Category: समाज

सेञ्चुरी कमर्सियल बैंक गुलरिया शाखाले गुलरिया नगरपालिका वार्ड नं ०४ बबई स्थित बबई बहुमुखी क्याम्पसमा आज वित्तिय साक्षरता कार्यक्रम सम्पन्न गरेको छ ।
उक्त कार्यक्रम सो क्याम्पसमा स्नातक तह अध्ययनरत विद्यार्थीहरूलाई लक्षित गरि सञ्चालन गरिएको थियो ।

क्याम्पसका व्यवस्थापन विभागका प्रमुख नारायण पौडेलको अध्यक्षता एवम् सेञ्चुरी कमर्सियल बैंक लि. गुलरिया शाखाका शाखा प्रबन्धक माया प्रकाश पन्तको प्रमुख आतिथ्यमा कार्यक्रम सम्पन्न भएको थियो।

कार्यक्रमको उद्देश्य पैसा कसरी कमाउन सकिन्छ ? व्यक्तिगत आयआर्जनका स्रोतहरू के के हुनसक्छन् ? त्यसको उपयोगीता कसरी बढाउने सम्बन्धमा जानकारी गराउनुका साथै सुरक्षित आर्थिक भविष्य प्रति सबैलाई वित्तीय जानकार गराई पहुँच अभिवृद्धि तथा बैंकिङ क्षेत्र सबलिकरण गरि सर्वाङ्गीण विकासमा योगदान पुर्याउनु रहेको थियो ।

त्यस्तै किशोर किशोरी र युवा युवतीको वित्तीय ज्ञान, सीप तथा मनोवृत्ति र व्यवहारमा सुधार ल्याई वित्तीय सक्षमता अभिवृद्धिका माध्यमले विवेकशील वित्तीय निर्णय लिन सघाउने र यसको माध्यमबाट हरेक व्यक्तिको आर्थिक समृद्धिमा योगदान गर्नुका साथै सुरक्षित बैंकिङ कारोबार गर्नु रहेको थियो ।

उक्त कार्यक्रममा सेच्युरी कमर्सियल बैंकले विगत देखि नै समय समयमा यस्ता कार्यक्रम गर्दै आएको जानकारी दिएको थियो ।
विभागीय प्रमुख नारायण पौडेलले कार्यक्रम अत्यन्त फलदायी र प्रभावकारी भएको जानकारी गराउनु हुँदै आगामी दिनमा पनि यस्तै विद्यार्थी लक्षित सीपमुलक कार्यक्रम गर्न आग्रह गर्नु भयो।

कार्यक्रममा गुलरिया शाखाका कर्मचारीहरू, विद्यार्थीहरू लगायत प्राध्यापकहरूको उपस्थिति रहेको थियो।

पर्सामा घुस रकम लिदै क्रममा एक जनालाई पर्सा प्रहरीले पक्राउ गरेको छ । शहरी विकास तथा भवन कार्यालय पर्साका सब ईन्जिनियर रुपेश कुमार दुवे सेवाग्राहीबाट १ लाख ७० हजार रुपैया घुस लिदाँ दिदै गरेको अवस्थामा पक्राउ परेका छन् ।

वडा प्रहरी कार्यालय विर्ताका प्रहरी निरिक्षक विशाल मल्लको नेतृत्वमा रहेको प्रहरी टोलीले दुवेलाई नगद १ लाख ७० हजार घुसको रुपैया सहित पक्राउ गरेको हो । दुवे धनुषा जिल्लाको जनकपुरधाम उपमहानगरपालिका वडा नम्बर २४ निवासी हुन ।

दुवेले प्रत्येक सेवाग्राहीसँग विकास निर्माणको ठेक्का पट्टाको फाईल सदर र निर्माण सम्पन्नको प्रमाणित गर्न ठेक्का रकमको १० प्रतिशत भुक्तानी नगरी हस्ताक्षर नै नगर्ने गरेको छन । जिल्ला वन कार्यालय मार्फत ओम निर्माण सेवा बसन्तपुरले जिराभवानी गाउँपालिकामा रहेको सब डिभिजन कार्यालय बसन्तपुर र सब डिभिजन कार्यालय मानवाको बन कर्मचारीहरुको लागि स्टाफ क्वाटर निर्माणको ठेक्का पाएको थियो ।

दुवै निर्माण कम्पन्नीको स्टाफ क्वाटर निर्माण गर्न १०÷१० लाख रुपैयामा ठेक्का सकार गरी भवन समेत निर्माण गरीसकेको छ । आर्यन एण्ड आशिष निर्माण कम्पन्नीका संचालक कृष्णमोहन साहले भने, भवन निर्माण गरी सकेपनि सब ईन्जिनियर दुवेले कमिशन विना फाईलमा हस्ताक्षर गर्न मानेका थिएनन्। १ लाख ७० हजार कमिशन बापत घुस लिएपछि मात्र फाईलमा हस्ताक्षर गर्ने भएपछि घुस बापतको रकम लिएको केहि बेरमै प्रहरीले उनलाई रंगे हात पक्राउ गरेको बताए ।

दुवेलाई १ लाख ७० हजार नगद घुस बापत रुपैया लिई रहेको अवस्थामा पक्राउ गरिएको पर्साका प्रहरी उपरिक्षक रमेश बस्नेतले बताए । उनले भने, दुवेलाई पक्राउ गरी जिल्ला प्रहरी कार्यालयमा ल्याएका छौ, प्रारम्भीक अनुसन्धान पश्चात अख्तियारको जिम्मा लगाउँने छौ ।

१९ असार, काठमाडौं । गत जेठ महिनामा रोजगारीका लागि विदेशिने नेपाली श्रमिकको संख्या बढेको छ । वैशाखको तुलनामा जेठमा १७ हजारभन्दा बढी नेपाली वैदेशिक रोजगारीमा गएका छन् । दैनिक असौत २ हजार नेपालीहरु रोजगारीका लागि विदेश उडरिहेका छन् ।

वैशाखमा चैतको तुलनामा कामका लागि विदेशिने नेपपालीको संख्या साढे १० हजार जनाले घटेको थियो । वैदेशिक रोजगार विभागका अनुसार जेठमा विदेशिने नेपालीको संख्या ६२ हजार ३४९ जना पुगेको छ ।वैशाख महिनामहिना भर विदेशिने नेपालीको संख्या ४५ हजार ४ मात्रै थियो । चैत महिनामा ५५ हजार ५२३ जना नेपाली रोजगारीका लागि विदेश गएका थिए ।वैशाखमा दैनिक औसत १ हजार ५ सय जना विदेश गएकोमा जेठमा त्यो संख्या औसत २ हजार नाघेको छ । गत जेठ महिनामा ३४ हजार ८०७ जना नेपाली नयाँ श्रम स्वीकृति लिएर विदेश गाएका थिए भने बाँकीले पुरानै श्रम स्वीकृति नवीकरण गरेका थिए ।स्थानीय तह चुनावका कारण पनि वैशाखमा श्रम स्वीकृति नवीकरण गरेर जाने र नयाँ स्वीकृति लिएर जाने दुवै खालका श्रमिकको संख्या घटेको अनुमान थियो । वैशाखमा २३ हजारले मात्रै नयाँ श्रम भिसा प्रााप्त गरेर विदेश जान श्रम स्वीकृति पाएका थिए ।२०७८ चैत महिनामा बाहिरिएका साढे ५५ हजारमध्ये २७ हजार १५६ जनाले नयाँ श्रम स्वीकृति लिएका थिए भने अन्यले श्रम स्वीकृति नवीकरण गरेका थिए । फागुन महिनामा ५३ हजार ४५७ जना विदेश जान श्रम स्वीकृति पाएका थिए । माघ महिनामा यस्तो संख्या ५४ हजार ४७० जना थियो ।

पुस महिनामा ६६ हजार ६२५ जना श्रमिकले वैदेशिक रोजगारीमा जान श्रम स्वीकृति लिएका थिए भने मंसिर महिनामा ७४ हजार ३५४ जना नेपाली श्रमिक वैदेशिक रोजगारीका लागि विदेश पुगेका थिए ।

वैदेशिक रोजगार विभागका अनुसार कोरोना महामारीका कारण दुई वर्षयता वैदेशिक रोजगारीमा आएको संकट हट्दै गएपछि विदेशिने नेपालीको संख्या नियमित गतिमा फर्किएको छ ।

अहिले पनि खाडी मुलुक कतार, साउदी अरेबिया र यूएईमा जाने नेपालीको संख्या धेरै छ । कुवेत, ओमान लगायतका देशमा पनि नेपालीहरु गइरहेका छन् । चैत महिनादेखि मलेसियाबाट पनि माग आउन थालेको छ ।

विभागका अनुसार २०७८ वैशाखमा २४ हजार ३६३ जना नेपाली रोजगारीका लागि विदेश गएका थिए । तर, २०७८ को जेठमा विदेशिने नेपालीको संख्या घटेर ४ हजार ८६ मा सीमित भएको थियो । असारमा २० हजार ६५८ जना नेपालीले विदेश जान श्रम स्वीकृति लिए । विभागका अनुसार गत साउनमा २५ हजार ४२८ जना, भदौमा ३६ हजार ४० जना, असोजमा ३९ हजार ६७१ जना र कात्तिक महिनामा ५४ हजार ९१८ जना नेपाली कामका लागि विदेश उडेका थिए ।

वैदेशिक रोजगारीमा जाने नेपालीको संख्या गत वर्षको जेठयता लगातार उकालो लागिरहेकामा पुसबाट घट्न सुरु गरेको थियो । फेरि विदेश जाने नेपालीको संख्या उकालो लाग्ने देखिएको छ ।

काठमाडौं। काठमाडौंको बुद्धनगरस्थित निजी क्षेत्रबाट संचालित केएमसी स्कुलको होस्टलमा एक किशोरी झण्डिएको अवस्थामा फेला परेकी छिन्। काभ्रेको रोसी गाउँपालिकाकी २० वर्षीया रमा रायमाझी शनिबार साँझ झुन्डिएको अवस्थामा फेला परेकी हुन्।

अघिल्लो साँझ नै उनी मृत फेला परेपनि परिवारका सदस्यहरुले शव उठाउन दिएका छैनन्। झुन्डिएको भएपनि शरीर भुईँमा लत्रिएकाले उनको मृत्यु शंकास्पद भएकाले भन्दै आफन्तहरुले शव नउठाएका हुन्। महानगरीय प्रहरी वृत्त वानेश्वरका अनुसार अहिले बुद्धनगरस्थित सो स्कूलमा ठूलो संख्यामा प्रहरीका परिचालन गरिएको छ ।

रमाका आफन्त श्याम खत्रीले साँझ ५ बजेतिर घटना थाहा पाएको होस्टल प्रशासनले ७ बजेपछि मात्र परिवारलाई जानकारी गराउनु नै शंकास्पद रहेको बताएका छन्।

रमा विगत दुई वर्षदेखि होस्टलको किचनमा काम गर्दै आएकी थिइन्। प्रहरीले अहिले विहान १० बजे स्कूल प्रशासनसँग छलफल राखेको छ। महानगरीय प्रहरी परिसर काठमाडौंका एसपी दिनेश मैनालीले सो घट्नाको अनुसन्धान भैरहेको र पीडित र स्कूल प्रशासनसँग समन्यव भैरहेको बताए। ‘हामीले समन्वय गरिरहेका छौ, १०बजे सबै पक्ष राखेर छलफल गर्नेछौ साथै घट्ना अनुसन्धान पनि भैरहेको छ’, एसपी मैनालीले भने।

पाँचथरको फालेलुङ गाउँपालिका–७ मा पहिरोमा घर पुरिंदा एकै परिवारका तीन जना सम्पर्कविहीन छन्।
अविरल वर्षासँगै खसेको पहिरोले घर पुरिंदा तीन जना सम्पर्कविहीन भएको प्रदेश प्रहरी कार्यालय, विराटनगरले जनाएको छ। गएराति १० बजेतिर बिहिदिन बजार नजिकै रहेको दलबहादुर मगरको घर पहिरोले पुरिएको प्रदेश प्रहरी कार्यालय विराटनगरका प्रहरी उपरीक्षक नवीनराज राईले बताए।
उनका अनुसार, पहिरोमा दलबहादुरका छोरा ४२ वर्षीय दलप्रसाद, बुहारी ३८ वर्षीया गोमा र भतिजी १९ वर्षीया एलिसा मगर सम्पर्कविहीन छन्। घरधनी दलबहादुरलाई भने स्थानीयले तत्कालै उद्धार गरेको प्रहरीले जनाएको छ।

सम्पर्कविहीन तीनै जनाको खोजी भइरहेको छ। स्थानीय बासिन्दासँगै नेपाल प्रहरी, सशस्त्र प्रहरी र नेपाली सेनाको टोली खोजीमा जुटेको छ।

https://www.himalkhabar.com/news/130918