Category: मुख्य खबर

चितवन जिल्ला राप्ती नगरपालिका वडा नं. ४ को गैँडाढापमा स्रष्टा मिलन, पुस्तक लोकार्पण, रचना वाचन तथा कला-सांस्कृतिक प्रदर्शनी कार्यक्रम शनिबार सम्पन्न भएको छ । नमस्ते आधुनिक लघुकथा मञ्चको आयोजना र राप्ती नगरपालिका वडा नं. ४ को प्रायोजनमा भएको उक्त कार्यक्रमको उद्घाटन वरिष्ठ साहित्यकार, समालोचक, भाषाविद् तथा नमस्ते आधुनिक लघुकथा मञ्चका संरक्षक डा. विदुर चालिसेले गर्नुभएको थियो ।

नमस्ते आधुनिक लघुकथा मञ्चका अध्यक्ष घनश्याम डल्लाकोटी ‘कृष्णजी शर्मा’को अध्यक्षतामा र राप्ती नगरपालिका, वडा नम्बर-४ का वडाध्यक्ष एवम् सामाजिक अभियन्ता श्री केदार आचार्य, वरिष्ठ साहित्यकार श्री रामबाबु घिमिरे, वरिष्ठ साहित्यकार श्री केशवराज आमोदी, साहित्य सङ्गम, चितवनका उपाध्यक्ष, छन्दोवद्ध काव्य प्रतिष्ठानका सचिव राजेन्द्र घायल लगायतको विशिष्ट आतिथ्यमा भएको कार्यक्रममा साहित्यकारहरू- चुडामणि ओली, रोहिणीप्रसाद लोहनी, ज्ञानु उपाध्याय, निरज कोइराला, तुलसी पण्डित, मनोहरी पौडेल, विष्णुमाया पन्थी, शिवहरि अधिकारी, गणेश नेपाली, यमुना प्रधानाङ्ग मुना, शेखर अर्याल, मीठू कुमारी पाठक, वसन्त अनुभव, रामशरण थपलिया, मणिराम नेपाल, सम्राट सुमन लगायतले शुभकामना मन्तव्यसँगै आ-आफ्ना रचना वाचन गर्नुभएको थियो ।

उक्त कार्यक्रममा सन्त कुमार चौधरी, गोविन्दराज कँडेल, सोवेन्द्र चौधरी, अन्जु चौधरी, नारायण सिंह बराल थापामगर, शिवप्रसाद अर्याल, दिपेन्द्र थपलिया, ज्ञानेन्द्र घिमिरे, हरिप्रसाद गजुरेल, सरिता भट्ट, सुजन घिमिरे, विषम मियाँ लगायत स्थानीय महानुभावहरूको उपस्थिति रहेकोे थियोे ।

प्रचलित भन्दा फरक ढङ्गले (व्यानरमा हस्ताक्षर गरेर) उद्घाटन गरिएको कार्यक्रममा उपस्थित प्रमुख अतिथि, विशिष्ट अतिथि लगायत सम्पूर्ण अतिथिहरूलाई मञ्चका सचिव वसन्त अनुभवले आफ्नो स्वागत मन्तव्यद्वारा स्वागत गर्नुभएको थियो भने ‘गुरु सङ्गीत पाठशाला’, खैरहनी-८, पर्साबजारका सङ्गीत प्रशिक्षक श्री कुमार सिंजाली मगरको गायन समूहले गीतद्वारा स्वागत गरेको थियोे ।

कार्यक्रममा विभिन्न जातजातिहरूको मौलिक संस्कृति झल्काउने नृत्य प्रदर्शन गरिएका थिए । जसमा थारूहरूको जितिया पर्वमा नाचिने प्रख्यात ‘झाम्टा नाच’, थारू सम्प्रदायकै फागु पर्वमा नाचिने प्रख्यात डफ्फु नाच, लाठी नाच तथा झर्रा नाच, मगर समुदायको कौडा नाच, सनातन भजन समूबाट भजन तथा खैँजडी नाच प्रदर्शन गरिएको थियोे ।
कार्यक्रमको उद्घोषण मञ्चका उपाध्यक्ष शेखर अर्याल र सदस्य मीठू कुमारी पाठकले गर्नुभएको थियो ।

‘लघुकथाको सुगन्ध: १२ फूल १०८ सुगन्ध’ संयुक्त लघुकथासङ्ग्रहको लोकार्पण

नमस्ते आधुनिक लघुकथा मञ्चद्वारा प्रकाशित लघुकथाको सुगन्ध: १२ फूल १०८ सुगन्ध, संयुक्त लघुकथासङ्ग्रहको शनिबार लोकार्पण भएको छ । कार्यक्रमका प्रमुख अतिथि डा. विदुर चालिसेले एक कार्यक्रम विच लोकार्पण गर्नुभएको हो ।
लोकार्पित लघुकथा सङ्ग्रहको समीक्षा गर्नुहुँदै डा.चालिसेले प्रस्तुत सङ्ग्रह केवल लघुकथा सङ्ग्रह मात्र नभएर समालोचनाको पनि सङ्ग्रह भएको बताउनुभयो ।

लघुकथाकार एवम् समीक्षक निरज कोइरालाले शुभकामना मन्तव्य दिदै प्रस्तुत सङ्ग्रह एउटा मात्र नभएर १२ वटा सङ्ग्रह भएको उल्लेख गर्नुभयो ।
प्रस्तुत सङ्ग्रहमा १२ जना लघुकथाकारहरूले फरक फरक विषयमा लेखिएका ९/९ वटा लघुकथाहरू सङ्ग्रहित छन् ।

• अम्बिका धिताल– आनन्द, बोक्सी, बयान, भेट्ने उपाय, समाधान, एकछिन, विशेष दिन, नपचेको कुरा र स्वर्ग ।
• कर्ण दयाल ‘सोराडी’– स्वार्थ, सन्तानको माया, पश्चाताप, घात, स्वामित्व, अधिकार, समानता, वरदान र सर्वशक्तिमान् ।
• कृष्णजी शर्मा- करुणा भाइरस, भ्रष्ट भाइरस, कर्तव्य र जिम्मेवारी, लकडाउन, चिन्ता, राहत, सद्बुद्धि, डढेलो र विश्वसुन्दरी ।
• चन्द्रकला अधिकारी– जन्मदिन, आमाको माया, मातृत्व, आमाको छायाँ, अन्तर्बोध, बहुमूल्य उपहार, मातृत्व भाव, डाक्टर र ओखती र प्रसाद ।
• प्रभा देवी पौडेल- धारणा, छिमेकी, विवेक, अपजस, ढाडे बिरालो, कर्मरेखा, उजाडिएको बस्ती, खाडल र जस्तालाई तस्तै ।
• मञ्जु ज्ञवाली- पालो, जाम, कस्तो प्रेम ?, मेरा बा, दक्षिणा, नयाँ साथी, मियो, मास्टर बा र नव दुर्गा ।
• यमुना प्रधानाङ्ग ‘मुना‘- बिटुलो ?, सोच, द्वैध व्यवहार, फुल्न दिउँ, विभेद किन ?, रगतको रङ्ग, पेसा, अभियान र समानुपातिक ।
• राजेन्द्रकुमार आचार्य– हिस्स बुढा खिस्स, हाइसञ्चो, रामराम !, कन्तबिजोग, दुई मुर्ख, चिल खाया, तीर्थ यात्रा, घोक्रेठ्याक र जेठी भाउजू ।
• वसन्त अनुभव– आमा, पश्चाताप, आमाको माया, आत्मग्लानि, छुटकारा, अभिमान, मोहित बुबा, तेल भिसा र सत्यबोध ।
• शिवहरि अधिकारी– भ्रष्टाचार, छट्टु नेता, धाँधली, मुसाको घमण्ड, नेता बन्ने रहर, नयाँ घर, परिवर्तन, पुल र साईंलाबाको गुनासो ।
• शेखर अर्याल– मित्रता, हुने बिरुवाको चिल्लो पात, प्रेरणा, उत्साह, सारङ्गी, थाँक्राको काँक्रो, होली, छोरीको पीडा र निसासिँदो हाँसो ।
• सुधा बाँस्कोटा ढकाल– पाल्तु, छाप, निर्णय, सहयोग, समानता, राधा दिदी, सजिना, आत्मीयता र गर्व ।

साउदी अरबको रियादमा सडक दुर्घटनामा परी प्यूठानका एकजनाको मृत्यु भएको छ।

झिमरुक गाउँपालिका-१ सौतामारे छाती मुनिका 25 वर्षीय नारायण जिएमको ज्यान गएको हो।

रोजगारीको सिलसिलामा करिब एक वर्षअघि साउदी अरबको रियादमा पुगेका जिएम लाई गत सनिबार साझ साँझ तरकारी किन्नको लागि सडक पार गर्दैगर्दा गाडीले ठक्कर दिँदा घटनास्थलमै मृत्यु भएको थियो।

जिएमको शव आवश्यक प्रक्रिया पूरा सकिएपछि छिटो भन्दा छिटो नेपाल पठाईने बताईएको छ।

समाचार श्रोत प्युठान समाचार डट कम्

साप्ताहिक तस्बिरमा उदक लेखन शृङ्खलाको १०२ औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ७० जना उदक स्रष्टाहरूको सहभागिता रहेको उदक लेखन शृङ्खलाका संयोजक, प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

संयोजक एवम् प्रशिक्षक अनुभवका अनुसार शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि मात्र एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

अभ्यासका लागि राखिएको प्रतिनिधि तस्बिर :

उदक अभ्यास शृङ्खला– १०२ मा सहभागी उदक यात्रीका सुन्दर उदकहरू

[१]
बुद्ध
शान्तिका दूत
मनुष्य हालका महाभूत !

• अमृत सुवेदी, रुपा सात, कास्की

[२]
बुद्ध
ज्ञानको स्रोत
लोकलाई सन्देश नेपालबाट !

• सोमनाथ लुइटेल ‘रवि पाल्पाली’,
  पाल्पा, हाल: बर्दिया

[३]
लुम्बिनी
बुद्धको जन्मस्थल
बद्धम शरणम गच्छामि !

• आर्त अकुलीन, कैलाली

[४]
बुद्ध
मन शुद्ध
भएका शान्तिका अग्रदुत !

• शिव ज्ञवाली, गुल्मी

[५]
बुद्ध
मन शुद्ध
शान्ति कान्ति मुहार !

• भवानी घिमिरे, सर्लाही

[६]
बुद्ध
एसियाको ज्योति
फेरि आऊ एकचोटि !

• पशपती राई, खोटाङ

[७]
बुद्ध
शान्तिका प्रतीक
भगवान मनुष्य चाेला !

• केसर बाेहरा ‘सङ्घर्ष’, अछाम

[८]
बुद्धत्व
दुःखबाट पार
संसारमा जिउने आधार !

• हिमाल अम्मै, घोडाघोडी, कैलाली

[९]
शान्ति
बुद्धको सन्देश
अहिंसा परमो धर्म !

• ऋजु दिल्पाली, सुनसरी-१

[१०]
सिद्धार्थ
गौतम बुद्ध
आत्मज्ञानी मन शुद्ध !

• विवश परदेशी

[११]
भगवान
गौतम बुद्ध
मन विचार शुद्ध !

• रिता खराल, रुपन्देही

[१२]
बुद्धत्त्व
शान्तिकाे मार्ग
दु:खकाे कारणकाे निवारण !

• नारायणप्रसाद उपाध्याय, कैलाली

[१३]
उदक
बुद्ध
ज्ञानका प्रचार
सुख सान्त संसार !

• बृन्दा बगाले, काठमाडौ

[१४]
बुद्ध
ज्ञानको भण्डार
विश्वलाई चिनाउने आधार !

• सरिता सेढाई, धादिङ

[१५]
सन्देश
लोकलाई शान्ति
नहोस् कहिल्यै अशान्ति !

• सम्झना कुँवर ‘कुसुम’

[१६
बुद्ध
विश्वकै तारा
उज्यालो ज्ञान सारा !

• भुपेन्द्र राना मगर, धादिङ

[१७]
भगवान्
बुद्ध जस्तै
असल बन्न सकूँ !

• प्रदिप नेपाली, पर्वत

[१८]
बुद्ध
ज्ञानको लागि
गरेका शान्ति युद्ध !

• शाेभा आचार्य गाैतम, काठमाडौँ

[१९]
बुद्ध
ज्ञानको प्रचार
जिउने कला अपार !

• दुर्गा भट्टराई, मोरङ

[२०]
बुद्ध
शान्ति अग्रदुत
राष्ट्रका अमूल्य निधि !

• इन्दिरा देवकोटा

[२१]
चित्त
गरौँ शुद्धीकरण
ॐ बुद्धम शरणम !

• होमप्रसाद नेउपाने, धरान, सुनसरी

[२२]
बुद्ध
अशान्तिको बिरोधी
फैलाए विश्वभर ज्ञान !

• बिमला पोख्रेल, अर्घाखाँची

[२३]
बुद्ध
छोड युद्ध
ग्रह शान्ति शुद्ध !

• देवी पन्थी

[२४]
अहिंसा
परमो धर्म
त्यागौँ विकृत कर्म !

• वसन्त अनुभव, घोराही, दाङ

[२५]
शान्ती
मनाेभावमा क्रान्ती
बुद्वत्त्व प्राप्त सन्तती !

• राेशन पराजुली, धरान

[२६]
बुद्ध
शान्तिको ज्योति
फैलाइ दियौ जगतभरि !

• पुष्पा सायरा, विराटनगर

[२७]
बुद्ध
शान्तिका प्रतीक
हिंसात्मक छोडौँ युद्ध !

• सरस्वती वली, बर्दिया

[२८]
बुद्ध
शान्तिका दूत
अहिंसाको सत्य बाटो !

• सविता के.सी., दक्षिणकाली-९, काठमाडौँ

[२९]
शुद्ध
नबनौ क्रुद्ध
शान्तिको दूत बुद्ध !

• रामप्रसाद पुरी, बादेल, खोटाङ

[३०]
शान्ति
प्रवर्द्धन बुद्ध
ज्ञानमा मन शुद्ध !

• भगवती दवाडी, झापा

[३१]
शान्ति
बुद्धकाे सन्देश
फैलियो सारा संसार !

• राज कुमार राजभण्डारी खाेटाङ्गे
  मध्यपुर ठिमी-५, सङ्गम काेलाेनी

[३२]
उदक
बुद्ध
सुन्दर बानी
हटोस् भएका अवरुद्ध !

• प्रेम थापा ‘मन’, बागलुङ

[३३]
बुद्ध
गरेको ध्यान
सबैमा आओस् ज्ञान !

• बेदु न्यौपाने, काठमाडौँ

[३४]
हामी
सबै जना
बुद्ध बन्न सक्छौँं ?

• नरेन्द्रबहादुर क्षेत्री, बुटवल

[३५]
शान्ति
हुदैन केही
खोजी गर्दछौं त्यही !

• सन्जना शर्मा, दाङ, लमही

[३६]
उपदेश
शान्तिको ज्ञान
बुद्धको महिँमा शान !

• सुरेशकुमार पाण्डे
  दाङ, घोराहि-१८

[३७]
बुद्ध
चित्त शुद्ध
ज्ञानको ज्योति विशुद्ध !

• म्यामराज राई, भोजपुर

[३८]
छर्दै
ज्ञानको भण्डार
त्यागे उनले राजकाज !

• सुमित्रा पोखरेल, काठमाडौं

[३९]
बुद्ध
बुद्ध म
बुद्ध म शान्ति !

• मधुसुदन शर्मा

[४०]
बुद्ध
पथ प्रदर्शक
शान्तिका दुत रहेका !

• सरस्वती श्रेष्ठ, इटहरी

[४१]
त्यागी
राजमहलको सुख
ज्ञानको खोजीमा बुद्ध !

• मङ्गला उपाध्याय, बारा

[४२]
बुद्धत्व
मानव जगतमा
महान् छ अस्तित्व !

• घनश्याम पौडेल, पोखरा

[४३]
जीवनोपयोगी
शिक्षा बुद्धको
मन वचन शुद्धको !

• राजेन्द्रकुमार बज्राचार्य, काठमाण्डौ

[४४]
बुद्ध
एशियाका ज्योति
शान्ति प्रवाहक मोती !

• बिके माकजु, भक्तपुर

[४५]
बुद्ब
धर्तीका पुत्र
विश्वमा शान्तिका अग्रदूत !

• प्रद्युम्न चालिसे, भक्तपुर, कटुञ्जे

[४६]
हाम्रा
असाध्यै राम्रा
अहिले भए सबैका !

• नन्दलाल आचार्य
  सिद्धार्थटोल, उदयपुर
  हाल- सिर्जनाकुटी, सिरहा

[४७]
बुद्ध
प्रकट अवरुद्ध
ज्ञान वचन शुद्ध !

• अच्युत घिमिरे, भुटान

[४८]
बुद्ध
शान्तिका दूत
एसियाका उज्ज्वल नक्षत्र !

• गोपालप्रसाद पौड्याल, विराटनगर

[४९]
बुद्ध
दशावतारमा एक
अहिंसा शान्ति सन्देश !

• कमला देवकोटा, पाल्पा

[५०]
बुद्ध
फर्किएर तिमी
शान्तिलाई फेरि जगाऊ ।

• केशवप्रसाद ढकाल ‘प्रीतबीज’
  सिरान्चाेक-७, उपल्लो गाेहाेरे, गाेरखा

[५१]
विशेष
शान्ति सन्देश
मनन गर्नु बेस !

• उर्मिला पन्त पाण्डेय
  ज्ञानेश्वर, काठमाण्डौँ

[५२]
बुद्ध
बिचलित नभईकन
निरन्तर ज्ञानको खोजी !

• बिमला पोख्रेल, अर्घाखाँची

[५३]
बुद्ध
शान्ति नायक
विश्व शान्ति दायक !

• धर्मी शाक्य,बुटवल, रुपन्देही

[५४]
बुद्ध
बन्ने चाहाना
बुद्धको सन्देश शिरोधार्य !

• यानेन्द्र जोशी, पहलमानपुर

[५५
बुद्ध
शान्तिका अग्रदूत
नेपालका सच्चा सपूत !

• जमुना आचार्य, सिन्धुपाल्चोक

[५६]
बुद्ध
फर्किएर आऊ
ध्यान धर्तीमा लगाऊ !

• भावना मञ्जु, माेरङ

[५७]
अहिंसा
तन मन
बुद्धको सत्य वचन !

• रामबहादुर चौधरी, गोरखा

[५८]
बुद्ध
गर्दै ध्यान
संसारमा बाँड्दै ज्ञान !

• अनुग्रह राना मगर ‘पुष्प’
  पाँचखपन नपा -६, संखुवासभा

[५९]
महात्मा
महामानव बुद्ध
विश्वशान्तिका सौम्य ज्योतिपुञ्ज !

• पोखरेल बद्री, विराटनगर, मोरङ

[६०]
बुद्ध
शान्ति सन्देश
आनन्दमा रहनु बेस !

• दुर्गा भट्टराई

[६१]
बुद्ध
शान्तिका अग्रदूत
बने अहिंसाका पुजारी !

• सीता पाण्डेय मरासिनी
  तम्घास, गुल्मी

[६२]
बुद्ध
ज्ञानको भण्डार
मनमा शान्ति शुद्ध !

• धनमाया चौधरी, कैलाली

[६३]
बुद्ध
शान्तिका अग्रदुत
दिएका ज्ञान अद्भुत !

• सरस्वती श्रेष्ठ, रूपन्देही, बुटवल

[६४]
बुद्ध
शान्तिका दुत
अहिंसाले मनको शुद्ध !

• बुद्धिप्रसाद लामिछाने, कैलाली

[६५]
बुद्ध
शान्तिका अग्रदुत
बाँडे ज्ञानकाे भण्डार !

• श्रद्धा आचार्य, पोखरा

[६६]
बुद्ध
ज्ञान सागर
शान्तिको मार्ग अपार !

• कविता आचार्य, कैलाली

[६७]
महापुरुष
परिवर्तित कालखण्ड
मानवत्त्वको चिरहरण पुण्यभूमिमा !

• कण्ठराज गिरी, टीकापुर

[६८]
शान्ति
हुर्काउनु दिनु
बुद्धकाे मानवताको उपदेश !

• टीकाराम जाेशी, टीकापुर

[६९]
धर्म
शान्ति अहिँसा
मन सधैँ बुद्ध !

• समुन्द्रा शर्मा, सुनसरी

[७०]
बुद्ध
नेपालका तारा
विश्वमा चिनाउने सहारा !

• त्रिलोक रामदाम
  सिद्धार्थनगर-८, भैरहवा

काठमाडौँ | इलेक्ट्रोनिक डाइभर्सिटी भिसा(EDV) कार्यक्रम 2024 का लागि आवेदन फारम अक्टोबर 5, 2022 देखि नोभेम्बर 8, 2022 सम्म खोलिएको थियो।

इलेक्ट्रोनिक डाइभर्सिटी भिसा EDV को नतिजा भोलि 6 मे 2023 मा प्रकाशित हुदैछ । EDV 2024 को नतिजा युएस डिपार्टमेन्ट अफ स्टेट ब्यूरो अफ कन्सुलर अफेयर्सको आधिकारिक वेबसाइट www.dvprogram.state.gov मार्फत प्रकाशित गरिनेछ।

तपाइँलाई तपाइँको DV लोटरी नतिजा हेर्नको लागि EDV फारम भर्दा तपाईले प्राप्त गर्नुभएको 16 अंकको पुष्टिकरण नम्बर चाहिन्छ। त्यस पछि मात्र तपाईले DV को नतिजा हेर्न सक्नुहुन्छ।

डीभी नतिजा २०२४ जाँच गर्न आवश्यक विवरणहरू

१.पुष्टि नम्बर(Confirmation Number)

२.अन्तिम/परिवारको नाम(Last/Family Name)

३.जन्म वर्ष(Year of Birth)

४.प्रमाणीकरण(Authentication)

१.पुष्टि नम्बर(Confirmation Number)

कन्फर्मेसन नम्बर EDV फारम भरेपछि प्राप्त भएको नम्बर हो। यो १६ वर्ण लामो हुनेछ जसमा पहिलो चार क्यारेक्टर फारम भरेको वर्ष (२०२३) हुनेछ। EDV रिजल्ट जाँच गर्दा उही नम्बर प्रयोग गर्नुपर्छ। (जस्तै: 20231O0DZWY3DOV9)

यदि तपाईंले DV फारम भर्दा कन्फर्मेसन नम्बर बिर्सनुभएको छ भने, Forgot Confirmation Number विकल्पमा क्लिक गर्नुहोस्।

क्लिक गरेपछि, भेरिफाई भएसंगै नयाँ पृष्ठ खुल्नेछ। तपाईंले त्यहाँ पुष्टिकरण नम्बर पुन: प्राप्त गर्न निम्न जानकारी प्रमाणीकरण गर्नुपर्छ।

विविधता भिसा कार्यक्रम वर्ष

१. नाम

२. जन्म मिति

३. इ – मेल ठेगाना

४. प्रमाणीकरण

माथिका सबै भरे पछि, Submit बटनमा क्लिक गर्नुहोस्।

२. अन्तिम/परिवारको नाम(Last/Family Name)

यहाँ तपाईंले इलेक्ट्रोनिक डाइभर्सिटी भिसा (EDV) प्रविष्टि फारममा प्रयोग गरिएको अन्तिम/परिवारको नाम प्रदान गर्नुपर्नेछ। यदि तपाइँको नाम रवि लामिछाने हो भने, तपाइँको अन्तिम नाम “लामिछाने” प्रविष्ट गर्नुहोस्।

लामिछाने” प्रविष्ट गर्नुहोस्।

३. जन्म वर्ष(Year of Birth)

यहाँ तपाईंले इलेक्ट्रोनिक डाइभर्सिटी भिसा (DV) प्रविष्टि फारममा प्रयोग गरिएको जन्म वर्ष प्रदान गर्नुपर्नेछ। जस्तै (१९९९)

४. प्रमाणीकरण (Authentication)

यहाँ तपाईंले माथिको चित्रमा देखिने अक्षरहरू टाइप गर्नुपर्छ।

हामीले DV रिजल्ट २०२४ जाँच गर्दा के-के कुराहरू आवश्यक पर्छ भनेर माथि स्पष्ट गरिसकेका छौं, अब म कसरी DV रिजल्ट २०२४ जाँच गर्न सक्छु?

पहिलो चरण:- आफ्नो कम्प्युटर र मोबाइलमा इन्टरनेट ब्राउजर खोल्नुहोस्। (इन्टरनेट ब्राउजर गुगल क्रोम, फायरफक्स, माइक्रोसफ्ट एज आदिको उदाहरण)

दोस्रो चरण:- अमेरिकी राज्य विभागको कन्सुलर मामिला ब्यूरोको आधिकारिक वेबसाइट www.dvprogram.state.gov खोल्नुहोस्।

तेस्रो चरण:- DV-2023 प्रवेशिका स्थिति जाँच गर्न तलको चेक स्टेटस बटनमा क्लिक गर्नुहोस्।

चौथो चरण:- तपाईंले स्वागत पृष्ठ हेर्न सक्नुहुन्छ र त्यहाँ जारी बटनमा क्लिक गर्नुहोस्।

पाँचौं चरण:- त्यस पछि तपाईले प्रवेश जानकारी पृष्ठ हेर्न सक्षम हुनुहुनेछ। अनुरोध अनुसार विवरणहरू राख्नुहोस्। जसलाई हामीले माथि कसरी राख्ने भन्ने बारे जानकारी दिएका छौं।

फारम भरेपछि Submit विकल्पमा क्लिक गर्नुहोस्। त्यसपछि तपाईले DV रिजल्ट २०२४ को स्थिति हेर्न सक्नुहुनेछ।

पञ्चाङ्ग साहित्य समाज नेपाल अभ्यास पाठशालाको अभ्यास शृङ्खला दर्तापछिको :- भाग ४२ [बयालिसौँ] ————————————-
” पाँच तत्त्व पाँचै विकार, पञ्चाङ्ग नै ठिक आधार “

विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०८०/०१/१९ गते  समय :- साँझ ८ बजे ।

……………………………………………………………………
प्रशिक्षक:-
……………
गुणनिधि घिमिरे
घनश्याम पौडेल
तोयानाथ सुवेदी
………………………

भाषा शुद्धीकरण:-
———–
जमुना आचार्य
भवानी घिमिरे
पुष्पा नेपाल सुवेदी

सङ्कलक :-
———-
दुर्गा रिजाल आचार्य

संयोजक:-
=====
सोमनाथ लुइटेल “रवि पाल्पाली” ======================

अक्षर सङ्ख्या:- आफूखुसी [बराबरी]

अनुप्रास :-  आफुखुसी

स्थायी :- आफूखुसी
………………………………………………

पञ्चाङ्ग संरचना
…………………

पञ्चाङ्ग भनेको पाँच पदिय कविता विधा हो ।
कसरी लेख्न सकिन्छ ?
—————-
पुर्ण अनुप्रास र स्थायी अनिवार्य हुनु पर्छ ।
जस्तै :-
उठान:-

✍️श्रमको उचित मूल्य देउ,बिदाले  खान दिंदैन[०२]
✍️ठगी खाने सपना  नदेख, पापले शान दिंदैन[०२]

तेस्रो लाइनले माथिको शेरलाई बिस्तार गर्नु पर्छ
———————————-

💢किन गर्छौ तिमी धनी गरिब बिचमा भेदभाव[०३]

माथिको शेरलाई सम्बोधन गरि परिचय खोल्ने
———————————
१,२,३का लाइनलाई जोड दिदै परिणाम दिनुपर्छ

✍️आफै परिश्रम गरि  खाउ,कसैले  दान दिंदैन[०४]
✍️मरेर खाली हात जाने हो,दौलत  लान दिँदैन[०५]

४, ५ ले पञ्चाङ्गको निष्कर्ष दिनुपर्छ ।
…………………………………………………………

उदाहरण पञ्चाङ्ग  
………………………

✍️श्रमको उचित मूल्य देउ,बिदाले  खान दिंदैन[०२]
✍️ठगी खाने सपना  नदेख, पापले शान दिंदैन[०२]
💢किन गर्छौ तिमी धनी गरिब बिचमा भेदभाव[०३]
✍️आफै परिश्रम गरि  खाउ,कसैले  दान दिंदैन[०४]
✍️मरेर खाली हात जाने हो,दौलत  लान दिँदैन[०५]

✍️मन्दिरा सेढाई, मलेखु,धादिङ ।
…………………………………………………………

पञ्चाङ्ग   [०१]

श्रमको उचित मूल्य देउ,विदाले खान दिंदैन।
ठगी खाने सपना  नदेख,पापले सान दिंदैन।
किन गर्छौ तिमी धनी गरिब बिचमा भेदभाव?
आफै परिश्रम गरी  खाऊ,कसैले दान दिंदैन।
मरेर खाली हात जाने हो,दौलत लान दिँदैन।

✍️मन्दिरा सेढाई, मलेखु,धादिङ ।
……………………………………………………

पञ्चाङ्ग   [०२]

भने जस्तो माग आएन यो बजारमा।
हाम्रा सामु राम्रो छाएन यो बजारमा।
श्रमिक दिवस  नारामै सीमित भयो ,
दाताले सुहित   चाहेन यो बजारमा।
श्रमले नै मूल्य पाएन  यो बजारमा।

✍️श्रीकृष्ण शर्मा, पोखरा ।
……………………………………………

पञ्चाङ्ग   [०३]

पसिना  सुकेपछि   मुल्य   पाउन  नपरोस् सरकार ।
श्रमिकले  पैसाको  लागि  धाउन  नपरोस् सरकार ।
बेथिति अनि अन्यायको कहिले अन्त गर्छौ तिमीले ,
जनता  नबुझ्ने  नेतालाई  दाउन  नपरोस्  सरकार ।
तिम्रै  गित  शधैँ  हामिले  गाउन  नपरोस्   सरकार ।

✍️सोमनाथ लुइटेल “रवि पाल्पाली” पाल्पा
हाल बर्दिया ।
………………………………………………………………

पञ्चाङ्ग   [०४]

पसिनाको मूल्य अर्कैले लिएको देखियो।
श्रमिकले नुनिलो आँसु पिएको देखियो।
भाषणमा मात्र श्रम दिवस मनाउने,
ओ मन्त्री ज्यू!गरिब मर्दै जिएको देखियो।
टुक्रेको सपनाले दिल सिएको देखियो।

✍️पुष्पा नेपाल (सुवेदी), इलाम।
…………………………………………………

पञ्चाङ्ग   [०५]

श्रमको उचित ज्याला भर्नुपर्छ सरकारले ।
मूल्यांकन काे कदर गर्नुपर्छ सरकारले ।
नातावाद कृपावाद अन्त्य गर्ने तेराे काम,
पसिनाकाे राम्रो बीउ छर्नुपर्छ सरकारले ।
श्रमिकको पीडा सबै हर्नुपर्छ सरकारले ।

✍️प्रविणा पल्लवी, महाेत्तरी ।
…………………………………………………

पञ्चाङ्ग   [०६]

उन्नतिको सम्भावना गरेपछि हुन्छ ।
कहाँ हुन्छ भाषणले छरेपछि हुन्छ।
सबै भन्दा उत्तम मानव श्रम शक्ति,
प्रथम स्थान श्रमिक परेपछि हुन्छ।
सम्बृद्धिको अमृतले भरेपछि हुन्छु ।

✍️सुदर्शन पौडेल , बेनि ५ म्याग्दी ।
……………………………………………………

पञ्चाङ्ग   [०७]

दिनरात नभनी श्रम गर्नेले,कहिल्यै पार पाएनन् ।
अघि बढीरहे हुनेखाने,हुँदा खानेले सार पाएनन् ।
नेतृत्व सँधै नै उही तालमा,जनता त सँधै बेहालमा,
चुनाैतीकाे पहाड जताततै,छेक्ने कुनै बार पाएनन्।
धेरै दिए आश्वासन,तर सक्कली व्यवहार पाएनन्।

✍️उर्मिला के.शी., धनकुटा ।
…………………………………………

पञ्चाङ्ग   [०८)

बजार भाउ राम्रो आएन सरकार ।
मनमा कुनै शान्ति छाएन सरकार।
श्रमिक दिवस नारामा मात्र सीमित ,
साँझ बिहान  खाना खाएन सरकार।
श्रमिकले खास् मूल्य पाएन सरकार।

✍️सरस्वती श्रेष्ठ, इटहरी ।
……………………………………………………

पञ्चाङ्ग   [०९]

रगत  त  धेरै  बगिसक्यो  अब पसिना बगाउनुपर्छ।
भाषणमा  होइन  अब  समय  श्रममा  लगाउनुपर्छ।
गनाउँछ  भन्दै  पसिना  कसैले  कसैको खानु हुँदैन ,
बोलेर मात्रै ठिक्क पार्ने अल्छीलाई अब भगाउँनुपर्छ।
श्रमिकको  पसिना  खाने  ठगलाई अब हगाउँनुपर्छ!

✍️पशपती राई, खोटाङ ।
…………………………………………………………………

पञ्चाङ्ग   [१०]

आफ्नै जीवनसँग हारिरहने श्रमिक हुँ म।
यो ज्यान दाउमा पारिरहने श्रमिक हुँ म।
भोक टार्नका लागि परिवार पाल्नका लागि ,
हरपल  पसिना झारिरहने श्रमिक हुँ म।
सकि नसकि छाक टारिरहने श्रमिक हुँ म।

✍️रेणु चन्द ठकुरी, सुन्दर शुदुरपश्चिम डोटी ।
………………………………………………………

पञ्चाङ्ग   [११]

खोजेर कामको मूल्य ।
भेटेर नामको मूल्य ।
कहिले आउला दिन,
गरिब गामको मूल्य ।
निष्पक्ष रामको मूल्य ।

✍️आर्त अकुलीन, कैलाली ।
……………………………………

पञ्चाङ्ग   [[१२]

पसिना आफ्नो देशमै बगाउ न तिमी।
बिदेश   जाने     रहर भगाउ न तिमी ।
सबै यूवा न बिदेशीदै  केही राम्रो ,
काम गर्ने जागर त  जगाउ न तिमी ।
यो पाखामा आमालाई सगाउ न तिमी ।

✍️सुमित्रा पोखरेल, काठमाडौं।
………………………………………………

पञ्चाङ्ग   [१३]

श्रमिककाे परिश्रम बिना खान छैन।
श्रमकाे दान गर्नेकाे कुनै मान छैन।
श्रमिकका मिहिनेती हातहरू राम्रो,
स्वार्थ रहित श्रमको केही लान छैन ।
श्रम भन्दा ठूलो   अरू कुनै दान छैन ।

✍️शाेभा आचार्य गौतम , काठमाडौँ ।
……………………………………………

पञ्चाङ्ग   [१४]

खेतबारी मेलापात धाउन पाए हुन्थ्यो।
चुने घर जस्तापाता छाउन पाए हुन्थ्यो।
भुँडीवालहरुको नै हुने गर्छ सम्मान,
भोको पेट गाँस चारो लाउन पाए हुन्थ्यो।
श्रमको उचित मुल्य पाउन पाए हुन्थ्यो।

✍️सरिता सेढाई, धादिङ ।
…………………………………………………

पञ्चाङ्ग   [१५]

खाली भए श्रमिकले श्रम पाएका छैनन् दिवस मनाउन पर्ने भयो ।
भेलबाढीले छाक टारेर भएन अन्य व्यवस्था जनाउन पर्ने भयो ।
सबैलाई चाहिएको आधुनिक प्रविधिमैत्री रोजगारी कता छ र खै?
कृषि प्रधान देशमा खेतबारी बाँझै परीक्षण खनाउन पर्ने भयो ।
क्रान्ति ल्याएर शिक्षा उद्योग व्यापार कृषिको पेसा छनाउन पर्ने भयो।

✍️जमुना आचार्य, सिन्धुपाल्चोक ।
……………………………………………………………………

पन्चाङ्ग   [१६]

श्रमिकलाई मात्रै  सपना छर्छन् यहाँ ।
श्रमिकहरुनै भोकभोकै मर्छन् यहाँ ।
श्रमिकहरुको दुख देख्दैन सरकार,
श्रमिक लुट्नेहरुनै भुँडी भर्छन् यहाँ ।
श्रमिकको आशुमानै मोज गर्छन् यहाँ ।

✍️देवकी के.सी. , काठमाडौं ।
…………………………………………………

पञ्चाङ्ग   [१७]
[०१]
गरिखाने मान्छेको मुख मोसिनु हुँदैन।
गरिबी पसिनाले धनी पोसिनु हुँदैन ।
अधिकारहरू सुनिश्चितता हुनु पर्छ,
श्रम दिवसमा खुसीले जोसिनु हुँदैन ।
समान श्रम मूल्यहरू खोसिनु हुँदैन।
[०२]
जोश जाँगर बढाउदै अल्छी हर्नुपर्छ।
आफ्नो सीप र कौसलताहरू छर्नुपर्छ।
आफ्नो भाग्य निर्माण गर्ने छँदैछ  समय,
क्षमता  अनुसार सक्दो  काम  गर्नुपर्छ।
सन्तान सँगै आफ्नो पनि पेट भर्नुपर्छ।

✍️होम प्रसाद, धरान,सुनसरी ।
……………………………………………………

पञ्चाङ्ग   [१८]

मोटो धेरै यहाँ मसिनाको मुल्य आएको छैन।
श्रमिकले  गर्ने पसिनाको मूल्य आएको छैन।
भोको पेट भर्न खाडीमा बस्नु पर्ने भयो बाध्य ,
यस्तै हेर यिनै असिनाको मूल्य आएको छैन।
संकुचित भयो कसिनाको मुल्य आएको छैन।

✍️डिल्ली राज घिमिरे, भुमिकास्थान९
अर्घाखाँची ।
……………………………………………………

पञ्चाङ्ग   [१९]

परिश्रम गर्नुपर्छ।
खाली खेत भर्नुपर्छ।
श्रमको कदर गरौं ,
दस नङ्ग्रा खर्नुपर्छ।
उचित मुल्य पर्नुपर्छ ।

✍️धनमाया चौधरी, कैलाली।
…………………………………………………

पञ्चाङ्ग   [२०]

श्रम नगरी खान पाइँदैन।
बिना श्रमको मान पाइँदैन।
श्रम दिवसको शुभकामना
काम नभए दान पाइँदैन।
बिना सल्लाह जान पाइँदैन।

✍️ह्यारिस ह्यारिसन, काठमाडौं ।
…………………………………………

पञ्चाङ्ग   [२१]

समानता योग्यतामा काम पनि बराबरी।
उस्ता उस्तै कामलाई दाम पनि बराबरी।
श्रमिकको दिन आज दुखसुख खोल्नुपर्छ,
काम केही नहुनेको नाम पनि बराबरी।
आखिरमा सबै जाने ठाम पनि बराबरी।

✍️घनश्याम पौडेल,पोखरा ।
……………………………………………………

पञ्चाङ्ग   [२२]

श्रमिक हामी सत्कर्म गर्छौँ  बसेर धर्तीमा।
गर्दछौँ पूजा श्रमको हामी रमेर धर्तीमा।
धान र मकै फलाई अन्न धर्तीका पुजरी,
जहान पाल्न पसिना बेच्छौँ झरेर धर्तीमा।
दिदैन मूल्य मालिक गाली सहेर धर्तीमा।
             
✍️वीणा रोका, दाङ घोराही ।
………………………………………………

पञ्चाङ्ग   [२३]

सानोतिनो मज्दुर काम समाएकोछु आमा।
सिठोपिठो   खाएर नी  रमाएकोछु आमा।
दु:ख सुख   यस्तै रहेछ  परदेशको  मामला,
अलिअलि भए पनि त कमाएकोछु आमा।
थोरै  घरमा   पठाउन  जमाएको छु आमा।

✍️मल्ल लक्ष्मी श्रेष्ट, मेची किनार
बिर्तामोड झापा ।
……………………………………………………

पञ्चाङ्ग   [२४]

श्रम  गरेर   मजदुर  जनायौ       आज ।
ठुला  महल  तिमीले  नै   बनायौ  आज।
सन्तानको  भोक  टार्नका  निमित्त   गर्ने,
आफ्नो ज्यान जोखिममा भनायौ आज।
सधैँ  अन्यायको आवाज खनायौ आज।

✍️कला ढकाल  झापा ।
………………………………………………

पञ्चाङ्ग   [२५]

गरिबीको अन्त्य गर्न खाडी पसेँ म।
भोको पेटलाई भर्न खाडी पसेँ म।
म एक गरीब, श्रम गर्ने व्यक्ति हो,
बा आमामा खुसी छर्न खाडी पसेँ म।
दुष्ट आँखालाई हर्न खाडी पसेँ म।

✍️सुशीला पौडेल ।
………………………………………………

पञ्चाङ्ग    [२६]

माथि आकाश रुँदा तल धर्ती चिसिने भयो ।
आवाज ठुलो निकाली बादल रिसिने भयाे ।
पूरानाे त्यो रीतिथिति नछाड्ने  भएरै हाेला ,
मकै पिस्दामा सधैँभरि घुन पिसिने भयो ।
कुर्सीकाे लाेभले भ्रष्टमा सन्त मिसिने भयाे ।

✍️भवानी घिमिरे , सर्लाही ।
………………………………………………………

पञ्चाङ्ग    [२७]

कष्टकर   भै दियो जिन्दगीभर ।
दर्दमा थपी लियो जिन्दगीभर ।
श्रमिक  दिवसको  शुभकामना,
दुखी रहेको फियो  जिन्दगीभर ।
शक्ति नै सारा थियो जिन्दगीभर।

✍️भगवती दवाडी, झापा ।
…………………………………………

पञ्चाङ्ग   [२८]

अब त संसार भरिका मजदुर उठ्नु पर्छ ।
आन्दोलनको  गर्नु छ हामी सुर जुट्नु पर्छ ।
एक मईले नै दिन्छ हामीलाई देउ प्रेरणा ,
एकतामा  हुन्छ हक  भरपुर   खुट्नु पर्छ ।
ढोंगीले गय्रो सपनालाई सधैँ  कुट्नु पर्छ ।

✍️सुरेशकुमार पाण्डे, दाङ घोराही १८ ।
……………………………………………………

पञ्चाङ्ग   [२९]
पहिलो प्रयास

घनघाेटी काम गर्नेलाई गरम् भएकाेछ।
घरभित्र  राज गर्नेलाई भरम् भएकाेछ ।
मुखले भन्न  नसक्ने इज्जत जाने डरले ,
ठगेर खाने  शाेषकलाई शरम् भएकाेछ।
पाेखिनु पर्ने मनकाे व्यथा चरम् भएकाेछ ।

✍️सूर्य गिरी “चिन्तित “
माछापुच्छ्रे गा,पा,५रिभान,कास्की ।
………………………………………………

पञ्चाङ्ग   [३०]

श्रमिकको विकास गर्न सबैले सहयोग गर्नुपर्छ।
सिपै नजानेका श्रमिकले एकदिन भाेकै मर्नु पर्छ।
प्रगति पथमा लम्कने बानी गरेर अगाडि बढेमा,
मजदुरहरूकाे घरमा पनि अन्नपात भर्नुपर्छ।
कुदृष्टिले हेर्ने भावनाहरूलाई बिचैमा हर्नुपर्छ।

✍️निला घिमिरे, जनकपुर।
…………………………………………………

पञ्चाङ    [३१]

दिनरात खटिएर श्रम गर्दा पनि।
खान नै पुग्दैन आधि पेट भर्दा पनि।
पसिनाको मूल्य बुझ्दैन यो सरकार,
पाउन्न राहात संकटमा पर्दा पनि।
खै सहयोग खानै नपाइ मर्दा पनि।

✍️नानीबाबा अधिकारी, काठमांडौ ।
……………………………………………

🌺 केही उदक 🌺
—————– … ✍️ आर्त अकुलीन
१
जननी
धरतीको सार
श्रद्धाञ्जली स्वरूप केक !

२
पलाँस
बाहिर सुन्दर
भित्र भने सुगन्धहिन !

३
गोधूलि
वियोगान्त समय
बलेको मनको आगो !

४
शून्यता
शून्य परिकल्पना
आखिर शून्य परिणाम !

५
भिर
उकालो यात्रा
हाँडी गाउँको जात्रा !

६
रमिता
हाँडी गाउँको
प्रदर्शन आफ्नै ठाउँको !

७
पवन
चिसो बतास
मुटुमा गर्दै जलन !

८
समय
प्राविधिक युग
कहिल्यै नगर्नु दुरुपयोग !

९
कोइली
विरही भावमा
सुसेल्दै जीवन गीत !

१०
गुलाफ
मनमा माया
तिम्रो पुरानो प्रतिबिम्ब !

---

• आर्त अकुलीन
  देवाश्रम, कैलाली