साप्ताहिक झिल्का लेखन अभ्यासको ३० औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६६ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।
शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।
झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।
साप्ताहिक झिल्का लेखन अभ्यास शृङ्खला- ३० मा सहभागी झिल्काकारहरूका सुन्दर झिल्काहरू-
…
१,
तिम्रो मुटु पत्थरको
पगाल्न कुनै दिन
अनावश्यक छ जन्तरमन्तरको ।
२,
हिॅंडिरहन्छौ सिकारको खोजीमा
आँखाभरि चारो फिॅंजाएर
बल्छी बोकेर गोजीमा ।
३,
सम्मान गरेको देखाएर
माया मैले दिइरहेँ
अन्तत: फाल्यो चपाएर ।
- म्यामराज राई, भोजपुर
…
१,
झिल्का आयो मध्यरातमा
मनको दियालो बालेर
लेखेँ एकै बातमा ।
२,
अँधेरी रातमा तारा
हटाऔं बुझेर अब
मनको मैलो सारा । - मन्दिरा सेढाई, मलेखु, धादिङ
…
१,
कसैलाई गर्दा सम्मान
लिनेले लिॅंदा मात्रै
बल्ल आउँछ सान ।
२,
दिन सकिन्न मुटु
सबै सिध्याउँन फेरि
गर्छन् यहाँ लुटुपुटु।
३,
सम्मान गरेर देखाउन
नपच्दा कसैलाई यहाँ
पर्ला फेरि रुन। - अर्जुन प्रसाद चौलागाई, रामेछापः-सुनापति-१
हालः-क्यानडा,क्यालगरी।
…
१,
वचन अमृत रसपान
शुद्ध मनले रमाई
भजौँ प्रभु गुणगान।
२,
काँडामा फूल फुलाउनुहोस्
असम्भव छैन यहाँ
मन प्रभुमा हराउनुहोस् ।
३,
सुकर्म कर्मठको सान
प्रभु नामको जापले
वैकुण्ठमा पाइने स्थान। - कार्की डिबी माकुम, सुनवल-४, नवलपरासी
…
१,
बस्ने घर फेरियो
बानी फेर्न नसक्दा
दु:ख अझै बेरियो । - ताराप्रसाद चापागाईँ, धुनिबेसी
…
१,
औॅंसीको रातमा तारा
बुझाऔॅं आफ्नो मन
उज्यालो दिनेछन् सारा ।
२,
भुल्न कसैले नखोज
सिधासाधा भएर हुँदैन
कसैलाई भुल्न नरोज ।
३,
सबै धर्म बराबर
बिचमा नखोज निहुँ
धर्म बढोस् सरासर । - बेदु न्यौपाने
…
१,
शिक्षकको सुत्ने चाला
विद्यार्थीलाई खुल्यो बाटो
आजको यो पाठशाला।
२,
सबै भए काले
सधैँ स्वार्थमा लागेका
मिलेर खाए भाले।
३,
जनताले भोट दिने
मालिक बनेका नेता
सुविधा नेताले लिने। - नवराज भट्ट, कञ्चनपुर
…
१,
छैन खाने गाँस
विचरा ! के गर्नु?
छानो खुला आकाश ।
२,
छैन कुनै डर
देखिन्छ खुसी ऊ
पर्दछ आफ्नै भर।
३,
भन्छ मजदुरी गर्छु
आत्मा बेच्ने छैन
बरु भोकै मर्छु। - सतीश पण्डित, भानु – ६, चुँदी तनहूँ
(हाल चनपा – ६, मातातीर्थ)
…
१,
हाम्रा आफ्ना परम्पराहरू
विरोधका लागि बोल्नेहरूले
भोग्दछन् दुष्कृति अरू ।
२,
सबैले आफ्ना परम्परा
संस्कार संस्कृतिहरू छन्
जगेर्ना गर्नुपर्छ कठैबरा ।
३,
धर्मकर्म सबैका समान
एकार्कामा विभेद गर्दै
नगरौँ कसैले व्यवधान । - गुणनिधि घिमिरे, अमेरिका
…
१,
नहुने एकोहोरो मायाले
त्रसित हुन्छ मान्छे
आफ्नै देखिने छायाँले।
२,
अनुशासन सम्पत्ति ठुलो
नानीहरूलाई दिनु संस्कार
सिकाइदिनु घरभित्रको चुलो।
३,
रुन थाल्छन् बच्चाहरू
संस्कार अनुसाशन नपाउँदा
जवानीमा रुन्छन् अरू । - चुडामणी देबकोटा, पुरानोनैकाप काठमाडौँ
…
१,
अहोरात्र पसिना तरर
कस्तो व्यवस्था आयो ?
जनतामा आँसु बरर ।
२,
बोकेर पत्थरको छाती
मानवता बिर्सिएको मान्छे
अपराधी र विश्वासघाती ।
३,
सद्भावका मुना नासेर
मुलुक बर्बाद हुँदैछ
नीति थिति मासेर । - ऋजु दिल्पाली, इटहरी – १, सुनसरी
…
१,
सरकार त फेर्यो
नेता पुरानै छ
भ्रष्टाचार झन् हेर्यो ? - एवाइ प्रभात, सहिदभूमि धनकुटा
…
१,
किन यस्तो भयो ?
आफ्नो संस्कार संस्कृति
लोप हुँदै गयो ।
२,
भन के पायौ ?
छाडा गीत गाएर
आफ्नो इज्जत गुमायौ ।
३,
आफ्नो संस्कार समाउनु
हामी नेपाली भनेर
गर्वका साथ रमाउनु । - अनिता भण्डारी, ताप्लेजुङ
…
१,
तनाव बढ्यो धेरै
निद्रा पनि लागेन
उठियो बिहान सबेरै ।
२,
लागेन मन खान
बिर्सायो भोक तनावले
सकिन कहीँ जान ।
३,
हुन सकिएन भाग्यमानी
जताततै समस्यको जालो
भयो जिन्दगी पानी । - डिल्लीराज (राजेन्द्र) भुसाल, सन्धिखर्क-२, कुर, अर्घाखाँची
…
१,
निष्ठुरी तिम्रो मन
पगाल्न खर्च गरौँला
अब धेरै धन।
२,
हिँडिरहन्छौ मायालु खोजी
भौँतारिएर केवल तिमी
बनायौ रित्तो गोजी।
३,
संस्कृति बचाई रमाउनु
कुसंस्कारको अन्त्य गरी
राम्रो नाम कमाउनु । - राज कुमार राजभण्डारी खोटाङ्गे, मध्यपुर ठिमी ५ संगम कोलोनी राधे राधे भक्तपुर
…
१,
यो मोबाइलको जातले
गर्नसम्म गर्यो अचेल
सुख पाएन हातले |
२,
दुःख गर्छौ मरीमरी
बिचौलियाले बिचैमा खान्छ
बजार भाउ मनपरी | - सरिता सेढाई, धादिङ
…
१,
विष पिलाएर जान्छौ
कसको विश्र्वास गर्नु ?
अमृत छदाएर लान्छौ ।
२,
सोचेकै जस्तो भएन
आकाश छुन गएको
अब संसारमा रहेन ।
३,
परिश्रम गरेर देखाऊ
नजानु खाडी मुलुक
रोजगार छिट्टै भेटाऊ । - अम्बिका अधिकारी, झापा बिर्तामोड
…
१,
चाहिन्छ गाँस, बास
मानव अधिकार हो
हुनुपर्छ भूमिका खास ।
२,
बाटोघाटो र पधेरो
सबै नागरिक अधिकार
हुन्छ राज्यको सेरोफेरो।
३,
विरोधका लागि विरोध
आधा देश टुक्राउने
किन हुँदैछ बोध ? - सुरेशकुमार पाण्डे, दाङ घोराही १८
…
१,
दोसाँधमा भयो जीवन
युद्ध लड्दै आफूसँगै
थाक्दै उठेको मन।
२,
हिॅंडेकी देखाउॅंदै हाँसो
पीडालाई दबाउॅंदै हेर
छैन अब गुनासो । - सङ्गीता खरेल, काठमाडौँ
…
१,
कस्तो यो बाध्यता
गर्छन् सिको उल्टो
धरापमा छ सभ्यता । - प्रेम थापा “मन”बागलुङ
…
१,
मौलिक तिज आयो
नारिको महान पर्व
रमाइलो चारैतिर छायो।
२,
सकिन्न हेर्न सुन्न,
तिजको गीत अरे,
यस्तो छाडापनले हुन्न ।
३,
जोगाउनु छ रितिरिवाज
रमाउनु सबै जना,
सुधारेर हाम्रो समाज । - भुपेन्द्र राना मगर, धादिङ
…
१,
कुरीतिको पर्खाल तोड्नुपर्छ
दिदीबहिनी हामीले पनि
आआफ्नो पहिचान जोड्नुपर्छ ।
२,
समुद्र बनाउन धन
विभिन्न माध्यमबाट साथी
व्यापारीले गर्छन् विज्ञापन ।
३,
एउटा कुरा सुन
तिमीले खन्या खाल्डोमा
पर्नेछौ आफैँ पुनः । - पृथक प्रकृति, झापा
…
१,
आफैमा सरकार मस्त
भरौटेहरू झनै भ्रष्ट !
लुट्न खान व्यस्त ।
२,
जनता दङ्ग हेर्दै
नेता सरकार फेर्दै
महॅंगी जनता सेर्दै ।
३,
हाँस्नु कसरी यहाँ
अशान्ति छ देशमा
छोडी जानु कहाँ ! - इन्दिरा देवकोटा, कपिलवस्तु न पा ३
…
१,
गरेर काम असल
धरतीमा उही व्यक्ति
आखिर हुन्छ सफल ! - आर्त अकुलीन
…
१,
नयनहरू नसालु छन्
जति सम्हालिन खोज्छु
नसा बढ्छ झन्।
२,
खोइ ! के भनौँ ?
म बेसुध बन्छु
यति प्यारी छौ।
३,
गर्छ मुक्का हानाहान
कस्तो मोह कुर्सीको
आपसमा खुट्टा तानातान । - दिवाकर चाम्लिङ्ग राई, खर्साङ्ग,दार्जीलिङ ।
…
१,
झिल्का लेखन राम्रो
जतिसुकै लेख्न पनि
लत बस्यो हाम्रो ।
२,
किन तनाव धेरै ?
चिन्ताले पुर्याउॅंछ चिता
योग गर्नु सबेरै । - दुर्गा भट्टराई, मोरङ
…
१,
मान्छे अब गइसके
मान्छेको अनुहार मात्र
पशुभन्दा नीच भइसके ।
२,
मनभित्र चोट बोकेर
सपनाको पोको बोकी
हिॅंड्यो देश छोडेर ।
३,
आकाशमा बादल छाइसक्यो
कति बस्छौ ए !
नेताले देश खाइसक्यो । - दीप गोले तामाङ, रौतहट
…
१,
बानी नै पर्यो
तिम्रो बाटो हेर्ने
नआउॅंदा आँसु झर्यो।
२,
बदल्ने कोशिस चलिरहेछ
हरेक पलको यादले
जिन्दगी आगोमा डढिरहेछ ।
३,
हरेक बस्तीमा बस्ने
समान हुँदैन आदत
नागझैँ जहिले डस्ने । - ईश्वर साउद (भिक्षु ), रामारोसन गाउॅंपालिका ६ सुदुरपशचिम अछाम
…
१,
सुकर्मको सन्देश बोल
जनहितमा कार्य गरेर
सहमतिको बाटो खोल ।
२,
पाउँदैनौ तिमीले साथ
तिम्रो निर्णय सुनेर
दिउँसै लाग्छ रात ।
३,
किरायाको टट्टु जस्तो
अरूलाई नीच देख्ने
तिम्रो मानसिकता कस्तो ? - मोती योन्जन सुब्बा, दार्जिलिङ निमकी डाँडा, भारत।
…
१,
असीम प्यारको नाता
थामिन्छन् प्रेमिल हात
सङ्कटको बलियो छाता।
२,
दुईजिब्रे छ बोली
पर्छन् शङ्काको घेरामा
बोलिन्न दिल खोली। - तोया नाथ चापागाईं, दमक,झापा
…
१,
सुगन्धित गाउँको माटो
सहरमा पाइन्न एकरत्ती
रहेनन् गरिने पाटो ।
२,
खेतबारी बाँझो राखेर
हुन्न कहिल्यै आत्मनिर्भर
अर्काको मुहार ताकेर । - कृष्णकुमार वैद्य, बनेपा ९, काभ्रे
…
१,
नजानेरै कोर्दछु टुक्का
सुनेर हाँस्नुहुन्छ मास्टर
नमिले खाइहाल्छु मुक्का। - सुनगाभा पोखरेल, हाल: नेपालगन्ज
…
१,
हेर्नै नसक्ने नाच्छ,
गाउँछ गीत उस्तै
संस्कृति कसरी बाँच्छ?
२,
सचेतनाको कुरा छैन
भाइरल बन्ने रहरमा
शरीर ढाक्ने हैन।
३,
छाडा भए कलाकार
अश्लील नाच गीतले
समाजलाई पर्दैछ मार। - अरुण कुमार भुजेल, गोरूबथान, कालेबुङ, भारत
…
१,
जतासुकै ठिक आलु
यसो भन्दै गर्दा
निस्किए झपार्न ठालु ।
२,
काममा कारण चाहियो
नियमको घनचक्कर लगाउँदा
सास्ती मात्रै पाइयो ।
३,
अल्छी नोकर भातमारा
खान पेटभर नदिने
हाँडीघोप्टे साहु आँतमारा । - नन्दलाल आचार्य, सिद्धार्थटोल, उदयपुर
…
१,
विकृतिका नराोपौँ बीज
सभ्यताको पहिचान दिई
गर्वले मनाऔॅं तीज ।
२,
आत्मीयता बढाएर जाऔॅं
हैसियत राखेर मात्र
तिजको दर खाऔॅं ।
३,
पर्वले सम्बन्ध जोडोस्
कायम राखेर संस्कृति
सही दिशा मोडोस् । - त्रिलोचन भण्डारी, मेचीनगर, झापा
…
१,
दम छैन बातमा
नेताहरू लिप्त भए
कुर्सी मोहको मातमा ।
२,
चिर्नलाई भ्रमको जालो
देश विकास गर
अब तिम्रो पालो ।
३,
आँखाबाट आँसु झर्यो
हृदयमा किन किन
बज्रपात पो पर्यो । - डम्बर थामी ‘अनुपम’, कालिन्चोक गा.पा. -६ , दोलखा
…
१,
मौका पाएँ भन्दैमा
केही हुन्न महोदय
मनको लड्डु गन्दैमा ।
२,
सारा संसार डुलेर
कहाँ जान्छौँ राजै
सुन्दर जन्मभूमि भुलेर ।
३,
चाहन्छन् राम्रो चालामाला
आफ्नो जस्तोसुकै ठिक
बस्छन् लगाएर ताला । - अच्युत घिमिरे, सर्पाङ, भुटान
…
१,
पलायन हुँदा हसिना
संयोग भनूँ कि !
भीमेश्वरमा आएथ्यो पसिना ! - सुरेश कार्की
…
१,
कहिले रौनक छाउँछ
जीवन यस्तै हो
निराशा पनि ल्याउँछ ।
२,
बुढापाका भन्छन् यस्तो
आत्तिनु हुँदैन कहिल्यै
दुःख आओस् जस्तो । - शोभा आचार्य गौतम, काठमाडौँ
…
१,
बाँझो बारी खन्नुपर्छ
विदेश नजाऊ छोरो
बाबुले छोरोलाई भन्नुपर्छ ।
२,
कुमार दाइको आली
बाँझै छ रे
दुबो कसले हाली ।
३,
विदेशमा पसिना नबेच
वृद्धहरूलाई घरमा छोडेर
विदेशको सपना नदेख। - मनुहाङ किराँती, सोलु
…
१,
गरिबी हाम्रो अभिशाप
लुट्न सक्नेलाई यहाँ
यत्रतत्र सर्वत्र फलिफाप ।
२,
चिनिन्छौँ नेपाली भनी
छौँ सम्पतिका गरिब
इमानले हामी धनी ।
३,
हुनु हुँदैन बेइमानी
अप्ठ्यारोमा परेकालाई गरौँ
सहयोग आफ्नै ठानी । - शान्ता पौडेल भट्टराई, टङ्कीसिनवारी, मोरङ
…
१,
सहरमा तिज पर्व
रमाउने गाउने गर्दा,
चारैतिर खुसीको गर्व ।
२,
मौलिक तिज आयो
नारीको मनभित्र हुटहुटी
खुसीको गदगदीले छायो ।
३,
जिन्दगी बिते हर्षमा
तिज पर्व मनाउने ,
कुरा एकासी वर्षमा । - श्रीकृष्ण धामी, बझाङ
…
१,
राज्यसत्ता दलाली भयो
अस्तव्यस्त हालत जनताको
जीवन रुँदै गयो ।
२,
पार्टी फेरे यिनीहरू
देश फेर्न सकेनन्
दलाल, भष्ट्राचार तिनीहरू !
३,
बन्न सकेन गाउँ
छ झन खस्किएको
आँखाले देखिन्छ ठाउँ ! - रवि पौडेल, दक्षिण भारत पाण्डेचरी
…
१,
बहला कता खोला ?
किनार ओगटे मानवले ,
भर्यो कस्ले झोला ?
२,
प्रकृतिको सम्मान गरौँ
दोष दिन छोडेर,
जीवन खुसीले भरौँ ।
३,
देखाएर माछाको आस
लुटे पानीको मुहान ,
बन्छन् उनै खास। - सुस्मिता अधिकारी ,काठमाडौँ
…
१,
जवानी यसरी फेरियो
कान्छी श्रीमती आउँदा
उसैलाई पो हेरियो।
२,
नेताको नाम लाले
देशको पैसा कता
खान्छ खाली भाले। - नीमा छिरिङ भोटिया, जलढका कालेबुङ
…
१,
सन्चो बिसन्चो कस्तो ?
याद आउँदैन कि !
माया मारे जस्तो ।
२,
दुनियाँ स्वार्थी रहेछ
सम्झी रुनु बेकार
बल्ल पछुताउनु परेछ ।
३,
बहाना बनायो राम्रो
सजिलै बिर्सन सक्ने
फुर्सद छैन हाम्रो । - धनमाया चौधरी, कैलाली
…
१,
नहुदाँ पनि पार
हिम्मत जुटाउँछु सधैँ
नहोस् भनेर हार ।
२,
उर्लेको देखेर छाल
डरायो माझी पनि
सम्झेर आफ्नो काल ।
३,
होस् बरु सानो
केही हुँदैन घर ,
नचुहिने होस् छानो । - अमृत कोइराला, पोखरा -१८, चंखपुर
…
१,
गाउॅंमा अज्ञानताको खाडल,
बढाउॅंछन् आयतन थपेर
मस्तिष्कमा लगाइदिन्छन् बादल। - लोकबहादुर क्षेत्री लामिछाने
…
१,
भ्वाँङ परेर पनि
दु:खीको झुप्रोमा अझै
अँध्यारै छ नि !
२,
लेखेन कहिल्यै सुखसयल
छानो च्यातिॅंदा पनि
भयो सूर्य गयल l
३,
अधुरै रहे सपना
हात फैलाओस् भने
सरकार छ थपना l - बाबुराम गौतम, गुल्मी
…
१,
मरेको छैन आस
हुनेछ एकदिन पक्कै
हाम्रो देश विकास।
२,
धर्तीको सुन्दर नेपाल
बिगार्नको लागि अहिले
नेताले गर्दैछन् जाल। - पुरुषोत्तम फुयाल, खोटाङ
…
१ ,
स्वर ठूलो गरेर
जित्न नखोज सधैँ
आँखामा धुलो छ्यापेर।
२ ,
जनता जागा हुँदैछ
कानेखुसि अब चल्दैन
समयले नेटो छुँदैछ। - हरिगोपाल न्हुच्छेँप्रधान, काभ्रे, बनेपा – १४, साँगा बजार
…
१,
शिव, शिव ! भन्दैछन्
बोकेर हातमा थाली
देवी देउता गन्दैछन् ।
२,
मायालु जोडी हेर
जल चढाउॅंदै हिॅंडेका
शिवमा विश्वास धेर । - बुद्धिमान दनुवार ( सुरुङ्गेली कान्छो ), कनकाई ४ झापा
…
१,
तिमी मेरो माया
महसुस हुन्छ तिम्रो
रहनेछौ मुटुको दायाँबायाँ।
२,
उस्तै छ चाहना
उस्तै रहेछ परिवेश
मिल्यो भेट्ने कामना ।
३,
कस्तो रैछ मुटु
तिम्रै यादमा खान्छ
भित्रैदेखि खायो कुटुकुटु। - शशीश्री आचार्य, बौद्ध कुमारीगाल काठमाडौँ
…
१,
पहिरोमा बेपत्ता भएका
उद्धारकर्मी चाहिँ यहाँ
खै कता गएका ?
२,
ठूला कुरा गर्छन्
सदनमा बसेर यिनैले
अर्थतन्त्रको भकारी भर्छन् ।
३,
छैन आफ्नो घर
भाडामा बसेर सधैं
नहुने रहेछ भर। - कला ढकाल, झापा
…
१,
पुग्यो नेतृत्वको इच्छा
पदवी भ्रष्टाचारी व्यक्तित्वको
गणतन्त्र, लोकतन्त्रको मार्गमा ।
२,
द्वन्द गरिबीको घाउमा
नुनचुक दलेर उकुच
विदेशीको चलखेल दाउमा ।
३
संस्कृति गरेर बिक्री
डलर भारूको भाउमा
लगाए गलामा सिक्री । - प्रद्युम्न चालिसे, भक्तपुर कटुञ्जे
…
१,
वर्षा याम आयो
जताततै मेघ गर्जन
कालो बादल छायो ।
२,
परिश्र गर्ने मेला
मानो रोपेर सबैले
मुरी फलाउने बेला।
३,
अब चाडपर्व लाग्यो
परिवार जम्मा हुदा
दु:ख सबै भाग्यो। - दुर्गा आचार्य, मोरङ
…
१,
खुसीमा छाउने मन्द
आउने निरका बाढीहरू
भइरहने निकट सम्बध ।
२,
नखोलौँ दिलका राज
मिठो बोलेर उल्टै,
लगाउँछन् बदनामीको ताज।
३,
पूरा नहुँदा चहाना
फक्रिनुपर्ने फूल जसरी ,
गरेर अनेकौं बहाना । - सीमा कार्की समर्पण, मेलचोक पर्सा
…
१,
गरौं राम्रो काम
समय सदुपयोग गरे
राम्रै आउँछ माम
२,
लक्ष्य पूरा गर
हाँसेर जिउनु जिन्दगी
नपर्नु कसैको भर।
३,
म सानो भए
थिए अरू तल
म माथि गए। - धनुष न्यौपाने “यात्री”, जुम्ला
…
१,
कसरी परिवर्तन आयो
शान्तिले रमाउने तिमी,
विदेशको मोह छायो ।
२,
नजानु परिवार छोडेर
कमाएर आउॅंछौ आमा,
जानेछन् सन्तान मोडेर ।
३,
सुरक्षित आफै रहन्नौ
सम्पति हुन्छ हातमा,
आफ्नो टाढिएको सहन्नौ । - पुष्पा राई, खोटाङ
…
१,
बुढो विदेश गयो
बुढी बजार झरी
छोरा बबुरो भयो ।
२,
खाताबाट रकमले मस्ती
नखाएर आयो पैसा
दु:ख बिर्सी अस्ति ।
३,
बुढो घरमा आउॅंदा
बुढी पैसा गायब
घरको खबर पाउॅंदा । - हिरालाल न्यौपाने
…
१,
तिजको गीत आएको
चेलीबेटीको व्यथा छैन
कस्तो गीत गाएको ।
२,
गाएको भन्छन् गीत
सुन्न हेर्न अफ्ठ्यारो
आज घर परिवारसित।
३,
भाइरल बन्न भनी
छाडा शव्दको प्रयोग
मौलिकता हरायो अनि । - रुना कर्माचार्य दाहाल, चितवन
…
१,
आकाशमा उड्यो कालो
घनघोर बर्सात होला
बादलले ढाक्यो उज्यालो ।
२,
श्रावण जान लाग्यो
शीतल हावा चलेको
रिमझिम वर्षा भाग्यो ।
३,
चाडबाड सुन्दर हुने
संस्कार विकृतिबिनाको मनाऔॅं
पर्व मनै छुने । - भगवती दवाडी, झापा
…
१,
फरक छ भाउमा
फूलले बलि चढ्नुपर्छ
मन्दिरको पत्थरको पाउमा ।
२,
बलेकै आगो ताप्छन्
फेरि चाहियो भनेदेखि
कसले हात थाप्छन् ?
३,
जाने बेलामा सम्झनू
मेरो अनन्त प्रेम
ईश्वरलाई मात्र कहनू । - श्रीकृष्ण शर्मा पोखरा –५, मालेपाटन
…
१,
कति खेल्छौ खेल ?
जनताको आँखा छली
गर्छौ अति झेल ।
२,
विकासको छैन गति
स्वार्थन्धता अति भयो
सुध्रिएन तिम्रो मति ।
३,
स्वच्छन्दता त्याग्ने गर
दुष्कर्ममा लाग्यौ भने
जनतादेखि होऊला पर । - जयनारायण नेपाल, इलाम, (हाल सूर्यविनायक २, बालकोट, भक्तपुर)
…
१,
संस्कृति तोडमोड गरेर
उत्ताउलो संस्कार बन्यो
मौलिकतामा विकृतिले टेकेर ।
२,
फेसन कति भड्किलो
उत्पादनमाभन्दा त धेरै,
केही छैन गहकिलो ।
३,
घमण्डले मान्दैन अर्ती
परिष्कृत हुँदै गयो ,
भासिनेछ हाम्रो धर्ती । - मनोहरी पौडेल, गैडाकोट २
…
१,
समाजले एक्लो बनाउँदा
मन बुझाउनु कसरी ?
आफ्नैको तिरस्कार पाउँदा ।
२,
गर्छ कयौँ सङ्घर्ष
खोली जस्तो जीवन
आँधी भेलको स्पर्श। - नन्दा धामी, नौगाड दार्चुला
::::::::जय झिल्का साहित्य ! ::::::::::
Ny weekly I truly appreciate your technique of writing a blog. I added it to my bookmark site list and will