–२६ मा निकै सुस्त हुन सक्छ । यसको मुख्य कारण पछिल्लो राजनीतिक अस्थिरता र सार्वजनिक अशान्ति हो ।
विश्व बैंकका अनुसार, नेपालको आर्थिक वृद्धिदर २०२५–२६ मा घटेर २.१ प्रतिशतमा पुग्ने अनुमान गरिएको छ, जुन २०२४–२५ मा ४.६ प्रतिशत थियो । तर यदि पुनर्निर्माणका कामहरूमा तीव्रता ल्याइयो भने, २०२६–२७ मा यो दर ४.७ प्रतिशतसम्म पुग्न सक्ने सम्भावना छ ।
🔻 राजनीतिक उथलपुथल र आर्थिक संकट
२०२५ सेप्टेम्बरमा जेन–जेड (Gen-Z) द्वारा नेतृत्व गरिएको व्यापक विरोध प्रदर्शनले तत्कालीन प्रधानमन्त्री के.पी. शर्मा ओलीको सरकारलाई ढालिदिएको थियो । ती प्रदर्शनहरू हिंसात्मक बनेका थिए, जसमा ७० भन्दा बढी मानिसको मृत्यु भयो र सरकारी तथा निजी सम्पत्तिमा अरबौँ नेपाली रुपैयाँको क्षति पुगेको थियो ।
त्यसपछि, देशमा सुशीला कार्कीको नेतृत्वमा एक गैर–राजनीतिक अन्तरिम सरकार गठन गरिएको छ, जसलाई २०२६ मार्च ५ मा आमनिर्वाचन गराउने जिम्मेवारी दिइएको छ ।
🏨 पर्यटन र सेवा क्षेत्रमा गहिरो असर
विश्व बैंकका अनुसार, आर्थिक सुस्तीको सबैभन्दा ठूलो प्रभाव सेवा क्षेत्रमा पर्नेछ ।
पर्यटन उद्योगमा विदेशी पर्यटकको आगमन घट्ने सम्भावना छ ।
बीमा क्षेत्र पनि सम्पत्ति नोक्सानीका कारण प्रभावित हुनेछ ।
यी कारणले रोजगारी, आम्दानी र निजी लगानीमा नकारात्मक असर पर्ने चेतावनी दिइएको छ ।
⚠️ गरिबी निवारणमा असर
विश्व बैंकले हिंसा र विनाशका कारण गरिबी निवारणका प्रयासहरूमा ठूलो झटका लागेको बताएको छ ।
गरिबी दर (दैनिक ४.२ अमेरिकी डलरको मापदण्डमा) हालको ६.२% बाट बढेर ६.६% पुग्ने अनुमान गरिएको छ ।
🏗️ सरकारले सुरू गर्यो पुनर्निर्माण योजना
नेपालका अर्थमन्त्री रमेश्वर प्रसाद खनालका अनुसार सरकारले “इण्टिग्रेटेड बिजनेस रिकभरी प्लान (Integrated Business Recovery Plan)” सुरू गरेको छ ।
यस अन्तर्गत प्रभावित व्यवसायहरूलाई अनुदान, कर छुट र सञ्चालन सहायता प्रदान गरिनेछ ।
इन्फ्रास्ट्रक्चर मर्मत तथा निर्वाचन तयारीका लागि सार्वजनिक स्रोतहरूको पुनः विनियोजन गरिएको छ ।
त्यसैगरी, क्षतिग्रस्त सार्वजनिक र निजी सम्पत्तिहरूको मर्मतका लागि एक “पुनर्निर्माण कोष (Reconstruction Fund)” पनि स्थापना गरिएको छ ।
खनालका अनुसार, “यी पहलहरूको उद्देश्य निजी क्षेत्रमा पुनः विश्वास जगाउने र अर्थतन्त्रलाई स्थिर गतिमा ल्याउने हो।”
💡 विश्व बैंकका सिफारिसहरू
विश्व बैंकका माल्दिभ्स, नेपाल र श्रीलंकाका निर्देशक डेभिड सिस्लेनले भने —
नेपालका लागि सार्वजनिक लगानीमा तीव्रता ल्याउन अत्यावश्यक भएको बताए ।
उनका अनुसार विकास, रोजगारी र समृद्धि बढाउन नेपालले —
परियोजना योजना र बजेट प्रक्रिया सुदृढ गर्न,
भूमि अधिग्रहण र रूख कटानी प्रक्रिया सरल बनाउन,
क्यास व्यवस्थापनमा दक्षता ल्याउन, र
प्रोक्योरमेन्ट (खरिद) कानूनहरूमा संशोधन गरी परियोजना कार्यान्वयनलाई छिटो बनाउन जरुरी छ ।
देशलाई अहिले स्थायित्व र न्याय चाहिएको छ — उत्तेजना होइन।
,✍️ तुल्सी राम आचार्य
दुई महिनाभित्रै जेन्जी प्रमुख मिस्टर गुरुङले आफ्नै पहलमा नियुक्त गृहमन्त्रीको राजीनामा माग्नु केवल राजनीतिक असन्तुष्टि होइन, संस्थागत अस्थिरताको संकेत हो। राज्यका अङ्गहरूबीचको अविश्वास र प्रतिस्पर्धा यो स्तरसम्म पुग्नु चिन्ताजनक छ।
आजबाट सेवा निवृत्त भएका प्रहरी प्रमुख खापुङमाथि यात्राप्रतिबन्ध लगाइएको घटनाले प्रहरी प्रशासनमाथि डर, धम्की र आरोपको वातावरण झन् गहिरो भएको प्रमाण दिन्छ। यस्तो व्यवहारले प्रहरीको मनोबल बढाउँदैन, बरु खस्काउँछ।
२३ गतेको घटनालाई ‘हत्या’को रूपमा चित्रण गर्दै जनभावना उचाल्ने प्रयासले केवल सुरक्षाकर्मीको आत्मविश्वास होइन, शासनको मेरुदण्डमै चोट पुर्याएको छ। संवेदनशील विषयलाई राजनीतिक रंग दिन खोज्नु न्याय प्रणालीमाथिको विश्वास कमजोर पार्ने काम हो। आज कानूनी शासनभन्दा पनि भीडको मनोविज्ञानले शासन गरिरहेको अनुभूति बढ्दै गएको छ — रुल अफ ल होइन, हुल अफ ल। सामाजिक सञ्जालमा फैलिएका विषालु टिप्पणीहरू र केही मिडियाका कथित “विश्लेषण” हरूले स्थिति अझ जटिल बनाइरहेका छन्। आलोचनाको नाममा दण्डमुक्तिको संस्कारलाई वैधानिकता दिन खोजिँदैछ। यस्तो प्रवृत्तिले राज्यको शासकीय ढाँचा नै हल्लाउन सक्छ। सार्वजनिक सम्पत्ति जलाउने, तोडफोड गर्ने वा नष्ट गर्ने कुनै पनि काम कुनै सन्दर्भमा पनि स्वीकार्य हुन सक्दैन। यदि प्रहरीले त्यस्ता अपराध रोक्ने क्रममा बल प्रयोग गर्नुपर्यो भने त्यसको विरोधमा उभिनु बौद्धिकता होइन, कायरता हो। देशलाई अहिले आवश्यक छ — स्थायित्व, संयम र न्याय। राजनीतिक लाभका लागि संस्थाहरू कमजोर पार्ने प्रवृत्ति रोकिएन भने कानूनी शासन होइन, भीडको शासन स्थायी बन्ने खतरा बढ्दै जानेछ।
उमेश कुशवाहा, वीरगञ्ज वीरगञ्ज महानगरपालिका–२ छपकैया बिरयानी हाउस अगाडि शंकास्पद सुटकेश फेला परेको छ। स्थानीयवासीले सुटकेश देखेपछि तत्काल प्रहरीलाई खबर गरेका थिए।
सूचना पाएलगत्तै प्रहरी बिट छपकैयाबाट हवल्दार रञ्जन राज पाण्डेको नेतृत्वमा टोली घटनास्थल पुगेको थियो। सुटकेश शंकास्पद देखिएपछि वडा प्रहरी कार्यालय विर्ताका निरीक्षक बिक्रम सुवेदीको कमाण्डमा अर्को टोली र नेपाली सेनाको बम डिस्पोजल टोली पनि खटाइएको थियो।
सेनाको टोलीले सुटकेश परीक्षण गर्दा कुनै विस्फोटक पदार्थ नपाइएको र बम नभएको पुष्टि गरेको प्रहरीले जनाएको छ। घटनाबारे थप अनुसन्धान भइरहेको छ।
