Author: Basant

🇳🇵१
आशाका कन्धनी माथि चक्कुले छिनाउनेहरूले बिगारे
संघर्षका नदीमा तुफानीले भिजाउनेहरूले बिगारे
बाेलीमा सत्य बास बसेन क्यै गरी, फैलाउँछन् हावा सरी
दु:खीका आँसुका घुड्का चम्चाले पियाउनेहरूले बिगारे
देखेर पनि नदेखे झैं गरी निदाउनेहरूले बिगारे ।

🇳🇵२
कोही कसैलाई छल्न नै खुबै मन पराउँछन् अचम्मैले
सिधासाधा त डराउँछन् कोही खल्ती भराउँछन् अचम्मैले
आफू अझ ठूलो हुने होडमा , दुर्लभ सौगातको मोडमा
ठूलाले सानालाई जस्तै पनि काम गराउँछन् अचम्मैले
धिक्कार छ आफूले चढ्न राम्रालाई हराउँछन् अचम्मैले ।

🇳🇵३
माया गरेन भन्दैछाै मन कस्तो कस्तो
अाफैँ रित्तिएर पनि धन कस्तो कस्तो
बात कुल्चेर , कसरी गर्‍यौ नबुझेर
जति जानेकाे मिठाे वचन कस्तो कस्तो
अधैर्य आफ्नोपन जीवन कस्तो कस्तो ।

🇳🇵४
शिरा अनि धमनीमा बगाएँ तिम्रो याद
कलेजी पत्र पत्रमा छपाएँ तिम्रो याद
कोष कोषमा लुकाई , सुरक्षित बनाई
मुटुका चार कोठामा रखाएँ तिम्रो याद
रक्तका कणकणमा सजाएँ तिम्रो याद ।

🇳🇵५
अझ अर्काले जसो भन्यो उसै गर्छौ कतिन्जेल
सधैँ चाकडी गरी यता उता सर्छौ कतिन्जेल
आफ्नै विवेक प्रयोग गरेर बढ्नु कति राम्रो
लगातार अर्काको मात्र भर पर्छौ कतिन्जेल
विश्वासको फुट्छ बेलुन अनि भर्छौ कतिन्जेल ।

🇳🇵६

आफ्नो फोटो आफ्नै छातीमा टाँसेर मरूँ
छुट्टिएका ती सम्बन्धका डोरी गाँसेर मरूँ
गर्नु छैन है तँ तँ , गर्नु छैन मलाई म म
म भित्रका दु:खद क्षण सबै, माँसेर मरूँ
मर्नु त छँदैछ एकदिन म हाँसेर मरूँ ।

🇳🇵७
समस्या जटिल आइरहन्छन् समाधानको खोजी गरौं
कष्टमा साथ सहयोग दिने पहिचानको खोजी गरौं
सोचे जस्तो हुँदैन एकनाश , र बढी गर्नु हुन्न आश
सफलतामा पुग्न कर्म योग्य योगदानको खोजी गरौं
उन्नति गर्नेको नि:स्वार्थ भावले सम्मानको खोजी गरौं ।

🇳🇵८
अश्रुका भेलको छालले जस्तै वारपार लाएको छ
अहो निथ्रुक्क बनाइ दु:खको अतिसार छाएको छ
कुनै नि पलमा , रोकिएन बटुल्न खुसी जीवनमा
किन खुसी खोज्दा सधैं जीवनले डाँडै कटाएको छ
हरक्षण दु:खले नसोचेको उपहार पाएको छ ।

🇳🇵९
वर्षा याममा तिमीलाई भेट्न आऊँ कि नआऊँ म
हृदयभरिको मिठो माया नि लाऊँ कि नलाऊँ म
आपसी माया साटासाट गर्दै र शान्त ठाउँ खोज्दै
तिमी सँग सँगै रानी ~वनमा जाऊँ कि नजाऊँ म
उर्लेका चाहनासँगै कसम खाऊँ कि नखाऊँ म?

🇳🇵१०
मौलिक संस्कृतिमा आफ्नो पन नै रहेन भने
जोगाउन पर्ने संस्कृति कानुन बनेन भने
नेपालमा समस्या कहिल्यै समाधान हुँदैन
भ्रष्टको जाल अनि फटाहा कोही दबेन भने
के भावना हुन्छ ? आँखाबाट आँसु झरेन भने ।

🇳🇵११
अरुको देखासिकीको रहरमा किन रमाउछौ
नाता लगाइ अरुको असरमा किन रमाउछौ
गरेर बहाना , लाफ्नै लगातार हरेर चाहना
माछाको लोभमा परि सागरमा किन रमाउछौ
नचिनेको औषधिको अफरमा किन रमाउछौ ?

🇳🇵१२

बाध्यतामा बेचियौ कि रहरमा बेचियौ
अति नै भोका मान्छेको लहरमा बेचियौ
गिद्दे चङ्गुलमा फस्दै , मुकदर्शक बन्दै,
विश्वास नगर भन्दा सहरमा बेचियौ
पन्जामा परी राक्षसी कहरमा बेचियौ ?

🇳🇵१३

नजरबाट मैले तिमीलाई झारेको छैन
बनाई बहाना कुनै पल नि टारेको छैन
कहिल्यै पाप नपलाओस्,मनमा दिब्य छाओस्
विश्वास गर ल तिम्रो भावना मारेको छैन
लक्ष्य एउटै अन्ततिर मन सारेको छैन ।

🇳🇵१४
वसन्त-वृक्ष रङ्गमा अझ खुलेर आउनु
गुराँस झैँ सुवासिलो बनी फुलेर आउनु
मनको दैलो पुजेर ,आफूले सारा बुझेर
मर्म र व्यथा देहका सबै भुलेर आउनु
लता बुझेर पुष्पका सँगै झुलेर आउनु ।

🇳🇵१५

लौ समाउ साथी घुस्याहालाई फाल्नु पर्छ है
बकाइ सत्य भ्रष्टचारीलाई गाल्नु पर्छ है
किर्नो जस्तो लोभी नै रहेछ नशा छेड्न खोज्ने
जति खाँदा नभरिने त्यो भुँडी टाल्नु पर्छ है
दन्किए नि आन्दोलनको राँको बाल्नु पर्छ है ।

🇳🇵१६

यहाँ चल्दैन इमान्दार बेइमान मात्र चल्छ हेर
असत्य गल्दैन लगनशील सत्य मात्र गल्छ हेर
लगातार विश्वास सुम्पदा प्राप्त हुन्छ केबल धोका
अमृत रोपेर पनि किन विषको फल फल्छ हेर
मीठा मीठा कुरामा कसैले क्षणभर मै छल्छ हेर ।

🇳🇵१७

नकटो भ्रष्ट नेताले आफ्नै लागि काम गरेको देखियो
भनौं भने देशमा अस्थिरताको बिज छरेको देखियो
देश र जनताको सेवा गर्छु भन्छन् ,उल्टो खोइरो खन्छन्
अझ काम गरे जस्तो गरि आफ्नै पोल्टो भरेको देखियो
समाचारमा आए पनि नछुट्ने बानी परेको देखियो ।

🇳🇵१८

कुसंस्कारले समाजमा बलियो डोरी बनेर बेसरी कसेको छ
बेइमानीको रूप धारण गरेपछि इमानीको नूर खसेको छ
अहिले भ्रष्टाचारको विषालु बाँण बनेर निर्धालाई पीडा दिनेले
पश्चिमा कुप्रभावले जरा गाडेपछि स्वाभिमान भित्रै डसेको छ
आज सौम्य नेपाल निस्कनै नमिल्ने गरी चौघेराभित्र फसेको छ ।
🇳🇵१९
राम्रो सोच्दा सोच्दै पनि सहयोग पनि गर्न सकिएन
थुप्रै समस्या आइ लागेपछि जङ्घार तर्न सकिएन
पाठ घोकिराछु,आँखाको आँसु अहिलेसम्म रोकिराछु
के गर्नु सुख शान्ति जीवनमा कहिल्यै छर्न सकिएन
मित्र आखिर दुश्मन बनेपछि भर पर्न सकिएन ।

🇳🇵२०
पर्दा उधारी मनको हेरेमा पक्कै आफ्नै चित्र देखिन्छ
नजिकबाट आफ्नै बन्धु ठाने अवश्य पवित्र देखिन्छ
भन्दै छु म विश्वास गरेमा , एक अर्कामा भर परेमा
जब जोडे पछि सम्बन्ध दिगो मानेमा नै मित्र देखिन्छ
सपनीमा निद्रामा,सासमा आँखा कै कोष भित्र देखिन्छ ।

       🇳🇵२१

तिम्रो नै मायालु फाँट पाए मान, तिम्रै साथी हुँ
जीवनको नासो जतनले धान, तिम्रै साथी हुँ
प्रेम बजारको जस्तो,नठान्नु है कदापि सस्तो
हृदयको श्रद्धा सद्भावले तान, तिम्रै साथी हुँ
चोखो प्रेम त भर्खरै दिन्छु दान, तिम्रै साथी हुँ ।

🇳🇵२२

दिनको अनि उही रातको गतिमा छ यो जिन्दगी
न छ मान्यता सममा उही मतिमा छ यो जिन्दगी
चेतना नहुँदा मान्छे,अस्थिरको हुन पुग्छ भान्छे;
अर्चना एक अर्को अमुक जतिमा छ यो जिन्दगी
ओखती पनि स्वाद चाखेर क्षतिमा छ यो जिन्दगी ।

प्रेम थापा

” पाँच तत्त्व पाँचै विकार, पञ्चाङ्ग नै ठिक आधार “

१८ अक्षरमा पाञ्चायन

१

~~~
गत साल भुकम्पले धरहरा गिरेको देखियो
मान्छेलाई डरले मन मुटु नै चिरेको देखियो
यहाँ हामी दैवी प्रकोप पनि कति धेरै सहनु
कति मान्छे घर छोडेर गोठमा छिरेको देखियो
यहाँ यसरी धेरै दशाहरूले पिरेको देखियो ॥

२

दुनियाँमा दुःख र पीडाले निकै पिरेको देखियो
युवाहरू ऋणले नै परदेश छिरेको देखियो
हाम्रो देश यस्तै बाध्यता छ हामीलाई के गर्नु
दुःख गर्दै खाडी मुलुकमा घुमे फिरेको देखियो
स्वदेशमा खाएको ऋण सबै तिरेको देखियो ॥

३

किन किन अचेल साथीहरू ता खस्केको देखियो
सर्किएर अर्कैतिर फर्किएर घस्केको देखियो
सम्भवतः सकेसम्म एउटै समूह भए राम्रो
तर किन बिस्तारै अर्कोतिर पो लस्केको देखियो
त्यसैले हो कसैका मन मुटु नै चस्केको देखियो

४
समूहमा सुन्दर पञ्चाङ्गहरू पस्केको देखियो
घमण्डले कति मान्छेहरू त्यसै झस्केको देखियो
आफ्नो खुसी अरूलाई पिर नपारे स्वतन्त्रै छ त
तर अनायासै कोही कोही चाहिँ ठस्केको देखियो
आफू खुसी हुनेहरू भने सधैँ मस्केको देखियो

५

यस साल झरी बर्षाले जमिन भस्केको देखियो
हाम्रोतिर पहाडमा जतासुकै धस्केको देखियो
मान्छेहरू कसको के लाग्छ र दैवी प्रकोपसँग
हामी सबै दुःखी गरिबका मन चस्केको देखियो
बिचरा ती बृद्ध बृद्धाहरू निकै खस्केको देखियो ॥
~~~~~
गुणनिधि घिमिरे खान्द्रोङ्ग पाँचथर
उर्लाबारी मोरङ हाल अमेरिका
07/19/2022

“पाँच तत्त्व पाँचै विकार, पञ्चाङ्ग नै ठिक आधार”

१
सुध्रिनुपर्थ्यो, सुधार्ने भए मतिमा सबले
रफ्तार विस्तार गर्नुपर्थ्यो गतिमा सबले
यसै हुन्न देश विकास, भरिन्न भोको पेट
नआत्तिकन सम्हाल्नुपर्थ्यो क्षतिमा सबले
संयम भई लाग्नुपर्थ्यो उन्नतिमा सबले ॥

२
फूल र माहुरीको जस्तो सम्बन्ध रहोस् भन्छु
हिंसाको निकटतम कोही पनि नहोस् भन्छु
प्रकृतिमा हराभरा बनाइरहनुपर्छ
फूलले पनि काँडालाई कहिले सहोस् भन्छु
काँडाले आफ्नो बाध्यता फूललाई कहोस् भन्छु ।

३
व्रजमा कृष्णलाई कुर्ने राधा वनमा
कृष्णकै मुरली सुनिन्छ आधा वनमा
कालान्तरसम्म बाँचेकाे प्रेम कहानी
गाेठालाे कृष्णकाे सम्झना बाधा वनमा
कृष्णकै खाेजी चलिरह्याे साधा वनमा ।

४
कर्तव्य नै मुख्य बाटाे राम भन्छन्
पिताकाे वचन आफ्नाे काम भन्छन्
रामकाे राज्य भन्ने उखान सम्झाैँ
सुविचारले नै बन्छ नाम भन्छन्
मातापिताकाे चरण धाम भन्छन् ।

५
समाजले बाेलेकाे देखाइदियाै जात तिमीले
नारीपुरुषमा पनि गर्याै पक्षपात तिमीले
आधा आकाश हैन सिङ्गाे धर्ती हूँ म जानिराख
बहुलता देखाउन नै जाेर्याै जमात तिमीले
चिप्लाे घस्याै, ब्वाँसे चाल देखायाै औकात तिमीले

६
खेतीयोग्य कता गयो, पर्यो टार मलाई
राम्रो बाली अन्तै फल्ने भयो झार मलाई
अभागीको भागमा आँधीबेहरी नै भन्थे
सबैको भागमा खुसियाली हार मलाई
नमचिनेको सय झड्का बेकार मलाई ॥

७
सधैँ जान्छाै छाडी मलाई एक्लाे हुन्छु म
एकान्तमा बसेर दिनरात रुन्छु म
चखेवा झैँ भाे तिम्राे मेराे प्रेमकहानी
कल्पनामा आउँनु है सुस्तरी छुन्छु म
विपनामा प्रायः आँसुले मन धुन्छु म

८
निःस्वार्थ निश्चल माया आमाकाे लाग्छ
विश्वास भराेसा सधैँ मामाकाे लाग्छ
मिठाे जिन्दगी त्यही बालापनकाे है
स्वदमा मिठाे वासना तामाकाे लाग्छ
सुन्दर रूप फरिया जामाकाे लाग्छ ।

९
समय आयाे वसन्त पालुवा पलाउन थाले
बेमाैसमी फल पनि बाेटमा फलाउन थाले
मानिसले सबथाेक गर्छ प्रकृतिलाई जित्न
हिजाेआजका स्वार्थी मान्छे वन जलाउन थाले
प्रकृति विराेधी भई पहाड गलाउन थाले ।

१०
मान्छेको जीवन चामल अनि दालमा हजुर
मान्छे पनि सिपालु फसाउँछ जालमा हजुर
खुसीको जीवन जिउन भएछ नसकिने नै
झम्टन्छ फर्की फर्की बिरालाको चालमा हजुर
सरलता छैन म अल्मलिएँ झालमा हजुर ॥

११
सम्झनाले हृदय चर्केर आयो
दोबाटोबाट आज फर्केर आयो
आउजाउ भइरहन्छ बाँचेमा
आकाशको झरी यो दर्केर आयो
मायाले बोलायो तर्केर आयो ॥

१२
अलिकति माया उतातिर दिनु छ
सापटीमा मायामा माया नै लिनु छ
कहिले बन्दाबन्दी, कोभिड कहिले
हृदय काट्ने यो सम्झनाको छिनु छ
दिनरातको यादले यो मन झिनु छ ।

१३
दुध जम्यो दही बन्यो तर फेरियो
हिमालको हिउँ पग्ल्यो झर फेरियो
प्रकृति र मानिसको नियम उस्तै
छोरी जाति दान भए थर फेरियो
जन्मघर छाडेपछि घर फेरियो ॥

१४
भएन जसले पनि भन्छ बरै
आफूलाई परेपछि कन्छ बरै
स्वीकार्य भएछ आफैँ अनजान
आफ्नाे भुली अर्काकाे जाे गन्छ बरै
भ’काे जग फर्की फर्की खन्छ बरै

१५
भएन जसले पनि भन्छ बरै
आफूलाई परेपछि कन्छ बरै
स्वीकार्य भएछ आफैँ अनजान
आफ्नाे भुली अर्काकाे जाे गन्छ बरै
भ’काे जग फर्की फर्की खन्छ बरै

१६
सम्झना बनेर तिम्रा मनभरि डुल्न मन लाग्छ
हृदयको छहारी शीतलतामा भुल्न मन लाग्छ
आशै आशाको मात्र हुने हो कल्पनाका भावहरू
उखुको स्वादमाथि फूल बनेर फुल्न मन लाग्छ
फलेको हाँगो भएर आदरले झुल्न मन लाग्छ ।

१७
आदि कविले लेखे रामायण गुन भएको छ
घरघरमा सजिने पहेँलो सुन भएको छ
हराउँदै गए संस्कृत भाषा अन्धो हुने गरी
मस्तिष्क उर्वरा त्यो माटोलाई चुन भएको छ
अँधेरी रातमा चम्किलो चन्द्र जुन भएको छ

१७
स्वदेशमा बेरोजगारी पीडा जलन सधैँ मनमा
परदेशी भई गुजारा गर्ने चलन सधैँ मनमा
बाध्यताले पसिना पैसा साट्नुपर्ने पेट पाल्नुपर्ने
घर, गाउँ, देश छाड्दा चर्केमा मलन सधैँ मनमा
विदेशी कमाइ देश धान्ने संबलन सधैँ मनमा ।

१९
छर्छौ कि माया तिमीले भनी आश लागिरहेछ
तिम्रा ती मुखका शब्दहरू खास लागिरहेछ
मलाई मात्र लाग्यो कि माया तिमी पनि त गर्छौ
मिठा ती बोलीले, हृदयमा बास लागिरहेछ
जब बन्द गर्छौ मन आफैँ लास लागिरहेछ ।

२०
माया गर्थिन् कहिले उज्यालो दिन आफैँ बल्थिन् उनी
कसले मन दुखाउँथ्यो भित्रभित्र नै जल्थिन् उनी
प्रकृतिले दिन्छ उपभोग मात्र गर्न जान्नुपर्ने
दुखेको बेला शब्दका रचना मलम दल्थिन् उनी
खुसीमा गुराँस, चम्पा, चमेली फूल फल्थिन् उनी ।

सविता के.सी.

काठमाडौ, ३२ असार । साप्ताहिक तस्बिरमा उदक लेखन शृङ्खलाको ६० औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ६१ जना उदक स्रष्टाहरूको सहभागिता रहेको उदक लेखन शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

शृङ्खलाका लागि राखिएको तस्बिर

तस्बिरमा उदक लेखन अभ्यास शृङ्खलामा सहभागी स्रष्टाहरूका उदकहरू

साप्ताहिक तस्बिरमा उदक अभ्यास शृङ्खला – ६०

[१]
कष्टकर
सामाजिक जीवन
दयनीय प्राकृतिक अवस्था !
✍️
गुणनिधि घिमिरे
अमेरिका

[२]
पुल
नहुँदाको पिडा
छाती भयो चिरा !
✍️
पूर्णबहादुर श्रेष्ठ “हृदयङकृत”
पनौती-३,काभ्रे

[३]
अश्रुपात
अदृश्य आर्तनाद
पीडामा मुस्कुराउने जीवन !
✍️
आर्त अकुलीन
कैलाली

[४]
यात्रा
कठिन बन्यो
नदिमा पुल नहुँदा !
✍️
राज कुमार राजभण्डारी खाेटाङ्गे
भक्तपुर ।

[५]
डोल्पा
भाषणमा विकास
कस्ले दिन्छ निकास ?
✍️
रमा पन्त
पाल्पा

[६]
चाहाना
हुँदैछ पूरा
रहन्न केही अधुरा !
✍️
अनुग्रह राना मगर ‘पुष्प’
पाँचखपन – ६ संखुवासभा हाल मलेसिया

[७]
नेपाल
पहाडी मुलुक
विकास नारा कुरूप !
✍️
प्रद्युम्न चालिसे
देवघाट तनहुँ ।

[८]
संरक्षकत्व
कष्टकर पार
एम्बुलेन्सको गति हतार !
✍️
अच्युत घिमिरे
भुटान बाट 🇧🇹

[९]
आवश्यकता
अदूरदर्शिताको परिणाम
तुइनमा झुण्डेको फर्सी !
✍️
कण्ठराज गिरी
टीकापुर कैलाली हाल अष्ट्रेलिया केनबेरा।

[१०]
भूगोल
यस्तै परिवेश
सङ्कटमा परेको देश !
✍️
बुद्धिप्रसाद लामिछाने
कैलालि

[११]
उद्धार
पहिले आफ्नो
अनि बल्ल अरूको !
✍️
घनश्याम पौडेल
पोखरा

[१२]
एम्बुलेन्स
हवाई उडान
देश समृद्धिको बाटोमा !
✍️
वसन्त अनुभव
घोराही, दाङ

[१३]
पुल
शासकको पेटमा
मोटर आकास मार्ग !
✍️
बालकृष्ण खानाल
टीकापुर कैलालि

[१४]
कौवा
विकासका नारा
सिनो खोज्ने पारा !
✍️
हिमाल अम्मै
घोडाघोडी कैलाली

[१५]
विकास
नहुँदा विवेक
बच्ने उपाय अनेक ।
✍️
रामप्रसाद पुरी
बादेल, खाेटाङ ।

[१६]
हद
झल्काउने तस्बिर
सरकारी उदासिनता उपेक्षा ।
✍️
राम बहादुर चौधरी
कैलाली।

[१७]
उत्साह
कष्टकर जनजीवन
धरापमा सुविधाको प्रयास !
✍️
बिबस पारदर्शी

[१८]
नेपाल
समृद्धिकाे नारा
हेर बिजाेग सारा !
✍️
भवानी घिमिरे
सर्लाही ।

[१९]
यातायात
सुविधाको अभाव
सामान ढुवानीमा कठिनाइ !
✍️
सुशीला पौडेल

[२०]
दुर्दशा
वास्तविकता झल्काउने
नेताहरू तालु टल्काउने !
✍️
इश्वरी आधिकारी
लमजुङ

[२१]
एम्बुलेन्स
बिरामीको सहयात्री
आफैँ तुईनकाे भरमा !
✍️
नारायण प्रसाद उपाध्याय
कैलाली ।

[२२]
बिनाकाम
मन्त्री निष्काम
कहिले जाला घाम !
✍️
नारायणप्रसाद निरौला

[२३]
विकास
एक्काइसौँ शताब्दी
एम्बुलेन्स अझै तुइनमा !
✍️
गोपाल पौडेल

[२४]
सकस
जीवन भरसक
ठाउँ ठाउँमा फरक !
✍️
अबोध निर्मल
कैलाली

[२५]
अप्ठ्यारो
पहाडी बाटो
गाडी कुद्न समस्या !
✍️
अम्विका अधिकारी
झापा विर्तामोड

[२६]
विकराल
जनताको बेहाल
नेतालाई बजेट मालामाल !
✍️
कल्पना पहाडी
सिन्धुली

[२७]
एम्बुलेन्स
बिरामी बोक्ने
आफैँ झुन्डियो आज !
✍️
चक्र

[२८]
डोल्पा
भौगोलिक विकटता
राज्यको चरम उपेक्षा !
✍️
देबकी के.सी.
दक्षिणकाली,काठमाडौं

[२९]
विकास
नेताको आँगनमा
जनताको तड्पाइ खोलानालामा !
✍️
नारायण कोइराला
तानसेन पाल्पा

[३०]
आश्चर्य
अनौँठो दृश्य
लाग्दैछ किन अप्रिय !
✍️
मन्दिरा सेढाई
मलेखु,धादिङ

[३१]
जीवन
कष्टकर जीउन
अनेक तरहका उपाय !
✍️
सुमित्रा पोखरेल
काठमाडौं

[३२]
बुझाई
पीडामा बाँचेका
डोल्पालीको मर्म दर्दनाक !
✍️
इन्दिरा देवकोटा
कपिलवस्तु

[३३]
डोल्पालिमा
खुशी छाउँला
भेरी तार्दै एम्बुलेन्स ।
✍️
धर्मी शाक्य
बुटवल ,रुपन्देही

[३४]
तुइन
विकासकाे नमुना
तुइन विस्थापितकाे गफ !
✍️
नवराज भट्ट
महेन्द्रनगर, कञ्चनपुर

[३५]
भूगोल
गर्दै उकालीओराली
अनियन्त्रित जीवन खेल !
✍️
कमला देवकोटा , पाल्पा

[३६]
जीवन
राखेर धारमा
गर्नुपर्ने कष्टकर यात्रा !
✍️
दुर्गा आचार्य
मोरङ

[३७]
जीवन
उतार चढाव
यात्रा हो यात्रा ।
✍️
सागर कुस्मी,
कैलाली

[३८]
साधन
साध्य नभएको
आफैँ साधनको साहारामा !
✍️
चक्र आलेमगर (लाफा)
केलाली बौनिया

[३९]
चीत्कार
सहनै कठिन
जिउँदो छ एम्बुलेन्स ।
✍️
गोपेन्द्र रिजाल
पाँचथर ।

[४०]
भेरी
नउर्ल तिमी
जाँदैछु दुर्गम बस्तीमा !
✍️
मंगला

[४१]
यातायात
भाैगाेलिक कठिनाइ
विकटको मर्म दर्दनाक !
✍️
श्रद्धा आचार्य
पोखरा

[४२]
विकास
जनताकाे आस
नहुने भुमरीमा निकास !
✍️
दुर्गा तामाङ
संखुवासभा

[४३]
दूरदृष्टि
कठिनाई सङ्घर्ष
आवश्यकता एम्बुलेन्स सर्वत्र !
✍️
जमुना कायस्थ
पोखरा

[४४]
सङ्कट
ठाउँ विकट
अपेक्षा विकास निकट !
✍️
शिव खनाल जीवम
रुपन्देही

[४५]
झुन्डिएर
तर्ने गाडी
विकास गर्ने गफाडी।
✍️
राजेश भट्टराई
सैनामैना ११,रुपन्देही

[४६]
देखियो
यात्रा पहाडको
राजस्वको चरम दुरुपयोग !
✍️
खेमराज पुरी
कैलाली

[४७]
यातायात
विकासको पुर्वाधार
कठिनाइ समस्याका खात !
✍️
सरस्वती वली
बर्दिया नेपाल

[४८]
विडम्बना
कथा मार्मिक
छैन विकास सम्भावना !
✍️
शारदा आचार्य
लालितपुर !

[४९]
विकट
बाटोको असुविधा
डोल्पाको कष्टकर जीवन !
✍️
बुद्धिमान दनुवार
सुरुङ्गा ४ झापा

[५०]
नेपाल
सानो देश
सुदुरमा खै देश ?
✍️
पशपती राई
खोटाङ

[५१]
एम्बुलेन्स
हेर्दैछु चित्रमा
कठै विकट बस्तीमा !
✍️
समुन्द्रा शर्मा
सुनसरी

[५२]
रहर
जीवनकाे बाध्यता
परिस्थिति दुर्गम निराशा !
✍️
सबिन नेपाल
झापा

[५३]
एम्बुलेन्स
नदिको किनारा
कठिन परिस्थितिको सामना !
✍️
रिता खराल
रुपन्देही

[५४]
तुइन
पुलको अभावमा
नदी माथिको जीवन !
✍️
सरस्वती

[५५]
आस
देश विकास
निराश कोही विलास !
✍️
जमुना आचार्य
सिन्धुपाल्चोक

[५६]
विकटता
पुलको अभाव
नेता मन्त्री मालामाल !
✍️
लक्ष्मी प्रसाद फुयाल
मोरङ पथरी शनिश्चरे

[५७]
नारा
कागतमा सिमित
दुर्दशा नेत्रहीन सरकारको !
✍️
सोमनाथ लुइटेल “रवि पाल्पाली”

[५८]
गिज्याएर
सम्वृद्धिको उपहास
नाक खुम्चिएर दुर्दशा !
✍️
प्रेम

[५९]
सपना
धोका घात
पापीहरूकाे भिड जमात !
✍️
राेशन पराजुली
धरान।

[६०]
एम्बुलेन्स
बिरामीकाे सहारा
हुँदैछ भेरीकाे आहारा !
✍️
केशव
गाेरखा

[६१]
जीवन
आशाको दीप
बाँच्ने रहरमा एम्बुलेन्स !
✍️
सविता के.सी.
काठमाडौँ

प्रादेशिक आयुर्वेद चिकित्सालय, विजौरी दाङमा शुक्रबार वृक्षारोपण कार्यक्रम सम्पन्न भएको छ । चिकित्सालयको आफ्नै परिसरमा दालचीनी, रुद्राक्ष, श्रीखण्ड, रक्तचन्दन, आँप लगायत विभिन्न प्रजातिका फलफूल तथा जडिबुटीका बिरुवा रोपिएको थियो । अस्पताल परिसरमा रहेकोे खाली जमिनको सदुपयोग गर्न वृक्षारोपण गरिएको चिकित्सालयका निमित्त प्रमुख डा.सन्तोष कुमार ठाकुरले बताउनुभयो ।

उक्त वृक्षारोपण कार्यक्रममा जि.प्र.का.दाङका प्रमुख जिल्ला अधिकारी हिरालाल रेग्मी, तुलसीपुर उपमहानगरपालिकाका प्रमुख टिकाराम खड्का, अस्पताल विकास समिति अध्यक्ष कृष्ण बहादुर बस्नेत, चिकित्सालय प्रमुख डा.सन्तोष कुमार ठाकुर, पञ्चकर्म विज्ञ डा. योगेश प्रसाद वैद्य लगायत चिकित्सालयका सम्पूर्ण कर्मचारीहरूको उपस्थिति रहेकोे थियो ।

वृक्षारोपण कार्यक्रमका केही झलकहरू

१.
तुलसी
धर्म संस्कार
भित्र रहेको अक्सिजन !

२.
पर्व
मनाउने चलन
परम्पराले दिएको ज्ञान !

३.
चेतना
महसुसको कमी
आधुनिक जमनाको खाका !

४.
समाज
घरका सदस्य
बदलिनु आवस्यक खाँचो !

५.
विकृति
विवेक हीन
आधुनिकताले जन्माएको प्राणी !

• दुर्गा आचार्य, मोरङ