Category: मुख्य खबर

समर्पण रम्जान

२० मे २०२३, सनिवार ! गैर आवासिय नेपाली संघ साउदी अरबको मातहतमा रहेको क्षेत्रिय समन्वय समिति जेद्धाले आफ्नो आठौँ महाधिवेशन तथा श्रमिक अन्तरक्रिया” कार्यक्रम आग
मी मे २६ तारिख शुक्रबारको दिन गर्ने भएको छ ।

जेद्दा क्षेत्रीय समन्वय समितिले २०२३-२५ कार्यकालका लागि गर्न लागिएको महाधिवेशन सम्बन्धि सूचना जारी गर्दै नयाँ कर्यकालको समितिमा रहेर निस्वार्थ समाज सेवा गर्न ईच्छुक नेपाली दाजुभाई तथा दिदिबहिनीहरुलाई गत मिती २०२३ मे १९ तारिख शुक्रबार राती ११.५९ बजे सम्म आफ्नो उम्मेदवारी निर्वाचन समितिको ईमेल (ecnrnarccjeddah@gmail.com) मा  पठाउन समेत अनुरोध गरेको थियो  ।
उक्त अधिवेशन सुसम्पन्न गर्नका लागि एनआरएनए साउदि अरबका उपाध्यक्ष राज कुमार गिरीको संयोजकत्वमा, भिम गुरुङ, रामराधा घिमिरे, केशव सिंह, र बिष्णु रावल गरि पाँच सदस्य निर्वाचन समिति चयन गरेको छ ।

साथै अधिवेशनका साथमा श्रमिक अन्तर्कृया पनि गरिने भएकोले उक्त कार्यक्रम सम्पन्न गर्नका लागि साउदी अरबको पश्चिमी क्षेत्रमा रहनुहुने सम्पूर्ण नेपाली दाजुभाई तथा दिदिबहिनीहरुलाई कार्यक्रमा उपस्थितिका लागी निमन्त्रणा समेत गरेको छ ।
कार्यक्रम जेद्दा स्थित  सरफियाको लक्की दरबार रेष्टुरेन्टमा दिनको १२:३० बजे देखि सुरू हुने छ l

काठमाण्डौ – राष्ट्रिय ध्वजावाहक नेपाल वायु सेवा निगम (नेपाल एअरलाइन्स) ले यही जेठ २९ गतेदेखि भैरहवाको गौतमबुद्ध अन्तर्राष्ट्रिय विमानस्थलमा नियमित उडान सुरु गर्ने भएको छ । त्यस अवसरमा निगमले मलेसियाबाट प्रवर्द्धनात्मक भाडादर १२ हजार सात सय रुपैयाँ कायम गरेको छ । यो मलेसियाबाट भैरहवा उडानका लागि मात्र हो ।

‘नेपाल एअरलाइन्सले भैरहवा–मलेसिया र मलेसिया–भैरहवा–काठमाण्डौ रुटमा यही जेठ २९ देखि उडान सुरु गर्दैछ, त्यस अवसरमा मलेसिया–भैरहवा–काठमाण्डौका लागि अत्यन्तै सस्तो शुल्कमा टिकट उपलब्ध गराएका छौँ’, निगमका प्रवक्ता रमेश पौडेलले जानकारी दिनुभयो ।

उहाँका अनुसार मलेसिया–भैरहवाका लागि १२ हजार सात सय र मलेसिया–भैरहवा–काठमाण्डौका लागि १४ हजार सात सय २० रुपैयाँ भाडादर कायम गरिएको छ । निगमले मलेसियाको जोहोरबारुबाट क्वालालम्पुर अन्तर्राष्ट्रिय विमानस्थलसम्म आवतजावत गर्न चाँडै नै शटल बसको व्यवस्था गर्ने उहाँको भनाइ छ ।

निगमको उडान तालिकाअनुसार टिकट बुकिङ खुला भइसकेको छ । भैरहवाबाट अहिले निगमले हप्ताको एक उडानबाट सुरु गर्ने र बजारको माग तथा निगमको बजार व्यवस्थापनअनुसार अन्य गन्तव्यमा समेत उडान गर्नेछ ।

राष्ट्रिय गौरवको आयोजनाअन्तर्गत निर्माण भएको गौतमबुद्ध अन्तर्राष्ट्रिय विमानस्थलबाट उडान तदारुकताका साथ गर्नका लागि संस्कृति, पर्यटन तथा नागरिक उड्डयन मन्त्रालयसँगको समन्वयमा निगम व्यवस्थापनले विशेष पहल गरी उडान सुरु गर्ने निर्णय गरेको निगमले जनाएको छ ।

निगमका कार्यकारी अध्यक्ष युवराज अधिकारीसहितको टोलीले भर्खरै गरेको मलेसिया भ्रमणमा सिभिल एभिएसन अथोरिटी मलेसियाका निर्देशकसँग मलेसियाबाट भैरहवा नियमित उडानसम्बन्धी विविध पक्षमा छलफल गरेको निगमले उल्लेख गरेको छ ।

पञ्चाङ्ग साहित्य समाज नेपाल अभ्यास पाठशालाको अभ्यास शृङ्खला दर्तापछिको :- भाग ४४ [चवालिसौँ] ————————————-
” पाँच तत्त्व पाँचै विकार, पञ्चाङ्ग नै ठिक आधार “

विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०८०/०२/०३ गते  समय :- साँझ ८ बजे ।

भ्रष्टाचार विरुद्ध पञ्चाङ्ग लेखेर सदनमा हाल भैरहेको अवस्थालाई  उजागर गर्न र जनता सामुन्ने पञ्चाङ्गद्वारा अनुभुती  गराउन १/१पञ्चाङ्ग लेख्न हुन अनुरोध छ ।
……………………………………………………………………
प्रशिक्षक:-
……………
गुणनिधि घिमिरे
घनश्याम पौडेल
तोयानाथ सुवेदी
………………………

भाषा शुद्धीकरण:-
———–
जमुना आचार्य
भवानी घिमिरे
पुष्पा नेपाल सुवेदी

सङ्कलक :-
———-
दुर्गा रिजाल आचार्य

संयोजक:-
=====
सोमनाथ लुइटेल “रवि पाल्पाली” ======================

अक्षर सङ्ख्या:- आफूखुसी [बराबरी]

अनुप्रास :-  आफुखुसी

स्थायी :- आफूखुसी
………………………………………………

पञ्चाङ्ग संरचना
…………………

पञ्चाङ्ग भनेको पाँच पदिय कविता विधा हो ।
कसरी लेख्न सकिन्छ ?
—————-
पुर्ण अनुप्रास र स्थायी अनिवार्य हुनु पर्छ ।
जस्तै :-
उठान:-

✍️आफै जान्ने आफै सुन्ने भ्रष्ट भयौ हाम्रा नेता[०१]
✍️बोल्दा  कुरा पूरा  हुन्न  कता गयौ हाम्रा नेता[०२]

तेस्रो लाइनले माथिको शेरलाई बिस्तार गर्नु पर्छ
———————————-

💢सदनलाई कब्जामा राखी काण्ड गर्दै आयौ [०३]

माथिको शेरलाई सम्बोधन गरि परिचय खोल्ने
———————————
१,२,३का लाइनलाई जोड दिदै परिणाम दिनुपर्छ

✍️सुन काण्ड  गर्नेलाई  कता  लयौ हाम्रा नेता[०४]
✍️गाउँदेखि  भ्रष्टाचार  गर्ने  सयौं  हाम्रा  नेता[०५]

४, ५ ले पञ्चाङ्गको निष्कर्ष दिनुपर्छ ।
…………………………………………………………

उदाहरण पञ्चाङ्ग  

✍️आफै जान्ने आफै सुन्ने भ्रष्ट भयौ हाम्रा नेता।
✍️बोल्दा  कुरा पूरा  हुन्न  कता गयौ हाम्रा नेता।
💢सदनलाई कब्जामा राख्ने काण्ड गर्दै आयौ,
✍️सुन काण्ड  गर्नेलाई  कता  लयौ हाम्रा नेता।
✍️गाउँदेखि  भ्रष्टाचार  गर्ने  सयौं  हाम्रा  नेता।

✍️सोमनाथ लुइटेल “रवि पाल्पाली” पाल्पा
हाल बर्दिया ।

…………………………………………………………

पञ्चाङ्ग   [०१

छन्द : अद्रितनया (२३।३८६१४२४ पिङ्गल)
लक्षण: नजभजभा जभौ लघुगुरू बुधैस्तु गदितेयमद्रितनया ।
गण:         न      ज     भ      ज     भ      ज    भ     ल    गु
सङ्केत :  ।।।    ।ऽ।    ऽ।।   ।ऽ।    ऽ।।   ।ऽ।   ऽ।।  ।     ऽ
वर्ण:२३,         यति:  ७, १३  र २३ अक्षरमा  ।

पञ्चाङ्गहरू
………………
[०१]
सुन सिक मित्र हो, अब त सीपको, अटल ज्ञान अर्थ सब त्यो ।
जनप्रिय बन्छ है,सकल कर्मको, सबल ध्यान अर्थ सब त्यो।
नरजन सीप  मै, प्रगति  हुन्छ त्यो, अबल उच्च साथ छिन मै,
जन हित हुन्छ है, मुलुकको यहाँ, परम सान अर्थ  सब त्यो ।
सुन अब मन्त्रको, अकल ज्ञान यो, जनम मान अर्थ  सब त्यो
[०२]
युगयुग  चल्छ है, रहर यत्नको, सबल  सीप  हुन्छ त  जहाँ ।
भरसक चल्छ है, कहर जिन्दगी, सबल खीप हुन्छ त जहाँ ।
निप थुम भूमि त्यो, रहर  अन्नको,अवनि मिल्छ  ज्ञान  सगर,
लहलह  हुन्छ है, सगर भूमिको, जमिन  नीप  हुन्छ त जहाँ ।
सब सिप  लाउनू, बगर  मात्रमा, उदित दीप  हुन्छ त  जहाँ ।
[०३]
छ सिप प्रयत्नको, रहर भित्रको, मुलुक दीप बाल्नु छ यहाँ ।
हरपल देशको, कहर छेड्न त्यो, कदम धेर चाल्नु छ  यहाँ ।
कृषिस्थल कर्मको, जहर भेड्नमा,अब बजेट राख्नु न अहो ,
छ चुसक शत्रुको, अब देशको, कठघरा नि   हाल्नु छ यहाँ ।
सब जन मात्रको,सुखशान्तिले, मुलुकभित्र  पाल्नु छ यहाँ ।

✍️राजेन्द्रकुमार  बज्राचार्य, ललितपुर ।
…………………………………………………

पञ्चाङ्ग   [०२]

गनाउँदै हिँड्छन् ठूलो भुँडी पारी हाम्रो नेता।
यो  देश र जनता खाल्डोमा झारी हाम्रा नेता।
छैन-अलिकति पनि मनाम लाज घिन को,
अगाडि बढेकाछन् जनता मारी हाम्रा नेता।
घुसको लागि त के सारो लाचारी  हाम्रा नेता।

✍️सरस्वती श्रेष्ठ, इटहरी ।
……………………………………………………………

पञ्चाङ्ग   [०३]

स्वादिष्ट आटो देश मेरो हो ।
सिक्काको पाटो देश मेरो हो ।
जिन्दगी न हो उकालो अनि,
ओरालो बाटो देश मेरो हो ।
जन्मेको माटो देश मेरो हो ।

✍️आर्त अकुलीन, कैलाली ।
…………………………………………………………

पञ्चाङ्ग   [०४]
[०१]
आफै जान्ने आफै सुन्ने भ्रष्ट भयौ हाम्रा नेता।
बोल्दा  कुरा पूरा  हुन्न  कता गयौ हाम्रा नेता।
सदनलाई कब्जामा राख्ने काण्ड गर्दै आयौ,
सुन काण्ड  गर्नेलाई  कता  लयौ हाम्रा नेता।
गाउँदेखि  भ्रष्टाचार  गर्ने  सयौं  हाम्रा  नेता।
[०२]
काम  भन्दा  कुरा बढी  गर्ने ल्याइयो हामीले नेता।
राम्रो-राम्रो  कुरा  गर्दा  गीत  गाइयो  हामीले नेता।
सदनलाई कब्जामा राख्ने काण्डै काण्ड गर्दै आयौ,
राम्रो  काम  गर्नेलाई  कति धाइयो  हामीले   नेता।
खातैखात  भ्रष्टाचार  गर्ने   पाइयो  हामीले   नेता।

✍️सोमनाथ लुइटेल “रवि पाल्पाली” पाल्पा
हाल बर्दिया ।
…………………………………………………………

पञ्चाङ्ग   [०५]
[०१]
बिना काम संसदमा कराउनु भयो।
तोपे बाले  बेकारमा हराउनु भयो।
ढिलोचाॅडो धुरीबाट पाप कराउॅछ,
सुकुम्बासी नाम लिॅदै डराउनु भयो।
सम्पत्तिले भकारी नै भराउनु भयो।
[०२]
बिरोधका शैली पनि थरि थरि भए।
एक पल्ट भए हुन्थ्यो घरि घरि भए।
सानो निहुॅ हुनु हुन्न आन्दोलन हुन्छ,
कहिले त आन्दोलन बर्षै भरी भए।
कुनै राम्रा कुनै  देखाबटी सरी भए।

✍️घनश्याम पौडेल, पोखरा ।
…………………………………………

पञ्चाङ्ग   [०६]

शान्तिय  प्रिय भए पनि  हाम्रो देश।
बिखण्डित  हुँन थालेको राम्रो  देश।
उठाउँछन् झण्डा धेरैले भिन्दा भिन्दै,
बनाउँन  खोजे  दुष्टले  चाम्रो   देश।
सुगौली सन्धिपछि भयो साम्रो देश।

✍️सुरेशकुमार पाण्डे दाङ घोराही १८
…………………………………………

पञ्चाङ्ग   [०७]

सेतै फुलेर नि फल्न चाहिँ  कहिल्यै नजान्ने कस्तो दारी यो।
न  त  बुद्धि आउँछ न  विवेक किन पालेको यत्रो भारी यो।
मुखले चाहिँ  मीठो भाषण दिने  कर्तुत भित्र अर्कै पाल्ने,
पहेंलो  वस्त्र  धारण  गर्ने  अनि भट्टी  छिर्ने कस्तो धारी यो।
आफैं  बेचिइएर  नि  फेरि  देशै  बेच्ने कस्तो भ्रष्ट चारी यो।

✍️पशपती राई, खोटाङ ।
…………………………………………………………………

पञ्चाङ्ग   [०८]
[०१]
देशमा काण्डै काण्ड चलाउने नेता ल्यायौँ हामीले।
जनताका ति आँखा छलाउने नेता ल्यायौँ हामीले।
सबै  आडम्बरी  भएका   नेताहरू  रोज्यौँ   सबैले,
सत्ता  पुगेर  देशै  जलाउने  नेता  ल्यायौँ   हामीले।
भ्रष्टाचार बिकास  पलाउने  नेता  ल्यायौँ  हामीले।                                                                                                                                                                                                       

✍️बेदु न्यौपाने , काठमाडौ ❤️ ।
…………………………………………………………

पञ्चाङ्ग   [०९]

देसमा सत्ता पाएपछि शासकले ढाँट्यौ त के गरौँ।
एउटा घरका दाजुभाइ भाईमा फाट्यौ त के गरौँ।
भन्थ्ये चार जात छत्तीस वर्णको सिङ्गो फूलबारी हो,
थियो एक आपसमा बलियो तार काट्यौ त के गरौँ।
भनौं भन्नलाई के आफ्नै देस भुल्न आट्यौ त के गरौँ।

✍️दुर्गा रिजाल आचार्य , मोरङ ।
………………………………………………………………

पञ्चाङ्ग   [१०]
[०१]
अब युवा नेताहरूले देश चलाउँछ रे।
भ्रष्टाचारी बुढालाई झेलमा जलाउँछ रे।
पहिला कति गरे भ्रष्टाचार  हिसाब गर्नू,
दु:खी पीडितहरू माथी दयाँ पलाउँछ रे।
हाम्रो देशमा विकास गरेर फलाउँछ   रे।
[०२]
जता हेर्छु म पापै पाप मात्र भेटिदैछ यहाँ।
सत्य र धर्मको अनगन्ति रेटिदैछ यहाँ।।
सोच्दैछु यो त घोर कलियुग आयेकै होत।
पूजा पाठ कति कतिघर मेटिदैछ यहाँ।।
एक्लै हिंड्दा चोर फटाहले लुटिदैछ यहाँ।।

✍️कमला पाण्डे पराजुली, झापा चाराआली ।
……………………………………………………

पञ्चाङ्ग   [११]

देशमा  अनेक बेथिति चलाउने नेता।
साेझा साझा जनताहरू छलाउने नेता।
कहिले खै त देशमा राम्रो व्यवस्था हाेला,
सधैँ दुःखकाे भुमरीमा जलाउने नेता।
देशमा भ्रष्टाचार खेती फलाउने नेता।
 
✍️शाेभा आचार्य गाैतम,काठमाडौँ।
…………………………………………………

पञ्चाङ्ग   [१२]

चुनावकाे बेला जनतामा ठूलाे राग थियाे।
नेता भन्दै थिए भेडा बनाउने धाग थियाे।
जनतालाई काैडिमा नबिक्ने पत्रु बनाए,
जितेपछि मुहार फेर्ने भाेटकाे माग थियाे।
ला ला भनेर देखाउने हरियाे साग थियाे।

✍️सुरेश चन्द्र घिमिरे, लमजुङ ।
……………………………………………

पञ्चाङ्ग   [१३]
[०१]
आन्दोलन गरेर हुन्न सिधै फाँसी देउ।
फाँसी दिएको दिन हेरी सबै हाँसी देउ।
भ्रष्टचारी बढार्नु पर्छ अब सबै मिली,
घाटमा लान यिनलाई हरियो बांसी देउ।
केही नलागे भित्तामा किलाले टाँसी देउ।
[०२]
देशमा शान्ति ल्याउन यहाँ आन्दोलन गर्नु परेको छ।
नेपाल आमाका सन्तान लडाँई गर्दै मर्नु परेको छ।
दुबोसरी मौलाउँदै छ यहाँ भ्रष्टाचारको जालो,
पार्टीपार्टी  सदनमै खिचातानी गर्छन् पर्नु परेको छ।
भ्रष्टाचारी उम्कने बाटो खोज्दै सिमाना तर्नु परेको छ।
[०३]
ठुला साना सबैको नजरमा गिर्नु परेको छ आज।
मागी खानेले झैँ झोली र कुम्लो भिर्नु परेको छ आज।
जिवनको पाइला आफ्नै गतिमा चलिरहेको बेला,
बिना सापटिका ति रिणहरु तिर्नु परेको छ आज।
कसैले देख्छ की भनी कुनामा छिर्नु परेको छ आज।

✍️सरिता सेढाई, धादिङ ।
………………………………………………………………

पञ्चाङ्ग   [१४]

देशले सच्चा नै नेतृत्व छान्न सकेन ।
कुपात्रको कठघरामा तान्न सकेन।
जसो  गरे नि मनपरी छोडेको हुँदा,
राजनीतिले  अख्तियार  मान्न  सकेन ।
कच्चा यो आर्थिक नीतिले धान्न सकेन।

✍️जमुना आचार्य, सिन्धुपाल्चोक ।
……………………………………………

पञ्चाङ्ग   [१५]

तिमी मेरो आँखाको नानी हौं प्रिय।
प्यास लाग्दा पिउने पानी हौं प्रिय।
तिमी छौ र त म बाँचेकी छु यहाँ,
प्रेमील संसारको खानी हौं प्रिय।
आपत विपतमा ज्ञानी हौं प्रिय।

✍️सुशीला पौडेल ।
………………………………………………

पञ्चाङ्ग   [१६]

अशान्तिको नास होला भन्ने आसमा छु।
खै धर्मको बास होला भन्ने आसमा छु।
पापी नै पापी भेटिन थाले जताततै,
म पनि कसैको खास होला भन्ने आसमा छु।
खानलाई थोरै गास होला भन्ने आसमा छु।

✍️सुमित्रा पोखरेल, काठमाडौं ।
……………………………………………………

पञ्चाङ्ग  [१७]

राष्ट्रिय राजनितिलाई तरङ्गित बनाउँछन्।
नेपालीले नेपालीलाई शरणार्थी जनाउँछन्।
सत्ता र शक्तिको घमण्डले मात्तिएर होला,
सडकदेखि सदनसम्म मान्छे गनाउँछन्।
उच्च तहमा बस्नेले  जनता भनाउँछन्।

✍️कला ढकाल, झापा दमक ।
……………………………………………………

पञ्चाङ्ग   [१८]
[०१]
जङ्घार तर्दा गाेडा कमायाे भने  ।
अघि बढ्नेकाे खुट्टा समायाे  भने ।
विकासको ढाेका बन्द हुनेछ है ,
अन्यायबाट सम्पत्ति जमायाे भने ।
अर्को दुःखमा पर्दा रमायाे भने ।
[०२]
फेरि पाइन्छ कि पाइन्न मानव चाेला यहाँ ।
सङ्कल्प गर्दै छु छाेड्दिन बाेक्ने छु झाेला यहाँ ।
चराइरहेकाे घाउमा मलम लगाउन ,,
बगाउँछु अधिक पसिनाकाे त्यो खाेला यहाँ ।
साथ देऊ भगवान्  हे जगन्नाथ भाेला यहाँ ।

✍️भवानी घिमिरे, सर्लाही ।
……………………………………………

पञ्चाङ्ग   [१९]

सानो-सानो कुरामा रिसाउने मेरो बानी छ साथी।
दु:खलाई  सुखमा  मिसाउने मेरो बानी छ साथी।
जिन्दगी  सफर  भए  हाँसीहाँसी    बिताउनुपर्छ,
आगोझैँ  झर्किएमा चिसाउने मेरो बानी छ साथी।
थकाइ  लागेमा  त बिसाउने  मेरो बानी छ साथी।

✍️जानुका गौतम , काठमाडौं ।
………………………………………………………

पञ्चाङ्ग   [२०]

लुकाएर गरेको काम छरेर गरेकै सर भयो।
ढाकछोप गरेरे पनिपो डरेर मरेकै सर भयो।
स्वतन्त्र भ्रष्टाचार गरी सबै मिलेर भरेको बेला ,
एक्कासि के अकास झरेर बज्र परेकै सर भयो।
दिन बिग्रि दशा सरेर सर्बश्व हरेकै सर भयो ।

✍️बिबस पारदर्शी , झापा ।
……………………………………………………

पञ्चाङ्ग   [२१]
[०१]
बुढेसकालमा पनि खेल  मनपर्छ ।
सबैसँगको  समान मेल मनपर्छ ।
आखिर के  छ र मरिलाने जिन्दगीमा ,
पहिले भन्दा समय अचेल मनपर्छ ।
खेल्दै गर्दा तातो तातो सेल मनपर्छ ।
[०२]
बुद्धले ज्ञान बुद्धि  बाडेकाे हाम्रो देश नेपाल ।
अशान्तिले दिनहुुँ जरा गाडेको  देश नेपाल ।
दिक्दार लाग्छ  खै किन भएको मति  बेग्ला बेग्लै ,
हर्दम नेता आपसमा फाटेकाे देश नेपाल ।
नेताले जनता सधैं नै ढाँटेकाे देश नेपाल ।

✍️दुर्गा भट्टराई, मोरङ ।
………………………………………………

पञ्चाङ्ग   [२२]

खाँटा उकिएर आजकाल माम्री बसेकी छे।
आफ्नै भुडी भर्नलाई यहाँ  हाम्री बसेकी छे।
भष्टाचार  नगर  हैन्  सके  जत्ती गर  भनौ,
कति गाउँनु  गुणगान लौ  चाम्री बसेकी छे।
नराम्रो त न भनी  दिनु है  राम्री  बसेकी छे।

✍️डिल्ली राज घिमिरे, अर्घाखाँची ।
…………………………………………………

पञ्चाङ्ग   [२३]

जनताकाे भन्दा सताकाे मरिहते गर्छन् यहाँ ।
कहिले यता अनि कहिले त उता सर्छन् यहाँ ।
देशमा घुसखाेरी,भ्रष्टाचारले सिमा नाघेपछि ,
बिदेशीहरूकाे अगाडि लम्पसार पर्छन्  यहाँ ।
आफ्नाे स्वार्थ पुरा गर्न देशलाई नै हर्छन् यहाँ।

उर्मिला के.शी., धनकुटा ।
…………………………………

काठमाडौं : रोकिराखेको बसलाई ट्रकले पछाडिबाट ठक्कर दिँदा जापानमा दुई नेपाली युवासहित तीन जनाको मृत्यु भएको छ।

मियागी प्रिफेक्चरको कुरिहारामा तोहोकु एक्सप्रेसवेमा रोकिराखेको बसलाई स्थानीय समयअनुसार मंगलबार मध्यरातमा पछाडिबाट ट्रकले ठक्कर दिँदा दुई नेपालसहित तीन जनाको मृत्यु जापानी सञ्चारमाध्यमले जनाएका छन्।

मृत्यु हुने अर्का व्यक्ति जापानी महिला रहेको समाचारमा उल्लेख छ। मृत्यु भएकाहरू परिचय र दुर्घटनाको कारणबारे जापानको प्रहरीले अनुसन्धान गरिरहेको छ।

दुर्घटनामा ट्रक चालक गम्भीर घाइते भएका छन्। त्यहाँको प्रिफेक्चरल प्रहरीका ट्रकको तीव्र गतिका कारण दुर्घटना भएको हो। ४० जना सवार बसमा मृत्यु भएका तीनै जना अन्तिम सिटमा बसेका थिए।

१
लाज
असजिलो महसुस
मस्तिष्क हराएका मानिस !

२
गल्ती
जानी नजानी
स्विकार्य नहुने बानी !

३
पराय
आत्मियता नभएको
आफ्नो आफ्नै हुने !

४
गद्दार
स्वार्थी मनस्थिति
हुँदैन बोलिको भर !

५
उस्तै
तिमी जस्तै
व्यहोरा हेर दुरुस्तै !

६
पछुतो
साथमा पहिलो
व्यहोरा अति अगतिलो !

७
सङ्गत
भास्छ मास्छ
दुष्ट परेछ फगत !

८
व्वाँसो
कन्याउँछु भन्ने
अझै निहुँ खोज्ने !

९
घाउ
चर्केको मन
साथी भन्ने धन !

१०
पछौटे
पछाडि परेको
बेला नभइ झरेको !

११
बाध्यता
लाचारी भएको
सकारात्मकताले सदा सहेको !

१२
मृत्यु
कुहिने शरीर
अमर हुने नाम !

१३
थकान
पुरुषलाई लाग्ने
नारीमा शक्ति जाग्ने !

१४
नशा
शब्दले हान्ने
कस्तो रहेछ दशा ?

१५
मपाईँत्व
सम्मान आफैँलाई
सलाम नपाए घुर्की !

१६
ॐ
मनमा शान्ति
नपाल्नु कतै भ्रान्ति !

१७
सुख
शान्त मन
दुई छाके धन !

१७
धिक्कार
आफ्नै मन
लोभी दुर्योधनको साथ !

१९
रहर
लोभको घडा
जहिले अगाडि खडा !

२०
घुम्टो
लाज छोप्ने
इज्जतीलो बीउ रोप्ने !

२१
प्रश्न
उत्तरको खोज
भोकमा भेटेको भोज !

२२
साँढे
अति छाडापन
हिंसक त्यो वनढाडे !

२३
लाज
निहुरिन्छ शिर
नबोल बन धीर !

२४
अर्ती
सिकाउने हो
नजाने के गर्नु !

२५
भएन
असफल प्रयास
भिरबाट लड्ने गोरु !

• सविता केसी, काठमाडौँ

पञ्चाङ्ग साहित्य समाज नेपाल अभ्यास पाठशालाको अभ्यास शृङ्खला दर्तापछिको :- भाग ४३ [त्रिचालिसौँ ] ————————————-
” पाँच तत्त्व पाँचै विकार, पञ्चाङ्ग नै ठिक आधार “

विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०८०/०१/२६ गते  समय :- साँझ ८ बजे ।

……………………………………………………………………
प्रशिक्षक:-
……………
गुणनिधि घिमिरे
घनश्याम पौडेल
तोयानाथ सुवेदी
………………………

भाषा शुद्धीकरण:-
———–
जमुना आचार्य
भवानी घिमिरे
पुष्पा नेपाल सुवेदी

सङ्कलक :-
———-
दुर्गा रिजाल आचार्य

संयोजक:-
=====
सोमनाथ लुइटेल “रवि पाल्पाली” ======================

अक्षर सङ्ख्या:- आफूखुसी [बराबरी]

अनुप्रास :-  आफुखुसी

स्थायी :- आफूखुसी
………………………………………………

पञ्चाङ्ग संरचना
…………………

पञ्चाङ्ग भनेको पाँच पदिय कविता विधा हो ।
कसरी लेख्न सकिन्छ ?
—————-
पुर्ण अनुप्रास र स्थायी अनिवार्य हुनु पर्छ ।
जस्तै :-
उठान:-

✍️अन्तर   चित्तदेखि   शुद्धमय   हुनु   छ [०१]
✍️तर   कहिल्यै   नहोस् क्रुद्धमय  हुनु छ [०२]

तेस्रो लाइनले माथिको शेरलाई बिस्तार गर्नु पर्छ
———————————-

💢मित्र शान्ति र अहिंसाको मुलुक हो याे [०३]

माथिको शेरलाई सम्बोधन गरि परिचय खोल्ने
———————————
१,२,३का लाइनलाई जोड दिदै परिणाम दिनुपर्छ

✍️काँडाले  नि  नसोच्नू  युद्धमय  हुनु  छ [०४]
✍️बरु  मन, वचन       बुद्धमय   हुनु   छ [०५]

४, ५ ले पञ्चाङ्गको निष्कर्ष दिनुपर्छ ।
…………………………………………………………

उदाहरण पञ्चाङ्ग  
………………………

अन्तर   चित्तदेखि   शुद्धमय   हुनु   छ [०१]
तर   कहिल्यै   नहोस् क्रुद्धमय  हुनु छ [०२]
मित्र शान्ति र अहिंसाको मुलुक हो याे [०३]
काँडाले  नि  नसोच्नू  युद्धमय  हुनु  छ [०४]
बरु  मन, वचन       बुद्धमय   हुनु   छ [०५]

✍️श्रीकृष्ण शर्मा पोखरा
हाल घान्द्रुक

…………………………………………………………

पञ्चाङ्ग   [०१]

अन्तर   चित्तदेखि   शुद्धमय   हुनु   छ ।
तर   कहिल्यै   नहोस् क्रुद्धमय  हुनु छ ।
मित्र शान्ति र अहिंसाको मुलुक हो याे  ,
काँडाले  नि  नसोच्नू  युद्धमय  हुनु  छ ।
बरु  मन, वचन       बुद्धमय   हुनु   छ ।

✍️श्रीकृष्ण शर्मा, पोखरा
हाल घान्द्रुक ।
…………………………………………………

पञ्चाङ्ग   [०२]

आत्मा ज्ञान बाँडेर गए बुद्धले।
राम्रो कीर्ति छाडेर गए बुद्धले।
बुद्ध जन्मेको देशमा शान्ति राख्दै,
मुर्खलाई फाँडेर गए बुद्धले।
आस्नो तृष्णा माडेर गए बुद्धले।

✍️सरस्वती श्रेष्ठ इटहरी, पञ्चाङ्ग ।
……………………………………………

पञ्चाङ्ग   [०३]

नेपाली माटोमा  जन्मिएको भगवान बुद्ध हाम्रो।
यति राम्रो यति निर्मल शक्ति भएको शुद्ध हाम्रो।
संसारलाई शान्तिको मार्ग देखायौ सन्देश पायौँ,
तिम्रो  नाममा  रिस राग  गर्ने बेनामी क्रुद्ध हाम्रो।
मानिसले  ज्ञान  पाएपनि  विनाशको युद्ध हाम्रो।

✍️सोमनाथ लुइटेल “रवि पाल्पाली” पाल्पा
हाल बर्दिया ।
………………………………………………………

पञ्चाङ्ग   [०४]

मानव ऑफै बीचमा अनेकौॅ युद्ध निस्किए।
विष्णुका दशौॅ औतार लिएर बुद्ध निस्किए।
कपिलवस्तु जिल्लाको लुम्बिनी क्षेत्रबिचमा,
जन्मेका तिनै बालक मनका सुद्ध निस्किए।
शान्तिका दूत हुनाले युद्धका रुद्ध निस्किए।

✍️घनश्याम पौडेल, पोखरा ।
………………………………………………………

पञ्चाङ्ग    [०५]

बुद्ध नै शान्तिका अग्रदुत थिए महान्।
घाँसीबाट अत्यधिक शिक्षा लिए महान्।
बनाय   मानिसले  उनैलाई   देवता,
दुनियाँलाई नै उपदेश   दिए  महान्।
टुक्राएका संरचनालाई सिए महान्।

✍️सुरेशकुमार पाण्डे दाङ घोराही १८ ।
……………………………………………………

पञ्चाङ्ग   [०६]
[०१]
मनले रुवायाे मनले हँसायाे आज ।
सारा वन एक फूलले वसायाे आज।
पदमा हुँदा सबैमा हाई हाई हुने,
पद सकिदा त नयन रसायाे आज ।
महको लाेभमा जीवन फसायाे आज ।
[०२]
जन्मिए बुद्ध नेपालमा ज्ञान बाँड्नलाई हेर ।
दुःखी घाउमा मलम, लगाइ छाड्नलाई हेर  ।
राज्य भाेगकाे सुख छाेडी हिँड्ने गर्थे याेगी बनी,
भिक्षाबाट भरण गर्थे तृष्णा फाँड्नलाई हेर ।
अशान्तिकाे जिलाे यहाँ नराखी माड्नलाई हेर ।

✍️भवानी घिमिरे , सर्लाही ।
…………………………………………………………

पञ्चाङ्ग   [०७]

कुनै पनि धर्मले भन्दैन हामी क्रुद्ध हुनुपर्छ।
ज्ञान र अज्ञानको बिचमा वाक जुद्ध हुनुपर्छ।
रक्तपात लडाईं पशुत्व हो यो युगको होइन,
रिस रागलाई मार्न शान्तिकामी बुद्ध हुनुपर्छ।
लिई बुद्धको ज्ञान हामी नेपाली शुद्ध हुनुपर्छ ।

✍️रामप्रसाद पुरी बादेल,  खोटाङ  ।
………………………………………………

पञ्चाङ्ग   [०८]

हजार  माइलको  यात्रा  गर्न  पाइला  आफैंले चाल्नुपर्छ।
यात्रामा  अनेक  अवरोध  आउँछ  त्यो आफैंले ढाल्नुपर्छ ।
भगवान  गौतम   बुद्धले  त  यही  कुरा  सिकाएका  थिए ,
ईष्र्या   मोह   रीसराग  वैमनस्यता  भित्रै  बाट  फाल्नुपर्छ।
आफैंभित्र छ अथाह ज्ञानको ज्योति त्योआफैंले बाल्नुपर्छ।

✍️पशपती राई, खोटाङ्ग ।
……………………………………………………………………

पञ्चाङ्ग   [०९]
[०१]
दरबार त्याग गरे गौतम बुद्धले।
शान्तिको प्रकाश छरे गौतम बुद्धले
बुद्ध जयन्तीको सबैमा शुभकामना,
अशान्ति सबैको हरे गौतम बुद्धले।
पीपलको भर परे गौतम बुद्धले।
[०२]
सत्य था  पाउन न्यायालय धाउनेछन् एक दिन।
बाच्नेकाे भन्दा मर्नेकाे गीत गाउनेछन् एकदिन।
आफू निर्दाेष छु भनेर घमण्ड नगर्नु दाेषीले,
काला  कर्तुतहरु  बाहिर  आउनेछन्  एकदिन।
अपराधीले आफ्नाे सजाय पाउनेछन् एकदिन।

✍️सुशीला पौडेल ।
…………………………………………

पञ्चाङ्ग   [१०]

ज्ञानकाे लागि ध्यान गरेका बुद्ध ।
शान्तिका वाणीहरू  छरेका बुद्ध ।
गृहस्थ  त्यागेर ज्ञानकाे खाेजीमा,
सबैका दुःख,दर्द हरेका बुद्ध ।
ज्ञानकाे सागरले भरेका बुद्ध ।

✍️शाेभा आचार्य गाैतम, काठमाडौँ ।
………………………………………………

पञ्चाङ्ग   [११]

बुद्ध जन्मिएको  देश  शुद्ध हुन्छन् ।
शान्ति भूमि  देश किन क्रुद्ध हुन्छन् ।
शान्ति भूमि अहिंसाको  देश  हाम्रो ,
नेपाल  यो  मातृभूमि  बुद्ध  हुन्छन् ।
जनता  यी  किन  युद्धमय  हुन्छन् ।

✍️बेदु न्यौपाने, काठमाडौ ❤️ ।
……………………………………………

पञ्चाङ्ग   [१२]

हरेक मनमा बुद्ध खोजेर ।
नेपाली पनमा बुद्ध खोजेर ।
शान्ति र अहिंसा रोजेर बाटो,
निर्मल तनमा बुद्ध खोजेर ।
असल जनमा बुद्ध खोजेर ।

✍️आर्त अकुलीन, कैलाली ।
……………………………………

पञ्चाङ्ग    [१३]

नौ डाडा पारी त्यो सानो गाउँ झुल्के घामले सुहायो।
यो धरातललाई बुद्धको ज्ञान र नामले सुहायो।
प्राणीमा हामी मनुष्य चोला पाएर यहीँ धर्तीमा,
जीवनलाई मुक्ती पुजन गर्ने कामले सुहायो।
‘बुध्मं शरणं गच्छामी’ गाउने यो सामले सुहायो।

✍️अच्युत घिमिरे, भुटानबाट ।
………………………………………………………

पञ्चाङ्ग   [१४]

शान्तिको सन्देश अझै छरिरहेछन् बुद्धले।
पृथ्वीपथमा  डुलेर   झरिरहेछन्   बुद्धले।
जन्मभूमिको  खवर के छ नजर लगाऊँ,
भनी ध्यान  उपासना   गरिरहेछन् बुद्धले ।
हुन्न हिंसा पाप भन्दै   सरिरहेछन्  बुद्धले।

✍️जमुना आचार्य, सिन्धुपाल्चोक ।
…………………………………………………

पञ्चाङ्ग   [१५]

बुद्ध तिम्रै मार्गमा अघि बढ्न सकौँ।
पुस्तकका पानामा ज्ञान पढ्न सकौंँ।
विश्व लाई चिनायौ शान्ति भुमी भनी,
तिम्रै अर्ति लिई शिखर चढ्न सकौँ।
शत्रु सामु शान्तीले हामी लड्न सकौँ।

✍️सरिता सेढाई , धादिङ ।
…………………………………………………

उँभौली पर्व तथा २५८५औँ गौतम बुद्ध जयन्तिको हार्दिक मङ्गलमय शुभकामना !!
साथमा एक पञ्चाङ्ग

पञ्चाङ्ग   [१६]

अन्यायमा  हुदैन  है   रुद्ध बन्न सिक्नु।
न्याय लिन आफैँभित्र युद्ध बन्न सिक्नु ।
शान्तिपूर्ण अर्ति  सुन्नु आदर्शका कुरा ,
स्वावलम्वी बन्नु अनि शुद्ध बन्न सिक्नु ।
पढि लेखि  ज्ञान लिनु  बुद्ध बन्न सिक्नु।

✍️गुणनिधि घिमिरे, अमेरिका ।
…………………………………………………

पञ्चाङ्ग   [१७]

मेरा तीन  पञ्चाङ्गहरू
छन्द : अश्वललित (७।२७ पिङ्गल)
लक्षण: अश्वललितं न्‌जौ भ्‌जौ भ्‌जौ भ्‌लौ ग्रुद्रादित्याः ।
गण:         न     ज     भ       ज       भ       ज     भ     ल    गु
सङ्केत : ।।।   ।ऽ।    ऽ।।    ।ऽ।     ऽ।।    ।ऽ।   ऽ।।     ।     ऽ
वर्ण:२३ ,यति:  ११ अक्षरमा  ।
रचना: राजेन्द्रकुमार  बज्राचार्य

पञ्चाङ्ग   [०१]

जब इतिहास  रच्नु उनको, निरन्तर  स्वभाव भेटिनु  रह्यो ।
जब  प्रतिघात रच्नु  उनको, सरासर  प्रभाव  मेटिनु  रह्यो ।
छ समय साथ साथ उनको, अनित्य छ त जन्म जीवन कसै,
हर वय काल हेर उनको, ल  जीवन छ साथ  लेटिनु  रह्यो ।
कति सुखदुःख खप्नु उनले, सजीवन  नि आज रेटिनु रह्यो ।

पञ्चाङ्ग   [०२]

प्रवेश  झरी  र मेघ  जगमा, निरन्तर   सदैव   दर्किनु  यहाँ ।
अनेक  थरीथरी सुख कतै, निरन्तर स्वरूप  फर्किनु  यहाँ ।
अनेक  प्रकार जीवन सधैं,न भर्किनु यहाँ  न धर्किनु   कतै,
ल आपत पर्छ जीवन कसै,निशान नि ल छोड तर्किनु यहाँ ।
छ सुन्दर जिन्दगी अब कतै, जगात नि छोड र लर्किनु यहाँ ।

पञ्चाङ्ग   [०३]

न रीस  र रागको  चलन ती, न जात न भात छ वर्किनु  कतै ।
न साम न दामको चलन ती, न दण्ड  न भेद छ थर्किनु  कतै ।
न झर्किनु  चर्किनु वचनमा, त्यसै किन थर्किनु  भो अब यहाँ ,
परे अब   जर्कनु छ पथमा, त्यसै किन धर्किनु   फर्किनु कतै ।
परे अब लड्नु जति जगमा, छ अन्तिमसास छ  हर्किनु कतै ।

✍️राजेन्द्रकुमार  बज्राचार्य, काठमाडौं ।
……………………………………………………………………

पञ्चाङ्ग   [१८]

भानु बुध्द जन्मेकाे  देश छ।
हिमाल पहाड  र  बेस छ।
मान्छे मात्र किन हाे रित्तामा,
जता ततै हिँसा  र क्लेस छ।
बुध्दत्व र  मानव बाँकी सेष छ ।

✍️मीना देबकाेटा, सर्लाही ।
…………………………………

पञ्चाङ्ग   [१९]

शान्तिकाे बिगुल छर्दै आए गाैतम बुद्ध ।
ज्ञानकाे ज्याेतीले धर्ती छाए गाैतम बुद्ध ।
मुर्खहरुकाे घमण्डलाइ त चुर पार्दै ,
दुखीकाे घाउमा मल्हम लाए गाैतम बुद्ध।
शान्तिका बाणीकाे गीत गाए गाैतम बुद्ध।

✍️उर्मिला के.शी., धनकुटा ।
…………………………………………………

पञ्चाङ्ग    [२०]
                          
विश्वभरी नै शान्तिको ज्ञान  छरेर आए बुद्ध ।
नेपालमा शान्तिको प्रतीक  भएर आए बुद्ध ।
मानव जातिमा दया र धर्मको सुमार्ग देखाई,
लोभ र लालचदेखि टाढा बनेर आए बुद्ध  ।                  

आमा मायादेवीको गर्वमा बसेर आए बुद्ध ।

वीणा रोका , दाङ घोराही ।
…………………………………………………

पञ्चाङ्ग   [२१]

धन्दा कालो खुलेर आयो।
घरैपिच्छे डुलेर आयो।
जाम थियो पहिले कता,
फुत्त बाटो भुलेर आयो ।
पत्रिकामा झुलेर आयो ।

✍️प्रभा पोखरेल, हाल अमेरिकाबाट ।
………………………………………