झिल्का लेखन अभियानको ३२ औँ शृङ्खला (प्राथमिक उपचार विषयक) सम्पन्न

  • २२ आश्विन २०८१, मंगलवार २१:२३ मा प्रकाशित
    • Shares 15

    झिल्का लेखन अभियानको ३२ औँ शृङ्खला (प्राथमिक उपचार विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।

    झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ७० जना झिल्काकारहरूको सहभागीता रहेकोे थियोे ।

    झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।

    झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

    झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुन्छ तर सकभर समध्वनीक नभएमा उत्तम मानिन्छ ।

    सहभागी झिल्काकारहरूका उत्कृष्ट झिल्का कविताहरू-

    //१//
    —————<•>—————
    १)
    मानवताको जागृत गरौँ
    भिडियो बनाउन होइन
    घाइतेमा प्राण भरौँ !
    २)
    मिल्दछ यसैमा धर्म
    आफ्नो बिरानो नभनी
    गरेमा निस्वार्थ कर्म !
    ✍️
    वसन्त अनुभव
    घोराही, दाङ
    //२//
    —————<•>—————
    १)
    एकापसमा सहयोग गराैँ
    पशुतुल्य व्यवहार हाेइन
    सेवामा लागि पराैँ ।
    २)
    सेवा नै धर्म
    यसैमा भलाे हुनेछ
    राम्रो गरेमा कर्म ।
    ✍️
    नाम केसर बाेहरा ( सङ्घर्ष )
    सुदूरपश्चिम अछाम । हाल भारत
    //३//
    —————<•>—————
    १)
    रोएर हुन्न साथी
    छोएर शिखर आँफै
    जीवन पुग्छ माथि ।
    २)
    गालीमा ताली दिँदै
    के जिउनु जिन्दगीमा
    केवल बदला लिँदै ।
    ✍️
    साहित्य प्रेमी सुशील
    धनगढी
    //४//
    —————<•>—————
    काेही बाँच्छ भने
    प्राथमिक उपचार गर्नू
    काेमल हृदय बने ।
    ✍️
    ताराप्रसाद चापागाईँ
    //५//
    —————<•>—————
    फूल रोपेर हेर
    स्याहार पुगे गमलामा
    जगत् जगमगाउॅंछ एकफेर ।
    ✍️
    म्यामराज राई, भोजपुर
    //६//
    —————<•>—————
    १)
    मानवताको गरौँ व्यवहार
    एकदिन मात्र नभई
    सकेसम्म भइरहोस् लगातार ।
    २)
    एकापसमा गरौँ सहयोग
    यसरी मिलेर गर्दा
    हट्छ लागेको रोग।
    ३)
    गर्दा अरूको सेवा
    भगवान्ले आशिष् दिई
    पाउँछ त्यसैले मेवा ।
    ✍️
    अर्जुन प्रसाद चौलागाई
    रामेछापः-सुनापति-१
    हालः-क्यानडा,क्यालगरी।
    //७//
    —————<•>—————
    १)
    मानव भएर धर्म
    गरौँ यही हो
    मान्छेको सेवा कर्म ।
    २)
    दुखेकोमा मलम लगाऊँ
    गरौँ असल कर्म
    समाज सेवा जनाऊँ ।
    ३)
    चेतनशील प्राणी मानव
    समाजसेवामा लागौँ सधैँ
    कहिल्यै नहुनू दानव ।
    ✍️
    बेदु न्यौपाने
    //८//
    —————<•>—————
    १)
    जहाँ पर्छ आवश्यक
    प्राथमिक उपचार गरेर
    गरौँ मानिसको रेखदेख !
    २)
    मेहनतसँग दुर्घटना जोडिन्छ
    प्राथमिक उपचार नदिँदा
    मानवताको आधार छोडिन्छ !
    ३)
    प्राथमिक उपचारको महत्त्व
    परेकालाई गएर सोधौँ
    अनि बुझिन्छ सारतत्त्व !
    ✍️
    अच्युत घिमिरे, सर्पाङ, भुटान🇧🇹
    //९//
    —————<•>—————
    १)
    मानवको जस्तो व्यवहार
    घाइते अवस्थामा देखाऊँ
    यही जीवनको सार ।
    २)
    सबै रमिता हेर्छन्
    अझ भिडियो बनाउँदै
    भिडभाड गर्दै घेर्छन् ।
    ३)
    रमिता हेर्नुको साटो
    घाइतेमा तुरुन्त अपनाऔँ
    प्राथमिक उपचारको बाटो ।
    ✍️
    ललिता गिरी सिन्धुली
    //१०//
    —————<•>—————
    १)
    अस्पताल जानुभन्दा पहिले
    घटनाको सम्भावना घटाउन
    होसियार रहनुपर्छ जहिले ।
    २)
    होसियारी अपनाइरहँदा बारबार
    आकस्मिक दुर्घटनाहरू घटेमा
    गर्नुपर्छ प्राथमिक उपचार ।
    ३)
    अस्पताल नपुग्दासम्म बचाउन
    जानेसम्मको उपचार गर्दै
    बिमारी पुऱ्याऔँ जचाउन ।
    ✍️
    गुणनिधि घिमिरे, अमेरिका
    //११//
    —————<•>—————
    १)
    आगजनी दुर्घटना हुँदा
    छिटो उद्धार गरौँ
    घाइते छट्पटीमा रुँदा ।
    २)
    घटनास्थलको नबनाई भिडियो
    प्राथमिक उपचार दिन
    स्ट्रेचर बोकेरै हिँडियो ।
    ✍️
    चुडामणी देबकोटा
    पुरानोनैकाप काठमाण्डौ
    //१२//
    —————<•>—————
    १)
    घटनास्थलमा तुरुन्त गएर
    प्राथमिक उपचार दिइयो
    सेवाभावले अग्रसर भएर !
    २)
    पहिला अनुमति लिन्छौँ
    बेहोशीमा भएको भए
    मुखबाट श्वास दिन्छौँ ।
    ३)
    उनको अवस्था हेर्छौँ
    साबुनपानीले घाउलाई धोएर
    सुतीको कपडा बेर्छौँ ।
    ✍️
    हिरामाया श्रेष्ठ
    गजुरी १ धादिङ
    //१३//
    —————<•>—————
    चाहिने प्राथमिक उपचार
    व्यवस्था गरेर राखौँ
    जीवनरक्षाका निम्ति उपकार ।
    ✍️
    कार्की डिबी माकुम
    सुनवल-४, नवलपरासी
    //१४//
    —————<•>—————
    मानव धर्म निभाउँ
    प्राथमिक उपचार गरेर
    घाइतेको ज्यान बचाउँ ।
    ✍️
    अनिता कार्की, पाँचथर
    //१५//
    —————<•>—————
    मानिस घाइते हुँदाखेरि
    गर्नुपर्छ प्राथमिक उपचार
    उसको अवस्था हेरी |
    ✍️
    सरिता सेढाईं, धादिङ
    //१६//
    —————<•>—————
    १)
    कुनै दुर्घटना घटे
    अस्पताल लानु पहिले
    समस्या घट्छ खटे ।
    २)
    घटना घटेको ठाउँमा
    उपलब्ध सामग्री प्रयोगले
    उपचार गरिन्छ घाउमा ।
    ✍️
    राज बहादुर बडुवाल
    कनकासुन्दरि -५,जुम्ला
    //१७//
    —————<•>—————
    १)
    अस्पताल पुर्‍याउनु पहिल्यै
    प्राथमिक उपचार गर्नु
    दुर्घटनामा परेकाेलाई जहिल्यै ।
    २)
    बिरामीको ज्यान बचाउन
    प्राथमिक उपचार गर्दै
    अस्पताल लानु जचाँउन ।
    ३)
    बुझेर पीडितकाे मर्म
    साथ सहयोग गर्दा
    हुन्छ सधैँ धर्म ।
    ✍️
    राज कुमार राजभण्डारी खाेटाङे
    मध्यपुर ठिमी ५ संगम काेलाेनी राधे राधे भक्तपुर ।
    //१८//
    —————<•>—————
    १)
    मानवता दर्साउँ सबैमा
    प्राथमिक उपचार गरेर
    समय नफालौं कबैमा ।
    २)
    आपसी सहयोग बढाउँ
    घटना देखेको हुँदैन
    जोखिममा ज्यान नचढाउँ ।
    ✍️
    धनमाया चौधरी, कैलाली
    //१९//
    —————<•>—————
    घटनास्थलमै हुन्छ उपचार
    पहिले जिन्दगी बाँचेमा
    देखिन्छ सुन्दर संसार !
    ✍️
    आर्त अकुलीन
    //२०//
    —————<•>—————
    क्षति न्यूनिकरण गर्नलाई
    प्राथमिक उपचार गरेमा
    पर्दैन बिरामी मर्नलाई ।
    ✍️
    पद्मा काश्यप पाण्डे, मोरङ
    //२१//
    —————<•>—————
    सही प्राथमिक उपचारले
    क्षतिलाई जाेगाउन सकिन्छ
    मानवीय साेच व्यवहारले ।
    ✍️
    जी.वि.कश्यप
    घाेराही,दाङ
    //२२//
    —————<•>—————
    जीवन एउटा उपहार
    खतराबाट बच्न बचाउनलाई
    सिकौँ प्राथमिक उपचार !
    ✍️
    प्रेम थापा “मन”बागलुङ
    //२३//
    —————<•>—————
    नमानेर कत्ति घाँडो
    घाइतेलाई उपचार गर्न
    पुर्‍याउनुपर्छ है चाँडो ।
    ✍️
    दीप गोले तामाङ – रौतहट
    //२४//
    —————<•>—————
    आकस्मिक अवस्था आएमा
    गर्नुपर्छ प्राथमिक उपचार
    हामीले अवसर पाएमा ।
    ✍️
    कला ढकाल, झापा
    //२५//
    —————<•>—————
    १)
    अस्पताल लैजाऔँ पहिले
    प्राथमिक उपचार गरेर
    बचाऔँ बिरामी जहिले !
    २)
    गरेर प्राथमिक उपचार
    तत्काल अस्पताल पठाऔँ
    घाइतेलाई हामी हरबार ।
    ✍️
    रबि पाैडेल
    दक्षिण भारत पाण्डेचरी
    //२६//
    —————<•>—————
    नघटोस् घटना जहाँ
    घटेमा आवश्यक पर्छ
    प्राथमिक उपचार त्यहाँ ।
    ✍️
    सतीश पण्डित
    भानु६ चुँदी तनहूँ
    हाल चनपा ६ मातातिर्थ
    //२७//
    —————<•>—————
    मान्छेको उपचार गरौँ
    धर्म हुन्छ जिन्दगीमा
    सधैँ अगाडि सरौँ ।
    ✍️
    एवाइ प्रभात
    सहिदभुमि धनकुटा
    //२८//
    —————<•>—————
    सरकार बाँच्छ मागेर
    जनता औषधी पाउँदैनन्
    मर्छन् रुघा लागेर ।
    ✍️
    नागेन्द्रप्रसाद यादव
    //२९//
    —————<•>—————
    नगरे उपचार समयमा
    सक्ला बन्न क्यान्सर
    शुरूमै गाउँको श्वास्थालयमा ।
    ✍️ लोक क्षेत्री
    //३०//
    —————<•>—————
    मानवताको पहिलो धर्म
    घाइतेलाई उपचार गर्नु
    मानिन्छ उत्तम कर्म ।
    ✍️
    बुद्धिमान दनुवार (सुरुङ्गेली कान्छो )
    कनकाई ४ झापा
    //३१//
    —————<•>—————
    सन्देश सुनौँ अहिले
    प्राथमिक उपचार गरौँ
    अस्पताल जानुभन्दा पहिले ।
    ✍️
    सङ्गीता खरेल
    काठमाडौँ
    //३२//
    —————<•>—————
    १)
    अनौठो रहेछ संसार
    कति अभागीको निधारमा
    हुँदैन प्राथमिक उपचार।
    २)
    सेवा नै मानवधर्म
    प्राथमिक उपचार गर्नु
    मानवको पहिलो कर्म ।
    ✍️
    बिके मुखिया
    दार्जिलिङ, भारत।
    //३२//
    —————<•>—————
    १)
    प्राथमिक उपचारकाे घनत्व
    दुर्घटनाकाे बेलामा धेरै
    हुन्छ यसकाे महत्व ।
    २)
    सतर्क सजग भएर
    प्राथमिक उपचार गराैँ
    घटनास्थलमा शिघ्र गएर ।
    ✍️
    डिल्लीराज (राजेन्द्र) भुसाल
    सन्धिखर्क-२, कुर, अर्घाखाँची
    //३३//
    —————<•>—————
    १)
    जनता भोकले मर्छन्
    विशेष उपचार नेताले
    विदेशी अस्पतालमा गर्छन् ।
    २)
    जनताले सिटामोल पाएनन्
    अस्पतालको कुरै नगरौँ
    गाउँमा डाक्टरै आएनन् ।
    ✍️
    कृष्ण बजगाई भक्तपुर
    //३४//
    —————<•>—————
    जीवन जाेगाउँ सबैकाे
    प्राथमिक उपचार गरेमा
    जान्छ ज्यान कबैको ।
    ✍️
    हरिगाेपाल न्हुच्छेँप्रधान
    काभ्रे, बनेपा १४ साँगा बजार ।
    //३५//
    —————<•>—————
    मानिसको सेवा गरौँ
    मानवको कल्याण हेतु
    सधैँ अघि सरौँ ।
    ✍️
    जनक बिसी
    दक्षिणभारत कोचिन
    //३६//
    —————<•>—————
    १)
    घाइते बिरामी धाउँछ
    अस्पतालको बेडमा बसी
    दुख्यो पोल्यो चिच्याउँछ ।
    २)
    प्राथमिक उपचार राम्रो
    ओखती सामान्य हुन्छ
    स्वास्थ्य बिग्रँदैन हाम्रो ।
    ✍️
    अम्बिका अधिकारी
    झापा बिर्तामोड
    //३७//
    —————<•>—————
    १)
    गरौँ गम्भीर विचार
    त्यागेर दम्भ ईर्ष्या
    गरौँ मनले उपचार !
    २)
    नपखाली मनको मैलो
    हुँदैन प्राथमिक उपचार
    बोकेर पापको थैलो !
    ३)
    पुर्‍याऊ खानमा ध्यान
    ओठ जीब्रो नबाँधे
    जान्छ बेकारमा ज्यान !
    ✍️
    ऋजु दिल्पाली(राजेन्द्र घिमिरे)
    ईटहरी १ सुनसरी
    //३८//
    —————<•>—————
    १)
    हुनेगर्छ दुर्घटना यात्रामा
    पहिला क्यामेरा नझिकौँ
    प्राथमिक उपचारको मात्रामा।
    २)
    खोजौँ साधन पुर्‍याउन
    स्वास्थ्य केन्द्रमा हतारले
    घाइतेको ज्यान बचाउन ।
    ✍️
    घनश्याम पन्त, हरिवन सर्लाही
    //३९//
    —————<•>—————
    १)
    प्राथमिक उपचार गर्नु
    कर्तव्य निर्वाह गर्नलाई
    सदासर्वदा अघि सर्नु ।
    २)
    गरौँ आकस्मिक सेवा
    प्राथमिक उपचार गरेर
    देऔं स्वास्थ्यमा टेवा ।
    ✍️
    कृष्णकुमार वैद्य
    बनेपा ९, काभ्रे
    //४०//
    —————<•>—————
    १)
    बाँच्नु पहिलो अधिकार
    जीवन अमूल्य हुन्छ
    दिउँ प्राथमिक उपचार ।
    २)
    चोटमा मल्हम पट्टी
    ज्वरोमा पट्टी पानीको
    नबढ्दै उपचार पद्धति ।
    ✍️
    मनोहरी पौडेल
    गैडाकोट १
    //४१//
    —————<•>—————
    १)
    तयारी राखौँ पहिल्यै
    जतिखेरै दुर्घटना हुनसक्छ
    राखौँ मलमपट्टी जहिल्यै ।
    २)
    नराखौँ रोगीलाई लम्पसार
    बचाउनु मानवको धर्म
    गरेर प्राथमिक उपचार ।
    ३)
    यथाशिघ्र उपचार भनेकै
    ससाना स्वास्थ्यकेन्द्रको स्थापना
    नजिकमा राम्रो बनेकै ।
    ✍️
    मोती योन्जन सुब्बा, दार्जिलिङ।
    //४२//
    —————<•>—————
    १)
    सेवाको गर काम
    सबैलाई तिमी यहाँ
    तब हुन्छ नाम ।
    २)
    गाउँमा छैन अस्पताल
    हुँदैनन् बिरामी निको
    नेताको स्वार्थी चाल ।
    ३)
    सामाजिक सेवा राम्रो
    मन हुन्छ आनन्द
    कतिको मनै चाम्रो।
    ✍️
    नीमा छिरिङ भोटिया
    जलढका कालेबुङ
    भारत
    //४३//
    —————<•>—————
    १)
    सामाजिक प्राणी भएपछि
    सामान्य उपचार गर्नुपर्छ
    देखेर नजिकै गएपछि ।
    २)
    बिरामी सामान्य देखेपछि
    घरेलु उपचार गर्नु
    हस्पिटलले छोड्दैन लेखेपछि ।
    ३)
    औषधी राख्नुपर्छ घरमा
    झट्ट बिरामी पर्दा
    पर्नुपर्दैन अरूको भरमा ।
    ✍️
    दुर्गा आचार्य
    मोरङ
    //४४//
    —————<•>—————
    हेर घटना घट्नेबित्तिँकै
    मोबाइल तेर्साउने होइन
    मानवता देखाउ निकै ।
    ✍️
    विष्णु पंगेनी(पाण्डे)
    वालिङ् -८स्याङ्जा
    //४५//
    —————<•>—————
    १)
    सेवाले धर्म हुन्छ
    सुखदुःख बाडे आपसमा
    सबैको मन छुन्छ ।
    २)
    पीडामा मलम लगाऊँ
    प्राथमिक उपचार गरेर
    कलियुगमा पुण्य कमाऊँ ।
    ३)
    प्राथमिक उपचार गरौँ
    अरू गर्न नसके
    घाउमा मलम भरौँ ।
    ✍️
    शशीश्री आचार्य
    बौद्ध कुमारीगाल काठमाडौँ
    //४६//
    —————<•>—————
    सधैँ दुर्घटनाका समाचार
    तयारी अवस्थामा बसौँ
    गर्नलाई प्राथमिक उपचार ।
    ✍️
    सुनगाभा पोख्रेल
    //४७//
    —————<•>—————
    भएमा चेतनाको सार
    सोचमोच गरी राखे
    घरमै प्राथमिक उपचार !
    ✍️
    सन्तु खत्री
    //४८//
    —————<•>—————
    १)
    गरौँ सबैको सेवा
    आफ्नो धर्म निभाए
    मिल्छ हामीलाई मेवा ।
    ✍️
    अनिता भण्डारी, ताप्लेजुङ
    //४९//
    —————<•>—————
    प्राथमिक उपचारको ज्ञान
    भएमा मात्र पनि
    बच्छ धेरैको ज्यान ।
    ✍️
    पुष्पा सुवेदी
    नेपालगन्ज,बॅाके।
    //५०//
    —————<•>—————
    प्राथमिक उपचार राम्रो
    सबैलाई जान्न आवश्यक
    ज्यान जोगिन्छ हाम्रो ।
    ✍️
    शोभा आचार्य गौतम
    काठमाडौँ
    //५१//
    —————<•>—————
    सहयोगको राखौँ विचार
    घाइते देख्नासाथ सबैले
    गरौँ प्राथमिक उपचार ।
    ✍️
    रुना कर्माचार्य दाहाल
    चितवन
    //५२//
    —————<•>—————
    जे भेटिन्छ घटनास्थलमा
    उपचार गरी बचाऊ
    घाइतेलाई उही पलमा ।
    ✍️
    इन्दिरा देवकोटा
    कपिलवस्तु न पा ३
    //५३//
    —————<•>—————
    १)
    घटना घटेको ठाउॅंमा
    प्राथमिक उपचार गरेर
    रगत रोकौॅं घाउमा !
    २)
    बाँच्ने सबैको अधिकार
    अस्पताल जानुभन्दा पहिला
    गरौॅं प्राथमिक उपचार !
    ✍️
    सर्मिला बोहरा,बैतडी
    //५४//
    —————<•>—————
    अचानक घटनाको लागि
    प्राथमिक उपचारमा लागौँ
    मानवता ज्युँदो राखी ।
    ✍️
    पुष्पा राई, बादेल, खाेटाङ ।
    //५५//
    —————<•>—————
    १)
    नबगोस् रगत लगातार
    देखेमा कोही घाइते
    गरौँ प्राथमिक उपचार ।
    २)
    शुरुमा घाइतेको उपचार
    जीवन अमूल्य सबैको
    गरौँ सही व्यवहार ।
    ✍️
    सुस्मिता अधिकारी, काठमाडौँ
    //५६//
    —————<•>—————
    १)
    पर्दाखेरि आकस्मिक मार
    घरमै दिलाऊँ बिरामीलाई
    तुरुन्तै प्राथामिक उपचार l
    २)
    जताऊँ मानवीय व्यवहार
    देख्नासाथ घाइते व्यक्ति
    गरौँ प्राथमिक उपचार l
    ✍️
    बाबुराम गौतम, गुल्मी
    //५७//
    —————<•>—————
    अत्यावश्यक हुन्छ गाउँमा
    प्राथमिक उपचार पनि
    बनाउनुपर्छ हरेक ठाउँमा ।
    ✍️
    शंकर कार्की,मकवानपुर
    //५८//
    —————<•>—————
    १)
    घरमा गरिएको उपचार
    प्रभावकारी हुनाले बन्छ
    स्वास्थ्य नबिग्रने आधार ।
    २)
    पीडितको नजिकै परौँ
    दुर्घटना हुँदा घाइतेलाई
    सकेसम्म सहयोग गरौँ ।
    ३)
    अकालमा जाँदैन ज्यान
    उपचारको लागि दिनुपर्छ
    मान्छेले मान्छेको ध्यान ।
    ✍️
    पृथक प्रकृति ,झापा
    //५९//
    —————<•>—————
    १)
    दुर्घटना भएको ठाउँमा
    प्राथमिक उपचार गरे
    रगत रोकिन्छ घाउमा ।
    २)
    घटना हुन्छ जब
    सडकमा छट्पटाउँछ बिरामी
    भिडियो खिच्छन् तब ।
    ३)
    सहयोगी हुनुपर्छ जगत
    उपचार पाए तत्कालै
    रोकिन्छ बगेको रगत ।
    ✍️
    शान्ता पौडेल भट्टराई
    //६०//
    —————<•>—————
    १)
    हुन्छ दूर्घटना गाडी
    भिडियो बनाउन व्यस्त
    उद्दार गर्न छाडी ।
    २)
    बुझेकै छैन यहाँ
    प्राथमिक उपचारको मर्म
    मानवता छैन जहाँ ।
    ✍️
    राजेशराज गड्तौला
    कॅाडाघारी, काठमाण्डौ
    //६१//
    —————<•>—————
    घाइते देखिन्छ जहिले
    प्राथमिक उपचार गरौँ
    अस्पताल लैजानुभन्दा पहिले ।
    ✍️
    अमृत कोइराला
    पोखरा
    //६२//
    —————<•>—————
    १)
    जनताको गर्नुपर्छ सरकार
    नेताहरूकाे मात्रै होइन
    नि:शुल्क प्राथमिक उपचार ।
    २)
    कर्तव्य बुझेर बनाैँ
    सरकार ठट्टा होइन
    चलाउनै नजान्नेलाई नभनाैँ ।
    ✍️
    रामप्रसाद पुरी, बादेल, खाेटाङ ।
    //६३//
    —————<•>—————
    मर्ने गर्छन् अन्जानमा
    प्राथमिक उपचार नपाएरै
    आघात पर्छ प्राणमा ।
    ✍️
    रचना शर्मा प्रतीक्षा
    इमाडोल, ललितपुर
    //६४//
    —————<•>—————
    जोसुकै दुर्घटनामा पर्दा
    ज्यान जानबाट जोगिन्छ
    प्राथमिक उपचार गर्दा ।
    ✍️
    डम्बर थामी ‘अनुपम’
    कालिन्चोक गा.पा. -६ , दोलखा ।
    //६५//
    —————<•>—————
    १)
    रमितेको घुइँचो हुन्छ
    मान्छेले मानवता नदेखाए
    साह्रै मन रुन्छ ।
    २)
    हुँदैन पछाडि हट्न
    हामी सबैले सक्नुपर्छ
    प्राथमिक उपचारमा खट्न ।
    ३)
    मानिस त्यतिकै मर्छ
    प्राथमिक उपचारमा खटिनु
    हाम्रो दायित्वमा पर्छ ।
    ✍️
    लक्ष्मण देउवा, डोटी
    //६६//
    —————<•>—————
    १)
    सत्कर्मतिर नै सरेमा
    भन्छन् हुन्छ राम्रो
    दुःखीहरूको सेवा गरेमा ।
    २)
    रगत बगेमा हाम्रो
    गरौँ प्राथमिक उपचार
    हुन्छ ज्यानलाई राम्रो ।
    ३)
    उपचार नपाए नानी
    निको हुँदैन चोटहरू
    जान्छ ज्यान सानी ।
    ✍️
    सीमा कार्की समर्पण
    मेलचोकपर्सा
    //६७//
    —————<•>—————
    १)
    दुर्घटना जीवनमा पर्नसक्छ
    प्राथमिक उपचारले घाइतेको
    जीवनबाट जोखिम टर्नसक्छ ।
    २)
    गरौँ सद्भावपूर्ण व्यवहार
    हुन्छ घाइतेसँगै बस्दा
    हाैसला प्राथमिक उपचार ।
    ३)
    मानवअधिकार संविधानकाे धारामा
    नेता रुघाखोकीमा विदेशतिर
    सिटमाेलविना जनता पारामा ।
    ✍️ प्रद्युम्न चालिसे
    भक्तपुर कटुञ्जे ।
    //६८//
    —————<•>—————
    हुनसक्छ दुर्घटना हेर
    आफ्नो ज्ञान सीपले
    घाइतेलाई मायाले घेर ।
    ✍️
    होमप्रसाद नेउपाने
    धरान,सुनसरी ।
    //६९//
    —————<•>—————
    दुर्घटनामा परेका नरलाई
    प्राथमिक उपचार गरेर
    जिम्मा दिउ डाक्टरलाई ।
    ✍️
    दुर्गा भट्टराई
    माेरङ
    //७०//
    —————<•>—————
    १)
    आत्तिएर काम गर्दा
    बिग्रने बोझ काँधमा
    अरूको भरमा पर्दा ।
    २)
    आपतमा अपनाऔँ सदाचार
    शत्रु नै होस्
    गरौँ प्राथमिक उपचार ।
    ✍️
    राजेश्वरी राजोपाध्याय
    ललितपुर

    2 thoughts on “झिल्का लेखन अभियानको ३२ औँ शृङ्खला (प्राथमिक उपचार विषयक) सम्पन्न”

    Leave a Reply