१० जनवरी २०२२, साउदी अरब ! नेपाल काभ्रे जिल्ला, बेथानचोक गाउंपालिका वडा नं ५ गुम्बुडांडा स्थाई निवासि तेजबहादुर तिमल्सिनालाई एनआरएनए आरसिसि अल कासिमले आर्थिक सहयोग गरेको छ ।
तिमिल्सिना बिगत केही समय देखि दुबै मृगौलाले काम नगरेपछि उपचाररथ शिक्षण अस्पताल महाराजगन्ज काठमाडौमा रहेर उपचार गराइरहेका छन् । तर उहाँको आर्थिक अबस्था अत्यन्त कमजोर भएको हुनाले उहाँको जिवन बचाउनको निमित्त सहयोगको लागी उक्त संस्थाका सकृय सदस्य समीर के. सी. ले एनआरएनए अल कासिमलाइ अनुरोध गरेपछि उक्त सहयोग गरिएको संस्थाका सचिब ध्रुब कटुवालले जानकारी दिए । सहयोगको क्रममा उठेको १३२० साउदी रियल ४१,६२७ रुपैयाँ संकलन भएको र हिजो ८ जनवरी २०२२ का दिन उहाँको खातामा आरसिसि अल कासिमले जम्मा गराइदिसकिएको सचिब कटुवालले जानकारी गराए । यस कार्यमा सहयोगमा जुट्नु हुने सम्पुर्णलाई आरसिसी अल कासिमले आभार तथा कृतज्ञता व्यक्त गर्दै आगामी दिनमा कसैले सहयोग गर्न चाहेमा समीर के. सी. (0594785027) सँग सम्पर्क गरि सहयोग गर्न समेत अनुरोध गरेको छ ।
उदक कविताको विशिष्ट अङ्गको रूपमा रहेको डा. बमबहादुर थापाको धारणा ।
उदक साहित्य समाज नेपालको साप्ताहिक उदक वाचन कार्यक्रमको बाह्रौँ शृङ्खला सम्पन्न भएको छ ।
उक्त उदक वाचन कार्यक्रमको प्रमुख अतिथि वरिष्ठ साहित्यकार डा. बमबहादुर थापा जितालीले उदक नेपाली साहित्यमा कविताको एउटा विशिष्ट अङ्गको रूपमा रहेको महसुस भएको धारणा राख्नुभएको थियो ।
कार्यक्रममा प्रमुख अतिथि डा. थापाले आफ्ना उत्कृष्ट उदकहरू वाचन गर्दै उदक लगाएत छोटा कविताहरू छोटो, मीठो, लेख्न, पढ्न र बुझ्न सहज भएको र यी सबै प्रविधिको उपलब्धी भएको बताउनुभयो । उहाँले सिर्जनालाई पहिले सर्जकको आँखाले हेरेर पछि सम्पादकको आँखाले हेरेर मात्र प्रकाशन गर्न अनुरोधका साथ शुभकामना मन्तव्य व्यक्त गर्नुभएको थियो ।
कार्यक्रममा विशिष्ट अतिथि वेदविज्ञ तिलकप्रसाद लुइटेलले छोटो समयमा पनि उदकले नेपाली साहित्यमा व्यापकता पाएको धारणा राख्नुको साथै शुभकामना मन्तव्य सहित आफ्ना उत्कृष्ट उदकहरू वाचन गर्नुभएको थियो ।
उदक वाचन कार्यक्रमको बाह्रौँ शृङ्खलामा सरस्वती श्रेष्ठ (रुपन्देही), केशब न्यौपाने, प्रेम थापा, पुष्प राना, लक्ष्मीप्रसाद मिश्र, जमुना कायस्थ,रोशन पराजुली, देवेन्द्र खनाल, निर्मला सुवेदी, नवराज भट्ट, सुरेशचन्द्र घिमिरे, केशव ढकाल, कविता देवकोटा, उर्मिला पन्त पाण्डेय, सरस्वती राना, सुधा बाँस्कोटा ढकाल, चन्द्रावती अधिकारी, सोम लुइटेल, गुणनिधि घिमिरे, प्रद्युम्न चालिसे लगायतका उदक यात्रीहरूले आ-आफ्ना उत्कृष्ट उदकहरू वाचन गर्नुभएको थियो ।
उदक साहित्य समाज नेपालका अध्यक्ष आर्त अकुलीनले उदक सैद्धान्तिक अवधारणाको बारेमा जानकारी गराउँदै उदकमा पहिलो पङ्क्तिमा रहेको एक शब्दले परिचय, दोस्रो पङ्क्तिमा रहेका दुई शब्दले व्याख्या र तेस्रो पङ्क्तिमा रहेका तीन शब्दले निष्कर्ष दिनुको साथै उदक काव्यिक विधाको लघुतम रूप भएकोले काव्यिक भावका साथै आन्तरिक संरचनामा जोड दिन अनुरोध गर्नुभएको थियो ।
उदक साहित्य समाज नेपालका उपाध्यक्ष सविता केसीको सभापतित्वमा सम्पन्न उक्त कार्यक्रमको सञ्चालन उदक साहित्य समाज नेपालका महासचिव हिमाल अम्मैले गर्नुभएको थियो ।
काठमाडौ, २४ पौष। साप्ताहिक उदक लेखन अभ्यास शृङ्खलाको ३४ औं भाग शनिबार सम्पन्न भएको छ । उदक साहित्य समाज, नेपालले उक्त अभ्यास कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५४ जना उदक स्रष्टाहरूको सहभागिता रहेको उदक लेखन अभ्यास शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा अभ्यास शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।
१ बैँस ढलेपछि चर्म चाउरी पर्छ, मान्छेको चुरीफुरी पनि सबै झर्छ| २ बैँसमा मात्तिनु साह्रै राम्रो हैन, उमेर ढलेपछि हुँदैन चैन| ३ खाने लाउने बैँसमै हो सुन, लहैलहैमा नखोज्नु जून छुन । ४ जोवन जान्छ तर बैँस जाँदैन भन्छन् नजाने बैँसमा कतिले खाड़ल खन्छन्| ५ रंगीन हुन्छ बैँसको सपना, तरुनी पाउने हुन्छ जपना|
तुलसीपुर उपमहानगरपालिकाले सामुदायिक र संस्थागत विद्यालयहरु आगामी माघ ३ गतेसम्मका लागि पूर्ण रुपमा पठनपाठन बन्द गर्ने निर्णय गरेको छ। सामुदायिक विद्यालयमा कोरोना संक्रमणको दर तीव्र रुपमा बढेपछि पठनपाठन बन्द गरिएको उपमहानगरपालिकाले जनाएको छ ।मंगलबार र बिहिबार गरीएको परिक्षणमा तुलसीपुर क्षेत्रका सामुदायिक र संस्थागत विद्यालय गरी ५ वटा विद्यालयका शिक्षक र विद्यार्थीमा कोरोना संक्रमण पुष्टि भएपछि आउने आइतबारदेखी ८३ वटा सामुदायिक र ६८ वटा संस्थागत विद्यालयको पठनपाठन बन्द गर्ने निर्णय भएको उपमहानगरपालिकाले जनाएको छ ।विद्यालयका शिक्षक र विद्यार्थीहरुमा कोरोना संक्रमण दर फैलिएपछि शुक्रबार तुलसीपुर उपमहानगरपालिकाको आकस्मिक बैठक बसी यस्तो निर्णय गरेको हो । बैठक शिक्षा समितिको संयोजक कुमार लामीछानेको अध्यक्षतामा बसेको थियो ।सो अवसरमा जनस्वास्थ्य प्रर्वद्धन शाखा प्रमुख ओमपी न्यौपाने, वातावरण तथा विपद व्यवस्थापन समितिका संयोजक नवराज लामीछाने, शिक्षा समितिका सदस्य श्याम डाँगी र विभिन्न सामुदायिक तथा संस्थागत विद्यालयका प्रधानाध्यापक तथा प्रतिनिधिहरुको सहभागिता रहेको थियो ।
आरोपी पक्राउ गर्न भारतीय पक्षसँग समन्वय गर्दै छौँ : प्रहरी
काठमाडौं । कैलालीको जानकी गाउँपालिका–९ का २५ वर्षीय अरुण दासको हत्या प्रकरणमा प्रहरी अनुसन्धान जारी छ ।
यही पुस पहिलो साता जानकी गाउँपालिका–९ का २५ वर्षीय अरुण दासको घाँटी रेटेर टाउको छिनालेको अवस्थामा शव फेला परेको थियोे । स्थानीय अमरावती सामुदायिक वनमा नग्न अवस्थामा घाँटी रेटेर टाउको अलग पारिएको अवस्थामा दासको शव फेला परेको थियो ।
हत्यापछि अरुणलाई आफूहरूले मारेको भन्दै मनोज नामका एक व्यक्तिले आफूनिकट एकजनालाई गरेको टेलिफोन संवाद सार्वजनिक भएको थियो । सोही अडियोको आधारमा प्रहरीले अनुसन्धान अघि बढाएको छ ।
प्रहरी अधिकारीहरूका अनुसार मनोज र दास एउटै समूहका साथीहरू थिए । उनीहरू सँगैसँगै खाना खाने, घुम्ने र मिल्ने साथी रहेको खुलेको छ । निम्नवर्गीय परिवारका दास र मनोजको समूह लागुऔषध कारोबारी र प्रयोगकर्ता समेत हुन सक्ने प्रहरीको अनुमान छ ।
मनोजले आफूले मारेको भनिएको अडियोमा एक थप्पडको बदला लिन अरुणको हत्या गरिएको आशय व्यक्त गरिएको पाइएको थियो । प्रहरी अधिकारीहरूका अनुसार दासले लागुऔषध चोरेको हुन सक्ने आशंकामा हत्या गरिएको हो ।
प्रहरीले अनुसन्धानका लागि कमल साउदलाई नियन्त्रणमा लिएको छ । उनले मनोजको अडियो मृतककी श्रीमतीलाई पठाएका थिए ।
घटनामा संलग्न मनोजसहितका सबै आरोपी भारतमा लुकेर बसेको प्रहरी दाबी छ । जिल्ला प्रहरी कार्यालय कैलालीका डीएसपी वेदप्रकाश जोशी घटनामा संलग्न सबैको पहिचान भइसकेको बताउँछन् ।
उनले भने, “सबै अभियुक्तको पहिचान भइसकेको छ । घटनामा पाँच÷सातजनाको संलग्नता देखिन्छ । उनीहरू सबै भारतमा रहेको सूचना छ । यसका लागि हामी भारतीय पक्षसँग आवश्यक समन्वयमा छौँ ।”
डीएसपी जोशीले मृतक दास र आरोपीहरू चिनजानकै साथी रहेको खुलेको पनि बताए । प्रारम्भिक अनुसन्धानमा लागुऔषधकै कारण घटना भएको खुलेको डीएसपी जोशीको भनाइ छ ।
१ शिशिर मुटुको कम्पन खुला आकाशको जीवन ! २ देवढुङ्गा सर्वोच्च शिखर नेपाली माटोको शान ! ३ फूलबारी ढकमक चाहाना नयाँ वर्षको शुभकामना ! ४ चौतारी पीपलु छाया जाडोमा न्यानो माया ! ५ मष्तिस्क ज्ञानको सागर जीवन सुन्दर अपार ! ६ पिँजडा चरीको बन्धन समयको आर्त जीवन ! ७ ईश्वर अदृश्य शक्ति मन वचनले भक्ती ! ८ मन्दिर धार्मिक आस्था फूलहरू चुँडेर हत्या ! ९ सिरेटो सिरक अभाव कारुणिक बस्तीको पीडा ! १० शितलहर मुटुको कम्पन हत्केलामा यो जीवन !
