झिल्का लेखन अभियानको १७ औँ शृङ्खला (रक्तदान विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।
झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ७४ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।
झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ ।
सहभागी झिल्काकारहरूका उत्कृष्ट झिल्का कविताहरू-
—————<•>—————
[१]
१//
पुण्यको कर्म महान
जिन्दगी बचाउन कसैको
गरौँ नित्य रक्तदान ।
२//
मान्नुहुँदैन कुनै डर
भइन्नँ कमजोर, रोगी
बन्छ रक्त निरन्तर ।
३//
आँखाबाट आँसु नझरून्
पाऊन् पीडितले रक्त
अभावले कोही नमरून् !
✍️
वसन्त अनुभव
घोराही, दाङ
————-==———–
[२]
१//
रक्तदान महादान गरौँ
बिरामीलाई बचाई अब
स्वर्गको बाटो तरौँ ।
२//
डर किन लिने ?
मर्न लागेको बिरामी
बचाउन रगत दिने ।
३//
रक्तदान पुण्यको काम
गर्नु कर्तव्य हाम्रो
रहनेछ असल नाम ।
✍️
राजेशराज गड्तौला
कॅाडाघारी, काठमाण्डौ
————-==———–
[३]
रत्तदान सबैले गरौँ
सबैभन्दा ठूलो धर्म
गर्न पछि नपरौँ ।
✍️
कला ढकाल झापा
————-==———–
[४]
१//
मैले बिन्ती गर्दछु
पुण्य मिल्छ जानेर
रक्तदान गराैँ भन्दछु ।
२//
नराखी कुनै अभिमान
साेचेर हित अरूको
मासिक गराैँ रक्तदान ।
✍️
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा।
————-==———–
[५]
१//
रक्तदानले जीवन बचाउँछ
पुण्य मिल्दछ सत्कर्मले
रगतले जीवन पाउँछ ।
२//
रक्तदान कार्य महान
आनन्द मिल्दछ मनमा
रोगीले पाउँछ जीवनदान ।
✍️
भाेलामान बर्देवा
धरान ८ सुनसरि
————-==———–
[६]
१//
काम गरौँ महान
सबैजना एकजुट भई
गरेर अमूल्य रक्तदान ।
२//
दिउँ आलो रगत
बाँच्न सकोस् आरामले
हेर्दै संसार जगत ।
✍️
अनुग्रह राना मगर ‘पुष्प’
पाँचखपन नपा – ६ संखुवासभा ।
————-==———–
[७]
१//
मान्छे हुन्छ महान
सघाउन अप्ठ्यारोमा परेकालाई
सबैले गरौँ रक्तदान ।
✍️
शंकर कार्की, मकवानपुर ।
————-==———–
[८]
१//
रक्तदान जीवनकै दान
पुण्य मिल्छ ठूलो
कमजोरीको हुँदैन भान ।
२//
रगत हुन्छ रातो
दान गर्दा उत्तम
यसैमा छ सातो ।
✍️
दीपा गुरुङ्ग (समभाव)
खोटाङ्ग
————-==———–
[९]
१//
रक्तदानले जीवन बाँच्छ
मनमा शान्ति लिई
निरोगी भएर नाँच्छ ।
२//
थोपा रगत भए
बिरामी उपचार छैन
गरिबी धेरै सहे ।
✍️
अम्विका अधिकारी
झापा बिर्तामोड
————-==———–
[१०]
खुसी बाँडेर जिऔँ
हामीले रक्तदान गरेर
कसैको घाउ सिऔँ ।
✍️
पृथक प्रकृति
————-==———–
[११]
१//
सेवा ठूलो धर्म
गरौँ रक्तदान खुसीले
बुझौँ सबैको मर्म ।
२//
नहोस् अभाव रगतको
रक्त संकलन केन्द्रमा
भलो होस् जगतको ।
३//
सक्छौ बन्न जीवनदाता
गरेर रगतको दान
खोलौँ पुण्यको खाता ।
✍️
सुस्मिता अधिकारी ,काठमाडौँ
————-==———–
[१२]
१//
रक्तदान नै जीवनदान
गराैँ सहयोग सबैले
कसैलाई नहाेस् भान ।
२//
राताे रगत हुन्छ
सहयोग गरियाे भने
मानिसको मन छुन्छ ।
३//
रक्तदानकाे बानी बसालाैँ
सबैलाई काम लाग्ने
ठाउँमा रगत खसालाैँ !
✍️
रबि पाैडेल, दक्षिण भारत पाण्डेचरि
————-==———–
[१३]
१//
भविष्य हुन्छ साकार
रक्तदान काम राम्राे
जीवनले लिन्छ आकार ।
२//
गर्नुपर्छ यस्ताे धर्म
हुन्छ पुनर्जन्म जनको
बुझ्नुपर्छ मानवीय मर्म ।
३//
रक्तदान ठूलाे कर्म
अभावमा दिनु सबै
हुँदैन मान्नु सर्म ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
————-==———–
[१४]
सके गरौँ रक्तदान
मानवधर्म हो ठूलो
यहीँ हुनेछ सान ।
✍️
कार्की डिबी माकुम
सुनवल-४, नवलपरासी
————-==———–
[१५]
१//
गराैँ सबैले रक्तदान
सबैले बुझेर राखाैँ
मान्छे हुन्छ महान ।
२//
यहीँ सबैकाे सान
मानव सेवा गरेँ
हुँदैन दुःखकाे भान ।
✍️
केसर बाेहरा ( सङ्घर्ष )
सुदूरपश्चिम अछाम । हाल भारतबाट ।
————-==———–
[१६]
सकेसम्म गर्नुस् रक्तदान
हजुरको सानो सहयोगले
बाँच्नेछ कसैको ज्यान !
✍️
बि.कुलुङ
दार्जिलिङ रंगबुल
————-==———–
[१७]
१//
गराेैँ सहर्ष रक्तदान
बुझेर सबैकाे मर्मलाई
काम हुन्छ महान ।
२//
जीवनकाे गति बुझेर
बचाउनु पर्छ बिरामी
अमूल्य रक्तदान गरेर ।
✍️
श्रीबहादुर केसी शैलुङ्गे
भक्तपुर
————-==———–
[१८]
१//
रक्तदान महान धर्म
अरूको ज्यान बचाउँदै
सुधारौँ आफ्नो कर्म ।
२//
थोपा थोपा रगतको
महत्व हुन्छ रोगीलाई
कल्याण हुन्छ जगतको !
३//
आवश्यकतामा रक्तदान गरेर
हुन्छ उपचार रोगीको
जाँदैन कोही मरेर ।
✍️
मोती सुब्बा, दार्जिलिङ निमकी डाँडा।
————-==———–
[१९]
१//
हामीले गरौँ रक्तदान
भनिन्छ जीवनदान हो
दानीलाई गरौँ सम्मान ।
२//
रहौँ सजग पनि
बेच्न नपाओस् रक्त
बन्नलाई कोही धनी ।
३//
दिउँ आवश्यक मानिसलाई
नि:शुल्क सहयोग हामीले
गर्नुपर्छ मानवता जगाई ।
✍️
सुरेशकुमार पाण्डे, दाङ घोराही १८
————-==———–
[२०]
१//
काम पवित्र महान
देशले सम्झिने गरी
मान्छेले गरून् रक्तदान ।
२//
सबैले बुझौँ मर्म
जिन्दगीको हरेक क्षणमा
सेवा ठूलो धर्म ।
✍️
एवाइ प्रभात
सहिदभुमि धनकुटा
————-==———–
[२१]
१//
मानवीय पुण्यकर्म ठान
मानिसको जीवन बचाउने
उत्तम महादान रक्तदान !
२//
अपार दानको महिमा
रक्तदानमा स्थापित भए
बढ्छ मानवीय गरिमा ।
✍️
कृष्णकुमार वैद्य
बनेपा ९, काभ्रे
————-==———–
[२२]
गरौँ मिली रक्तदान
भगवानको रुप बनी
हुन्छौँ अनि महान ।
✍️
गंगाराम यादव
औरावनी २ सुनसरी
————-==———–
[२३]
१//
जीवदान हो रगत
निरन्तर गरौँ सेवा
विश्वासमा चल्छ जगत ।
२//
छैन अरू कुनै
रगतको दानभन्दा उत्तम
गर दान जुनै ।
३//
अर्काे छैन जीवनदान
हुन्छ धर्म ठूलाे
रक्तदान कार्य महान ।
✍️
ईश्वर साउद
रामारोशन गाउँपालिका ६ सुदुरपश्चिम अछाम
————-==———–
[२४]
१//
पुण्यको कर्म रक्तदान
मानवताको भावना रहोस्
सामाजिक सेवा महान ।
२//
रक्तदानभन्दा ठूलो दान
अरू छैन केही
पुण्य अनि महान ।
३//
दिनुपर्छ समयमा अवदान
रक्तदान अमूल्य मानवमा
समय रहेछ बलवान ।
✍️
दिल ठकुरी, टिस्टा भेल्ली दार्जिलिङ
————-==———–
[२५]
१//
रक्तदान महान काम
सबैले रक्तदान गरौँ
रक्तसंचार नडराई जाम ।
२//
रक्तदान रेडक्रसमा गई
महिला पुरुष सबैले
रक्तदानमा सहभागी भई ।
✍️
चुडामणी देबकोटा
पुरानो नैकाप काठमाण्डौ
————-==———–
[२६]
जसले गर्छ रक्तदान
सहयोग नै मानवताको
त्यो हो महान ।
✍️
प्रेम थापा “मन”, बागलुङ
————-==———–
[२७]
१//
धर्मकर्म हो महान
बाँचौ अनि बचाऊ
दिएर थोपा रक्तदान ।
२//
थोपा थोपा रगतको
महादान सँधै विश्वलाई
खाँचो हुन्छ मद्दतको ।
३//
गाउँ, सहर जागौँ
मान्छेमा चेतना जगाउँदै
पुण्य कर्मतिर लागौँ ।
✍️
राजनारायण राई
राजदल बस्ती सोनादह
————-==———–
[२८]
सबैले गरौँ रक्तदान
स्वस्थ राखौँ शरीरलाई
पाइन्छ सबैको सम्मान ।
✍️
धड्कन जैशी, अछाम
————-==———–
[२९]
१//
सुन्दर कार्य रक्तदान
ठूलो काम संसारकै
कर्म पुण्य महान ।
२//
गरौँ सबैले रक्तदान
सधैँलाई जीवित बन्ने
नाम उच्च सम्मान ।
✍️
कमल प्रसाद बगाले रेग्मी
वालिङ्ग बजार स्याङ्जा गण्डकी प्रदेश
————-==———–
[३०]
१//
मिलेर सहयोग गरौँ
काम गर तिमी
यसको परिभाषा भरौँ ।
२//
रङ्ग लागेको सपना
कति ठूलो मन
कहिले होला थपना
✍️
नीमा छिरिङ भोटिया
जलढका कालेबुङ
————-==———–
[३१]
१//
रक्तदान दिने कर्म
दुविधामा नपरी गरौँ
यही मानव धर्म ।
२//
रक्तदानमा अघि सरौँ
थोरै भए पनि
हजुर मानवसेवा गरौँ ।
३//
रक्तदान हो महादान
ज्यान बचाए कसैकाे
पाइन्छ ठूलो सम्मान ।
✍️
अरुण कुमार भुजेल
गोरूबथान,कालेबुङ,भारत।
————-==———–
[३२]
१//
हामीले गरेमा रक्तदान
पलाउॅंछ रगत अझै
यसबाट हु्न्न नोक्सान ।
२//
रक्तदान हो जीवनदान
पुण्यकर्म यही भन्दै
चलाऊॅं सबैले अभियान ।
✍️
अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
————-==———–
[३३]
१//
हामी मानव महान
बुझेर मर्म सबैको
गरौँ सबैले रक्तदान ।
२//
पुनर्जीवन पाउनेछ
एक थोपा रगतले
ओठमा खुसी छाउनेछ ।
३//
गरेर ठूलो धर्म
रक्तदान गरौँ साथी
बुझेर सबको मर्म ।
✍️
वेल थोकर तामाङ
मकवानपुर ,बकैया_८//बस्तिपुर
————-==———–
[३४]
मानव हामी समान
मर्नु नपरोस् अकालमा
गरौँ सबैले रक्तदान ।
✍️
सरिता सेढाई धादिङ
————-==———–
[३५]
दिएमा हामीले रगत
ज्यान बच्छ बिरामीको
निरोगी हुन्छ जगत ।
✍️
बाबुराम पाण्डे
————-==———–
[३६]
१//
कसैको बाँच्छ ज्यान
आउनुहोस् गरौँ सबैले
मिलेर यहाँ रक्तदान ।
२//
बुझौँ सबैको मर्म
रक्तदान गर्नु पनि
हो हाम्रो धर्म ।
३//
हाँस्दै गाउँदै रमाऔँ
सबैलाई सहयोग गरेर
हामी पुण्य कामाऔँ ।
✍️
अनिता भण्डारी, ताप्लेजुङ
————-==———–
[३७]
१//
सबै गरौँ रक्तदान
हुन्छ काम पुण्यको
मिल्छ है मानसम्मान ।
२//
कोही छैन पराइ
रगत सबको एक
हातमा हात समाई ।
✍️
धनमाया चौधरी, कैलाली
————-==———–
[३८]
१//
त्यही हुनेछ महान
जीवन दिन्छ अरूलाई
गरेर रगतको दान ।
२//
एक पोका रगतले
जीवित रहे कोही
जयकार गर्छ जगतले ।
३//
पाउँदा कतै अवसर
रक्तदान गरौँ सबैले
आशिर्वाद पाउँछौँ जीवनभर ।
✍️
नन्दा धामी
नौगड, दार्चुला
————-==———–
[३९]
१//
राम्रो उत्कृष्ट कर्म
रक्तदान मानवजातिको निम्ति
पुण्य अनि धर्म ।
२//
दिएर घट्दैन कहिले
रगत हाम्रो शरीरको
गरौँ पुण्य पहिले ।
✍️
संगीता खरेल
चन्द्रागिरी ८ काठमाडौं
————-==———–
[४०]
१//
कर्मले बनौँ महान
अमूल्य जीवन हाम्रो
गरौँ स्वस्फूर्त रक्तदान ।
२//
बुझेर बिरामीको मर्म
रक्तदान गरेमा सधैँ
हुनेछ पुण्य, धर्म ।
३//
मृत्युको मुखबाट बचाओैँ
रक्तदान धर्म ठानी
बिरामीको परिवार हसाँओैँ ।
✍️
राज कुमार राजभण्डारी खाेटाङ्गे
मध्यपुर ठिमी ५संगम काेलाेनी राधे राधे भक्तपुर ।
————-==———–
[४१]
१//
रक्तदान जीवनदान
ज्यान बचाऔ अरूको
गरी कर्म महान ।
२//
सकुन्जेल गरौँ रक्तदान
धर्म एक बुझी
रहोस् सुकर्मको भान ।
✍️
तोया नाथ चापागाईं
दमक,झापा
————-==———–
[४२]
गरौँ सबैले रक्तदान
जीवन बन्दछ अजम्मरी
सत्कर्म सधैँ जान ।
✍️
तेजप्रसाद खनाल, लमही,दाङ।
————-==———–
[४३]
बाँच्छ कसैले ज्यान
मनमा सङ्कोच नलिई
सबैले गरौँ रक्तदान ।
✍️
प्रविना प्रयासी
ओखलढुङ्गा
————-==———–
[४४]
१//
एउटै रगतको मानव
रक्तदानको भागीदार बनौँ
हटाई मनको दानव ।
२//
सत्कर्मको काम गरौँ
मानवताको ह्रदय बोकी
सुबिचारले आफूलाई भरौँ ।
✍️
बिकास छेत्री अञ्जान
कैजले, बिजनबारी, दार्जिलिङ।
————-==———–
[४५]
मानव मन टल्कियोस्
रक्तदान गरेर सधैँ
सेवा गर्न पल्कियोस् ।
✍️
पशपती राई, खोटाङ ।
————-==———–
[४६]
१//
नगरौँ कहिल्यै धुम्रपान
राखेर जीवन निरोगी
गरौँ सबैले रक्तदान !
२//
एकदिन सबैले मर्नुछ
कर्म सम्झेर मानवताको
खुसीले रक्तदान गर्नुछ ।
३//
बचाऔँ आफू बाँचेर
क्षणभङ्गुर छ जीन्दगी
केही जादैन साँचेर ।
✍️
ऋजु दिल्पाली, ईटहरी १ सुनसरी
————-==———–
[४७]
१//
रक्तदान कार्य महान
जोगाए ज्यान कसैको
पाइन्छ जीवनभर सम्मान ।
२//
गरौँ सबैलाई मद्दत
सकिँदैन दिएर कहिले
हाम्रो शरीरको रगत ।
३//
रक्तदान सबैले गरौँ
असल कर्म ठानी
हामी अघि सरौँ ।
✍️
रुना कर्माचार्य दाहाल, चितवन
————-==———–
[४८]
१//
गरौँ सबैले रक्तदान
जिताउन मुखबाट मृत्युको
पाउनेछ उसले जीवनदान ।
२//
स्वच्छ पानी पिएर
महान कार्य गरौँ
रगतलाई दान दिएर ।
३//
मर्नेछौँ सबै एकदिन
छैनन् अजम्बरी कोही
सेवा गरौँ हरदिन ।
✍️
दीप गोले तामाङ
चन्द्रपुर-१, रौतहट
————-==———–
[४९]
१//
गरेको राम्रो रक्तदान
दु:खमा सहयोग गर्ने
व्यक्ति सबै महान ।
२//
एकथाेपा रगत भए
मानवको बन्छ महान
सेवा गर्दै गए ।
✍️
श्रीकृष्ण धामी – बझाङ
————-==———–
[५०]
१//
रक्तदान सबैले गरौँ
एकअर्काको सेवा गर्न
सधैँ अगाडि सरौँ ।
२//
रक्तदान ठूलो धर्म
बचाउन ज्यान अर्काको
गरौँ राम्रो कर्म ।
३//
रगत नपाएर जहाँ
कतिका ज्यान जान्छ
रक्तदान गरौँ यहाँ ।
✍️
शोभा आचार्य गौतम
काठमाडौँ
————-==———–
[५१]
१//
बाँच्न चाहिने रगत
रक्तदान धर्म ठूलो
बचाउँछाै हामी जगत ।
२//
धन भुटेकाे खाजा
रक्तदान गर्न नडराओैँ
जीवनदान ठूलाे राजा ।
३//
रक्तदान पुण्यकाे बाटाे
पाउछ बिरामी बेलैमा
बेतुक धनसम्पत्तिकाे साटाे ।
✍️
हिरालाल न्याैपाने
बानपा ८, काेटमाैला सल्यान
————-==———–
[५२]
बाँच्छ बिरामीको ज्यान
मनमा सङ्कोच नलिई
सबैले गरौँ रक्तदान ।
✍️
प्रविना प्रयासी
ओखलढुङ्गा
————-==———–
[५३]
१//
सबै सहयोगी बनौँ
रक्तदान जीवनदान हो
सबैलाई यही भनौँ ।
२//
रक्तदान सबैले गरौँ
पीडामा पीडा साटेर
एकअर्कामा खुसी भरौँ ।
३//
आफ्नो नहुँदा धन
सहयोगी भावना भएको
होओस् हाम्रो मन ।
✍️
ललिता गिरी सिन्धुली
हाल काठमाडौं 🇳🇵
————-==———–
[५४]
१//
रक्तदान जीवनमा महादान
गरिबको सेवामा लागौँ
रक्तदान सबैको सम्मान ।
२//
रक्तदान नै जीवनदान
मानवको ठूलो धर्म
रक्तदान हो महान ।
✍️
बेदु न्यौपाने
————-==———–
[५५]
१//
सबैको गरौँ सम्मान
जीवन बचाउन कसैको
ठूलो सेवा रक्तदान ।
२//
जिन्दगीको सागर तर्नलाई
दुनियाँको हुन्छ ईच्छा
आऊ केही गर्नलाई ।
३//
शुद्ध खाऊ खानपान
कसैको सेवा सम्झी
खुसीले गरौँ रक्तदान ।
✍️
अन्मोल मुस्कान
तकदाह छाउनी, दार्जिलिङ।
————-==———–
[५६]
१//
रक्तदान हो महादान
सङ्कलन केन्द्रमा जाऔँ
चलाएर बृहत् अभियान l
२//
बाँच्छ कसैको ज्यान
मानवता जताउँदै गरौँ
निसङ्कोच भएर रक्तदान l
३//
रक्तदानले असर गर्दैन
परमर्म बुझ्ने मान्छे
मरेर पनि मर्दैन l
✍️
बाबुराम गौतम, गुल्मी
————-==———–
[५७]
१//
रक्तदान गर्ने महान
दिन्छन् जीवन जसले
उसको हुन्छ मान ।
२//
नयाँ जीवन पाएर
खुसी हुँदै उसले
रक्तदान गाथा गाएर ।
✍️
बुद्धिमान दनुवार ( सुरुङ्गेली कान्छो )
कनकाइ ४ झापा
————-==———–
[५८]
दम्भले सत्कर्म छुँदैन
अकस्मात् परिन्छ बिरामी
रक्तदानमा हट्नु हुँदैन ।
✍️
लोक वहादुर छेत्री लामिछाने
मोदी गा पा २देउपुर पर्वत्
————-==———–
[५९]
१//
रक्तदान भन्छन् जीवनदान
गर्छ रक्तदान जसले
पाउँछ उसले सम्मान ।
२//
रक्तदान महान दान
हुँदा कमी रगतको
दुखी हुन्छ ज्यान ।
३//
रगत जीवनको धन
चल्दछ रगतको भरमा
हाम्रो मुटुको धड्कन ।
४//
चल्दैन जीवनको गति
कमी हुँदा रगतको
पुर्याउँछ जीवनकै क्षति ।
✍️
सतीश पण्डित
भानु६ चुँदी तनहूँ
हाल चनपा ६ मतातीर्थ
————-==———–
[६०]
१//
ठूलो दान रक्तदान
कर्म गरौँ पुण्यको
भइन्छ हेर महान ।
२//
जीवन बाँच्छ कर्मले
उद्धार मनले दिउँ
बुझाउँछ मानव धर्मले ।
✍️
हन्नाह छेत्री
————-==———–
[६१]
१//
धर्म हाे रक्तदान
गर्नुपर्छ अरूलाई नि
भलाइ हुने जीवनदान ।
२//
पाएर पनि फगतमा
मरिलानु के छ
रक्तदान गर जगतमा ।
३//
शिर, पाउ, काया
सबैतिर सर्छ रगत
नभए हुन्न माया ।
✍️
मनुहाङ किराँती साेलु
————-==———–
[६२]
१//
गराैँ सबैले रक्तदान
गरेर नित्य मानवसेवा
पाओैँ धेरै सम्मान ।
२//
हटाओैँ दु:ख मानवकाे
असल काम गरेर
छाैडाैँ व्यवहार दानवकाे ।
३//
थाेपा रगतले कसैलाई
ज्यान बचाउन सक्छ
आह्वान गराैँ सबैलाई ।
✍️
रामप्रसाद पुरी, बादेल,खाेटाङ ।
————-==———–
[६३]
१//
मानवधर्म यो निभाऔँ
ज्यान बच्छ कसैको
रक्तदान गर्न जाऔँ ।
२//
विचार राखौँ महान
जिन्दगी बचाउन लागौँ
गरौँ सबैले रक्तदान ।
✍️
अनिता कार्की
पाँचथर
————-==———–
[६४]
१//
बनाैँ हामी दानी
चार महिना पुगेपछि
गरौँ रक्तदान जानी ।
२//
रक्तदान सबैले गराैँ
अरूकाे ज्यान बचाएर
मनमा खुसी भराैँ ।
३//
तेइसाैँ पटक दिएँ
रगत दिँदा मज्जा
मैले भरपुर लिएँ ।
✍️
भवानी पाेखरेल (बाबू विराज)
कपिलवस्तु जीतपुर
————-==———–
[६५]
१//
मठमन्दिर धाउनु पर्दैन
गरेमा रक्तदान जीवनमा
हाम्रो योगदान मर्दैन ।
२//
देखाउन लेखाउन नखोज
पुण्य कमाउनुपर्छ हामीले
मानवता बाहेक नरोज ।
३//
जीवनमा धर्मकर्म गर्नैपर्छ
संसार केवल नाट्यशाला
भवसागर हामीले तर्नैपर्छ ।
✍️
घनश्याम पन्त
हरिवन सर्लाही
————-==———–
[६६]
१//
सकिँदैन रगत दिएर
केवल बन्छ आहारविहारले
जाँदैन शरीर खिएर ।
२//
रक्तदानले हुन्छ जीवनदान
बाँच्छ अर्को भने
दिन सङ्कोच नमान ।
३//
सृष्टिका अनमोल रत्न
अकस्मात् पर्छन् पीडामा
उठाउन गरौँ प्रयत्न ।
✍️
मनोहरी पौडेल
गैडाकोट १
————-==———–
[६७]
१//
बचाउँ मानवले मानव
मित्र सम्झी सबै
बसाउँ सुन्दर भव ।
२//
गराैँ रक्तदान सबले
आपसमा हामी मिलेर
सेवा गर्नु तनमनले।
✍️
हरिगाेपाल न्हुन्छेँप्रधान
काभ्रे, बनेपा १४ साँगा बजार ।
————-==———–
[६८]
१//
ठूलो कर्म जीवनदान
मर्न आँटेकालाई बचाउने
त्यत्तिकै ठूलो रक्तदान ।
२//
दानलाई स्थिरता चाहिन्छ
निस्वार्थ कर्म गरे
सुफल अवश्य पाइन्छ ।
✍️
नन्दलाल आचार्य
सिद्धार्थटोल, उदयपुर ।
————-==———–
[६९]
१//
जीवनको सुरक्षा गर्छ
राखेर सहयोगी भावना
हामीले रक्तदान गर्नुपर्छ ।
२//
खुसीमा मन रुँदैन
रक्तदान धर्म हो
यसमा भेद हुँदैन ।
३//
कसैको जीवन बचाउन
तुच्छ वचन पनि
हामीले सक्नुपर्छ पचाउन ।
✍️
लक्ष्मण देउवा डोटी
हाल भारत
————-==———–
[७०]
१//
मनुष्य चोला उपहार
नसोचौँ कुभलो कसैको
सहयोग ठूलो उपकार ।
२//
बाँच्दछ प्राणी रगतले
अरूको जीवन बचाउँदा
पुज्दछ सारा जगतले ।
३//
रगतको मूल्य अमूल्य
रक्तदान गरे अरूलाई
जीवन बन्छ मातृतुल्य ।
✍️
पद्मा काश्यप पाण्डे, मोरङ
————-==———–
[७१]
रक्तदान नै जीवनदान
चालाैँ अभियान सबैले
धर्म मिल्छ महान ।
✍️
काेपिला अधिकारी
सिरानचाेक -७ गाेरखा
————-==———–
[७२]
१//
पुण्यका लागि दान
सबैले महत्त्व बुझाैँ
उत्तम हो रक्तदान ।
२//
गरेर असल कर्म
रक्तदान जीवनदान जानी
कमाउँ मिलेर धर्म ।
३//
मिल्नेछ मीठो मेवा
नियमित रक्तदान गरी
गर्नुछ मान्छेको सेवा ।
✍️
जयनारायण नेपाल
————-==———–
[७३]
निरन्तर रक्तदान गरौँ
स्वस्थ व्यक्ति सबैले
पीडितमा खुसी छरौँ ।
✍️
पुष्पा राई
ऐसेलुखर्क, खोटाङ ।
————-==———–
[७४]
१//
अकालमा जाँदैन ज्यान
प्रष्ट पाएमा हामीले
चाहिने जति रक्तदान ।
२//
दुखीको दुःख हरौँ
पुण्य कार्य मानिन्छ
रक्तदान गर्ने गरौँ ।
३//
सेवा नै धर्म
पुण्य मिल्छ सधैँ
गरे राम्रो कर्म ।
✍️
सीमा कार्की समर्पण
मेलचोक पर्सा, नेपाल
—-<••:जय झिल्का! जय साहित्य!:••>—-