१)
साँचो पिरती गाँसूँ
सधैँभरि म तिमीसँगै
खुसीले सधैँ हाँसूँ ।
२)
म मुटुभरी सजाउँछु
तिमीलाई यो जुनीमा
अब मायाले रिझाउँछु ।
३)
गुलाफको रातो थुङ्गा
तिमी माझी हौ
बन्छु तिम्रै डुङ्गा ।
४)
अमर रहोस् माया
पवित्र यो सम्बन्धले
नभोगोस् कहिल्यै छाया ।
५)
मुटुको एउटा कुना
सजाएर तिमीलाई राख्छु
सधैँभरि दुई गुना ।
६)
बाचा कसम खाऔँ
भुलेर सारा दुनियाँलाई
मायाकै संसारमा धाऔँ ।
७)
न्यानो त्यो अङ्गालो
सजाइदिऊँ खुसीहरू सबै
फुटाएर मनको भङ्गालो ।
८)
नटुटोस् यो साथ
जिन्दगीको हरेक मोडमा
कति सुन्दर माथ ।
९)
प्रणयको मिठो मास
बदलियोस् यो जीवन
बनेर तिम्रो बास ।
१०)
चोखो यो प्रीति
बसौँला सँगै हाँसेर
बदलेर संसारको रीति ।
११)
अटुट एउटा नाता
तिमीलाई नै ओढाउँछु
पिरतीको यो छाता ।
१२)
पवित्र रहोस् मन
तिमी हौ मेरो
जिन्दगीको अमूल्य धन ।
१३)
जपेर पिरतीको माला
सजाउँला यो संसार
हेरौँला त्यसको चाला ।
१४)
भरेर ओठमा हाँसो
बाँचेका छौँ खुसीले
नपारी कहिल्यै पासो ।
✍️
नन्दलाल आचार्य
बेलका-२, सिद्धार्थटोल, उदयपुर