“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसय छत्तीसौ हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/११/०७
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १३६[एकसय छत्तीसौं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]
प्रजातन्त्र विशेष पञ्चाङ्ग
पञ्चाङ्ग:०१
शान्ति,सुव्यवस्था कायम हुँदै आओस् देशमा
मनको अशान्ति सबै हटेर जाओस् देशमा
प्रजातन्त्र दिवसको म दिन्छु शुभकामना,
प्रगतिको पाइला सधैंअघि लाओस् देशमा
यस दिवसको आशिष पूर्ण छाओस् देशमा।
-सुशीला पौडेल
पञ्चाङ्ग:०२
प्रजातन्त्र पनि आएको छ देशमा
बेथिति झनै मौलाएको छ देशमा
बेरोजगारले युवा पलायनले ,
जनताले दु:ख पाएको छ देशमा
सबैमा निराशा छाएको छ देशमा ।
-दुर्गा भट्टराई
मोरङ
पञ्चाङ्ग :०३
लाेकतन्त्र भनेकाे कसरी भक्षक भयो र देश जल्याे प्रभु !
लाेकतन्त्रमा पनि निहत्था विद्यार्थी माथि झन् गाेली चल्यो प्रभु!
कहिल्यै नफल्ने फाेस्राे प्रजातन्त्र मान्न हामी बाध्य भएका छाैं,
ताजा जनादेश धेरै पटक भयाे जनतालाई छल्यो प्रभु!
स्वार्थी राजनीतिले गर्दा सरकार स्थिर भएन ढल्याे प्रभु !
-प्रधुम्न चालिसे
पञ्चाङ्ग:०४
प्रजातन्त्र आयो जनताले के पाए देशमा
सोझा र गरिब जनताले के खाए देशमा
चुनेर पठाएका शक्तिका सधैँ कुरा ठुला,
गल्लि र चोकमा जनताले के गाए देशमा
नाङ्गै देखिन्छन् जनताहरू के लाए देशमा।
-दुर्गा आचार्य
मोरङ
पञ्चाङ्ग:०५
ल्याए तन्त्र र मन्त्र याे मुलुकमा दुःखादि टर्ला भनी
गर्छन् शासन दीनले र सबकाे सन्ताप हर्ला भनी
कैयाैँ वर्ष यही भनेर सबले ढाँटेर आए यहाँ,
दुःखीका घरमाथि तन्त्र जपिए केही त झर्ला भनी
आशा मात्र गरी प्रजा जन बसे यल्ले त गर्ला भनी।
ताेयानाथ सुवेदी
काँडाघारी काठमाडौं।
पञ्चाङ्ग-०६
प्रजातन्त्र आएको धेरै भो जनता कहिले जाग्ने हो
विश्व पुग्यो कहाँ हामी भने कहिले उठेर भाग्ने हो
कुर्सी त थाकिसक्यो सधैं यौटै नेतालाई बोक्दा बोक्दा,
नेतालाई भने कुर्सी कहिले छोडौं- छोडौं लाग्ने हो
सुनको थाली थाप्दै कहिलेसम्म हामी भिख माग्ने हो।
-पशपती राई खोटाङ ।