उदक साहित्य समाज नेपालको साप्ताहिक उदक वाचन कार्यक्रमको नवौँ शृङ्खला सम्पन्न भएको छ ।
सो उदक वाचन कार्यक्रमको प्रमुख अतिथि राष्ट्रिय बाछिटा प्रतिष्ठानका अध्यक्ष साहित्यकार खगेन्द्रप्रसाद बस्यालले उदक साहित्य समाज नेपालले जिम्मेवारीपूर्ण तवरले कार्यक्रम सञ्चालन गर्दै आइरहेको बताउँदै छोटो समयमा पनि उदकले आफ्नो गति लिएकोले यसले व्यापकता पाओस् भनी शुभकामना व्यक्त गर्नुभएको थियो ।
उक्त कार्यक्रममा प्रमुख अतिथि बस्यालले वाचन गरिएका उदकहरूमा नेपालीपन, भावको गाम्भीयर्ता, माटोको आवाज र व्यङ्ग्यात्मक अभिव्यक्ति प्रकट भएको धारणा राख्नुभएको थियो ।
साप्ताहिक उदक वाचन कार्यक्रमको सो शृङ्खलामा लक्ष्मी बस्याल, लक्ष्मीप्रसाद मिश्र, सोम लुइटेल, प्रेम थापा, उर्मिला पन्त, वसन्त अनुभव, श्रद्धा आचार्य, अवोध निर्मल, सुरेशचन्द्र घिमिरे, जमुना कायस्थ, रोशन पराजुली, निर्मला सुवेदी, राजेश भट्टराई, बादल वियोगी गुरूङ, सुशिला पोखरेल, देवेन्द्र शाक्य, धर्मी शाक्य लगायतका उदक यात्रीहरूले आ-आफ्ना उत्कृष्ट उदकहरू वाचन गर्नुभएको थियो ।
उदक काव्यिक विधाका प्रवर्तक तथा उदक साहित्य समाज नेपालका अध्यक्ष आर्त अकुलीनले उदकको सैद्धान्तिक अवधारणाको बारेमा जानकारी गराउँदै उदकमा पहिलो पङ्क्तिमा रहेको एक शब्दले परिचय, दोस्रो पङ्क्तिमा रहेका दुई शब्दले व्याख्या र तेस्रो पङ्क्तिमा रहेका तीन शब्दले निष्कर्ष दिनुको साथै उदक काव्यिक विधाको लघुतम रूप भएकोले काव्यिक भावमा जोड दिन अनुरोध गर्नुभएको थियो ।
उदक साहित्य समाज नेपालका उपाध्यक्ष साहित्यकार सविता केसीको सभापतित्वमा सम्पन्न उक्त कार्यक्रमको सञ्चालन उदक साहित्य समाज नेपालको महासचिव हिमाल अम्मैले गर्नुभएको थियो ।
काठमाडौ, ३ पौष । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको १३औं शृङ्खला शनिबार सम्पन्न भएको छ । अभ्यासमा ५५ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखन अभ्यासको १३औं शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
मरिगए छोड्दिनँ हजुर, हातको राजपाट, छोडुला त्यतिबेला जब, म पुग्नेछु आर्यघाट । ✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
१// पाएको छु तालाचाबी , गरेको छु राजपाट , सजिलै कहाँ छोडिन्छ , जानुपर्छ आर्यघाट । ✍️ बुद्धिमान चौधरी
कनकाई नगरपालिका ४ झापा
२// काम गर्ने कालु मकै खाने भालु रे अब किन गोड्नुु, हातमा आएको लड्डु पेडा नखाई के को त्यसै छोड्नु । ✍️ पुर्ण बहादुर श्रेष्ठ “हृदयङकृत”
पनौती-३,काभ्रे
३// जान्ने सुन्ने ठुलाे मै हुँ अनुभवी पनि, राजकाज सबै मेरै बस्छु राजा बनी । ✍️ ताराप्रसाद चापागाईं
धुनिबेसी ।
४// अगाडिको भाग पाउँदा छोडि भाग्ने को पो छर, आए आँप आउँछ गए झटारो हो के को डर । ✍️
गुणनिधि घिमिरे #पाँचथर
५// सत्ता र शक्तिबिना मचाहिँ सक्दिनँ सास फेर्न, पद र पैसाबिना बाँच्दिनँ ओओस् मृत्युले घेर्न! ✍️ भूषण जंग
अस्ट्रेलिया
६// मृत्यु नै भागमा परोस् छोड्ने छैन राजकाज, मरेपछि दुईदिन हुन्छ मोज गर्छु आज । ✍️ डम्बर थामी ‘अनुपम’
कालिन्चोक गाउँपालिका-६, दोलखा
७// हनुमान भइन्जेल छोडिन्न कुकुरले बरु हड्डी छोड्ला, पुस्तौं पुग्ने मैले जोड्दा केवल एउटा घर अरुले जोड्ला। ✍️
म्यामराज राई,भोजपुर
८// सत्ता र कुर्सी छोड्दिन मैले कसको के चल्दछ, छोडुला तब जुन दिन मेरो शरीर ढल्दछ । ✍️ विबश पारदर्शी
भद्रपुर न०पा० २ झापा
९// नेताको कुर्चिमा मलाई बिराजमान बनाए, जनता सकभर छाड्दैन तिमि शोक मनाए। ✍️
सुरेशकुमार पान्डे।दाङ घोराही१८
१०// भेडै हुन् यि जनता मेरा राख्नुपर्छ मुठ्ठीमा कजाइ, किन छोड्नु बल्ल भेटे बाघको छाला स्यालको रजाई। ✍️
शान्ता निरौला कन्याटार , पाँचथर
११// सत्ताकै लागि सत्रहजार सिध्याएँ मौका कसैलाई दिन्न, सफलतामा एकछिन उफ्रे पनि भरे तयार छुँ किन्न। ✍️ शर्मिला श्रेष्ठ
भैंसेपाटी , ललितपुर
१२// बिदेशीकाे इशारामा नाच्ने तिमी डलर साटासाट, एमसिसीकाे झाेला थाम्यौँ भने तिमी पक्कै आर्यघाट । ✍️
निरज काेइराला बेलका १ उदयपुर हालः इटहरी
१३// आदत लागेको छ सत्तामा बसी हरामको कमाई खाने, छोडिंदैन कसैगरी हजुर यसलाई बरू सती जाने। ✍️
दीपक ठटाल, जलन,खरसाङ,दार्जीलिङ।
१४// मिठो बोल्नुस् राम्रो गर्नुस् बाँचुन्जेल, मर्दामा अन्त हुन्छ, सबैको खेल । ✍️ रत्ना पुन मगर
रुकुम पश्चिम्
१५// सत्ता पाए सधै अमर म हुन्छु छोड्ने आशै नगर जन, टॉसिएकै छु सत्तामा लिसो समान छोड्दछ कसले भन । ✍️ इन्दिरा देवकोटा
कपिलवस्तु
१६// मेरै मान्यता हुन्छ सबैभन्दा उँचो, बैरिहरु मात्र देख्छन् मलाई छुँचो। ✍️ होम प्रसाद नेउपाने
धरान,सुनसरी ।
१७// इमानदारीताले मेरो राजनिती चल्दै चल्दैन भने, घरखेत बेची पैसा खन्याइदिन्छु हार्न तयार बने। ✍️ अनिल खग्रास
फनपा ९, पर्वत
१८// हातको माछो छाडी दुलामा हात, भूल गरी मनाउन्न म विष्मात । ✍️
कमला देवकोटा, पाल्पा
१९// सत्ता तिम्रो राजपाट, पैसा तिमीलाई पात्रो, कति गर्छौ लोभलाभ, मर्दा पाउँनेछौ कात्रो । ✍️ राजेशराज गड्तौला
रतुवामाई- १०, मोरङ हाल- प्रवास
२०// जति राम्रो गर्न खोजे पनि त्यति नराम्रो, अरूले राम्रो गरे रिस मान्ने बानी हाम्रो । ✍️ (बिनु)बिनिता विश्वकर्मा
बुढीगंगा नगरपालिका ९ बाजुरा
२१// देश सखाप नपारी छोड्दै छोड्दिनँ, जनतासँग म हात जोड्दै जोड्दिनँ। ✍️ लक्ष्मी श्रेष्ठ
बिर्तामोड झापा
२२// नछोड राजपाट आफ्नै धोक्रो भर नमानीकन लाज, आर्यघाट जाँदा नाङ्गै जानु पर्दछ नबुझे हुन्छ आज। ✍️ अरुण कुमार भुजेल
गोरूबथान कालेबुङ्ग,भारत।
२३// कस्तो गजबको कुरा छ राजपाटको, जताजतै देखिरहेछु बात हाटको । ✍️
रचना शर्मा प्रतीक्षा, लपु ।
२४// मेरो मृत्यु किन नहोस् छोडेर जान्न, यहाँ त म झुठो वाचा कसम खान्न । ✍️ बिक्रम तिरुवा सलिन
तिला गाउँपालिका ३ कुडारी जुम्ला
२५// तिमीले हो बाचुन्जेल मलाई घात गरेको, अब केही समयपछि हेर्नेछौ म मरेको । ✍️ ललिता अभागी
सुनकोशी ५-सिन्धुली
२६// नबस गम्किएर हो यो राजनीतिको खेल, साथी दुई दिनको हो रहदैँन सँधै मेल । ✍️ अनुग्रह राना मगर ‘पुस्प’
संखुवासभा हाल मलेसिया
२७// देशका निम्ति मर्ने हो भने, ठिकै हो नमस्कार, समय बोल्छ गफले हुन्न, गरौंला बहिष्कार । ✍️
मित्र कुमार आचार्य,काठमाडौं ।
२८// साम,दाम,दण्ड,भेद राजनीतिकाे सूत्र , छाेड्न परे छाेडाैंला नि तयार भए पुत्र । ✍️ मित्र उराठी गाैतम
अमरपुर-गुल्मी हाल बुटवल
२९// बिर्ता नै रहेछ राजकाज, हालीमुहाली गर, देशको ढुकुटी आफ्नै पेवा, निर्धक्क मार तर । ✍️ वसन्त अनुभव
घोराही उपमहानगरपालिका १४, दाङ
३०// मै हुँ राम्रो मै हुँ असल हमेशा म नै भनि, कलियुगका आधार स्तम्भ यस्तै नै त बनि ? ✍️
गृष्मा पौड्याल
३१// नभत्कियोस् कुनै ईच्छा आकांक्षा, पुगोस् कामना, जीवनको अन्त्यसम्म सत्तामा बस्ने चाहना । ✍️
श्रेष्ठ “परिक्रमा”, धरान, सुनसरी
३२// सिद्धान्तको आधारमा चल्ने पछि परे, खेल्छ जस्ले जाली खेल सधैं मस्ती गरे । ✍️
सूर्य मणि रेग्मी
३३// ज्यानै दिन्छु बरु कुर्सी लिएर छोड्छु, गाडी मोटर बङ्गला अवश्यै जोड्छु। ✍️ अर्जुन उप्रेती (अप्रतिम)
असम भारत
३४// राल काढी ज्यूँनार गर्छु बिटा खेप्न पाए, कुर्षि दिन्छु मृत्युु पछि घाटमा भेट्न आए । ✍️ रामकृष्ण दुवाडी
पाेखरा ।
३५// तिम्रो दु:खले आर्ज्याको मुलुक भएपो बन्थ्यो देश, जाइ कटक गरिन्छ अब चाहिन्छ योग्य नरेश । ✍️
जिकुमार गौतम भद्रपुर-१(पृथ्विनगर) झापा
३६// लेखेर मात्र पनि भएन अब सखे राेधन , जुरूक्क उठेर त्याे घाँटी समाई गराै शाेधन । ✍️
प्रद्युम्न चालिसे
३७// हिरा मोती जीउ भरि सुखी छ यो माथ, रुँदारुँदै जुनी जाला छोडौँ भने साथ। ✍️
पौडेल विमुन्स 💕 पोखरा कास्की 💕
३८// नाराबाजी जति गर वैभवकै काम भर्छु, मरेपनी छोड्ने छैन अब आफ्नै सुर गर्छु । ✍️ बेदु न्यौपाने
काठमाडौ
३९// राजपाट सधै हो नसोच्नु आफ्नै बाउको बिर्ता, हुत्तिभए बेचिएको भुमी ल्याउनु पर्छ फिर्ता । ✍️ निर्मला शाही ठकुरी
दैलेख
४०// नि:स्वार्थ सेवा गरिरहेछौ देशमा खै को पसेछ चोर ? हानाथापमै मर्नेछौं हामी सत्यलाई हुल्नु पर्छ खोर । ✍️ रिजाल विनोद
बेलबारी ०२ मोरङ
४१// आफू खुसि हुन्न हेर मन लागि गर्न, जनताले जानेका छन् तिम्रो कर्म हर्न। ✍️ दुर्गा आचार्य
मोरङ
४२// राजनीतिमा आफू सधैँ सर्वेसर्वा पनि, जनतामा शासन गरेँ हकदार बनी। ✍️ सहयात्री शाेभा अर्याल
रुपन्देही बुटवल
४३// बुढो कहाँ भएको छु, दिनेछु सब सेवा, फेरियो मेरो बानी, हुँदैहुन्न सत्ता पेवा । ✍️
भगवती दवाडी
४४// आफ्नै हातमा डाडु पन्यू कुर्सी छाेड्दिनँ, नमरुन्जेल मेरै राज वाचा ताेड्दिनँ । ✍️ अम्बिका अधिकारी
काठमाडाैँ ।
४५// प्रजातान्त्रिक देशमा प्रजा नै हो राजा, सत्ताभोगी नेताको बजाऔं अब बाजा। ✍️ बिके मुखिया,
काठमाडौ, ०३ पौष। साप्ताहिक उदक लेखन अभ्यास शृङ्खलाको ३१ औं भाग शनिबार सम्पन्न भएको छ । उदक साहित्य समाज, नेपालले उक्त अभ्यास कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ४९ जना उदक स्रष्टाहरूको सहभागिता रहेको उदक लेखन अभ्यास शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा अभ्यास शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।
अभ्यास शृङ्खलाका लागि राखिएको तस्बिर
अभ्यास क्रममा सृजना गरिएकाउदकहरू
१// समय सिखाइठ पाठ जिन्गीक हर डगरामे ! ✍️ सागर कुस्मी, कैलाली ।
२// जीवन अवुझकाे भिडमा अपमानित सृष्टि कर्म! ✍️ राेशन पराजुली,धरान
३// छाउपडी प्रथा हटाउ चेलीको ज्यान बचाउ! ✍️ देवेन्द्रराज शाक्य बुटवल रुपन्देही लुम्बिनी प्रदेश
४// छाउमा जिन्दगी सधैं किन हो दाउमा ? ✍️ रमेश प्रभात , चितवन
५// कुसंस्कार छाउपडी प्रथा चेलीको जीवन संकटमा ! ✍️ वसन्त अनुभव घोराही उपमहानगरपालिका १४, दाङ
६// नारीलाई अत्याचार झन दुख्छ मुटु मन! ✍️ बिक्रम तिरुवा सलिन तिला गाउँपालिका ३ कुडारी,जुम्ला
७// छाउगोठ शिक्षाको कमी बस्दै धर्म मानी ! ✍️ अनुग्रह राना मगर ‘पुस्प’ संखुवासभा हाल मलेसिया
८// कानुन अबुझ नबनौ छाउपडी व्यवस्था हटाउन! ✍️ सरस्वती श्रेष्ठ इटहरी
९// गृहणी छाउगोठको त्रास अझै चेतनाको कमी! ✍️ चेतराज जैशि हाल UAE.
१०// अन्धविश्वास शिक्षाको अभावमा नारीको जीवन खतरामा! ✍️ सीता पाण्डेय मरासिनी रेसुङ्गा नगरपालिका -९,तम्घास ,गुल्मी ।
११// छाउगोठ रूढिवादी परम्परा अशिक्षा गरिबी कारक! ✍️ गोपालप्रसाद पाैड्याल विराटचोक, मोरङ
१२// संस्कृति हटाऊँ विकृति स्वीकार गरौं प्रकृति! ✍️ केशब न्यौपाने नुवाकोट
१३// महिनावारी प्राकृतिक प्रकृया चेतना जागरण आवश्यक ✍️ गुणनिधि घिमिरे, पाँचथर
१४// सामाजिक समस्या अथाह चेतना अभाबको नागरिक ! ✍️ सरस्वती वली बर्दिया नेपाल
२७// छाउमा धेरै नारीको ज्यान जान्छ गाउँमा ! ✍️ सुशीला पौडेल
२८// छाउपडी कुसंस्कारी चलन नारीको जीवन जाेखिममा! ✍️ राज कुमार राजभण्डारी खाेटाङ्गे भक्तपुर । २९// छाउपडी हटाउँ कुप्रथा नगरौं कसैमाथी घात! ✍️ धनमाया चौधरी कैलाली
३०// रुढीबादी परम्परामा रुमलिन बाध्य नारीको जीवन! ✍️ साबित्री अधिकारी
३१// छाउपडी गोठमा असह्य भयावह अवस्था रितिथिति! ✍️ जमुना कायस्थ
३२// छाउपडी अन्धविश्वासी जालो निर्मूल पार्ने पालो ! ✍️ मित्र कुमार आचार्य,काठमाडौं ।
३३// महिला छाउगोठमा नबसौं अन्धविश्वासमा कोही नफसौं ! ✍️ मंगला उपाध्याय कलैया उ म न पा १
काठमाडौ, २६ मंसिर । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको १२औं शृङ्खला शनिबार सम्पन्न भएको छ । अभ्यासमा ५९ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालनमा ल्याइएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखन अभ्यासको १२औं शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
लाग्दैन म झैँ वरिष्ठ, कोही छ मानिस अरू, होलान् मेरो प्रगतिमा, आरिसले जल्नेहरू। ✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
१// हजुर नै हो वरिष्ठ मान्छे, यो सारा जगतको, आफैंले आफैं स्वघोषणा गर्ने मूर्ख फगतको । ✍️ वसन्त अनुभव
घोराही उपमहानगरपालिका १४, दाङ
२// बेअर्थमा खुसी थिएँ यथार्थमा छ जलेकाे, नमीठो त्याे बचनले प्रतिदिन छ मरेकाे। ✍️ भावना मञ्जु
माेरङ
३// सर्वेसर्वा म नै हुँ भाँड भैलाेमा अघि सर्छु, अरुकाे बालै छैन् खाने थालमा फाेहार गर्छु।
✍️ ताराप्रसाद चापागाईं
४// वरिष्ठ नै मै हुँ भनी हंगामा गर्दै उठेको, आफैंले खाएको थालमा लौ कसरी चुठेको । ✍️
बेदु न्यौपाने काठमाडौ
५// मुल्यांकन गर्ने अर्काले, पीडित रुदै छ मर्काले । ✍️ भुपेन्द्र राना मगर
धादिङ
६// केही हुँदैन् जल्नेलाई जल्न दिनुपर्छ, जो जसले सक्छ उसले प्रगति गर्छ । ✍️ रत्ना पुन मगर
रुकुम
७// देशभरि समृद्धिको बाटो मात्र खोजी गर्छु, काम बन्ने उद्देश्यले सुनचाँदी पैसा भर्छु। ✍️ पौडेल विमुन्स
पोखरा कास्की 💕
८// कुनै खाले दोष देख्दिनँ म आँफु भित्र, ईर्ष्या डाहाले भुतुक्क भएका हुन् मित्र। ✍️ चिरञ्जीवी ढकाल
नेपालगन्ज -२० राँझा एयरपोर्ट बाँके
९// जल्नेहरु जल्दै गरुन् म त आफ्नै कर्म ठूलो देख्छु , प्रगतिका पाइला चाली सफलताका कथा लेख्छु । ✍️ त्रिलोचन भण्डारी
मेचीनगर,झापा
१०// जान्ने बुझ्ने ठुलाबडा को छ म झैँ वरिष्ठ , खुट्टा तान्न खोज्छन् मेरा महामूर्ख कनिष्ठ । ✍️ विबश पारदर्शी,
भद्रपुर न० पा० -२ झापा
११// गुणगान अरुले आहा भन्दै ,गाएको नै राम्रो, परिस्थिति जे आएपनि, बुद्धि नगुमाऔं हाम्रो। ✍️ दुर्गा अाचार्य
मोरङ
१२// एउटा फिस्टो तिमी हौं, थाम्दछौ क्यारी आकास, उछिट्टिई पुग्छौ कहाॅ, आएमा सानो बतास। ✍️ घनश्याम पौडेल, सृजना चोक
पोखरा
१३// आफ्नै बखान त आफैले नगरेकै राम्रो बालीनाली अर्कैको भन्छन् बालबच्चा हाम्रो । ✍️
कमला देवकोटा, पाल्पा
१४// नसोध्नुस् हजुर वरिष्ठको चाल हुन्छ कस्तो, भुलेर भूइँलाई आकाशलाई छोए जस्तो । ✍️
बी.कुलुङ ( दार्जिलिङ )
१५// मनमा अहंकार अनि द्वेष सबै पाल्यौ, आफैलाई सबैभन्दा वरिष्ठ ठान्न थाल्यौ । ✍️ राजेशराज गड्तौला
रतुवामाई- १०, मोरङ हाल- प्रवास
१६// बरिष्ठको छेउमा पुग्न म छु नसक्ने साच्चै कोही कोही बरिष्ठ त बुद्धिले पनि छन् काँच्चै । ✍️
पुष्पा शायरा । बिराटनगर ।
१७// भुसुनो आफैँ मपाईँ, उसले कसैलाई टेर्दैन, आफु नाङ्गै छ सर्वाङ्ग, ऊ आफ्नो अनुहार हेर्दैन। ✍️ अर्जुन उप्रेती (अप्रतिम)
असम भारत
१८// थाक्नु हुँदैन् गर्नुपर्छ निरन्तर काम काज, मुर्छा परी ढलुन् जो गर्छन् अर्काको रिस आज । ✍️
बिके माकजु , भक्तपुर ।
१९// मै हुँ हर्ताकर्ता मै हुँ सारा जगतको मालिक, मलाई नै सधैं पुज ! नपुज अरुको सालिक । ✍️ डम्बर थामी ‘अनुपम’
कालिन्चोक गाउँपालिका-६, दोलखा
२०// आफुलाई संसारकै ठुलो मान्छे ठान्छन् भगवानले घमण्ड गर्नेलाई हान्छ्न । ✍️ बिक्रम तिरुवा सलिन
तिला गाउँपालिका ३ कुडारी जुम्ला
२१// आर्काको शान देखेर जल्नेलाई के भनौं, छनलाई त यस्ता कति छन् संख्यामा गनौं। ✍️
सुरेश कुमार पाण्डे
२२// मै हुँ जान्ने मै हुँ मालिक कसैलाई गन्दिनँ, कसैको रिस र डाहाको बाधक म बन्दिनँ । ✍️ बुद्धिमान चौधरी
कनकाई नगरपालिका ४ झापा
२३// मपाईत्व छोड्न मानविय पाठ पढ, खुट्टा तान्ने तान्दै गर्छन् तिमी अघि बढ। ✍️ ज्ञानेन्द्र श्रेष्ठ
मोलुङ गा. पा. १, ओखलढुंगा
२४// भन्छौं आफूलाई वरिष्ठ, के छ तिमीमा उत्कृष्ट ? धेरै मपाईंत्व गरेमा आफैमा हुन्छ अनिष्ट । ✍️ गाेपालकृष्ण डङ्गाेल
इटहरी, सुनसरी
२५// म हुँदा हुँदै कसरी बरिष्ठ हुनुभयो तपाइँ? अरूले मानून नमानून मचाहिं मेरै मपाइँ! ✍️ भूषण जंग
अस्ट्रेलिया
२६// आफ्नो काममा ध्यान दिई रहनु नसुन्नु अरुको कुरा, जारी राख्नु सँधै आफ्नो काम तिमी ध्यान दिइकन पुरा । ✍️ अनुग्रह राना मगर ‘पुष्प’
संखुवासभा हाल मलेसिया
२७// जल्नेहरू जल्दै गर्छन् वास्ता गर्नु हुन्न, आफ्नो डम्फू ठोक्नै पर्छ नभन्नु है छुन्न। ✍️ अरुण कुमार भुजेल
गोरूबथान कालेबुङ्ग,भारत।
२८// देखायौ दम्भ असाध्यै भन्छौं शक्ति छ मेरै, धरातल बिर्सियौ साँच्चै अहंकार धेरै । ✍️ सूर्य मणि रेग्मी
काठमाडौ, २६ मंसिर । उदक साहित्य समाज नेपालको साप्ताहिक उदक वाचन कार्यक्रमको आठौँ शृङ्खला सम्पन्न भएको छ ।
सो उदक वाचन कार्यक्रमका प्रमुख अतिथि साहित्यकार बालकृष्ण खनालले साहित्यमा राजनीतिको गन्ध आउन नहुने बताउँदै उदकले छोटो समयमा पनि आफ्नो गति लिएकोले उदकले व्यापकता पाओस् भनी शुभकामना व्यक्त गर्नुभएको थियो ।
उक्त कार्यक्रममा विशिष्ट अतिथि बेलबारी साहित्य विकास समितिका अध्यक्ष साहित्यकार तिला लेकालीले उदकको भविष्य उज्ज्वल भएको र वर्तमान समयमा नेपाली साहित्यिक माटोमा लघु विधाको आवश्यकता भएकोले समयसँग हिँड्न सम्पूर्णमा अनुरोध गर्नुभएको थियो ।
उदक वाचनको सो आठौँ शृङ्खलामा उदक साहित्य समाज नेपालका उपाध्यक्ष साहित्यकार सविता केसीले उदक लेखनमा संरचनामा विशेष ध्यान दिनुपर्ने धारणा राख्नुभएको थियो ।
साप्ताहिक उदक वाचन कार्यक्रममा चन्द्रावती अधिकारी, जमुना कायस्थ, कविता देवकोटा, केशव न्यौपाने, लक्ष्मी बस्याल, लक्ष्मी प्रसाद मिश्र, नवराज भट्ट, प्रेम बहादुर थापा, श्रद्धा आचार्य, सीता बिष्ट कार्की, सोम लुइटेल, सुशिला पोखरेल, देवेन्द्र शाक्य, घनश्याम पौडेल, गुणनिधि घिमिरे लगायतका उदक यात्रीहरूले आ-आफ्ना उत्कृष्ट उदकहरू वाचन गर्नुभएको थियो ।
उदक साहित्य समाज नेपालका उपाध्यक्ष साहित्यकार वसन्त अनुभवको सभापतित्वमा सम्पन्न उक्त कार्यक्रमको सञ्चालन साहित्यकार आर्त अकुलीनले गर्नुभएको थियो ।
काठमाडौं, टुक्का साहित्य समाज, काठमाडौले अन्तर्राष्ट्रिय मानवअधिकार दिवसकाे अवसर पारेर यहीँ मिति मङ्सिर २४ गते ‘विशेष टुक्का लेखन अभ्यास श्रृङ्खला-२७ सम्पन्न गरेको छ ।
नियमित एवं विशेष अवसर पारेर टुक्का लेखन अभ्यास शृङ्खला सञ्चालन गर्दै आएको समाजले संयुक्त राष्ट्रसंघकाे महासभाले मानव अधिकार घाेषणा पत्र पारित गरेकाे ऐतिहासिक दिन डिसेम्बर १० काे सम्झना स्वरुप विशेष शृङ्खला सञ्चालन गरेको शृङ्खला संयोजक/प्रशिक्षक एवं समाजका अध्यक्ष ताराप्रसाद चापागाईंले बताउनुभयो ।
उक्त अवसरमा संकलित टुक्काहरूकाे भाषिक सम्पादन समाजकी सचिव विमुन्स पाैडेलले गर्नुभएको अध्यक्ष चापागाईंले जानकारी दिनुभयो।
नेपाल लगायत बिश्वका राष्ट्रमा रहेका नेपाली भाषी ८२ जना सर्जकहरूकाे सहभागिता रहेकाे थियो । सहभागीहरूले मानव अधिकार बिषयमा केन्द्रित भई चाेटिला टुक्काहरू सिर्जना गरेका थिए ।
टुक्का काव्य विधा अन्तर्गतको एक नविनतम प्रविधा हो । जसको लेखन प्रारम्भ २०७७ श्रावण २५ गतेबाट भई आएपनि विविध कारणवश मिति २०७७ पाैष १७ गते औंपचारिक रुपमा प्रकाशन प्रारम्भ भएकाे थियो। दुई हरफमा लेखिने टुक्का कविता छाेटाे समयमा नै धेरै सर्जक तथा पाठकहरू माझ लाेकप्रिय बन्दै गएकाे समाजका अध्यक्ष चापागाईंले बताउनुभयो ।
अभ्यासका क्रममा सङ्कलन गरिएका मानवअधिकार सम्बन्धी चाेटिला टुक्काहरू
[१] १. मानवजातिका साझा अधिकारहरू प्रत्याभूत गराैँ, सुखी समृद्ध समाज बनाई संसारभर शान्ति छराैँ। २. भेदभाव नहाेस् जात जाति,राष्ट्रियता, लिङ्ग र धर्ममा, मानव अधिकार रक्षार्थ नपाराैँ कसैलाई मर्ममा । ✍️ ताराप्रसाद चापागाई धुनिबेसी ।
[२] १. अधिकार छन् मलाई माटो र म वीच मायाँ गाँस्न सक्दैन अपमान गरी यो धूलो निधारमा टाँस्न। २. मानवीय मूल्य अधिकार को नाममा नभत्कियोस्, मान्छे मर्ने दिनका लागि पनि आत्मीयता राखियोस्। ✍️ विमुन्स पाैडेल पाेखरा
[३] १. आफ्नो अधिकार खोज्दा अरूको खोसिनु हुन्न, यदि खोसियो भने कस्को पो यहाँ मन रुन्न। २. हामी मानवहरू सधैँ मिलेर बस्नुपर्छ, एकजुट भएर बस्यौं भने कस्ले पो हर्छ। ✍️ पूर्णबहादुर श्रेष्ठ “हृदयङकृत” पनौती-३,काभ्रे
[४]
१. एक्काइसौं शताब्दीमा पनि कुरा काट्दछन् नानाभाती, मानव अधिकार कतै छैन भेदभाव जातजाति। २. बलिष्ठले निर्धोलाई दबाउँदै विश्वभर फैलिदै युद्ध, पुन: जगमा जन्म लिएर शान्तिको सन्देश पुर्याऊ बुद्ध। ✍️ शर्मिला श्रेष्ठ भैंसेपाटी, ललितपुर
[५] १. कति गर्छन् नेताहरू मानव अधिकारको कुरा व्यवहारिक जीवनमा कहिले हुन्छ होला पूरा ? २. यस धर्ती सबैको हो सबैले बाँच्न पाउनु पर्छ मानवले सबै अधिकारलाई सुरक्षित गर्छ! ✍️ निशा शाही ठकुरी दैलेख, हाल दार्जिलिङ्ग
[६] १• मान्छेले मान्छे हुॅ भन्न नपाउने, हुॅदैन कोही एक्लिँदा सघाउने। २• मानव अधिकार पोको पारेर, मानवता बेचियो दफा सारेर। ✍️ घनश्याम पौडेल सृजना चोक, पोखरा
[७] १. हतकडी पर्यो क्या हो ए! दैव! तेरो हाथमा कोही छन् महलमा ,कोही किन फुटपाथमा? २. एउटै त हो संसार जिउने सबैलाई बराबर छ अधिकार यो उचनीच जातपात छुवाछूत सबै व्यर्थैको कुरा हुन् यार। ✍️ बी.कुलुङ दार्जिलिङ
[८] १. मानव बेच बिखन होला रोकिने कहिले संकटै अघि बादल कालो घुमेको जहिले । २. गास ,वास ,कपास ,शिक्षा र स्वास्थ्य पूरा गरेर बॉच मानव अघिकार प्राप्त गरेर स्वतन्त्र भई नाच। ✍️ इन्दिरा देवकोटा कपिलवस्तु न .पा .३
[९] १ यही देशमा देखियो मानव अधिकार हनन भएको जुनै सरकार आए तापनि व्यवस्था चाहिँ खेर गएको। २ वलात्कृत अबला नारी मानव अधिकारको गुहार लगाउँदैछिन् न्याय नपाएपछि दैत्यहरूलाई तरवार लिएर भगाउँदैछिन्। ✍️ दिपक ठटाल दार्जिलिङ्ग
[१०] १ औपचारिकता मात्र किन भएछ यो दिन, स्मरण गरौँ अन्तरराष्ट्रिय एकछिन। २ मान्छेले अधिकार पाउँन संघर्श गर्छ, न्यायको लागि लड्ने किन अन्यायमा पर्छ। ✍️ सुरेशकुमार पान्डे दाङ
[११] १. मानव र मानवताका धेरै कुरा गर्छन् त्यही नाममा सबै आफ्नै मात्र पेट भर्छन्। २. सेवा गर्नु मानविय धर्म मानिन्छ, मानवता दर्शाउनु कर्म ठानिन्छ। ✍️ सुशिला पाैडेल अर्घाखाँची
[१२] १. विश्वमा ढाेल पिटिन्छ मानव- अधिकार , बलियाको नै देखिन्छ सर्वत्र अत्याचार । २. यत्र तत्र सर्वत्र लिपिबद्ध छ मानवाधिकार , निमुखाकाे पक्षमा बोलिदिने देखिदैन खै मुहार। ✍️ प्रद्युम्न चालिसे भक्तपुर
[१३] १. मेरो देशमा आयाे मानव अधिकार पुरुष सिकारी भए महिला सिकार । २. मानव अधिकार कराको सबैले सुन्छन् सरकारले कानमा नुन ठोसेर थुन्छन्। ✍️ गणेश तिमल्सिना गति गणेशमान चारनाथ नगरपालिका १० धनुषा / गाेदार
[१४] १. मानवले पाऊन् अधिकार लोकमा बस्न चाहिँ नपरोस् जीवन भोकमा। २. अधिकार मात्र होइन कर्तव्य पूरा गरौँ समाज हामीले आदर्श नै आदर्शले भरौँ। ✍️ तेजप्रसाद खनाल लमही दाङ।
[१५] १. मानिसमा ठूलो सानू उचनिचको भेदभाव कसैलाई पनि नहोस् , बिश्वमा पाएको गास बास कपास शिक्षा सुनिश्चित यो देशमा हवोस् । २.. मानवअधिकार वादीहरू हो अधिकारको नाराले मात्र छुन्न , सबै अधिकार पुग्नुपर्छ कसैलाई पनि चोट पुर्याउन हुन्न। ✍️ बेदु न्यौपाने काठमाडौ
[१६] १. संविधानको खोस्टोमा मात्र मानवअधिकार लेखेर के गर्नु, गरिब जनता झुपडीमा भोकले लडेका छन् भै बाच्नु न मर्नु। २. मानवअधिकार लोकतन्त्रको सुन्दर उपहार, जनताको हकको सुनिश्चित गरेमा हुनेछ सार। ✍️ रवीन्द्रनाथ पोखरेल देबचुली,नवलपरासी
[१७] १. मानवता नै हरायो खै मानव अधिकार मान्छेले मान्छे बेच्छ मौलायो मान्छेकै व्यापार। २. गरिबको गास काटी’यो हो अधिकार’भन्यो, निमुखाको कुरा गर्दै आफैं तानाशाह बन्यो। ✍️ भूषण जंग अस्ट्रेलिया
[१८] १. समानता , स्वतन्त्रता र न्यायको संरक्षण गरौँ, द्वन्द्व हटाएर मानवअधिकारको प्राण भरौँ । २. मानव अधिकारको ख्याल गरी शान्ति दीप बाल्नुपर्छ, सुख, अमनचैनको लागि राम्रो काम आजै थाल्नुपर्छ । ✍️ गंगा खड्का बूढानीलकण्ठ १, काठमाडौँ
[१९] १. सबैले स्वतन्त्र भएर हिड्न पाउँनुपर्छ अनि मात्रै मान्छेले चाँहेको अनुसार गर्छ | २. मानव माथि अत्याचार कसैले पनि नगरौं , आफ्नो अधिकार पालना गर्न हामी अघि सरौ । ✍️ बिक्रम तिरुवा सलिन तिला गाउँपालिका ३ कुडारी जुम्ला
[२०] १. कसैको अधिकार खोसिनु हुन्न अत्याचारले थिचेर, सबै मानव बराबर हुन् गर्नु हुन्न शोषण मिचेर ! २. सुख र दुखको जिन्दगी सबैले पाउनु पर्छ बाँच्न, यो हो मानव अधिकार सबैले पाउनु पर्छ साँच्न ! ✍️ शरद प्रधानाङ्ग, विराटनगर-७
[२१] १. गरीव भन्दै हिंसा गर्दै मार्छेऊ जलाई यो जीवन हाँसी खुसी बाँच्न देऊ मलाई। २. होचो अग्लो जाती धर्म छुट्याएर अनि पानी पिउने हामी पनि तिमी जस्तै मानव हो देऊ अधिकार जीउने। ✍️ प्रकाश बुढाथोकी असम भारत।
[२२] १. खोलिएका छन् मानव अधिकार भनेर संघ संस्था हरू, खै केभएको छर कैयौँ बेचिरहेका छन् चेलिबेटी बरु। २. एनअार एन जस्ता संस्था खोले नेपालीका लागि अन्तराष्ट्रमा पनि, सचेत बन्नुछ हामी मानव अधिकारको बारेमा जानकार बनी। ✍️ दुर्गा आचार्य मोरङ
[२३] १. पाउँनपर्छ सबैजना मानव भएर हाँस्न सुरक्षित रहौँ सबै हुदैन अधिकार नास्न। २. जात,जाति सबै धर्म मानवताका साथी सबै मिली बिगुल फुकाैँ पुर्याउनु माथि । ✍️ सीता काफ्ले खुसी सिनपा ८ भैरहवा, नेपाल
[२४] १. हिंसा र असमानताबाट मुक्ति पाईन्छ कहिले? सबैले मानव अधिकार बारे बुझ्नेछन् जहिले । २. समानता हाेस् सबैलाई काेही नि पिडामा बाँच्नु नपराेस्, मानव अधिकारकाे चेतनाले समाजमा शान्ति छराेस् । ✍️ रश्मि रिमाल झापा
[२५] १ दिनहुँ मानव हत्या छाप्छ अखबार छाेरी बलात्कृत सुनाउँछ समाचार। २ जे गर्न पनि डर सम्झिऊँ त्रास हजार खै कहाँ गयाे स्वतन्त्र मानवअधिकार। ✍️ सरु बस्नेत निजगढ, बारा
[२६] १. जन्मदैमा प्राप्त मानव अधिकार, किन आज खोसियो हिंसा सही बस्ने सानी बाट पनि मृत्युको बाटो रोजियो। २. खै मानव अधिकार पीडितको आँखामा आँसु सुके हिंसा को पहाड ठुलो थियोे अपराधी त त्यहीँ लुके । ✍️ सुमिना तिमल्सिना भक्तपुर ।
[२७] १. केवल स्वयं उच्च अन्यलाई निच कदापि नदेख द्वन्द्व मेट्ने समानता र करुणा हृदयमा लेख । २. गल्ती अनि गलतलाई असल मार्गको द्वार खोल्नु स्फुर्त आउँछ मानवी अधिकार पर्दैन केही बोल्नु। ✍️ अरुणा श्रेष्ठ ‘अनु’ भद्रपुर ३ झापा
[२८] १. तिमी बंगलामा बस्ने बिस्तारामा जाऊ यही गल्ली मेरो घर हो यता नआऊ । २. जब मान्छेलेनै मान्छे मारेर खायो धर्म, नीति र मानवीयता हरायो । ✍️ लक्ष्मण समीर बर्दिया, हाल काठमाडौ
[२९] १. नसाेचाैँ है ठुलाे सानाे कसकाे जीत अनि हार सबैलाई समान देखिने मानवअधिकार। २. जात जाति वर्ग लिंङ्ग सिमाना नछुट्याईयाेस् समान हक अधिकार लिई बाँच्न पाईयाेस् । ✍️ लक्ष्मी धिमिरे दहाल दमक, झापा ।
[३०] १. मानव अधिकारको कुरा गरेर मात्र लौ!कहाँ हुन्छ र पूरा जब उनीहरुले कामै पूरा नगरी छोडिदिने गर्छन् अधुरा। २. “मानव मात्रको अधिकार” नै लौ! मानव अधिकार हो हेर! “सबैलाई समान हुनुपर्छ,” यो भन्दा के कुरा गर्नु र धेर । ✍️ श्रेस्ठ “परिक्रमा” धरान, सुनसरी ।
[३१] १, यहाँ प्रतिष्पर्धा हतियारको ज-जसले गर्छन् , उनै मानव अधिकारको कुरामा लागि पर्छन्। २, कसलाई रहर छैन र यहाँ बाँच्न? तर साह्रै कठिनछ यो ढुक्ढुकी साँच्न। ✍️ चिरञ्जीवी ढकाल नेपालगन्ज-२० राँझा एयरपोर्ट बाँके
[३२] १. आफ्नो अधिकार उपभोग गर्दा अरूको हनन् नहोस्, ख्याल राखौँ हाम्रो व्यवहार द्वन्द्वको कारण नबनोस् । २. सबैको उचित सम्मान गरौँ अनि समान व्यवहार, सुरक्षित छ प्रत्येकको सम्मानित भै बाँच्ने अधिकार । ✍️ वसन्त अनुभव घोराही उपमहानगरपालिका १४, दाङ
[३३] १ मानव अधिकारको हक हितका बारेमा म जानकारी लिन्छु, अन्तर्राष्ट्रिय मानव अधिकार दिवसको शुभकामना दिन्छु। २ मानिसले पाउने अधिकारको संरक्षण गर्छ, मानवअधिकार मौलिक हक अन्तर्गत पर्छ। ✍️ भगवती दवाडी झापा
[३४] १. धरती यो सबैको सबैले टेकुन् सुर्यको किरण कसैले नछेकुन्। २. मानवमा नहोस् पशु तुल्य ब्यबहार कसैमा नगर्नु थिचोमिचो अत्याचार। ✍️ बिके मुखिया दार्जिलिङ्ग
[३५] १. मानवको अधिकार मानवले लुट्यो थोरै थियो बाँच्ने आशा त्यही पनि टुट्यो। २. अधिकार खोज्छनआज कर्तव्य थाछैन संविधान बन्यो हजुर पालना भाछैन। ✍️ मन्दिरा सेढाई मलेखु,धादिङ
[३६] १. गास बास र कपास नै हो प्रारम्भिक मानव अधिकार ठूला आश्वासन धेरै बाँडिए साना हुनसकेन स्वीकार। २. स्वास्थ्य र शिक्षामा सुनिश्चित हुनुपर्छ मानव अधिकार विश्वभरि, गरिव देशहरू लाचार हुनाले सम्पन्न देशको भयो मनपरी। ✍️ प्रमोद भट्टराई ‘प्रतीक’ कौशलटार, भक्तपुर
[३७] १. बालबच्चा र महिला,अपाङ्ग र जेष्ठ नागरिकको ख्याल गरौं, यिनीहरूको अधिकार सुनिश्चित गर्नलाई सधैँ अघि सरौं। २. संविधान प्रदत्त कानुनको राज्यले कार्यान्वयन गर्नु पर्छ, यस्तो प्रक्रियाले नागरिकको मौलिकअधिकारको रक्षा गर्छ। ✍️ अरुण कुमार भुजेल गोरूबथान,कालेबुङ्ग,भारत।
[३८] १. मानव अधिकारले मानिस स्वाभिमानी बन्छ संसारमा भइ रहनू सबै बराबरी भन्छ। २. तनमन देखि हट्नु पर्छ हाम्रो कुविचार रहनु हुन्न कतै पनि भेदभाव जन्य धार। ✍️ दस्ता कौशिक पाँचथर
[३९] १. हर एक काे हृदयमा मानवताकाे बीउ छरौँ सबैकाे हित अनि अधिकारकाे लागि अघि सरौँ। २. सानाे ठुलाे भेदभाव बिना खुशीले बाँच्नु पाउनु पर्छ अादर सत्कार गराैँ सबैलाई दुख पिडा पर सर्छ। ✍️ रिना याेल्माे दार्जिलिङ्ग
[४०] १ मानवका अधिकारले मन मुटु छोओस् दु:ख पीडा वेदनालाई आजीवन धोओस्। २ न्याय निम्ति आवाजहरू उठिरहनुपर्छ सहयोग खातिर हात पाउ जुटिरहनुपर्छ । ✍️ त्रिलोचन भण्डारी मेचीनगर,झापा
[४१] १. साझा सवाल हुन्छन् सबैका आवश्यकता पनि उस्तै हुने , मानव जाति हामी नगरौँ व्यवहारमा कसैको दिल रुने। २. मानवता अनि समानता अाधारभूत रुपमा पाअोस, जीवन बाँच्न र बचाउन विश्वबन्धुत्वमा शान्ति छाअोस। ✍️ होम प्रसाद नेउपाने धरान,सुनसरी ।
[४२] १. जीउँदाे लास बनेर काेहीपनि बाँच्न नपराेस् कहिले , हाँसी खुसी बाँच्नलाई पाउँनु पर्छ मानवले जहिले। २. सीमित नहुँन् मात्र नारामा हाम्रा हक र अधिकार, अमानवीय जति सबैलाई गर्नुपर्छ है प्रतिकार । ✍️ भावना मञ्जु माेरङ
[४३] १. उन्नाईस सय अठ्चालिसकाे डिसेम्बर दशमा , पास भई अायाे दस्तावेज दूनियाँ पर्याे वसमा । २. विश्वव्यापी घाेषणाले सुनिश्चितता छायाे , यूद्धबन्दि पिडित सबले राहत पायाे । ✍️ रामकृष्ण दुवाडी पाेखरा
[४४] १. समान अधिकार को नारा लागेको धेरै भयो साथी निमुखा को मानव अधिकार खोसी पुग्यौ निकै माथि । २. शक्तिको आडमा सबै अधिकार खोसिएको छ आज जागौ धर्ती पुत्र हो साँच्चै नङ्ग्याउनू छ जन समाज। ✍️ सूर्य मणि रेग्मी चितवन
[४५] १. मानिस नै दुनियाँमा सर्वश्रेष्ठ नामी, व्यर्थै किन जात,धर्म, छुट्याउँछाैँ हामी । २. विवेकशील मान्छे भित्रै हुन्छ मारामार , जन्मसिद्ध किन छैन मानवअधिकार ? ✍️केशवप्रसाद ढकाल ‘प्रीतबीज’ सिरान्चाेक-७, उपल्लो गाेहाेरे, गाेरखा
[४६] १. पृथ्वी भरीका मान्छेले समान अधिकार पाउन् भेदभाव रहित भएर खुशीको गीत गाउन् । २. जाति लिङ्ग ठुलो सानो भेदभाव हटेर जाओस् मान्छेले यहाँ मान्छे भएर शान्तिले बाँच्न पाओस् । ✍️ गुणनिधि घिमिरे पाँचथर — मोरङ हाल अमेरिका
[४७] १. जताततै मानव अधिकार हनन गरीवलाई छैन सुख शान्ति चयन । २. नेता जी ! गर्नुहुन्छ मानव अधिकारको कुरा भोकै मर्दैर्छन् कति बिचरा बेसाहारा बबुरा । ✍️ बिके माकजु , भक्तपुर
[४८] १. मानव अघिकार कसैको हनन हुन्न गर्नु समान ठानी सबैमा समान माया पर्छ भर्नु । २. अधिकार बोल्ने पढ्ने बाँच्न पर्छ पाउन सुरक्षित खाना साथै खोप पर्छ लाउन । ✍️ तारा घिमिरे, सङ्खुवासभा
[४९] १. हुनेखाने ठालुलाइ कानुन बन्दव्यापार, निमुखा गरीवले मात्र के जानुन् सबै सार। २. नढक्ढक्याई फैलियोस् समता सन्देश एउटै अर्थ बोकी हिड्छ मानव भेष। ✍️ जिकुमार गौतम झापा भद्रपुर- १
[५०] १. कठोर कानून बोकी सरकार अब आऊ, बलात्कार र हत्याबाट छोरीहरू बचाऊ । २. मानव अधिकार उल्लंघन गर्नु हुँदैन, शान्ति कायम भएपछि यहाँ कोही रुँदैन । ✍️ रचना मोक्तान “यात्री” नमोबुद्ध नगरपालिका-५, काभ्रे ।
[५१] १ सिङ्गो ब्रमाण्ड नै हो हामी सब मानवजातिको घर नीतिनियममा ”मानव अधिकार” सुरक्षित गर । २ सबै राष्ट्र एकतामा बन्धुत्वको सन्देश छरौँ स्वास्थ शिक्षासगै, आर्थिक क्षेत्रमाथि क्रान्ति गरौँ । ✍️ रिजाल विनोद बेलबारी ०२ मोरङ
[५२] १. मान्छे मान्छे बीच किन हुन्छ यहाँ भित्र भित्रै मारामार, हामीले राम्रोसँग पाउनु पर्छ नि मानव अधिकार। २. अनेकौं नारा लगाएर भन्छन् पाउँनु पर्छ मानव अधिकार, तर यहाँ हाम्रो याे सरकारले गर्दैन केही पनि सराेकार। ✍️ सहयात्री शाेभा अर्याल रुपन्देही , बुटवल
[५३] १ द्वन्द चल्छ जात र धर्ममा, मेटिन्न भेदभावको राँटो भाषणमा मात्र सिमित छ मानव अधिकारको पाटो। २ हुँदा खाने गरीवलाई के थाहा अधिकारका कुरा विकृति र बिसंगतीले बन्दछन् काम सबै अधुरा। ✍️ अबजस चन्द्र झापा
[५४] १ मानवले अझै मानवलाई बुझ्ने कहिले होला मानवलाई चोट दिई पत्थर पुज्दा मन रोला २ मानवमा प्रेम जगाइ दिए हुन्छ पीडा कहिल्यै नदिनु है मन रुन्छ ✍️ विशाल सुवेदी मनहरी-९ मकवानपुर
[५५] १. अधिकार सँगै थियो हाम्रो नि युद्ध सरकार आई पुनः हौँ भन्छ बुद्ध । २. मन भित्र भित्रै जल्यो, माया हरायो भइ सत्रु भाइ यहाँ भाइ फुटायो। ✍️ मोहन तरामु मगर गुल्मी नेपाल, हाल- यूएई (अरब)
[५६] १. जुन ठाउँमा भए पनि भयानक युद्ध, मानवताको रक्षा होस् मनमा राखी बुद्ध । २. समाजमा विकृति र हिंसाको नथोपरौं भार, बाँच्न पाउने अधिकार हो मानव अधिकार । ✍️ डम्बर थामी ‘अनुपम’ कालिन्चोक गा.पा.-६, दोलखा ।
[५७] १. मानवअधिकारका नारा र भाषणले मात्रै हुने छैन केही यहाँ समान रुपमा गास वास कपास र शिक्षाको सुनिश्चित होस जहाँ । २. विश्व भरिका मानिसले समान अधिकार पाइ रमाउन् भेदभाव रहीत सुखी जीवन साथ घरबार जमाउन् । ✍️ दुर्गा भट्टराई मोरङ
[५८] १. मान्छेले मान्छे भै पाउने पूर्ण अधिकार जति सब, मानव अधिकार भनी जान हटाउ भ्रम लौ अब । २. गास, बास, कपास ,खोज शिक्षा स्वास्थ्य सबै कुरा , प्रविधि, चेतना , ज्ञान अधिकार बुझ है पूरा । ✍️ रामजी लामिछाने पोखरा
[५९] १. समानता र सामाजिक न्याय सहितको लोकतन्त्र , मर्म बुझौं मानव अधिकारको यही हो मुलमन्त्र । २. महामारीबाट पनि बच्न पाउने खोपका कुरा , मानव अधिकार भित्र पर्छ कहिले होला पूरा । ✍️ कर्ण दयाल मेलौली नगरपालिका ७, बैतडी
[६०] १. मान्छे -मान्छे सबै उस्तै काेही हुन्न जहर मानवतालाई विभेद गर्ने अझै कस्तो रहर। २. मान्छेलाई समान देख्ने धेरै अघि बढिसके विभेदकारी नजरहरू आफैभित्र सडिसके। ✍️ रामप्रसाद बेल्बासे `एक्लाे यात्री´ बुद्धभूमि -३ कपिलवस्तु रकार्यरत- तमानखाेला,बागलुङ ।
[६१] १. माथि पुग्ने धेरै माथी नै छन् पिडित तलको तलै झरेका छन्, मानव अधिकारको कुरा गर्छौं कैयौं भोक भोकै मरेका झन्। २. सक्छौ भने महोदय यो मानव अधिकार जनाउँनू पर्छ, अनि मात्र कुना काप्चा का मानव को अधिकार कसरी टर्छ। ✍️ कमला पाण्डे पराजुली झापा
[६२] १. मानव जाति सबै मिली फैलाऊँ है,शान्ति र सद्भाव, जात धर्म लिङ्ग वर्णको आधारमा,नरहोस् दवाव । २. गास बास कपास र शिक्षा स्वास्थ्य बराबर रहोस्, मानिसको हित,अधिकारमा तानाशाही नठोस्। ✍️ विबश पारदर्शी, भद्रपुर न० पा०, वडा नं० २ झापा
[६३] १. मानवले मानवको मनमा मानवता नै भरौँ, सबै मिली मानव अधिकारको सम्बर्धन गरौँ। २. दिवस मात्र मनाउने हैंन व्यवहारमा नि उतारौ, मानव अधिकारको विचारलाई सधैँ सफल पारौँ। ✍️ राजेश भट्टराई सैनामैना ११,रुपन्देही हाल सुर्खेत
[६४] १. भुलेर पनि कसैले हत्या र हिँसा नगर्नु मानव सबै समान हुन भ्रममा नपर्नु । २. कर्तव्य नभुलाैं सचेतना जगाऊँ मानव अधिकार दिवस मनाऊँ। ✍️ अरुण नदी खत्री काठमाडाैँ ।
[६५] १. थिचाे मिचाे सहेर हुन्न सबैले आवाज उठाऊँ, आफ्नाे अधिकार पाउनकाे निम्ति हिम्मत जुटाऊँ । २. सबैलाई समानता र सम्मान गर्ने गराै, समान पहुँच र अधिकार सबैमा छराैं । ✍️ रिना सापकोटा खनाल बारा सिमरा
[६६] १. हामी सबैले खुसी साथ बाँच्नुपर्छ यहाँ, न्याय दिऊँ अन्यायमा परेकाछन् जहाँ। २. सबैको साझा धर्ती घमन्ड गर्छौ किन? हातमा हात मिलाई मिली सबै हिन। ✍️ कल्पना थामी सिन्धुपाल्चोक
[६७] १, खुशी देख्न पाऊँ बारम्बार, सबैलाई मिलोस् अधिकार । २, मानव बिना अँध्यारो संसार, बराबर पाईयोस् अधिकार । ✍️ साहित्य प्रेमी प्रयासी श्री लिम्बु आङ्बुहाङ पाँचथर
[६८] १. मानवताको भावना लिई अघि अघि बढौं राम्रो काम गरि प्रगतिको शिखरमा चढौं। २. मानव हामी सबैको मनमा एउटै रहोस् भावना सबैलाई यो मानव अधिकारको धेरै शुभकामना । ✍️ ललिता अभागी सुनकोशी५-सिन्धुली
[६९] १. नलगाऊँ महिलाहरूलाई बोक्सीको आरोप गल्ती गर्नेलाई सजाय होस् नगर्नु ढाकछोप २. गरौँ मानवअधिकारका आवाज बुलन्द अनि हुन्छ यो जिन्दगानी साह्रै आनन्द ✍️ रत्ना पुन रुकुम
[७०] १. सडक र सदनमा मात्रै नगरौँ, मानव अधिकारका कुरा बोली ,व्यबहारमा पनि हटाऊँ छुवाछूत, गरौँ वचन पूरा । २. जात र धर्मको नाममा गरिने हिंसा सबै छोडौँ स्वच्छ र सुन्दर समाज, भाइचाराको नाता जोडौँ । ✍️ बुद्धिमान चौधरी कनकाई नगरपालिका ४ झापा
[७१] १ साना देखि ठूलालाई सम्मान गरेको देखूँ , त्यत्तिकै मानव अधिकारको पोष्ट नलेखूँ। २ गास ,बास ,कपास मात्र पाएर केही हुदैन , शिक्षा,स्वास्थ्य सबै ज्ञान पाए पछि कोही रूँदैन। ✍️ कान्छी बिनिता विश्वकर्मा बाजुरा
[७२] १. पाउनु पर्छ सबै अधिकार, कसैको नजाओस् खेर श्रम गराऔँ ध्यानाकर्षण सरकारको, गरी राम्रो कार्यक्रम । २. अधिकारको गरेर दुरुपयोग, नखोसून् अरूको अधिकार यदि त्यस्तो भए कतै, बस्नु हुन्न सहेर, गर्नु पर्छ प्रतिकार । ✍️ रचना शर्मा प्रतीक्षा इमाडोल ललितपुर ।
[७३] १. मान्छेलाई मान्छे हुनुकाे अर्थ बाेध हुनुपर्छ नारामा होइन, व्यवहारमा मन छुनुपर्छ । २. भाइचारा र सद्भावका सयपत्री फुलीरहून् निर्धक्क भई चराजस्तै मान्छे पनि डुलीरहून् । ✍️ दुर्गा वनवासी झापा
[७४] १. अन्तर्राष्ट्रिय मानव अधिकारको प्रयोग समानता दिगो विकास सबैको सहयोग। २. कार्यस्थलमा कामको सम्मान नगरियोस् कसैको तानातान। ✍️ कृष्ण आनन्द भट्ट पञ्चेश्वर-०५, बैतडी
[७५] १. विश्व भरका मानवलाई आफ्नै सम्झौँ हामी एक अर्काको हृदयलाई संधैँ रहौँ छामी। २. मानव रूपमा जन्मेपछि पहिले मानव बन्न सिकौँ मानव अधिकार सुनिश्चित गरौं वैषम्य काँडा झिकौँ। ✍️ अर्जुन उप्रेती (अप्रतिम) असम भारत।
[७६] १ आफ्ना सबै अधिकारका निम्ति लडेर, चारै पुस्ता सवालहरू पूरा गरेर । २ जन्मसिद्ध अधिकार माैलिक हक सहित, उठाैं जागाैं बनाऊ देश हत्या हिंसा रहित । ✍️ शान्ति याक्साे, ताप्लेजुङ हाल काठमाडौं ।
[७७] १. सबले हाँस्न पाउनु पर्छ सबले बाँच्न पाउनु पर्छ, मानिस बनी जुन मानवले सधैँ हितको काम गर्छ। २. अधिकार प्राप्त गर्न हामीले जिम्मेवारी नि लिनु पर्छ, समानता दिलाई सबलाई भेदभावको पीडा हर्छ। ✍️ नवशिला बेलबारी -२, लालभित्ती, मोरङ हाल गोदावारी, लतितपुर।
[७८] १. मानव जातिलाई महसुस होस् यो अधिकार हिंसा ,अशिक्षा ,गरीवी लाग्नेछ यसबाट पार २. अधिकारको सुनिश्चितता हुन गर्नुपर्छ कर्तव्य पूरा हिंसाको अन्त्य आफैँबाट थालौँ हुन्न केवल गरेर कुरा ✍️ मिसु श्रेष्ठ काँडाघारी काठमाडौं
[७९] १. मानव अधिकार दिवस मनाएर मात्र हुँदैन कसैको भलो जबसम्म बन्दैन सबलाई दिने समान न्याय कानुनको थलो। २ थिचो र मिचो नगरौँ है हामी कसैलाई समान नजरले हेर्ने गरौं सबैलाई । ✍️ काेकिला चाैधरी बाँके ।
[८०] १. हर्षकासाथ मनाइरहन पाऊँ मानव अधिकार अमानवीय क्रियाकलापकाे नबनाेस् काेही सिकार। २. मालिकहरूले श्रमिककाे यहाँ गर्दैछन् शाेषण, गाह्रो छ दैनिक ज्यालाले जहान पालन पाेषण। ✍️ रामकृष्ण रिजाल बा न पा १३ बागलुङ
[८१] १. सबै मानव समान देख्न हुनु पर्छ महानता, भेदभाव सबै हटाई ल्याऊँ हामीले समानता। २. अन्तर्राष्ट्रिय मानव अधिकार दिवसकाे शुभकामना आफ्नाे अधिकार प्राप्तिकाे लागि एक जुट बनाै सबै जना। ✍️ वसन्ती भण्डारी सुर्खेत
[८२] १. सुचित गरिएका नै आधिकार थिए कुल्चीएका केही लाई बल्ल उठ्न दिए। २. टल्किने तारा बनी सुगन्ध छोड्न खोजे पाए खुसी भए सुखी राम्रो पथ रोजे। ✍️ धनुष न्यौपाने
