काठमाडौ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ६४ औँ शृङ्खला यही पौष २ गते शनिबार सम्पन्न भएको थियो।
अभ्यासमा नेपाल लगायत विश्वका ७३ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ६४औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
माया गर्ने मान्छे मत तिम्रै निम्ति सौता हाले,
छोरीलाई दु:ख नहोस् भन्नुभा’थ्यो ससुराले ।
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
कहिलेकाहीँ साथी पनि शत्रु बनी आउन सक्छन्,
गुन जति सब लुकाई बैगुन जति मात्रै बक्छन्।
🌑युवराज खतिवडा
बुधबारे-३ झापा।
[२]
मुखमा राम राम भित्रभित्रै राख्छौ छुरा,
माया गर्छु भन्दै गर्छौ सौता हालेका कुरा ।
🌑बेदु न्यौपाने
काठमाडौ
[३]
तिम्रै निम्ति गरेको हो दोश्रो बिहे मैले,
सौता ल्यायो भन्छ्यौ किन कड्किएर ऐले?
🌑प्रदीप के रिमाल
इटहरी, सुनसरी।
[४]
धेरै माया लाग्याे मलाई लिएर आएँ अर्की
सुखकाे सास अलिकति फेर्छे अब घरकी ।
🌑ताराप्रसाद चापागाईँ
धुनिबेसी
[५]
आफ्नीलाई झुक्याइकन अर्कैलाई दिने माया,
जवानीमा त कमाइन्छ भोली नहोस् दायाँबायाँ ।
🌑रचना शर्मा प्रतीक्षा
इमाडोल ललितपुर ।
[६]
आँखाबाट चिहाएर, मुटुभित्र बास बस्यौ,
माया गरी ओठ चुम्दै , पिठ्युँपछि छुरा धस्यौ ।
🌑उमा दाहाल
शुन्दरहरैँचा – १० मोरङ
[७[
सौता ल्याउछु तिम्रा ती दु:ख सबै हटाइदिन्छु,
बरु भन सिङ्गो ज्यानलाई डाँडा कटाइदिन्छु ।
🌑सागर आँसु
डोटी
[८]
अनगिन्ती माया गर्ने मान्छे हुँ भन्थ्यौ, ल्याएछौ दाजु अर्कि,
ससुराबाले यस्तो भनेछन , के भन्छौ दाजु माइत फर्कि ?
🌑मन पुन
सुर्खेत
[९]
कसलाई थाहा छ मेरो मन जलेकाे,
उसकाे दिलमा मेराे पवन चलेकाे ।
🌑साम्पाङ्ग सन्ताेष”अनुरागी”
चिचिला :- २ संखुवासभा।
[१०]
तिम्राे बानी उबेलामा नै थिएन नि निकाे,
गरे विदा बाउले के गर्नु लगाई टिको ।
🌑श्याम
[११]
साैता ल्याएर सुख कटाऊ भन्छन् कसका बाले,
यस्ता बेइमानी कुरा गर्ने कस्ता रहेछाै काले ।
🌑धन कुमारी रेग्मी
भरतपुर
[१२]
दुइटी श्रीमती बिहे गर्नु कहिल्यै हुन्न भन्थे नि बाले,
एउटा थाप्लोमा दुइटा नाम्ला कसरी अड्छ भन काले ?
🌑अर्जुन प्रसाद चौलागाई
रामेछाप:-सुनापति-१
हाल:-अमेरिका,बोस्टन।
[१३]
हाम्रो माया पिरती अजम्बरी रहोस्, समाजको नजरमा,
सुखशान्ति आओस् सधैँ नै नपरोस् भित्र्याउन सौता घरमा ।
🌑कबिताहरी
सुन्दर हरैंचा नगरपालिका १ मोरङ
[१४]
हेर न कति जानेको होला कुरा बनाउन ठिक्क,
कसरी सम्झाउँ खै म भन्या, सुन्या होइन फिटिक्क
🌑अनुग्रह राना मगर ‘पुष्प’
पाँचखपन नपा – ६ संखुवासभा हाल मलेसिया
[१५]
छँदाछँदै मायालु आफ्नी किन खोज्यौ अर्की जोई,
झोल मिल्यो चोक्टा खोज्दा बस अब कराइ रोई ।
🌑त्रिलोचन भण्डारी
मेचीनगर, झापा
[१६]
तिम्रो माया बेसारे रहेछ बल्ल थाहा पाएँ
त्यही भएर तिमीलाई छाडी माइत आएँ ।
🌑सरिता सेढाई
धादिङ
[१७]
दुई जाेइकाे पाेइ, कुना पसी राेई,
पानी समेत् नपार, कुन्नि केले धाेई ।
🌑शम्भु गजुरेल
सिन्धुली राममाडी ।
[१८]
बाबाले छोरीको लागी भनेर सौता हाल्यो,
जिवनभर कलेस भएछ घर ढाल्यो ।
🌑सुरेशकुमार पान्डे।
दाङ घोराही १८
[१९]
मेरै निम्ति साैता हाल्याै घरकाे शान्ति खाेई,
दुई जाेइकी पाेइ अब कुना पसी राेई ।
🌑निरज कोइराला
बेलका १ उदयपुर,
[२०]
मायालु छु र नै उनको दु:ख हेर्न सकिनॅं,
त्यसैले उनैको प्रस्ताव अस्विकार गरिनॅं।
🌑म्यामराज राई
भोजपुर
[२१]
सौता हाले पनि राजा हामी नै मिलेर बसौला,
हाम्रो सम्बन्ध राम्रो राख्नलाई कम्मर कसौला ।
🌑सुमित्रा पोखरेल
काठमाडौं
[२२]
घरकीलाई दु:ख नहोस् भनेर लगे अर्कि जोई,
घरकीले खुकुरी नचाइन् कसो गर्ने होला खोइ ।
🌑रोहित बराम
गोर्खा
[२३]
एकले नपुगेर अर्कै खोजी ल्यायो ज्वाइले,
घर न घाट पारे उनै दुई आइमाईले ।
🌑आइत लामा
मकवानपुर
[२४]
नाइँ नास्ति नगरेर अब खुरुक्क हिँड ए केटी,
सन्तान चाहियो सौता हाल भन्छे जेठी मरिमेटी ।
🌑निमा
चानबारी गान्तोक सिक्किम ।
[२५]
तिम्रो हाम्रो अजम्बरी मायाले नि गर्नु गर्यो,
त्यही भएर तिमीमाथि सौता ल्याउनु पर्यो ।
🌑डम्बर थामी ‘अनुपम’
कालिन्चोक गा.पा.-६, दोलखा ।
[२६]
सौता शब्द किन बिटुलियो यो जगतमा,
दिदीबहिनीको मन मुटाव रह्यो फगतमा ।
🌑
धनकुटा
[२७]
सँगै जिउँने सँगै मर्ने कसम खाएका थियौ,
ममाथि नै सौता ल्याई तिमीले साह्रै धोका दियौ ।
🌑रचना मोक्तान “यात्री”
नमोबुद्ध न. पा. -५, काभ्रे ।
[२८]
सत्तामा जानलाई अनेक हत्कण्डा गरेर,
देश नै खोक्रो पारीसके आफ्नै भुँडी भरेर।
🌑तेजप्रसाद खनाल
लमही दाङ।
[२९]
ल्यायौ पहिला सँगै जिउँछु अनि सँगै मर्छु भनी,
अहिले किन हिँड्न थाल्यौ तिमी अर्कैकी प्रेमी बनी ।
🌑अस्मिता
[३०]
दिदी र बहिनी साइनाे थियो बाेलाएँ ऊ घरमा आई,
बिस्तारै गर्न थाली घरमा मेरै सौता बनेर रजाइँ ।
🌑शम्भु
[३१]
नल्याउनु थियोे ल्याइसकेँ बस मिलेर,
दु:ख पीडा जे भए नि चुपचाप निलेर ।
🌑हिरा सारू मगर
बौदीकाली-६,नवलपुर।
[३२]
तिमी बाहेक अरू हेर्दिनँ भन्छन् मेरोले,
पाप लाग्छ श्राप दिन्छ हाम्रो सातफेरोले ।
🌑शर्मिला लामा
सिन्धुपाल्चोक
[३३]
बाङ्गो अर्थ लगाएर मलाई थाङ्नामा नसुताऊ,
तिम्रो विश्वासमा फँसेको जगलाई चैँ नहँसाऊ ।
🌑 नन्दलाल आचार्य
२०७९–०९–०२ सिद्धार्थटोल, उदयपुर
हाल– सिर्जनाकुटी, सिरहा ।
[३४]
पैसाले गरीबी टर्दैन सोच र शिक्षाले गरीबीको अन्त्य गर्छ,
त्यसैले हामीले भगवानभन्दा विज्ञानमा विश्वास गर्नुपर्छ ।
🌑राजेन्द्र क्षेत्री
स्याङ्जा
[३५]
मर्दकी सातवटी त उखानैले भन्छ,
ल्यायो भने समाजले चुपचाप गन्छ ।
🌑राजेशराज गड्तौला
रतुवामाई- १०, मोरङ
हाल- प्रवास
[३६]
तिमी प्यारी घरवाली हौ ऊ चाहिँ बाहरवाली,
दुई जनालाई सँगै राख्छु यो दिलभित्र हाली।
🌑नवशिला
बेलबारी-२,लालभित्ती,मोरङ।
[३७]
सबैको मनमा भुइँचालो ल्याउने कस्तो माया भयो,
दुवैलाई मिलाउँछु भन्थे, सपना त गर्तमै गयो ।
🌑प्रेम थापा “मन”
बागलुङ
[३८]
नयाँ हुँदा विश्वास गर्दै तिम्रो नजिक सरेँ,
अहिले ल्याएछौ सौता बरै मत छक्क परेँ ।
🌑सुसान्त सुनिता लिम्बु
[३९]
पालाको पैँचो डाला निम्ठो सुनेको छैन कहिल्यै ?
सौता हाले जार ल्याउलान् नि होस् गरे है पहिल्यै ।
🌑सरस्वती भट्ट
लमजुङ् ,राइनास
[४०]
गर्दिनँ म अब कहिल्यै तिम्राे याद,
सकियो पुरै हामी बिचकाे सम्वाद ।
🌑राज कुमार राजभण्डारी खाेटाङ्गे
मध्यपुर ठिमी ५ सङ्गम काेलाेनी भक्तपुर
[४१]
भोग्नु परेको छ मानिसले भाग्यमा जो छ लेखेको,
यो धर्तीमा कसलाई पुगेको छ र सबै देखेको ।
🌑रबि श्रेष्ठ
सन्धिखर्क-१, अर्घाखाँची,
हाल : बुटवल, रुपन्देही, नेपाल !
२०७९/०९/०२
[४२]
कुकुर पनि भुक्ने गर्थ्यो, कति राम्री केटी भनी,
जब ल्याइयो कान्छी, तर्सिन घरको जेठी पनि ।
🌑रविन तामाङ लो
दोलखा हाल काठमाडौं
[४३]
कति धेरै आज्ञाकारी जुवाइँ रहेछन् हाम्रा,
सौता हालेर आज खाँदैछन् अरे भात चाम्रा।
🌑दीपक ठटाल जलन,१७.१२.२२
[४४]
मन मुटु चोरी लग्यो नयाँ नौलो गाँस,
आखिर बनाई छोड्यो सडकको बास !
🌑दुर्गा आचार्य
मोरङ
[४५]
साैता शब्द सुन्नै गाह्रो छ हो मनै हुन्छ पिराे,
जति फुर्ती लगाए नि व्यवहार उही जिराे ।
🌑बालकुमारी नेउपाने
सु.न.पा.११
[४६]
मर्दकाे सातवटी भन्थे एउटी मात्रै थपी अर्की लिन गयाै ?
जान्याछु ल्याउने र आउनेलाई अब खाेरमा जाकिने भयौ ।
🌑रामप्रसाद पुरी
बादेल,खाेटाङ ।
[४७]
मन हजुर अचम्मको, साेचेभन्दा फरक हुन्छ,
नसाेचेकै गल्ती हुँदा पाे यो मन एकान्तमा रुन्छ ।
🌑रामप्रसाद बेल्बासे ‘एक्लो यात्री’
शीतगङ्गा -५, अर्घाखाँची
हाल : बुद्धभूमि -३, कपिलवस्तु।
[४८]
कन्यादान दिनुभयो मारे पाप पाले पुण्य,
दिनदिनै बढ्दैछ किन तिम्रो माया वैगुण्य ।
🌑सीता
[४९]
मनले सुख चाहन्छु तर, आफ्नै सुर गर्दछु,
ब्रह्मचारी सोचेर दुईतिरको भान्सा भर्दछु ।
🌑जमुना आचार्य
सिन्धुपाल्चोक
[५०]
मनबाट निकालेको थिएँ आँखाबाट पसिछ्यौ,
कस्ती तिमी अदृश्य मनै भित्र सुटुक्क बसिछ्यौ।
🌑टिकाराम पुन
छत्रेश्वरी २ सल्यान
[५१]
बाघको मुख खाए नि रातो नखाए नि रातो,
एक थाप्लोमा दुइटा नाम्लो राख्दा हुन्छ तातो ।
🌑बाबुराम राई(साधक)
काठमाडौ
[५२]
छातीभित्र चोटैचोट, भएको छ कालो निलो,
मन मन्दिरको ईशले ठोक्यो मुटुमा किलो ।
🌑बाबुराम गौतम, गुल्मी
[५३]
दिदी बहिनी मिलिजुली घरकाे काम गर्नु,
साथ सहयाेग लिइकन मिली अघि सर्नु ।
🌑सन्तोष
[५४]
माया गर्छु भन्छाै, अर्की लिएर हिड्छाै,
साैता ल्याए भन्दै, झगडा गरी भिड्छाै ।
🌑शाेभा अाचार्य गाैतम
काठमाडौँ
[५५]
सानोतिनो कुरामा नि सधैँ बोल्छौ झर्की,
के माया गरौला खोइ ल्यायौ भने अर्की ।
🌑हिमा रोका
मेहेलकुना सुर्खेत
[५६]
हेर्दाहेर्दै पार्टी फेरी पोइल जाने गर्छौ,
सौता हाल्यौ अहिले चैँ मलाई आँखा तर्छौ ?
🌑बिबस पारदर्शी
भद्रपुर झापा,
[५७]
ज्यान मात्रै मलाई यता मुटु उतै दियौ,
अचेल धेरै सोच्छु तिमी बहानामा थियौ ।
🌑लक्षमण देउवा
डोटी
[५८]
मारे पाप पाले पुण्य भन्नू भएथ्यो बाले,
आज जिउँदै मारी छाड्यौ किन होला काले ?
🌑भगवती दवाडी
दमक, झापा
[५९]
गारो होला तेल घसी बलियो पार्नु काँध,
बच्ने कसरी सोचिराख्नू फुट्यो भने बाँध ।
🌑बिके माकजु
भक्तपुर ।
[६०]
आइछौ किन हो रिसको तालमा ?
पार्दछौ प्रेमको भेषले जालमा ।
🌑सन्जना शर्मा
दाङ लमही
[६१]
तिम्री स्वास्नी भए पो त सौता भन्नु नि मैले,
दोस्रो बिहे मान्य हुन्न कानुन बुझ पैले ।
🌑रेशा
[६२]
काली तिम्रो नजिक म बसूँ हुन्छ है बारबार,
बस्नै दिन्नन् किन किन सधैँ छेक्दछन् वारपार ।
🌑घनश्याम
[६३]
उसलाई अर्कि मन पर्यो, अनि सौता हाल्यो,
मलाई पनि अर्कै लाउरे मन पर्न थाल्यो।
🌑मन्दिरा सेढाई
मलेखु,धादिङ
[६४]
नरोऊ बुहारी हाम्रो निम्ति मर्यो त्यो बजिया काले,
तिम्रै नाममा अंश दिउँला भन्नुहुन्छ ससुराले ।
🌑पुष्पा सुवेदी
नेपालगञ्ज, बाँके ।
[६५]
यो कुरा बुझी राख माया, एकजना दिक्क दुई जना ठिक्क,
तीनजना भए तानातान हुन्छ तिमीले बुझ्दैनौ फिटिक्क ।
🌑चन्द्रकली राना मगर
प्युठान
[६६]
माया र पिरती कुनै प्रसाद त हैन,
बिक्री नगर यसको कुनै मुल्य छैन ।
🌑आर्त अकुलीन
कैलाली
[६७]
मारे पाप पाले पुण्य भनेर आमाबुबाले पठाएका थिए,
दाइजो नाममा परिवारले हदै पार गरेर दुःख दिए ।
🌑अम्विका अधिकारी
झापा विर्तामोड
[६८]
किन लुकेर सुटुक्क यो मुटुभित्र पस्यौ,
फेरि माया गर्दै पछाडिबाट छुरा धस्यौं।
🌑दुर्गा भट्टराई
मोरङ
[६९]
गाँजल टीका, छोरीले लगाउँदा आमा हुने खुसी,
कहिले रिझाउन नसक्नाले बुहारी बन्छे छुसी।
🌑होम प्रसाद नेउपाने
धरान,सुनसरी ।
[७०]
मुखमा राम ! राम ! र बगलीमा रहेछ छुरा,
कसम खाएर खसम बन्याै झुठाे भयाे पुरा ।
🌑प्रद्युम्न चालिसे
भक्तपुर कटुञ्जे ।
[७१]
सँगै बाँच्ने सँगै मर्ने बाँचा गर्ने बेला,
हाली सौता अहिले देखाइदियौ रेला।
🌑अच्युत घिमिरे
भुटान बाट 🇧🇹
[७२]
सौता सौता नभन म बन्छु उसकै सौता,
सौता सौता लाप्पा खेलेमा तिमी बन्नू द्यौता ।
🌑इन्दिरा
[७३]
एक्लै बाहिर नहिँडे छोरी, भन्नुभा’थ्यो बाले,
घरमा त तिमी छौ राजा, बाहिर हिड्दा काले ।
🌑वसन्त अनुभव
घोराही, दाङ
