झिल्का लेखन अभियानको २२ औँ शृङ्खला (लालीगुराँस विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।
झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ५८ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।
झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुन्छ तर समध्वनीक हुनुहुँदैन ।
सहभागी झिल्काकारहरूका उत्कृष्ट झिल्का कविताहरू-
—————<•>—————
[१]
१//
मनमोहक सुन्दरता मूल
गुराँस आहा ! पाखापखेरामा
नेपालको राष्ट्रिय फूल !
२//
राता, सेता अनेकथरी
देखिन्छ स्वर्गझैँ मुलुक
फुल्दा गुराँस पाखाभरि !
✍️ वसन्त अनुभव, घोराही, दाङ
————-==———–
[२]
१//
लालिगुराँस फुलेर वनमा
पहिचानको छाताले ढाकेर
लुकाउने सबैको मनमा!
२//
पाखापखेराको रङ्ग फेरेर
लोभ तुल्याउने दर्शकको
कहिल्यै नअघाउने हेरेर !
✍️ अच्युत घिमिरे, सर्पाङ, भुटान 🇧🇹
————-==———–
[३]
१//
पाखाभरि सुन्दरताको मूल
सेतो रातो ढकमक्क
फुल्यो लालीगुराँस फूल !
२//
लालीगुराँसले देखायो पहिचान
फुलेर हिमाली पाखामा
राख्यो राष्ट्रिय सान !
✍️ बेदु न्यौपाने
————-==———–
[४]
१//
वन ढाकेर फुल्ने
लालीगुराँस फूल देखेर
मन त्यतै झुल्ने !
२//
लालीगुराँस लेकैमा फुलेको
साइलाको आडैमा बसेर
गाएको छैन भुलेको !
३//
मनलाई खुसी दिन
अब लेखतिर जाऔँ
लालीगुराँस फूल लिन ।
✍️ ललिता गिरी, सिन्धुली हाल काठमाडौं नेपाल
————-==———–
[५]
१//
फुल्छ गुराँस वनमा
राष्ट्रियताको भावना बोकेर
छुन्छ सबैको मनमा !
२//
नेपालीको दिन्छ पहिचान
राष्ट्रको गौरव बढाउँदा
अझै आउॅंछ शान !
३//
नेपालको लालीगुराँस फूल
पहिचान दिनेलाई सबैले
नगरौँ अबदेखि भूल !
✍️ अर्जुन प्रसाद चौलागाई, रामेछापः-सुनापति-१ हालः-अमेरिका,बोस्टन।
————-==———–
[६]
१//
फुलेर लालिगुराँस वनमा
देखियो सुन्दरताको महल
उमङ्ग छायो मनमा ।
२//
रङ्गीचङ्गी बनेर फुल्यो
छरेर सुगन्ध वनभरि
देखेर मन भुल्यो ।
✍️ अनुग्रह राना मगर ‘पुष्प’, पाँचखपन न.पा. ६ सङ्खुवासभा।
————-==———–
[७]
१//
राताम्मै गुराँस पाखाभरि
अप्ठ्यारोमा पनि फुल्छन्
मन चन्चल हुनेगरी ।
२//
पहाडी सुन्दरताको वर्णन
गुराँस पनि अनेकथरी
उचाइसँगै रङ्गमा परिवर्तन ।
✍️ सतीश पण्डित,बभानु६ चुँदी तनहूँ, हाल चनपा ६ मातातीर्थ।
————-==———–
[८]
१//
नेपालको राष्ट्रिय फूल
लालीगुराँसको छुट्टै विशेषता
राष्ट्रिय चिन्हको मूल !
२//
धेरै प्रजातिका फुल्छन्
नेपालको उच्च पाखापखेरामा
लालीगुराँसको अध्ययनकर्ता डुल्छन् ।
३//
विश्वको मनमोहक फूल
सबैले संरक्षण गरौँ
लालीगुराँस मास्नु भूल ।
✍️ चुडामणी देबकोटा, पुरानो नैकाप काठमाण्डौ
————-==———–
[९]
१//
लालीगुराँस फूल्यो वनमा
सम्झना आउँछ गाउँको
विरह चल्छ मनमा ।
२//
लालीगुराँस राष्ट्रिय फूल
राष्ट्रको सुन्दर पहिचान
यसलाई कदापि नभुल ।
✍️ पुरुषोत्तम फुयाल, साकेला गाउँ पालिका-२ रतन्छा खोटाङ
————-==———–
[१०]
भिरमा फुलेको गुराँस
हेरेर चित्त बुझाउँदा
मनमा मिठो आभाष !
✍️ आर्त अकुलीन
————-==———–
[११]
१//
रङ्गीन फूल वनभरि
मनमोहक हेरिरहूँ लाग्ने
इच्छा आकाङ्क्षा मनभरि ।
२//
लालीगुराँस फूल हिमरानी
पर्यटक आउँछन् हेर्न
भर्छन् आँखाको नानीब।
✍️ उमा रिमाल, संखुवासभा 🇳🇵
————-==———–
[१२]
लालीगुराँस रातो राम्रो
देशको आहा शिरफूल
पहिचान बोक्छ हाम्रो ।
✍️ रचना शर्मा प्रतीक्षा, इमाडोल , ललितपुर ।
————-==———–
[१३]
१//
सुन्दर लालीगुराँस फूल
पहाडको साैन्दर्यकी खानी
राष्ट्रिय चिन्हहरूको मूल ।
२//
वनपाखाभरि नै फुल्ने
गुराँस फूलको साैन्दर्यले
मनको पीडाहरू भुल्ने ।
३//
लालिगुराँस राष्ट्रिय फूल
राष्ट्रमाथि खेलबाड गरे
हुन्छ त्यो महाभूल ।
✍️ जयनारायण नेपाल, इलाम हाल सूर्यविनायक २ बालकोट ,भक्तपुर ।
————-==———–
[१४]
१//
भिरपाखामा चट्ट फूल्छ
लालीगुराँस भएर राताम्मै
मानिसको मन भुल्छ ।
२//
राष्ट्रिय गौरव हाम्रो
पाखाभरि लालीगुराँस फूल
जाेगाउँदा सबैले राम्रो ।
✍️ राज कुमार राजभण्डारी खाेटाङ्गे, मध्यपुर ठिमी ५ संगम काेलाेनी राधे राधे भक्तपुर
————-==———–
[१५]
१//
प्रकृतिमा सुन्दर फूल
लालीगुराँस देख्दा मान्छेकाे
हुन्छ मन चुलबुल ।
२//
ईलामकाे मिल्के डाँडा
झुम्म फुलेकाे गुराँस
हुँदैन यसमा काँडा ।
३//
राष्ट्रकाे याे पहिचान
निशानी छापमा समेत
यसकाे अति मान ।
✍️ डिल्लीराज (राजेन्द्र) भुसाल, सन्धिखर्क-२, कुर, अर्घाखाँची
————-==———–
[१६]
१//
पहाडमा फुलेकी रानी
हाम्रो राष्ट्रिय पहिचान
सौर्न्दर्य नेपालको खानी ।
२//
हुँ राष्ट्रिय फूल
काट्छ किन मलाई
स्वार्थी मान्छेको हुल ।
३//
मलाई फूल्न दिँदैन
काट्छन् मन्दिरको लागि
हरियो वन लिँदैन।
✍️ एवाइ प्रभात, सहिदभुमि धनकुटा
————-==———–
[१७]
१//
फागुन चैत फुल्दछ
आहा ! लालीगुराँस रक्ताम्यै
सबैको मन भुल्दछ ।
२//
लालीगुराँस हाम्रो सान
विश्व माझ चिनाउने
गर्नुपर्छ यसलाई सम्मान ।
✍️ दीप गोले तामाङ, रौतहट
————-==———–
[१८]
१//
लालीगुराँस राष्ट्रको सान
राष्ट्रिय फूल हाम्रो
गौरव अनि पहिचान ।
२//
रङ्गीन बनाउँछ वन
खुसी हुन्छ सबैको
चैत, बैशाखमा मन ।
✍️काजल न्यौपाने, भोजपुर
————-==———–
[१९]
१//
पहाडमा फुल्छ फूल
ढकमक्क लालीगुराँस वनमा
नगराैँ फ्याक्ने भुल !
२//
चराउँदा बाख्रा वनमा
टिपेर लालीगुराँस खाएकाे
राखेको छु मनमा ।
✍️ रबि पाैडेल, दक्षिण भारत पाण्डेचरी
————-==———–
[२०]
१//
फूल फुलेछ वनमा
वसन्तको आगमनसँगै हेर
हर्ष भयो मनमा ।
२//
नेपालीको छुट्टै पहिचान
राष्ट्रिय फूल फूल्दा
देशकै हुन्छ सान ।
✍️ कला ढकाल, झापा
————-==———–
[२१]
१//
देखेर वनैमा फुलेको
राष्ट्रिय फूल लालीगुराँस
मन उतै भुलेको ।
२//
हामी नेपालीको शान
राष्ट्रिय फूल लालीगुराँस
विश्वले चिनेको पहिचान ।
✍️ Amrit KO Ira Ala, पोखरा -१८,चंखपुर
————-==———–
[२२]
१//
ढकमक्क फुल्दा पाखाभरि
रक्ताम्य देखिन्छ वन
हुन्छन् गुराँस नानाथरी l
२//
बढाउँछ नेपालीको शान
विश्वसामु लालीगुराँस फूलले
जताउदै नेपालको पहिचान l
✍️ बाबुराम गौतम, गुल्मी
————-==———–
[२३]
१//
लालिगुराँस राष्ट्रकै गौरव
पलायो किन कुमति
बन्दै पाण्डव कौरव ?
२//
छर्दै वासन्तिक छटा
फैलियो सौन्दर्यको सौरभ
फर्फराउँदै शिवका लटा !
✍️ ऋजु दिल्पाली, ईटहरी १ सुनसरी ।
————-==———–
[२४]
१//
पहाडी क्षेत्रमा फुल्ने
विभिन्न रङ्गको हुन्छ
लालीगुराँसमा मन भुल्ने ।
२//
लालीगुराँस फुल्दा वन
मनोहर देखिन्छ साथी
लोभलाग्दो दृश्य झन ।
३//
नेपाल राष्ट्रको प्रतीक
लालीगुराँस फूल चिनारी
नेपाली मनको नजीक ।
✍️ पृथक प्रकृति ,झापा
————-==———–
[२५]
१//
गाउनू लालीगुराँसको महिमा
सुन्दरताको प्रतीक भनी
बढाउँदै देशको गरीमा !
२//
लालीगुराँस फूल्दा वनमा
डुलिरहूँ जस्तो लाग्छ
सम्झेर तिमीलाई मनमा ।
✍️ मोती योन्जन, सुब्बा दार्जिलिङ निमकी डाँडा।
————-==———–
[२६]
१//
ढकमक गुराँस फुल्यो
वनपाखा भयो राताम्य
देखेपछि हृदय झुल्यो ।
२//
मन लोभ्याउने फूल
गुराँस टिपेर फ्याँक्ने
कहिल्यै नगर्नू भूल !
✍️ कृष्णकुमार वैद्य, बनेपा ९, काभ्रे
————-==———–
[२७]
१//
लालीगुराँसको छ खानी
मनको कुरा मनमै
नेपाल संसारमा रानी ।
२//
राष्ट्रिय चिनारी हाम्रो
दुनियाँको रमझममा पनि
हेर्दा गजबको राम्रो ।
३//
सुन्दर लालीगुराँस फूल
दिनको तुलनामा रात
नेपालको हामी मूल !
✍️ नीमा छिरिङ भोटिया, जलढका कालेबुङ
भारत
————-==———–
[२८]
१//
लालीगुराँस फुल्दा वनमा
भिरपाखा देखिन्छन् रङ्गीन
माया फुल्छ मनमा ।
२//
ढकमक्क गुराँस फुलेको
उजाड वनमा रमाइलो
देखेर मन भुलेको ।
✍️ सुनगाभा पोखरेल, हाल: नेपालगन्ज
————-==———–
[२९]
लालीगुराँस फुल्छ वनैमा
अजम्मरी राष्ट्रिय फूल
बसिरहन्छ नेपालीको मनैमा ।
✍️ डम्बर थामी ‘अनुपम’, कालिन्चोक गा.पा. -६ , दोलखा ।
————-==———–
[३०]
१//
काेइलीकाे गाना सुन्दै
वनमा फूल्याे गुराँस
प्राकृतिक मधुमास चुन्दै ।
२//
राष्ट्रकाे सान लालीगुराँस
देशकाे आफ्नै पहिचान
एउटा सुन्दर इतिहास ।
✍️ हरिगाेपाल न्हुच्छेँप्रधान, काभ्रे, बनेपा १४ , साँगा बजार।
————-==———–
[३१]
१//
वसन्तमा फूलेको लालरानी
वनै उज्यालो पार्ने
औषधिको हौ खानी !
२//
ढकमक्क फूलेको पाखाभरि
रातै देखिन्छ बनपाखा
गुराँस हुन्छन् थरीथरी ।
✍️ धनमाया चौधरी, कैलाली ११
————-==———–
[३२]
१//
वनमा गुराँस फुलेको
हेर शिरमा लगाएँ
कति राम्रो खुलेको !
२//
वन ढाक्यो लपक्कै
दुलही जस्तै देखियो
पाखा भए छपक्कै !
✍️ सञ्जना शर्मा, लमही दाङ
————-==———–
[३३]
१//
पाखाभरि गुराँस फुल्यो
मनमोहक दृश्य देखेर
मनले पिरहरु भुल्यो।
२//
डाँडापाखा सुन्दर देखियो
लालीगुराँस फूल फुलेर
सबै हर्षित भेटियो ।
✍️ अरुण कुमार भुजेल, गोरूबथान,कालेबुङ,भारत।
————-==———–
[३४]
१//
फुल्दा रमाइलो हुन्छ
लालीगुराँस ढकमक्क वनमा
नहुदाँ मन रुन्छ ।
२//
नेपालको राष्ट्रिय फूल
संरक्षण गरौँ सबैले
लालीगुराँस हो नभुल ।
✍️ साबित्री प्याकुरेल, धादिङ्ग।
————-==———–
[३५]
१//
पुगौँ गुराँसको राजधानी
तीन जुरे डाँडा
छ सुन्दरताको खानी ।
२//
पहिचान हो हाम्रो
फुलेको छ ढकमक्क
आहा ! कति राम्रो ।
३//
चैत बैशाख फुल्ने
राष्ट्रिय फूल लालीगुँरास
मन त्यतै भुल्ने ।
✍️ अनिता कार्की, पाँचथर
————-==———–
[३६]
१//
रक्तिम बनायौ गुराँस
नेपालका पहाडी धरा
तिमी नफूले उराठ ।
२//
गुराँसका जङ्गल पस्दा
स्वर्गकै आभास हुन्छ
अनुपम सुन्दरताले डस्दा ।
✍️ मनोहरी पौडेल, गैडाकोट १
————-==———–
[३७]
१//
इज्जत दिने लाली
देशको सान यो
अमृत दिने माली ।
२//
राष्ट्रले स्थान दिएको
लालीगुराँसबाटै हामीले जान्यौँ
उसैबाट इज्जत लिएको ।
✍️ नन्दलाल आचार्य, सिद्धार्थटोल, उदयपुर । हाल– एनेलकुटी, सिरहा ।
————-==———–
[३८]
१//
नेपालकाे राष्ट्रिय फूल
लालीगुराँस एक मनमोहक
पहाडी क्षेत्रको मूल ।
२//
विभिन्न प्रजातिका फूलेका
नेपालका पाखापखेरामा लालिगुराँस
हेर्न पर्यटक डुलेका ।
३//
विश्वमा छुट्टै पहिचान
सबैले संरक्षण गरौँ
लालीगुराँस नेपालीको सान ।
✍️ दुर्गा भट्टराई, मोरङ
————-==———–
[३९]
१//
लालीगुराँस देशको निसानी
पहिचान जगाउँछ नेपालको
नगरौँ यसलाई हानी ।
२//
चैत, बैशाखमा रङ्गीचङ्गी
लालीगुराँस फूलहरू सँगसँगै
रमाउँछन् सबै साथीसङ्गी।
✍️ मन्जु बोहरा, सुदुरपश्चिम बझाङ
————-==———–
[४०]
लालीगुराँस फूल राम्रो
ढकमक वनमा फुल्दा
देशको गहना हाम्रो ।
✍️बुद्धिमान दनुवार ( सुरुङ्गेली कान्छो ), कनकाई ४ झापा
————-==———–
[४१]
१//
वनैभरि फुलेका फूल
लालीगुराँस कति राम्रो
ढकमक्क बनेका झुल ।
✍️ शोभा आचार्य गौतम, काठमाडौँ
————-==———–
[४२]
१//
गुराँसको फूल फूल्यो
हेरिरहुँ लागिरह्यो मलाई
त्यसैमा मन भुल्यो ।
२//
जब लालीगुराँस बढ्यो
डाँडा अनि पाखापखेरामा
सौन्दर्यको लाली चढ्यो ।
✍️ समुन्द्रा शर्मा, सुनसरी
————-==———–
[४३]
१//
त्यो पारी वन
गुराँस फूलेको देखेर
खुसी भयो मन ।
२//
टिप्नलाई नगरौँ भूल
लालीगुराँस नै हो
हाम्रो राष्ट्रिय फूल !
✍️ अनिता भण्डारी, ताप्लेजुङ
————-==———–
[४४]
१//
लालीगुराँस फुले वनैमा
जताततै रमाइलो भयो
खुसी छायाे मनैमा ।
२//
नेपालको राष्ट्रिय फूल
वनैभरि रमाइलो देख्दा
शुद्ध हुन्छ कूल ।
✍️ केसर बाेहरा ( सङ्घर्ष ), सुदूरपश्चिम अछाम । हाल भारतबाट ।।
————-==———–
[४५]
१//
रङ्गीन बनाउँछ जङ्गल
संरक्षण गरौँ लालीगुँरासको
हुन्छ सबैको मङ्गल ।
२//
पाखाभरि लालीगुँरास फूल
राताम्मे देखेर हजुर
हुन्छ मन चुलबुल !
३//
लालीगुराँस हाम्रो सान
राष्ट्रिय फूल देशको
विश्वमा छुट्टै पहिचान ।
✍️ शान्ता पौडेल भट्टराई, टङ्कीसिनवारी, मोरङ
————-==———–
[४६]
१//
गुराँस राम्रो फूल
राष्ट्रियताको प्रतीक हो
टिप्ने नगर्नुहोस् भूल ।
२//
हिमालको सौन्दर्य हेर
गुराँसको फुल्ने मौसममा
पर्यटन भुल्ने धेर !
३//
गुराँस राम्रो मलाई
डाँडामा रातै फुलेको
हेर्न हर्ष बढाई !
✍️ भगवती दवाडी, झापा
————-==———–
[४७]
लालीगुराँस ढकमक्क वनमा
तिमी सर्वत्र सजाइदेऊ
स्वच्छ सुन्दर मनमा ।
✍️ प्रेम थापा “मन”बागलुङ
————-==———–
[४८]
१//
गुराँस फुलेकाे वनमा
कति रमणीय दृश्य
हेर्दै आनन्द मनमा ।
२//
पहाडै देखियाे राम्राे
ढकमक्क फुल्दा गुराँस
राष्ट्रिय फुल हाम्राे ।
✍️ दिनेशकुमार शर्मा, हेटौँडा, मकवानपुर ।
————-==———–
[४९]
१//
नेपालको राष्ट्रिय फूल
लालीगुराँस वनको गहना
काटेर नगर्नु भूल !
✍️ भुपेन्द्र राना मगर, धादिङ
————-==———–
[५०]
१//
सुन्दर रङ्गमा सजिएको
पहाडमा लालीगुँरास फूल
देश सिंगारेर अग्लिएको ।
२//
औषधीको गुण पाइन्छ
माछाको काँडा अड्केमा
तुरुन्तै गुराँस खाइन्छ ।
✍️ सुस्मिता अधिकारी ,काठमाडौँ
————-==———–
[५१]
१//
गुराँसले सुगन्ध छर्ने
सधैँ राष्ट्र राष्ट्रियतामा
देशको नाम भर्ने ।
२//
वसन्तमा सधैँ फुल्ने
फुलेको लालीगुराँस देख्दा
मन चारैतिर डुल्ने !
३//
पहाडमा देखिन्छ राम्रो
सधैँ सुगन्ध छर्ने
राष्ट्रिय फूल हाम्रो !
✍️ श्रीकृष्ण धामी – बझाङ
————-==———–
[५२]
लालीगुँरास फुलेर रातै
नेपाल प्रकृतिको भण्डार
मनमाेहक छ वनपाखै ।
✍️ प्रद्युम्न चालिसे, भक्तपुर कटुञ्जे ।
————-==———–
[५३]
१//
चैत्रमा राता जङ्गल
लालीगुराँस चहार्दै चराहरू
काेइली गाउँछन मङ्गल ।
२//
लालीगुराँस निसानी हाम्राे
माहुरी रमाउँछ त्यही
रक्ताम्य पाखा राम्राे ।
✍️ हिरालाल न्याैपाने, बानपा ८,काेटमाैला,सल्यान
————-==———–
[५४]
१//
मनै लोभ्याउने लालीगुराँस
औषधीको काम गर्छ
यसलाई बुझेमा खास !
२//
वन ढाकेर फुल्ने
लालीगुराँस देखेर यहाँ
सबैको मन भुल्ने ।
✍️ लक्ष्मण देउवा डोटी, हाल भारत चेन्नई
————-==———–
[५५]
१//
भावना लालीगुराँस जस्तो
दागरहित हुनुपर्छ मान्छे
मानवमा मानवता कस्तो।
२//
सुन्दर छवि बनाउँ
बगैँचाका निष्कलङ्क कोपिला
इतिहासलाई दाग नलगाउँ ।
३//
दृश्यमा शोभा गौरव
आँखामा कहिल्यैँ नबिझाउने
बन्नुपर्छ इतिहासमै शौरभ ।
✍️ घनश्याम पन्त, हरिवन सर्लाही
————-==———–
[५६]
१//
वनभरि लालीगुराँस फुल्छ
रमणीय दृश्य हेर्दा
एकछिन दुःख भुल्छ ।
२//
गुराँस एकताको फूल
लाली चढाउनुछ देशलाई
सम्हाल्नु जनताको हुल ।
✍️ सीमा कार्की समर्पण, मेलचोक पर्सा
————-==———–
[५७]
भिरपाखामा फुलेको लालीगुराँस
विजयको रातो रङ्गझैँ
नेपालीको पुर्ख्यौँली पुराण ।
✍️ राजु भन्डारि,बबैरिया १ कपिलवस्तु
————-==———–
[५८]
१//
फूल आहा फुलेको
गुराँस अहिले ढकमक्क
मन त्यतै झुलेको ।
२//
पहाडको रानी अरे
भन्छन् सबै गुराँसलाई
टपक्क टिपौँ, झरे ।
३//
भन्छन् राष्ट्रिय फूल
गुराँसलाई हाम्रै देशमा
सत्यानास् गर्नु भूल ।
✍️ राजेशराज गड्तौला, कॅाडाघारी, काठमाण्डौ
—-<••:जय झिल्का! जय साहित्य!:••>—-