समर्पण रमजान
अमेरिकामा आयोजना भईरहेको फेसन सम्बन्धी प्रतिस्पर्धा ‘स्टाइल आइकन’ कार्यक्रममा एक हजार जना प्रतिस्प्रधिहरुलाई पछि पार्दै सुप्रसिद्द गायक बिरही कार्किका छोरा विशाल कार्की टप 8 भित्र पर्न सफल भएका छन् ।
उनी टप टेनबाट टप 8 मा परेपछि अब टप वानका लागि प्रस्तिस्पर्धा गरिरहेका छन् । नपालदेखि नै बाल्यकालदेखिनै म्युजिक भिडियोहरुमा खेलेका र अमेरिकामा पनि चलचित्र, तथा बिबिध विज्ञापनमा अभिनय गर्दै आईरहेका विशाल कार्की फेसन सम्बन्धी प्रतिस्पर्धा ‘स्टाइल आइकन’ का लागि छानिएका हुन् ।
स्टाइल आइकनलाई एल्टन जोन एड्स फाउन्डेसनले आयोजना गरेको उक्त प्रतिस्पर्धा कार्यक्रममा कार्कीले ‘स्टाइल आइकन’ जिते भने मिलान फेसन विक २०२६ मा भर्साचेको शोको टिकट, फ्लन्ट म्यागजिनमा विशेष स्पटलाइट फिचर २० हजार डलर प्राप्त गर्नेछन् ।
अमेरिकामा बिजनेशमा ब्याचलर डिग्री तेस्रो वर्षमा अध्ययन गर्दै आएका विशाल अमेरिकन आर्मीमा समेत काम गरिसकेका छन् । नेपालमा छँदादेखि नै स्कुल टप विद्यार्थीका रुपमा अध्ययन गरेका उनले अमेरिका गएपछि पनि पढाइमा टप नै छन् ।
अहिले भोटिङ खुलिसकेको छ उहाँको भोटिङको लागि तलको लिङ्कबाट गर्न सकिने र नेपालको सानलाई बिश्वमा चिनाउनका लागि पनि बिशाल कार्किलाई भोट गर्न उहाँका बुबा बिरहि कार्किले अपिल गरेका छन् ।