झिल्का कविता

त्रिवेणी साहित्य मञ्च अमेरिकाको शुक्रवारीय झिल्का कविता अभ्यासका क्रममा समसामयिक विषयमा लेखिएका झिल्का कविताहरू-
••••••••••••••

कतिको सास छिन्यो
प्रलयकारी बाढी आएर
बस्ती मेटाउँदै हिन्यो ।
✍️
वसन्त अनुभव
वसन्तविहार, दाङ
••••••••••••••
प्राकृतिक प्रकोप अहित
भोटेकोसीका दिवङ्गत आत्माहरूप्रति
अश्रुपूरित श्रद्धाञ्जली समर्पित ।
✍️
नारदप्रसाद आचार्य ‘सुदामा’
संयुक्त राज्य अमेरिका
••••••••••••••
बाढीले घर बगायो
मासियो खेतबारी पनि
स्मृति पीर जगायो ।
✍️
सतीश पण्डित
भानु६ चुँदी तनहुँ
••••••••••••••
सबैको साथ, सहयोग
हुनुपर्छ यस विपत्तिमा
हटाउन प्रकृतिको रोग ।
✍️
सुरेशकुमार पाण्डे
दाङ घोराही १८
••••••••••••••
भयो अकल्पनीय हानि
हृदयविदारक यस प्रहारले
मर्माहत भयो जिन्दगानी ।
✍️
तोयानाथ चापागाईं
दमक,झापा
••••••••••••••
मानवता कता हरायो
लुटे लासबाट गहना
विश्व लाजले सर्मायो ।
✍️
निमा छिरिङ भोटिया
जलढाका कालेबुङ भारत
••••••••••••••
जुटाऔंं सहयोगी हातहरू
विपत्तिमा परेकालाई बचाउन
उठाऔँ मनकारी माथहरू ।
✍️
ईश्वर लामिछाने, धरान
••••••••••••••
भोटेकोसी उर्लिई आयो
बगायो सपना सारा
पीडाको बादल छायो ।
✍️
अम्बिका धिताल
भक्तपुर
••••••••••••••
सुधारौँ बानी व्यवहार
उपकार गर्न नसक्नेले
नगरौँ कसैको अपकार l
✍️
बाबुराम गौतम, गुल्मी
••••••••••••••
कता हरायो मानवता ?
झिक्छौ गहना लासबाट
व्यवहार तुच्छ दानवता ।
✍️
पुस्पा न्यौपाने
कैलाली
••••••••••••••
मिलेर हातेमालो गरौँ
विपत्तिमा साथ दिऊँ
सहयोगमा अघि सरौँ ।
✍️
रबिता महर्जन
खोकना, ललितपुर
••••••••••••••
आउँछ बाढी पहिरो
ताण्डव मच्चाई जान्छ
दिएर चोट गहिरो ।
✍️
मिना मल्ल
बझाङ बुङ्गल
••••••••••••••
यतिसम्म धोका पाउँदा
मानवता रत्तिभर छैन
लुट्छन् लास आउँदा ।
✍️
रामकृष्ण ढकाल
चितवन
••••••••••••••
देखाएन विपत्तिमा मानवता
लासबाट गरगहना चाेरैर
मानिसले देखायो दानवता ।
✍️
राज कुमार राजभण्डारी खाेटाङ्गे
खाेटाङ ऐसेलुखर्क ३ हाल भक्तपुर ।
••••••••••••••
घरबुढीलाई घरकै धन्दा
भनेझैँ लागे लुट्न
उठाउँदै आफूखुसी चन्दा ।
✍️
बिबा तामाङ, दार्जिलिङ
••••••••••••••
कस्तो विपद आयो
हेर्दाहेर्दै भेलले कठै
सारा बस्ती बगायो ।
✍️
अर्पना चापागाईं
विराटनगर , मोरङ
••••••••••••••
आमाको काख रित्तियो
रहेन बाँकी केही
सबै सपना सिद्धियोे ।
✍️
कृष्ण ब रावत, जाजरकोट
••••••••••••••
बाढीले लग्याे आँगन
भयाे सखाप बस्ती
धर्मराए सम्पूर्ण जन ।
✍️
हरिगाेपाल न्हुच्छेँप्रधान
साँगा, बनेपा-१४ काभ्रे
••••••••••••••
सपना पानीमा बग्यो
एउटा सभ्यताको पुरै
खुसी खोसेर लग्यो ।
✍️
वैँशालु महेन्द्र
लेटाङ नगरपालिका-८, जाँते, मोरङ
••••••••••••••
प्रकृतिले प्रकोप ल्यायो
रहेन ज्यानको मूल्य
मानवता अझै सर्मायो ।
✍️
नम्रत प्रधन
तकदाह, दार्जिलिङ
••••••••••••••
लासको मुन्द्री छोडेनन् 
राक्षस दानवी मानवले
मानवता कतै जोडेनन् ।
✍️
सुनिता निरौला पौडेल 
राधे राधे, भक्तपुर।
••••••••••••••
आँखाबाट बग्दैछ निर
कहिले थामिन्छ होला ?
बाढी पहिरोको पिर ।
✍️
अरुण कुमार भुजेल 
गोरूबथान, कालेबुङ
••••••••••••••
भोटेकोसीको बाढीले डुबायो
निम्त्यायो राष्ट्रिय विपत्ति
नेपालीलाई रुवाउनु रुवायो ।
✍️
शोभाकान्त रेग्मी
••••••••••••••
बन्यो प्रकृति बहिरो
कहिल्यै निको नहुने
घाउ दियो गहिरो ।
✍️
प्रतिज्ञा प्रतिज्ञा
मेहेलकुना, सुर्खेत
••••••••••••••
विपदको घडीमा धैर्यधारण
गर्दै प्रार्थना गर्दछु
होओस् दुःखको निवारण ।
✍️
ध्रुव खड्का
फेदीखोला १, स्याङ्जा ।
••••••••••••••
अकस्मात् बाढी आयो
लाखौँ धनजनको क्षति
देशभर सन्नाटा छायो ।
✍️
साबित्री प्याकुरेल, धादिङ
••••••••••••••
हृदयमा मानवता भरेर
मलम लगाउँ पीडितलाई
सक्दो सहयोग गरेर ।
✍️
विष्णु पंगेनी (पाण्डे)
वालिङ, स्याङ्जा
••••••••••••••
लासको बजार छायो
रसुवा अनि नुवाकोटमा
कालो दिन आयो ।
✍️
प्रेम शर्मा “एकान्त प्रेमी”
कालेबुङ
••••••••••••••
अश्रुधारा झरेको बेला
जतिसक्दो सहयोग गरौँ
विपत्ति परेको बेला ।
✍️
आर के भण्डारी
••••••••••••••
छताछुल्ल भए लास
प्राकृतिक प्रकोपले गर्दा
बस्तीको भयो उठिबास ।
✍️
रिमेन आलोक, अष्ट्रेलिया
••••••••••••••
प्रकृतिको कस्तो खेल
जनधन बगायो सारा
अचानक बढेर भेल ।
✍️
अम्बिका राणा
खरसाङ दार्जिलिङ
••••••••••••••
सपनाहरूको घर बगायो
भोटेकोसीको उर्लदो बाढीले
देशलाई दुखी बनायो ।
✍️
क्षितिज बिरु राना
वनगाड कुपिण्डे नगरपालिका ३ बडापोखरा सल्यान
••••••••••••••
बगरको चारैतिर लास
के गर्नु भगवान् ?
रहेन कसैको बास ।
✍️
रमा गुरुङ्ग
सालुगडा सिलीगुडी
••••••••••••••
कसरी कोरुँ अक्षरहरू ?
अकल्पनीय प्रकृति प्रकोपको
विक्षिप्त पीडाका भावहरू ।
✍️
राजेन्द्र जि सी “यसत”
••••••••••••••
नदेखेझैँ गर्छ लास
मानवता हराउँदै गयो
खोजेर हिँड्छ ग्यास ।
✍️
माघब अधिकारी, अस्ट्रेलिया
••••••••••••••
बनाएको मरी मरी
सुन्दर घर बाढीले
बगायो नि कठैबरी !
✍️
नविन पागल मुस्कान
हाल: बझाङ
••••••••••••••