अभा — अभा–खमिस भ्रमणमा रहनु भएका गैरआवासीय नेपाली संघ राष्ट्रिय समन्वय परिषद् (NCC) साउदी अरबका निवर्तमान अध्यक्ष तथा हाल ICC सदस्यमा मनोनित श्रीमती रबिना अर्याल, NCC उपाध्यक्ष विष्णु प्रसाद भण्डारीलाई खमिस मुशैतस्थित जुविली रेस्टुरेन्टमा फूलको गुच्छा अर्पण गर्दै स्वागत गरिएको छ।
क्षेत्रीय समन्वय समिति (RCC) जिजान–अभा–खमिसको तर्फबाट अध्यक्ष शंकर पौडेल, संरक्षक लाल बहादुर मगर, उपाध्यक्ष सन्तोष परियार, कौशल सचिव श्री डम्बर खड्का, कोषाध्यक्ष गणेश पुरी, सह–कोषाध्यक्ष सन्तोष सुनार, सल्लाहकार तुल्सी राम आचार्य, सदस्यहरू भिम बयलकोटी, दिलबहादुर राना मगर, जीवन लिम्बु, किरण रम्तेल, हरि परियारसहित अन्य सदस्यहरूको उपस्थितिमा कार्यक्रम सम्पन्न भएको थियो।
कार्यक्रममा परिचयात्मक अभिवादन तथा सौहार्दपूर्ण भेटघाटसँगै NRNA साउदी अरब (२०२३–२५) को कार्यकालको समीक्षा र आगामी (२०२५–२७) कार्यकालका लागि आपसी सहकार्यका विषयमा विस्तृत विचार–विमर्श भएको थियो।
कार्यक्रमलाई सफल बनाउन सहयोग पुर्याउने सबै महानुभावहरूलाई NRNA RCC जिजान–अभा–खमिसले हार्दिक धन्यवाद व्यक्त गरेको छ।
काठमाडौं । ट्रम्प प्रशासन सुरुदेखि नै आप्रवासीहरूप्रति कडा रहेको छ र कडा भिसा नियमहरू लागू गरिरहेको छ । यसैबीच, अमेरिकाले अब एक नयाँ पाइलट कार्यक्रम ल्याएको छ जस अन्तर्गत पर्यटक र व्यापारिक भिसामा अमेरिका जाने मानिसहरूले भिसा बन्डको रूपमा १५,००० डलर अर्थात् २१ लाख रूपैयाँ जम्मा गर्नुपर्नेछ ।
अमेरिकी विदेश विभागको यस कार्यक्रमको उद्देश्य भिसा सकिएपछि पनि अमेरिकामा बस्ने मानिसहरूको संख्या घटाउनु भएको बताइएको छ । कार्यक्रम अनुसार, पर्यटक भिसा (बी१ भिसा) र व्यापार भिसा (बी२ भिसा) मा अमेरिका जाने व्यक्तिहरूबाट भिसा बन्ड लिइनेछ ।
यस कार्यक्रम सम्बन्धी सार्वजनिक सूचनामा भनिएअनुसार विगत केही वर्षदेखि लाखौं विदेशीहरू समयमै अमेरिका नछोड्ने र भिसाको म्याद सकिएपछि पनि अमेरिकामै बस्ने गरेको देखिएको छ। यद्यपि, सूचनामा यो भिसा कार्यक्रम अन्तर्गत सबै देशहरू समेटिनेछन् वा केही देशहरूलाई छुट दिइनेछ भन्ने कुरा स्पष्ट पारिएको छैन।
समाचार एजेन्सी रोयटर्सका अनुसार नयाँ भिसा कार्यक्रम अगस्ट २० देखि लागू हुने अपेक्षा गरिएको छ र लगभग एक वर्षसम्म रहनेछ। सूचना अनुसार कन्सुलर अधिकारीहरूलाई उनीहरूको विवेकका आधारमा भिसा आवेदकहरूमाथि ५ हजार, १० हजार वा १५ हजार डलरको तीन प्रकारका बन्ड लगाउने अधिकार दिइनेछ।
पर्यटक र व्यापारिक भिसामा अमेरिका गएका व्यक्तिहरू अमेरिकाबाट फर्किएपछि भिसाको सर्त अनुसार बन्डको पैसा उनीहरूलाई फिर्ता गरिनेछ। भिसा सकिएपछि अमेरिकामै बस्नेहरूले यो रकम फिर्ता पाउने छैनन् । कार्यक्रम अन्तर्गत कुन देशहरू समावेश हुनेछन् भन्ने बारेमा हाल कुनै स्पष्ट जानकारी छैन । तर, अमेरिकाले अवैध आप्रवासीको रूपमा नेपालीहरूलाई समेत निष्काशन गरेको पृष्ठभूमिमा यो कार्यक्रममा नेपाल पनि समावेश हुने सम्भावना धेरै छ।
यो बन्ड ती देशका व्यक्तिहरूले भर्नुपर्नेछ जो आफ्नो भिसा सकिएपछि पनि अमेरिकामा बस्छन् र जससँग पर्याप्त कागजातहरू छैनन्। सार्वजनिक सूचनामा कार्यक्रम लागू हुनुभन्दा कम्तिमा १५ दिन अगाडि कुन देशहरू कार्यक्रम अन्तर्गत समावेश हुनेछन् भन्ने जानकारी दिइनेछ र यस अवधिमा देशहरूको नाम संशोधन पनि गर्न सकिने उल्लेख छ।
अमेरिकी विदेश विभागले यो भिसा कार्यक्रम विदेशी सरकारहरूले पनि आफ्नो घरेलु सुरक्षा प्रणालीलाई बलियो बनाउन र आफ्ना नागरिकहरू वैध कागजात बिना अन्य देशहरूमा नजाने कुरा सुनिश्चित गर्न लागू गरिएको बताएको छ।
गत १ अगस्ट २०२५ शुक्रबारका दिन साउदी अरबको रियादमा ऐतिहासिक “रोम लामा एकल सांगीतिक कार्यक्रम २०२५” भव्यताका साथ सम्पन्न भएको छ। आफ्नो १० वर्षे सांगीतिक यात्रा पूरा भएको र यसको निरन्तरताका लागि आयोजना गरिएको उक्त कार्यक्रममा आफ्नो एकल सांगीतिक जादुमय स्वरले नेपाली श्रोताहरुलाई मनोरञ्जन दिएका थिए
भव्यताका साथ सम्पन्न उक्त कार्यक्रममा साउदी अरबका लागि महामहिम राजदुत डा• नरेश बिक्रम ढकालको प्रमुख आतिथ्यमा , साउदी अरबमा रहेका बिभिन्न संघ संस्थाका प्रतिनिधीहरु, सफल व्यवसायीहरु, बिभिन्न कम्पनीमा कार्यरत वुद्धीजिवीहरु एवं प्रत्रकारहरुको बाक्लो उपस्थिति रहेको थियो। स्थानिय स्तरका चर्चित गायकद्वय बिज्ञान राई,रबिन गिरी, गायक डिबी लामा, गायक राम प्रशाद बस्याल, गायक तेम्बा वाईबा तामाङ, गायक बिबेक केसी, चर्चित नृत्यकार रोहन परियार, नृत्याङ्गाना पुजा लामा, नृत्याङ्गाना मुश्कान शर्मा, नृत्याङ्गाना कामना थापा मगर, नृत्याङ्गाना स्वस्तिका थापा मगर एवं चर्चित बाँसुरी वादक राज यात्रीहरुको उत्कृष्ट प्रस्तुती रहेको थियो।
नगेश तामाङ द्वारा सञ्चालित उक्त कार्यक्रममा रोम लामाका अनगिन्ती सांगीतिक कोसेलीहरू पस्किएका थिए। विविध विधाका गीतहरूद्वारा उपस्थित दर्शक अतिथि हरू लाई मनोरञ्जन दिएको थियो
रियाद साउदी अरबिया ! एनआरएनए साउदी अरबको नवगठित कार्यसमितिले गत १ अगस्ट २०२५ शुक्रवारका दिन नेपाली राजदूतावास रियाद स्थित दूतावास परिवार सँग साक्षात्कार भेटघाट कार्यक्रम सम्पन्न गरेको छ गैरआवसीय नेपाली संघ राष्ट्रिय समन्वय परिषद साउदीअरबको दशौँ राष्ट्रिय महाधिवेशन बाट ०२५/२७ कार्यकालका लागी उमेश भट्टराईको नेतृत्वमा निर्वाचित कार्यसमिति द्वारा नेपाली राजदूतावास रियादका लागी महामहिम राजदूत श्री डा.नरेश विक्रम ढकाल, उपनियोग प्रमुख सृजना अधिकारी तथा सम्पूर्ण, दूतावास परिवार को उपस्थितिमा साक्षात्कार भेटघाट कार्यक्रम गरेको हो उक्त साक्षात्कार कार्यक्रमका क्रममा नेपाली राजदूतावास रियादको तर्फ बाट महामहिम राजदूत डा. नरेश विक्रम ढकालले नव निर्वाचित कार्यसमितीलाई बधाई ज्ञापन गर्नु हुँदै शुभकामना व्यक्त गर्नुका साथै एनआरएनए साउदी अरब द्वारा आगामी दिनहरूमा नेपाली समुदाय तथा श्रमिक हितको लागी गरिने कार्यहरूमा नेपाली राजदूतावासको सदैव साथ र सहयोग रही रहने प्रतिबद्धता जाहेर गर्नु भएको थियो। त्यसै गरी श्रम काउन्सिलर कविराज उप्रेतीले श्रमिक सचेतना तथा सामाजिक सुरक्षा कोष सम्बन्धी सुचना भरपुर मात्रामा नेपाली श्रमिक माझ संप्रेषण गर्न विशेष भूमिका निर्वाह गरिदिन संघलाई आग्रह गर्नु भएको थियो
उक्त कार्यक्रममा एनआरएनए साउदी अरबका कामर्यसमितिका पदाधिकारीहरू, रियाद क्षेत्रीय समन्वय समितिका पदाधिकारीहरू यसैगरी अल्कासिम क्षेत्रीय समन्य समितिका पदाधिकारीहरू र अन्य समाजसेवीहरूको उपस्थिति रहेको थियो। कार्यक्रममा एनआरएनएका तर्फबाट नवनिर्वाचित अध्यक्ष उमेश भट्टराईले दूतावास सँग भविष्यमा अझै निकटमा रहेर सामाजिक कार्यमा आफू तथा आफ्नो टिम अग्रसर रहने र श्रमिकहरूको हक हितका लागि आफू निरन्तर खटिरहने दुःखमा परेका श्रमिकहरूलाई सहयोग गर्ने प्रतिबद्धता जाहेर गर्नु भएको थियो ।
राष्ट्रिय स्वतन्त्र पार्टी (रास्वपा) निकट संगठन प्रवास नेपाली सम्पर्क विभाग, साउदी अरबले, आफ्नो सभापतिलाई गरिएको राजनितिक प्रतिसोध बिरुद्द सुरु गरेको बिश्वब्यापी हस्ताक्षर अभियान साउदी अरबमा पनि व्यापक समर्थन र सहभागिता बटुल्दै अगाडी बढेको छ ।
देशमा सुशासन, पारदर्शिता र जनउत्तरदायी तथा भ्रष्टचार बिरुद्दको शासन प्रणाली लाई लागु गरि देशमा जनताको हकहितका लागि उदाएको नयाँ पार्टि प्रति गरिएको राजनितिक प्रतिसोध र सरकारको अपारदर्शिता र भ्रष्टचार बिरुद्दको सुरु गरिएको यो अभियानले बिश्वभरिका प्रवासी नेपालीहरूमा समेत नयाँ आशा र ऊर्जा थपेको कुरा प्रवास नेपाली सम्पर्क विभाग, साउदी अरबका उपसभापति प्रेम आचर्यले जानकारी गराए ।
यो अभियानलाई शसक्त बनाई अगाडि बढाउन आफ्नो साउदीको प्रबास समिति पदाधिकारीहरु साउदीको बिभिन्न सहरहरुमा निरन्तर खटिएका र साउदीमा कार्यरत अधिकांस नेपाली श्रमिक, व्यवसायी तथा बुद्धिजीवी वर्गले हस्ताक्षर मार्फत यो अभियानमा साथ दिएका पनि आचर्यले जानकारी गराए । साथ साथै दिनानुदिन संगठनमा नयाँ सदस्यहरु थपिनु भएको र यो क्रम बढ्दोक्रममा रहेको उपसभापति आचर्यले जनाए ।
रास्वपाको तर्फबाट प्रवासमा रहेर पनि आफ्नो पार्टिको नितिलाई अबलम्बन गर्दै धेरै श्रमिकहरुलाई समस्या पर्दा सहयोग गरिएको र कसैलाई समस्या पर्दा सहयोगको लागि प्रवास नेपाली सम्पर्क विभागलाई संपर्क गर्न पनि उपसभापतिले अनुरोध गरेका छन् ।
यो एउटा अभियानले भ्रष्टचारीहरुको मनमा ढ्याङ्ग्रो बजेको र 84 सम्म देश रास्वपामय हुने पनि उपसभापति आचर्यले जनाए ।
नव-निर्वाचित अध्यक्ष उमेश भट्टराई नेतृत्वमा नयाँ कार्यसमिति गठन
रियाद, साउदी अरब — गैरआवासीय नेपाली संघ (NRNA), राष्ट्रिय समन्वय परिषद् साउदी अरबको कार्यकाल २०२३–२०२५ सफलतापूर्वक सम्पन्न भएको छ।
संघको १०औं राष्ट्रिय महाधिवेशन हालै भव्य रूपमा सम्पन्न भयो। महाधिवेशनबाट श्री उमेश भट्टराई नयाँ कार्यकाल २०२५–२०२७ का लागि अध्यक्ष पदमा निर्वाचित हुनुभएको छ। उहाँसहित नव-निर्वाचित सम्पूर्ण पदाधिकारीहरूले पद तथा गोपनियताको शपथ ग्रहण गर्नुभएको छ।
कार्यक्रममा प्रमुख अतिथिका रूपमा साउदी अरबस्थित नेपाली राजदूत डा. नरेश विक्रम ढकाल सहभागी हुनुहुन्थ्यो। साथै, साउदी अरबमा क्रियाशील विभिन्न संघ–संस्थाका प्रतिनिधिहरूको पनि उल्लेखनीय उपस्थिति थियो।
नयाँ कार्यसमितिमा वरिष्ठ उपाध्यक्षमा हेम सुवेदी, उपाध्यक्षहरूमा राजकुमार गिरी, मनीष कोइराला, अर्जु्न थापा र विष्णुप्रसाद भण्डारी निर्वाचित भएका छन्। महासचिवमा शु्क्र लामा, सचिव धु्र्व राज कटुवाल, कोषाध्यक्ष योगेन्द्र बहादुर श्रेष्ठ, सहकोषाध्यक्ष संजोग पाण्डे, युवा संयोजक पदम महत, महिला संयोजक लक्ष्मी थापा मगर लगायत सदस्यहरूमा
खिलेन्द्र राज कंट्ववा
पूर्ण बहादुर सुनार
भिम कार्की
युवराज पोखरेल
महेश घिमिरे
रमेश सिंह खत्री
हरि प्रसाद बिष्ट
रहेका छन्।
२०२३–२०२५ कार्यकाल सफलतापूर्वक सम्पन्न गर्न सफल साथै संघ तथा प्रवासी नेपाली समाजप्रति अतुलनीय योगदान पुर्याउनु भएकोमा निवर्तमान अध्यक्ष श्रीमती रविना अर्यालज्यू तथा सम्पूर्ण कार्यसमिति प्रतिको आभार व्यक्त गरिएको थियो।
कार्यक्रमका वक्ताहरूले नव-निर्वाचित नेतृत्वले प्रवासी नेपालीको हकहित र समस्याहरूको समाधानमा थप सशक्त भूमिका निर्वाह गर्ने विश्वास व्यक्त गरेका थिए।
सिरानचोक गाउँपालिका ६ गोर्खा घर भइ हाल साउदी अरबको रियादमा एक श्रमिकका रुपमा कार्यरत उमेश भट्टले जेल जीवन बिताइ रहेका रास्वपा सभापति रबि लामिछानेलाई एक सन्देश पत्र लेखेका छन् ।
उमेश भट्ट लेख्नु हुन्छ :-
रबी दाइलाई एक देशप्रेमी नागरिकको सन्देश जय देश! जय जनता! जय परिवर्तन!
आदरणीय रबी दाइ,
यो सन्देश एउटा आम नेपालीको छातीबाट निस्किएको त्यो बलियो भाव हो, जसले तपाईंलाई आशाको दियो मानेको छ। तपाईंलाई हामीले नेतामा होइन, यो राष्ट्रका साहसी सुपुत्रका रूपमा हेरेका छौं। तपाईंको आँखा, बोली, कर्म र समर्पणमा हामीले जुन सत्यता देख्यौं, त्यो युगान्तकारी आशा बनेर हामी सबैको मनमस्तिष्कमा गहिरो प्रभाव पारिरहेको छ।
दाइ, तपाईं पत्रकारिताबाट राजनीति प्रवेश गर्दा थुप्रैले प्रश्न उठाए – “सत्ताको लोभ त हैन?” तर हामीले चिनेका रबी लामिछाने सत्ताका लागि होइन, सत्यका लागि लड्न मैदानमा उत्रनुभएको हो। तपाईंको हातमा कलम थियो, आज त्यो कलम सिधा संसदमार्ग हुँदै जनताका हक र अधिकारका लागि आवाज बनेर गुञ्जिरहेको छ।
आज देश भष्ट्राचार, दलाली, सिण्डिकेट र कुशासनको चपेटामा परेको बेला तपाईंले देखाउनुभएको मार्गदर्शन हामी युवाहरूका लागि प्रेरणाको सन्देश हो। तपाईंले उठाएको नारा — “देशको माया गरौं, गलतको विरोध गरौं” — केवल शब्द होइन, आन्दोलन हो, क्रान्तिको बीउ हो।
तपाईं हाम्रो आवाज हो
रबी दाइ, तपाईं हाम्रो ती सुनिएका तर कहिल्यै नसुनिएका आवाजहरूको प्रतिनिधित्व हो। तपाईं ती दीन, गरिब, असहाय नागरिकहरूको आशा हो, जसको पीडा सरकारले कहिल्यै सुनेन। तपाईं हामी नेपालीहरूको रोदन हो, जसले न कतारमा न्याय पायौं, न मलेसियामा, न आफ्नै गाउँको वडामा।
तपाईंले हजारौं पीडितको न्यायका लागि ज्यानको बाजी राखेर काम गर्नुभयो। त्यसैका लागि जनताले तपाईंलाई दिल खोलेर साथ दिएका छन्। तपाईंको कुशल नेतृत्व, इमानदार छवि र दूरदृष्टिले हामीमा नयाँ नेपालको सपना पलाएको छ।
तपाईंको विचार र कार्यशैली
रबी दाइ, तपाईंको सोच स्पष्ट छ – देशलाई लुट्न होइन, बनाउनुपर्छ। तपाईंले सरकारलाई घुँडा टेकाउनु भयो जब नागरिकता बेच्न खोजियो, जब डलर घोटाला लुकाउन खोजियो, जब न्यायकै सौदा गरियो। तपाईंको बोलीमा राष्ट्रको पीडा देखिन्छ, तपाईंको कार्यशैलीमा परिवर्तनको आँधी बगिरहेको छ।
तपाईं ‘राष्ट्र पहिले, दल पछि’ भन्ने मन्त्रको वास्तविक अनुयायी हुनुहुन्छ। आजको नेपाली राजनीतिमा यस्तो इमानदार सोच भएका नेताहरू औँलामा गन्न सकिन्छ। तपाईंले प्रमाणित गर्नुभएको छ — राजनीति भ्रष्टहरूको जमात होइन, यो देश बनाउनेहरुको जिम्मेवारी हो।
तपाईंलाई देखेर हामी जागेका छौं, रबी दाइ, तपाईंलाई देखेर हामी युवाहरू जुरुक्क उठेका छौं। तपाईंको हिम्मतले हामीलाई पनि बोल्न सिकायो, तपाईंको साहसले हामीलाई पनि प्रतिरोध गर्न प्रेरणा दियो। तपाईं कुनै ठूला जातिको, कुनै क्षेत्रको, कुनै विशेष वर्गको प्रतिनिधि होइन — तपाईं सम्पूर्ण नेपाली जनता, सम्पूर्ण राष्ट्रको प्रतिनिधि हो।
तपाईंले विदेशमा श्रम गरिरहेका लाखौं नेपालीका सपना बोकेको छातिमा हात राखेर बोल्नु भएको छ। तपाईंले गाउँमा चामलको जोहो गर्न धाई रहेका बाबु-आमाका आँखा देख्नुभएको छ। तपाईंको मनको आँखा ती सबै पिडाहरूमा केन्द्रित छ, जुन राज्यले लुकाउँछ, दबाउँछ, र बिर्सिन्छ।
तपाईंलाई फसाउन खोजिन्छ — तर सत्य कहिल्यै हार्दैन
आज तपाईंमाथि विभिन्न षड्यन्त्रहरू रचिन्छन्, किनभने तपाईं सच्चा हुनुहुन्छ। यो देशमा सत्य बोल्नेलाई अपराधी बनाइन्छ, चोरलाई सम्मान गरिन्छ, र देश बेच्नेलाई पद दिइन्छ। तर रबी दाइ, तपाईं ती साँचाहरूको पहरेदार हुनुहुन्छ, जसलाई जनताले रक्षा गर्छन्।
राज्य लागेर थुन्न सक्छ तपाईंलाई, मुद्दा लगाउन सक्छ, झुट्टा आरोप लाउन सक्छ — तर त्यो तपाईंको सत्यको आवाज दबाउन सक्दैन। तपाईं जेल जान सक्नुहुन्छ, तर जनताको मनबाट मेटिनुहुन्न। तपाईं सडकमै फर्किनुहुन्छ, किनभने तपाईंको राजनीति पदको लागि होइन, परिवर्तनको लागि हो।
तपाईं सच्चा नायक हुनुहुन्छ
रबी दाइ, तपाईं कुनै सामान्य नेता होइन, तपाईं हाम्रो युगको नायक हुनुहुन्छ। तपाईंको नायकत्व कुनै फिल्मको स्क्रिप्ट होइन, यो जनताको आर्तनाद हो। तपाईंको नेतृत्वमा हामीले नयाँ नेपालको सपना देख्न थालेका छौं — जहाँ न्याय हुनेछ, समानता हुनेछ, र विवेकशील नेतृत्व हुनेछ।
हामी तपाईंलाई प्रधानमन्त्रीको कुर्सीमा होइन, जनताको सेवा केन्द्रमा देख्न चाहन्छौं — जहाँ तपाईंजस्ता सच्चा देशभक्तहरू बसेर निर्णय गर्छन्। जहाँ नेपाल अघिल्लो पुस्ताले बनाएको होइन, हामी सबैले मिलेर बनाएको हुन्छ।
अन्तिम शब्द
रबी दाइ, तपाईं थाक्नु हुँदैन। तपाईंले जुन बाटो समाउनुभयो, त्यो सजिलो छैन, काँडै काँडाले भरिएको छ। तर विश्वास गर्नुहोस्, तपाईंको पछि लाखौं जनताको आशा छ, साथ छ, बिश्वास छ।
तपाईंको हरेक कदमले हामीलाई लाग्छ — यो नेता हाम्रो हो। तपाईंको हरेक आवाजले हामीलाई लाग्छ — हामी बोलिरहेका छौं। तपाईंको हरेक संघर्षले हामीलाई सिकाउँछ — डरले होइन, सपना देखेर बाँच्नुपर्छ।
अन्त्यमा, यो देशका सबै नागरिकको तर्फबाट तपाईंलाई सलाम गर्न चाहन्छु। तपाईंको इमान, साहस र देशप्रेमका अगाडि हाम्रो टाउको निहुरिन्छ। हिजोको पत्रकार र आजको योद्धा — तपाईंलाई हामीले हाम्रा सपनाको पहरेदार मानेका छौं।
देशलाई माया गर्ने प्रत्येक नेपालीको आवाज — रबी लामिछाने जिन्दाबाद!
जय नेपाल। जय सत्य। जय घण्टी उमेस भट्ट हाल साउदी अरब नेपाल ठेगाना – गोर्खा जील्ला सीरान्चोक गाउपालीका वाड न ६
साउदी अरबको रियादस्थित एक्जिट १३ मा “रोम लामा एकल सांगीतिक” कार्यक्रम यही एक अगस्ट २०२५ का दिन भव्यताका साथ सम्पन्न हुन गइरहेको छ। आफ्नो १० वर्षे सांस्कृतिक यात्रा पूरा भएको र यसको निरन्तरताका लागि आयोजना गर्न गइरहेको रोम लामा एकल सांस्कृतिक कार्यक्रम २०२५ का प्रमुख अतिथि नेपाली दूतावास रियादका राजदूत रहने जानकारी कार्यक्रमका आयोजक रोम लामाले गराएका छन् । यसैगरी कार्यक्रममा अतिथिहरूमा विभिन्न संघसंस्थाका पदाधिकारीज्यूहरू विभिन्न समाजसेवीज्यूहरू विभिन्न भद्राभलादमी ज्यूहरू र विभिन्न नेपाली दाजुभाई तथा दिदीबहिनीहरूको बाक्लो उपस्थिति रहने पनि रोम लामाले जानकारी दिएका छन् । प्रवासमा रहेर पनि आफ्नो सांस्कृतिक यात्रालाई निरन्तरता दिँदै आफ्नो १० बर्षे सांस्कृतिक यात्रालाई पूरा गरिएको खुशीको क्षणमा यो कार्यक्रम आयोजना गर्न लागिएको आयोजक लामाले हिमालयन दृष्टिलाई जानकारी दिनुभएको छ। उक्त कार्यक्रममा धेरै जसो आफ्ना अहिलेसम्मका विविध कृतिहरू, सांस्कृतिक झलकहरू प्रस्तुत गर्नुका साथै केही एक दुई जना गेस्ट अतिथि कलाकारहरुलाई पनि आफ्नो प्रस्तुति दर्शक माझ प्रस्तुत गर्नका लागि स्थान दिइने जानकारी लामाले दिएका छन्। उक्त कार्यक्रम एक अगस्ट २०२५ शुक्रबारका दिन दिनको १२ बजेदेखि राति ८ बजेसम्म हुनेछ। रियादका केही स्थान बथाबाट कार्यक्रममा आउन जानको लागि निःशुल्क बसको पनि व्यवस्था गरिएको छ। कार्यक्रमको अन्त्यमा उपस्थित हुनुहुने अतिथिहरू तथा सम्पूर्ण दाजुभाइ तथा दिदीबहिनीहरूलाई खानाको व्यवस्था समेत गरिएको आयोजक लामाले जानकारी गराएका छन्। आफ्नो बिसुद्द एकल आयोजनामा आयोजित उक्त कार्यक्रम निकै भव्य सभ्य र मौलिक तरिकाको नेपाली सांस्कृतिक मनोरञ्जन दिने खालको भएको हुनाले साउदी अरबमा रहनुभएका सम्पूर्ण नेपाली दाजुभाई तथा दिदीबहिनीहरू सबैलाई आयोजक रोम लामाले हार्दिक निमन्त्रणा गरेका छन्। कार्यक्रम हल
साउदी अरेबियामा हाल करिब ४ लाख नेपालीहरू बसोबास गरिरहेको सन्दर्भमा
रियाद, साउदी अरेबिया – नेपाली राजदूतावास, रियादले साउदी अरेबियामा कार्यरत नेपाली श्रमिकहरूलाई लक्षित गर्दै सचेतनामूलक हाते पुस्तिका विमोचन गरेको छ। विशेष कार्यक्रमको आयोजना गरी सार्वजनिक गरिएको उक्त पुस्तिका नेपाली श्रमिकहरूबीच कानुनी, सामाजिक र व्यवहारिक पक्षमा जनचेतना फैलाउने उद्देश्यले तयार गरिएको हो।
दूतावासले जनाए अनुसार, पुस्तिकाले साउदी अरबको श्रम कानुन, बसोबास र कार्यसम्बन्धी आवश्यक जानकारी तथा श्रमिकहरूले जानअन्जानमा गर्नसक्ने गल्तीहरूबारे सचेत गराउनेछ। यसले उनीहरूको सुरक्षामा योगदान पुर्याउनुका साथै समस्यामा पर्नबाट जोगाउन सहयोग पुर्याउने विश्वास गरिएको छ।
कार्यक्रममा बोल्दै दूतावास प्रतिनिधिहरूले साउदी अरेबियामा हाल करिब ४ लाख नेपालीहरू बसोबास गरिरहेको सन्दर्भमा, यस्ता प्रयासहरू अत्यन्त आवश्यक र उपयोगी हुने बताए।
दूतावासले यस पुस्तिकामा राखिएका जानकारी श्रमिकहरूबीच व्यापक रूपमा साझागर्न समेत अपिल गरेको छ, ताकि सबै नेपालीले विदेशमा सुरक्षित र सम्मानजनक जीवन यापन गर्न सकून् भन्ने दुतावासको उद्देश्य रहेको छ !
साउदी अरेबियामा हाल करिब ४ लाख नेपालीहरू बसोबास गरिरहेका मध्ये विभिन्न कारणले जेलमा रहेका नेपालीहरूको संख्या ४५४ रहेको छ भने मृत्युदण्डको सजाय पाएर जेलमा रहेका नेपालीको संख्या ३ रहेको नेपाली दूतावासले जानकारी दिएको छ।
त्यस्तै, दुर्घटना वा गम्भीर बिरामी भएर अस्पतालमा उपचाररत नेपालीको संख्या ४ रहेको छ। हालसम्म सम्पर्कमा नरहेका तर दूतावासमा विवरण प्राप्त भएका नेपालीहरूको संख्या ११ जना रहेको पनि उल्लेख गरिएको छ।
विभिन्न कारणले मृत्यु भई नेपाल फर्काउनु पर्ने नेपालीको संख्या १५ रहेको छ। तीमध्ये ४ जनाको लागि NOC (अनुमति पत्र) जारी भइसकेको छ भने बाँकी ११ जनाको प्रक्रिया जारी छ। उल्लेखनीय छ, तीमध्ये १ जनाको मृत्यु आगलागीबाट भएको र सो स्थानमा दुई अन्य विदेशी नागरिकको समेत मृत्यु भएकाले DNA परीक्षण गरी शवको पहिचानपछि नेपाल फर्काउने तयारी भइरहेको बताईएकोछ।
जस अन्तरगत नेपाल सरकार तथा साउदीस्थित नेपाली दूतावासले सम्बन्धित निकायहरूसँग समन्वय गरी आवश्यक प्रक्रिया अघि बढाइरहेको जनाएको छ।
रियाद, साउदी अरेबिया — गैरआवासीय नेपाली संघ (NRNA), राष्ट्रिय समन्वय परिषद साउदी अरेबियाको दशौं राष्ट्रिय महाधिवेशन (२०२५-२०२७) को सन्दर्भमा निर्वाचन समितिले उम्मेदवारहरूको प्रारम्भिक नामावली सार्वजनिक गरेको छ। बिधानको दफा १३.१ अनुसार पदहरूमा उम्मेदवारी आह्वान गरिएको थियो, जसअनुसार १० जुलाई २०२५ सम्म प्राप्त नामहरूको पहिलो सूची सार्वजनिक गरिएको छ।
प्रकाशित सूचिमा अन्तर्राष्ट्रिय समन्वय परिषद सदस्यदेखि लिएर महिला संयोजक, कोषाध्यक्ष, युवा संयोजक, महासचिव, उपाध्यक्ष, सदस्य लगायत सम्पूर्ण पदहरूमा उम्मेदवारी दिएका उम्मेदवारहरूको नाम, दर्ता नम्बर र चयन हुने सम्भावित संख्यासमेत उल्लेख गरिएको छ।
निर्वाचन समिति अनुसार, प्रकाशित सूचीमा १२ जुलाई २०२५, बेलुकी ९ बजेसम्म दावी तथा विरोध उजुरीहरू गर्न सकिनेछ। उजुरी तथा प्रतिक्रिया पठाउने आधिकारिक इमेल ठेगानामा पठाउनुपर्नेछ!
यस प्रकृयापछि अन्तिम उम्मेदवार सूची सार्वजनिक गरिने जानकारी गराईएको छ।
