रियाद – शुक्रबार साँझ चन्द्रमा देखिएपछि साउदी अरबमा शनिबारदेखि रमजानको पवित्र उपवास सुरु हुनेछ, साउदी प्रेस एजेन्सीले जनाएको छ।
“शनिबार, अप्रिल 2, 1443H को लागि रमजानको पहिलो दिन हो,” सर्वोच्च अदालतले साउदी शाही अदालतले जारी गरेको विज्ञप्तिमा भनिएको छ।
सर्वोच्च अदालतले चन्द्रमा देखेको पुष्टि गर्दै पैगम्बर (सल्लल्लाहु अलैहि वसल्लम) को भनाइलाई ध्यानमा राख्दै “रमजानको रोजा चन्द्रमा देखिएकै आधारमा सुरु र पूरा गर्नुपर्छ।” पवित्र महिनाको आगमनको अवसरमा दुई पवित्र मस्जिदका संरक्षक राजा सलमान, युवराज मोहम्मद बिन सलमान, साउदी सरकार र जनताका साथै राज्य र विश्वभरका मुस्लिमहरूलाई पनि शुभकामना व्यक्त गर्दछ।
सर्वोच्च अदालतले भनेको छ, यसले मुस्लिमहरूलाई पवित्र महिनाको उपवास र प्रार्थना गर्नमा सहयोग गर्न अल्लाहसँग प्रार्थना गर्दछ। अदालतले अल्लाह सर्वशक्तिमानले मुस्लिमहरूको असल कार्यहरू स्वीकार गर्न, तिनीहरूको श्रेणीलाई एकताबद्ध गर्न र उनीहरूबीच मेलमिलाप गराउने प्रार्थना पनि गरेको छ।
सर्वोच्च अदालतले आज साँझ रमजानको चन्द्रमा हेर्नेहरुको बयान लिन बैठक बसेको छ । प्राप्त प्रमाणहरु हेरेर सर्वोच्च अदालतले चन्द्रमा देखेको पुष्टि गरेको हो ।
प्रधानमन्त्री शेरबहादुर देउवालाई भारतीय रक्षा तथा पर्यटन राज्यमन्त्री अजय भट्टले स्वागत गरेका छन्।
शुक्रबार दिउँसो नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा भट्टले देउवाको स्वागत गरेका हुन्।
प्रधानमन्त्री देउवा तीन दिने औपचारिक भ्रमणका लागि भारत प्रस्थान गरेका छन्।
प्रधानमन्त्री देउवाले शनिबार भारतीय समकक्षी नरेन्द्र मोदीसँग भेटवार्ता गर्ने कार्यक्रम छ। यस्तै उनी सत्तारूढ दल भारतीय जनता पार्टी (भाजपा)को मुख्यालयमा समेत जाने तालिका छ।
Delhi | Prime Minister of Nepal, Sher Bahadur Deuba arrives in India on a three-day visit. pic.twitter.com/Y1FJT9h6Da
काठमाडौं। नेपाल वायुसेवा निगमले आउँदो अप्रिलबाट साउदी अरेबियामा नियमित उडान सुरु गर्ने भएको छ। साउदीको जनरल अथोरिटी अफ सिभिल एभिएसनबाट उडान अनुमति पाए लगत्तै निगमले साताको तीनवटा उडान गर्ने योजना बनाएको हो।
सुरुवाती चरणमा निगमले साताको मंगलबार र शुक्रबार उडान गर्ने योजना रहेको निगमका एक उच्च पदाधिकारीले बताए।
‘हामीले उडान तालिका बनाइसकेका छौं। साताको तीन दिन उडान गर्न अनुमति आए पनि हामीले सुरुमा साताको दुईवटा उडान गर्ने योजना बनाएका छौं। भाडादर निर्धारण हुन बाँकी नै छ। यस लगत्तै बुकिङ खुला गर्नेछौं,’ उनले भने।
साउदीको जनरल अथोरिटी अफ सिभिल एभिएसन (जीएसीए) ले गत फागुन २२ गते निगमलाई औपचारिक रूपमा उडान अनुमति दिएको थियो।
यो उडान सुरु भएसँगै वैदेशिक रोजगारीका लागि साउदी आउजाउ गर्दै आएका नेपालीका लागि लिइँदै आइएको भाडादर सस्तिने निगमले जनाएको छ।
निगमले साउदीको रियाद, दमाम र जेद्दा लगायत तीन सहरमा उडान अनुमति पाएको हो। निगमले सुरुमा काठमाडौं-रियाद-काठमाडौं रुटमा उडान गर्न लागेको हो। आगामी अप्रिलबाटै साताको तीनवटा नियमित उडान थाल्ने तयारी गरेको छ।
निगमका अनुसार साउदी उडानका लागि जेद्दास्थित एम/एस फैसालिआ मोडर्न एभिएसनलाई जीएसएमा छनोट गरिएको छ।
हाल निगमले दुईवटा न्यारोबडी र दुईवटा वाइडबडी गरी कुलव चारवटा जहाजमार्फत भारत, दुबई, कतार, मलेसिया, हङकङ, जापान लगायत विभिन्न अन्तर्राष्ट्रिय गन्तव्यमा नियमित उडान गर्दै आएको छ।
आधिकारिक गैरआवासीय नेपाली संघ (एनआरएनए) आफू भएको दाबी गर्दै परराष्ट्र मन्त्रालयमा शेष घले पक्ष पुगेको छ । आइतबार अध्यक्ष विनोद कुँवरको नेतृत्वमा परराष्ट्र मन्त्रालयमा पुगेर काठमाडौंको याक एण्ड यतिमा सम्पन्न महाधिवेशनबाट भएको निर्णयलाई वैधानिकता दिन माग गर्दै निवेदन दर्ता भएको हो ।
घले समुहका अध्यक्ष द्वारा जारी परराष्ट्र लाई पत्र
याक एण्ड यतिमा मार्च २४ तारिखका दिन एनआरएनएका प्रमुख संरक्षक शेष घलेको अगुवाइमा १० औं विश्व सम्मेलन गरेर कुँवरलाई अध्यक्ष चयन गरिएको थियो । निवेदनमा संघको विधानका केही व्यवस्थालाई संशोधन गर्ने निर्णय भएकाले त्यसलाई प्रमाणीकरण गर्न भनिएको छ । जबकी संस्थापनले हाल कायम विधानको व्यवस्थालाई परिवर्तन गरी संस्थामा ३ अध्यक्ष बनाउने निर्णय गरेको थियो । शनिबार ललितपुरको होटल हिमालयमा भएको विश्व सम्मेलनले संघको विधान संशोधन गरेर भविष्यमा नजिर नपर्ने गरी तीन अध्यक्ष बनाउने निर्णय गरेको थियो । त्यसका लागि उपेन्द्र महतोको नेतृत्वमा ७ सदस्यीय निर्वाचन मण्डल समेत घोषणा गरिएको थियो ।
सो निर्णयपछि घले समूहले आफूलाई आधिकारिक दाबी गर्दै संस्थापन समूहभन्दा पहिले परराष्ट्र मन्त्रालयमा पुगेर विधानमा एकभन्दा बढी अध्यक्ष चयन गरिनु अवैध हुने ठहरसहित निवेदन दिएको हो । संस्थापनले हलबाट गरेको निर्णय परराष्ट्र मन्त्रालयबाट प्रमाणीकरण गर्नुपर्ने भएकाले सो अघि नै घले पक्ष परराष्ट्रमा पुगेर बखेडा झिकेको हो ।
दशौँ महाधिवेशनबाट उपस्थित प्रतिनिधिहरूबाट संघको विधान, २००३ (२०२१ संशोधितसहित) को केही व्यवस्थालाई संशोधन गर्ने निर्णय भएको निवेदनमा उल्लेख छ । सोअनुसार चैत १२ गते बसेको सचिवालय बैठकबाट विधानको दफा १९ बमोजिम विधानको संशोधित व्यवस्थाहरु स्वीकृतिका लागि अनुरोध गरिएको छ ।
पत्रमा भनिएको छ, ‘उपरोक्त सम्बन्धमा गैरआवासीय नेपाली संघको सन् २२ मार्च २०२२ देखि २४ मार्च २०२२ मा काठमाडाैं, दरबारमार्गस्थित याक एण्ड यति होटलमा सम्पन्न दशौँ अन्तर्राष्ट्रिय महाधिवेशनमा उपस्थित प्रतिनिधिहरूबाट गैरआवासीय नेपाली संघको विधान, २००३ (२०२१ संशोधित सहित) को केही व्यवस्थाहरुलाई संशोधन गर्ने गरी निर्णय पारित भएको हुँदा उक्त निर्णयलाई अन्तर्राष्ट्रिय कार्यकारी सचिवालयको मिति २०७८।१२।१२ को बैठकबाट सम्बोधन गरी विधानको दफा २९ बमोजिम विधानको संशोधित व्यवस्थाहरु त्यहाँ मन्त्रालयबाट स्वीकृति तथा प्रमाणीकरण गर्न हार्दिक अनुरोध गर्दछु ।’
सचिवालयको तर्फबाट घले समूहले दर्ता लगायत सम्पूर्ण कार्य गर्न अधिवक्ता आशिष उप्रेतीलाई अख्तियारी दिएको दिएको छ । संस्थापन पक्षको शनिबारदेखि सुरु भएको १० औं सम्मेलन आइतबार नयाँ नेतृत्व चयन गर्दै सम्पन्न गर्दैछ । आइतबारको निर्णयअनुसार बद्री केसी, कुल आचार्य र रविना केसी अध्यक्ष बन्दैछन् ।
त्यसका लागि संस्थापन समूहले समेत आजै परराष्ट्रमा विधान संशोधन गरिएको भन्दै पत्र बुझाएपनि प्रमाणीकरण भएको छैन । परराष्ट्रले यसअघि नै प्रमुख संरक्षकले चुनाव गराउने भनेर म्यान्डेट दिइसकेको र सोहीअनुसार याक एण्ड यतिमा सम्मेलन भएकाले शनिबारदेखि ३ अध्यक्ष बनाउने गरी भएको विश्व सम्मेलन अवैध भएको घले पक्षको जिकिर छ ।
कतार विश्वकप २०२२ को लागि एसियाबाट जापान र साउदी अरेबियाले आफ्नो स्थान पक्का गरेका छन्।
बिहीबार भएको खेलमा जापानले अष्ट्रेलियालाई २–० गोलले पराजित गरेको हो।
जापानको जितसँगै साउदी अरेबियाले चीनसँग १–१ को बराबरी खेले पनि उसको विश्वकपको स्थान पक्का भएको हो।
जापान लगातार सातौंपटक विश्वकपमा पुग्न सफल भएको हो। समूह बीको तेस्रो स्थानमा रहेको अष्ट्रेलियाले भने विश्वकपमा छनोट हुनको लागि प्ले अफ खेल्नुपर्ने भएको छ।
त्यस्तै समूह ए मा इरानलाई २–० गोलले पराजित गर्दै दक्षिण कोरियाले पनि विश्वकपमा आफ्नो स्थान पक्का गरेको छ।
इरानले यसअघि नै विश्वकपमा आफ्नो स्थान पक्का गरिसकेको छ।
यससँगै कतार विश्वकपमा खेल्ने ३२ मध्ये १७ टोलीको टुङ्गो लागिसकेको छ।
काठमाडौं । साउदी अरेबियाको तेल कम्पनी साउदी अरामकोले आइतबार सन् २०२१ को आम्दानी रिपोर्ट सार्वजनिक गरेको छ । उक्त रिपोर्ट अनुसार कम्पनीले यो वर्ष खुद नाफा दोब्बरभन्दा बढी ११० अर्ब डलर कमाएको छ । कच्चा तेलको उच्च मूल्य, बलियो रिफाइनिङ र केमिकल मार्जिन, र यसको रसायन व्यवसायका कारण सन् २०२१ मा सन् २०२० को तुलनामा १२४ प्रतिशत बढी नाफा कमाएको कम्पनीले जनाएको हो ।
सन् २०२० मा कोरोना भाइरको महामारी उग्र बिन्दुमा रहेका बेला अरामकोले ४९ अर्ब अमेरिकी डलर नाफा कमाएको थियो । यस वर्ष अर्थात् सन् २०२१ मा ११० अर्ब अमेरिकी डलर नाफा कमाएको कम्पनीले जनाएको हो । यो समाचार आएसँगै आइतबार ४ प्रतिशतले अरामकोको सेयर बढिसकेको छ ।
महामारी शान्त भएपछि सन् २०२१ को मध्यपछि बढ्दो मागका कारण कच्चा तेलको मूल्य वृद्धिले नाफा बढी गर्न फाइदा पुगेको कम्पनीले जनाएको छ । अहिले रुसले युक्रेनमाथि आक्रमण गरेका बेलासमेत कच्चा तेलको मूल्य बढेको छ ।
युक्रेनका राष्ट्रपति भोलोदिमिर जेलेन्स्कीले रुससँगको वार्ता सफल नभए तेस्रो विश्वयुद्ध हुने चेतावनी दिएका छन् । सिएनएन टेलिभिजनसँगको कुराकानीमा उनले रुसी राष्ट्रपति भ्लादिमिर पुटिनसँगको प्रत्यक्ष कुरा असफल भए तेस्रो विश्वयुद्ध हुने चेतावनी दिएका हुन् ।
रुसी राष्ट्रपति पुटिनसँगको वार्ता असफल भए तेस्रो विश्वयुद्ध हुन सक्ने उनले चेतावनी दिए । ‘म पुटिनसँग वार्ताका लागि तयार छु । म दुई वर्षयता त्यसका लागि तयार नै थिएँ । मलाई लाग्छ, हामीले वार्ताबिना यो युद्ध अन्त्य गर्न सक्दैनौं । सहमतिका लागि हामीले कुनै पनि ढाँचा अवलम्बन गर्न सक्छौं । यदि, यो असफल भए तेस्रो विश्वयुद्ध हुनेछ,’ जेलेन्स्कीले भने ।
उनले जारी लडाइँ अन्त्य गर्ने एउटै बाटो भनेको वार्ताहरू भएको उल्लेख पनि गरे । ‘मलाई लाग्छ सहमति गर्ने सम्भावना पहिल्याउनका निम्ति जुनसुकै स्वरूप, अवसरको सदुपयोग गर्नुपर्छ,’ जेलेन्स्कीले भने ।
साउदी अरबमा क्रियाशील हेल्प मधेशी साउदीअरबले हिजो शुक्रबार १८ मार्च साधारणसभा द्वारा राम दुलार मण्डलको नेतृत्वमा नयाँ कार्यसमिति गठन गरेको छ ।
जसअन्तर्गत नयाँ कार्यसमितिको वरिष्ठ उपाध्यक्षमा श्यामकुमार महतो र उपाध्यक्षहरुमा क्रमस फिरोज राइन, सुरेश भुरेर, बब्लु साह, बिनय रौनियार, र मिथुन कस्यप चयन भएका छन् भने केन्द्रीय महासचिवमा काशिन्द्र पासमान चयन भएका छन्।हेल्प मधेशी साउदी अरबको बिधान-२०१६ बमोजिम प्रत्येक २ वर्षमा महाधिवेशन गरि नयाँ कार्य समिति घोषणा गर्नु पर्ने भए पनि बिबिध कारणबस दोश्रो कार्यकालका लागि साधारणसभाबाटनै पदपुर्ती गर्ने निर्णय अनुसार नयाँ कार्य समिति सर्ब सम्मतले चयन भएको बताईएको छ।
१९ मार्च २०२२, साउदी अरब, ईस्लामिक दावा सेन्टर सनैया जेद्दा द्वारा आयोजित खुल्ला पुरुष भलिबल प्रतियोगिता जेद्दाको सनैयामा समापन भएको छ । गत १७ तारिक मार्च बेलुकी ९ बजेदेखि सुरु भएको उक्त प्रतियोगिता शुक्रबार बिहान ११ बजे समापन भएको थियो । नेपाली महाबाणिज्य दूतावास जेद्दाका प्रमुख सत्रुधन पोखरेलको प्रमुख आतिथ्यमा युसुफ मियाँद्वारा संचालित उक्त भलिबल प्रतियोगिता कार्यक्रमका आयोजक ईस्लामिक सेन्टरका मुदिर अबु सल्मानको अध्यक्षतामा सम्पन्न भएको थियो । औपचारिक रुपमा संचालित उक्त कार्यक्रममा विशेष अतिथिमा नेपाली महाबाणिज्य दूतावास जेद्दाका महाबाणिज्य दुत भुवन पौडेल, सेख मुस्ताक मदनी, अतिथिमा एनआरएनए आरसिसि जेद्दाका अध्यक्ष चेतनाथ निरौला, एनआरएनए आरसिसि अल कासिमका अध्यक्ष रम्जान दिन मियाँ, तथा जेद्दाका आइएमइ प्रतिनिधि प्रदिप रहेका थिए । आयोजक टिमका प्रतिनिधि सेख मन्जुर अलि मियाँ को स्वागत मन्तव्य सँगै प्रतियोगिता सुरु हुनु पहिले अतिथि, विशेष अतिथि र प्रमुख अतिथि हरुले आयोजक टिमलाइ धन्यवाद दिदैं छोटो-छोटो मन्तव्य दिएका थिए । मन्तव्यकै क्रममा प्रमुख अतिथि महाबाणिज्य दूतावास जेद्दाका प्रमुख सत्रुधन पोखरेलले यो कार्यक्रम गरि श्रमिकहरुलाई मनोरञ्जनका साथमा नेपालीहरुलाइ भेला गराइ एक आपसी समन्वय गराएको र आफू पनि कर्यक्रममा उपस्थिति हुन पाएर खेलाडीको मनोबल बढाउन पाउँदा खुशी व्यक्त गर्दै आयोजक टिम सेख मन्जुर अलि मियाँलाई बिशेष धन्यवाद दिदै आगामी दिनमा यस्ता कार्यक्रम प्रतियोगिता गर्न पनि सबैमा अनुरोध गर्नु भएको थियो । ताइफ,जेद्दा, राबिग क्षेत्रहरूबाट गरि १४ टिमहरुको साथमा करिब १५० जना जति नेपालीहरु सहभागिता रहेको उक्त भलिबल प्रतियोगितामा जेद्दा टिम बिजेता र राबिग टिम उप बिजेता बनेको थियो । जेद्दा टिम, राबिग टिमA ,राबिग टिम B, अल मराइ, ताइफ A, ताइफ B, लुलु टिम, पोखरा टिम A, पोखरा टिम B, सुनौलो बिहानी, ग्लास्स कम्पनी,नेस्ले कम्पनी, DP worldip, आयोजक टिम गरि १४ टिमको उपस्थिति रहेको थियो । सेमि फाइनलमा ताइफ टिमलाइ हराउदैँ जेद्दा टिम फाइनलमा पुगेको थियो भने सेमि फाइनलमा लुलु टिम लाई हराउँदै राबिग टिम फाइनलमा पुगेको थियो । फाइनलमा पुगेका राबिग र जेद्दा टिम बिच भएको फाइनल बेस्ट अफ थ्री खेलमा जेद्दाले दुइटै खेल लगातार जित्दै प्रथम बिजेता बन्न पुगेको र राबिग टिम दोस्रो बिजेता बन्न पुगेको थियो ।
प्रतियोगिताको अन्त्यमा आयोजक टिमका तर्फबाट सेख मन्जुर अलि मियाँ, बिशेष अतिथि सेख मुस्ताक मदनी र अतिथि रम्जान दिन मियाँको हातबाट प्रथम पुरस्कार १५०० रियल, ट्रफी, र प्रमाणपत्र साथै दोस्रो पुरस्कार १००० रियल, ट्रफी र प्रमाणपत्र बिजेता तथा उप बिजेता लाई हस्तान्तरण गरिएको थियो ।
उक्त प्रतियोगिता सफलताका साथ सम्पन्न गराउन आफ्नो निमन्त्रणालाई स्विकार्दै उपस्थित हुनु भएका नेपाली महाबाणिज्य दूतावास जेद्दा का सत्रुधन पोखरेल सर, भुवन पौडेल सर, एनआरएनएका प्रतिनिधिहरु, खेल खेलाउन सहयोग गर्ने सम्पुर्ण आयोजक टिम, तथा उपस्थित खेल प्रेमी नेपालीहरुलाइ सेख मन्जुर अलि मियाँद्वारा धन्यवाद ज्ञापन गरिएको थियो ।
साउदीअरवबाट महिला उपाध्यक्षमा यासमिन बेगम सैयद तथा मध्यपूर्व संयोजकमा राजेन्द्र अर्याल निर्विरोध चयन भएका छन्।
नेतृत्वमा थापा र केसीबीच प्रतिस्पर्धा हुने निश्चित
काठमाडौं । गैरआवासीय नेपाली संघ (एनआरएनए) को आगामी नेतृत्वका वर्तमान उपाध्यक्षद्धय रवीना थापा र डा. बद्री केसीबीच प्रतिस्पर्धा हुने निश्चित भएको छ। संघको निर्वाचन समितिले तोकेको समयसिमाभित्र दुई जनाको मात्र उम्मेदवारी कायम भएपछि उनीहरुबीच निर्वाचन हुने भएको पक्का हो।
उम्मेदवारी दर्ताका लागि दिइएको समय ७ मार्चदेखि ११ मार्चसम्म एनआरएनएको विभिन्न ५१ पदका लागि ६१ जना भन्दा बढीले उम्मेदवारी दर्ता गराएका थिए। तीमध्ये विभिन्न १५ पदमा निर्विरोध चयन भएका छन्।
हाल संघको संसोधित विधानअनुसार उपाध्यक्ष पदमा एक महिला र एक युवासहित ६ जना रहने व्यवस्था गरिएको छ।
उपाध्यक्ष खुलातर्फ ६ जनाको उम्मेदवारी परेको छ। खुला उपाध्यक्ष पदका लागि डा. हेमराज शर्मा (बेलायत), धर्मराज अधिकारी (अष्ट्रेलिया), डिबी क्षेत्री ( ओमन), जयप्रकाश गुरुङ (बेलायत), आरके शर्मा (कतार) र टंक गैरे (जापान) ले उम्मेदवारी दिएका छन्। यीमध्येबाट अत्याधिक मत ल्याउने ४ जना मात्रै निर्वाचित हुनेछन्।
यस्तै महिला उपाध्यक्षमा साउदीबाट यासमिन बेगम सैयद र युवा उपाध्यक्षमा अफ्रिकाबाट रोशन थापाको उम्मेदवारी परेको थियो। दोहोरो उम्मेदवारी नपरेको कारण महिला र युवा उपाध्यक्ष निर्विरोध चयन भएका छन्।
महासचिव पदको लागि अमेरिकाका गौरीराज जोशी र बेलायतका विनय अधिकारीबीच प्रतिस्पर्धा हुने भएको छ । यस्तै खुला सचिवतर्फ बेलायतबाट रामशरण सिम्खडा, जापानबाट ओम गुरुङ, अष्ट्रेलियाबाट अभिमासिंह बस्नेत, अमेरिकाबाट शंकर खड्का र क्यानाडाबाट चिरनजीवी घिमिरेको उम्मेदवारी परेको छ। यीमध्येबाट ३ जना निर्वाचित भएर आउनेछन्।
महिला सचिवमा भने हङकङबाट राधिका गुरुङ (टिका) को एकल उम्मेदवारी परेकोले निर्विरोध चयन भएकी छिन्।
यस्तै कोषाध्यक्षमा बेल्जियमबाट लोकप्रसाद दाहाल र नेदरल्याण्डबाट फडिन्द्र पन्तबीच चुनाव हुने पक्का भएको छ । यसैगरी दक्षिण कोरियाबाट यज्ञराज सुवेदी सहकोषाध्यक्षमा निर्विरोध चयन भएका छन्।
त्यस्तै महिला सहकोषाध्यक्षको जिम्मेवारी अमेरिकाकी यमुना भट्टराइले पाएकी हुन्। त्यसैगरी महिला संयोजकमा संगीता मरहठ्ठा र युवा संयोजकमा रविन्द्र खड्का निर्विरोध चयन भएको निर्वाचन समितिले जनाएको छ।
यता ५ जना,संयोजक पनि निर्विरोध चयन भएका छन्। जसमा मध्यपूर्व संयोजक राजेन्द्र अर्याल (जोन) (साउदी अरब), एसिया प्यासिफिकमा पारसमणि पोखरेल (जापान), युरोप संयोजकमा सन्तोष कुमार भट्टराई (जर्मनी), अमेरिकाज संयोजकमा प्रकाश सापकोटा (अमेरिका), अफ्रिका संयोजकमा राजकुमार थापा निर्विरोध चुनिएका हुन्।
ओसेनिया क्षेत्रीय संयोजकका लागि भने ३ जनाले उम्मेदवारी दिएका छन्। न्यूजील्याण्डका लाल बहादुर केसी तथा अष्ट्रेलियाका दिपक शर्मा र दिनेश राज जोशीबीच प्रतिस्पर्धा हुने भएको हो।
युरोप उपसंयोजक तीन पदको लागि ४ जनाको उम्मेदवारी परेकोमा सागर सुवेदीले आफ्नो उम्मेदवारी फिर्ता लिएपछि ललित कुमार न्यौपाने, डा. नवराज रोस्यारा, चित्र बहादुर सुवेदी निर्विरोध निर्वाचित भएका छन्।
यस्तै एसिया प्यासेफिकमा दुई पदको लागि तीन जनाको उम्मेदवारी परेको छ । ददिवल खड्का (जापान), नविन विक (चीन) र हरि प्रसाद भट्टराई (मलेसिया) बीच निर्वाचन हुने भएको हो।
त्यसैगरी अमेरिकाज क्षेत्रीय उपसंयोजकमा अभिमन्यु बस्नेत (क्यानाडा) र पुरुषोत्तम बोहोरा (अमेरिका) निर्विरोध निर्वाचित भएका छन्। मध्यपूर्वको दुई उपसंयोजक पदमा तीन जनाबीच चुनाव हुनेछ। लाल प्रसाद पुन (बहराइन), अमित राई (कुवेत) र कृष्ण बहादुर हमाल (यूएई) बीच भिडन्त हुने भएको हो।यता अफ्रिका क्षेत्रीय उपसंयोजकमा रामप्रसाद पन्त र ओसेनिया उपसंयोजकमा अशोक केसी र रामराज ओली निर्विरोध भएका छन्।
यस्तै सबै क्षेत्रका महिला संयोजक निर्विरोध चुनिएका छन्। जसमा तृष्णा शर्मा अमेरिका, पान कुमारी मल्ल युरोप, शान्तिदेवी अधिकारी एसिया प्यासिफिक र उषा किरण बरिया ओसिनिया रहेका छन्।
यस्तै क्षेत्रीय महिला उपसंयोजकमा इन्दिरा त्रिपाठी अमेरिकाज र डा. इन्दिरा तिवारी एसियामा निर्विरोध निर्वाचित भएका छन्। त्यस्तै क्षेत्रीय युवा संयोजकमा किरण गुरुङ युरोप, स्वराज खाती , दिपक प्रसाद कंडेल
एसिया प्यासिफिक, रोजनराज घिमिरे अफ्रिका र प्रदीप रुपाखेतीले ओसेनिया युवा संयोजकमा निर्विरोध चुनिए। संयोजकमा युरोपबाट रोबट लिम्बू र अमेरिका युवा उपसंयोजकमा ईश्वर खत्री निर्विरोध भएका छन्।
संघको निर्वाचन आगामी २१ र २२ मार्चमा अनलाइनमार्फत हुँदैछ।
