‘टुक्कामाथि टुक्का’ व्यङ्ग्यात्मक टुक्का लेखन शृङ्खला- १४४ सम्पन्न

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १४४ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६४ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १४४ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

प्रतिनिधि टुक्का- १४४
उनकै नाममा मेहदी लाए हातमा हरियो चुरा
कुराकानी हाम्रो मिलेमा छिट्टै विवाह गर्ने छ कुरा ।
वसन्त अनुभव
~<•>~

सहभागी टुक्काकारहरूका टुक्काहरू-

~<•>~
प्रेम गर्‍यौ मसँग तिमीले कुरा अन्तै छिन्यौ
महल देख्दा झुपडी छोडी चुपचाप हिन्यौ ।
✍️
वसन्त अनुभव
घोराही, दाङ
~<•>~
मेहदी चुरा लगाएर खाेज्ने महादेव झैँ पति
व्रत छ एउटाकाे नाममा तर प्रेमी कति कति ?
✍️ ताराप्रसाद चापागाईँ
धुनिबेसी, धादिङ
~<•>~
मायालु प्रेमकाे बतासले छुने छ भनेको थिए पहिले
चुरापाेते अर्कैले किनिदिएछ राम्रै ठानेकाे छु अहिले ।
✍️ रबि पाैडेल
दक्षिण भारत पाण्डेचरी ।
~<•>~
साउनमा मेहदी र चुरामा रङ्गिदैमा शिव आउँदैनन्
घरमा कलह झगडा नित्य भए नारी खुसी पाउँदैनन् ।
✍️ बेदु न्यौपाने
~<•>~
मैले पठाएको चुरा पोते बाला पाएकी पाएनौ
मेरा नामको मेहदी हातैभरि लायौ की लाएनौ ।
✍️वेल थोकर
~<•>~
एउटाको नाउँमा लाउँछन् मेहदी र हरियो चुरा पाेते सारी
मौका परे अर्कै प्रेमीसँग हात समाई घुम्न जान्छन् मकै घारी ।
✍️ राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर
~<•>~
हरिया चुरा हरियाे कपडा लगाउँछिन् नारी
साउनमा लगाउँछिन् हरियाे झैँ देखिने सारी।
✍️ नवराज भट्ट
कञ्चनपुर
~<•>~
हातमा मेहदी चुरा लाउँदैमा बिबाह हुँदैन
कर्म गर्ने कोही कसैलाई यस्ता कुराले छुँदैन ।
✍️ चुडामणी देबकोटा
पुरानोनैकाप काठमाण्डौ
~<•>~
भोलि जस्तोसुकै होस्, गर्नु छ सपना पूरा
फेरि साउन लाग्यो, फेर्नु छ हरियो चुरा ।
✍️ शंकर कार्की
मकवानपुर ।
~<•>~
तिम्रै नाउँको मेहदी छ भन्थ्यौ हातमा
तिमी कहाँ चम्पट कस्यौ आधि रातमा।
✍️ रमेश दियाली
शेल्पू सिटोंग दार्जिलिङ।
~<•>~
पहिला गर्यौँ प्रेम अहिले किन दियौँ धोका
अब फेरि पनि कसरी होला है खुला ढोका?
✍️ अर्जुन प्रसाद चौलागाई
रामेछापः-सुनापति-१, हालः-अमेरिका,बोस्टन।
~<•>~
जुनीजुनी सँगै जिउने होस् सपना पूरा
तिम्रै नामको लाएको छु मेहदी र चुरा ।
✍️ अनिता भण्डारी, ताप्लेजुङ
~<•>~
चाहिँदैन मलाई हातमा साउने चुरा
माया दिनु सधैँ नरोप्नु वचनले छुरा
✍️ काजल न्यौपाने
भोजपुर।
~<•>~
बिहेपछि लाउनु पर्छ, सिन्दुर पोते चुरा
श्रावणको महिना लाग्यो, सुन्न आमाको कुरा ।
✍️ एवाइ प्रभात
सहिदभुमि धनकुटा
~<•>~
कलियुगको हुने भो असर
दण्ड सजायमा प्रभु नजर ।
✍️ कार्की डिबी माकुम
सुनवल-४, नवलपरासी
~<•>~
मेहदी र हरियो चुरा लाउनु हातैभरि
बस्नु तिमी सजिएर शृङ्गार पटार गरी ।
✍ नवशिला।
नवदेव मार्ग, लालभित्ती,बेलबारी,मोरङ।
~<•>~
मेहदी र चुराभन्दा चाहिन्छ सधैँ तिम्रो हात
परदेशमा कसरी बिताउँदै छौ प्यारा रात ।
✍️ सङ्गीता खरेल
काठमाडौँ
~<•>~
प्रेम एउटासँग, सुकार्नो कस्ने अर्कैतिर
मेहन्दी चुरामा सजिएर दियौ ठूलो पिर।
✍️ अच्युत घिमिरे, सर्पाङ, भुटान 🇧🇹
~<•>~
लगाऊ खुबै चुरा ती हरिया हरिया
भएका छन् उनी, मिमहरूकै भरिया ।
✍️ नागेन्द्रप्रसाद यादव , दाङ ।
~<•>~
मेरा नामकाे लगाउनु मेहदी हातमा हरियो चुरा
याे वर्ष साेचेकाे सपना हाम्रो छिटै हुनेछ प्यारी पूरा ।
✍️ श्रीकृष्ण धामी – बझाङ
~<•>~
अहिले लगाइराख हातभरि मेहदी र हरिया चुरा,
मङ्सिरमा विवाह गर्ने सल्लाह गरेर मिलाउँला कुरा ।
✍️ विवश पारदर्शी
झापा
~<•>~
उकालो देखेर भिर
मनमा लाग्दैछ पिर !
✍️ आर्त अकुलीन
~<•>~
हरिया चुरा, सारी लगायौ खै त के पो पायौ ?
संस्कृतिलाई लात मार्यौ र पाश्चात्यता धायौ !
✍️ कमला देवकोटा, पाल्पा
~<•>~
हातमा लगाउ मेहदी फूलबुट्टा काटेर
केशमा लगाउ अनि काेर कपाल बाटेर ।
✍️ शालिक राम दाहाल
झाैखेल३ चाँगु
~<•>~
लाखाैँ क्लेश मनमा बाेकी साेमवार शिव मन्दिर धाउने
जग्गेमा लाएकाे नाता नै ताेडी अर्कैसँग आँखा जुधाउने।
✍️ हरिगाेपाल न्हुच्छेँप्रधान
काभ्रे, बनेपा १४ , साँगाबजार ।
~<•>~
श्रावण महिनामा हातमा हरियो चुरा
हे ! भगवान् हाम्रा सबै सपना हाेउन् पूरा ।
✍️ केसर बाेहरा ( सङ्घर्ष )
सुदूरपश्चिम अछाम , हाल भारतबाट
~<•>~
नाैलो नयाँ मायाप्रीति तिमीसँगै गाढा भई बसिगयाे
सिँगारेर देखाऊ रूप हाम्रो मिलन अब पक्का भयो ।
✍️ रामप्रसाद पुरी, बादेल, खाेटाङ ।
~<•>~
मनमा सपना मीठो सोचेर बसेका थियौ होला
चुरा पोते लगाउन आउन तर्न सकिन खोला ।
✍️ अम्बिका अधिकारी
झापा बिर्तामोड
~<•>~
हिन्दु नारी लगाएकाे छु, तिम्राे नाउँको सिन्दुर पाेते चुरा
मन पर्दैन मलाई त ! नक्कली विदेशी व्यापारीका कुरा ।
✍️ प्रद्युम्न चालिसे
भक्तपुर कटुञ्जे ।
~<•>~
प्रेमकाे नाममा गर्ने धेरै नाटक
जीवनकाे यहाँ छैन काेही पाठक ।
✍️डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
~<•>~
तिम्रो मनको चाहना छिट्टै होस् पुरा
हतारमा नगर्नु बिहे जस्तो कुरा ।
पुष्पा सुवेदी
नेपालगन्ज,बॅाके।
~<•>~
किन होला जताततै विकृतिका कुरा मात्रै सुन्छ
जस्ले लाउँछ मेहन्दी, चुरा उसकै बिछोड हुन्छ ।
✍️ मन्दिरा सेढाई, मलेखु,धादिङ
~<•>~
साउन महिनाको नाटक गरी, हेर लगाइछ्यौ चुरा
भेटघाट कहिल्यै भएको छैन, के को विवाहको कुरा ।
✍️ राजेशराज गड्तौला, कॅाडाघारी, काठमाण्डौ
~<•>~
साउन मासका हरिया ती मेहन्दी र चुराले
मन नफाटाउनु पछि जाली र झेली कुराले ।
✍️ घनश्याम पन्त
हरिवन सर्लाही
~<•>~
साउन माहिनामा हरियो लाउन कसले सिकायो
आरोग्यको अफवाह फैलाएर चुरापोते बिकायो ।
✍️ कृष्णकुमार वैद्य बनेपा ९, काभ्रे
~<•>~
चुरापाेते हरियाे लाए नि मन चाहिँ राख्छाै कालाे
कहिले फाल्न सकिएला र खै माकुराेकाे झैँ जालाे ।
✍️ भवानी पाेखरेल (बाबू विराज)
बाणगङ्गा १ चार नम्बर, कपिलवस्तु
~<•>~
माया भनेर कसैलाई नदिनु कहिले विश्वासमा धोका
मेहदी चुरामा मख्ख पर्दै मनमा नलिउ खुसीको पोका ।
सुनगाभा पोखरेल
हाल: नेपालगन्ज
~<•>~
हरियो चुरा र मेहदी बेच्नेले पैसा कमाए
एक महिना राम्रो व्यापार भयो भनी रमाए ।
✍️ कला ढकाल झापा
~<•>~
हरियो चुरा, मेहदी किनिदेऊ न प्यारा !
तिम्रै लागि त हो नि साँचेको जीवन सारा ।
✍️ साबित्री प्याकुरेल, धादिङ्ग
~<•>~
यो भूमिमा शक्ति खेलाउनेहरूलाई सधैँ हरियाली साउन लाग्यो
शक्तिबाट पीडितहरूका भएका घरखेत पनि बाढीसंगै भाग्यो !
✍️ पवनकुमार बुढाथेाकी
काठमाडौं
~<•>~
हतारिनु हुन्न हजुर वर्षा मासको बेला
कुरा मिलाई राखि असाेजतिर हुनु भेला ।
✍️ अरुण कुमार भुजेल
गोरू बथान कालेबुङ,भारत।
~<•>~
पर्खेर बसेकी छु कहिले आउछौ भन
उतातिर लागेछौ कि यता दिएर मन ।
✍️ प्रतिज्ञा प्रतिज्ञा
मेहेलकुना सुर्खेत
~<•>~
अरू केही चाहिँदैन देखाउनु सदैव आफ्नोपन
सम्बन्ध गाढा राख्ने भए नगर्नु कहिल्यै गनगन l
✍️ बाबुराम गौतम, गुल्मी
~<•>~
एकले लगाई हिँडे सबैले लगाउनु पर्ने
देखासिकी गरेर हिँडदा त आफ्नै संस्कार हर्ने ।
✍️ दुर्गा आचार्य
मोरङ
~<•>~
मेहदी र हातमा छिनछिन चुरा किन्देऊ प्यारा
कसौँला लगनगाँठो खुसी बनाई दुनियाँ सारा ।
✍️ प्रविना प्रयासी
~<•>~
लगाई मेहदी, पहेला वस्त्र, लगाई हरिया चुरा
व्रत बस्छु मन्दिर जान्छु प्याराको सपना गर्छु पूरा |
✍️ सरिता सेढाई धादिङ
~<•>~
सुहाउँछ तिम्रो हातमा मेहदी र चुरा
लगनगाँठो कस्ने इच्छा छिट्टै हुन्छ पूरा ।
✍️ चेतन खनाल (दाह्रीवाला)
बङ्गलाचुली १ दाङ
~<•>~
नलाए नि मेहदी अनि हातमा हरियाे चुरा
राेकिदैँन है आखिरमा विवाहका खास कुरा ।
✍️ त्रिलाेचन भण्डारी
मेचीनगर,झापा
~<•>~
मेहदी र चुरा, हरियो लगाएर सारी
व्रत बसेर शिव कहाँ भेटिन्छन् र नारी ?
✍️ राज बहादुर बडुवाल
कनकासुन्दरि -५, जुम्ला
~<•>~
वाणी पूरा नभए कुरा आउँछ लातको
चुरासुराको कुरा नगरौँ यस्तो बातको ।
✍️ लक्ष्मी रिजाल
कञ्चनपरूप-१२, प्रगतिटोल, सप्तरी ।
~<•>~
हातमा सुहाउँदो छ मेहदी र हरियो चुरा
घरी घरी हुँदैन नि बिहे घरमा रून्छन् भूरा।
मोती सुब्बा
~<•>~
मेरो नामको लगायो तिमीले कति हरियो चुरा
भाग्य मेरो रहेछ अधुरो यसैले भएन पुरा ।
✍️ नीमा छिरिङ भोटिया
जलढका कालेबुङ
~<•>~
हरियो वस्त्र चुरा मेहदीमा गर्छन् नारी आफू उपवास
चाहारी भट्टी पुरुष एकाबिहानै गर्छन् उल्टै उपहास ।
✍️ इन्दु श्रेष्ठ, चितवन
~<•>~
माया एउटासँग विवाह गर्छौ अर्को
बैँस हुन्जेल अघिपछि लाउछौ लर्को ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
~<•>~
हत्केलामा मेहदी हातमा हरिया चुरा
बाटो मोडी नहान्नु है मेरो दिलमा छुरा ।
✍️ तोयानाथ चापागाईं
दमक,झापा,नेपाल
~<•>~
मायाप्रेम हुँदैन हातमा लेखेर
हेर पछि नलाउ अरूकाे देखेर ।
✍️ कुशल कँडेल
~<•>~
तिम्रै नामको लगाएको छु हातमा मेहदी र चुरा
अबदेखि नहिँड्नु ढाटेर पछि लाग्दै सुन्दरी सुरा ।
✍️ शोभा आचार्य गौतम
काठमाडौँ
~<•>~
देखाउँछिन् हातको मेहदीमा एउटाको नाम
बिहे गर्छु भनेर पैसा धुत्ने किन गर्छन् काम ।
✍️ सुस्मिता अधिकारी ,काठमाडौँ
~<•>~
काेही खाेज्छन् मेहदी र हरिया ती पाेते चुरा
मेराे भने काेही छैन छेउमा गर्ने मीठा कुरा ।
✍️ हिरालाल न्याैपाने
बानपा ८ काेटमाैला,सल्यान।
~<•>~
साउनभरि हरियो लगाऊ कि रातो किनाऊ
महादेव पुकार्दै पतिदेवलाई नै छिनाऊ ।
✍️ नन्दलाल आचार्य
सिद्धार्थटोल, उदयपुर ।
~<•>~
मेहदी लगाऊ मेरो नामको माया
माया मर्दैन हाम्रो परे पनि छाया ।
✍️ धनुष न्यौपाने “यात्री”
जुम्ला
~<•>~
एउटाको नाममा हातमा मेहदी चुरा लगाएर
भाग्यको खेल हो के गर्ने लगेछ अर्कैले भगाएर ।
✍️ सबिता खड्का, कैलाली
~<•>~
साउनको महिना महिलाहरू लगाउँछन् मेहदी र चुरा
हुने केही होइन स्वाङ पार्दै गर्छन् फेरि नानाभाँतिका कुरा ।
✍️ सतीश पण्डित
भानु६ चुँदी तनहुँ, हाल चनपा६ मातातीर्थ
~<•>~
देखावटी रमझम के गर्नु मन पाे ! सफा गर
तिमीले चोखो माया दिए म पनि पर्थे तिम्रै भर ।
✍️ सुशीला शिखा
काठमाडौं कागेश्वरी
~<•>~