Category: मुख्य खबर

कैलालीमा पाँच तोला बराबरका सुनका गरगहना र नगद चोरी गरेर भाग्ने क्रममा दुर्घटनामा परेर एक युवक घाइते भएका छन् ।

जानकी गाउँपालिका–७ गोलौरीका शंकरप्रसाद शर्माको घरबाट गरगहना र नगद चोरी गरेर भाग्ने क्रममा जोशीपुर गाउँपालिका ४ बस्ने ३५ वर्षीय इमरान हसन आफैँले चलाएको मोटरसाइकल दुर्घटनामा परेर घाइते भएको प्रहरीले जनाएको छ ।

दुर्घटनामा खुट्टा भाँच्चिएर घाइते अवस्थामै उनी पक्राउ परेका हुन् । उनको प्रहरीको निगरानीमा टीकापुर अस्पतालमा उपचार भइरहेको छ ।

चोरी गरेर लगेका सुनको ब्रासलेट, जुली, तिलहरी, झुम्का, औँठी, मंगलसुत्रसहितका गरगहना र नगद ६२ हजार ५३२ रुपैयाँसमेत बरामद गरिएको जिल्ला प्रहरी कार्यालय कैलालीले जनाएको छ ।

तुलसीपुर, १ कार्तिक । दुईजना बालबालिकाको हत्याका मुख्य योजनाकार सहित केहि युवालाई पक्राउ गरेको प्रहरी स्रोतले बताएको छ । पक्राउ पर्नेमा सल्यानको कपुरकोट गाउँपालिका – ६ निबासी २१ बर्षका सुशील पुन मगर र मकावनपुरको हेटौडा नगरपालिका – ८ निबासी २४ बर्षका सुबाश थिङ रहेको प्रहरी स्रोतले जनाएको छ । घटनामा संलग्न रहेको आराेपमा इलाका प्रहरी कार्यालय तुलसीपुरले , तुलसीपुर उपमहानगरपालिका -१३ का केहि युवालाई पनि नियन्त्रणमा राखेको छ ।

पक्राउ परेका मध्य केहिले हत्या गरेको र केहिले बोकेर जंगलमा लग्ने काम गरेको र केहिले खाडल खन्ने काम गरेका थिए । सुरुमा शरद आचार्यको हत्या गरेका आरोपीले रोशनी महतारा चिच्याएपछि पोल खुल्ने डरले उनको पनि हत्या गरेको प्रहरी स्रोतले बताएको छ । यद्यपी प्रहरीले यसको आधिकारीक पुष्टि भने गरिसकेको छैन । यता जिल्ला प्रहरी कार्यालय दाङका डिएसपी राजन गौतमले घटनाकाे एक्सपोज गर्नका लागि सूचना प्राप्त रहेपनि थप केहि खुल्छकी भनेर ससाना घटनाको अनुसन्धान गरिरहेकाे बताउनुभयाे ।

तुलसीपुर उपमहानगरपालिका–१३ जनकल्याण सामुदायिक वनको जंगलमा आइतबार दिउँसो एउटै खाडलमा हत्या गरेर पुरेको अवस्थामा शरद र रोशनीको शव फेला परेको थियो । दुबैजना २७ गते साँझबाट हराईरहेका थिए ।

दाङको तुलसीपुरमा एउटै खाडलमा भेटिएका किशोर–किशोरीको हत्याका विषयमा अनुसन्धान गर्न प्रहरीले शंकास्पद ब्यक्तीलाई नियन्त्रणमा लिएर अनुसन्धान थालिरहेको छ । तर, सन्तोषजनक प्रगति हुन सकेको छैन । प्रहरीले अनुसन्धानको काम गरिरहेपनि अझै घटनाको विषयमा तथ्य पत्ता लाग्न सकेको छैन ।

अनुसन्धानकै लागि जिल्ला प्रहरी कार्यालय दाङका प्रहरी नायब उपरीक्षक राजन गौतम पनि तुलसीपुरमै छन् । अनुसन्धान जारी रहेपनि अझै पनि सोचे अनुरुपको प्रगति हाँसिल गर्न नसकिएको प्रहरी नायब उपरीक्षक गौतमले बताए ।‘सोँचे अनुरुप प्रगति हाँसिल गर्न सकिएको छैन, हामी अनुसन्धान मै छौं’,उनले भने‘अझै चित्त बुझ्दो हुन सकेको छैन ।’

पीडितहरु अहिले पीडामा रहेकाले धेरै कुरा बोल्न नमानिरहेकाले पनि उनीहरुको सम्बन्धका बारेमा धेरै कुरा आउन नसकेको उनले बताए । अहिले शंकास्पद ब्यक्तीहरुलाई सोधपुछ गरिरहेको भएपनि अझै त्यसको नजिकसम्म पुग्न सकिएको अबस्था नरहेको डीएसपी गौतमले बताए । ति केटाकेटीको आनीबानी बुझ्न उनका साथीहरुलाई पनि सोधपुछ गरिएको प्रहरीले बताएको छ ।

उनका अनुसार अहिले दर्जनबढि ब्यक्तीहरुलाई नियन्त्रणमा लिएर अनुसन्धान गरिएको छ ।‘सोधपुछको काम चलिरहेको छ, १०/१५ जना ब्यक्तीहरुलाई नियन्त्रणमा लिएर सोधपुछ गरिरहेका छौं, बानीब्यहोरा बुझ्न उनीहरुका साथीहरुलाई पनि सोधपुछ ग¥यौं’,उनले भने‘तर, फाईनल यही हो, भनेर अझै भन्न सकिने अबस्था छैन ।’

कल डिटेल रिपोर्ट नआउँदासम्म यही हो भन्न नसकिने उनले बताए । केटा बेपत्ता भएपछि एक टिप्पर चालकले उनको हजुरआमालाई फोन गरेको देखिएपछि उनलाई नियन्त्रणमा लिएर अनुसन्धान थालिएको छ । उनले दिएको बयानकै आधारमा अनुसन्धान भइरहेको छ ।

तुलसीपुर उपमहानगरपालिका वडा नं.१३ दमारगाउँ स्थित एक सामुदायिक बनमा
दंगीशरण गाउँपालिका वडा नं.६ थपगाउँ निवासी १५ बर्षीय शरद आचार्य र तुलसीपुर १३ डाँडागाउँ निवासी रोशनी महतारालाई हत्या गरि एउटै खाडलमा गाडिएको अबस्थामा आईतबार दिउसो १२ बजेतिर फेला पारिएको थियो । उनीहरुको टाउकोमा चोट लागेको छ । टाउकोमा ढुंगा प्रहार भएको जस्तो देखिने डीएसपी गौतमको भनाई छ । तर, यो विषयमा पोष्टमार्टम रिपोर्ट नआउँदासम्म केही भन्न नसकिने उनको भनाई छ ।अझै पनि उनीहरुको पोष्टमार्टम हुन सकेको छैन ।

उनीहरु असोज २७ गते रातिदेखि परिवारको सम्पर्क विहीन बनेका थिए । केटाको शव तल र केटीको शव माथि राखेर गाडिएको थियो । उनीहरुबीच प्रेम सम्बन्ध रहेको स्रोतले बताएको छ ।

खाडल खनेर गाडिएको अबस्थामा फेला परेका उनीहरुको शब गन्ध आएपछि प्रहरीलाई खबर गरिएको थियो । प्रहरी पुगेर उनीहरुको शव निकालेर परीक्षणकालागि राप्ती प्रादेशिक अस्पताल तुलसीपुर लगिएको थियो ।

केटीको घर तुलसीपुर १३ स्थित डाँडागाउ हो । उनका आमा वुवा कमाउन भारत गएका थिए । घरमा दुई दिदी बहिनी बस्थे । त्यो दिन राति मोवाईलमा एक जना टिप्पर चालकले फोन गरको पाईएको थियो । अहिले ति टिप्पर चालकलाई प्रहरीले नियन्त्रणमा लिएको छ । उनलाई सोधपुछ जारी राखिएको प्रहरीको भनाई छ ।

केटा आचार्यको घर दंगीशरण ६ थपगाउँ हो । तर, उनी दमारगाउँ मावलीमा बस्दै आएका थिए । उनीहरु दुबै जना एउटै स्कुलमा पढ्थे । तुलसीपुर १३ स्थित अम्बापुर स्कुलमा आचार्य कक्षा ८ र महतारा कक्षा ९ मा अध्ययनरत थिए । उनीहरु हराएकै दिन राति १२ बजेतिर ‘बचाउ’ भन्ने आवाज आएको स्थानीयले बताएका छन् ।

तुलसीपुर, ३१ असोज । मध्य अमेरिकाको दक्षिणी क्षेत्रमा रहेको पानामाको समुद्रमा डुङ्गा दुर्घटना हुँदा चार जनाको मृत्यु भएको छ । मुत्यु हुनेमा तीन नेपाली र एक भारतिय नागरिक रहेका छन् ।

अवैध बाटो मार्फत अमेरिका जान लागेका २५ जना चढेको डुङ्गा दुर्घटना भएको हो । बेपत्ता हुनेहरुमा दुई जना युवा रुकुम पश्चिम र एक जना प्युठानको रहेको जानकारी प्राप्त भएको छ ।

रुकुम पश्चिमको बाँफिकोट गाउँपालिका ७ का २५ वर्षका प्रदिप खत्री र मुसिकोट नगरपालिका ५ का अन्दाजी ४० वर्षका रमेश गौतम र प्युठानका काले गिरी दुर्घटनामा परेर बेपत्ता हुनुभएको पारिवारीक श्रोतले जानकारी दिएको छ ।

अक्टोबर १३ तारिखको राती पानामा देशको राजधानी पानामा शहरस्थित समुद्रमा डुङ्गा दुर्घटना भएको बताईएको छ । दुर्घटनापछि जीवित रहेकाहरुलाई त्यहाँको सेनाले हवाई जहाज मार्फत कोष्टारिका लिएको छ । उक्त दुर्घटनामा अन्य के कति क्षति भएको भन्ने बारेमा पुरा विवरण आउन सकेको छैन ।

पञ्चाङ्ग चित्रपट भाग:-१४
लेख्नुपर्ने पञ्चाङ्ग सङ्ख्या : ०१
मिति: २०७९/०६/२७

आदरणीय पञ्चाङ्गका अनुरागी  एवम् पञ्चाङ्ग स्रष्टाज्युहरू हार्दिक नमस्कार  ” पञ्चाङ्ग साहित्य समाज नेपाल” को आधिकारिक दर्ता पछिको १४[चौधौँ]  चित्रपटमा छौं।
         यहाँहरुलाई हार्दिक स्वागत गर्दै

          
यस्  शृङ्खलामा दिइएको चित्र अनुसारको विबात्मक तथा गहन मौलिक भाव झल्किने एक पञ्चाङ्ग भोलि साँझ ८:०० बजेभित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!

प्रवर्तक तथा परिकाल्पनाकार
=================
सोमनाथ लुइटेल “रवि पाल्पाली”

प्रशिक्षक :
————
गुणनिधि घिमिरे
तोयानाथ सुवेदी

चित्र संकलन गुगलबाट

सोमनाथ लुइटेल “रवि पाल्पाली”

शुद्धीकरण
————–
भवानी घिमिरे
पुष्पा नेपाल (सुवेदी )

सङ्कलक :-
———-
दुर्गा आचार्य & सुशीला पौडेल

संरचना
———
अनुप्रास :- आफू खुसी
स्थायी :- आफू खुसी
अक्षर :-  बराबरी

समायोजन
————-

सोमनाथ लुइटेल “रवि पाल्पाली”
                  तथा
पञ्चाङ्ग साहित्य समाज नेपाल
————————

चित्रपट पञ्चाङ्ग   [०१]

दिक्क मानेर लौरो समातेर बसेको देख्छु ।
आफन्तले नै आफैलाई त्यसै डसेको देख्छु ।
हाम्रो दिन त गएको हो कि भनेर नसोच्नु,
बोल्न मन नलागेर कुनामा पसेको देख्छु ।
सपना जस्तै एकान्तमा सधैँ खसेको देख्छु ।

✍️सोमनाथ लुइटेल “रवि पाल्पाली”

चित्रपट पञ्चाङ्ग   ०२

मेरो छोरो-बुहारीको गतिलो घर छ ।
चौकीदारी गर्न भने मलाई कर छ।
विदेश तिरै बस्छन छोरो र बुहारी,
घरमा म एक्लै छु बस्न पनि डर छ।
हेर्नोस् एउटा निर्जीव लौरोको भर छ।

       ✍️अरुण कु.भुजेल
गोरूबथान,कालेबुङ्ग,भारत।

चित्रपट पञ्चाङ्ग   ०३

जवानी त कमाउँदैमा गयो।
अब लौरो समाउँदैमा गयो।
आफ्ना छोराछोरी कता छन् कता,
साथ सबै रमाउँदैमा गयो।
पैसा घर जमाउँदैमा गयो।

✍️सुमित्रा पोखरेल काठमाडौं ।

चित्रपट पञ्चाङ्ग   ०४

दिन ढल्के घर घर नहुने रहेछ ।
आफ्नै मानिसको भर नहुने रहेछ ।
उमेर थियो र सम्पूर्ण नजिक हुन्थे,
बैँस सकिँदा रहर नहुने रहेछ ।
अन्तमा मृत्युको डर नहुने रहेछ ।

✍️आर्त अकुलीन, कैलाली ।

चित्रपट पञ्चाङ्ग   ०५

जति पटक जिताए पनि केही,गरेको होइन ।
जितेर  गएपछि  फर्केर गाउँ, झरेको होइन ।
यस्तो र उस्तो भन्यो,आखिरमा उनैछन् भोट माग्ने,
ढलेको सिन्को सम्म वर को पर,सरेको होइन।
वाध्यताले  जिताइयो  तर  मन,परेको होइन।
                         
✍️चिरञ्जीवी ढकाल
नेपालगन्ज -२०
राँझा एयरपोर्ट बाँके

चित्रपट पञ्चाङ्ग   ०६

रोगी भएँ असाध्यै थाती छ एक लौरी ।
आफ्ना समस्त भन्दा जाती छ एक लौरी ।
हेर्छन् सबै मलाई हो बोझझैँ गरेर ,
व्यथा सुनेर बस्ने छाती छ एक लौरी ।
एकान्तको सहारा राती छ एक लौरी ।

✍️पद्मा , बाँके
२०७९/०६/२८

चित्रपट पञ्चाङ्ग   ०७

बुढेसकालमा साहारा नहुने रहेछ ।
उमेरमा जस्तो आहारा नहुने रहेछ ।
के थाहा र यस्ता  दिन आउला भनेर,
कसैसँग   धेरै  कुरा  नहुने  रहेछ ।
वृद्धका ईच्छा नि  पूरा नहुने रहेछ ।

✍️दुर्गा भट्टराई
मोरङ।

चित्रपट पञ्चङ्ग   ०८

रुन्छ मन एक्लै बस्दा आँसु कति खसाउ यहाँ ।
दुनियाँ दारी सोचेर मनमा डर बसाउ यहाँ ।
सधै हतार हुन्छ आफू परियो बेरोजगारी ,
सफा दिलमा जग्गा बनाई सबैलाई हसाउ यहाँ ।
अजम्वरी बाँच्न को सक्छ भन्दै न डसाउ
यहाँ ।

✍️अम्बिका अधिकारी
झापा विर्तामोड।

चित्रपट पञ्चाङ्ग   ०९

चिन्ता छ अब धेरै दुःखका दिन आए ।
कम्जोर भयो  रोगले  घेर्ने छिन आए ।
यो  उमेर मान  सम्मान मा ठेंश  पुग्छ ,
हिंँड्डुल गर्न नसक्ने लौरा बिन आए ।
साथी बिन मुश्किल दिन एकिन आए।

✍️सुरेशकुमार पान्डे, दाङ घोराही ।

चित्रपट पञ्चाङ्ग   १०

सबै बुझ्ने भईसक्यौ  मैले के भनुूँ ।
यता भएन उता भएन जहिले के भनूँ
जसोगरि भएपनि लौफआफ्नो काम गर,
गल्ती गर्छौ सधैँ नै तिमी अहिले के भनूँ।
सम्झाउदै दिन त बिते कहिले के भनुूँ।

✍️सन्जना शर्मा, दाङ लमही ।

चित्रपट पञ्चाङ्ग   ११

दिन ढल्दै जाँदा एक्लै हुने रहेछ ।
साना बाल साथी भन्दै रुने रहेछ ।
हात खुट्टालाई  नि सहारा चाहिने ,
माथि चढ्छु भन्दा भुईँ छुने रहेछ ।
कपडामा प्यारो दौरा तुने रहेछ ।

✍️जमुना आचार्य, सिन्धुपाल्चोक ।

चित्रपट पञ्चाङ्ग   १२

उमेर ढल्के पछि हिँडडुल गर्नलाई कर हुने रहेछ।
यसो पाइला चाल्न नसक्दा यहीँ लौरोको भर हुने रहेछ ।
रैछ जीवन राम्रो नराम्रो,टाढा नजिक उमेर हुँदा मात्र ,
अतीतको मिठो सम्झना सबै थोक अब घर हुने रहेछ।
जति भो बृद्धअवस्था उति मरिन्छ भन्ने डर हुने रहेछ ।

✍️दुर्गा आचार्य, मोरङ ।

चित्रपट पञ्चाङ्ग   १३

जन्मेपछि उमेर सबैको आउँछ हेर ।
बैँसलाई त सबैले माया लाउँछ हेर ।
तर जवानी सधैंँ रहदैन नि नानी हो ,
बैँस त बुढेसकाल तिरै  धाउँछ हेर ।
बुढेसकालमा कस्ले माया पाउँछ हेर ।

✍️पशपति राई, खोटाङ ।

चित्रपट पञ्चाङ्ग   १४

सुनसान घरमा एक्लै वस्दा मन रुने रहेछ ।
काेही छैन सामुमा पीर पर्दा मुटु छुने रहेछ ।
छैनन् सन्तान दायाँबायाँ भए लागे परदेश ,
जे परेपनि मनकाे मैलाेआफैंले  धुने रहेछ ।
बुढेसकालकाे सहारा त लाैरी नै हुने रहेछ ।

✍️उर्मिला के.शी., धनकुटा ।

चित्रपट पञ्चाङ्ग   १५

लौरोको सहारामा सब छोड्नु परेको छ।
मैले दुश्मनसँग बाटो मोड्नु परेको छ।
बुढेसकालमा साथ दिने आफ्नो नहुँदा,
आफन्तहरू जतिलाई गोड्नु परेको छ।
भएका सम्बन्ध सबै नै तोड्नु परेको छ।

✍️सुशीला पौडेल, काठमाडौं ।

चित्रपट पञ्चाङ्ग   १६

बुढो हुँदै जाँदा कपाल झर्दो रहेछ ।
एक्लो पनले सारै मन मर्दो रहेछ ।
साहारा दिने साथीले छोडेर जाँदा ,
यही बैसाखीमा जिवन टर्दो रहेछ।
अगाडि यसरी जीवन सर्दो रहेछ।

✍️सीता शर्मा, वीरगन्ज ।

चित्रपट पञ्चाङ्ग   १७

हातमा लौरो समाई नचाउन जान्नु पर्छ ।
नेताले अबत जनताको कुरा मान्नु पर्छ ।
कुशासनले छायो विकृती रोकनलाई नै,
लौरो चिन्हमा  मतदान  गरेर तान्नु पर्छ ।
भ्रष्ट जतिलाई मङ्सिर चारले बान्नु पर्छ ।

✍️पार्वती अर्याल , भरतपुर चितवन।

चित्रपट पञ्चाङ्ग  १८

हजुरबाले सोच्न लाग्नु भयो लौरो   टेकेर भोटलाई।
साँच्चै भन्न लाग्नु भयो सक्षम युवा देखेर भोटलाई।
अघिका नेताले डुवाए देश युवामा दिनुपर्छ भोट,
बुढाबाले भन्छन् दिन्छु युवालाई नै लेखेर भोटलाई।
म भन्छु नेताहरू के हिँड्छौ  जनता सेटेर भोटलाई।

बेदु न्यौपाने काठमाडौ ✍️

चित्रपट पञ्चाङ्ग   १९
१.
हाँस्नुपर्छ पर्वमा  काेही रुनु हुँदैन
राेग भाेक अनि शाेकले  छुनु हुँदैन
मेरो कुरा साँच्चै सुन्नेभए दुर्गा माता
दशैँ कहीँ कतै  नि  दशा  हुनु हुँदैन
आँसुले  कदापि  मुहार धुनु हुँदैन ।
२.
सजिलै  मानिसहरू  लुटाउन सक्छन्
लगाएर  परचक्री  कुटाउन सक्छन्
फलाम काट्ने फलामजस्तै न हाे मान्छे
बहाना  उम्दा अनेकाैँ  जुटाउन सक्छन्
ख्याल गराैँ  सहाेदर फुटाउन सक्छन्  ।

✍️केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा ।

चित्रपट पञ्चाङ्ग   २०

लौरीले भ्रष्टलाई बजाउनु छ।
मनमा लौरीलाई सजाउनु छ।
बालेनदेखि भवानीसम्म लौरी,
लौरीले सबैलाई कजाउनु छ।
भुलियो भने लौरी लजाउनु छ।

✍️घनश्याम पौडेल, पोखरा

चित्रपट पञ्चाङ्ग   २१

लाैरीकाे सहारामा जिन्दगी छाेड्नुपर्छ अब,
शत्रु मित्रकाा अगाडि बाटो माेड्नुपर्छ अब,
बुढेसकालमा सहारा मेरो कहीँ नहुँदा,
नातासम्बन्ध त्यो जेछ सबै ताेड्नुपर्छ अब
परलोकको शान्ति बगैँचा गोड्नुपर्छ अब।।

   ✍️सहयात्री शाेभा अर्याल
     बुटवल १४ रुपन्देही
चित्रपट पञ्चाङ्ग  २०

हजुरबाले सोच्न लाग्नु भयो लौरो   टेकेर भोटलाई।
साँच्चै भन्न लाग्नु भयो सक्षम युवा देखेर भोटलाई।
अघिका नेताले डुवाए देश युवामा दिनुपर्छ भोट,
बुढाबाले भन्छन् दिन्छु युवालाई नै लेखेर भोटलाई।
म भन्छु नेताहरू के हिँड्छौ  जनता सेटेर भोटलाई।

बेदु न्यौपाने काठमाडौ ✍️

चित्रपट पञ्चाङ्ग   २१
१.
हाँस्नुपर्छ पर्वमा  काेही रुनु हुँदैन
राेग भाेक अनि शाेकले  छुनु हुँदैन
मेरो कुरा साँच्चै सुन्नेभए दुर्गा माता
दशैँ कहीँ कतै  नि  दशा  हुनु हुँदैन
आँसुले  कदापि  मुहार धुनु हुँदैन ।
२.
सजिलै  मानिसहरू  लुटाउन सक्छन्
लगाएर  परचक्री  कुटाउन सक्छन्
फलाम काट्ने फलामजस्तै न हाे मान्छे
बहाना  उम्दा अनेकाैँ  जुटाउन सक्छन्
ख्याल गराैँ  सहाेदर फुटाउन सक्छन्  ।

✍️केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा ।

चित्रपट पञ्चाङ्ग   २२

आँगन पनि परदेश हुँदो रहेछ
एक्लो हुँदा सधैँ यो मन रुँदो रहेछ
चक्र हो जीवनमा भोग्नै पर्ने बुढ्यौली
सानै कुराले पनि दिल छुँदो रहृेछ
केवल सत्कर्मले दुःख धुँदो रहेछ

✍️पुष्पा नेपाल(सुवेदी )
   इलाम ।

चित्रपट पञ्चाङ्ग   २३

सानाे कुराले पनि चसक्क हृदय  छुँदो रहेछ ।
बोझ भएछु की झैँ लाग्दा भित्री मन रुँदो रहेछ ।
लौरी र औषधीको भरमा दिन काटनु पर्दा ,
वृद्ध अबस्थामा सहन सारै गाह्रो हुँदो रहेछ ।
आँसुका धाराले नै राती सिरानी धुँदाे रहेछ ।

✍️नानीबाबा अधिकारी,  काठमाडौं ।

काठमाण्डौँ, २९ असोज । साप्ताहिक तस्बिरमा उदक लेखन शृङ्खलाको ७३औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५२ जना उदक स्रष्टाहरूको सहभागिता रहेको उदक लेखन शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

अभ्यासमा सहभागी उदक यात्रीका उदकहरू

१
हिमाल
चाँदीको पर्खाल
सुन्दर शान्त नेपाल !

• पूर्णबहादुर श्रेष्ठ ‘हृदयङकृत’ पनौती-३, काभ्रे

२
नेपाल
हाँसेको हिमाल
शान्त सौम्य विशाल !

• आर्त अकुलीन, कैलाली

३
सूर्याेदय
हिमाल टल्केको
मनमाेहक सुनाैलाे भएको !

• प्रद्युम्न चालिसे, भक्तपुर

४
हिमालय
नाम विशाल
पहिचान हो नेपाल !

• कृष्ण जोशी
  हाल: मेरिल्याण्ड, अमेरिका

५
हिमाल
नेपालकाे गौरब
प्रकृतिको अनुपम उपहार !

• राजकुमार राजभण्डारी ‘खाेटाङ्गे’
  मध्यपुर ठिमी-५, सङ्गम काेलाेनी, भक्तपुर

६
सौन्दर्य
मौसम खुलेको
आहा! मन भुलेको !

• म्यामराज राई,भोजपुर

७
हिमाल
अनुपम उपहार
सुन्दर शान्त विशाल !

• रमा पन्त, पाल्पा

८
हिमाल
नेपालको पहिचान
स्वर्गको एक टुक्रा !

• सीता पाण्डेय मरासिनी
  रेसुङ्गा नगरपालिका-९, गुल्मी

९
हिमाल
हिउँ थुप्रो
विश्वम८ सुन्दर नेपाल !

• घनश्याम पौडेल
  गौरीगङ्गा नगरपालिका-९, कैलाली

१०
हिमाल
नेपाली माटो
बुद्ध हिँडेको बाटो !

• सविता के.सी., काठमाडौँ

११
किरण
सुर्यको मनमोहक
दृश्य हिमाल टल्केको !

• सुमित्रा पोखरेल, काठमाडौँ

१२
हिमाल
कल्पित लहर
सौम्य यो प्रहर !

• प्रेम थापा ‘मन’, बागलुङ

१३
हिमाल
स्वर्गको काख
गौरवान्वित अद्भुत आभास !

• लक्ष्मी अर्याल, काठमाडौँ

१४
नेपाल
टलकेको हिमाल
सुन्दर शान्त विशाल !

• सरस्वती श्रेष्ठ, इटहरी

१५
सम्पदा
नेपाली सान
विश्व सामु पहिचान!

• राम न्यौपाने, कैलाली

१६
हिमाल
नेपालको शिर
कहिल्यै नझुक्ने वीर ।

• पशपति राई, खोटाङ

१७
हिमाल
नेपालको पहिचान
सदैव उँचो शिर

• गोपाल प्रसाद पौड्याल, विराटनगर

१८
स्वर्ग
मनोरम प्रकृति
मेरो धर्ती नेपाल !

• लालबहादुर थापा, कैलाली

१९
हिमाल
राष्ट्रको सिरानी
पुर्खाले आर्जेको निशानी !

• बुद्धिप्रसाद लामिछाने, कैलाली

२०
सुनौलो
हिमाली लालिमा
बुद्ध स्तुपाको गरिमा!

• कमला देवकोटा, पाल्पा

२१
सुनौलो
हिउँ फुलेको
स्वर्गको टुक्रा नेपाल !

• गोपे दाजु, पाँचथर

२२
प्रात:काल
स्वर्णिम छटा
हिमाल कति ओटा ?

• नवराज भट्ट, कञ्चनपुर

२३
हजुर
अद्वितीय मुस्कान
दन्त लहरी गजुर !

• शारदा आचार्य, लालितपुर

२४
हिमाल
राष्ट्रको गौरव
सौर्न्दर्य अति मनमोहक ।

• समुन्द्रा शर्मा, इटहरी

२५
हिमाल
नेपालको पहिचान
कहिले नहराउने आफ्नोपन !

• हीरा तामाङ, काभ्रे

२६
नेपाल
हिमालको काखमा
मन्दिरै मन्दिर साथमा ! – त्रिलोक रामदाम, सिद्धार्थनगर-८, भैरहवा

२७
सुनाैलाे
स्वर्ग हिमाल
गाैरवशाली देश नेपाल !

• रामप्रसाद पुरी, बादेल, खाेटाङ

२८
अनुपम
छटा प्रकृतिको
साैम्य स्वच्छ मनाेहर !

• सुधा बाँस्कोटा ढकाल, काठमाडौँ

२९
हिमाल
विश्वले चिनेको
बुद्धको देश नेपाल !

• धर्मी शाक्य, बुटवल, रुपन्देही

३०
हिमाल
गुम्बा विहार
संस्कृति बोकेको नेपाल !

• जमुना आचार्य, सिन्धुपाल्चोक

३१
हिमाल
प्रकृति अनमोल
नेपालको राष्ट्रिय सम्पत्ति !

• रतन बिष्ट ‘सिर्जन’, डडेल्धुरा

३२
प्रकृति
सुनाैलाे माैसम
हिमालको उचाइमा बाैद्धगुम्बा !

• नारायण प्रसाद उपाध्याय, कैलाली

३३
सुनौलो
बिहानीको हिमाल
स्वयम्भूको मनोरम दृश्य !

• खेमराज पुरी, कैलाली

३४
हिमालय
स्वर्णिम आकाश
प्रकृति संस्कृति एकनास !

• मनोज थापा, कैलाली

३५
बिहानी
सुनौलो किरण
मुसुक्क हाँसेको हिमाल !

• धनमाया चौधरी, कैलाली

३६
हिमाली
काखमा रमाइलो
आहा सुन्दरताको प्रतीक !

• नारायण कोइराला, तानसेन, पाल्पा

३७
हिमाल
पर्यटक पल्केको
प्राकृतिक सुन्दरता झल्केको !

• मन्दिरा सेढाई, धादिङ

३८
हिमाल
टलक्क टल्केको
दृश्यले पर्यटकहरू पल्केको !

• ईश्वरी अधिकारी, लमजुङ

३९
प्रकृतिक
अनुपम उपहार
हाम्रो देशको हिमाल !

• मङ्गला उपाध्याय, कलैया-१, बारा

४०
हिमाल
हाम्रो नेपाल
सुन्दर शान्त विशाल !

• हिमाल अम्मै, घोडाघोडी, कैलाली

४१
हिमाल
बुद्ध स्तूप
स्वर्ग भन्दा अद्भुत !

• वेदना रागी, टीकापुर, कैलाली

४२
हिमाल
वरिपरि वनपाखा
बिचमा माटोको थुप्रो !

• अम्बिका अधिकारी, बिर्तामोड, झापा

४३
हिमाल
सौम्य प्रकृति
हामी सबैको सम्पत्ति !

• कविता आचार्य, कैलाली

४४
लालिमा
सुन्दर छटा
अनुपम सौर्न्दर्य रूप !

• तिला लेकाली, मोरङ

४५
सुन्दर
पहाडको नजिक
सुन्दर स्तूपाको साथ !

• राजेश भट्टराई
  सैनामैना-११, रुपन्देही
  हाल: भरतपुर, चितवन

४६
हिमाल
स्वर्गको आभास
अटल शिर सदाबहार !

• इन्दिरा देवकोटा, कपिलवस्तु

४७
हिमाल
सूर्यका किरण
जादुमय स्वर्णिम नेपाल !

• श्रीकृष्ण शर्मा, पोखरा

४८
पर्वत
नेपालको गौरव
शिखरबाट बुद्धको सन्देश !

• सोमनाथ लुइटेल ‘रवि पाल्पाली’
  पाल्पा, हाल: बर्दिया

४९
स्वर्ग
हाँसेको हिमाल
सुन्दर मेरो नेपाल !

• हिउँ खतिवडा, कैलाली

५०
नेपाल
धरतीको स्वर्ग
नेपाली हुनुको गौरव !

• कल्पना पहाडी, सिन्धुली

५१
सूर्योदय
हिमालको काख
पहिले टल्केको देखिने !

• सुशिला पौडेल, काठमाडौँ

५२
हिमाल
अटलताको प्रतीक
अहङ्कारी नाशवान् देवघर !

• कण्ठराज गिरी, टीकापुर, कैलाली