Category: समाज

रमेशकुमार गुरुङ २ दिनदेखि प्रहरी थुनामा छन् । खोटाङ रावाबेँसी गाउँपालिका–१ का ४० वर्षीय गुरुङलाई प्रहरीको केन्द्रीय अनुसन्धान ब्युरो (सीआईबी) को टोलीले २६ असारमा महाराजगञ्जबाट पक्राउ गरेको हो ।

गुरुङमाथि मेडिकल व्यवसायी दुर्गा प्रसाईंसँग ३० करोड रुपैयाँ फिरौती मागेको आरोप छ । सीआईबीका अनुसार गुरुङले प्रवेश लामाको नामबाट प्रसाईंलाई १३ असारमा पहिलोपटक फोन तथा एसएमएस गरेर ३० करोड रुपैयाँ माग्दै धम्क्याएका थिए ।

गुरुङले भनेका थिए, ‘हत्या गर्नका लागि योजना बनिसकेको छ । सुरक्षित हुन चाहनुहुन्छ भने ३० करोड दिनुपर्ने हुन्छ । तपाईंको नाम २ नम्बरमा छ ।’

तर, प्रसाईंले मागेजति रकम गुरुङलाई दिन नसक्ने तर ५ करोड दिने जवाफ फर्काएका थिए । सोही ५ करोड बुझ्ने प्रलोभनमा परेर गुरुङ महाराजगञ्ज पुग्दा प्रहरीको फन्दामा परेका हुन् ।

प्रहरीको अनुसन्धानले गुरुङ लामो समय वैदेशिक रोजगारीका लागि साउदी अरब बसेर २ वर्षअघि मात्रै नेपाल फर्किएको खुलेको छ ।

keystoneglobalnetworkHero New year offer
अनुसन्धानमा खटिएका एक प्रहरीका अनुसार करिब १० वर्ष साउदी बसेका गुरुङ साउदीमै पनि झैझगडा गरेर एक वर्ष जेल बसेर नेपाल फर्किएका थिए ।

प्रहरीसँगको बयानमा उनले प्रसाईंसँग पैसा भएको र थर्काएपछि दिने प्रलोभनमा परेर फोन गरेको स्वीकार गरेका छन् । उनीमाथि प्रहरीले अपहरण तथा शरीर बन्धक उद्योग मुद्दामा अनुसन्धान गरिरहेको छ ।

प्यूठान : प्यूठानमा जीप दुर्घटना हुँदा आठ जनाको मृत्यु भएको छ। स्वर्गद्वारी मन्दिरमा दर्शन गरेर फर्किँदै गरेको तीर्थयात्री बोकेको जीप दुर्घटना हुँदा आठ जनाको मृत्यु भएको जिल्ला प्रहरी कार्यालय प्यूठानले पुष्टि गरेको छ।

प्रहरीका अनुसार लु१च ६३४५ नम्बरको कार भिंग्री नजिकै टाकुरा भन्ने ठाउँमा दुर्घटना भएको हो। जीपमा सवार आठजनाकै घटनास्थलमै मृत्यु भएको प्रहरीले जनाएको छ। थप विवरण आउन बाँकी छ।

रम्जान समर्पण

साउदी अरब ! गैरआवासीय नेपाली संघ राष्ट्रिय समन्वय परिषद साउदि अरबले आफ्नो नवौं राष्ट्रिय महाधिवेशन आगामी जुलाइ २८ तारिख, २०२३ शुक्रबारका दिन गर्ने कुरा आफ्नो फेसबुक पेजबाट महाधिवेशन सम्बन्धि सार्बजनिक सूचना जारी गर्दै जानकारी गराएको छ ।

संघका अध्यक्ष डमर यादवको अध्यक्षमा गत २ जुन, २०२३ शुक्रबार सम्पन्न राष्ट्रिय परिषद्को ९औं पूर्ण बैठकले राष्ट्रिय महाधिवेशन मार्फत आगामी कार्यकाल २०२३-२५ का लागि नयाँ कार्यसमिति चयन गर्नका लागि उक्त महाधिवेशन गर्ने निर्णय गरेको कुरा महासचिव उमेश भट्टराई ले जानकारी दिए ।
महासचिव भट्टराईका अनुसार एनसिसी साउदीले आफ्ना मातहतका क्षेत्रीय र स्थानीय समितीहरु चयन भैसकेको र अनुमोदन पनि गरिसकेको जानकारी दिदैं अन्तराष्ट्रिय समन्वय परिषद्वारा गत १८ अप्रिल, २०२१ मा पारित राष्ट्रिय महाधिवेशन सञ्चलन नियमावली २०२१ अनुसार आगामी जुलाइ २०२३ भित्र सबै राष्ट्रिय समन्वय परिषदहरूले अधिवशेन सम्पन्न गरिसक्नु पर्नेछ ।
महासचिव भट्टराईले जानकारी अनुसार “परिषद्को ९औं पूर्ण बैठकले निर्वाचन निर्देशिका एवम् नियमावली २०२१ सर्वसमितमा पारिद गर्दै ९औं राष्ट्रिय महाधिवेशन सम्पन्न गर्न ३ सदस्यिय राष्ट्रिय महाधिवशन निर्बाचन समिति र ३ सदस्यिय निर्बाचन अनुगमन समिति गठन गरेको छ । राजेन्द्र (जोन) अर्यालको संयोजकत्वमा गठित राष्ट्रिय महाधिवेशन निर्बाचन समितिमा आइसिसि सदस्य तेज बहादुर थापा सहित एक जना पछि थपने भएको छ । त्यसैगरि आइसिसि महिला उपाध्यक्ष यास्मिन बेगम संयोजक रहने गरि लामो समय साउदि अरबमा कर्मक्षेत्र बनाइ बिभिन्न सामाजिक संघ संस्थाहरूमा आवद्ध समजिक अभियान्ता ओम घले, बिरेन्द्र कुमार चौधरी सम्मेलित निर्बाचन अनुगमन समिति गठन भएको छ ।
निर्वाचन समितिले राष्ट्रिय महाधिवेशन निर्वाचन निर्देशिका नियमावली २०२३, एनसीसी साउदि अरबको बिधि बिधान, आइसिसिको बिधान र आइसिसिद्वारा निर्दिष्ठ राष्ट्रिय महाधिवेशन सञ्चलन नियमावली २०२१ लाइ आधार मानि आफ्नो कार्यभार पूरा गर्ने छ । यसैगरि अधिवेशलाई सफलताको साथ सम्पन्न गर्न परिषद्को ९औं पूर्णले विभिन्न समितिहरु गठन गरि जिम्मेवारी र कार्यभार बाडफाड गरेको छ ।
गत आठौं महाधिवेशनमा गठित बिधान संसोधन सिमितले यसपटक पनि निरन्तरता पाएको छ, श्रीमति यास्मिन बेगमको संयोजकत्वमा एनसिसि साउदि अरबका संरक्षक मण्डलका सदस्य ओम घले तथा बिरेन्द्र कुमार चौधरी बिधान संशोधन समितिमा रहनु भएको छ । यसैगरि ९औं अधिवेशनलाइ ऐतेहासिक रूपमा सम्पन्न गर्न राष्ट्रिय समन्वय परिषदका मौजुदा बरिष्ठ उपाध्यक्ष तथा उपाध्यक्षहरूलाइ, महासचिव तथा प्रबक्ता बिभिन्न समितिहरूको संयोजकको रूपमा जिम्मेवारी सुम्पिएको छ ।”

महाधिवेशन साउदी अरबको राजधानी रियादमा हुने कुरा पनि जनाएको छ ।

परासी : नवलपरासीको रामग्राम नगरपालिका–१४ पर्सावलकी एक महिलाले आफ्नै श्रीमानको हत्या गरेकी छन्। 

आफ्ना भारतीय साथीको सहयोगमा हशिवुन निशाले आफ्ना २९ वर्षीय श्रीमान् अब्दुल नसिम खाँको बिहीबार राति हत्या भएको प्रहरीले जनाएको छ। 

मोबाइलको डाटा केबलले घाँटी कसेर हत्या गरिएका खाँको शव प्रहरीले भोलिपल्ट बिहान फेला परेको जिल्ला प्रहरी कार्यालयका सूचना अधिकारी डीएसपी भोजराज पाण्डेले बताए। 

हत्या गर्न सहयोग गर्ने भारतनीय नागरिक र हशिवुन भारतमा सँगै पढेका साथी रहेको प्रहरीले जनाएको छ। उनीहरू विगत दुई वर्षदेखि सम्पर्कमा रहेका थिए। आफ्ना क्रियाकलापका बारेमा श्रीमानले थाहा पाएपछि हशिवुनले हत्याको योजना बनाएको अनुसन्धानमा खुलेको डीएसपी पाण्डेले बताए। 

हत्यापछि दुवै जना मिलेर शवलाई नजिकै रहेको छिमेकीको खेतमा पुरेका थिए। माटोले आधा पुरेको अवस्थामा रहेको शवलाई देखेपछि स्थानीयले प्रहरीलाई खबर गरेका थिए। हत्यापछि हशिवुनले आफ्ना श्रीमान बिहीबार रातिदेखि हराएको भन्दै खोजीका लागि प्रहरी चौकी बैरागनाथमा निवेदन दिएकी थिइन्। 

दुई जना छोरा रहेका उनको परिवारमा घरायसी झगडा हुने गरेको थियो। आफूलाई बारम्बार घरेलु हिंसा गर्ने, बालबच्चाको हेरचाह नगर्ने भएकाले साथीलाई बोलाएर हत्या गरेको प्रहरी समक्ष उनले बयान दिएकी छन्। 

हत्यामा संलग्न भारतीय नागरिकको नाम प्रहरीले खुलाएको छैन। फरार रहेका उनको खोजी कार्य भइरहेको प्रहरीले जनाएको छ। हत्या आरोपमा उनीहरूमाथि कर्तव्य ज्यानमा मुद्दा अगाडि बढाइएको डीएसपी पाण्डेले जानकारी दिए।

गैर आवासीय नेपाली संघ राष्ट्रिय समन्वय समिति साउदी अरेबिया अन्तर्गत रहेको , क्षेत्रीय समन्वय समिती ताबुकको छैटौँ अधिवेशन ऎतिहासिक, उत्कृष्ट, भव्य र सव्य रुपमा श्रमिक अन्तरक्रिया कार्यक्रमका साथै विविध सास्कृतिक कार्यक्रम सहित सु-सम्पन्न भएको छ।

अधिवेशनबाट २०२१-२०२३ कार्यकालको समितिलाई बिगठन गर्दै नयाँ कार्य समिति चएन भएको छ ।
ताबुक आस पासका सबै क्षेत्रका श्रमिकका समस्या , सुन्वाई र सम्बोधन होस भन्ने हेतुले विभिन्न स्थानका नेपाली प्रबासीहरुलाई उक्त स्थानको प्रतिनिधित्व हुने गरि समितिमा समाबेस गर्नुका साथै बिगतका समितिका केही पदाधिकारी ज्युहरुलाई निर्वाचन समिती द्वारा निर्विरोध चयन गर्दै अधक्ष्यमा श्री नर बहादुर खतिवडा लगाएत २ जना महिला सदस्य सहित १९ सदस्यीय २०२३-२०२५ कार्यकालका लागि नयाँ कार्य समिती चयन गरियोको थियो।

क्षेत्रीय समन्वय समिति ताबुक द्वारा राष्ट्रिय परिषदका अध्यक्ष श्री डम्बर यादव, मध्य पूर्व संयोजक श्री जोन अर्याल लगाएत सिंगो एनआरएनए परिवार र यस RCC ताबुकका सम्पुर्ण कार्य समितिका पदाधिकारी तथा उपाध्यक्ष तथा क्षेत्रीय समन्वय समिती ताबुकका सल्लाहकार श्री अर्जुन थापा र NRNA NCC साउदी अरबका पूर्व उपाधक्ष्य र हाल सल्हाकार साथै RCC ताबुकका संस्थापक तथा बरिस्ट सल्लाहकार श्री भक्त हमाल प्रती हार्दिक आभार प्रकट गरेको थियो ।

अन्तर्राष्ट्रिय रोल्पाली सेवा समाज साउदीले अरबले विशेषगरी मुस्लिम धर्मावलम्बीहरुको महान चाड बक्रीइदलाइ मध्य नजर गर्दै साउदी अरबको अलखोबर स्थिति क्लासिक रेस्टुरेन्टमा आगामी जुन २८ तारिखमा आफ्नो पाचौं बार्षिक उत्सव मनाउने भएको छ।

मातृभूमिका लागि विश्वभरिका रोल्पालीहरु गोलबद्ध होऔ भन्ने नाराका साथ गरिने उक्त कार्यक्रममा‌, कार्यक्रमको उपलक्ष्यमा बम्पर उपहार तथा विविध सास्कृतिक कार्यक्रम आयोजना पनि गरिने बताइएको छ।

सो कार्यक्रममा उपस्थित भइदिन हुन अन्तर्राष्ट्रिय रोल्पाली सेवा समाज साउदी अरबले आग्रह गरेको छ ।