नेपाली राजदूतावास समक्ष बहिर्गमन भिसा (Exit visa) को लागि निवेदन दिएका मध्ये केही व्यक्तिहरुको Exit भिसा प्राप्त भएको सूचना ।
७ जुन २०२२, साउदी अरब ! साउदी अरेबियाका विभिन्न कम्पनी तथा प्रतिष्ठानहरुमा कार्यरत रहँदा साउदी आवासीय अनुमतिपत्र (इकामा) नवनाईएका वा नवीकरण नगरिएका वा हुरूब लगाइएका नेपालीहरुलाई स्वदेश फर्काउन आवश्यक वहिर्गमन भीसा (Exit Visa) का लागि सम्बन्धित साउदी निकायमा अनुरोध गरिएकोमा ३१ मे देखि ०७ जुन २०२२ सम्मको अवधिमा रियाद र दमामबाट प्रोसेसिङ् गरिएका मध्ये जम्मा – ९३ जनाको वहिर्मन भिसा (exit visa) प्राप्त भएको नेपाली दूतावास रियादले आफ्नो फेसबुक पेजद्वारा जानकारी गराएको छ ।
नामहरुको सूचि सहित सेयर गर्दै लिष्टमा नाम आएका नेपाली रूले दूतावासमा आएर आफ्नो एक्जिट भिसाको पेपर लिएर जानुहुन अनुरोध गरेको छ । र, एक्जिट भिसा लागेको ६० दिन भित्र अनिवार्य रूपमा साउदी अरब छोड्न पनि अनुरोध गरेको छ ।
सुचनामा उल्लेख छ “दूतावासले प्रोसेसिङ गरेर प्राप्त हुने वहिर्गमन भिसाको सूचि प्रत्येक हप्ता दूतावासको फेसबुक पेजमार्फत् सार्वजनिक गरिनेछ । उक्त सूचिमा दमाम, जुवेल, खोबर र अलहासास्थित अध्यागमन कार्यालयबाट प्राप्त हुने वहिर्गमन भिसाको विवरण समेत समावेश गरिनेछ ।
एक्जिट भिसा प्रोसेसिङ् निःशुल्क हुनेछ । यस बापत एक हलाला पनि कहिं कतै बुझाउनु पर्दैन । तर एक्जिट भिसा आइसकेपछि नेपाल फर्किने हवाई टिकट व्यक्ति स्वयंले व्यवस्था गर्नुपर्नेछ ।
इकामाको म्याद सकिएको ३ महिना भन्दा बढि भैसकेका
वा साउदी आएको ३ महिना भन्दा बढि समयसम्म पनि इकामा नबनाइदिएका
वा हुरूब लागेका व्यक्तिको मात्र दूतावासबाट एक्जिट भिसा प्रोसेसिङ् गर्न सकिनेछ ।
इकामाको म्याद भएकाहरूको एक्जिट भिसा प्रोसेसिङ् दूतावासबाट गर्न मिल्दैन ।”
काठमाडौ, २१ जेठ । साप्ताहिक तस्बिरमा उदक लेखन शृङ्खलाको ५४औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ६५ जना उदक स्रष्टाहरूको सहभागिता रहेको उदक लेखन शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।
शृङ्खलाका लागि राखिएको तस्बिर
तस्बिरमा उदक लेखन अभ्यास शृङ्खलामा सहभागी स्रष्टाहरूका उदकहरू
[१] कुसंस्कार जातीय विभेद समाजको कालो धब्बा ! ✍️ वसन्त अनुभव घोराही उपमहानगरपालिका १४, दाङ
[२] कुप्रथा समाजमा व्याप्त संविधानमा लेखियो मात्र ! ✍️ भवानी घिमिरे सर्लाही ।
कमिला जस्तै देखिन्छन् यी धमिराहरू कहिले जङ्गलमा देखिन्छन् कहिले गाउँघरमा आफ्नै घर बनाएर बस्छन् भित्रभित्रै सिध्याउने खेलमा अहोरात्र खटिएका छन् यी धमिराहरू !
कहिले कतै यिनीहरू राता देखिन्छन् कहिले भने कतै सेता देखिन्छन् विभिन्न चरित्रमा आफ्नो अनेक किसिमका भूमिका निभाउँछन् यी छद्मभेषी धमिराहरू !
यी अनौठा धमिराहरू कहिलेकाहीँ जमिनमुनि घर बनाउँछन् कहिले भने जमिन बाहिर बनाउँछन् काठ, माटो र पानीको सम्पर्कमा आफ्नो घर अर्थात् गोला बनाउँछन् मुख्यतः वर्षा यामको अन्ततिर घरको निर्माण अनि बिस्तार गर्छन् !
यी धमिराहरू आफ्नै फरक दुनियाँमा जो घरमा बस्छन् त्यो घर जहाँ राता धमिराहरू मालिक जस्तै बस्छन् अनि रमाउँछन् तर सेता धमिराहरू जो कामदार जस्तै काम गर्छन् अर्थात् घर मात्रै बनाउँछन् !
आवश्यकताअनुसार यी सेता धमिराहरू विभिन्न स्वरूपमा विभिन्न आकार दिएर घर बनाउँछन् आखिरर जीवनभरि त्यसरी नै रमाउँछन् !
विभिन्न चलखेलमा यिनीहरू व्यस्त देखिन्छन् वनमा हुँदा वनकै बिनास गर्छन् अनि गाउँघरमा हुँदाको बखत घरमा बिनास गर्छन् गृह प्रवेश गरेपश्चात सारा घरकै सत्यानास गर्छन् र रमाउँछन् यी धमिराहरू !
यी धमिराहरू आखिर किरा न हुन् किराको जीवनचक्र जस्तै यी धमिरारूको पनि जीवन चक्र छ फुलबाट लार्भा त्यस्तै लार्भाबाट प्युपा र प्युपाबाट बयस्क बन्छन् अनि बुढो अवस्थामा यी धमिराहरू पखेटा निस्केपछि उड्छन् कहिले कतै छिचमिराको नामले कहिले कतै धान पुतलीको नामले पानी नपरेको दिन गोधूलिमा घरबाट बाहिर निस्कन्छन् र कल्पनाको गगनमा सुन्दर जीवनको अनुपम उडान भर्छन् !
नेपाली साहित्यका प्रयोगवादी नव प्रविधाहरूको भेला शनिबार सम्पन्न भएको छ । भर्चुअल माध्यमबाट सञ्चालित उक्त भेलामा नेपाली साहित्यमा नवप्रयाेगकाे रुपमा जन्मिएका विभिन्न प्रयाेगवादी विधा /प्रविधाहरूका प्रणेताहरूको सहभागीता रहेको थियो । भेलामा सहभागी साहित्यकारहरूले सङ्गठित भएर सहकार्य गर्दै नेपाली साहित्यलाई विश्वव्यापीकरण गर्नु पर्ने भनाइ राखेका थिए । साथै भेलाले आगामी दिनमा साहित्यिक प्रविधाहरू आयात होइन निर्यात गर्नु पर्ने भन्ने प्रस्ताव सर्वसम्मत रुपमा पारित गरेको थियो ।
मिश्रणवादका प्रवर्तक बरिष्ठ साहित्यकार डा.घनश्याम परिश्रमीकाे प्रमुख अतिथ्य र मिश्रणवाद तथा गजलकाे विकल्पकाे रुपमा चारु, राग, विराग का प्रवर्तक डा.देवी पन्थीकाे अध्यक्षतामा सञ्चालन भएकाे उक्त कार्यक्रमकाे संयाेजन तथा सञ्चालन टुक्का कविता प्रविधाका प्रवर्तक ताराप्रसाद चापागाईंले गर्नु गर्नु भएकाे थियाे । त्यसै गरी सुसेली प्रविधाका प्रवर्तक दुर्गा अधिकारी भमरकाेटेले प्राविधिक संयाेजन गर्नु भएकाे थियाे ।
कार्यक्रममा बाेल्दै प्रमुख अतिथि डा. परिश्रमीले मिश्रणवाद विकृति हाेइन सुकृतिकाे लागि हाे । हाल साहित्यमा उदाइ रहेका नव प्रविधाहरूकाे प्रयाेग बारेमा पनि मिश्रणवादमा उल्लेख भएकाे हुँदा मिश्रणवाद र नव प्रविधाहरू विचमा आपसी सम्बन्ध रहेकाे जानकारी गराउनु भएकाे थियाे।
त्यसैगरी कार्यक्रमका सभा अध्यक्ष डा.देवी पन्थीले विदेशी प्रविधाहरूकाे विकल्पमा विभिन्न स्वदेशी प्रविधाहरू जन्मिएर हुर्कदै गरेकाे अवस्थामा नेपाली प्रविधाहरू आपसमा सहकार्य गर्दै सक्षम सवल र सङ्गठित भएर अगाडि बढ्नु पर्ने भन्दै बहर बिनाकाे गजल हुन नसक्ने र बिना बहरमा लेखिएका सिर्जनाहरूलाई चारु, राग, विराग का रुपमा प्रयाेग गर्दै यसकाे विस्तार हुँदै नेपाल तथा भारतमा समेत लाेकप्रिय भई सकेकाे जानकारी गराउनुकाे साथै नेपाली भाषा साहित्यमा जन्मिएका विभिन्न प्रविधाहरू आपसी सहयाेग गर्दै आफ्नाे बाटाे खनेर अगाडि बढ्दै बिस्तारै विश्व साहित्यमा सामाज्य स्थापना गर्न सकिने कुरामा जाेड दिनु भएकाे थियाे ।
कार्यक्रम संयाेजक समेत रहेका टुक्का कविता प्रविधाका प्रवर्तक ताराप्रसाद चापागाईले नेपाली साहित्यमा जन्मिएका सबै प्रविधाहरुकाे सहकार्यले अापसमा सबल बन्दै उच्चस्तरकाे नेपाली साहित्य सिर्जना गरि साहित्यिक प्रविधाहरू आयात हैन निर्यात गर्ने याेजनाका साथ सहकार्य गर्दै अगाडि बढ्न आव्हान गर्दै नेपाली साहित्यमा जन्मिएकाे नव प्रविधा टुक्का कविता काे बारेमा जानकारी गराउनु भएकाे थियाे ।
सुसेली प्रविधाका प्रवर्तक दुर्गा अधिकारी भरकाेटेले परम्पारगत रुपमा संस्कृतमा रहेकाे त्रिपदीलाई आधार मानेर प्रयाेगवादी नव काव्यिक विधा सुसेली नेपाली साहित्यमा जन्म भएकाे जानकारी गराउँदै आपसी सहकार्यले नव प्रविधाहरूलाई विश्वव्यापी रुपमा फैलाउन सहज हुने कुरामा जाेड दिनु भएकाे थियाे ।
खाेरिया प्रविधाका प्रवर्तक जनार्दन अधिकारी धड्कलनले खाेरिया प्रविधाकाे बारेमा जानकारी गराउँदै । यसलाई ५० काे दशकमा नै प्रयाेग गर्ने प्रयास गरिएकाे तर पछि मात्र यसकाे खाेज अनुसन्धान गर्दै सिद्धान्तहरू तयार गरेर प्रयाेगमा ल्याएकाे जानकारी गराउनु भयाे ।
छेस्का प्रविधाका प्रवर्तक विनाेद नेपालले छेस्का प्रविधाकाे बारेमा जानकारी गराउँदै च्वास्स घाेचे झैँ चाेटिलाे ३ हरफकाे साहित्यिक सिर्जना भएकाेले यसकाे नाम छेस्का भनेर राखिएकाे र यसकाे सैद्धान्तिक अवधारणा सहितकाे पुस्तक तयार भएर आई सकेकाे समेत जानकारी गराउनु भयाे ।
साइनाे प्रविधाका प्रवर्तक छायाँदत्त न्याैपानेले साइनाे प्रविधाकाे बारेमा जानकारी गराउँदै नेपाली साहित्यमा जन्मिएकाे नव प्रविधा भएता पनि याे अङ्ग्रेजी, हिन्दी, मलेसियन, संस्कृत लगायत धेरै भाषाहरूमा फैलिई सकेकाे जानकारी गराउनु भयाे । साइनाे वाङ्मय प्रतिष्ठानकी अध्यक्ष डा.सीता सुवेदीले तथा महासचिव बालकुमार क्षेत्रीले साइनाे प्रविधाकाे जानकारी गराउदै साइनाेलाई विश्वव्यापिकरण गर्ने कार्य भई रहेकाे जानकारी गराउनु भएकाे थियाे ।
षड्ऋतु प्रविधा की प्रवर्तक सीता बिष्ट कार्कीले नव प्रविधा षड्ऋतुकाे बारेमा जानकारी गराउदै यसरी सङ्गठित भएर अगाडि बढ्ने कुराले अझ धेरै हाैसला बढेकाे कुरा जानकारी गराउनु भयाे ।
काेपिला प्रविधाका प्रवर्तक गिरिराज डल्लाकाेटीले नेपाली साहित्यमा जन्मिएकाे काेपिला प्रविधाकाे जानकारी गराउनुकाे साथै यसमा प्रयाेग हुने पात, मुना, काेपिता, डाली, बाेट र बगैचाकाे बारेमा जानकारी गराउनु भएकाे थियाे ।
शीत तथा त्रिशुल प्रविधाका प्रवर्तक पुष्कर अथक रेग्मीले शीत प्रविधाकाे जानकारी दिँदै शीत साधकदेखि शीत इश्वरसम्मकाे जानकारी गराउँदै नेपाली साहित्यमा जन्मिएकाे नव प्रविधा शीत छाेटाे समयमा अरब हुँदै यूराेपसम्म पुगेकाे जानकारी गराउनु भएकाे थियाे ।
पञ्चाङ्ग प्रविधाका प्रवर्तकद्वय साेमनाथ लुइँटेल रवि तथा सुशीला पाैडेलले वेद तथा गीतामा प्रयाेग भएका श्लाेकहरू झैँ ५ पाउका कविताहरूलाई आधार मानेर प्रयाेग गर्दै पञ्चाङ्ग लेखन सुरुवात भएकाे भन्दै पञ्चाङ्गमा प्रयाेग हुने पञ्चाङ्ग, समपञ्चाङ्ग, त्रिपञ्चाङ्ग लगायत विविध कुराहरूकाे जानकारी गराउनुकाे भएकाे थियाे ।
जुनेली प्रविधाका प्रवर्तक शिव कुमार रेग्मीले जुनेलीकाे जानकारी गराउँदै जुनेली प्रविधा ३/२/३/२ अक्षर गरेर चार हरफमा लेखिने अर्थात्मक र अभिप्रासलाई दोस्रो र अन्तिम पङ्तीमा विशेष जोड दिएर लेखिने नेपाली साहित्यमा जन्मिएकाे नव काव्यिक प्रविधा भएकाे जानकारी गराउनु भएकाे थियाे ।
भर्च्युअल माध्यमबाट सञ्चालन भएकाे उक्त कार्यक्रम बेलुका ७:३० बजेदेखी करिब ३ घण्टासम्म सञ्चालन भएकाे थियाे ।
५ जुन २०२२, साउदी अरब ! गोर्खा जिल्ला सहिद लखन गाउँपालिका घर भइ बिगत केहि बर्षदेखि साउदी अरबको अल कासिम स्थित अल-वतनिया कम्पनीमा मृतक अबस्थामा रहेका दाउरे थापाको शव एनआरएनए आरसिसी अल कासिमको समन्वयमा र नेपाली राजदूतावास साउदी अरबको अमुल्य सहयोगमा नेपाल पुगेको छ ।
२७ मार्च २०२२ आइतबारका दिन आफ्नै कम्पनीमा काम गर्ने क्रममा थापाको अचानक दुखद मृत्युबरण हुन पुगेको र तत्पश्चात एनआरएनए-आरसिसी, अल कासिमले नेपाली दूतावास सित र कम्पनीसित निरन्तर समन्वय गरि मृतक थापाको शव करिब दुई महिनामा गत शुक्रबार ३ जुन २०२२ का दिन नेपाल पुर्याउन सफल रहेको संस्थाका सचीव ध्रुब कटुवालले जानकारी गराएका छन् । थापाको शव नेपाल पुगेर अन्तिम संस्कार पनी भइ सकेको सचीव कटुवालले जानकारी गराएका छन्
सचीव कटुवालका अनुसार थापाको मृत्यु पछी दूतावास तथा कम्पनीबाट पूरा गरिनु पर्ने सम्पुर्ण प्रक्रियाहरुका लागी एनआरएनए आरसिसी अल कासिम टिमद्वारा दूतावास रियाद तथा मृतकको कम्पनीमा बारम्बार समन्वय गरेर मृतक शरिरलाई छिटो भन्दा छिटो नेपाल पठाउन सफल रहेको जनाए ।
साथै उक्त कार्यमा अमुल्य सहयोग गर्नु हुने नेपाली राजदुतावास रियादका प्रथम सचिब, श्री ऋषिराज आचार्य, एनआरएनए अल-कासिमका अध्यक्ष रम्जान दिन मियाँ, एनआरएनए, एनसिसी साउदीका निबर्तमान उपाध्यक्ष तथा आर सि सी अल कासिमका संरक्षक विशाल कुमार श्रेष्ठ, बरिस्ठ उपाध्यक्ष कृष्ण अधिकारी, सह-कोशाअध्यक्ष वीर बाहादुर तामाङ पन्जिकृत सदस्य बाबू सिम्रन गोर्खाली, आरसिसी अल कासिम टिम, साथै प्रत्यक्ष वा अप्रत्यक्ष रूपमा सहयोग गर्नुहुने सम्पुर्ण सहयोगी मनहरुलाई एनआरएनए आरसिसी अल कासिमले हार्दिक आभार तथा धन्यवाद प्रदान गरेको छ ।।
पञ्चाङ्ग चित्रपट ========= पञ्चाङ्ग चित्रपट : भाग: १७ लेख्नुपर्ने पञ्चाङ्ग सङ्ख्या : ०१ मिति: २०७९/०२/१९
प्रशिक्षक : ———— सोमनाथ लुइटेल “रवि पाल्पाली” नारायण प्रसाद निरौला
मिति : प्रत्येक हप्ताको पाँचौं (५) दिन अर्थात् बिहीबार
चित्र संकलक —————- सोमनाथ लुइटेल ” रवि पाल्पाली “
समायोजन ————- 👉️सोमनाथ लुइटेल”रवि पाल्पाली”
आदरणीय पञ्चाङ्गका अनुरागी एवम् पञ्चाङ्ग स्रष्टाज्युहरू हार्दिक नमस्कार ।
हामी साप्ताहिक चित्रपट पञ्चाङ्ग लेखनको एघारौं शृङ्खलामा छौँ । यस शृङ्खलामा पनि दिइएको चित्र अनुसारको बिम्बात्मक तथा गहन मौलिक भाव झल्किने एउटा मात्र पञ्चाङ्ग भोलि साँझ ८:०० बजेभित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध छ ।
नोट : संयोजन गर्न सहज हुने भएकोले कमेन्ट बक्समा नाम र ठेगाना सहित लेखिएका पञ्चाङ्ग मात्र समायोजन गरिने जानकारी गराइन्छ ।
पञ्चाङ्ग चित्रपट =========
पञ्चाङ्ग ०१
तिमी स्वर्ग गएपछि धेरै पार्टी बनाएको देखिन्छ खाने लगाउने काममा सबैले मनाएको देखिन्छ नेपालमा भ्रष्ट, भ्रस्टाचार गर्नेको सिमा नाघी सक्यो बालुवामा बजेट सबै मिलेर खनाएको देखिन्छ राजा वीरेन्द्रको कार्यकाल पछि गनाएको देखिन्छ ।
✍️सोमनाथ लुइटेल “रवि पाल्पली” ।
पञ्चाङ्ग ०२
यही हाम्रो सौन्दर्य, सर्वत्र आँखामा खुलेझैँ लाग्छ प्रफुल्ल मनले, प्रवल नेपाली मान घुलेझैँ लाग्छ देन हो सौन्दर्य प्रकृतिको , हुँदै गरे अभिवृद्धिको, सुन्दर आँखाले दृष्टि भए, लहलह झुलेझैं लाग्छ कसैको कुकार्य, कुसंस्कार देख्दा बाटो भुलेझैँ लाग्छ !
✍️प्रेम थापा”मन”बागलुङ ।
पञ्चाङ्ग ०३
स्वाभिमानी बनेर डटेकै हो देश सुरक्षा हेतु खटेकै हो जनताको ईच्छा बुझेर राजा प्रजातन्त्र खातिर हटेकै हो षड्यन्त्र रूपी घट्ना घटेकै हो ।
✍️सरस्वती श्रेष्ठ, रुपन्देही बुट्वल।
पञ्चाङ्ग ०४
एक्काइस वर्ष पहिले पनि रसाउँछ आँखा अहिले पनि कसैको केही विगार नगर्दा बंशनै रहेन कहिले पनि हत्यारा खुल्ला रे जहिले पनि ।
✍️सुमित्रा पोखरेल, काठमाडौं ।
पञ्चाङ्ग ०५
स्वाभिमानी नै बनेर खटेका थिए राजाले हातमा हात मिलाई डटेका थिए राजाले जनताको भावना अनुरूप कदम चाली शान्तिको निमित्त पाठ रटेका थिए राजाले कुर्सीको लोभ नगरी हटेका थिए राजाले।
✍️सरस्वती श्रेष्ठ, इटहरी ।
पञ्चाङ्ग ०६
राजाले मागेजति सबै दिएकै थिए अधिकार पनि खोसेर लिएकै थिए छलछाम गरेर वंश नै किन मार्नु पिउनेहरू सकेजति पिएकै थिए खुसी भै राजपरिवार जिएकै थिए ।
✍️पुष्पा नेपाल( सुवेदी ) इलाम ।
पञ्चाङ्ग ०७
राजा वीरेन्द्रको वंश नाश भएको दिन। युवराज दीपेन्द्रको सास भएको दिन। आज एक्काइस वर्ष भएको छ मृत्युको, पारिवारिक भेटमा लास भएको दिन। राजा वीरेन्द्र मनको आस भएको दिन।
✍️ह्यारिस ह्यारिसन, काठमाडौं ।
पञ्चाङ्ग ०८
रगतको होली खेलाउन गोली चलाएको दिन आज। जनताहरुले आँखाबाट आँसु खसाएको दिन आज। अँध्यारो इतिहासको एक्कासीयौ वर्ष सम्झिदा लाग्दछ, पार्थिव शरीरमा फूलमालाले सजाएको दिन आज। राजा वीरेन्द्रको वंश सत्यानास गराएको दिन आज।
✍️सुशीला पौडेल , काठमाडौं ।
पञ्चाङ्ग ०९
हरेक वर्षको जेठ सम्झँदा जिन्दगी बेकार लाग्छ कैयौँ जन्मे दलहरू देशमा राज गर्ने हार लाग्छ गुनासो नै त रहेछ पोख्नु शब्दमा छैन अरु केही समयले कोल्टे फेर्छ मान्छेको नियति दोधार लाग्छ विकास गर्न भन्दा पनि झोली भर्नको हतार लाग्छ । २ झगडा गर्छन् नेता गठबन्धनमा मन जोडिएको छ जनतामा साथ र सहयोगहरू सबै तोडिएको छ यस्तै छ हालत एक्काइस वर्षपछिको जनहरूको आफ्नै मात्र झोली भर्छन् विकासहरू जति छोडिएको छ बिचरा मन स्वदेश हैन परदेशमा मोडिएको छ ।
✍️सविता के.सी. काठमाडौँ ।
पञ्चाङ्ग १०
आमाको अस्मिता पनि लुटेर खाए तिमी गएदेखि दाजुभाइ – दिदीबहिनी फुटेर खाए तिमी गएदेखि तिमी जस्तै सपूतको खाँचो पर्यो नेपाल आमालाई आ-आफ्नै मात्रै पेट भर्न जुटेर खाए तिमी गएदेखि जनतालाई कठै! महङ्गीले चुटेर खाए तिमी गएदेखि
✍️अन्जु तिमल्सिना घिमिरे, ललितपुर -१० ।
पञ्चाङ्ग ११
हेर, आज भन्दा एक्काइस बर्ष पहिलेकाे कुरा थियाे त्यो बेला मेराे उमेर खेल्ने र रमेर हिँड्ने भुरा थियाे प्रजाका प्यारा ती राजा सहितै परिवारै सिद्याइएकाे त्यो खबर सुन्दा मेराे मनभित्र नि चलेकाे छुरा थियाे टुहुरा भयाैं हामी, हत्याराकाे इच्छा भएको पूरा थियाे ।
✍️रामराजा के. सी. , फर्पिङ, काठमाडौं ।
पञ्चाङ्ग १२
हत्या भयो रगतको बगाएर खोली पनि यत्रतत्र पेस्तोलको मगाएर गोली पनि शाह बंश स्वाहा पारियो वीरेन्द्र परिवार जनता देशको खुसी भगाएर भोली पनि कहाँ सुन्न पाइयो र जगाएर बोली पनि ।
✍️तारा घिमिरे संखुवासभा ।
पञ्चाङ्ग १३ १ आफ्नै वरदानले महादेवलाई भष्मासुरले ततायाे यहाँ सीता हरण गरी राचन्द्रलाई रावणले कति सतायाे यहाँ समय बलवान छ है हामी यसका निमित्त बुझ्न सक्नुपर्छ द्रौपति वस्त्र हरणमा दुश्षासनलाई उसैले मतायाे यहाँ राजा वीरेन्द्रकाे वंश सकेको त इतिहासले नै बतायो यहाँ । २ सम्झेर ल्याउँदा मन हुन्छ धमिलो यहाँ । विशाल देशको मरण भाे कमिलो यहाँ । सर्वत्र गर्दथे चर्चा उनकै थियो गान , रैती खुसी राख्ने चालक छ गमिलाे यहाँ । राजाविनाको राज्य भाे तमतमिलाे यहाँ ।
✍️भवानी घिमिरे सर्लाही ।
पञ्चाङ्ग १४
१ करोडौं माहुरीको एउटा रानु हराएको दिन गहिरो षडयन्त्रले तिमीलाई मराएको दिन सम्झिन पनि कहालीलाग्दो छ जेठ उन्नाइस सारा नेपालीको अस्तित्व खत्तम गराएको दिन महाप्रलय हामी सारा नेपाली डराएको दिन । २ तिमी र तिम्रा जति परीवार सबै खत्तम हुनु पर्ने तिमजस्तै हामी सबै शान्तिप्रीय नेपालीले रुनु पर्ने इतिहासको त्यो अत्यन्त कालो डरलाग्दो दिन सम्झन्छु खै त्यस्ता षडयन्त्रकारीहरूलाई पापले छुनु पर्ने ज्यानमारा हरूको पाप कसै गरे पनि नधुनु पर्ने । ३ इतिहासमा कालो धर्सा कोरिएको छ नेपालमा तिम्रो नेतृत्व छोडिएको छ देश बिग्र्यो लथालिङ्ग भएर हे राजा राजनिति नै जथाभावी मोडिएको छ अहिले ता राजसंस्था नै तोडिएको छ । ४ बचेका तिम्रा परिवारले राज्य चलाउनै सकेनन् यहाँका ठुटेमुटे नेतालाई गलाउनै सकेनन् शासनको सिप सिकेको रहेनछ उनिहरूले ठुटेहरूलाई पत्तासाफ गरेर ढलाउनै सकेनन् बरू आैफैँ गद्दी छाडेर पो भागे चल्मलाउनै सकेनन् । ५ सानो देश चलाउन धेरै नेता हुन्छन् यहाँ गाउँ गाउँबाट उठे कुर्सी मात्रै चुन्छन् यहाँ यो देशको भविष्य नै अन्धकार भयो अब तिमीलाई सम्झिएर जनता त रुन्छन् यहाँ गरिबीको रेखाबाट सबै तल हुन्छन् यहाँ ।
✍️गुणनिधि घिमिरे पाँचथर खान्द्रोङ उर्लाबारी मोरङ हाल अमेरिका ।
पञ्चाङ्ग १५
रगतको होली खेली वंश नाश पार्न गोली चलाएको दिन थियो प्यारा राजा रानीको नाममा जनताले आँसु पलाएको दिन थियो एक्कासीअौँ वर्ष अगाडि वीरेन्द्र राजाको वंश मेटिएको सम्झँदा गहभरि आँसुको शोकमा पार्थिव शरीर चलाएको दिन थियो हाम्रो देशको सान र मान दुबै जलाएको दिन थियो ।
✍️दुर्गा आचार्य, मोरङ ।
पञ्चाङ्ग १६
याे जिन्दगीकाे भराेसा छैन टुट्ने छ कहिले गाेलीले हान्दा याे हाम्राे शिर फुट्ने छ कहिले क्यै थाहा हुन्न सुरक्षा घेरा दिएर बस्ला जाे इबीले गाेली हानेर राजा भुट्ने छ कहिले विश्वास हुन्न मित्रता पनि छुट्ने छ कहिले
✍️ताेयानाथ सुवेदी काँडाघारी, काठमाडौं ।
पञ्चाङ्ग १७
देशका लागि जून उदाउँदो थियो कूलै मासिए महत्त्व थियो पलाएको मुहानका मूलै मासिए आफू उत्कृष्ट हुन्छु भनेर भूल गरि लुक्यौ किन ? कहाँबाट बीउ बस्ला हेर त ! मुख्य फूलै मासिए कसले भाव बुझ्न सक्नु सहयोगी हूलै मासिए ।
✍️जमुना आचार्य सिन्धुपाल्चोक
पञ्चाङ्ग १८
दुश्मनको कुचक्रमा नै फसाइ दियो रगतको खोलो बगाई हसाइ दियो गोलि हानेर रगत कै होलि भयो सुरक्षा गर्ने जीवन धसाइ दियो चार किल्ला बाँधी देह बसाइ दियो ।
✍️गित अर्याल, बाँके नेपालगन्ज ।
पञ्चाङ्ग १९
कालो रात बन्यो रगतको जनता गलाइ दियो कसरि साठ-गाँठ मिलाएर बैरी हसाइ दियो जनताको माझमा लोकप्रिय राजा बिरेन्द्र थिए सुन्दर परिवेशमा गोलिको बाजा बजाइ दियो सरसल्लाह गरेको बेला लासमा धसाइ दियो ।
✍️देवकी के.सी. हाल बिरगंज ।
पञ्चाङ २०
राजा वीरेन्द्रको वंश नास पार्न गोली चलाए यहाँ राजा रानीलाई देखी जनताले आँसु बगाए यहाँ निर्दोष राजा माथी त्यत्रो घात भएको अवस्थामा नि आँसु धारा लिँदै पार्थिव शरीर घाट चलाए यहाँ आफ्ना राष्ट्रका प्रतीकलाई आगोमा जलाए यहाँ
——————————————– “पाँच तत्त्व पाँचै विकार, पञ्चाङ्ग नै ठिक आधार “ विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०७९/ ०२/०१७ ………………………………………….
प्रशिक्षक:- सोमनाथ लुइटेल “रवि पाल्पाली” नारायण प्रसाद निरौला
भाषा शुद्धीकरण सुझाव :- सुशीला पौडेल सविता के.सी. चन्द्रावती अधिकारी
सङ्कलक :- सोमनाथ लुइटेल “रवि पाल्पाली”
सहजकर्ता :- (महासचिव) रामराजा के. सी.
======================
अनुप्रास:- हाल ताल खाल छाल फाल काल साल जाल झाल अादि मिल्दो जुल्दो राख्ने ।
स्थायी :- ईच्छाअनुसार
अक्षर संख्या :- १६
=======
पञ्चान्ङ्ग १
विनाश होकि के हो? अचम्म चाल आयो किन ? विकृति र विसंगतिको ठुलै छाल आयो किन ? हुनेखानेलाई पुगेकै छ नहुने मर्नेछन् सामन्तीले गर्दा गरिबको खाल आयो किन? धनिवर्गलाई बचाउन ढाल आयो किन?
💢सोमनाथ लुइटेल “रवि पाल्पाली”
पञ्चाङ्ग २
गर्नेछु भाेलि भनेर कति बिते काल यहाँ । दिन मास गर्दै गए युगौँ धेरै साल यहाँ । बनाउँछु स्वर्गकाे सिढी भन्दै मर्याे रावण , गर्ने काम केही नगरी अनेकौं जाल यहाँ । आशामा छ देश नहाेस् पहिले कै हाल यहाँ ।
💢भवानी घिमिरे सर्लाही
पञ्चाङ्ग ३
पार्टिकाे अहिलेकाे हाल खराब भएकाे छ। जे जति गरे पनि जाल खराब भएकाे छ। धेरै ठाउँमा स्वतन्त्र उम्मेदवारले जिते के गर्नु आपसमा ताल खराब भएकाे छ बाक्सा नै लुटाैँ भने साल खराब भएकाेछ ।
💢मधुसूदन प्रसाद घिमिरे
पञ्चाङ्ग ४
आफ्नैले आफ्ना फसाउँन हान्छ्न् जाल अहिले विश्वास गरेको मान्छेले पार्छ बेहाल अहिले जमानाको दोष भनौं कि वा मान्छेनै हो खराब सुक्दैन नयन भित्र आँसुको छ ताल अहिले आफ्नै त आउछन् मान्छेको बनेर काल अहिले ।
💢तारा घिमिरे सङ्खुवासभा
पञ्चाङ्ग ५ ——— विकास कार्य गर्दछु भन्ने ताल अनौठो छ । ती भिर पाखा जो कोही भन्छन् जाल अनौठो छ । समय पनि दुषित पार्ने आखिर तिनै हुन् , गरिब घर चुहिने छानो पाल अनौठो छ । एउटा भन्ने पृथक गर्ने चाल अनौठो छ ।
💢आर्त अकुलीन, कैलाली।
पञ्चाङ्ग ६
भात पाकेर के गर्नु उता दालको अभाव कचौराले मात्र टर्दैन त थालको अभाव प्रकृतिको हो कि व्यवहारको हो कि यो नीति टारी छ खेत र बारी सबै नालको अभाव गुम्सिएको व्यवहार सधैँ चालको अभाव ।
💢सविता के.सी., काठमाडौँ ।
पञ्चाङ्ग ७
राम्रो चिताई सहयोग गर्नेलाई गाल छ जोड घटाउ हिसाब गर्नेबाट पर्खाल छ तिम्रो जिन्दगी कस्तो छ भनी मलाई सोधेमा हरेक कोणबाट हेर्यौं भने आँखी झ्याल छ यहाँ जो पनि जानेको भन्छ र त बेहाल छ ।
💢प्रेम थापा “मन”बागलुङ
पञ्चाङ्ग ८
भन्ने कस्लाई देशको हाल यस्तै छ हजुर नेतादेखि कर्मचारी चाल यस्तै छ हजुर जताततै दलालि र भ्रष्टाचार मात्र देख्छु बुझ्नै नसक्ने यिनका जाल यस्तै छ हजुर लिन आएन हाम्लाई काल यस्तै छ हजुर ।
💢सिर्जनरामुगुरुङ्ग, बाग्लुङ्ग
पञ्चाङ्ग ०९
अनाहकमा मान्छे मरेका छन् जहाज खसेर ती झरेका छन्। प्रकृतिसँग नसकिने रहेछ लास त यत्र तत्र छरेका छन्। यसमा सबै लागि परेका छन्।
💢नवराज भट्ट, महेन्द्रनगर
पञ्चाङ्ग १०
तिमीलाई के थाहा होला मेरो कस्तो हाल छ प्रगतिको गति देख्दैछु खरायोको चाल छ मनको व्यथा सुनाउँ भने वैरी धेरै हुने लाग्छ मलाई मेरो प्यास मेटाउने ताल छ शत्रु मात्र होइनन् यहाँ मित्रुको नि खाल छ ।
💢जमुना आचार्य, सिन्धुपाल्चोक
पञ्चाङ्ग ११
माछाहरू मर्छन् सबै सुकेपछि ताल हजुर यता सबै राम्रो छहै के छ तिम्रो हाल हजुर सञ्चै छौ कि बिसञ्चो छौ मेसेञ्जर्मा बोल्दै गर है बेरोज्गार नबस्नु है काम गर्न थाल हजुर फर्किएर आए पछि भेटौं अर्को साल हजुर ।
💢गुणनिधि धिमिरे
पञ्चाङ्ग १२
बिगार्नलाई धुर्तले निकृष्ट छाल थापिए पवित्र साैम्य दृष्टिमा कुकृत्य ताल थापिए सतर्क बन्नु दुष्टले फणा उठाउँदा तिमी हरेक पाइला उठी विषाक्त झाल थापिए उधारिदेऊ दायरा अदम्य जाल थापिए ।
💢सुरेश चन्द्र घिमिरे,, लमजुङ ।
पञ्चाङ्ग १३
सत् कर्मको बाटो हो भने तालमा छोडिदेऊ नमान्नेलाई नै जुवाको खालम छोडिदेऊ सबैको हेला भएपछी बाँचु पनि कसरी दु:ख गरेर बस्नेलाई पालमा छोडिदेऊ माया नगर्नेले हो भने कालमा छोडिदेऊ ।
💢देवकी के.सी. हाल बिरगंज ।
पञ्चाङ्ग १४
अब देशको हाल सुध्रिएलाकी काम रोक्नेको चाल सुध्रिएलाकी देशको नेतृत्व फेरिएको दख्दा अब कामको ताल सुध्रिएलाकी अब देशको साल सुध्रिएलाकी
💢सुमित्रा पोखरेल काठमाडौं ।
पञ्चाङ्ग १५
भन्दिन म कसैलाई कस्तो छ हाल मेराे बनाएर खेले जिन्दगी जुवाकाे खाल मेराे न धन न सम्पत्ति खालि एउटा मन थियो त्यहि मनमा उर्लियाे समुन्द्रकाे छाल मेराे सकिएन बाँच्न अाएहुन्याे बरू काल मेराे ।
४ जुन २०२२, साउदी अरब ! गैर आवसिय नेपाली संघ अंतराष्ट्रीय समन्वय परिषद अंतर्गत रहेको महिला विभागको पहिलो बैठक मिति २ जून २०२२ को दिन एनआरएनए आइसिसी उपाध्यक्ष यास्मिन बेगमको अध्यक्षतामा सम्पन्न भएको छ ।
आइसिसीकि अध्यक्ष रबिना थापाको प्रमुख आतिथ्यमा बसेको उक्त बैठकमा IES का महिला पदाधिकारीहरु सचिब टिका गुरुंग , महिला सहकोषाध्यक्षद्वय यमुना भट्टराई , अमृता कंचन थापाको साथमा महिला संयोजकद्वय संगीत मरहट्टा र विमला सापकोटाको साथै विभिन्न क्षेत्रका महिला क्षेत्रीय संयोजक तथा उपसंयोजकहरु क्रमशः तृष्णा काफ़्ले शर्मा अमेरिकाज़ ,उषाकिरण बारिया ओसेनिया , शांति अधिकारी एशिया प्याशिफ़िक ,पारू मल्ल यूरोप क्षेत्र , डाक्टर इंदिरा तिवारी साउथ कोरिया,इंदिरा त्रिपाठी अमेरिकाज़ समेतहरुको उपस्थिति रहेको थियो । परिचयात्मक तथा सम्पूर्ण नव निर्वाचित महिला पदाधिकारी हरु लाई बधाई तथा शुभकामना कार्यक्रम बाट शुरू भएको उक्त बैठकमा कार्यकाल २१-२३ का निमित्त महिला तथा बालबालिकाको क्षेत्रमा बिशेष गरि महिला स्वास्थ्य र बालबालिका हरुको शिक्षाको परियोजना बारेमा विस्तृत छलफल गर्दै अन्य तह तप्कामा रहनु भएका महिला पदाधिकारीहरु सँगको बृहत छलफल पछि कस्तो परियोजना अघि सार्ने भन्ने बारे समेत निर्णय गरिएको कुरा उपाध्यक्ष यास्मिन बेगम ले जानकारी दिनु भयो ।
सचिब टिका गुरुङद्वारा संचालित उक्त बैठक अति नै मिठासपूर्ण अनी सभ्य तवरमा महत्त्वपूर्ण बिषयहरुमा छलफल गरि सम्पन्न भएको उपाध्यक्ष बेगमले जानकारी दिनु भयो ।
