काठमाडौं । सिन्धुपाल्चोकमा टिपर ठक्करबाट शुक्रबार एक बालिकाको ज्यान गएको छ । ज्यान गुमाउनेमा सिन्धुपाल्चोकको बाह्रबिसे नगरपालिका–७ का राम बिककी छोरी आठ वर्षीय बेली बिक रहेकी छिन् । बाटोमा हिँडिरहेकी बालिकालाई टिपरले ठक्कर दिँदा घटनास्थलमा नै ज्यान गएको थियो ।
सिन्धुपाल्चोकको चौताराबाट बन्देउतर्फ जाँदै गरेको ५ ख ६७९० नम्बरको टिपरले चौतारा साँगाचोकगढी नगरपालिकाको नौ किलोमा ठक्कर दिएको थियो । ठक्कर दिने टिपर चालकलाई प्रहरीले नियन्त्रणमा लिएको छ ।
समर्पण रम्जान
मुग्लिन ! मिति २०८० भदौ १८ गते सोमबारका दिन दोस्रो इच्छाकामना महोत्सवका आयोजकद्वारा एक पत्रकार सम्मेलन गरि दोस्रो इच्छाकामना महोत्सव २०८० हुने जानकारी गराएको छ ।
“कृषि पर्यटन, उद्योग र व्यापार इच्छाकामनाको मुल आधार” भन्ने मुल नाराका साथ इच्छाकामना उद्योग वाणिज्य संघ मुग्लिन र इच्छाकामना गाउँपालिका वडा नं. ४ को कार्यालयको संयुक्त आयोजना तथा इच्छाकामना एफ एम १०२.४ मेगाहर्जको सह आयोजनामा, इच्छाकामना गा.पा.-४ कुरिनटार, भानु ग्यास अगाडी “दोस्रो इच्छाकामना महोत्सव २०८०” हुने भएको छ ।
आज एक औपचारिक कार्यक्रम सहित पत्रकार सम्मेलन गरि इच्छाकामना गाउँपालिकाको आर्थिक गतिविधिको चलयमान तथा स्थानीय उत्पादनको बिक्रीवितरण,प्रचारप्रसार र पर्यटन प्रबर्द्धनको बिकासका लागि महोत्सव गर्न लागिएको आयोजकद्वारा आधिकारिक जानकारी दिएइको छ ।
उक्त कार्यक्रममा महोत्सवका संयोजक उद्योग वाणिज्य संघ मुग्लिनका अध्यक्ष कल्याण गुभाजुले पहिलो महोत्सव २०७५ मा गराउन सफल रहेको र पछिल्लो समयमा कोरोना तथा विविध कारणबस महोत्सव गराउन नसकिएको र आगामी बर्षहरुबाट प्रत्येक बर्ष गरिने बताए । महोत्सवलाई सफल बनाउन विभिन्न उपसिमिति निर्माण गरि काम गरिरहेको र यसको उद्देश्य पछिल्लो अबस्था कोरोनाबाट शिथिल बनेको इच्छाकामनाको अर्थतन्त्रलाई हरेक क्षेत्रबाट चलायमान बनाउन यो महोत्सव महत्त्वपूर्ण रहेकोले सबै इच्छाकामना बासी मिलेर सफल बनाउन अनुरोध गरेका छन् ।
उक्त पत्रकार सम्मेलनमा गाउँपालिका अध्यक्ष दान बहादुर गुरुङले यहाँको आर्थिक गतिविधिहरुलाइ वृद्धि गर्न यहाँ रहेको स्थानीय पर्यटकीय स्थलहरुको प्रबर्द्धन गर्ने , लुकेका कला साहित्य, संस्कृतिको कलाकारहरुको उजगार तथा संरक्षण गर्न यो महोत्सवको आवाश्यक रहेको बताएका छन् । स्थानिय उत्पादनका प्रोत्साहन गर्न १५ वटा स्टलहरुलाई निशुल्क व्यवस्था गरिने पनि जनाएका छन्। यसै गरि महोत्सवको आर्थिक पाटोलाइ पारदर्शी बनाउदैं यसबाट प्राप्त फाइदाको सम्पूर्ण रकम विपन्न बालबालिकाको शिक्षामा खर्च गरिने बताएका छन् । महोत्सव मा बिक्रीवितरण गरिने सम्पुर्ण चिजबिज हरु सहुलियत मुल्यमा गुणस्तर हुनु पर्ने, दिन दैनै गाउँपालिकाबाट चेक जाँज गरिने पनि अध्यक्ष गुरुङले बताए ।
कार्यक्रममा उपस्थित रहेका विभिन्न राजनीतिक दलका प्रतिनिधिहरु, संग संस्थाका प्रतिनिधिहरु, स्थामनीय निकायका प्रतिनिधिहरुले यस क्षेत्रमा गर्न लागेको महोत्सवको सफलताको शुभकामना दिदै महोत्सवले इच्छाकामनाको सामाजिक आर्थिक र सांस्कृतिक बिकासमा टेवा पुग्ने बताउँदै गुणस्तरहिन चिजहरु नराख्न, जुवा तास हरुलाइ नराख्न र महोत्सव को उचित ढङ्गले गराउन आयोजकलाइ समेत सुझाव दिए।
महोत्सवका संयोजक, कार्यक्रमका सभाअध्यक्ष इच्छाकामना गाउँपालिका का वडा नम्बर ४ का वडाध्यक्ष रुद्र उप्रेतीले पत्रकारहरुको जवाफ दिदै यो समयमा अन्य ठाउँमा महोत्सव नहुने र महोत्सव को लागि चाहिने श्रोत साधन सजिलै उपलब्ध गराउन सकिने भएकोले महोत्सव सुन्तलाको मौसममा नगरि तिजको अबसर पारेर गरिएको बताए । महोत्सव मा करिब १ लाख भन्दा धेरै दर्शकहरुले अवलोकन गर्ने पनि जानकारी दिए! महोत्सवमा बाहिरबाट आगन्तुकलाई १०० रुपैयाँ र स्थानिय बिद्यार्थीहरुलाइ ८० रुपैयाँको टिकट लाग्ने साथै कार्यक्रम स्थलहरु धमाधम बनिरहेको जानकारि गराए ।
साथसाथै आयोजक टिमले दोश्रो महोत्सवका आकर्षणहरु उद्देश्य हरु पनि प्रस्तुत गरिएको थियो जुन निम्नप्रकार रहेका छन् !
१) धार्मिक तथा पर्यटकिय स्थलहरू इच्छाकामना मन्दिर, जय बाल गौरी पाथीभरा सिंहदेवी मन्दिर, सिराइचुली, उपरदाङगढी लामो झरना तथा मनकामना मन्दिरको विशेष प्याकेजमा पदयात्रा तथा अवलोकन गराइने |
२) त्रिशूली नदीमा र्याफ्टिङ गराइने
३) आदिवासी जनजाति तथा सीमान्तकृत समुदायको भेषभुषा, रहनसहन तथा संस्कृतिहरुको प्रदर्शनी गराइने
४) औद्योगिक प्रदर्शनी गराइने
५) घरेलु एवं कृषि प्रदर्शनी गराइने
६) राष्ट्रिय स्तरका हाँस्य कलाकारहरुद्वारा दैनिक मनोरञ्जनात्मक कार्यक्रम हुने
७) राष्ट्रिय स्तरका कलाकारहरुका साथमा दैनिक सांस्कृतिक कार्यक्रम स्थानिय कलाकारहरु द्वारा दैनिक मनोरन्जनात्मक कार्यक्रमहरु संचालन गरिने
८) विविध बाल मनोरञ्जनका खेलहरु खेलाइने
९) दोश्रो इच्छाकामना डान्स आइडल कार्यक्रम गरिने ।
१०) बृहत तीज गीत प्रतियोगिता कार्यक्रम गरिने ।
११) खाना महोत्सव संचालन गर्ने
१२) साथमा अन्य मनोरञ्जनात्मक कार्यक्रमहरु गरिने
विविध बिसयका जानकारी सहित पत्रकार सम्मेलन कार्यक्रम समापन गरिएको थियो ।
समर्पण रम्जान
साउदी अरब ! गैर आवासीय नेपाली संघ साउदी अरबले माननिय सांसद राजेन्द्र लिङ्देन मार्फत नेपाल सरकार श्रम रोजगार तथा सामाजिक सुरक्षा मन्त्री माननिय श्री शरद सिंह भण्डारी लाई नेपाली श्रमिकहरुको हक हित सम्बन्धित बिबिध पक्षलाई लिएर पाँच बुँदे ज्ञापन पत्र बुझाएको छ।
माननिय सांसद राजेन्द्र लिङ्देन नेपाली प्रवासी एकता मंच साउदीअरबको प्रथम वार्षिकोत्सव समारोहमा रियाद आउनुभएको अवसरमा संघको तर्फ बाट अध्यक्ष रबिना अर्याल लगायतका अन्य पदाधिकारीहरूले ५ बुँदे ज्ञापनपत्र बुझाएको थियो ।
संघद्वारा जारी गरिएको ज्ञापन पत्र यस प्रकार छ ।
श्री शरद सिंह भण्डारी ।
माननीय मन्त्री
श्रम, रोजगार तथा सामाजिक सुरक्षा मन्त्रालय,सिंह दरबार
काठमाडौ
मार्फत : माननीय श्री राजेन्द्र प्रसाद लिङ्देन ।
विषय: ज्ञापनपत्र ।
माननीय,
उपर्युक्त सम्बन्धमा वैदेशिक रोजगारमा नेपाली नागरिकहरु श्रम स्वीकृति लिएर जान थालिए पश्चात् उनिहरुको हक हित नियमन गर्न श्रम मन्त्रालयले २०६४ साल भदौ १९ मा ” वैदेशिक रोजगार ऐन २०६४” जारी गर्यो ।
उक्त ऐनको परिच्छेद -७ ( अनुगमन र जाँच बुझ सम्बन्धि ब्यबस्था) को दफा ३५ (१) अनुसार रोजगारदाता संस्थाले करारको दायित्व पुरा नगरेको वा इजाजतपत्र वालाले करारमा उल्लेखित शर्त पुरा गराउन आवश्यक र उपयुक्त कार्बाही नगरेको सम्बन्धमा कामदारको उजुरी परेमा विभागले आवश्यक जाँचबुझ गर्ने गराउने छ ।
उपदफा १ बमोजिम गरिएको जाँचबुझबाट सम्बन्धित कामदारलाई स्वदेश फिर्ता गर्न आवश्यक देखिएमा निजलाइ स्वदेश फिर्ता गर्नको लागि चाहिने रकम उपलब्ध गराउन विभागले इजाजत पत्रवालालाई आदेश दिनेछ।
दफा ( ३६) ले क्षतिपूर्तिको लागि उजुरी गर्न सक्ने
उपदफा १ बमोजिम परेको उजुरी उपर आवश्यक जाँचबुझ गर्दा ब्यहोरा मनासिब देखिएमा वैदेशिक रोजगारमा जान लागेको सम्पूर्ण खर्चको क्षतिपूर्ति भराइदिने आदेश दिन सक्नेछ ।
तर,
१) मन्त्री परिषदको अघिल्लो निर्णय ” फ्री भिसा फ्री टिकट” को नाममा कामदारलाई दस हजारको भर्पाइ थमाएर दुई लाख सम्म अनुचित रकम असुली गरेको तथ्य जग जाहेर छ ।तथापि, यस कु-कार्यलाई रोक्न वैदेशिक रोजगार विभाग, मन्त्रालय अन्जान बनेर मुक दर्शक बनेको घाम झैँ छर्लङ्ग छ, यो अनुचित कार्य रोक्न सम्बन्धित सरोकारवालाहरुको गम्भीर ध्यानाकर्षण होस।
२) कामदार पठाउने म्यान पावरले कामदारलाई जहाज चढाएर आफूहरु उम्किने गर्ने गरेकोले वैदेशिक रोजगारमा बिकृती झन्झन् मौलाएको अवस्था सिर्जना भएकोछ ।
त्यति मात्र होईन, झुक्काएर नेपाल सरकारले तोकिदिएको न्यूनतम ज्याला १०००+३०० लाई करारमा लेखिएर एयरपोर्ट सम्म मात्रै देखाउनलाई द्वैध करार गराइएको पाइएको छ । यसर्थ,नेपाल सरकारको ऐन कानुनलाई चुनौती दिने यस प्रकारको म्यानपावर कम्पनीहरुको स्विकृति सदाको लागि खारेज होस।
३) महिला कामदारको अवस्था खाडी मुलुकमा दयनीय नै छ, कम्पनीको भिषा भनेर कतिपय ठाउँमा हाउसमेडको काम गराउने, कुवेतबाट अवैध तरिकाले साउदीमा नेपाली घरेलु कामदारहरु अझै पठाउन ल्याउन रोकिएको छैन । तसर्थ महिला कामदारको विषयमा नेपाल सरकारको ध्यानाकर्षण होस।
४) करार अवधि २ बर्षको भए पनि कुनै कुनै रोजगार दाताले नेपाल बाटै म्यानपावरको आन्तरिक सहमतिमा यहाँ आएर दबाबमा तीन वर्षको करार गराउने गरेको पाइएको छ, दुई वर्षको करार सकिएर स्वदेश फर्कने व्यवस्थाको नियमन होस। साथै, कामदारको बिमाको म्याद तीन वर्षीय गर्ने ब्यबस्था होस ।
५) नेपाल सरकारले नागरिकको मौलिक हक अन्तर्गत जनतालाई जनार्दन भनिए पनि विदेशमा आउने नेपालीहरु लाई उपेक्षा गरेको छ, नागरिक स्वदेश विदेश जहाँ भए पनि नागरिक हक पाउनुपर्ने अधिकार हो । तसर्थ: प्रवासमा पनि मतदानको अधिकार प्रदान गरियोस ।
अन्तमा
“सुरक्षित र मर्यादित रोजगार हामी सबैको अधिकार “
धन्यवाद !
बोधार्थ
नेपाली राजदुतावास , रियाद
गैर आबासिय नेपाली संघ, केन्द्रिय सचिवालय, बालुवाटार
काठमाडौ ।
गैर आवासीय नेपाली संघ
राष्ट्रीय समन्वय परिषद
साउदीअरब
समर्पण रम्जान
१५ भदौ २०८०, मुग्लिन ! “कृषि पर्यटन, उद्योग र व्यापार इच्छाकामनाको मुल आधार” भन्ने मुल नाराका साथ इच्छाकामना उद्योग वाणिज्य संघ र इच्छाकामना गाउँपालिका वडा नं. ४ को कार्यालयको संयुक्त आयोजना तथा इच्छाकामना एफ एम १०२.४ मेगाहर्जको सह आयोजनामा, इच्छाकामना गा.पा.-४ कुरिनटारको, भानु ग्यास अगाडी “दोस्रो इच्छाकामना महोत्सव २०८०” आयोजना हुने भएको छ ।
२०८० भाद्र २७ गते देखि असोज ७ गते सम्म आयोजना गर्न गइरहेको उक्त कार्यक्रममा विविध कार्यक्रमहरु गरि महोत्सव संचालन गरिने जानकारी महोत्सव आयोजक समितिका सचिब बिनोद श्रेष्ठले जानकारी दिएका छन् ।
उक्त महोत्सवमा सहभागी भई महोत्सवको अवलोकन गरि महोत्सव भब्यताका साथ सम्पन्न गराउन पनि इच्छाकामना गाउँपालिका तथा अन्य छिमेकी पालिकामा अबस्थित सबैमा आयोजक टिमले अनुरोध गरेको छ ।
उक्त दोश्रो महोत्सवका कार्यक्रम तथा आकर्षणहरु निम्नप्रकार रहेका छन् !
१) धार्मिक तथा पर्यटकिय स्थलहरू इच्छाकामना मन्दिर, जय बाल गौरी पाथीभरा सिंहदेवी मन्दिर, सिराइचुली, उपरदाङगढी लामो झरना तथा मनकामना मन्दिरको विशेष प्याकेजमा पदयात्रा तथा अवलोकन गराइने |
२) त्रिशूली नदीमा र्याफ्टिङ गराइने
३) आदिवासी जनजाति तथा सीमान्तकृत समुदायको भेषभुषा, रहनसहन तथा संस्कृतिहरुको प्रदर्शनी गराइने
४) औद्योगिक प्रदर्शनी गराइने
५) घरेलु एवं कृषि प्रदर्शनी गराइने
६) राष्ट्रिय स्तरका हाँस्य कलाकारहरुद्वारा दैनिक मनोरञ्जनात्मक कार्यक्रम हुने
७) राष्ट्रिय स्तरका कलाकारहरुका साथमा दैनिक सांस्कृतिक कार्यक्रम स्थानिय कलाकारहरु द्वारा दैनिक मनोरन्जनात्मक कार्यक्रमहरु संचालन गरिने
८) विविध बाल मनोरञ्जनका खेलहरु खेलाइने
९) दोश्रो इच्छाकामना डान्स आइडल कार्यक्रम गरिने ।
१०) बृहत तीज गीत प्रतियोगिता कार्यक्रम गरिने ।
११) खाना महोत्सव संचालन गर्ने
१२) साथमा अन्य मनोरञ्जनात्मक कार्यक्रमहरु गरिने
इच्छाकामना गाउँपालिका र उद्योग वाणिज्य संघ चितवन को संयुक्त संरक्षकत्वमा उक्त महोत्सव हुनेछ ।
३० अगस्ट २०२३, साउदी अरब ! गैर आवासीय नेपाली संघ अन्तर्राष्ट्रिय समन्वय परिषदको २०२३-२५ कार्यकालका लागि महिला उपाध्यक्षमा साउदी अरबबाट यासमीन बेगम सैयदको पुनः उम्मेदवारी दिने भएकी छन् ।
वर्तमान कार्यसमितिको महिला उपाध्यक्षमा रहेर मध्यपुर्व क्षेत्रहरूका अनगिन्ती श्रमिक समस्याहरु समाधान देखि महिलाहरुको हक हित तथा अन्य संघ संस्था र सरकारी निकाय नियोग, उप नियोग हरुसितको समन्वयमा थुप्रै सामाजिक सेवाका कामहरु सफलताका साथ सम्पन्न गर्दै आफ्नो २०२१-२३ कार्यकाल सफलता पुर्वक सम्पन्न गरेकि महिला उपाध्यक्ष पुन २०२३-२५ कार्यकालका लागि पनि सोही पदमा उम्मेदवारी दिएकी छन् ।
एक दशक भन्दा लामो समयदेखि संस्थामा आवद्ध भएर विभिन्न पदमा रहेर अनुकरणीय योगदान दिनुभएकी बेगम बिस्वभरिनै एक सकृय सामाजिक अभियन्ताका रुपमा परिचित छन् ।
संघको आगामी अक्टोवर दोस्रो साता काठमाण्डौंमा हुने ११ औं महाधिवेसनमा उनले महिला उपाध्यक्षमा पुनः उम्मेदवारी दिने भएकी हुन् ।
२१-२३ कार्यकालमा निर्विरोध भएकी यास्मिन यो पटक पनि निर्विरोध हुने सम्भावना रहेको छ ।
१२ भदौ २०८० ! सिरानचोक गाउँपालिका-३ बयापानी गोर्खा स्थित सिरानचोक मुस्लिम समाजले गत ९ भदौ २०८० शनिबारका दिन आफ्नो प्रथम साधारणसभा कार्यक्रमबाट सफि महमदको अध्यक्षतामा १९ सदस्यीय कार्यसमितिको चयन गरेको छ ।
१३ सदस्यीय तदर्थ समितीलाई विघटन गर्दै सिरानचोक मुस्लिम समाजले प्रथम साधारणसभा कार्यक्रमबाट १९ सदस्यीय नयाँ कार्यसमिति निर्विरोध चयन गरेको छ भने ४ जना सल्लाहकार मनोनीत गरेको छ।
कार्यसमितिको अध्यक्षमा सफि महमद मकुन्डाँडा रहेका छन् भने उपाध्यक्षमा आएसा खातुन ठुलागाउँ, सचिबमा मुहम्मद रफि मियाँ ठुलागाउँ, सह सचिबमा साजिद मियाँ ठुलागाउँ, कोषाध्यक्षमा तस्बिरा मियाँ किपट, सह कोषाध्यक्षमा जमल दिन मियाँ किपट, सदस्यहरूमा अलाउदिन मियाँ पिपलथोक, समिम मियाँ ठुलागाउँ, अमिन दिन मियाँ ठुलागाउँ , मुहम्मद सरिफ मियाँ अर्चले, मदिना मियाँ मकुन्डाँडा, अप्सना खातुन बरख, अफ्जल हुसेन बानागाँ, सलिम मियाँ ठुलागाउँ, नातिकाजी मियाँ सन्तेबारी, अब्दुल अजिज मियाँ थुम्की, मुहम्मद सिद्दिक ठुलागाउँ, इमामुदिन मियाँ नवलपुर, चयन भएका छन भने एकजना सदस्य नयाँ साँगु बाट राख्ने गरि पद रिक्त राखिएको छ ।
यसैगरी साधारणसभाले ४ सदस्यीय सल्लाहकार प्रा. सलाउदिन मियाँ काठमाडौ, अहमद दिन मियाँ थुम्की, रम्जान दिन मियाँ मकुन्डाँडा, र प्रो. मोहम्मद रमजान अलि काठमाडौं हरुलाइ चयन गरेको छ ।
नव निर्वाचित कार्यसमितिलाई कार्यक्रमका बिशिस्ट अतिथी सलाउदिन मियाँले सपद ग्रहण गराएका थिए ।
समर्पण रम्जान
१२ भदौ २०८०, मकुन्डाँडाँ ! सिरानचोक गाउँपालिका-३ गोर्खा स्थित सिरानचोक मुस्लिम समाजले गत ९ भदौ २०८० का दिन १९ सदस्यीय कार्यसमितिको चयन गर्दै आफ्नो प्रथम साधारणसभा कार्यक्रम सम्पन्न गरेको छ ।
समाजका अध्यक्ष सफि महमद मियाँको सभापतित्वमा सचिब मुहम्मद रफि मियाँ र समर्पण रम्जान दिन मियाँद्वारा संचालित सिरानचोक गाउँपालिका-३ बयापानी स्थित ठुलागाउँ जामे मस्जिदको प्राङ्गणमा भएको उक्त कार्यक्रममा नेपाली काङ्ग्रेसका केन्द्रिय सदस्य समाजसेवी अब्दुल सत्तारले प्रमुख अतिथीको आशन ग्रहण गर्नु भएको थियो । बिशिस्ट अतिथीहरुमा नेपाली काङ्ग्रेसका महाधिवेशन प्रतिनिधि तथा समाजसेवी सलाउदिन मियाँ, सिरानचोक गाउँपालिकाका अध्यक्ष ज्ञानेन्द्र गुरुङ, सिरानचोक गाउँपालिकाका उपाध्यक्ष रिता देबकोटा, बिशेष अतिथीहरुमा सिरानचोक गाउँपालिका- ३ का वडा अध्यक्ष जगदिश्वर ढकाल, नेकपा एमालेका युवा नेता अब्दुस मियाँ र अतिथीहरुमा नेपाली काङ्ग्रेसको वडा सभापति बल बहादुर खत्री, सिरानचोक गाउँपालिका-३ का निबर्तमान वडा अध्यक्ष वीर बहादुर थापा, वडा सदस्य निजामुदिन मियाँ, सल्लाहकार तथा गाउँपालिका अधिकृत अहमद दिन मियाँ, गाउँपालिका-३ का निबर्तमान वडा सदस्य टोपबहादुर बोगटी, एमाले का ३ न. वडा कमिटी अध्यक्ष मोहन बहादुर बोगटी, पुर्व कार्यपालिका सदस्य योगेन्द्र रसाइली, वडा सदस्य युद्ध बिलास घिमिरे, समाजसेवी इस्लामदिन मियाँ, कृष्ण घिमिरे, नेपाल शिक्षक संघका प्रतिनिधि रामचन्द्र सापकोटा, शिखरजोति प्रा.वि. का रामचन्द्र थापा,चम्पावती मा वि का रमेश पराजुली, रबिन्द्र अधिकारी, वडा सदस्य रुमाया गुरुङ, सीता सुनार हरुले आसनग्रहण गरेका थिए ।
ठुलागाउँ जामे मस्जिदका हाफिज अलाउदिन मियाँले कुरानको केही अंसको पाठ गर्नुको साथै संस्थाको परिचय दिदैं सुरु भएको कार्यक्रममा समर्पण रम्जान दिन मियाँले स्वागत मन्तव्य दिएका थिए भने साजिद मियाँले संस्थाको कार्ययोजना प्रस्तुत गरेका थिए ।
उद्घाटन र बन्दसत्र गरि दुई चरणमा सुरु गरिएको उक्त कार्यक्रममा उपस्थित अतिथी, बिशेष अतिथी, बिशिस्ट अतिथी हरुको मन्तव्य सकिए सँगै पहिलो चरणको उद्घाटन समारोह कार्यक्रमका समापन भएको थिए ।
उक्त कार्यक्रममा सिरानचोक गाउँपालिकामा अबस्थित मुस्लिम तथा गैर मुस्लिम ( करिब १३० जना ) जनताहरुको बाक्लो उपस्थिति रहेको थियो । अतिथीहरुले कार्यक्रममा बोल्दै गर्दा सिरानचोक मुस्लिम समाजको यो पहिलो साधारणसभा ऐतिहासिक रहेको र यस कार्यक्रममा उपस्थित भएर आफ्नो मन्तव्य राख्न पाउँदा खुशी व्यक्त गरेका थिए । साथै सबै मुस्लिम समुदाय एकत्रित भएर अगाडी बड्नु पर्ने र यस समाज समुदायलाइ आवस्यक पर्ने कुनै पनि कुराको लागि पहिले पनि सहयोग गर्दै आएको र भबिस्यमा पनि आफुहरुले सहयोग गर्ने कुरा अतिथीगणहरु बिशेष गरि गाउँपालिका प्रमुख,उपप्रमुख तथा वडाका अध्यक्ष साथै अन्य जन प्रतिनिधिहरुले जानकारी गराए ।
शुभकामना मन्तव्यमा बोल्दै प्रमुख अतिथी अब्दुल सत्तार तथा बिशिस्ट अतिथी सलाउदिन मियाँले आफू जन्मेको गाउँ ठाउँमा युवाहरुले संस्था स्थापना गरेकोमा प्रसंसा र खुशी व्यक्त गर्नुको साथै धन्यवाद तथा बधाइ दिदैँ आगामी दिनहरुमा संस्थाको प्रगतिको कामना सहित गाउँ समुदायको बिकासका लागि आफुहरु जुनसुकै अबस्थामा पनि सहयोग गर्न तयार रहेको प्रतिबद्धता जनाए । साथै सिरानचोक गाउँ पालिका भित्र रहेका सम्पुर्ण मुस्लिम समुदायको उत्थानका लागि सबैजना एकीकृत भएर हरेक क्षेत्रमा अगाडी बढ्न पनि सुझाब दिएका थिए । मन्तव्य कै क्रममा प्रमुख अतिथी अब्दुल सत्तारबाट संस्थालाई ५० हजार सहयोग गर्ने घोषणा गरेका थिए ।
अतिथीगणहरुको शुभकामना मन्तव्य सकिए सँगै उद्घाटन समारोह समापन गर्ने क्रममा सभापति सफि महमद मियाँ ले आफ्नो गैर राजनीतिक, गैर नफामुलक, नितान्त सामाजिक सेवाका लागि भर्खरै स्थापित यो सिरानचोक मुस्लिम समाजलाइ हरेक पाइलामा सहयोग गर्न सबै प्रमुख, बिशिस्ट, बिशेष तथा अन्य अतिथीहरुलाइ, स्थानीय तहका जन प्रतिनिधिहरुलाइ, उपस्थित समुदायका सम्पुर्ण दाजुभाइ दिदीबहिनीहरुलाइ विनम्र अनुरोध गरेका थिए । सभापति मियाँले संस्था स्थापना देखि प्रथम साधारणसभा सम्पन्न गराउनका लागि हरदिन खटिनुहुने सम्पुर्ण दाजुभाइ दिदिबहिनी हरु, कार्यक्रम सफल बनाउन उपस्थित सम्पुर्ण अतिथीहरु,तथा बा-आमा,दाजुभाइ दिदिबहिनीहरु सबैलाई लाइ विशेष धन्यवाद दिदै पहिलो चरणको कार्यक्रम समापान गरेका थिए ।
कार्यक्रमको दोस्रो चरणमा कार्यक्रम संचालक समर्पण रम्जान दिन मियाँले निव निर्वाचित कार्यसमितिहरुको पदिय जिम्मेवारी सहित १९ सदस्यीय पदाधिकारी हरुको नाम घोषणा गरेका थिए ।
प्रथम साधारणसभाबाट अध्यक्षमा सफि महमद उपाध्यक्षमा आएसा खातुन, सचिबमा मुहम्मद रफि मियाँ , सह सचिबमा साजिद मियाँ, कोषाध्यक्षमा तस्बिरा मियाँ , सह कोषाध्यक्षमा जमल दिन मियाँ, सदस्यहरूमा अलाउदिन मियाँ, समिम मियाँ, अमिन दिन मियाँ , मुहम्मद सरिफ मियाँ , मदिना मियाँ, अप्सना खातुन, अफ्जल हुसेन, सलिम मियाँ , नातिकाजी मियाँ , अब्दुल अजिज मियाँ, मुहम्मद सिद्दिक , इमामुदिन मियाँ, चयन भएका छन ।
नव निर्वाचित पदाधिकारीहरुलाइ बिशिस्ट अतिथी सलाउदिन मियाँले खादा लगाइ सम्मान गर्नुको साथै सपद ग्रहण गराइ नव निर्वाचित कार्यसमितिको टिमलाइ बधाइ तथा कार्यकाल सफलताको शुभकामना दिएका थिए ।
यसका सँगसगै कार्यक्रम समापन भएको थियो ।
उमेश कुशवाहा, वीरगंज- १८४ वौ विश्व फोटोग्राफी दिवासको अवसर पारेर पर्सा फ़ोटो ग्राफर एसोशिएशन द्वारा घण्टाघर चौकमा गरिएको संयुक्त रक्तदान कार्यक्रम सम्पन भएको छ।
उक्त रक्तदान कार्यक्रममा प्रमुख अतिथिको रुपमा पालनु भएको बीरगंज युवा समाजका संस्थापक अध्यक्ष कमल चौगाईले कार्यक्रम उदघाटन गर्नु भयो भने यस एसोसिएशनका सचिव मुकेश कुमार साहले रक्तदान गरी शुरू गर्नु भएको थियो।
१महिला सहित ४२ जनाले रक्तदान गरेको पर्सा फोटोग्राफर एसोशिएशन कार्य सदस्य तथा भगवती स्टूडियोका संचालक सन्तोष कुशवाहाले हिमालयन दृष्टि ऑनलाइनलाई बताउनु भयो।
नीतू कुशवाहा,मुकेश साह, अशोक गिरी,अमित बानिया, सुशान्त श्रेस्ट लागयतहरुले रक्तदान गरेको थिए।
एसोसिएशनका अध्यक्ष ओमप्रकाश कुशवाहा,उपाध्यक्ष विध्या सागर साह, प्रमुख अतिथि बीरगंज युवा समाजका संस्थापक अध्यक्ष कमल चौगाई,नेपाल रेडक्रस सोसाइटी पर्साको सभापति बिरेन्द्र कड़ेल,नेपाल पत्रकार महासंघका मधेश प्रदेश महासचिव श्याम बंजारा,सजल श्रेस्ट,नेपाल प्रहरी,सशस्त्र प्रहरी लागयत संस्थाका सदस्यहरु उपस्थिति रहेको थियो।
बीरगंज रक्तसंचार केन्द्रका जितेन्द्र कुशवाहाको टोलीले सहयोग गरेको थियो।
अभिभावक संघ नेपालको केन्द्रीय स्टेन्डिङ्ग कमिटीको बैठक साउन ३१ गते ललितपुरको मान भवनमा सम्पन्न भएको छ । संघका अध्यक्ष केशव पुरीको सभापतित्व, नेपाल अभिभावक महासंघका अध्यक्ष सुप्रभात भण्डारीको प्रमुख आतिथ्य र कोशी प्रदेशका संयोजक देवी पन्थीको विशेष आतिथ्यमा बैठक सम्पन्न भएको हो ।
बैठकले निम्नलिखित बुँदामा व्यापक छलफल गरी निर्णयमा पुगेको थियोे ।
१. नेपाल सरकारले शिक्षा ऐन परिमार्जन गर्दै शिक्षा विधेयक २०८० सरोकारवालासँग छलफल नगरी ल्याउने प्रयास गरेकोमा अभिभावक संघ नेपालको विरोध रहेको छ। बैठकले निजी विद्यालय गुठीमा जाने या कम्पनी ऐन अन्तर्गत रहने सम्बन्धित विद्यालयको ऐच्छिक विषय भएकाले गुठीमा जान बाध्य गराउनु नेपालको संविधान २०७२ विपरीत रहेको ठहर गरेको छ। शिक्षा उपभोगमा सरोकार राख्ने सरोकारवाला संघसंस्थाको भूमिका निश्चित नगरी विधेयक ल्याएमा शिक्षा मन्त्रीको राजीनामा माग गर्ने निर्णय गरिएको छ। यसका लागि संघको एक प्रतिनिधि मण्डल सचेत गराउन अविलम्ब शिक्षा मन्त्रालय पुग्ने निर्णय गरिएको छ।
२. बैठकले सामुदायिक विद्यालयले कक्षा बाह्रसम्मको शिक्षा अनिवार्य निशुल्क शिक्षा प्रदान गर्नुपर्नेमा अंग्रेजी माध्यममा पढाउने बाहानामा चन्दा, सहयोग आदि शीर्षकमा लिइरहेको शुल्कलाई अवैध ठहर गरेको छ।
३. बैठकले संघको जिल्ला , प्रदेश र केन्द्रीय सम्मेलन ६ महिनाभित्र सम्पन्न गरिसक्ने निर्णय गरेको छ।
४. बैठकले अभिभावक संघ नेपालको मुखपत्र
“अभिभावक आवाज ” प्रकाशित गर्ने निधो गरेको छ।
५. बैठकले अभिभावक संघ नेपालको सदस्यता शुद्धीकरण अभियान चलाउने निर्णय गरेको छ।
साउदी अरब ! पिडित दुर्गा बहादुर सुनार उद्दारको लागि नेपाली महावाणिज्यदूतावास, जेद्धाको सहयोगका लागि आफ्नो आधिकारिक पेजद्वारा गरिएको अपिलमा गैरआवासीय नेपाली संघ क्षेत्रीय समन्वय समिति जेद्दाको पहलमा संकलन गरेको रकम साउदी रियाल ८०७८/- नेपाली महावाणिज्यदूतावास, जेद्धाका का. वा. महावाणिज्यदूत श्री शत्रुध्वन पोखरेल लाई हस्तान्तरण गरेको छ ।
महाबाणिज्य दुतावासजेद्दाको यस अनुरोध अभियानलाई आरसिसी जेद्दाले बिभिन्न कम्पनिहरुमा कार्यरत नेपाली श्रमिक माझ पुर्याई सहयोग संकलन गरेको थियो ।
उक्त रकम संकलन गरि संस्थाका अध्यक्ष डीपि अर्याल, उपाध्यक्ष चिरञ्जिवि बस्नेत , सह-सचिव देवराज अर्याल तथा प्रमुख सल्लाहकार NRNA NCC उपाध्यक्ष राजकुमार गिरी,प्रमुख संरक्षक भिम गुरुङ, निवर्तमान सचिव तथा NRNA NCC साउदीका कार्यसमिति सदस्य ओमप्रकास काफ्ले र आरसिसि जेद्दाका सल्लाहकार तथा NRNA NCC साउदी अरबका युवा संयोजक विष्णु रावल हरू भौतिक रुपमा उपस्थित भई रकम हस्तान्तरण गरिएको थियो ।
सहयोग रकम संकलन गर्न र आफ्नो सामर्थ्य अनुसार स्वेच्छिक रुपमा आफुले सकेको सहयोग गर्नु हुने सम्पुर्ण संस्थाका प्रतिनिधिहरु तथा पञ्जिकृत सदस्यहरूमा गैरआवासीय नेपाली संघ क्षेत्रीय समन्वय समिति जेद्दाले आभार सहित धन्यवाद ज्ञापन गरेको छ ।
