Tag: वसन्त अनुभव

साताका उत्कृष्ट झिल्का कविताको १२ औँ शृङ्खला सम्पन्न भएको छ । झिल्का साहित्य समाज नेपालको आयोजनामा उक्त शृङ्खला हरेक हप्ता सञ्चालन गर्ने गरिन्छ । झिल्का कविताको उन्नयन, विकास र प्रवर्द्धन गर्ने हेतुले यस शृङ्खलाको सुरुवात गरिएको यसका परिकल्पनाकार एवम् प्रवर्तक वसन्त अनुभवले बताउनुभयो ।

यस शृङ्खलाका लागि हरेक हप्ताको आइतवारदेखि शनिवार अपरान्हसम्म झिल्का कविता फेसबुक समूहको भित्तोमा प्रेषित गरिएका झिल्का कविताहरू मध्ये उत्कृष्ट तीन जना झिल्काकारहरूका ३/३ झिल्काहरू छ्नोट गरी प्रकाशन गर्ने गरिन्छ । जसको संयोजन झिल्काकार एवम् झिल्का कविता अभियन्ता धनुष न्यौपानेले गर्दै आउनुभएको छ ।

साताका उत्कृष्ट झिल्का कविता शृङ्खला- १२ का लागि झिल्काकारत्रय जय नारायण नेपाल, पारसमणी खतिवडा र कोपिला अधिकारीका उत्कृष्ट झिल्का कविताहरू छनोटमा परेको संयोजक न्यौपानेले बताउनुभयो ।

साताका उत्कृष्ट झिल्काहरू
~<•>~

[१]
१.
चेतनाको राँको बाली
जागरुक बन युवा
विकृतिको जालो फाली ।
२.
अतिले हुन्छ खति
सधैँ व्यवहार गर्नु
सोचेर चाहिने जति ।
३.
मिहिनेत पसिनाको कमाइ
मनैदेखि गर्व गराैँ
फल खाउँ रमाई !
✍️

जय नारायण नेपाल
———<•>——-

[२]
१.
चुनावमा मौन अवधि
पैसा, खसी, भाले
भोट फकाउने ओखति ।
२.
पाएको निसङ्कोच हान्ने
पैसाको पछाडि नलागी
असल प्रतिनिधि छान्ने ।
३.
मत दिएर हेर्नुपर्छ
सुकर्म गर्छन् गर्दैनन्
अर्को चुनावमा फेर्नुपर्छ ।
✍️
पारसमणि खतिवडा
सूर्योदय ३ इलाम, हाल सूर्यविनायक, भक्तपुर
———<•>——-

[३]
१.
प्नाकृतिक साैन्दर्ययुक्त वन
वसन्तले हरियाली भर्दा
खुसी थियाे मन।
२.
स्वच्छ हावा हरायाे
चर्काे खडेरी पर्दा
आगलागीले धुँवा भरायाे ।
३.
जङ्गलमा आगाे हाँस्याे
जङ्गली जनावरको बासस्थान
हेर नराम्ररी मास्यो ।
✍️

कोपिला अधिकारी

साप्ताहिक झिल्का लेखन अभ्यासको १४ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ५९ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर समेत हुनुहुँदैन ।

साप्ताहिक झिल्का लेखन अभ्यास शृङ्खला- १४ मा सहभागी झिल्काकारहरूका सुन्दर झिल्काहरू-

…
१,
असफलता सफलता हो
जरा खोज्दै जाँदा
मेहनत गर्छ जो ।
२,
मूर्तिसम्म बन्न मूर्तिले
घनसित ठोकिॅंदै अनगिन्ती
सम्पन्नता आउॅंछ फुर्तीले ।
३,
अनन्त नाम रहिरहन
एकजुट चाहिन्छ एकापसमा
सफल गोहोमा हिॅंडिरहन ।

• म्यामराज राई, भोजपुर
  …
  १,
  साह्रै दु:खको खानी
  ज्वालामुखी भयो जीवन
  मन जलेर खरानी !
  २,
  गर्छन् हर्ष बढाइँ
  हार सुनिश्चित छ
  व्यर्थै बेतुकको लडाइँ !
  ३,
  फेक्छौ षड्यन्त्रको जालो
  उज्यालो देखिन्छ अनुहार
  मन निस्पट्ट कालो !
• वसन्त अनुभव, घोराही उपमहानगरपालिका १४, दाङ
  …
  १,
  सफलता मेहनतले पाइन्छ
  गरेर नुनको सोझो
  गुनले गुन लाइन्छ ।
  २,
  खोलाको पानी धमिलो
  मनको मैलो पखाल
  नबनाऊ मन अमिलो ।
  ३,
  कर्म गरेर देखाऊ
  झिल्का कविता लेखेर
  इतिहासमा नाम लेखाऊ ।
• बेदु न्यौपाने
  …
  १,
  मनको शान्ति खोज्दैछु
  हुनसक्छ कसैले हराएको
  त्यही हुनुपर्छ रोज्दैछु।
  २,
  छेउकुना नहेरी नहिॅंडनु
  अपरिचितको नगर्नु विश्वास
  दुश्मनसित सोझै नभिडनु ।
  ३,
  रोजेको केटी बल्लतल्ल
  भित्राउन सकिनॅं समयमा
  परिरहेछु अब अलमल्ल ।
• दिल ठकुरी, दार्जिलिङ
  …
  १,
  करायो करायो गयो
  षड्यन्त्र ठाउँको ठाउँ
  विकास नहुने भयो !
  २,
  तारा सम्झेर हिॅंड
  जूनसम्म त पुगिएला
  आफ्नै आलस्यसँग भिड ।
  ३,
  भयो अब नगरौँ
  अरूको भर लागेन
  दिवास्वप्नमा कहिल्यै नपरौँ !
• अच्युत घिमिरे, सर्पाङ, भुटान
  …
  १,
  मलाई गरिबीले भगायो
  बाध्यता थियो जानु
  ऋणले परदेश पठायो।
  २,
  फर्की आए रमाउँला
  भत्कियो घर आज
  नयाँ घर बनाउँला।
• सनत रोकाय बिवश, कुशे गापा -८, जाजरकोट
  …
  १,
  असफलताले सिकाउॅंछ पाठ
  कहिलेकाहीँ त्यस्तो हुँदैमा
  मान्नु हुन्न उराठ।
  २,
  गरौँ असल कर्म
  केही दुःख पर्दैमा
  नबिर्सौँ आफ्नो धर्म।
  ३,
  देखाऔँ कर्म गरेर
  बिर्सनु हुन्न आफ्नो
  के लगिन्छ मरेर।
• अर्जुन प्रसाद चौलागाई, रामेछापः-सुनापति-१, हालः-अमेरिका, बोस्टन
  …
  १,
  धोकाको सहरमा डुलेछु
  थाहा नपाई तिम्रो
  मुटु माझ फुलेछु।
  २,
  भावीले लेखेको कर्म
  आफन्त सबै पराई
  कसले बुझिदिन्छ मर्म ?
  ३,
  नबनाऊ मन खिन्न
  आजसम्म मैले कसैको
  सकिनँ मन चिन्न ।
• लक्ष्मण देउवा, डोटी
  …
  १,
  हाँस्ने र हसाउँने
  सबैको मन दुख्छ
  नगर्नु काम फसाउने।
  २,
  खोलिदिन्छ मनको ढोका
  जीवनभर आएर बस
  कहिल्यै नदिनु धोका ।
  ३,
  तिमी मनको राजा
  दुलही बनाएर लैजाऊ
  मलाई बजाएर बाजा ।
• ललिता गिरी सिन्धुली, हाल काठमाडौं
  …
  १,
  राम्रो काम टिक्दैन
  खाली देखाउने हो
  पालिस नलाए बिक्दैन ।
  २,
  परिश्रम गर्ने हार्दैन
  निरन्तर कोसिस गरे
  शत्रुले असर पार्दैन ।
  ३,
  सुन्दर पहाड मगमगायो
  लालीगुराँस ढकमक्क फुलेर
  त्यसैसँग वसन्त छायो ।
• शशीश्री आचार्य, बौद्ध कुमारीगाल काठमाडौं
  …
  १,
  आनन्दको उत्सव मनाउन
  आत्मविश्वास हुनपर्छ आफैँमा
  आफूलाई उद्यमशील बनाउन ।
  २,
  बितेर जाने जिन्दगानी
  सुखदुःख जीवनका पाटा
  दिनप्रतिदिन बितिरहने जवानी ।
  ३,
  विगत सम्झेर पछुतो
  गरिरहन्छन् सबै यहाँ
  कोही हुँदैनन् अछुतो ।
• गुणनिधि घिमिरे अमेरिका
  …
  १,
  बाध्यताले परदेश गयौँ
  झन् दुःखको रास
  सधैँलाई मुग्लानी भयौँ।
  २,
  मर्दाका छैनन् मलामी
  बिहेका जन्ती समेत
  भन्छन् गणतन्त्रविद् हामी।
  ३,
  व्यवस्था हेर्दा दिक्दार
  महॅंगी उस्तै अपराधी
  फैलियो देशमा भ्रष्टाचार।
• सुरेशकुमार पाण्डे, दाङ घोराही १८
  …
  १,
  झिल्का कविता लेखन
  मन भावनाको तालमेल
  कार्य व्यवस्थाको प्रवर्धन ।
• रामशरण गैरे
  …
  १,
  बन्द गर भाषण
  हैन फोस्रा नारा
  असल बनाऊ शासन ।
  २,
  सधैँभरि गफ सुनियो
  प्रगति आफ्नै गरे,
  जनतामा भ्रम बुनियो।
  ३,
  भएन जनताको काम
  जसको हातमा पर्‍यो
  उसैले पारे झ्वाम।
• शंकर कार्की, मकवानपुर
  …
  १,
  उडेको थियो आकाशमा
  रङ्गीन सपनाहरू बोकेर
  फर्कियो रातो बाकसमा ।
  २,
  सपना नदेख साथी
  यहाँ केवल हुन्छन्
  भ्रष्ट नेता माथि ।
  ३,
  सकिन्न केही गर्न
  हामी सबै हार्यौ
  सिवाय बाँकी मर्न ।
• ध्रुव श्रेष्ठ, खोटाङ, हाल नरेफाँट काठमाडौ
  …
  १,
  भुल्छन् आफ्नो गल्ती
  एकदम खुसी हुन्छन्
  अरूको बनाएर चल्ती।
  २,
  दाइजो प्रथालाई हटाई
  शिक्षाको ज्योति दिऔँ
  छोरीलाई महत्त्व पढाइ ।
  ३,
  विकासको नाममा भ्रष्टाचार
  हुनुपर्छ सुशासन देशमा
  अब नगरून् अत्याचार ।
• पृथक प्रकृति ,झापा
  …
  १,
  फूल फुल्छ रङ्गीचङ्गी
  फलको बोट नभाँचिदेऊ
  मेरो प्यारो सङ्गी ।
  २,
  फूलको जीवन उस्तै
  हामी पनि देखिन्छौँ
  हेर ! साथी दुरुस्तै ।
  ३,
  हामी आफैँलाई सच्याऔॅं
  हामी सबैजना मिलेर
  फूलको बोटलाई बचाऔॅं ।
• सुष्मा मगर रोल्पा, हाल भारतको हिमाचल प्रदेश
  …
  १,
  खानलाई जुँगाले छेक्दैन
  गर्नलाई इच्छाशक्ति भए
  वैरीले पाइला टेक्दैन ।
  २,
  जुट्नुपर्छ कम्मर कसेर
  फुट्छ मूल विकासको
  हुँदैन आलस्य बसेर ।
  ३,
  मनको धोको फेरेर
  देश बनाउन जुटौँ
  बन्दैन बाटो हेरेर ।
• पारसमणि खतिवडा, सूर्योदय ३ इलाम, हाल सूर्यविनायक भक्तपुर
  …
  १,
  सपना किन्ने रहरमा
  जवानी अनि पौरख
  बेचिन्छ बिरानो सहरमा।
  २,
  यहाँ चल्छ हुरीबतास
  उडाउन गरीबको सपना
  गाँस बास कपास।
  ३,
  प्रकृतिले खसायो असिना
  सेताम्मे बनायो खेतबारी
  विध्वंस किसानको पसिना।
• बिके मुखिया, दार्जिलिङ, भारत
  …
  १,
  मनको आनन्द खोज्दै
  दुनियाँ चकित परे
  बस आँसु रोज्दै ‌।
  २,
  हावाको चिसो लहर
  तिम्रो मिठो माया
  कस्तो सुन्दर सहर ‌।
• नीमा छिरिङ भोटिया, जलढका कालेबुङ, भारत
  …
  १,
  कोही हुन्छ फसाउने
  आफ्नो स्वार्थको निम्ति
  साथीलाई दलदलमा भसाउने।
  २,
  गाउँघर मात्र चार्ने
  छैन पुगेन भन्दै
  मागेर छाक टार्ने ।
  ३,
  आफ्नो पेट भर्ने
  सिन्का नसारी बसेर
  कुरा मात्रै गर्ने ।
• मोती सुब्बा दार्जिलिङ निमकी डाँडा
  …
  १,
  विकासका पूर्वाधार बनाऊ
  जनताको क्षमता हेरेर
  गर्ने वातावरण जनाऊ।
  २,
  ठुलो कुरा गरेका
  सदनमा बसेर नेताले
  झुठो आश्वासन छरेका।
  ३,
  जनतालाई चाहियो काम
  मात्र हातमुख जोर्ने
  अब चाहियो दाम।
• कला ढकाल झापा
  …
  १,
  खोज्छौ तिमी कहाँ
  समृद्धि टाढा छैन
  प्रेम हुन्छ जहाँ ।
  २,
  लौ अब आइदेऊ
  बलियो एकता गाँस्न
  देशको माया लाइदेऊ ।
• प्रेम थापा “मन”, बागलुङ
  …
  १,
  खुसीको यात्रा टाढा
  कसैको खुसीमा रमाऔॅं
  प्रेमलीला रहोस् गाढा ।
  २,
  ऋण नलागे जमानी
  अरूलाई खोजेर पठायो
  आखिरमा बनायो कहानी ।
  ३,
  लिएपछि अरूको तिर्नुहोस्
  स्याललाई मासु पैँचो
  इमानदारी भएर फिर्नुहोस् ।
• चुडामणी देबकोटा, चनपा१३काठमाण्डौ
  …
  १,
  ह्रदयको एक कुनामा
  सम्झना गर्दै कल्पिरहेछु
  भएझैँ गरी थुनामा ।
  २,
  मायामा धूलक थियो
  कतिले काँडा कतिले
  उपहारमा फूल दियो।
  ३,
  मान्छे यसरी चिन्छन्
  थाहै नपाई समय
  सुटुक्क धोका दिन्छन्।
• बि.कुलुङ, दार्जिलिङ, रंगबुल
  …
  १,
  भाषा प्यारो नेपाली
  देश अनुसार भेष
  लेखौँ शब्द समाली ।
  २,
  अचार गुन्द्रुक मिठो
  हाम्रो आफ्नै पौरख
  पकाऔॅं ढिॅंडो पिठो ।
  ३,
  नेपाली बन्धु हाम्रो
  सबैलाई प्यारो लाग्ने
  आफ्नै चलन राम्रो ।
• रामप्रसाद पुरी, बादेल, खोटाङ
  …
  १,
  हलुका बतास चल्यो
  भएन शीतल मन
  गर्मीले सत्ता ढल्यो ।
• नागेन्द्रप्रसाद यादव , दाङ
  …
  १,
  सधैँ मानिस तर्किन्छ
  किन अनास्था होला ?
  प्रवचन सुन्दा झर्किन्छ ।
  २,
  आस्था राख्दा मन
  कृपा पाइने आशा
  मृत्युमा जादैन धन ।
  ३,
  सुविचारमा किन भड्किन्छ ?
  स्वादिष्ट भोजन खाँदा
  कहिलेकाहीँ पक्कै सड्किन्छ ।
• कार्की डिबी माकुम, सुनवल -४, नवलपरासी
  …
  १,
  मिलेन जिन्दगीको हिसाब
  भेटिनँ संसार खोज्दा
  सफल हुने किताब !
• मन्दिरा सेढाई, मलेखु, धादिङ
  …
  १,
  अधिक नगर्नु बात
  हुँदैन अन्त तृष्णाको
  जिन्दगी बन्छ घात ।
  २,
  शब्दको झिल्का जोडेर
  अभ्यासको निरन्तरता दिनु
  कृति बन्दछ कोरेर ।
• कमला भण्डारी ढकाल
  …
  १,
  लक्ष्य बोकेर हिॅंड्नुपर्छ
  मिल्दछ अवश्य सफलता
  दुखसित त भिड्नुपर्छ ।
  २,
  बोकेर खुसी तनले
  अवश्य फुल्छ जीवनमा
  हेर भएर नयाँपनले ।
  ३,
  हुने छैन दायाँबायाँ
  साचेर राख्नु बरु
  मैले दिएको माया।
• अनुग्रह राना मगर ‘पुष्प’, पाँचखपन नपा – ६ संखुवासभा
  …
  १,
  आफ्नै श्रममा रमाऊ
  निरन्तरता देऊ कामलाई
  श्रमको मूल्य समाऊ ।
  २,
  अर्काको ईर्ष्या नगर्नु
  आफैँ कमाउनु सके
  धेरै तल नझर्नु ।
  ३,
  व्यावहारिक हुन सिक
  विश्वास गर श्रममा
  पैसामा कहिल्यै नबिक ।
• देव कृष्ण काफ्ले, पोखरा – १, कास्की
  …
  १,
  ठोक्छन् मूर्तिलाई किन ?
  बिगार्छन् स्वरूप कलाको
  सुन्दैनन् अर्ती एकछिन ।
  २,
  सफलता कहाँ हरायौँ
  लहर थियो सूचनाको
  कुन भूगोलमा पलायौँ ।
  ३,
  एकताको बिऊ रोपौँ
  विकास हुन्छ देशको
  द्वन्दलाई सद्धभावले छोपौँ ।
• सुस्मिता अधिकारी ,काठमाडौँ
  …
  १,
  लालचा धेर पलाउनु
  यही ठुलाे कारण
  मन दुखी बनाउनु ।
• ताराप्रसाद चापागाईँ, धुनिबेसी
  …
  १,
  सुस्केरामा भेट्छु उनलाई
  सुसेल्छ मन एकान्तले
  औॅंसीमा देख्छु जूनलाई ।
  २,
  उभेर बस्दा सङ्घारमा
  उठ्न थाल्छ तरङ्गहरू
  दिलभित्रको त्यो जङ्घारमा ।
  ३,
  कोरिसकेँ तिम्रो चित्र
  हेर्दा कर्के नजरले
  तीर लाग्यो मुटुभित्र ।
• फूलमनया कुलुङ, सोलुखुम्बु
  …
  १,
  सकिॅंदैन सहन अत्याचार
  तर छैन हुती
  भ्रष्टाचारले बनाउॅंछ सरकार।
• लोक् वहादुर छेत्री लामिछाने, मोदी गा पा २ देउपुर, जि:- पर्वत
  …
  १,
  रुपियाँको हुन्न जात
  उसले कुरा बुझ्यो
  अनि भयो हृदयघात।
  २,
  भित्ताहरू त्यतिबेला हाँस्छन्
  जतिबेला रङ्गीचङ्गी पोस्टहरू
  उसैको छातीभरि टाँस्छन्।
  ३,
  जूनको उज्यालो रातमा
  शत्रु, मित्र दुवैको
  विश्वास हुन्न बातमा।
• राजनारायण राई, सोनादह दार्जिलिङ
  …
  १,
  भुल्छ हिजोको दुःख
  वसन्तको प्रेममय स्पर्शले
  शिशिरमा सुकेको रुख।
  २,
  पिर भुलेर हाँस्छ
  रोपेको उम्रिने विश्वासमा
  सबैसँग प्रीति गाँस्छ।
  ३,
  बगेको खोला फर्कॅंदैन
  बुझ्नु पर्दछ कुरा
  समयले कहिल्यै पर्खँदैन।
• अरुण कुमार भुजेल, गोरू बथान, कालिम्पोङ,भारत।
  …
  १,
  कसले देख्दैन भन?
  सहरमा अलेख भएको
  भ्रष्टहरूको कालो धन l
  २,
  देश नितारे लुछेर
  निमुखाले छाक टार्छन्
  नुनिलो आँसुले मुछेर l
  ३,
  परिश्रम गर्नेले हार्दैन
  बस्ला बरु भोकभोकै
  जिउने आशा मार्दैन l
• बाबुराम गौतम, गुल्मी
  …
  १,
  छैन कसैको भर
  हुनुपर्छ आफू सही
  लाग्दैन कसैको डर ।
  २,
  बिजोक देशको हाल
  हाम्रो नेताको भने
  बेग्लै छ चाल ।
• अनिता भण्डारी ताप्लेजुङ
  …
  १,
  गर्दिन कसैले भन्दैनन्
  पर पन्छिन्छन् सबै
  परेको बेला गन्दैनन् ।
  २,
  हजुरको गजुर लाउँदै
  गरिबको जिन्दगी बित्छ
  दुष्टकै पछि धाउँदै ।
  ३,
  सधैँ दुःख गर्छन्
  छ बत्तीको पुतलीजस्तै
  खुसी खोज्दै मर्छन् !
• विवश पारदर्शी, झापा,
  …
  १,
  आदर्श सिद्धान्त मुल्य
  सत्तामा च्याँखे दाउ
  छ विकास मृतकतुल्य।
  २,
  भन्ने मन थियो
  भ्रष्टको कालो धन
  अकुत बजारमा देखियो ।
  ३,
  मान र अपमान
  नेताको जुङ्गा लडाइँ
  गर्दै ह्विपले कमान ।
• प्रद्युम्न चालिसे, भक्तपुर कटुञ्जे
  …
  १,
  समयले साथ पाएको
  बहाना खोज्नु पर्दैन
  मनले माया लाएको।
  २,
  सभ्यताको बाटो खनोस्
  पुरुषोत्तम समाजको युवामा
  अब रामजस्तै बनोस् ।
  ३,
  खहरेको जस्तै लाग्छ
  जीवनको भेल पनि
  ओर्लिने डर जाग्छ।
• बिकास छेत्री अञ्जान, कैजले, बिजनबारी, दार्जिलिङ
  …
  १,
  मिल्छ धारण गर्न
  जब पवित्र मनले
  त्यसको नाम धर्म
  २,
  शान्त जसको मन
  दुःख पीडा दर्दमा
  त्यही उसको धन।
  ३,
  सन्तोषी उही भयो
  सक्यो चित्त बुझाउन
  असन्तुष्टि जिउँदै गयो।
• घनश्याम पन्त
  …
  १,
  छोटो र मिठो
  देखा पर्यो भर्खँरै
  झिल्का रुपी ठिटो ।
  २,
  बस्यो कस्तो घिडघिडो
  लेख्न मन हुन्छ
  झिल्का अझै छिटछिटो ।
  ३
  हेर्दैर्छु म पलपल ,
  देखाउॅंदो रहेछ झिल्काले
  समाजको तस्विर झलमल ।
• दीपा समभाव, खोटाङ्ग
  …
  १,
  कसैले नभनी तपाईॅं
  सोच विचार गरी
  नबनौँ आफैँ मपाईॅं
  २,
  बुझेर अरुको मर्म
  सेवा गर्न सके
  हुनेछ मानव धर्म ।
  ३,
  भएर असल पात्र
  फेरौँ मुहार देशको
  होइन आफ्नो मात्र ।
• जयनारायण नेपाल, इलाम हाल भक्तपुर ।
  …
  १,
  माटो छ राम्रो
  बाली हुन्छ त्यहाँ
  नभए हुन्थ्यो चाम्रो ।
  २,
  के भनौँ कसलाई
  सबै राम्रै छ
  जस दिउँ उसलाई ।
  ३,
  माटोमा फुलेको फूल
  कोपिला चुँडेर कसैले
  नगरौँ यस्तो भुल ।
• रबि पौडेल ,दक्षिण भारत पाण्डेचरि
  …
  १,
  अचुक औषधीमा गनेका
  करेला दैनिक खाऔॅं
  डाक्टरले छन् भनेका ।
  २,
  तितो मुख पार्छ
  उच्च प्रेसर भएको
  बिस्तारै तल सार्छ ।
  ३,
  धेरै हटाउँछ रोग
  फाल्छ बिमार जरैदेखि
  हटेर जान्छ शोक ।
• सीमा कार्की समर्पण, मेलचोक पर्सा, नेपाल
  …
  १,
  धेरै काम हाम्रो
  हामी मिलेर गर्नुपर्ने
  देशको सेवा राम्रो ।
  २,
  लाली लगाएको ओठ
  गाउँघरमा सधैं किसानले ,
  भैँसी पालेको गोठ।
  ३,
  सेवा हामीले गर्नु
  राम्रो काम गरेर ,
  देशमा भोलि मर्नु ।
• कृष्ण धामी – बझाङ
  …
  १,
  बुझेर गर्नु मतदान
  सित्तैमा पायो भनी
  नजानु भोज खान ।
  २,
  विचार व्यवहार हेर
  हाम्रो होइन राम्रो
  छानेमा जाँदैन खेर ।
• कृष्णकुमार वैद्य, बनेपा ९, काभ्रे
  …
  १ ,
  आउॅंछ बोक्रो ओढेर
  चिन्नै नसक्ने गरी
  लान्छ धोक्रो भरेर।
  २ ,
  आफ्नै लासको मलामी
  जाउँ कसरी भनिदेऊ ?
  नगरौँ दुष्टको सलामी।
• हरिगोपाल प्रधान, काभ्रे, बनेपा -१४ साँगा बजार
  …
  १,
  उखुजस्तै होस् साथी
  कुभलो नचिताऊ कसैलाई
  छन् भगवान् माथि ।
  २,
  चप्पलको सम्बन्ध जसरी
  छिटाले हान्दै गर्दा
  रहन्छ सम्झना सधैँभरि।
  ३,
  तलुवा बन्नु भएन
  पीडाले छोड्दा पनि
  दु:खले कहिल्यै छोडेन ।
• केन्टरमेश क्षेत्रीय, रोल्पा
  …
  १,
  चुनावमा हात जोड्छौ
  सिध्याएर देशको ढुकुटी
  मातृभूमि पक्कै छोड्छौ ।
  २,
  अस्ति साख्खै थियौ
  जेब गरम भएपछि
  साख्खैको ज्यान लियौ ।
  ३,
  एक बोतल सुरापान
  अघिल्लो रात मतदानको
  देश डुब्यो जान।
• हिरालाल न्यौपाने, सल्यान कोटमौला
  …
  १,
  ईश्वर श्रृष्टि मानव
  त्यागौँ हत्या हिंसा
  नबनौँ कवै दानव।
  २,
  जिन्दगी उकाली ओराली
  उतारचढाव जरुर आउँछ
  गन्तव्य विश्राम चौतारी।
  ३,
  हातका मैला धनमा
  नगरौँ लोभ कहिल्यै
  सन्तोष राखौँ मनमा।
• सरस्वती श्रेष्ठ रुपन्देही बुटवल।
  …
  १,
  कुम्भ मेला हेरियो ,
  धर्म तिर लागेर
  दिमाग पनि फेरियो ।
  २,
  मरेर जाने चोला
  बाँच्नु पर्छ हाँसेर
  जिन्दगी यस्तै होला ।
• बुद्धिमान दनुवार ( सुरुङ्गेली कान्छो ), कनकाइ – ४, झापा
  …
  १,
  झुल्किनन् आज सविता
  कामले फुर्सदै छैन
  लेख्दिन झिल्का कविता ।
  २,
  लोभी छु चाहनाको
  शब्द मात्र थुपार्दछु
  गरिब छु भावनाको ।
  ३,
  लाग्दैछ मूर्खको मेला
  मलाई नबोलाऊ तिमी
  होस् उडेको बेला ।
• ऋजु दिल्पाली इटहरी १ सुनसरी
  …
  १,
  अनुहारमा भुतुक्कै नहुनु
  व्यावहारिक, संस्कारित हुनुपर्छ
  विषाक्त चिजलाई नछुनु ।
  २,
  सुखमा कति मातेको ?
  भोलिको विचार नगरी
  लगायौ कपडा फाटेको ।
  ३,
  भएछौ तिमी हरामी
  स्वार्थ पुगेछ क्यारे
  दु:ख भोग्ने हामी ।
• राजेश्वरी राजोपाध्याय, ललितपुर
  …
  १,
  रमाइलो मान्नु परेन
  संसार देखेर दुःखीको
  गरिबीले खोलो तरेन ।
  २,
  सम्पत्ति बढेर भागेछ
  मुलुक सुन्दर पहाडी
  जङ्गल डडेलो लागेछ ।
  ३,
  सुन्दर रङ्गीन सन्सार
  आँधीबेरी चल्यो यसरी
  खाली पारेछन भन्सार ।
• अम्बिका अधिकारी, झापा बिर्तामोड
  …
  १,
  बनाएर सानो घर
  ढुङ्गाको अनि माटोकोझैँ
  त्यही घरको भर !
  २,
  चौतारीमा पिपल छाया
  चलेको सिरसिरे बतास
  अमर मुटुभित्र माया !
  ३,
  मरुभूमिको तातो बगर
  मनमा अतृप्त तृष्णा
  बगरले हेरेको सगर !
• आर्त अकुलीन

::::::::जय झिल्का साहित्य ! ::::::::::

साताका उत्कृष्ट झिल्का कविताको ११ औँ शृङ्खला सम्पन्न भएको छ । झिल्का साहित्य समाज नेपालको आयोजनामा उक्त शृङ्खला हरेक हप्ता सञ्चालन गर्ने गरिन्छ । झिल्का कविताको उन्नयन, विकास र प्रवर्द्धन गर्ने हेतुले यस शृङ्खलाको सुरुवात गरिएको यसका परिकल्पनाकार एवम् प्रवर्तक वसन्त अनुभवले बताउनुभयो ।

यस शृङ्खलाका लागि हरेक हप्ताको आइतवारदेखि शनिवार अपरान्हसम्म झिल्का कविता फेसबुक समूहको भित्तोमा प्रेषित गरिएका झिल्का कविताहरू मध्ये उत्कृष्ट तीन जना झिल्काकारहरूका ३/३ झिल्काहरू छ्नोट गरी प्रकाशन गर्ने गरिन्छ । जसको संयोजन झिल्काकार एवम् झिल्का कविता अभियन्ता धनुष न्यौपानेले गर्दै आउनुभएको छ ।

साताका उत्कृष्ट झिल्का कविता शृङ्खला- ११ का लागि झिल्काकार त्रय हिरालाल न्यौपाने, विमल खतिवडा माइला र तोया नाथ चापागाईँका उत्कृष्ट झिल्का कविताहरू छनोटमा परेको संयोजक न्यौपानेले बताउनुभयो ।

साताका उत्कृष्ट झिल्काहरू
~<•>~

———<•>——-
[१]
१)
अस्ति भेट भयाै
मन मिलेकाे ठाँने
आज तर्केर गयाै !

२)
राेएर के गरुँ
तिम्राे कसिलाे जवानी
पिएर मात्रै मरुँ !

३)
सिरानी भिज्याे माझ
सपना बल्झे आँखामा
भेटाैँ भाेलि साँझ !
✍🏼
हिरालाल न्याैपाने
सल्यान, काेटमाैला
———<•>——-

[२]
१)
चुनावको कोलाहल बजारमा
मुद्दाहरू सस्तै बिक्दैछन्
सय अनि हजारमा !

२)
कसैलाई लोभ सत्ताको
नोकरी नभएका उम्मेदवारलाई
लोभ केवल भत्ताको !

३)
धतुरो खाई बोल्दैछन्
मुद्दा नभएर होला
एकार्काको धोती खोल्दैछन् !
✍️
विमल खतिवडा माइला
———<•>——-

[३]
१)
लुटिन्छन् हर सपनाहरू
पुर्‍याइन्छन् शुन्यताको गहिराइमा
बढार्दै उज्जर चाहनाहरू !

२)
प्रतीक्षाका प्रत्येक पलहरू
सुस्ताउँछन् ती हरघडी
बोकेर नमिठा छलहरू !

३)
अस्तव्यस्त छ धरा
फुर्सद छैन मनुलाई
उखेलिए रुखका जरा !
✍️
तोया नाथ चापागाईँ
दमक,झापा,नेपाल
———<•>——-

साप्ताहिक झिल्का लेखन अभ्यासको १३ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ४३ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर समेत हुनुहुँदैन ।

साप्ताहिक झिल्का लेखन अभ्यास शृङ्खला- १३ मा सहभागी झिल्काकारहरूका सुन्दर झिल्काहरू-

…
१,
नववर्ष नेपालीमा छायो
गुराँसको बैँसालु जवानी
उल्लासमय वातावरण बनायो ।
२,
चराहरूले चिरबिर गाए
खुसी बाँड्न सबैतिर
पालुवाहरू जगत्‌मा आए ।
३,
वर्ष एउटा सकिन्छ
दिन, बार, महिना
पात्रो उही दोहोरिन्छ ।

• म्यामराज राई
  …
  १,
  छैन शान्ति मनमा
  पीडाहरूको अग्लो पहाड
  कष्ट छन् जीवनमा !
  २,
  भएन कहिल्यै सोचेजस्तो
  एकसाथ हजार काँडाहरूले
  लाग्छ बारबार घोचेजस्तो !
• वसन्त अनुभव, घोराही, दाङ
  …
  १,
  आयो नेपालीको नववर्ष
  पाखापखेरीमा गुराँस फुलेझैँ
  थपियोस् सबैमा हर्ष।
  २,
  वर्ष आउॅंछ बित्छ
  कर्म गरेको कुराले
  बल्ल आफूलाई जित्छ।
  ३,
  बिते हरेक दिन
  पात्रो मात्र नपल्टियोस्
  सम्झना आओस् हरछिन।
• अर्जुन प्रसाद चौलागाई, रामेछापः-सुनापति-१, हालः-अमेरिका,बोस्टन।
  …
  १,
  नवीन वर्षको खुसीयाली
  वसन्तको बहारमा पलायो
  बनमा छायो हरियाली ।
  २,
  कोइलीले गीत गायो
  मिठास त्यो स्वरमा
  रुखमा हरियाली छायो ।
  ३,
  वर्ष एक सकिन्छ
  दिन, हप्ता, महिना
  पात्रो उही दोहोरिन्छ ।
• बेदु न्यौपाने
  …
  १,
  हिजोको दिन खेल
  आजको दिन बित्दै
  भोलिको दिन मेल।
  २,
  उषाको लालीसॅंगै हुर्केकी
  धमिलो वातावरणको हावाले
  निर्वस्त्रमै हेर फुर्केकी ।
  ३,
  धर्ममा मन लगाउनु
  बुद्धि आफैँ टप्किन्छ
  हृदयमा सत्यता जगाउनु ।
• राजेश्वरी राजोपाध्याय, ललितपुर
  …
  १,
  आयो नयाँ वर्ष
  सबै नेपालीको मनमा
  बोकेर खुसी हर्ष |
  २,
  सत्बुद्धि सबैको पलाओस्
  रुखो तिखा वचनले
  कसैको मन नजलाओस् ।
  ३,
  भ्रष्टाचारको अन्त्य होस्
  देश विकास गर्नलाई
  पलाओस् जाँगर जोस् ।
• सरिता सेढाई धादिङ
  …
  १,
  गयो पुरानो वर्ष
  स्वागत नयाँ साललाई
  भरेर खुसी, हर्ष ।
  २,
  दु:ख पीडा जाओस्
  नेपालीको सबै घरघरमा
  हर्ष उमङ्ग आओस् ।
• कला ढकाल झापा
  …
  १,
  उल्लास उमङ्ग ल्यायो
  नयाँ वर्षले मलाई
  मनमा हुटहुटी जगायो ।
  २,
  परिवर्तनका खाका कोर्न
  सकूँ नयाँ वर्ष
  फोर्न होइन जोर्न ।
• देव मगर, तिनाउ-१,कचल, पाल्पा
  …
  १,
  आयो नयाँ वर्ष,
  रिस राग फालौँ
  भरौँ खुसी हर्ष।
  २,
  कठिनाइहरूको गर्दै सामना,
  भक्तिभाव मनमा राखेर
  सम्पूर्णमा उन्नतिको शुभकामना !
  ३,
  समय बदलिँदो पालुवा
  समयसॅंगै मानिस पनि
  एकदिन बन्छ बालुवा ।
• दीपा समभाव, रावाबेशी, दुबेकोल, खोटाङ
  …
  १,
  पुरानो दिन गयो
  नयाँ दिन आँउदा
  मन खुसी भयो ।
  २,
  रहोस् स्वच्छ भावना
  सबैमा नयाँ वर्षको
  सुख समृद्धिको शुभकामना ।
  ३,
  वसन्तको बहारमा पलायो
  हरियाली वन हुँदा
  कोइली खुसीले रमायो ।
• राज कुमार राजभण्डारी खाेटाङ्गे, मध्यपुर ठिमी ५ संगम काेलाेनी राधे राधे भक्तपुर ।
  …
  १,
  फेरियो नयाँ वर्ष
  मनमा पिर पुरानै
  छैन कुनै हर्ष।
  २,
  घटेको छैन अत्याचार
  राजनीति विकृति मौलायो
  जनतालाई महॅंगीको भार ।
  ३,
  लाग्दै गरेको नववर्ष
  सबैको प्रगति होस्
  शुभकामना फैलोस् हर्ष ।
• शंकर कार्की, मकवानपुर
  …
  १,
  वर्ष भनेको फेरिन्छ
  मन मन्दिर मान्छेको
  के हुन्छ हेरिन्छ ?
  २,
  पोहोरको नववर्षमा भन्थ्यो
  आमूल परिवर्तन आउँछ
  औॅंला भाँचेर गन्थ्यो।
  ३,
  केवल बदलियो भाषा
  कामकाज उस्तै रह्यो
  कसरी गर्ने आशा।
• घनश्याम पन्त
  …
  १,
  हर्षले विभोर मन
  कसले पो जान्ने
  नभएको बेला धन।
  २,
  फेरिरहन्छ पलहरू यहाँ
  आउँछ होला मनहरू
  नयाँ सालमा जहाँ।
  ३,
  खुसी छु भेटेर
  हतार सबैलाई आफ्नो
  दिन गयो छुटेर।
• नीमा छिरिङ भोटिया, जलढका कालेबुङ, भारत
  …
  १,
  गजब रहोस् नववर्ष,
  हिमाल पहाड तराई
  फैलियोस् खुसी हर्ष।
  २,
  भुलुन् फूलमा मौरी,
  खेलौँला मायाको जुवा
  नयाँवर्षको दिउँला जितौरी।
• होम प्र, नेउपाने, धरान,सुनसरी ।
  …
  १,
  मनमा पिर भएमा
  प्रगति पनि रोकिन्छ
  एकार्कामा आघात रहेमा ।
  २,
  सक्दो सहयोग गर्नु
  तिक्तता सारा हटाई
  आपसी भर पर्नु ।
  ३,
  उमङ्ग नयाँ वर्षमा
  मन सफा गराई
  अघि बढौँ हर्षमा !
• प्रेम थापा “मन”बागलुङ
  …
  १,
  हर्षको पगरी गुथेर
  आएको नवीन सालले
  लैजाओस् दु:ख थुतेर !
  २,
  चुलीमा पुगून् उक्लेर
  हिजोका इच्छा अधुरा
  चाहना नझरुन् टुक्रेर !
• नील हरि काफ्ले, सिन्धुली (हाल काठमाडौँ)
  …
  १,
  उत्साह ऊर्जाको विकास
  सकस नहोस् कसैलाई
  मिलोस् राम्रोसँग निकास।
  २,
  रुपान्तरण हुन्छन् चीजबीज
  प्रकृतिको नियम यही
  उदाहरण बिहानैको शीत।
  ३,
  समाजमा चल्ती परम्परा
  बदलिनु जरुरी देखिन्छ
  खल्बल्याउँदैछ मानवीय धरा।
• पृथक प्रकृति ,झापा
  …
  १,
  नयाँ पाठ पढाओस्
  नयाँ वर्ष एकासीले
  देशमा सद्भाव बढाओस्।
  २,
  बाधा सारा हटून्
  बनून् सबै उन्नतिशील
  मेलमिलापले काममा डटून् ।
  ३,
  सम्पन्न बनोस् देश
  उऋण भएर बाचौँ
  नरहोस् कसैको लेश !
• विवश पारदर्शी, झापा
  …
  १,
  नभुलौँ कसैले संस्कार
  पालना गर्नुछ हर्षले
  नववर्षमा मनका सदाचार ।
  २,
  सबैमा प्रसन्नता हुनुपर्छ
  नववर्षको मङ्गल कामना
  हर्षले शत्रुता धुनुपर्छ ।
  ३,
  प्रभुको माया अपरम्पार
  प्रेम साट्ने गरौँ
  किन काँडे तारबार ?
• कार्की डिबी माकुम, सुनवल-४, नवलपरासी
  …
  १,
  नव वर्षको शुभकामना
  बाँडेर बाँचौँ मिलेर
  निस्वार्थ लिॅंदै मनकामना ।
• मित्र कुमार आचार्य, काठमाडौं ,नेपाल ।
  …
  १,
  छैन समय स्थिर
  अनित्य छन् सबै
  नमान्नु कुनै पिर !
  २,
  बदलिन्छ हर साल
  तर बदलिएन कहिल्यै
  हाम्रो देशको हाल ।
• कृष्णकुमार वैद्य, बनेपा ९, काभ्रे
  …
  १,
  आयो नयाँ साल
  कर्मयोगी सपना सजाउने
  सुधार्ने हो चाल ।
• नागेन्द्रप्रसाद यादव , दाङ
  …
  १,
  चारैतिर हरियाली छायो
  हर्ष उमङ्ग लिएर
  नयाँ वर्ष आयो ।
  २,
  बितेका कुरा छोडौँ
  एकासी सालमा अब
  नयाँ काम जोडौँ ।
  ३,
  देशले प्रगति पाओस्
  प्रकृति प्रकोप अब
  कहिले पनि नाआओस् ।
• अनिता भण्डारी, ताप्लेजुङ
  …
  १,
  लेख्यो शब्द रड्किन्छ
  अनगिन्ती प्रयास गर्छु
  मन त्यसै भड्किन्छ ।
  २,
  तिनजुरे कालिन्चोकका लालिगुराँसहरू
  ढकमक पाखाहरू यतिखेर
  एकासीले उडाओस् निरासहरू ।
  ३,
  असीका धेरै चाहनाहरू
  होऊन् एकासीमा पूरा
  झिल्काबाट फैलियोस् शुभकामनाहरू ।
• चुडामणी देबकोटा, चनपा – १३, काठमाण्डौ
  …
  १,
  लाग्यो नयाँ वर्ष
  मनाउ सबै मिली
  नजाओस् कतै हर्ष ।
  २,
  पात्रो फेरियो आज
  दिनहरू उस्तै छन्
  गर्नुपर्छ सधैँ काज।
• बुद्धिमान दनुवार ( सुरुङ्गेली कान्छो ), कनकाइ ४ झापा
  …
  १,
  स्वस्थ रहोस् भावना
  वसन्तको यो अनुगमनसँगै,
  नयाँ वर्षको शुभकामना ।
  २,
  मनमा खुसी छाओस्
  नयाँ सालमा सधैँ
  हर्ष उमङ्ग आओस् ।
  ३,
  फेरिएको रहेछ साल
  हर्ष उल्लास आएपछि ,
  सोध्न पाए हाल।
• श्रीकृष्ण धामी, बझाङ्
  …
  १,
  नूतन वर्ष एकासीको
  शुभकामना छ सबैमा,
  मङ्गल होस् देशबासीको ।
  २,
  सबै सुखका भागी
  स्वस्थ शान्त सुन्दर,
  शुभकामना सबका लागि ।
• शम्भु गजुरेल
  …
  १,
  मनमा हर्ष छाओस्
  एकपछि अर्का गर्दै
  दुःख हटेर जाओस्।
• बिरेन्द्र कुमार चौधरी, इटहरी सुनसरी कोशी प्रदेश
  …
  १,
  वसन्तमा फूल फुल्छ
  रमेर प्रेममा सबैको
  जीवन उमङ्गले झुल्छ।
  २,
  मुस्कुराउनु सक्नु पर्छ
  सङ्घर्ष जारी राखे
  विपत्ति आफैँ टर्छ।
  ३,
  केवल फूलमा डुल्छ
  रस बटुल्न सधैँ
  मौरी परीश्रममा भुल्छ।
• अरुण कुमार भुजेल, गोरूबथान, कालिम्पोङ, भारत
  …
  १,
  नयाँ वर्षको शुभकामना
  हर्ष, उमङ्ग जोसले
  काम गरोस् कामना ।
  २,
  सुखी जीवन बिताउनुस्
  काम हुनेछ राम्रो
  सबैको भलो चिताउनुस् ।
  ३,
  कसैलाई नलागोस् रोक
  सबैको उपचार होस्
  मेटिनुपर्छ सबको भोक ।
• रवि पौडेल ,दक्षिण भारत पाण्डेचरि
  …
  १,
  ईशको कुरा खाएर
  लागेर धर्म कर्ममा
  प्रभुकै भजन गाएर !
  २,
  आएको नयाँ वर्ष
  विगतको पिर मेटाइ,
  मनमा छाएको हर्ष !
  ३,
  मनको हटाइ पिर
  जिन्दगी आत्मिक खुसीले
  शिखरझैँ उठाऊ शिर !
• आर्त अकुलीन
  …
  १,
  बिर्सिएमा आफ्नो कृति,
  लोप भइन्छ संसारमा,
  गिर्दै जान्छ मनोवृति ।
  २,
  आँट गरे पुर्याउने,
  ईश्वरले गर्छन् भन्छन्,
  टुक्का रहेछन् सुर्याउने।
  ३,
  नववर्ष फलोस् फुलोस्,
  नेपालीको मन मष्तिक,
  जसोतसो यही भुलोस्।।
• मनोहरी पौडेल, गैडाकोट १
  …
  १,
  वसन्त ऋतु सरी
  होस् जीवन सबैको
  परोस् आशाको झरी।
  २,
  लुट्नेको जमात हटोस्
  बनाउने बढून् अगाडि
  सत्यता मनमा अटोस्।
  ३,
  पछ्याई कर्मको बाटो
  फुलुन फूल बगैंचामा
  धन्य बनोस् माटो।
• सुस्मिता अधिकारी ,काठमाडौँ
  …
  १,
  कालो मेघको धमास
  रिसाउन जानिनन् प्रकृति
  चुटेर कोपिलाको नाश ।
  २,
  रामनवमीको छ शुभकामना
  देशमा शान्ति छाओस्
  यही मङ्गलमय भावना ।
  ३,
  राम नवमीको बेलामा
  दुर्गा पूजा उत्सव
  घुम्न जाऔॅं मेलामा ।
• मोती सुब्बा, दार्जिलिङ निमकी डाँडा भारत
  …
  १,
  आफ्नै पोसाक हुनुपर्छ
  सद्भाव र परम्परा
  बोली वचनले गर्छ।
  २,
  असल व्यवहार गरौँ
  यो नयाँ वर्षबाट
  मातृत्वको सरण परौँ।
  ३,
  बेलगाम भयो भ्रष्टाचार
  ठेगान लगाउनै पर्यो
  सुधारौँ आआफ्नो व्यवहार।
• सुरेशकुमार पाण्डे, दाङ घोराही १८
  …
  १,
  आत्मीयता बचाउन सकियोस्
  मित्रताको सच्चा परिभाषित
  निस्वार्थपनले माया पोखियोस्
  २,
  हेर्नलाई ईश्वरको वरदान
  दृश्यालोकन गर्न उपलब्धि
  आँखा मानिसमा सम्मान ।
  ३,
  मनको उत्कण्ठा पखाल्न
  वैमनस्य नराखेको असली
  आपसी मतभेद निकाल्न ।
• दिल ठकुरी, दार्जिलिङ
  …
  १,
  नयाँ वर्ष आयो
  गाउँ सहर जताततै
  हर्ष उमङ्ग जगायो ।
  २,
  कुर्दाकुर्दै वर्ष सकिन्छ
  दिन फिर्लान् भन्दाभन्दै
  निमुखाको आशा मकिन्छ ।
  ३,
  वसन्तले ल्यायो बहार
  दुखियाको घर आँगनमा
  कहिले लाग्ला पहार ?
• बाबुराम गौतम, गुल्मी
  …
  १,
  बुझौँ जगत्ले सारा
  मिर्मिरे उज्यालो हुन्छ
  झरेपछि आकाशको तारा ।
  २,
  अहो ! षड्यन्त्रकारी चाल
  आफ्नो शिकार पक्रनलाई
  माकुरोले बुन्छ जाल ।
  ३,
  लाग्न छाड्यो आस
  नगर्दै केही प्रगति
  रोकिन्छ कि सास ।
• डम्बर थामी ‘अनुपम’, कालिन्चोक गा. पा. -६, दोलखा
  …
  १ ,
  शान्तिको गीत गाएर
  मनको मैलो धोऔॅं
  सबैतिर प्रीत छाएर ।
  २ ,
  भावना चोखो सजाऔॅं
  सृष्टि सर्वत्र फुलाई
  सुगन्ध सबैमा फैलाऔॅं ।
• हरिगोपाल प्रधान, काभ्रे, बनेपा – १४, साँगा बजार
  …
  १,
  जब सहयात्री भेटिन्छ
  सुखदुःख एकार्कामा बताउँदा
  मनको पीडा मेटिन्छ ।
  २,
  व्यवहारमा इमानदारी भएकोले
  रुवाउॅंदैन कहिल्यै पनि
  हन्डर ठक्कर खपेकोले ।
  ३,
  मिहिनेतीले गर्दछ काम
  सुखदुःख खप्छ जिन्दगीका
  परिश्रमबाट कमाउँछ दाम ।
• सीमा कार्की समर्पण, मेलचोक पर्सा
  …
  १,
  नववर्षसँगै हरियाली आयो
  फूलका बास्नाले वरिपरिका
  पुतली, मौरी रमायो ।
  २,
  उल्लाससँगै शान्ति आयो
  नारीको सम्मान चेतनाले
  नयाँ ज्योति जगायो ।
  ३,
  लहलह चारैतिर झुल्यो
  डाडैमा है गुराँस
  वनको रूपै खुल्यो ।
• शशीश्री आचार्य
  …
  १,
  तिमी नयाँ वर्ष
  काम गर्ने मान्छे
  पुरानै चलनले हर्ष ।
  २,
  काम गर्नेछन् कालु
  जन्तु कहिल्यै नअघाउने
  पाल्नु पर्नेछ भालु ।
  ३,
  बसाउन सकेनन् थिति
  वर्षौं बितेर गयो
  पुगेन कहिल्यै मिति ।
• रामप्रसाद पुरी, बादेल, खोटाङ
  …
  १,
  तिम्रो सहरमा धाउॅंला
  गाउॅं सुनसान भएछ
  चाहेको खुसी ल्याउॅंला।
  २,
  कानुन सानालाई भएछन्
  मान्नु पर्ने सबैले
  शक्तिमा मनपरी गरेछन् ।
  ३,
  गाउॅंमा सिट गन्छौ
  सहरमा मान्छे कोचेर
  फरक यसैमा भन्छौ ।
• केन्टरमेश क्षेत्रीय, रोल्पा

::::::::जय झिल्का साहित्य ! ::::::::::

साप्ताहिक झिल्का लेखन अभ्यासको १२ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६९ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर समेत हुनुहुँदैन ।

साप्ताहिक झिल्का लेखन अभ्यास शृङ्खला- १२ मा सहभागी झिल्काकारहरूका सुन्दर झिल्काहरू-

…
१,
तमासको हेमन्तको धर्ष
सङ्घर्ष गर्छ पालुवाले
कर्मपछि फुल्दछ हर्ष ।
२,
नयाँ वर्षको समीर
सौन्दर्यको पोको फुकाउॅंछ
फैलाउॅंछ दृश्यको मदिर ।
३,
यामले गुराँस फुलाउॅंछ
सुन्दर सागरदेखि सगरसम्म
अपेक्षित मन भुलाउॅंछ ।

• म्यामराज राई, भोजपुर
  …
  १,
  रहेन तिम्रो आस
  धोकेबाज रहेछौ तिमी
  पर्दिनँ तिम्रो पास !
  २,
  बन्दिनँ तिमीदेखि टाढा
  उसैगरी रहन्छु जसरी
  फूलको साथमा काँडा !
  ३,
  सकिन्न मनको व्यथा
  कापीमा कोरेको भए
  बन्दथ्यो सायद कथा !
• वसन्त अनुभव, घोराही उपमहानगरपालिका १४, दाङ
  …
  १,
  तरङ्ग बने यादहरू
  तड्पिएँ म हरपल
  उर्लिए अश्रु भेलहरू ।
• ताराप्रसाद चापागाईँ, धुनिबेसी
  …
  १,
  एकासी सालको वर्ष
  ल्याउँछ कर्म गरेपछि
  नवीन सालले हर्ष ।
  २,
  बिनाकारण कहिल्यै नभुल
  मेहनतले कर्म गरेपछि
  अवश्य फुल्दछ फूल ।
  ३,
  फूल राम्रो फुलाऔॅं
  बिरुवाको संरक्षण गरेर
  सुगन्धित बास्ना झुलाऔॅं ।
• बेदु न्यौपाने
  …
  १,
  तिम्रो यादहरूले सताउँदा
  विगतका कथाहरू बोकेर
  रोइरहन्छु सम्झना आउँदा ।
  २,
  सात समुद्र तरेर
  छाडेर गयौ निष्ठुरी
  फर्क माया गरेर ।
  ३,
  बाध्यता मिसिएको रहर
  भुलेर गाउँका यादहरू
  पुगियो बिरानो सहर ।
• गुणनिधि घिमिरे, अमेरिका
  …
  १.
  सरकारले उद्घोष गरोस्
  नयाँ वर्षको आगमनले
  युवा विदेशिन नपरोस् ।
  २.
  सबैलाई पारेर दङ्ग
  ल्याओस् नयाँ वर्षले
  नेपालीहरूमा हर्ष उमङ्ग ।
  ३.
  देश सुध्रन्छ पुकारौँ
  यो नयाँ सालसँगै
  समृद्धिको ढोका उघारौँ ।
• लिजा पुन मगर, म्याग्दी
  …
  १,
  मात्र खोज्छन् मान्यजनहरू
  एउटा हातले ताली
  उडाउँदै धुलोका कणहरू ।
  २,
  कञ्जुस्याइॅं गर्छन् मायामा
  सानो चित्त हुनेले
  ठिक्क पार्छन् छायामा ।
  ३,
  सहनु धेरै गाह्रो
  पीडाले सिमाना नाघेपछि
  जिब्रो कति साह्रो ।
• राजेश्वरी राजोपाध्याय, ललितपुर
  …
  १.
  यादहरू छन् अति
  त्यसमै भुलेर नचल्ने
  फर्कॅंदा होला क्षति ।
  २.
  नयाँ वर्षको लहर
  खुसियालीले ल्याओस् सधैँ
  सम्पूर्ण मेटियोस् कहर ।
  ३,
  बाध्यताभित्रको यो खुसी
  सबै चिज भुलिॅंदा
  भरियोस् अझै झुसी।
• अर्जुन प्रसाद चौलागाई, रामेछापः-सुनापति-१, हालः-अमेरिका, बोस्टन
  …
  १,
  मन तृप्त हुन्छ
  नयाँ जोस जाँगरले
  प्रगतिको पाइला छुन्छ ।
  २,
  विकासका लहर आउला
  नयाँ वर्षसँगै नेपालीको
  मुहारमा खुसी छाउला ।
  ३,
  देश उध्रेको बेला
  सिउने धागोको होइन
  कैँचीको छ भेला ।
• शशीश्री आचार्य, बौद्ध कुमारीगाल काठमाडौं
  …
  १,
  राम्रो सुन्दर देखेर
  नेपाल देश हाम्रो
  लिँदैछन् झन् चोरेर ।
  २,
  सपना देखेको थिएँ
  यो मुटु निकालेर
  अरूलाई दान दिएँ।
• सनत रोकाय बिवश, कुशे गा.पा८ जाजरकोट
  …
  १,
  सपनाको भयो खरानी
  उर्लिने डर जनसागर
  आँखाभरि भयो पानी।
  २,
  सुकेर खोला बगर
  रित्तियो देश सारा
  परेन नेतालाई असर।
  ३,
  लुटेरा पसे देशमा
  कङ्गाल भयो देश
  भित्रिए साधुको भेषमा।
• सुरेशकुमार पाण्डे, दाङ घोराही १८
  …
  १,
  उत्सव मनाउने संस्कृति
  हाँसी खुसी मिलेर
  हुन्छ कालजयी स्मृति ।
  २,
  छिचोल्दै जाँदा बगर
  आनन्द हुन्छ मनमा
  भावनाको हुन्छ सगर।
  ३,
  नयाँ वर्ष आयो
  मनले अचेल बेस्सरी
  खुसीको गीत गायो ।
• पृथक प्रकृति ,झापा
  …
  १,
  नयाँ वर्ष आउँदैछ
  वसन्त ऋतुले होला
  मनमा खुसी छाउँदैछ।
  २,
  पीरको भारी बिसाई
  सफल रहोस् जीवन
  हाँसो खुसी मिसाई।
• तेजप्रसाद खनाल लमही दाङ।
  …
  १,
  कस्तो चैतको हुरी
  उडाई लगेछ छानो
  फुरीको चुहिएछ धुरी ।
  २,
  कस्तो बर्सेको असिना
  अलपत्र पारेर चारैतिर
  छुटायो गरिबको पसिना ।
  ३,
  एकासी आउने नववर्ष
  सबैमा मङ्गलमय कामना
  रहोस् हर्ष उत्कर्ष ।
• मोती सुब्बा, दार्जिलिङ निमकी डाँडा
  …
  १,
  लालीगुराँस फुल्यो पाखैभरि
  माथि सैलुङ डाँडामा
  नेपाल आमाको काखैभरि ।
  २,
  यतिबेला मनमोहक देखिन्छ
  आगन्तुक कोइलीको कुहुकुहु
  वसन्तको महिमा लेखिन्छ ।
  ३,
  भव्य नववर्ष आयो
  कठिनसॅंग गयो विगत
  सुख, शान्ति छायो ।
• चुडामणी देवकोटा, चनपा – १३, काठमाडौँ
  …
  १,
  रुखमा पालुवा पलायो
  गीत गाउॅंदै चरीले
  हाँगामा गुँड बनायो।
  २,
  चैते हुरी चल्दैछ
  खडेरी लागेको बनमा
  हुरुरु डढेलो जल्दैछ।
  ३,
  न्याउली रुन्छ वनमा
  प्रदेशीको सम्झना झलझली
  विरह जाग्यो मनमा।
• बिके मुखिया, दार्जिलिङ, भारत
  …
  १,
  फैलिएर शान्ति सद्भावना
  समृद्धिका पालुवा पलाओस्
  नयाँ सालको शुभकामना !
  २,
  होस् सबको प्रवृद्धि
  वसन्तको पावन अवसरमा
  सुख, शान्ति, समृद्धि ।
• कृष्णकुमार वैद्य, बनेपा ९, काभ्रे
  …
  १,
  छायो हर्षको लहर
  नयाँ वर्षको आगमनमा
  लिएर आस्थाको रहर ।
  २,
  पुरानो वैभावहरू पखालौँ
  स्वच्छता मनमा राखेर
  नयाँ वर्षलाई सॅंगालौँ ।
  ३,
  मिठा सन्देशहरू पस्केर
  मित्रतालाई राखौँ यथावत्
  नजाओस् सम्बन्धहरू धस्केर ।
• दिल ठकुरी (दार्जिलिङ )
  …
  १,
  राम्रो गरेर कर्म
  कमाएर नाम सारा
  सबैलाई गरी धर्म !
  २,
  भिरमा गुराँस फुलेको
  अनुपम वासन्ती वायु
  हेरेर मन भुलेको !
  ३,
  बनेको आँखाको नानी
  मनको तृष्णा पूरा
  कञ्चन मूलको पानी !
• आर्त अकुलीन
  …
  १,
  दगुरिरहेछ त्यो पल
  जीवनसँग प्रतिस्पर्धा गर्दै
  जित्नुलाई गरेर छल।
  २,
  थाप्लोमा दाम्लो अडियो
  सहयात्री भएदेखि गरिबी
  दुःखहरूसँग खुब लडियो ।
• बि.कुलुङ, दार्जिलिङ, रंगबुल
  …
  १,
  आयो नयाँ वर्ष
  द्वेष फालेर आऊ
  घोलौँ उमङ्गको हर्ष ।
  २,
  पलाए वसन्तका मुना
  हाँसेको बेला प्रकृति
  फालौँ आलस्यका तुना !
  ३,
  जहाँ सद्भाव जुट्दछ
  बस्छ स्वार्थ रोई
  प्रेमको मूल फुट्दछ ।
• ऋजु दिल्पाली, इटहरी १ सुनसरी
  …
  १,
  आशाको किरण छैन
  जताततै दु:ख छरिए
  आँसुको भेल हैन ।
• अम्बिका अधिकरी, झापा बिर्तामोड
  …
  १,
  जनतालाई रुने गराए
  देशको पैसाकै लोभमा
  भ्रष्टले खल्ती भराए ।
  २,
  अति रहेछन् लिप्त
  पैसाका लागि मरिहत्ते
  जनता पारे विक्षिप्त ।
• प्रेम थापा “मन”, बागलुङ
  …
  १,
  आफैँलाई भयो भार
  आफ्नै जीवन आजभोलि
  मर्यो बाँच्ने आधार।
  २,
  गयो विश्वासलाई लुटेर
  अचेल पीडामा बाँच्दैछु
  अभागीको भाग्य फुटेर।
  ३,
  छोड्दिन भन्थी साथ
  तोडेर वाचा कसमहरू
  उसैले गरी विश्वासघात।
• नवशिला, नवदेव मार्ग, लालभित्ती, बेलबारी, मोरङ।
  …
  १,
  आउँदैछ नयाँ वर्ष
  बोकेर उमङ्ग नौलो
  जगाउनु मनमा हर्ष।
  २,
  जीवनमा आओस् हर्ष
  नयाँ दिन खुसियालीको
  बनोस् नयाँ वर्ष ।
• राज कुमार राजभण्डारी खोटाङ्गे, मध्यपुर ठिमी ५ संगम कोलोनी राधे राधे भक्तपुर ।
  …
  १,
  दिलमा यस्तै हुन्छ
  आफ्नो सम्झेर सबैलाई
  मेरो मनले छुन्छ।
  २,
  भुल भयो कसरी
  प्रेम भनेर हुन्न
  नजानी गर्यो जसरी ‌।
• नीमा छिरिङ भोटिया, जलढका कालेबुङ, भारत
  …
  १,
  मुटुको वेदना पोखूँ
  जिन्दगी फेरि नमिल्ला
  मर्म कहाँ रोपूँ ?
• शरद ओझा “मेदिनीराज”, द.न.पा-४, बमरोडा
  …
  १,
  उमङ्गहरू नौला आउॅंछन्
  भएर उद्देश्य धेरै
  सङ्कल्पले तिमीलाई मनाउॅंछन् ।
  २,
  शुभकामनाले भित्ता भरिन्छन्
  गल्तीबाट पाठ सिक्दै
  नयाँ योजनाहरू बुनिन्छन् ।
  ३,
  सुस्वास्थ्य दिर्घायुको कामना
  सबै झिल्का परिवारलाई
  नयाँ वर्षको शुभकामना ।
• केन्टरमेश थापा, रोल्पा
  …
  १,
  लेखेर मसी सुक्यो
  संविधानमा समान अधिकार
  तर कहाँनेर लुक्यो ।
  २,
  वसन्त हावा सिरिरी
  बिहानी सुन्दर छ
  बज्यो मुरली तिरिरी ।
  ३,
  चिप्लो रातो माटो
  हेरेर हिॅंड्नु साथी
  अप्ठ्यारो छ बाटो ।
• रबि पौडेल ,दक्षिण भारत पाण्डेचरि
  …
  १,
  मिठो बोली बोलेर
  नयाँ वर्ष मनाऔँ
  सबैले दिल खोलेर।
  २,
  आउँदैछ नयाँ वर्ष
  छायो नेपालीको ओठमा
  हाँसो खुसी हर्ष।
  ३,
  नपर्नु अर्काको भर
  फसाउन सक्छन् अरूले
  अफ्नो काम गर।
• अनिता भण्डारी, ताप्लेजुङ
  …
  १,
  राता गुराँस लाख
  कोकिल मृदु गाना
  आऊ प्रियसी काख ।
  २,
  पालुवा पलाए धेर
  बैँसालु तरुणीको गाना
  मुग्ध भएँ सुनेर ।
  ३,
  बटुवा निदाएको भेटिन्छ
  छहारी सितल प्यारो
  पानीको प्यास मेटिन्छ ।
• हिरालाल न्यौपाने, बानपा ८ कोटमौला, सल्यान
  …
  १,
  पल्टाउॅंदै जिन्दगीका पाना,
  नववर्ष पनि आयो,
  थन्क्याएर यादका खजाना।
  २,
  रुँदै जान्छ रात
  हाँस्दै आउँछन् दिनहरू
  खसाएर रुखको पात।
• होम प्र.नेउपाने, धरान,सुनसरी
  …
  १,
  पर्दछ भुल सम्झिनु
  समयसँग हरपल सधैँ
  अथक हामी लम्किनु ।
  २,
  नववर्षको मङ्गल शुभकामना
  नित्य कर्ममा लागौँ
  पूर्ण हुनेछन् चाहना ।
  ३,
  कर्मठ तम्सिनु पर्दछ
  दुष्कर्मी जगतमा सधैँ
  अर्काकै आर्जन चर्दछ ।
• कार्की डिबी माकुम, सुनवल-४, नवलपरासी
  …
  १,
  सङ्घर्षमा बितेछ जवानी
  पछुतो मानेर भएन
  जीवन भएछ खरानी ।
  २,
  अश्रुपूरित भिजेका नयन
  आगत सम्झेर कहालिँदै
  बिझाउॅंछ अनायासै शयन ।
• प्रकाश के.सी., लोकन्थली, भक्तपुर
  …
  १,
  मान्छेले मान्छे भुलेछ
  धर्मखेतीको भ्रम फिँजाउँदा
  भगवान् बहिरो बनेछ ।
  २,
  कति कराउँछस् मानव
  पाप कमाइस् तैँले
  अचेल बनिछस् दानव ।
  ३,
  पैसाले धर्म किनियो
  झोला भरिएपछि भने
  त्यही पापलाई तिरियो ।
• नन्दलाल आचार्य, सिद्धार्थट‍ोल, उदयपुर, हाल- एनेलकुटी, सिरहा
  …
  १,
  बग्यो अश्रु भेल
  खाएर कसम झुटा
  गर्यौ मायामा झेल ।
• मन्दिरा सेढाई ,मलेखु,धादिङ
  …
  १,
  नेपालीको नयाँ वर्ष
  मनाऔॅं मिलेर हामी
  राखेर मनमा हर्ष ।
  २,
  विकास गरौँ भाषाको
  मलजलमा अध्ययन गरी
  नेपालीको बलियो आशाको ।
  ३.
  हामी बसौँ जहाँ
  मुटुमा नेपाल छ
  बिर्सन्छौँ राष्ट्र कहाँ ?
• रामप्रसाद पुरी, बादेल, खोटाङ
  …
  १,
  जहिले म सताउने
  आमा अनौठो नाता
  पिट्ने मायाले फकाउने।
  २,
  तिम्रो यादमा रुँदै
  लागे प्रदेशको बाटो
  पवित्र माटो छुँदै।
  ३,
  बिन्ती आकाशमा नहेर
  अवश्य कमाएर आउनेछु
  बाकसमा आउन्नँ मरेर ।
• संगीता खरेल, चन्द्रागिरी – ८ काठमाडौं
  …
  १,
  बाटोमा साथीको पर्खाई
  समय हेर्दछु गन्तव्यमा
  सबैले नयन तर्काई ।
  २,
  सहरमा बाटोको अस्तव्यस्त
  प्रवाह नगरी कति
  फोहर फाल्ने खुलस्त ।
  ३,
  एसियाली बाटो सुरुआत
  वरपीपल रहेन कतैपनि
  रुख काटेर खातैखात ।
• भगवती दवाडी ,झापा
  …
  १,
  आउँदैछ लाउँदै मीत
  आकाश पाताल देखाउँदै
  आश्वासनको मिठो गीत ।
  २,
  चुनावी झण्डाको बजार
  साधु बिरालाको भेषमा
  दुईमुखे प्रतिनिधि हजार ।
  ३,
  मारोगोली माटोको मुद्दा
  जातिलाई खाल्डोमा हाल्न
  आउँदैछ छिचिमिराको हुद्दा ।
• राजेन्द्र प्रधान ‘पासा’, दार्जिलिङ
  …
  १,
  मिठो ब‍ोलीले छुनुपर्छ
  आफ्ना हुन पराया
  व्यवहार निष्पक्ष हुनुपर्छ ।
• धनमाया चौधरी, कैलाली
  …
  १ ,
  चोइटिएको अभिलाषा बोकेर
  सर्वदा प्रतीक्षामा उभिएँ
  तिम्रै कोसेलीले मातेर ।
  २ ,
  गरौँ विपद्को सामना
  पुगोस् सबैको स्वेच्छा
  नयाँ वर्षको शुभकामना ।
• हरिगोपाल प्रधान, काभ्रे, बनेपा १४ साँगाबजार
  …
  १,
  खुसी बोकेर आयो
  नयाँ वर्ष उल्लासमय
  उज्यालोको गीत गायो ।
  २,
  रमाऔॅं यो क्षणमा
  नवीन ज्ञान वृद्धि
  भएको एकै दिनमा ।
  ३,
  नवीन रङ्ग बोकेर
  सव नेपालीको मनमनमा
  जगाई सद्बुद्धिले सोचेर ।
• मनुहाङ किराँती, सोलु
  …
  १,
  उत्साह लिएर आऊ
  हे नयाँ वर्ष
  सन्देश दिएर जाऊ ।
  २,
  सधैँ हाम्रो कामना
  फुलोस् फलोस् जीवन
  मौलाओस् आत्मीय सुभावना ।
  ३,
  यादगार रहोस् वर्ष
  चुमोस् शान्ति समृद्धि
  बर्साओस् चरम हर्ष ।
• त्रिलोचन भण्डारी, मेचीनगर, झापा
  …
  १,
  अब केही गरौँ
  खाली बसेर हुन्न
  खुसीको बिउँ छरौँ।
  २,
  बाँचेर के गर्नु
  स्वार्थी यो दुँनियामा
  कसको नजिक सर्नु ?
  ३,
  आकाशका जुनतारा गनेर
  आफूहरू बाँच्न नखोज
  अरूलाई यस्तोउस्तो भनेर ।
• गोविन्दराज तिमिल्सेना
  …
  १,
  स्वस्थ रहोस् भावना
  वसन्तको यो अनुगमनसँग ,
  नयाँ वर्षको शुभकामना ।
  २,
  मनमा खुसीको हर्ष
  हर्ष उमङ्गमा छदै ,
  आओस् नयाँ वर्ष ।
  ३,
  फेरियो महिना साल
  गरिब जेहेन्दारको जिन्दगी
  बजार भाउले बेहाल ।
• श्रीकृष्ण धामी, बझाङ
  …
  १,
  राप निभाउॅंछ पानीले
  भन्दै सल्काइयो आगो,
  खरानी उडाउने बानीले ।
  २,
  कहिल्यै नपरोस् दुख
  यही कामना थियो,
  चाहेर उदाएन सुख।
  ३,
  चोटमा खुसी हुन,
  सिकाउने महान् गुरु,
  खुसीले आँसु धुन ।
• मनोहरी पौडेल, गैडाकोट १
  …
  १,
  वसन्त ऋतु आयो
  नविनताको साथमा दिलले
  हर्ष, खुसी पायो ।
  २,
  विगतको दुख नहोस्
  यो वर्षमा पनि
  सम्झेर रुन नपरोस् ।
  ३,
  रहोस् स्वच्छ भावना
  अशान्ति हटेर जाओस्
  नयाँ वर्षको शुभकामना ।
• भावना थापा ‘मुस्कान’
  …
  १,
  आउँछन्, जान्छन् वर्षहरू
  किन कता भागे ?
  मेरा यी हर्षहरू ।
• दीपा समभाव, खोटाङ्ग
  …
  १,
  वासन्ती छटा देख्दाखेरि
  विक्षिप्त यो मनले
  जिजीविषा जगायो फेरि l
  २,
  आसन्न नयाँ वर्षले
  दिएको खुसी पाएर
  झुमून् सम्पूर्ण हर्षले l
  ३,
  नयाँ वर्षको उपहार
  ग्रहण गरी भ्रष्टले
  सुधारोस् दुष्ट व्यवहार l
• बाबुराम गौतम, गुल्मी
  …
  १,
  उमङ्ग बोकेर ल्यायो
  खुसी मानेर रमाऔॅं
  नयाँ वर्ष आयो ।
  २,
  सबैको मनमा लहरी
  बास गरे राम्रो
  यो नयाँ सालभरि ।
  ३,
  सालको पहिलो दिन
  जीवन छ अप्ठ्यारोमा
  आऊ, काल लिन ।
• ललिता गिरी सिन्धुली, हाल काठमाडौँ
  …
  १,
  फूलजस्तै अब फुलोस्
  नयाँ वर्षसँगै सबैको
  जीवन सुन्दर बनोस् ।
  २,
  जीवनमा नपरोस हार्न
  सबैसँग मित्रता गासौँ
  नपरोस् आँसु झार्न।
  ३,
  असल सोचौँ भावना
  शान्ति समृद्धिसँगै सबैलाई,
  नयाँ वर्षको शुभकामना ।
• मन्जु बोहरा, बझाङ
  …
  १,
  वर्षको गतिविधि हेरियो
  एक साल बितेछ
  अर्को साल फेरियो ।
  २,
  रमाऊ उमङ्ग हर्षमा
  खुसीको चाह राख्नु
  अब नयाँ वर्षमा ।
  ३,
  नेपाल हाम्रो देशमा
  हामी हिॅंड्नु पर्ने
  सधैँ गरिबीको भेषमा।
• लक्ष्मण देउवा डोटी, हाल भारत
  …
  १,
  रचना रचेर रचिन्छ
  बिग्रन्छ लेख्दामा पहिले
  बिस्तारै अवश्य सुध्रिन्छ ।
  २,
  सिर्जना लेख्छु यहाँ
  होलान् गल्ती हजार
  भन्नु बिग्रेको जहाँ ।
• कृष्ण उपाध्याय
  …
  १,
  सधैँ शीरमा नाम्लो
  गरिबी हटाउन सकिएन
  जोड्न सकिएन काम्लो ।
  २,
  पेटभरि छैन खाना
  गरिबीको सिमा छैन
  छैन तनमा नाना ।
• देव कृष्ण काफ्ले, पोखरा १, कास्की
  …
  १,
  सबैको पुगोस् चाहना
  मनैमा उमङ्ग छाओस्
  नववर्षको छ शुभकामना ।
  २,
  सम्झे विगतको कुरा
  हुँदैन केही सम्झेर
  भए सपना अधुरा ।
  ३,
  सम्झनाले सतायो अति
  मनलाई भुलाउन खोज्छु
  हुन्छ केही क्षति ।
• सहयात्री शोभा अर्याल, रुपन्देही
  …
  १,
  साहित्यमा रङ्ग छर्न
  झिल्का कविता उदायो
  हरेकको मन भर्न ।
  २,
  कोही आउॅंछ जीवनमा
  जीवनको रङ्ग भर्न
  खुसियाली छाउॅंछ मनमा ।
• बुद्धिमान दनुवार ( सुरुङ्गेली कान्छो ), कनकाइ – ४, झापा
  …
  १,
  आयो नयाँ वर्ष
  बोकेर लहर खुसीका
  छाओस् सबैमा हर्ष ।
• सुस्मिता अधिकारी, काठमाडौँ
  …
  १,
  हिॅंडेका कमाउन परदेश
  पैसा ल्याउँछु भन्दाभन्दै
  होओस् बिरानो घरदेश
  २,
  जिन्दगी सम्झॅंदा लामो
  कटाउनु कसरी खै ?
  आजकल निदाउन गाह्रो ।
  ३,
  सम्झना सधैँ बच्चाको
  गिन्ती ऋणकै रातदिन
  परदेशी जीवन कच्चाको ।
• फूलमाया कुलुङ, सोलुखुम्बु
  …
  १,
  बारम्बार भोट खेर,
  दोहोरिन्न गलत व्यक्तिमा
  अब गल्ति भएर ।
  २,
  नेताको भरमा देश
  छैन न्यायको सीमा,
  छिमेकीको साँधमा परिवेश ।
• भोलामान बर्देवा, धरान – ८ सुनसरी
  …
  १,
  देशमा परिवर्तन आओस्
  नेपाली जनताले अब
  शान्तिले बाँच्न पाओस् ।
  २,
  काँधमा काँध मिलाऊ
  भ्रष्ट नेता जतिलाई
  एकएक गरी जिलाऊ।
• कला ढकाल, झापा
  …
  १,
  नपरोस् पीडाको सामना
  नयाँ वर्ष आएपछि
  गर्दैछन् सबैले कामना ।
• सन्तु खत्री
  …
  १,
  तिम्रो साथै रमाएर
  अग्नीको फेरो लिई,
  आएँ हात समाएर ।
  २,
  प्यारा दुख्छ मन
  अरूसॅंग तिमी बोल्दा,
  हुन्छ मलाई जलन ।
  ३,
  राख्नु मनमा मलाई
  नदिनु ध्यान अन्त,
  हुन्छ हाम्रो भलाई ।
• सीमा कार्की समर्पण, मेलचोक पर्सा
  …
  १,
  बोकी उमङ्ग हर्ष
  छायो जताततै यहाँ
  आयो नयाँ वर्ष ।
  २,
  सबै गर्छु सामना
  वसन्तको यो बहारसँगै
  नयाँ बर्षको शुभकामना।
• उर्मिला के.शी., धनकुटा
  …
  १,
  वसन्तको यो हर्ष
  पालुवा छन् नौला
  आउँदैछ नयाँ वर्ष ।
  २,
  चाल्दै नयाँ चाल
  आउँदैछ नवीन दिन
  बिर्सॅंदै पुरानो साल।
  ३,
  चमक छाओस् तनमा
  बिर्सँदै पुरानो वर्ष
  शुभकामना जन जनमा।
• तोया नाथ चापागाईं, दमक,झापा,नेपाल
  …
  १,
  मन निरसिलो हुन्छ
  विरह वेदना पोख्दै
  कोइली वनमा रुन्छ।
  २,
  आएछ नयाँ वर्ष
  फेरियो नयाँ भित्तेपात्रो
  तर छैन हर्ष।
  ३,
  फूलहरू ढकमक्क फुल्छ
  वसन्त ऋतुमा यहाँ
  त्यही मौरी झुल्छ।
• अरुण कुमार भुजेल, गोरु बथान,कालिम्पोङ,भारत।
  …
  १,
  पालुवाको पालो आयो
  खुसियाली वनमा छर्दै
  चरीले गीत गायो।
  २,
  खुसीको चरम उत्कर्ष
  कोइलीको स्वरसँगै घुम्दै
  आयो नयाँ वर्ष ।
• प्रमिला प्याकुरेल, बिराटनगर -५
  …
  १,
  हेर वसन्त आयो
  न्यानो स्पर्श लिई,
  अगाध माया लायो।
  २,
  लहरायो बैँसको फूल
  लाग्छ चुमूँझैँ मलाई
  होला कि भुल !
  ३,
  हेरेरै नाच्छ मन
  प्रकृतिको उपहार कस्तो,
  सुन्दरतामा छ आफ्नोपन ।
• पुष्पा राई, बादेल, खोटाङ ।
  …
  १,
  सबैमा छाओस् हर्ष
  लिएर पोको खुसीको
  आओस् नयाँ वर्ष।
  २,
  जनता अब जागून्
  लाएर ठाडो पुच्छर
  भ्रष्टाचारी सबै भागून् ।
  ३,
  ठाउँबाट हात झिकेपछि
  सास्ती पाउँछन् जनताले
  न्याय पैसामा बिकेपछि ।
• शान्ता पौडेल भट्टराई, टङ्कीसिनवारी, मोरङ
  …
  १,
  खुसीको खबर लिएर
  नयाँ वर्ष मनाऔँ
  सबैलाई शुभकामना दिएर ।
• गोकर्ण दयाल

::::::::जय झिल्का साहित्य ! ::::::::::