साप्ताहिक झिल्का लेखन अभ्यास शृङ्खला- २६ सम्पन्न

साप्ताहिक झिल्का लेखन अभ्यासको २६ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ५७ जना झिल्काकारहरूको सहभागीता रहेकोे थियोे ।

झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।

शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।

झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्‍याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।

झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।

साप्ताहिक झिल्का लेखन अभ्यास शृङ्खला- २६ मा सहभागी झिल्काकारहरूका सुन्दर झिल्काहरू-

………
१,
बाढी, पहिरोको जोखिम
दैनन्दिन बढ्यो जताततै
जमाना बन्यो कृत्रिम ।
२,
वृक्षारोपणमा जोड दिऔॅं
बन्छ वातावरण हराभरा
स्वच्छ अक्सिजन लिऔॅं ।
३,
समात्छ जराले माटो
तब भूक्षय रोकिन्छ,
दीर्घायुको सुन्दर बाटो ।

• म्यामराज राई, भोजपुर
  …
  १//
  बाढी, पहिरोको त्रास
  निर्मम बन्यो प्रकृति
  दैनिक छिन्दैछ सास !
  २//
  गल्ती गर्‍यौँ जानाजानी
  सुतेको बाघ चलाएर
  किन सहन्थ्यो छेडखानी ?
  ३//
  गर्दा जङ्गलको विनाश
  निम्तियो हेर विपत्ति
  पाइलैपिच्छे छ त्रास !
• वसन्त अनुभव
  घोराही, दाङ
  …
  १,
  गन्तव्य ताकेको बस
  सुनेँ त्रिशुलीले डुबायो
  कसलाई दिऊॅं अपजस ?
• सुनगाभा पोखरेल, हाल : नेपालगन्ज
  …
  १
  गतिविधिले हैरान जनायो
  बर्षा भेलबाढी प्रकृतिप्रकोप
  कतिपयलाई बिजोग बनायो ।
  २
  कतै दुर्घटना बसको
  बाढी पहिरो बर्षाद
  दैवीप्रकोप हो कस्तो ।
• गुणनिधि घिमिरे अमेरिका
  …
  १.
  बाढी पहिरोको भय
  निर्मम बनाउॅंदा प्रकृतिलाई
  कसको होला जय?
  २.
  जङ्गलको विनाश गर्दा
  थाहा हुँदैछ सबैलाई
  पानी नपाई मर्दा।
  ३.
  लगाई बिरुवा डाँडापखेरामा
  स्वच्छ अक्सिजन पाएर
  अझै बाँच्छिन् हजुरआमा।
• अर्जुन प्रसाद चौलागाई
  रामेछापः-सुनापति-१ (हालः-अमेरिका,बोस्टन)
  …
  १//
  बाढीले ज्यान लग्यो
  सरकारको ध्यान नपुगेर
  कति नदीमा बग्यो ।
  २//
  बाढी पहिरोमा परेर
  देशको हालत यस्तो
  जानुपर्ने अकालमा मरेर ।
  ३//
  पहिरोले किचेर मरे
  अझै थाहा छैन
  त्यहाँ कति परे ।
• लक्ष्मण देउवा डोटी
  हाल भारत चेन्नई
  …
  १//
  गन्ती छैन मर्नेको
  अब यकिन हुनुपर्‍यो
  बाढी पहिरोमा पर्नेको ।
  २//
  सबैले वृक्षारोपण गरौँ
  आफू बस्ने वरिपरि
  सब हरियालीले भरौँ ।
  ३//
  अकालमा मर्नु पर्दैन
  आफ्नो सुरक्षा गरौँ
  कसैले केही गर्दैन ।
• ललिता गिरी सिन्धुली
  हाल काठमाडौं नेपाल
  …
  १
  उत्खनन् हुन्छ मनपरी
  जान्छ पहिरो सधैँ
  मर्छन् निर्दोष सधैँभरि।
  २
  असार सहुने झरी
  लाग्छ देश विदेश
  बसौँ सफर नगरी।
  २
  बन्छन् बिग्रिन्छ सरकार
  वर्षे झरी जस्तो
  चलेछ नेताको व्यापार।
• सुरेशकुमार पाण्डे दाङ घोराही १८
  …
  १
  परेन भन्थ्यौँ पानी
  पर्‍यो घनघोरले दर्केर
  असन्तोष मान्छेको बानी।
  २
  तनहुँ रम्घामा जन्मिए
  पाए घाँसिबाट शिक्षा
  भानुभक्तका कृतिहरू अन्मिए।
  ३
  रामायणको लेखनमा छवि
  नेपालीमा अनुवाद गरेर
  भए भानुभक्त आदिकवि ।
• चुडामणी देबकोटा
  पुरानोनैकाप काठमाण्डौ
  …
  (१)
  रामायणले जोडेको घर
  आज जोगाई नराखे
  हराई जाने डर।
  (२)
  श्लोक भानुको पढ्नु
  भानु जस्तै मनमा
  घाँसीको अर्ती गढ्नु।
  (३)
  गर्न जानिएन व्यापार
  लुकामारी खेल्दै बस्यो
  लक्ष्मी र साहित्यकार।
• दिवाकर चाम्लिङ्ग राई
  खर्साङ्ग, दार्जीलिङ।
  …
  १)
  सुहाउँदैन कुबेलाको राग
  दर्शक न स्रोताको
  भइन्छ कुहेको साग ।
  २)
  स्याल शहर पस्यो
  कुखुरा कतै भेटेन
  आफैँ नालीमा फस्यो।
  ३)
  सरकार बन्यो पिनास
  जनताको टाउको दुखाइ
  बाढी, पैरोको विनाश ।
• ऋजु दिल्पाली ईटहरी १ सुनसरी
  …
  १,
  लाग्छ तिमीलाई पहिरो
  सारा परिवार पुरेको
  चोट छ गहिरो ।
  २,
  मनले खै मान्दैन
  कसैमाथि दुःख नपरोस्
  विपदले खै जान्दैन ।
  ३,
  साथी यस्तो भैदियोस्
  हरेक दुःख सुखमा
  सधैँ सधैँ सम्झिरहोस् ।
• दीप गोले तामाङ
  चन्द्रपुर-१, पौराई ,रौतहट
  …
  १.
  बाटोघाटोको भयो नाश
  आयो जताततै पहिरो
  मान्छेको मनभित्र त्रास।
  २.
  पुरानो सरकार ढल्यो
  नयाँ समीकरण बन्छ
  मन्त्रीको हल्ला चल्यो।
  ३.
  मन्त्रालय राम्रो खोज्दछन्
  मौका हमेशा नआउने
  मालदार ठाउँ रोज्दछन्
• नवराज भट्ट
  कञ्चनपुर
  …
  १
  नदीमा उर्लेर जल
  गाउँघर दुनियाँ सारा
  आखिर पीडाको फल !
  २
  यो कस्तो समय
  प्रकोप निम्त्याएर उसले
  किन गरायो क्षय ?
  ३
  भुलेर सारा कर्म
  कलियुगे मानिस तिमी
  देखिएन कुनै धर्म !
• आर्त अकुलीन
  …
  १,
  सत्ताको लागि लुछाचुँडी
  कसको पर्ने पासामा
  अघाउने भो भुँडी।
  २,
  विपद्ले मरेको हेरेन
  पक्ष विपक्षमा सरकार
  जनताले भनेको टेरेन।
• एवाइ प्रभात
  सहिदभुमि धनकुटा
  …
  १,
  सबैको मनमा त्रास
  झरीले छिनभरमै ल्याएँ
  एकपटकमा लियो सास।
  २,
  कति परेको पानी
  चारैतिरबाट भयो कालो
  कस्तो छ बानी।
• नीमा छिरिङ भोटिया
  जलढका कालेबुङ, भारत
  …
  १.
  साहित्य आकाशको रवि
  तनहुँमा जन्म लिए
  भानुभक्त हाम्रा आदिकवि।
  २.
  सुनेर घाँसीको नालीबेली
  जन जनमा पुर्याए
  सरल रामायण ठेली।
• बिके मुखिया
  दार्जीलिङ,भारत।
  …
  १,
  पूजा गरौँ मनको
  सद्भावको एकता ल्याउने
  सभ्यता हो नेपालीपनको ।
• प्रेम थापा “मन”बागलुङ
  …
  १,
  पानीले हैरान बनायो
  जताततै भेलबाढी पसेर
  खतराको सङ्केत जनायो ।
  २,
  बाटो जताततै खनाए
  दिर्घकालिन केही नसोची
  पहिरो जाने बनाए।
  ३,
  उर्लिएर आएको भेल
  सदनभित्र भन्छन् भन्नलाई
  भइरहेछ सत्ताको खेल ।
• कला ढकाल झापा
  …
  १//
  बाढी पहिरोले सतायो
  घोर वर्षातको समयमा
  ज्यान जोखिममा बतायो!
  २//
  रुने चाहिँ स्याल
  सिकार चितुवाको मुखमा
  जिन्दगी पारेर च्यालब्याल!
  ३//
  सुनमा घुन लागेछ
  भ्रष्टाचारी फैलेर जताततै
  जोस जाँगर भागेछ!
• अच्युत घिमिरे, सर्पाङ, भुटान
  …
  १,
  वर्षामा नदी गहिरो
  बिचार गरेर हिँड्नु
  जताततै छ पहिरो
  —- नागेन्द्रप्रसाद यादव
  …
  १.
  बाढी आएर त्रास
  प्रकृतिला्ई सलाम गरी
  यसैमा खोजौँ आस ।
  २.
  लगाउँछ सरकार कर
  बाढी, पहिरो आई
  बगाओस्, राखोस् घर ।
  ३.
  बिहे गर्दै भोज
  असार, साउने झरीमा
  सङ्कटमै गर मोज ।
• नन्दलाल आचार्य
  सिद्धार्थटोल, उदयपुर
  हाल- एनेलकुटी, सिरहा ।
  …
  १.
  कतै बाढी पहिरो
  प्राकृतिक प्रकोपले अचेल
  चोट पुर्‍यायो गहिरो ।
  २.
  अब मास्नभन्दा बढी
  बिरुवा रोप्ने गरौँ
  काममा नभएर घटी ।
  ३.
  जन धनको नास
  खबर सुन्दापनि साथी
  मनमा डर त्रास।
• पृथक प्रकृति
  …
  १.
  नेपालको साहित्य आकाशमा
  भानुभक्तले गरेको योगदान
  महत्त्वपूर्ण छ खासमा ।
  २.
  नेपाली भाषाको क्षेत्रमा
  एकताको प्रारूप खडा
  गरे नेपालीजनको नेत्रमा ।
  ३.
  देश जनतालाई जोड्ने
  राम्रो माध्यम साहित्यतर्फ
  ध्यान सबैको मोड्ने ।
• डिल्लीराज (राजेन्द्र) भुसाल
  सन्धिखर्क-२, कुर, अर्घाखाँची
  …
  १.
  फुलेका छन् फूलबारी
  बारीसँगै छ मनमा ,
  आयो सधैँ जिम्मेवारी ।
  २.
  भेटिन्छ मायाको खानी
  आउनुहोस् तिमी छिटै ,
  कहाँ छौ नानी ?
  ३.
  हार जितेको खेल
  तनाव बनायो मानवलाई,
  बाढी पहिरोको भेल।
• श्रीकृष्ण धामी – बझाङ
  …
  १/
  जङ्गल विनाश नगरौँ
  बर्खा बिपत्ति निम्त्याउँछ
  मनमा ध्यान भरौँ ।
  २/
  नदीनाला बढेर आयो
  बाढी पहिरोमा जनधनको
  क्षति मृत्युले धायो
• बेदु न्यौपाने
  …
  १
  असल साहित्यका छवि
  नेपालका महान सपुत
  हुन् भानुभक्त आदिकवि ।
  २
  अफ्नो क्षमतामा टिक्नुपर्छ
  भानुभक्त आचर्य बाट
  केही हामीले सिक्नुपर्छ ।
  ३
  धेरै गरे प्रचार
  ठूलो योगदान दिएर
  भानुभक्त बने साहित्यकार ।
• अनिता भण्डारी ताप्लेजुङ
  …
  १//
  आत्तिएको सम्झना पल
  महिमा गाउँमा सदा
  पहिरो वर्षा जल
  २//
  आँखाको नानी अल्मलियो
  चारैतिर विनाशै विनाश
  वर्षाको पीडा बल्झियो ।
  ३//
  सङ्घर्षमा पौडनु पर्ने
  दुःखै दुःखमा हराए
  सुखको खोजीमा झर्ने ।
• अम्बिका अधिकारी, झापा बिर्तामोड
  …
  १:
  जिन्दगी बनाउन गाह्रो
  बगाउने ठेगान छैन,
  वर्षामा नेपालीलाई साह्रो।
  २:
  घुमेर आउने कालमा,
  सुध्रेन स्थिति हाम्रो ,
  फसियो कुटनैतिक चालमा।
  ३:
  नेपाल धर्तीको स्वर्ग ,
  बनाए अख्तियार पाउनेले ,
  झगडै झगडाको नर्क।
• मनोहरी पौडेल
  गैडाकोट १
  …
  १
  सरकार ढल्यो फेरि
  बनाउँछन् नयाँ सरकार
  आलोपालो मौका हेरी ।
  २
  गाउँ विपत्तिमा परेको
  सरकारलाई मतलब छैन
  अकालमा जनता मरेको ।
• राज कुमार राजभण्डारी खाेटाङ्गे
  मध्यपुर ठिमी ५संगम काेलाेनी राधे राधे।
  …
  १,
  छायाँमा हरायो जीवन
  सिंहदरबारमा बसि नेता
  कर्णालीको काट्छन् रिबन ।
• रबि पौडेल ,दक्षिण भारत पाण्डेचरी
  …
  १.
  आउँछ बाढी पहिरो
  ज्यान जोखिममा पर्दा
  पिर पर्यो गहिरो।
  २.
  हुँदैन विपतको भर
  मरिन्छ भनेर सबैको
  मनमा भयो डर।
  ३.
  आउँछ उर्लेर खोला
  रमाउने ठाउँ छैन
  मरी जाने चोला।
• काजल न्यापाने, भोजपुर
  …
  १.
  बाटो पहिरोलाई ठिक्क
  छिन्छिनमा सरकार फेर्दा
  जनतालाई सार्है दिक्क ।
  २.
  नेताहरूको यहाँ चुरिफुरी
  छोटेराजा पाल्दा भयो
  जनताको सम्पत्ति सिरिखुरि ।
  ३.
  पुरानो सरकार ढल्यो
  मन्त्री बन्नेको होडबाजी
  आपसमै विवाद चल्यो ।
• दुर्गा भट्टराई
  मोरङ
  …
  १.
  बाउसे रोपार आएका
  सम्म्याउँदै रोप्दै रमाउँदै
  असारे भाका गाएका ।
  २.
  बाढी पहिरो जताततै
  गाउँ शहर आकुलव्याकुल
  सुखशान्ति छैन कतै ।
  ३.
  विपत्ति आउँछ बर्सातमा
  पूर्वतयारी व्यवस्थापन नभए
  होसियार हुनु दिनरातमा ।
• कृष्णकुमार वैद्य
  बनेपा ९, काभ्रे
  …
  १,
  नहिड्नु हजुर जथाभावी
  नगर्नु यात्रा टाढाको
  बर्सात नबनोस् हावि
• शशीश्री आचार्य
  बौद्ध कुमारीगाल काठमाडौं
  …
  १ ,
  बाढीले बस्ती बगायो
  तमासे नबनौँ आसेपासे
  दैवले अती रुवायो ।
  २ ,
  भाग्यको खेल भनौँ
  ठुलो चोट दिलायो
  प्रकृती झेली हौ ।
• हरिगोपाल न्हुच्छेँप्रधान, काभ्रे, बनेपा १४ साँगा बजार
  …
  १,
  भानुभक्त नेपालका आदिकवि
  संस्कृतको अनुवाद गरेर
  रामायणमा छोडेका छवि
• भगवती दवाडी ,झापा
  …
  १,
  आउ बर्सातको झरी
  लैजाउ बढारेर सबै
  विकृति विसङ्गतिको परी ।
• ताराप्रसाद चापागाईँ
  …
  १.
  डुबानमा छ बस्ती
  यस्तै यस्तै समाचार
  आज,हिजो, अस्ति!
  २.
  धेरै घर जोखिममा
  बाढी, पहिरोले गर्दा
  जीवन भो कठिनमा!
• साबित्री प्याकुरेल,धादिङ्
  …
  १)
  थामिएको छैन् पानी
  मधेस तराई पहाड़
  जताततै पुर्यायो हानी।
  २)
  प्रकृतिसँग खेलाँची गरे
  प्राकृतिक प्रकोपको मारमा
  आज धेरैजसो परे ।
  ३)
  संरक्षणको कुरा छैन
  अब प्रकृति रिसायो
  मनाएर हुने हैन।
• अरुण कुमार भुजेल
  गोरूबथान,कालेबुङ,भारत।
  …
  १,
  कस्तो विपत्ति आयो।
  लिएर यात्रुको ज्यान
  परिवारमा रुवाबासी छायो।।
• वेल थोकर
  …
  १,
  कारागारमा बसी कुनामा
  रामायण अनुवादमा पोख्त
  भानु परेथे थुनामा ।
  २,
  घाँसीको जस्तो मन
  इनार खन्ने जमर्कोले
  उँभो लागेन जन ।
  ३,
  परिचायकविना श्रष्टा अधुरो
  मोतिराम नभएको भए
  भानुको जीवनी मधुरो
• मोती योन्जन सुब्बा, दार्जिलिङ निमकी डाँडा
  …
  १,
  बाढी पहिरो थामियोस्
  जनधनको होओस् सुरक्षा
  आफ्नो पारामा बाँचियोस् ।
  २,
  भगवान्सँग गरिन्छ कामना
  हामी सबैको होस्
  सुख शान्त भावना ।
  ३,
  साक्षी राखेर भगवान्
  दैव भरोसा वर्षाको
  बनेर आफैँ बलवान् ।
• मनुहाङ किराँती साेलु (युमन खालिङ)
  साेलुखुम्बु ,महाकुलुङ ५ चाचालुङ
  …
  क/
  उभ्याएर भाषाको आधारशीला
  साहित्यको उत्थान गर्दागर्दै
  सकियो भानुको इहलीला l
  ख/
  नेपाली भाषाका संस्थापक
  बनेर भानुभक्त आचार्यले
  पारे साहित्यलाई चकाचक l
  ग/
  पोखेर अन्तर्मनको भावना
  मनाऊँ भानु जयन्ती
  अर्पिदै सम्पूर्णमा शुभकामना l
• बाबुराम गौतम, गुल्मी
  …
  १
  रुँदै गयो अस्ति
  हेर्नुस् अर्को आएको
  गर्न फेरि मस्ती ।
  २
  जनताको चुल्हो बलेन
  भाउबेसाहा भयो अचकाली
  निर्दयी सरकार गलेन ।
  ३
  नाटकका पात्र फेरिएको
  जनतालाई ऋण बोकाएर
  स्वार्थकामा सत्तामा बेरिएको ।
• प्रद्युम्न चालिसे, भक्तपुर कटुञ्जे
  …
  १,
  आयो असाध्यै पानी
  खेत तिर्खाएको हुनाले
  मान्न थालेँ रानी ।
• लक्ष्मी रिजाल, रुपनगर, सप्तरी
  …
  १
  साहित्यमा दियो बालेर
  मौलिकता आए बोक्दै
  शब्दात्मक विभेद फालेर।
  २
  साहित्यमा बनेर आसा
  रामायण नेपालीमा लेख्दै
  अमर बनाए भाषा।
• सङ्गीता खरेल
  चन्द्रागिरी ८ काठमाडौं
  …
  १,
  ढल्यो सरकार हेर
  भ्रष्टाचारी पक्राउ नगर्दै
  नयाँ मन्त्रीमण्डल फेर ।
  २,
  कालो चस्मा लाउनेले
  नक्कल पार्दै हेर्दैछिन्
  पछि पछि आउनेले ।
• बुद्धिमान दनुवार ( सुरुङ्गेली कान्छो )
  कनकाई ४ झापा
  …
  १
  उर्लियो वर्षादको भेल
  यात्रा कठिन भो
  निश्चित गन्तव्यमा नपुगुन्जेल,
• भुपेन्द्र राना मगर
  धादिङ
  …
  १.
  कस्तो समय आयो
  लगाएको बाली जति
  बाढी पहिरोले खायो ।
  २.
  नेपाल कृषिप्रधान देश
  बाँझो खेतबारी खनौँ
  हुन्छ राम्रो परिवेश ।
  ३.
  मिलिजुली वृक्षारोपण गरौँ
  बाढी पहिरो जान्न
  सबै लागि परौँ ।
• अनिता कार्की
  पाँचथर
  …
  १.
  रेल चल्छ सहरमा
  बाटो बनेन गाउँमा
  जीवन बित्छ कहरमा ।
  २.
  सुरक्षित छैन बाटो
  गन्तव्यमा पुग्नै गाह्रो
  बगाएर लग्यो माटो‌।
  ३
  बाढीपहिरो पीडितको नाममा
  सङ्कलन गर्छन् राहत
  गर्दैनन् सदुपयोग काममा ।
• पद्मा काश्यप पाण्डे, मोरङ
  …
  १,
  भयो मन सानो
  धनी भए म
  ठुलो घरको छानो।
• धनुष न्यौपाने “यात्री”, जुम्ला
  …
  १,
  चम्काउॅंछ संसारलाई रवि
  साहित्य क्षेत्र चम्काउनु
  जस्तै बनेर आदिकवि।
• रमेस प्रसाद पन्त
  पाटन बैतडी
  …
  १,
  हुनुपर्छ आत्मा पवित्र
  सम्बन्ध अमर बनाऊ
  दिगो हुन्छ मित्र ।
  २,
  बिम्बले याद गराउँछ
  पल्टाउॅंदा स्मृतिका पाना ,
  आँखामा अश्रु आउँछ ।
  ३,
  छलमा हुन्छ चोरी
  कहिल्यै पनि टुक्रॅंदैन
  मनले गाँसेको डोरी ।
• सीमा कार्की समर्पण
  मेलचोक पर्सा
  …
  १)
  प्रकृतिको खेल यस्तै
  कसलाई गुहारूँ अब
  झरिबर्सा पीडा प्रशस्तै ।
  २)
  बोली र वचन
  मात्र हुन मलम
  सम्झेर त्यो बचपन ।
  ३)
  आशा, भरोसा सकिन्छ
  जब मनको दीपमा
  बाढी, पहिरो ओर्लिन्छ ।
• ईश्वर साउद (भिक्षु)
  रामारोशन गाउँपालिका ६ सुदुरपश्चिम अछाम
  …
  १
  गाँउका घरमै बाटो
  नसोची पहाड खनेर ,
  कमजोर बन्यो माटो।
  २
  वृक्ष काट्न जान्दछन्
  रोपणमा बिरलै ध्यान ,
  गल्ति कहिले मान्दछन्।
  ३
  झस्काउन आउँछ पहिरो
  हुन्छ अनगिन्ती क्षति ,
  सरकारमा पदकै धुइरो।
• सुस्मिता अधिकारी ,काठमाडौँ
  …
  १,
  नहुनु खुसी आएकोमा
  चङ्गुलभित्रै सबै हामी
  बिस्मात नराख गएकोमा ।
  २,
  प्रेमिका हुनेछन् पुरानै
  पकाई पोली खानेछन्
  भान्सा पाक्छ गफै ।
  ३,
  जब तख्ता पल्टिँदैन
  विश्वास राखेका जनताले
  नेपालीको दु:ख सल्टिँदैन
• रामप्रसाद पुरी, बादेल, खोटाङ
  ::::::::जय झिल्का साहित्य ! ::::::::::