सरकारले ७ माघदेखि लागू हुने गरी सार्वजनिक स्थलमा प्रवेशका लागि खोप कार्ड अनिवार्यको घोषणा गरिसकेको छ । तर, लुम्बिनी प्रदेशमा अझै ४३ प्रतिशतले खोपको पूर्ण मात्रा लगाउन पाएका छैनन् । सबै नागरिकलाई पूर्ण मात्रा खोप नदिँदै सरकारले खोपकार्ड अनिवार्य गर्दा व्यवहारिक रुपमा यसको कार्यान्वयन कठिन हुने देखिएको छ ।

भिडभाड बढी हुने रेस्टुराँ, सिनेमाहल, रंगशालाजस्ता स्थानमा पनि खोपकार्ड अनिवार्य गर्ने व्यवस्था गर्न गृह मन्त्रालयले मातहतका निकायलाई  निकायले निर्देशन दिइसकेको छ । तर, दुबै खोप लगाउन नपाएकाहरु सार्वजनिक सेवा लिनबाट बन्चित हुनसक्ने देखिएको छ ।

कोरोना संक्रमणको पहिलो र दोस्रो लहरमा ‘हट स्पट’ बनेको लुम्बिनी प्रदेशमा खोपको गति सुस्त छ । प्रदेशभरिमा खोप लगाउन योग्य कुल ३९ लाख ६७ हजार जनामध्ये हालसम्म पूर्ण खोप पाउनेको संख्या १९ लाख २१ हजार २६८ मात्र पुगेको प्रदेश स्वास्थ्य निर्देशनालयले जनाएको छ ।

सीमा क्षेत्रबाट ठूलो संख्यामा आउजाउ गर्ने प्रदेशमा खोपको गति भने सुस्त देखिएको छ । हालसम्म पहिलो डोज खोप लगाउनेको संख्या ३१ लाख २९ हजार ३६० रहेको छ भने दुवै मात्रा लगाउनेको संख्या १९ लाख २१ हजार २६८ रहेको छ । 

प्रदेशका १२ वटै जिल्लामा खोप अभियान सञ्चालन भइरहेको छ । केही स्थानीय तहले उमेर समूह अनुसार बालबालिकाबाहेक अन्यलाई खोपका दुवै मात्रा पूरा गरेका छन् । केहीले दोस्रो मात्रा पर्खिरहेका छन् । केहीमा छुटेकाले स्वास्थ्य संस्थामा गए पनि सहजै खोप लगाउन पाएका छैनन् ।

रूपन्देहीको देवदह नगरपालिकाले खोपका लागि योग्य ४३ हजार जनाको तथ्यांक संकलन गरेकोमा ४० हजारले पूर्ण खोप लगाइसकेको स्वास्थ्य संयोजक काशीनाथ बन्जाडेले बताए । अन्यलाई समेत खोप उपलब्ध गराएर छिट्टै पूर्ण खोप लगाउन सफल पालिका घोषणा गरिने उनले दाबी गरे । १८ वर्षभन्दा मुनिका कसैले पनि खोप नलगाएको उनले जनाए ।

कपिलवस्तुको वाणगंगा नगरपालिकामा हालसम्म ७१ हजारले पहिलो चरणमा खोप लगाएका छन्, जसमध्ये ५६ हजार जनाले पूर्ण खोप लगाएको स्वास्थ्य संयोजक ठगराज पौडेलले बताए । पहिलो मात्रा लगाउने काम पुस १५ गते सकिएको उनले बताए । अझै चार साता पर्खने र अर्को मात्रा लगाइदिने उनले बताए । 

80हजार जनसंख्या रहेको उक्त पालिकामा खोप लगाउने सुरुवाती दिनमा अत्यन्तै भीड भए पनि अहिले चाप नभएको पौडेलले बताए । १ लाख जना बसोबास रहेको वाणगंगामा पाँच देखि ११ वर्षका बालबालिकालाई स्वास्थ्य मन्त्रालयले दिएपछि र छुटेका व्यक्तिलाई लगाइदिन पालिका तयारी अवस्थामै रहेको उनको भनाइ छ । बाहिरदेखि आएका स्थानीयको एन्टिजेन परीक्षण गरिरहेको उनले जानकारी दिए ।

प्रदेशको पहाडी जिल्ला रुकुम पूर्वको सिस्ने गाउँपालिकामा खोपको दोस्रो डोज लगाउने अभियान जारी छ । स्वास्थ्य कार्यालयमा पहिलेजस्तो भीडभाड छैन । पहिलो डोज करले लगाए पनि दोस्रो लगाउन आउन छोडेको स्वास्थ्य संयोजक सुरेन्द्र यादवले बताए । उनका अनुसार लक्षित संख्या १५ हजार रहेकामा बालबालिका र छिटफुट गरी संख्या बढ्दै जाने अपेक्षा गरिएको छ । पालिकामा भेरोसेल र कोभिसिल्डको पहिलो डोज ११ हजार ५२३ जनाले लगाएका छन् । दोस्रो डोज लगाउने पाँच हजार ३७३ जनामात्रै रहेको यादवले बताए । पहिलो डोज लगाएका मध्ये केही काठमाडौं, केही भारत र केही विदेश नै गइसकेको र गाउँमा भएकाले पनि चासो नदिएको उनले बताए । पालिकामा चैतभित्र सबैलाई खोप लगाइदिने गरी आफूहरू लागिपरेको भन्दै यादवले जनता नै भागेपछि आफूहरूको केही उपाय नलागेको बताए ।

Copied:ratopati

दाङ – दाङमा रोकिराखेको ट्र्याक्टरसँग अटो ठोक्किँदा दङ्गीशरण गाउँपालिका ४ का ५० वर्षीय दीपक बुढाथोकीको ज्यान गएको छ । दुर्घटनामा अटोका चालक गम्भीर घाइते भएका छन् ।तुलसीपुरबाट हेकुली जाँदै गरेको रा १ ह २९६६ नम्बरको अटो त्यही दिशातर्फ रोकिराखेको रा १ त २८२२ नम्बरको ट्र्याक्टरसँग हेकुली चोकमा ठोक्किँदा दुर्घटना भएको इलाका प्रहरी कार्यालय तुलसीपुरले जनाएको छ ।दुर्घटनामा घाइते अटो चालक दङ्गीशरण ३ हेकुलीका २७ वर्षीय मनिष चौधरीको तुलसीपुरमा उपचार भइरहेको छ ।ट्र्याक्टर चालक फरार रहेका प्रहरीले जानकारी दिएकाे छ ।

घोराही चौघेरा स्थित गोरखनाथ वैदिक गुरुकुलमा ‘कुसुम रचना प्रतिभा पुरस्कार’ स्थापना गरिएको छ । घोराही उपमहानगरपालिका १७ बेलभार निवासी डा.रचना घिमिरेले २५ हजार ५ सय ५५ रुपैयाँको अक्षयकोष खडा गरी उक्त पुरस्कारको स्थापना गर्नुभएको हो ।

सामाज सेवामा विशेष रुचि राख्नुहुने घिमिरेले आफ्नो जन्मदिनको अवसरमा आफ्नो मातापिता सहित गुरुकुलमा आयोजित कार्यक्रममा सरिक हुँदै उक्त अक्षयकोष रकम गुरुकुलकी प्राचार्य सन्तोषी सुवेदीलाई हस्तान्तरण गर्नुभएको थियोे।

अक्षयकोष खडा गरेको सन्दर्भमा बोल्नु हुँदै अभिभावक सुषमा कुमारी रेग्मीले यसरी युवावर्ग समाजसेवा तर्फ प्रेरित हुनु अत्यन्त खुसीको कुरो भएको बताउनुभयो । साथै यस कार्यले युवा पिँढीमा उत्प्रेरकको कार्य गर्ने र समाजको उत्तरदायित्व बहन गर्न उनीहरू अग्रसर हुने बताउनुभयो।

साथै उहाँले गोरक्ष रत्ननाथ मठमा सञ्चालित दाङकै प्रतिष्ठाको रुपमा रहेको गोरखनाथ वैदिक गुरुकुललाई एक सक्षम गुरुकुल बनाउन सबैले आ-आफ्नो क्षेत्रबाट सहयोग गर्नुपर्ने बताउनुभयो ।

उक्त अवसरमा घिमिरे परिवारले गुरुकुलमा आवासीय रुपमा रहेका वटुकहरुका लागि खिर भण्डाराकाे पनि आयाेजना गरेको थियो ।
कार्यक्रममा वटुकहरूले स्वस्ति वाचन तथा भजन नृत्य प्रस्तुत गरेका थिए ।

गुरुकुलकी प्राचार्य सन्ताेषी सुवेदीकाे अध्यक्षतामा सञ्चालित भेलामा गुरुकुल समिति पदाधिकारीहरू, शिक्षकहरूकाे उपस्थिति रहेको थियाे भने कार्यक्रमको सहजीकरण गुरुकुलका अध्यक्ष प्रकाश भट्टराईले गर्नुभएको थियो ।

समर्पण रम्जान

१३ जनवरी २०२२, अल कासिम साउदी अरब ! बिगत् ३ वर्ष पहिले साउदी अरबको अल कासिम स्थित बन्दर अल जैदी कम्पनीमा आएर अहिलेसम्म नेपाल फर्कन नसकेका २ जना नेपालीहरु एनआरएनए अल कासिमका संरक्षक तथा अल कासिमका लागि दूतावास प्रतिनिधि बिशाल श्रेष्ठको जमानीमा नेपाल नेपाल फर्किन सफल भएका छन् ।

नेपाल घर महोत्तरी जिल्ला बिजलपुरा निवासी राम बहादुर महतो र राजवीर महतोले सोही कम्पनीमा ३ माहिना सम्म काम गर्दा पनि तलब नपाए पछि साउदी रियादमा भागेर काम गरिरहेका थिए ।
कम्पनीबाट भागेकोले कम्पनीले उहाँहरु दुबैलाई हुरुफ(भगौडा)मा राखेको र २ बर्षदेखि अकामा नविकरण नहुदाँ चाहेको अबस्थामा नेपाल फर्किन नसकेका र इक्जिट भिसाका लागि रियाद दुताबासबाट ट्राभल डकुमेन्ट (पासपोर्ट)र अन्य पेपर लिएर ४ जनवरी २०२२ का दिन अल कासिम आएका श्रेष्ठले जानकारी गराए ।

सोही दिन पीडितहरु ( Deportation Centre) अध्यागमन बिभाग गए पनि त्यहाँका अफिसर हरुले नेपाल जादाँ टिकट र जमानी बस्ने मान्छे लिएर आउनु भने अनुसार १३ जनवरीको नेपाल फर्कने टिकट लिएर गए पछि दुबैजनाको लागी श्रेष्ठले आफै जमानीको रूपमा बसी आफ्नो इकामा जम्मा गरि सहिछाप लगाए पछि उहाँहरु दुबैजनाको सोही दिन एक्सिट भिसा लागेर आजै १३ जनवरि पीडितहरु नेपाल पुगेका छन् !

उहाँहरु रियादबाट अलिकासिम आएसँगै बस्ने ठाउँ तथा खानेको समेत समस्या भएपछि एनआरएनए आरसिसिको अनुरोधमा एनआरएनए साउदी अरबले उहाँहरु लगायत अझै अरु बाकिँ २ जनाको लागि बस्ने र खाने सहयोग गरेको छ।

४ जना मध्ये २ जना नेपाल पुगिसकेका र बाकिँ २ जना को पनि बहिर्गमन भिसा लागिसकेको साथै उहाँहरुपनी यसै हप्ता नेपाल पुग्ने कुरा बिशाल श्रेष्ठले जानकारी गराउदैँ यस कार्यमा सहयोग गर्नुहुने दूतावास रियाद, एनआरएनए अध्यक्ष डम्बर यादव र एनआरएनए अल कासिम टिमलाइ तथा मोहम्मद उमामा अन्सारीलाइ अभार प्रकट गरेका छन् ।

काठमाडौं– उदयपुरको बेलका नगरपालिका–६ बस्ने ४० वर्षीय गोविन्द मगर १७ वर्षपछि साउदी अरेबियाबाट पक्राउ परेका छन्। इन्टरपोलबाट रेड नोटिस जारी भएका उनलाई साउदी अरबबाट बुधबार नेपाल ल्याइएको छ ।

मगरले २०६१ मंसीर १३ गते मानबहादुर तामाङको हत्या गरेका थिए । उनलाई यही कसुरमा जिल्ला अदालत उदयपुरले पक्राउ अनुमति दिएपछि प्रहरी प्रधान कार्यालय इन्टरपोल शाखाबाट खटिएका टोलीले पक्राउ गरेर नेपाल ल्याएको हो ।

मगरमाथि २०७७ माघ २६ गते रेड नोटिस जारी गरिएको थियो । उनलाई आवश्यक कानुनी कारवाहीका लागि इलाका प्रहरी कार्यालय रामपुर ठोक्सिला उदयपुरलाई बुझाइएको इन्टरपोल शाखाले जनाएको छ ।

Copied:khaberhub

१.
अलमल
कागकाे कुहिराे
सँधै अनिर्णयकाे बन्दी !

२.
दिगम्बर
नग्न शरीर
अहिंसा कठाेर तपस्या !

३.
मृत्यु
अबिचिलित शाश्वतसत्य
कर्म पाप पुण्य !

४.
भाेजन
अपरिहार्य आवश्यकता
प्राणीकाे जीवनकाे आधार !

५.
घर
शिरमाथिकाे छानाे
घामपानीबाट बच्ने साधन !

नवराज भट्ट
महेन्द्रनगर, कञ्चनपुर

१
विश्वास
गुमेको अवस्था
कहिल्यै चेत नखुलेको !

२
ढँटुवा
कुरामा विश्वास
अधिक दु:खमा सन्तति !

३
देश
पीडाले जलेको
हामी मूकदर्शक नेपाली !

४
नेतृत्व
आकांक्षा राख्ने
युवाशक्ति जागरण आवश्यक !

५
परिवर्तन
निष्ठा विवेेक
आदर्श परिपालन मेल !

६
दल
समाजकाे अङ्ग
दुर्भाग्य अनेक विभाजन !

७
सपुत
जीवनको रक्षा
देशका लागि आहुति !

८
प्राण
मान प्रतिष्ठा
खाली स्वार्थ अहङ्कार !

९
पुर्खा
कम्मर कसेर
दिएकाे संस्कार संस्कृति !

१०
रक्षा
हामीले नगरे
नेपालीकाे अस्तित्व इतिहासमै !

• प्रद्युम्न चालिसे
  भक्तपुर