साप्ताहिक झिल्का लेखन अभ्यासको २४ औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६४ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।
शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।
झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर समेत हुनुहुँदैन ।
साप्ताहिक झिल्का लेखन अभ्यास शृङ्खला- २४ मा सहभागी झिल्काकारहरूका सुन्दर झिल्काहरू-
—++—
…
१,
उडेर जान्छ मन
झन् सम्हाल्न खोज्छु
रफ्तारमा दौडन्छ धड्कन ।
२,
खेतबारीमा खेल्ने याम
फुरुङ्ग हुन्छन् किसानहरू
सोच्छन् नअस्ताओस् घाम ।
३,
सफाचट भयो धानसार
मुसोको चल्यो रुवाबासी
भरिएपछि भइन्छ होसियार ।
- म्यामराज राई
…
१,
फूलहरू छ फुलाउनु
बाटिका हेरचाह गरी
पुतलीहरू छ डुलाउनु।
२,
ज्ञानको आँखा खोलौँ
विचार गरेर अब
सत्य कुरा बोलौँ ।
३,
त्यो आफ्नो आफन्तभन्दा
राष्ट्रको सेवा गरौँ
उठाएर नेपाली झन्डा । - दीप गोले तामाङ, चन्द्रपुर -१, रौतहट
…
१,
उड्न खोज्दा मन
सम्हालेर नसकिने हुँदा
फेरि भइन्छ रनबन।
२,
असार मासको बेला
जाऔँ मेलापात गर्न
अरूको नपरौँ फेला।
३,
खाली हुँदा दिमाग
सोच्ने कुरा नहुँदा
चल्छ यसैको राग। - अर्जुन प्रसाद चौलागाई, रामेछापः-सुनापति-१
हालः-अमेरिका,बोस्टन।
…
१,
डाँफे उफ्रॅंदै नाच्दैछ
पाखा पखेरा रमाई
हिमाल मुसुक्क हाँस्दैछ ।
२,
चन्द्रमा छुने चाहना
किसानले धान रोप्छन्
असार पन्ध्रको कामना ।
३,
दहि चिउरा खान
असार पन्ध्र नपर्खौँ
हतार खेताला जान ! - अम्बिका अधिकारी, झापा बिर्तामोड
…
१,
असार पन्ध्र आयो
किसान खेतमा पुगे
खोला पनि करायो।
२,
नेताले गमलामा लगाए
मालामाल देश भयो
उद्घाटमा दियो जलाए।
३,
युवा विदेशी भए
भयो नेताको मोज
रेमिटेन्सको गुन गाए। - सुरेशकुमार पाण्डे
…
१,
धान रोप्दै रमाऔँ
दही चिउरा खाएर
असार पन्ध्र मनाऔँ ।
२,
असारे गित गाउँदै
रोपौँ धान साथी
हिलो खेल्दै रमाउॅंदै । - अनिता भण्डारी ताप्लेजुङ
…
१,
किसान गर्छन् कर्म
मानोबाट मुरी साट्छन्
सरकार देखाउॅंदैन धर्म ।
२,
बुद्धि विदेश गयो
शान्ति बेपत्ता भई
विवेक पागल भयो !
३,
गर्छन् नक्कली भाषण
कृषिप्रधान देश हाम्रो
खान्छन् विदेशी राशन । - ऋजु दिल्पाली, इटहरी १ सुनसरी
…
१,
रोपेर गमलामा धान
मङ्सिरमा बाली भित्रिने
मन्त्रीज्यूको हुने सम्मान !
२,
मलखाद अब नचाहिने
न सिॅंचाईको पीर
गाली पनि नपाइने !
३,
अरूले पनि सिकून्
हामीबाट यस्तो प्रविधि
श्रमिकहरू विश्वभर बिकून् ! - सुरेश कार्की
…
१,
धानको खेती हिलोमा
खाएर दही, चिउरा
असार पन्ध्र बिलोमा ।
२,
धानका बाला झुलाऊ
सुनका माला गलामा
झपक्क पारी खुलाऊ। - विवश पारदर्शी, झापा
…
१,
दुख आउॅंछ सहनुपर्छ
मनमा संकोच नराखौँ
रहस्य परिवारमा बहनुपर्छ ।
२,
अरूलाई हेपेर नबोलौँ
समय एकनास हुँदैन
पराईको इतिश्री नखोलौँ। - चुडामणी देबकोटा, पुरानो नैकाप काठमाण्डौ
…
१,
आयो फ़ेरि असार ,
हाम्रो सरकार अझै
पर्दैछ जताततै लम्पसार !
२,
अनुदानको चिउरा खाएर,
म हात्ती बनेको
घटाउॅंदैछु पहाड धाएर। - दीपा समभाव, खोताङ्ग
…
१,
सत्यको बाटो रोजी
हिॅंड्दैछु पाइला चालेर
अनन्त जीवन खोजी ।
२,
जिऔॅं जीवन हाँसेर
मरिलानु छ के
नराखौँ अब साँचेर ।
३,
सही हाँसो ल्याउँछु
भए मनमा चोट
सत्यकै बाटो खनाउँछु। - अनुग्रह राना मगर ‘पुष्प’, पाँचखपन नपा – ६ सङ्खुवासभा।
…
१,
पवन वर्षा हेर
असारे महिना भन्दै
प्रकृति देन फेर!
२,
किसान खेतमा आए
छरिए अनगिन्ती हेर
असारे गीत गाए! - धनुष न्यौपाने” यात्री”, जुम्ला
…
१,
आयो असार फेरि
दही चिउराको संस्कार
सबै गाउँ हेरी ।
२,
गैरी खेतमा जाऔॅं
नौटङ्की धेरै भयो
धान रोपेर आऔॅं ।
३,
गमलामा रोपेर धान
भतुवा सरकार तिमी
जनताले गर्नुपर्ने मान। - एवाइ प्रभात, सहिदभुमि धनकुटा
…
१,
झरी नझर यसरी
कतै तिमीसँग बसेको
रुन्छ मन जसरी।
२,
खेतमा तिमी आऊँ
झरी कस्तो आयो
असारे न्वागी खाऊँ। - नीमा छिरिङ भोटिया, जलढका कालेबुङ
…
१,
यादहरूलाई निषेध भनिदिए
तर मन निसासियो
बेहोसिन रक्सी पिए ।
२,
घुम्दै हिॅंड्छु भौँतारी
फेरि भेटिने आशामा
देउराली अनि चौतारी ।
३,
सम्बन्धमा विष भरेछ
तिम्रो झुटले यहाँ
मेरो विश्वास मरेछ । - दिवाकर चाम्लिङ्ग राई, खर्साङ्ग, दार्जीलिङ
…
१ ,
भयो वर्षा झर्झर
मनसुनको रमाइलो बेला
लागौँ मेलामा सरासर।
२ ,
रोपौँ धान खलिहानमा
असारको रमाइलो बेला
नगरौँ अबेला काममा। - हरिगोपाल न्हुच्छेँप्रधान, काभ्रे, बनेपा १४ साँगा बजार
…
१,
गोठमा छैन भैँसी
दहि च्युरा नभन
दिन नहेर जैसी ।
२,
लाग्थ्यो वर्षा पहिले
खेतबारी बाँझो राखी
विदेशिए सबै अहिले ।
३,
डेरीमा छैन दही
चिउरा आउँछ विदेशबाट
सिस्नो खानु सही । - हिरालाल न्यौपाने ,बानपा ८, काेटमाैला सल्यान
…
१,
सबैले मेहेनत गरौँ
नराखौ बाझो खेत
धानको बीउ छरौँ ।
२,
असार पन्ध्रको दिन
किसानको गफमा सबै
रमाऔँ हामी एकैछिन।
३,
गाउॅंदै असारे भाका
कति खुसी हुन्छन्
हाम्रा प्यारा काका। - काजल न्यौपाने, भोजपुर
…
१,
मानो रोपेर मुरी
असारको महिमा अपार
आउने वर्षासँगै हुरी ।
२,
कृषिको राखौँ गरिमा
नयाँ जोश जगाऔँ
वर्षा प्रभु महिमा ।
३,
बाँझा खेत धेरै
गाउँ शून्य आज
यहाँ काम नपाएरै । । - कार्की डिबी माकुम, सुनवल -४, नवलपरासी
…
१,
धान दिवस मनाऔॅं
कृषिको विकास गर्न
आवश्यक कदम चलाऔॅं ।
२,
पुर्याऔॅंसमयमै मल
सिॅंचाई सुविधा पाएमा
बढ्थ्यो किसानमा बल।
३,
नरहोस् खेत बाँझो
दहि चिउरा खाउँला
मिलाई चाँजो पाँजो। - सुस्मिता अधिकारी ,काठमाडौँ
…
१,
धान दिवस आयो
पकाउने फुर्सद छैन
दही चिउरा खायो।
२,
मकै छोडाएर भुटे
मुरुक मुरुक चपाउँदै
किसान रोपाइँमा जुटे।
३,
एकार्काको हात समाउँदै
मायाप्रीतिको भाव साट्छन्
हिलो खेलेर रमाउँदै। - अरुण कुमार भुजेल, गोरूबथान,कालेबुङ,भारत
…
१,
असारे गीतको भाकामा
किसानहरू रमाउॅंदै छन्
धान रोप्दै पाखामा।
२,
गमलामा धान रोपेर
धान दिवस मनाउदै
सल्ले मुख छोपेर।। - वेल थोकर तामाङ, बकैया_८//बस्तिपुर// मकवानपुर
…
१,
आएन असारमा पानी
भयो खेती चौपट
सबैलाई गर्यो हानी ।
२,
धान दिवस किन
चिन किसान राम्ररी
आए नराम्रो दिन ।
३,
पन्ध्र गते असार
गरेन हतार वर्षाले
हुँदैन अन्नको पसार । - डिल्लीराज (राजेन्द्र) भुसाल, सन्धिखर्क-२, कुर, अर्घाखाँची
…
१,
रोपेर खेतभरि धान
गुजारा हुन्छ गरिबको
सबैले समस्या जान।
२,
दही चिउरा मिठो
जानुपर्छ गर्नलाई काम
वर्षभरि पुर्याउन पिठो । - सुनगाभा पोखरेल
…
१,
पानी पनि हरायो
आकाशतिर हेर्दाहेर्दै हजुर
पेटमा मुसा करायो ।
२,
मानो, मुरी, पाथी
जे जति छन्
सबैलाई बनाउँछु साथी । - नन्दलाल आचार्य, बेलका-२, उदयपुर
…
१,
विद्यालय, लेख्ने भावी,
भाग्य देशको निधारमा
हुनुपर्छ गुणस्तरीयता हावी।
२,
निष्पक्षताको न्यायिक भट्टीमा ,
राखेर छान्नुपर्छ विधाता ,
फोहोर , फाल्नुपर्छ टट्टीमा।
३,
बन्छन् सन्चालक उनै
चाकडलाई असल मान्नेहरू
छैनन् , विद्यालयमा कुनै । - लोक वहादुरछेत्री लामिछाने, मोदी गा पा २ देउपुर,पर्वत
…
१,
किसानले गरे काम
जीवन समर्पण गर्दै
बनाएर खेती जाम ।
२,
प्रफुल्ल मुद्रामा किसान
असार पन्ध्र मनाउदै
प्रकृतिको गरेर गुणगान ।
३,
धान रोपाइ सुरु
खेतीको काम हुँदैछ
अचेल साथी खुरुखुरु । - पृथक प्रकृति ,झापा
…
१,
नराखौँ खेत बाँझो
समयमा मिलाउनु मलजल
विजन पानीको चाँजो ।
२,
धान दिवसको मौकामा
दही चिउरा खाउँला
नबसौँ चुल्हो चौकामा ।
३,
सिमसिम पानी पर्दैछ
हली कोदाली बोकी
गैह्री खेतमा झर्दैछ । - मोती सुब्बा दार्जिलिङ निमकी डाँडा
…
१,
आज भ्याउँदिन आउन
तिमीलाई भेट्न सानू
जान्छु पर्म लाउन।
२,
व्यस्तताले हुन्न भेट
रोप्न धान, कोदो
बन्द नेट, इन्टरनेट। - साबित्री प्याकुरेल, धादिङ्
…
१,
धान दिवस मनाए
पत्रकार सम्मेलन गरेर
फेसबुकमा जानकारी गराए।
२,
हिलो नभनी मनाइन्छ
मानो रोपेर मुरी
फलाउने सपना सजाइन्छ । - कला ढकाल, झापा
…
१,
खेतमा छैन पानी
कहिले आउने मनसुन
बीउ सुक्यो नानी !
२,
असार पन्ध्र आयो
रोपाइँमा रमाउँदै चट्ट
दही चिउरा खायो । - कृष्णकुमार वैद्य, बनेपा ९, काभ्रे
…
१,
सुकिसक्यो खेतको आँत
हाँस्दैछ अट्टहास गरी
आकाश देखाई दाँत ।
२,
पाइन्न बीउ मल
खेती हुन्छ कसरी
छैनन् गोरुका हल ।
३,
रोपेर गमलामा बीउ
धान दिवसको उद्घाटन
पाँचतारेमा मन्त्री जिउ । - वसन्त अनुभव, घोराही, दाङ
…
१,
दही चिउरा खाने
आपसमा मिली सबै
धान रोप्न जाने । - बिरेन्द्र कुमार चौधरी, इटहरी सुनसरी
…
१,
हाँस्दैछ धर्ती मुसुक्क
सुकिसक्यो सबै खेतबारी
नेताहरू पाँचतारेमा खुसुक्क ।
२,
गमलामा बीउ निकास
कृषिप्रधान खोज्छौ सम्मान
यत्तिकैमा कृषिको विकास ।
३,
पानीको कुलो बनाऊ
हलगोरू पुर्याऊ खेतबारीमा
कृषिप्रधान देश जनाऊ । - बेदु न्यौपाने
…
१,
मनमा पहिरो चल्छ
जिन्दगी बेकार भयो
कहाँ पुगेर ढल्छ।
२,
कसलाई बताऊ हाल
सबैले मजाक मान्छन्
लिन आउँदैन काल।
३,
जन्मिनु गल्ती भयो
शरीर जिउँदो हुँदै
सपना मरेर गयो । - ललिता गिरी, सिन्धुली (हाल काठमाडौं नेपाल)
…
१,
गरेर भएपनी अर्मपर्म
सफल बनाऔॅं है
हामीले आफ्नो कृषीकर्म । - सरिता सेढाईॅं
…
१,
मन्त्री हिलोमा गए
जुत्ता लगाएर खेतमा
उद्घाटन गर्ने भए ।
२,
हातमा धान समाएर
नेताज्यू कार्यकर्ताको भरोसा
हिँड्छ्न् खुट्टा कमाएर ।
३,
गजब छ यहाँ
गमलामा धान रोपेर
पन्ध्र मनाउँछन् जहाँ । - रबि पौडेल ,दक्षिण भारत पाण्डेचरी
…
१,
असारमा कोदालो चलाऔॅं
असाध्यै परिश्रम गरेर
मानोमा मुरी फलाऔॅं।
२,
जतासुकै धर्ती हराभरा
धान रोपेर किसानहरूले
सुसेली खेल्छन् गरा ।
३,
कष्टकर गरौँ सामना
सबैलाई धान दिवसको
हार्दिक मङ्गलमय शुभकामना । - केसर बोहरा ( सङ्घर्ष ), सुदूरपश्चिम अछाम
(हाल भारत )
…
१,
असारे गीत गाएर
म हाँस्न चाहन्छु
असीम प्रेम पाएर । - लक्ष्मी रिजाल, रूपनगर, सप्तरी
…
१,
जल र मल
मिसाई गरामा रोपाइॅं
अनि फल्छ फल ।
२,
मुठी छरी मानो
उब्जाउने बेला
बर्खामास रोप्ने धानो
३,
हराभरा जगत साउने
झिमझिमे पानीले गर्दा
पृथ्वी सारा सजाउने । - ईश्वर साउद, रामारोशन गाउँपालिका ६ सुदुपश्चिम अछाम
…
१,
खेतमा रोपेर धान
किसानको निरन्तर कर्मले
बढेको नेपाली सान ! - आर्त अकुलीन
…
१,
असार पन्ध्र मनाउँदै
धान रोपौ खेतमा
असारे गीत गाउॅंदै।
२,
सपना देख्छ किसान
मानो रोपी मुरीको
पाल्दछ सधैं जहान ।
३,
असारमा हिलो खेलेर
रमाउँछ किसान सधैँ
भकारी सधैँ भरेर । - समुन्द्रा शर्मा, सुनसरी
…
१,
धान दिवस मानेर
हिलो खेतमा गए
बीउ रोपे तानेर।
२,
दही चिउरा खाएर
बेठी पनि लगाएको
असारे गीत गाएर।
३,
साथीसॅंग छ रमाइलो
हातमा बोकेको बीउ
घाम थियो घमाइलो। - दुर्गा आचार्य, मोरङ
…
१,
खेतमा छरेको बीउ
आकाशे घामले खायो
जरिवाना कति लिउँ।
२,
सम्झना आउँछ नरेको
छोरो हरायो परदेशमा
असारमा पानी परेको।
३,
मनैमा बरियो बाटेर
रुँदैछ रित्तो डोको
मायामा रुपैयाँ साटेर। - होमप्रसाद नेउपाने, धरान, सुनसरी
…
१,
असार पन्ध्र मनाऔँ
दही चिउरा खाएर
धान दिवस जनाऔँ l
२,
आज धान दिवस
किसानहरू आकाश हेर्दै
घरमै बस्न विवश l
३,
ठिक छैन जमाना
देश लुटेर दुष्टले
भरे आआफ्ना खजाना l - बाबुराम गौतम, गुल्मी
…
१,
हिजोआज रुँदैछ आकाश
सचेत हुनु सबैजना ,
कतिको उठाउँछन् घरबास ।
२,
बादलु घुम्टो ओढेर,
लजाउॅंछन् पहाड मेरो
म मुस्कुराउॅंछु हेरेर ।
३,
किसानले पसिना रोपेर
खेत बनायो हरियाली
खुसी छायो देखेर । - भुपेन्द्र राना मगर, धादिङ
…
१,
असार पन्ध्रको बेलामा
रोप्नलाई गैह्री खेत
अर्मपर्म गरिन्छ मेलामा।
२,
किसानलाई हुन्छ हतारो
असारको यो महिना
खेत रोप्ने चटारो।
३,
दही चिउरा खाएर
पन्ध्र असार मनाऔँ
असारे गीत गाएर। - सतीश पण्डित, भानु ६ चुँदी तनहूँ(हाल चनपा ६ मातातीर्थ)
…
१,
खेतमा रोप्दा हमलामा,
बाठाले लाए बुद्धि ,
रोप्न थाले गमलामा ।
२,
किन रोप्नु धान ?
बेकारमा लाग्छ हिलो
पुगेकै छ खान ।
३,
ट्रयाक्टरले हिलो पार्यो
मसिन रोप्छ धान
फोटोमा ढाँचा पार्यो । - बुढ्यौली साहित्य समाज, सिन्धुली
…
१,
असारे माया हिलो
सम्मान गरौ सबैले
किसानी पेशा गतिलो । - प्रेम थापा “मन”, बागलुङ
…
१,
कति माया गर्छु
तिमीलाई पत्तो भएन
त्यसैले पछि सर्छु
२,
वरपिपलको चौतारीमा आउनु
बाँसुरीको धुन सुनी
यसो थाहा पाउनु ।
३,
तिमी आउँदा खुसी
हुन्छ मन मेरो
भन्छौ मलाई लुसी । - शशीश्री आचार्य, बौद्ध कुमारीगाल काठमाडौं
…
१,
मेहनत गरेर खानु
पसिना बगााई खेतमा
उमार्छु दानाबाट मानु ।
२,
रोपाइॅं गर्न जाने
आज असार पन्ध्र
दही चिउरा खाने ।
३,
दर्कियो आकाशे पानी
रोप्दैछु खेतमा बिउ
असल बिज छानी । - दिनेशकुमार शर्मा, हेटौडा, मकवानपुर
…
१,
असारमा खै पानी
कसरी रोप्ने धान
देखियो खेतिमा हानी ।
२,
मानोले उब्जाउ मुरी
असारमा रोपेर धान
नआओस् हावा हुरी । - दुर्गा भट्टराई
…
१,
गरेर सुन्दर काम
उज्वल कर्म गर्दै
बनाऔॅं अमर नाम!
२,
इज्जत सबैको गर्दै
पवित्र भावना भरौँ
कर्तव्य पथमा सर्दै! - कमल प्रसाद बगाले रेग्मी, वालिङ्ग बजार स्याङ्जा
…
१,
नमुना झण्डा सान
वीर पुर्खाको नासो
नेपाल नेपाली पहिचान ।
२,
लालिगुँरास राष्ट्रिय फूल
पहिचान मेटाउन नेताहरू
गर्दैछन् ठुलो भुल। - सङ्गीता खरेल, काठमाडौं
…
१,
वर्षातको आस गर्दा
बल्ल खुसी लाग्यो
आज पानी पर्दा ।
२,
रोपाइँको छ बेला
घरको काम सकेर
छिटो जानुपर्छ मेला ।
३,
गैरी खेतको हिलो
खेल्दै रमाइलो गरौँला
साथीहरु नगर ढिलो । - लक्ष्मण देउवा, डोटी (हाल भारत चेन्नई)
…
१,
तन बुढो भयो
उमेर बढ्दै गएपछि
बैँस खेर गयो ।
२,
असारे गीत गाउॅंदै
धान रोप्ने खेताला
स्वरमा स्वर मिसाउॅंदै । - बुद्धिमान दनुवार ( सुरुङ्गेली कान्छो ), कनकाइ ४ झापा
…
१,
खेतभरि भयो हिलो
अझ असार लागेदेखि
बाटोमा धेरै ढिलो । - श्रीकृष्ण धामी – बझाङ
…
१,
धामीको भरमा पर्दा
ज्यान हाम्रो जान्छ
समयमै उपचार नगर्दा।
२,
जोगिन्छ बार लगाए
बेलैमा गरौँ उपचार
रोगले धेरै सताए।।
३,
नसोचौँ जीवनलाई भार
पाईदैन मनुष्य चोला,
ईश्वरले दिएको उपहार । - सीमा कार्की समर्पण, मेलचोक पर्सा, नेपाल
…
१,
बसे म पर्खेर
साझ ढल्दैँ गयो
देखेर गयो तर्केर।
२,
माया गरे धेरै
बुझ्नेले नबुझ्दा माया
गयो हेर खेरै।
३,
वेदनाले मन कुटुकुटु
निष्ठुरीलाई भुल्न मैले
बनाए पत्थरको मुटु। - रुना कर्माचार्य दाहाल ,चितवन
…
१,
असारे झरी आयो
किसान हर्षित भए,
बाली लाउन पायो।
२,
सक्दैन किसान बस्न
हुन्छ निरन्तर लागिरहेको
खेतबारीको माटोमा पस्न ।
३,
रहर धेरै होला
आफ्नो पनि उसको
तर दुखी चोला। - शंकर कार्की, मकवानपुर
…
१,
रोपाइँको फेसन गरे
मात्र पन्ध्र असारमा,
सन्जालमा भ्रम छरे।
२,
कस्तो भयो विडम्बना
खेतहरू बाँझो राखी,
किसान हुने सपना।
३,
विकृतिको नाघ्दा हद
देखिएन मिसन रोक्ने
बेकारका मन्त्री पद । - मनोहरी पौडेल, गैडाकोट १, नवलपरासी( वर्दघाट सुस्ता पुर्व)
…
१,
बेसीका ठुला फाँटमा
मानो रोपेर मुरी
जोश जाँगर आँटमा।
२,
प्रकृति छटा हाँसेकी
प्रफुल्ल हुँदै पिरती
झरनासँग नाता गाँसेकी।
३,
उडेका धुलो हराउँदै
शीतल पवन सिरसिर
छङछङ झरना कराउँदै। - सरस्वती श्रेष्ठ, रुपन्देही बुटवल
…
१,
लक्ष्य साझा लिएर
लाग्दैछ समाज सेवामा
युवा जमात मिलेर । - बाल कृष्ण श्रेष्ठ, सोलुखुम्बु
::::::::जय झिल्का साहित्य ! ::::::::::